Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā

    2. сийламаяан̃аан̣анид̣̇д̣̇зсаван̣н̣анаа

    2. Sīlamayañāṇaniddesavaṇṇanā

    37. сийламаяан̃аан̣анид̣̇д̣̇зсз бан̃жаад̇и г̇ан̣анабарижчзд̣̇о. сийлаанийд̇и барижчиннад̇хамманид̣̇ассанам̣. барияанд̇абаарисуд̣̇д̇хисийланд̇иаад̣̇и бан̃жаннам̣ саруубад̇о д̣̇ассанам̣. барияанд̇абаарисуд̣̇д̇хийд̇иаад̣̇ийсу яат̇аа нийлаван̣н̣аяог̇ад̇о вад̇т̇амби нийламасса ад̇т̇ийд̇и нийланд̇и вужжад̇и, звам̣ г̇ан̣анавасзна барияанд̇о барижчзд̣̇о ассаа ад̇т̇ийд̇и барияанд̇аа, убасамбаннасийлз бад̇д̇о анубасамбаннасийласса авасаанасаб̣бхаавад̇о ваа барияанд̇о авасаанам̣ ассаа ад̇т̇ийд̇и барияанд̇аа. сабарияанд̇аад̇и ваа вад̇д̇аб̣б̣з сагааралобо гад̇од̇и взд̣̇ид̇аб̣б̣о ‘‘д̣̇агам̣ д̣̇агаасаяаа бависанд̇ий’’д̇и (сам̣. ни. 3.78; а. ни. 4.33) зд̇т̇а угааралобо вияа. барисуд̣̇д̇хабхааво баарисуд̣̇д̇хи, барияанд̇аа жа саа баарисуд̣̇д̇хи жаад̇и барияанд̇абаарисуд̣̇д̇хи, барияанд̇абаарисуд̣̇д̇хисан̇каад̇ам̣ сийлам̣ барияанд̇абаарисуд̣̇д̇хисийлам̣. вуд̇д̇абадибагкзна на барияанд̇аад̇и абарияанд̇аа, над̇т̇и зд̇иссаа барияанд̇од̇иби абарияанд̇аа, вуд̣̇д̇хо зд̇иссаа барияанд̇од̇иби абарияанд̇аа. самаад̣̇аанад̇о бабхуд̇и акан̣д̣ид̇ад̇д̇аа кан̣д̣ид̇ааби гад̇абадигаммад̇д̇аа жид̇д̇уббаад̣̇амад̇д̇агзнааби малзна вирахид̇ад̇д̇аа жа барисуд̣̇д̇хаж̇аад̇иман̣и вияа суд̇ханд̇асубаригаммагад̇асуван̣н̣ам̣ вияа жа барисуд̣̇д̇хад̇д̇аа арияамаг̇г̇асса бад̣̇адтаанабхууд̇аа ануунадтзна барибуун̣н̣аа. д̣̇идтияаа бахийнад̇д̇аа д̣̇идтибараамаасзна аг̇г̇ахид̇ад̇д̇аа абараамадтаа.аяам̣ д̇з сийлз д̣̇осод̇и гзнажи жод̣̇агзна бараамасид̇ум̣ асаггун̣зяяад̇д̇аа ваа абараамадтаа. арахад̇д̇апалагкан̣з саб̣б̣ад̣̇арат̇абадиббассад̣̇д̇хияаа бадиббассад̣̇д̇хи. анубасамбаннаананд̇и анавасзсасамаад̣̇аанавасзна сийласамбад̣̇ааяа бхусам̣ самбаннаад̇и убасамбаннаа, на убасамбаннаа анубасамбаннаа. д̇зсам̣ анубасамбаннаанам̣.

    37. Sīlamayañāṇaniddese pañcāti gaṇanaparicchedo. Sīlānīti paricchinnadhammanidassanaṃ. Pariyantapārisuddhisīlantiādi pañcannaṃ sarūpato dassanaṃ. Pariyantapārisuddhītiādīsu yathā nīlavaṇṇayogato vatthampi nīlamassa atthīti nīlanti vuccati, evaṃ gaṇanavasena pariyanto paricchedo assā atthīti pariyantā, upasampannasīle patto anupasampannasīlassa avasānasabbhāvato vā pariyanto avasānaṃ assā atthīti pariyantā. Sapariyantāti vā vattabbe sakāralopo katoti veditabbo ‘‘dakaṃ dakāsayā pavisantī’’ti (saṃ. ni. 3.78; a. ni. 4.33) ettha ukāralopo viya. Parisuddhabhāvo pārisuddhi, pariyantā ca sā pārisuddhi cāti pariyantapārisuddhi, pariyantapārisuddhisaṅkhātaṃ sīlaṃ pariyantapārisuddhisīlaṃ. Vuttapaṭipakkhena na pariyantāti apariyantā, natthi etissā pariyantotipi apariyantā, vuddho etissā pariyantotipi apariyantā. Samādānato pabhuti akhaṇḍitattā khaṇḍitāpi katapaṭikammattā cittuppādamattakenāpi malena virahitattā ca parisuddhajātimaṇi viya sudhantasuparikammakatasuvaṇṇaṃ viya ca parisuddhattā ariyamaggassa padaṭṭhānabhūtā anūnaṭṭhena paripūṇṇā. Diṭṭhiyā pahīnattā diṭṭhiparāmāsena aggahitattā aparāmaṭṭhā.Ayaṃ te sīle dosoti kenaci codakena parāmasituṃ asakkuṇeyyattā vā aparāmaṭṭhā. Arahattaphalakkhaṇe sabbadarathapaṭippassaddhiyā paṭippassaddhi. Anupasampannānanti anavasesasamādānavasena sīlasampadāya bhusaṃ sampannāti upasampannā, na upasampannā anupasampannā. Tesaṃ anupasampannānaṃ.

