| Library / Tipiṭaka / ཏིཔིཊཀ • Tipiṭaka / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā |
༧. སཱིལཾཨཙེཏསིཀནྟིཀཐཱཝཎྞནཱ
7. Sīlaṃacetasikantikathāvaṇṇanā
༥༩༠-༥༩༤. ཋིཏེན ཨཝིནཊྛེན། ཨུཔཙཡེནཱཏི སཱིལབྷཱུཏེན ཀམྨཱུཔཙཡེན། ‘‘དཱནཾ ཨཙེཏསིཀ’’ནྟི ཀཐཱཡཾ ཝུཏྟནཡེནཱཏི ཡཐཱ ‘‘ན ཝཏྟབྦཾ ཙེཏསིཀོ དྷམྨོ དཱནནྟི? ཨཱམནྟཱ། དཱནཾ ཨནིཊྛཕལནྟི…པེ॰… ཏེན ཧི ཙེཏསིཀོ དྷམྨོ དཱན’’ནྟི པཱལི༹ པཝཏྟཱ, ཨེཝཾ ཏདནུསཱརེན ‘‘ན ཝཏྟབྦཾ ཙེཏསིཀཾ སཱིལནྟི? ཨཱམནྟཱ། སཱིལཾ ཨནིཊྛཕལ’’ནྟིཨཱདིནཱ སཱིལསྶ ཙེཏསིཀབྷཱཝསཱདྷཀཱནི སུཏྟཔདཱནི ཙ ཨཱནེཏྭཱ ཏདཏྠདསྶནཝསེན ཨཙེཏསིཀོ རཱུཔཱདིདྷམྨོ ཨཱཡཏིཾ ཝིཔཱཀཾ དེཏི། ཡདི སོ སཱིལཾ བྷཝེཡྻ, ཝིནཱ སཾཝརསམཱདཱནེན ཝིནཱ ཝིརཏིཡཱ སཱིལཝཱ ནཱམ སིཡཱ། ཡསྨཱ པན སམཱདཱནཙེཏནཱ ཝིརཏི སཾཝརོ སཱིལཾ, ཏསྨཱ ‘‘སཱིལཾ ཨིཊྛཕལཾ ཀནྟཕལ’’ནྟིཨཱདིནཱ ཡོཛནཱ ཀཱཏབྦཱཏི ཨིམམཏྠཾ སནྡྷཱཡ ཝུཏྟཾ ‘‘ཝུཏྟནཡེནཱ’’ཏི, ཝུཏྟནཡཱནུསཱརེནཱཏི ཨཏྠོ། ཡསྨཱ པན པཱལི༹ཡཾ ཡཐཱ ‘‘སཱིལཾ ཨཙེཏསིཀ’’ནྟི ཀཐཱ ཨཱགཏཱ, ཏཐཱ ‘‘དཱནཾ ཨཙེཏསིཀ’’ནྟི ཝིསུཾ ཨཱགཏཱ ཀཐཱ ནཏྠི, ཏསྨཱ ‘‘སཱ པན ཀཐཱ མགྒིཏབྦཱ’’ཏི ཝུཏྟཾ།
590-594. Ṭhitena avinaṭṭhena. Upacayenāti sīlabhūtena kammūpacayena. ‘‘Dānaṃ acetasika’’nti kathāyaṃ vuttanayenāti yathā ‘‘na vattabbaṃ cetasiko dhammo dānanti? Āmantā. Dānaṃ aniṭṭhaphalanti…pe… tena hi cetasiko dhammo dāna’’nti pāḷi pavattā, evaṃ tadanusārena ‘‘na vattabbaṃ cetasikaṃ sīlanti? Āmantā. Sīlaṃ aniṭṭhaphala’’ntiādinā sīlassa cetasikabhāvasādhakāni suttapadāni ca ānetvā tadatthadassanavasena acetasiko rūpādidhammo āyatiṃ vipākaṃ deti. Yadi so sīlaṃ bhaveyya, vinā saṃvarasamādānena vinā viratiyā sīlavā nāma siyā. Yasmā pana samādānacetanā virati saṃvaro sīlaṃ, tasmā ‘‘sīlaṃ iṭṭhaphalaṃ kantaphala’’ntiādinā yojanā kātabbāti imamatthaṃ sandhāya vuttaṃ ‘‘vuttanayenā’’ti, vuttanayānusārenāti attho. Yasmā pana pāḷiyaṃ yathā ‘‘sīlaṃ acetasika’’nti kathā āgatā, tathā ‘‘dānaṃ acetasika’’nti visuṃ āgatā kathā natthi, tasmā ‘‘sā pana kathā maggitabbā’’ti vuttaṃ.
སཱིལཾཨཙེཏསིཀནྟིཀཐཱཝཎྞནཱ ནིཊྛིཏཱ།
Sīlaṃacetasikantikathāvaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / ཀཐཱཝཏྠུཔཱལི༹ • Kathāvatthupāḷi / (༡༠༡) ༧. སཱིལཾ ཨཙེཏསིཀནྟིཀཐཱ • (101) 7. Sīlaṃ acetasikantikathā
ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā / ༧. སཱིལཾ ཨཙེཏསིཀནྟིཀཐཱཝཎྞནཱ • 7. Sīlaṃ acetasikantikathāvaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā / ༧. སཱིལཾཨཙེཏསིཀནྟིཀཐཱཝཎྞནཱ • 7. Sīlaṃacetasikantikathāvaṇṇanā