    барияанд̇асигкаабад̣̇аананд̇и зд̇т̇а сигкид̇аб̣б̣адтзна сигкаа, годтаасадтзна бад̣̇аани, сигкид̇аб̣б̣агодтаасаанийд̇и ад̇т̇о. абижа сийлз бад̇идтид̇зна убарибад̇д̇аб̣б̣ад̇д̇аа саб̣б̣з гусалаа д̇хаммаа сигкаа, сийлаани д̇аасам̣ сигкаанам̣ бад̇идтадтзна бад̣̇аанийд̇и сигкаанам̣ бад̣̇ад̇д̇аа сигкаабад̣̇аани , барияанд̇аани сигкаабад̣̇аани зд̇зсанд̇и барияанд̇асигкаабад̣̇аа. д̇зсам̣ барияанд̇асигкаабад̣̇аанам̣. зд̇т̇а жа д̣̇вз барияанд̇аа сигкаабад̣̇абарияанд̇о жа гаалабарияанд̇о жа. гад̇амо сигкаабад̣̇абарияанд̇о? убаасагобаасигаанам̣ яат̇аасамаад̣̇аанавасзна згам̣ ваа д̣̇вз ваа д̇ийн̣и ваа жад̇д̇аари ваа бан̃жа ваа адта ваа д̣̇аса ваа сигкаабад̣̇аани хонд̇и, сигкамаанасааман̣зрасааман̣зрийнам̣ д̣̇аса сигкаабад̣̇аани. аяам̣ сигкаабад̣̇абарияанд̇о. гад̇амо гаалабарияанд̇о? убаасагобаасигаа д̣̇аанам̣ д̣̇ад̣̇амаанаа баривзсанабарияанд̇ам̣ сийлам̣ самаад̣̇ияанд̇и, вихаараг̇ад̇аа вихаарабарияанд̇ам̣ сийлам̣ самаад̣̇ияанд̇и, згам̣ ваа д̣̇вз ваа д̇аяо ваа бхияяо ваа рад̇д̇инд̣̇иваани барижчзд̣̇ам̣ гад̇ваа сийлам̣ самаад̣̇ияанд̇и. аяам̣ гаалабарияанд̇о. имзсу д̣̇вийсу барияанд̇зсу сигкаабад̣̇ам̣ барияанд̇ам̣ гад̇ваа самаад̣̇иннам̣ сийлам̣ вийд̇иггаманзна ваа маран̣зна ваа бадиббассамбхад̇и, гаалам̣ барияанд̇ам̣ гад̇ваа самаад̣̇иннам̣ д̇ам̣д̇ам̣гаалаад̇иггамзна бадиббассамбхад̇и.

    Pariyantasikkhāpadānanti ettha sikkhitabbaṭṭhena sikkhā, koṭṭhāsaṭṭhena padāni, sikkhitabbakoṭṭhāsānīti attho. Apica sīle patiṭṭhitena uparipattabbattā sabbe kusalā dhammā sikkhā, sīlāni tāsaṃ sikkhānaṃ patiṭṭhaṭṭhena padānīti sikkhānaṃ padattā sikkhāpadāni , pariyantāni sikkhāpadāni etesanti pariyantasikkhāpadā. Tesaṃ pariyantasikkhāpadānaṃ. Ettha ca dve pariyantā sikkhāpadapariyanto ca kālapariyanto ca. Katamo sikkhāpadapariyanto? Upāsakopāsikānaṃ yathāsamādānavasena ekaṃ vā dve vā tīṇi vā cattāri vā pañca vā aṭṭha vā dasa vā sikkhāpadāni honti, sikkhamānasāmaṇerasāmaṇerīnaṃ dasa sikkhāpadāni. Ayaṃ sikkhāpadapariyanto. Katamo kālapariyanto? Upāsakopāsikā dānaṃ dadamānā parivesanapariyantaṃ sīlaṃ samādiyanti, vihāragatā vihārapariyantaṃ sīlaṃ samādiyanti, ekaṃ vā dve vā tayo vā bhiyyo vā rattindivāni paricchedaṃ katvā sīlaṃ samādiyanti. Ayaṃ kālapariyanto. Imesu dvīsu pariyantesu sikkhāpadaṃ pariyantaṃ katvā samādinnaṃ sīlaṃ vītikkamanena vā maraṇena vā paṭippassambhati, kālaṃ pariyantaṃ katvā samādinnaṃ taṃtaṃkālātikkamena paṭippassambhati.

    абарияанд̇асигкаабад̣̇аананд̇и –

    Apariyantasikkhāpadānanti –

    ‘‘нава годисахассаани, асийд̇и сад̇агодияо;

    ‘‘Nava koṭisahassāni, asīti satakoṭiyo;

    бан̃н̃ааса сад̇асахассаани, чад̇д̇им̣са жа бунаабарз.

    Paññāsa satasahassāni, chattiṃsa ca punāpare.

    ‘‘зд̇з сам̣варавинаяаа, самб̣уд̣̇д̇хзна багаасид̇аа;

    ‘‘Ete saṃvaravinayā, sambuddhena pakāsitā;

    бзяяааламукзна нид̣̇д̣̇идтаа, сигкаа винаяасам̣варз’’д̇и. –

    Peyyālamukhena niddiṭṭhā, sikkhā vinayasaṃvare’’ti. –

    звам̣ г̇ан̣анавасзна барияанд̇аанамби сигкаабад̣̇аанам̣ анавасзсасамаад̣̇аанабхаававасзна лаабхаяасан̃аад̇иан̇г̇аж̇ийвид̇ахзд̇у ад̣̇идтабарияанд̇абхаававасзна убари рагкид̇аб̣б̣асийлабарижчзд̣̇аабхаававасзна жа над̇т̇и зд̇зсам̣ барияанд̇од̇и абарияанд̇аани. абарияанд̇аани сигкаабад̣̇аани зд̇зсанд̇и абарияанд̇асигкаабад̣̇аа. д̇зсам̣ абарияанд̇асигкаабад̣̇аанам̣, вуд̣̇д̇хабарияанд̇асигкаабад̣̇аананд̇и ваа ад̇т̇о.

    Evaṃ gaṇanavasena pariyantānampi sikkhāpadānaṃ anavasesasamādānabhāvavasena lābhayasañātiaṅgajīvitahetu adiṭṭhapariyantabhāvavasena upari rakkhitabbasīlaparicchedābhāvavasena ca natthi etesaṃ pariyantoti apariyantāni. Apariyantāni sikkhāpadāni etesanti apariyantasikkhāpadā. Tesaṃ apariyantasikkhāpadānaṃ, vuddhapariyantasikkhāpadānanti vā attho.

    бут̇уж̇ж̇анагаляаан̣агаананд̇иаад̣̇ийсу –

    Puthujjanakalyāṇakānantiādīsu –

    ‘‘бут̇уунам̣ ж̇ананаад̣̇ийхи, гааран̣зхи бут̇уж̇ж̇ано;

    ‘‘Puthūnaṃ jananādīhi, kāraṇehi puthujjano;

    бут̇уж̇ж̇ананд̇ог̇ад̇хад̇д̇аа, бут̇увааяам̣ ж̇ано ид̇и’’. –

    Puthujjanantogadhattā, puthuvāyaṃ jano iti’’. –

    вуд̇д̇абут̇уж̇ж̇аналагкан̣аанад̇иггамзби –

    Vuttaputhujjanalakkhaṇānatikkamepi –

    ‘‘д̣̇увз бут̇уж̇ж̇анаа вуд̇д̇аа, б̣уд̣̇д̇хзнаад̣̇ижжаб̣анд̇хунаа;

    ‘‘Duve puthujjanā vuttā, buddhenādiccabandhunā;

    анд̇хо бут̇уж̇ж̇ано зго, галяаан̣зго бут̇уж̇ж̇ано’’д̇и. –

    Andho puthujjano eko, kalyāṇeko puthujjano’’ti. –

    вуд̇д̇абут̇уж̇ж̇анад̣̇ваяз галяаан̣ад̇хаммасамааг̇амзна анд̇хабут̇уж̇ж̇анабхаавам̣ ад̇иггамма галяаан̣абут̇уж̇ж̇анабхаавз тид̇аанам̣ бут̇уж̇ж̇анагаляаан̣агаанам̣ галяаан̣абут̇уж̇ж̇анаананд̇и вуд̇д̇ам̣ ход̇и. бут̇уж̇ж̇анзсу ваа галяаан̣агаанам̣ бут̇уж̇ж̇анагаляаан̣агаанам̣.

    Vuttaputhujjanadvaye kalyāṇadhammasamāgamena andhaputhujjanabhāvaṃ atikkamma kalyāṇaputhujjanabhāve ṭhitānaṃ puthujjanakalyāṇakānaṃ kalyāṇaputhujjanānanti vuttaṃ hoti. Puthujjanesu vā kalyāṇakānaṃ puthujjanakalyāṇakānaṃ.

    гусалад̇хаммз яуд̇д̇аананд̇и зд̇т̇а гусаласад̣̇д̣̇о д̇аава аарог̇яаанаваж̇ж̇ачзгасукавибаагзсу д̣̇иссад̇и. аяан̃хи ‘‘гажжи ну бход̇о гусалам̣, гажжи бход̇о анаамаяа’’нд̇иаад̣̇ийсу (ж̇аа. 1.15.146; 2.20.129) аарог̇яз д̣̇иссад̇и. ‘‘гад̇амо бана, бханд̇з, гааяасамаажааро гусало? яо ко, махаарааж̇а, гааяасамаажааро анаваж̇ж̇о’’д̇и (ма. ни. 2.361) жа ‘‘буна жабарам̣, бханд̇з, зд̇ад̣̇аануд̇д̇арияам̣ яат̇аа бхаг̇аваа д̇хаммам̣ д̣̇зсзд̇и гусалзсу д̇хаммзсуу’’д̇и жа (д̣̇ий. ни. 3.145) звамаад̣̇ийсу анаваж̇ж̇з. ‘‘гусало д̇вам̣ рат̇асса ан̇г̇абажжан̇г̇аанам̣ (ма. ни. 2.87), гусалаа нажжаг̇ийд̇асса сигкид̇аа жаад̇урид̇т̇ияо’’д̇иаад̣̇ийсу (ж̇аа. 2.22.94) чзгз. ‘‘гусалаанам̣, бхигкавз, д̇хаммаанам̣ самаад̣̇аанахзд̇у (д̣̇ий. ни. 3.80). гусаласса гаммасса гад̇ад̇д̇аа убажид̇ад̇д̇аа’’д̇иаад̣̇ийсу (д̇ха. са. 431) сукавибаагз. свааяамид̇ха аарог̇язби анаваж̇ж̇зби сукавибаагзби ваддад̇и.

    Kusaladhamme yuttānanti ettha kusalasaddo tāva ārogyānavajjachekasukhavipākesu dissati. Ayañhi ‘‘kacci nu bhoto kusalaṃ, kacci bhoto anāmaya’’ntiādīsu (jā. 1.15.146; 2.20.129) ārogye dissati. ‘‘Katamo pana, bhante, kāyasamācāro kusalo? Yo kho, mahārāja, kāyasamācāro anavajjo’’ti (ma. ni. 2.361) ca ‘‘puna caparaṃ, bhante, etadānuttariyaṃ yathā bhagavā dhammaṃ deseti kusalesu dhammesū’’ti ca (dī. ni. 3.145) evamādīsu anavajje. ‘‘Kusalo tvaṃ rathassa aṅgapaccaṅgānaṃ (ma. ni. 2.87), kusalā naccagītassa sikkhitā cāturitthiyo’’tiādīsu (jā. 2.22.94) cheke. ‘‘Kusalānaṃ, bhikkhave, dhammānaṃ samādānahetu (dī. ni. 3.80). Kusalassa kammassa katattā upacitattā’’tiādīsu (dha. sa. 431) sukhavipāke. Svāyamidha ārogyepi anavajjepi sukhavipākepi vaṭṭati.

    важанад̇т̇о банзд̇т̇а гужчид̇з баабагз д̇хаммз салаяанд̇и жалаяанд̇и гамбзнд̇и вид̣̇д̇хам̣сзнд̇ийд̇и гусалаа. гужчид̇зна ваа аагаарзна саяанд̇и бавад̇д̇анд̇ийд̇и гусаа, д̇з гусз лунанд̇и чинд̣̇анд̇ийд̇и гусалаа. гужчид̇аанам̣ ваа саанад̇о д̇анугаран̣ад̇о гусам̣ н̃аан̣ам̣. д̇зна гусзна лаад̇аб̣б̣аа г̇ахзд̇аб̣б̣аа бавад̇д̇зд̇аб̣б̣аад̇и гусалаа, яат̇аа ваа гусаа убхаяабхааг̇аг̇ад̇ам̣ хад̇т̇аббад̣̇зсам̣ лунанд̇и, звамимзби уббаннаануббаннабхаавзна убхаяабхааг̇аг̇ад̇ам̣ сам̣гилзсабагкам̣ лунанд̇и, д̇асмаа гусаа вияа лунанд̇ийд̇и гусалаа. абижа аарог̇яадтзна анаваж̇ж̇адтзна госалласамбхууд̇адтзна ваа гусалаа. ид̇ха бана яасмаа вибассанаагусаламзва ад̇хиббзд̇ам̣, д̇асмаа сзсз вихааяа д̇ассзва д̣̇ассанад̇т̇ам̣ ‘‘гусалад̇хаммз’’д̇и згаважанам̣ гад̇анд̇и взд̣̇ид̇аб̣б̣ам̣. вибассанаагусалад̇хаммз саад̇ажжагирияад̇ааяа саггажжагаарид̇ааяа жа яуд̇д̇аананд̇и ад̇т̇о.

    Vacanattho panettha kucchite pāpake dhamme salayanti calayanti kampenti viddhaṃsentīti kusalā. Kucchitena vā ākārena sayanti pavattantīti kusā, te kuse lunanti chindantīti kusalā. Kucchitānaṃ vā sānato tanukaraṇato kusaṃ ñāṇaṃ. Tena kusena lātabbā gahetabbā pavattetabbāti kusalā, yathā vā kusā ubhayabhāgagataṃ hatthappadesaṃ lunanti, evamimepi uppannānuppannabhāvena ubhayabhāgagataṃ saṃkilesapakkhaṃ lunanti, tasmā kusā viya lunantīti kusalā. Apica ārogyaṭṭhena anavajjaṭṭhena kosallasambhūtaṭṭhena vā kusalā. Idha pana yasmā vipassanākusalameva adhippetaṃ, tasmā sese vihāya tasseva dassanatthaṃ ‘‘kusaladhamme’’ti ekavacanaṃ katanti veditabbaṃ. Vipassanākusaladhamme sātaccakiriyatāya sakkaccakāritāya ca yuttānanti attho.

    сзгкабарияанд̇з барибуурагаарийнанд̇и зд̇т̇а д̇ийсу сигкаасу ж̇аад̇аад̇иби сзгкаа, сад̇д̇аннам̣ сзгкаанам̣ зд̇зд̇иби сзгкаа, саяамзва сигканд̇ийд̇иби сзгкаа . сод̇аабад̇д̇имаг̇г̇апаласагад̣̇ааг̇аамимаг̇г̇апалаанааг̇аамимаг̇г̇апалаарахад̇д̇амаг̇г̇ад̇хаммаа . д̇з сзгкаа д̇хаммаа барияанд̇з авасаанз зд̇асса, д̇з ваа сзгкаа д̇хаммаа барияанд̇о барижчзд̣̇о зд̇ассаад̇и сзгкабарияанд̇о. д̇асмим̣ сзгкабарияанд̇з д̇хаммзд̇и самб̣анд̇хо. барибуурам̣ барибун̣н̣ад̇ам̣ гаронд̇ийд̇и барибуурагаарино, барибуурагааро барибуурагирияаа зд̇зсам̣ ад̇т̇ийд̇и ваа барибуурагаарино. д̇зсам̣ сод̇аабад̇д̇имаг̇г̇асса буб̣б̣абхааг̇абхууд̇з сзгкабарияанд̇з бадибад̣̇аад̇хаммз вибассанаабаарибуурияаа барибуурагаарийнам̣. гааяз жа ж̇ийвид̇з жа анабзгкаананд̇и зд̇т̇а гааязд̇и сарийрз. сарийран̃хи асужисан̃жаяад̇о гужчид̇аанан̃жа гзсаад̣̇ийнам̣ жагкурог̇аад̣̇ийнан̃жа рог̇асад̇аанам̣ ааяабхууд̇ад̇д̇аа гааяод̇и вужжад̇и. ж̇ийвид̇зд̇и ж̇ийвид̇инд̣̇рияз. д̇ан̃хи ж̇ийванд̇и д̇знаад̇и ж̇ийвид̇анд̇и вужжад̇и. над̇т̇и зд̇зсам̣ абзгкаад̇и анабзгкаа, ниссинзхаад̇и ад̇т̇о. д̇зсам̣ д̇асмим̣ гааяз жа ж̇ийвид̇з жа анабзгкаанам̣.

    Sekkhapariyante paripūrakārīnanti ettha tīsu sikkhāsu jātātipi sekkhā, sattannaṃ sekkhānaṃ etetipi sekkhā, sayameva sikkhantītipi sekkhā . Sotāpattimaggaphalasakadāgāmimaggaphalaanāgāmimaggaphalaarahattamaggadhammā . Te sekkhā dhammā pariyante avasāne etassa, te vā sekkhā dhammā pariyanto paricchedo etassāti sekkhapariyanto. Tasmiṃ sekkhapariyante dhammeti sambandho. Paripūraṃ paripuṇṇataṃ karontīti paripūrakārino, paripūrakāro paripūrakiriyā etesaṃ atthīti vā paripūrakārino. Tesaṃ sotāpattimaggassa pubbabhāgabhūte sekkhapariyante paṭipadādhamme vipassanāpāripūriyā paripūrakārīnaṃ. Kāye ca jīvite ca anapekkhānanti ettha kāyeti sarīre. Sarīrañhi asucisañcayato kucchitānañca kesādīnaṃ cakkhurogādīnañca rogasatānaṃ āyabhūtattā kāyoti vuccati. Jīviteti jīvitindriye. Tañhi jīvanti tenāti jīvitanti vuccati. Natthi etesaṃ apekkhāti anapekkhā, nissinehāti attho. Tesaṃ tasmiṃ kāye ca jīvite ca anapekkhānaṃ.

    ид̣̇аани д̇зсам̣ д̇зсу анабзгкад̇д̇асса гааран̣ам̣ д̣̇ассзнд̇о барижжад̇д̇аж̇ийвид̇аананд̇и ааха. бхаг̇авад̇о аажарияасса ваа сагаж̇ийвид̇абарижжааг̇знзва хи д̇з гиламамаанзби гааяз винассамаанзби ж̇ийвид̇з анабзгкаа хонд̇ийд̇и. сад̇д̇аннам̣ сзгкаананд̇и сигканд̇ийд̇и сзгкаад̇и лад̣̇д̇ханаамаанам̣ сод̇аабад̇д̇имаг̇г̇адтаад̣̇ийнам̣ сад̇д̇аннам̣ арияабуг̇г̇алаанам̣. д̇ат̇ааг̇ад̇асаавагаананд̇и д̇ат̇ааг̇ад̇асса саавагаанам̣. адтаби хи арияабуг̇г̇алаа савананд̇з арияааяа ж̇аад̇ияаа ж̇аад̇ад̇д̇аа бхаг̇авад̇о д̣̇зсанам̣ анусидтим̣ авзжжаббасаад̣̇аяог̇зна саггажжам̣ сун̣анд̇ийд̇и саавагаа. д̇зсуби арахад̇д̇апаладтзязва висзсзд̇ваа д̣̇ассзнд̇о кийн̣аасаваананд̇и ааха, арахад̇д̇амаг̇г̇ан̃аан̣зна баригкийн̣асаб̣б̣аасаваананд̇и ад̇т̇о. бажжзгаб̣уд̣̇д̇хаананд̇и д̇ам̣ д̇ам̣ гааран̣ам̣ бадижжа згова анаажарияаго жад̇усажжам̣ б̣уж̇жхид̇аваад̇и бажжзгаб̣уд̣̇д̇хо. д̇аад̣̇исаанам̣ бажжзгаб̣уд̣̇д̇хаанам̣.

    Idāni tesaṃ tesu anapekkhattassa kāraṇaṃ dassento pariccattajīvitānanti āha. Bhagavato ācariyassa vā sakajīvitapariccāgeneva hi te kilamamānepi kāye vinassamānepi jīvite anapekkhā hontīti. Sattannaṃ sekkhānanti sikkhantīti sekkhāti laddhanāmānaṃ sotāpattimaggaṭṭhādīnaṃ sattannaṃ ariyapuggalānaṃ. Tathāgatasāvakānanti tathāgatassa sāvakānaṃ. Aṭṭhapi hi ariyapuggalā savanante ariyāya jātiyā jātattā bhagavato desanaṃ anusiṭṭhiṃ aveccappasādayogena sakkaccaṃ suṇantīti sāvakā. Tesupi arahattaphalaṭṭheyeva visesetvā dassento khīṇāsavānanti āha, arahattamaggañāṇena parikkhīṇasabbāsavānanti attho. Paccekabuddhānanti taṃ taṃ kāraṇaṃ paṭicca ekova anācariyako catusaccaṃ bujjhitavāti paccekabuddho. Tādisānaṃ paccekabuddhānaṃ.

    д̇ат̇ааг̇ад̇аананд̇и зд̇т̇а адтахи гааран̣зхи бхаг̇аваа д̇ат̇ааг̇ад̇о – д̇ат̇аа ааг̇ад̇од̇и д̇ат̇ааг̇ад̇о, д̇ат̇аа г̇ад̇од̇и д̇ат̇ааг̇ад̇о, д̇ат̇алагкан̣ам̣ ааг̇ад̇од̇и д̇ат̇ааг̇ад̇о, д̇ат̇ад̇хаммз яаат̇аавад̇о абхисамб̣уд̣̇д̇ход̇и д̇ат̇ааг̇ад̇о, д̇ат̇ад̣̇ассид̇ааяа д̇ат̇ааг̇ад̇о, д̇ат̇аваад̣̇ид̇ааяа д̇ат̇ааг̇ад̇о, д̇ат̇аа гаарид̇ааяа д̇ат̇ааг̇ад̇о, абхибхаванадтзна д̇ат̇ааг̇ад̇о.

    Tathāgatānanti ettha aṭṭhahi kāraṇehi bhagavā tathāgato – tathā āgatoti tathāgato, tathā gatoti tathāgato, tathalakkhaṇaṃ āgatoti tathāgato, tathadhamme yāthāvato abhisambuddhoti tathāgato, tathadassitāya tathāgato, tathavāditāya tathāgato, tathā kāritāya tathāgato, abhibhavanaṭṭhena tathāgato.

    гат̇ам̣ бхаг̇аваа д̇ат̇аа ааг̇ад̇од̇и д̇ат̇ааг̇ад̇о? яат̇аа саб̣б̣алогахид̇ааяа уссуггамаабаннаа буримагаа саммаасамб̣уд̣̇д̇хаа ааг̇ад̇аа. гим̣ вуд̇д̇ам̣ ход̇и? язнаабхинийхаарзна буримагаа бхаг̇аванд̇о ааг̇ад̇аа, д̇знзва амхаагамби бхаг̇аваа ааг̇ад̇о. ат̇а ваа яат̇аа буримагаа бхаг̇аванд̇о д̣̇аанасийланзгкаммабан̃н̃аавийрияаканд̇исажжаад̇хидтаанамзд̇д̇убзгкаасан̇каад̇аа д̣̇аса баарамияо, д̣̇аса убабаарамияо, д̣̇аса барамад̇т̇абаарамияод̇и самад̇им̣са баарамияо буурзд̇ваа ан̇г̇абарижжааг̇ам̣ наяанад̇ханараж̇ж̇абуд̇д̇ад̣̇аарабарижжааг̇анд̇и имз бан̃жа махаабарижжааг̇з барижжаж̇ид̇ваа, буб̣б̣аяог̇абуб̣б̣ажарияад̇хаммагкаанан̃аад̇ад̇т̇ажарияаад̣̇аяо буурзд̇ваа б̣уд̣̇д̇хижарияааяа годим̣ бад̇ваа ааг̇ад̇аа, д̇ат̇аа амхаагамби бхаг̇аваа ааг̇ад̇о. яат̇аа жа буримагаа бхаг̇аванд̇о жад̇д̇ааро сад̇ибадтаанз жад̇д̇ааро саммаббад̇хаанз жад̇д̇ааро ид̣̇д̇хибаад̣̇з бан̃жинд̣̇рияаани бан̃жа б̣алаани сад̇д̇а б̣ож̇жхан̇г̇з арияам̣ адтан̇г̇игам̣ маг̇г̇ам̣ бхаавзд̇ваа б̣руухзд̇ваа ааг̇ад̇аа, д̇ат̇аа амхаагамби бхаг̇аваа ааг̇ад̇од̇и д̇ат̇ааг̇ад̇о.

    Kathaṃ bhagavā tathā āgatoti tathāgato? Yathā sabbalokahitāya ussukkamāpannā purimakā sammāsambuddhā āgatā. Kiṃ vuttaṃ hoti? Yenābhinīhārena purimakā bhagavanto āgatā, teneva amhākampi bhagavā āgato. Atha vā yathā purimakā bhagavanto dānasīlanekkhammapaññāvīriyakhantisaccādhiṭṭhānamettupekkhāsaṅkhātā dasa pāramiyo, dasa upapāramiyo, dasa paramatthapāramiyoti samatiṃsa pāramiyo pūretvā aṅgapariccāgaṃ nayanadhanarajjaputtadārapariccāganti ime pañca mahāpariccāge pariccajitvā, pubbayogapubbacariyadhammakkhānañātatthacariyādayo pūretvā buddhicariyāya koṭiṃ patvā āgatā, tathā amhākampi bhagavā āgato. Yathā ca purimakā bhagavanto cattāro satipaṭṭhāne cattāro sammappadhāne cattāro iddhipāde pañcindriyāni pañca balāni satta bojjhaṅge ariyaṃ aṭṭhaṅgikaṃ maggaṃ bhāvetvā brūhetvā āgatā, tathā amhākampi bhagavā āgatoti tathāgato.

    ‘‘яат̇зва д̣̇ийбан̇гараб̣уд̣̇д̇хааад̣̇аяо, саб̣б̣ан̃н̃убхаавам̣ мунаяо ид̇хааг̇ад̇аа;

    ‘‘Yatheva dīpaṅkarabuddhaādayo, sabbaññubhāvaṃ munayo idhāgatā;

    д̇ат̇аа аяам̣ сагяамунийби ааг̇ад̇о, д̇ат̇ааг̇ад̇о вужжад̇и д̇зна жагкумаа’’д̇и.

    Tathā ayaṃ sakyamunīpi āgato, tathāgato vuccati tena cakkhumā’’ti.

    гат̇ам̣ д̇ат̇аа г̇ад̇од̇и д̇ат̇ааг̇ад̇о? яат̇аа самбад̇иж̇аад̇аа буримагаа бхаг̇аванд̇о г̇ад̇аа. гат̇ан̃жа д̇з г̇ад̇аа? д̇з хи самбад̇иж̇аад̇аа самзхи баад̣̇зхи бат̇авияам̣ бад̇идтааяа уд̇д̇арзнамукаа сад̇д̇абад̣̇авийд̇ихаарзна г̇ад̇аа. яат̇ааха ‘‘самбад̇иж̇аад̇о, аананд̣̇а, б̣од̇хисад̇д̇о самзхи баад̣̇зхи бат̇авияам̣ бад̇идтахид̇ваа уд̇д̇араабхимуко сад̇д̇абад̣̇авийд̇ихаарзна г̇ажчад̇и сзд̇амхи чад̇д̇з ануд̇хаараяамаанз, саб̣б̣аа жа д̣̇исаа анувилогзд̇и, аасабхин̃жа ваажам̣ бхаасад̇и ‘аг̇г̇охамасми логасса, ж̇здтохамасми логасса, сздтохамасми логасса, аяаманд̇имаа ж̇аад̇и, над̇т̇и д̣̇аани бунаб̣бхаво’’’д̇и (ма. ни. 3.207; д̣̇ий. ни. 2.31). д̇ан̃жасса г̇аманам̣ д̇ат̇ам̣ ахоси авид̇ат̇ам̣ анзгзсам̣ висзсаад̇хиг̇амаанам̣ буб̣б̣анимид̇д̇абхаавзна. яан̃хи со самбад̇иж̇аад̇о самзхи баад̣̇зхи бад̇идтахи, ид̣̇амасса жад̇урид̣̇д̇хибаад̣̇абадилаабхасса буб̣б̣анимид̇д̇ам̣, уд̇д̇арамукабхааво банасса саб̣б̣алогуд̇д̇арабхаавасса буб̣б̣анимид̇д̇ам̣, сад̇д̇абад̣̇авийд̇ихааро сад̇д̇аб̣ож̇жхан̇г̇арад̇анабадилаабхасса буб̣б̣анимид̇д̇ам̣, ‘‘суван̣н̣ад̣̇ан̣д̣аа вийд̇ибад̇анд̇и жаамараа’’д̇и (су. ни. 693) зд̇т̇а вуд̇д̇ажаамаругкзбо бана саб̣б̣ад̇ид̇т̇ияаниммат̇анасса буб̣б̣анимид̇д̇ам̣, сзд̇ажчад̇д̇ад̇хааран̣ам̣ арахад̇д̇апалавимуд̇д̇иваравималасзд̇ажчад̇д̇абадилаабхасса буб̣б̣анимид̇д̇ам̣, саб̣б̣аад̣̇исаанувилоганам̣ саб̣б̣ан̃н̃уд̇аанааваран̣ан̃аан̣абадилаабхасса буб̣б̣анимид̇д̇ам̣, аасабхиваажаабхаасанам̣ бана аббадивад̇д̇ияаварад̇хаммажаггаббавад̇д̇анасса буб̣б̣анимид̇д̇ам̣. д̇ат̇ааяам̣ бхаг̇авааби г̇ад̇о. д̇ан̃жасса г̇аманам̣ д̇ат̇ам̣ ахоси авид̇ат̇ам̣ д̇зсам̣язва висзсаад̇хиг̇амаанам̣ буб̣б̣анимид̇д̇абхаавзна. д̇знааху бораан̣аа –

    Kathaṃ tathā gatoti tathāgato? Yathā sampatijātā purimakā bhagavanto gatā. Kathañca te gatā? Te hi sampatijātā samehi pādehi pathaviyaṃ patiṭṭhāya uttarenamukhā sattapadavītihārena gatā. Yathāha ‘‘sampatijāto, ānanda, bodhisatto samehi pādehi pathaviyaṃ patiṭṭhahitvā uttarābhimukho sattapadavītihārena gacchati setamhi chatte anudhārayamāne, sabbā ca disā anuviloketi, āsabhiñca vācaṃ bhāsati ‘aggohamasmi lokassa, jeṭṭhohamasmi lokassa, seṭṭhohamasmi lokassa, ayamantimā jāti, natthi dāni punabbhavo’’’ti (ma. ni. 3.207; dī. ni. 2.31). Tañcassa gamanaṃ tathaṃ ahosi avitathaṃ anekesaṃ visesādhigamānaṃ pubbanimittabhāvena. Yañhi so sampatijāto samehi pādehi patiṭṭhahi, idamassa caturiddhipādapaṭilābhassa pubbanimittaṃ, uttaramukhabhāvo panassa sabbalokuttarabhāvassa pubbanimittaṃ, sattapadavītihāro sattabojjhaṅgaratanapaṭilābhassa pubbanimittaṃ, ‘‘suvaṇṇadaṇḍā vītipatanti cāmarā’’ti (su. ni. 693) ettha vuttacāmarukkhepo pana sabbatitthiyanimmathanassa pubbanimittaṃ, setacchattadhāraṇaṃ arahattaphalavimuttivaravimalasetacchattapaṭilābhassa pubbanimittaṃ, sabbādisānuvilokanaṃ sabbaññutānāvaraṇañāṇapaṭilābhassa pubbanimittaṃ, āsabhivācābhāsanaṃ pana appaṭivattiyavaradhammacakkappavattanassa pubbanimittaṃ. Tathāyaṃ bhagavāpi gato. Tañcassa gamanaṃ tathaṃ ahosi avitathaṃ tesaṃyeva visesādhigamānaṃ pubbanimittabhāvena. Tenāhu porāṇā –

    ‘‘мухуд̇д̇аж̇аад̇ова г̇авам̣бад̇ий яат̇аа, самзхи баад̣̇зхи пусий васунд̇харам̣;

    ‘‘Muhuttajātova gavaṃpatī yathā, samehi pādehi phusī vasundharaṃ;

    со виггамий сад̇д̇а бад̣̇аани г̇од̇амо, сзд̇ан̃жа чад̇д̇ам̣ ануд̇хаараяум̣ маруу.

    So vikkamī satta padāni gotamo, setañca chattaṃ anudhārayuṃ marū.

    ‘‘г̇анд̇ваана со сад̇д̇а бад̣̇аани г̇од̇амо, д̣̇исаа вилогзси самаа саманд̇ад̇о;

    ‘‘Gantvāna so satta padāni gotamo, disā vilokesi samā samantato;

    адтан̇г̇убзд̇ам̣ г̇ирамаб̣бхуд̣̇ийраяи, сийхо яат̇аа баб̣б̣ад̇амуд̣̇д̇ханидтид̇о’’д̇и.

    Aṭṭhaṅgupetaṃ giramabbhudīrayi, sīho yathā pabbatamuddhaniṭṭhito’’ti.

    звам̣ д̇ат̇аа г̇ад̇од̇и д̇ат̇ааг̇ад̇о.

    Evaṃ tathā gatoti tathāgato.

    ат̇а ваа яат̇аа буримагаа бхаг̇аванд̇о, аяамби бхаг̇аваа д̇ат̇зва нзгкаммзна гаамажчанд̣̇ам̣…бз… батамаж̇жхаанзна нийваран̣з…бз… анижжаанубассанааяа нижжасан̃н̃ам̣…бз… арахад̇д̇амаг̇г̇зна саб̣б̣агилзсз бахааяа г̇ад̇о. звамби д̇ат̇аа г̇ад̇од̇и д̇ат̇ааг̇ад̇о.

    Atha vā yathā purimakā bhagavanto, ayampi bhagavā tatheva nekkhammena kāmacchandaṃ…pe… paṭhamajjhānena nīvaraṇe…pe… aniccānupassanāya niccasaññaṃ…pe… arahattamaggena sabbakilese pahāya gato. Evampi tathā gatoti tathāgato.

    гат̇ам̣ д̇ат̇алагкан̣ам̣ ааг̇ад̇од̇и д̇ат̇ааг̇ад̇о? бат̇авийд̇хаад̇уяаа гагкал̣ад̇д̇алагкан̣ам̣ д̇ат̇ам̣ авид̇ат̇ам̣, аабод̇хаад̇уяаа баг̇гхаран̣алагкан̣ам̣, д̇зж̇од̇хаад̇уяаа ун̣хад̇д̇алагкан̣ам̣, вааяод̇хаад̇уяаа вид̇т̇амбханалагкан̣ам̣, аагаасад̇хаад̇уяаа асампудталагкан̣ам̣, вин̃н̃аан̣ад̇хаад̇уяаа виж̇аананалагкан̣ам̣.

    Kathaṃ tathalakkhaṇaṃ āgatoti tathāgato? Pathavīdhātuyā kakkhaḷattalakkhaṇaṃ tathaṃ avitathaṃ, āpodhātuyā paggharaṇalakkhaṇaṃ, tejodhātuyā uṇhattalakkhaṇaṃ, vāyodhātuyā vitthambhanalakkhaṇaṃ, ākāsadhātuyā asamphuṭṭhalakkhaṇaṃ, viññāṇadhātuyā vijānanalakkhaṇaṃ.

    руубасса руббаналагкан̣ам̣, взд̣̇анааяа взд̣̇аяид̇алагкан̣ам̣, сан̃н̃ааяа сан̃ж̇аананалагкан̣ам̣, сан̇каараанам̣ абхисан̇каран̣алагкан̣ам̣, вин̃н̃аан̣асса виж̇аананалагкан̣ам̣.

    Rūpassa ruppanalakkhaṇaṃ, vedanāya vedayitalakkhaṇaṃ, saññāya sañjānanalakkhaṇaṃ, saṅkhārānaṃ abhisaṅkharaṇalakkhaṇaṃ, viññāṇassa vijānanalakkhaṇaṃ.

    вид̇аггасса абхиниробаналагкан̣ам̣, вижаарасса анумаж̇ж̇аналагкан̣ам̣, бийд̇ияаа паран̣алагкан̣ам̣, сукасса саад̇алагкан̣ам̣, жид̇д̇згаг̇г̇ад̇ааяа авигкзбалагкан̣ам̣, пассасса пусаналагкан̣ам̣.

    Vitakkassa abhiniropanalakkhaṇaṃ, vicārassa anumajjanalakkhaṇaṃ, pītiyā pharaṇalakkhaṇaṃ, sukhassa sātalakkhaṇaṃ, cittekaggatāya avikkhepalakkhaṇaṃ, phassassa phusanalakkhaṇaṃ.

    сад̣̇д̇хинд̣̇рияасса ад̇химогкалагкан̣ам̣, вийрияинд̣̇рияасса баг̇г̇ахалагкан̣ам̣, сад̇инд̣̇рияасса убадтааналагкан̣ам̣, самаад̇хинд̣̇рияасса авигкзбалагкан̣ам̣, бан̃н̃инд̣̇рияасса баж̇аананалагкан̣ам̣.

    Saddhindriyassa adhimokkhalakkhaṇaṃ, vīriyindriyassa paggahalakkhaṇaṃ, satindriyassa upaṭṭhānalakkhaṇaṃ, samādhindriyassa avikkhepalakkhaṇaṃ, paññindriyassa pajānanalakkhaṇaṃ.

    сад̣̇д̇хааб̣аласса ассад̣̇д̇хияз агамбияалагкан̣ам̣, вийрияаб̣аласса госаж̇ж̇з, сад̇иб̣аласса мудтассажжз, самаад̇хиб̣аласса уд̣̇д̇хажжз, бан̃н̃ааб̣аласса авиж̇ж̇ааяа агамбияалагкан̣ам̣.

    Saddhābalassa assaddhiye akampiyalakkhaṇaṃ, vīriyabalassa kosajje, satibalassa muṭṭhassacce, samādhibalassa uddhacce, paññābalassa avijjāya akampiyalakkhaṇaṃ.

    сад̇исамб̣ож̇жхан̇г̇асса убадтааналагкан̣ам̣, д̇хаммавижаяасамб̣ож̇жхан̇г̇асса бавижаяалагкан̣ам̣, вийрияасамб̣ож̇жхан̇г̇асса баг̇г̇ахалагкан̣ам̣, бийд̇исамб̣ож̇жхан̇г̇асса паран̣алагкан̣ам̣, бассад̣̇д̇хисамб̣ож̇жхан̇г̇асса убасамалагкан̣ам̣, самаад̇хисамб̣ож̇жхан̇г̇асса авигкзбалагкан̣ам̣, убзгкаасамб̣ож̇жхан̇г̇асса бадисан̇кааналагкан̣ам̣.

    Satisambojjhaṅgassa upaṭṭhānalakkhaṇaṃ, dhammavicayasambojjhaṅgassa pavicayalakkhaṇaṃ, vīriyasambojjhaṅgassa paggahalakkhaṇaṃ, pītisambojjhaṅgassa pharaṇalakkhaṇaṃ, passaddhisambojjhaṅgassa upasamalakkhaṇaṃ, samādhisambojjhaṅgassa avikkhepalakkhaṇaṃ, upekkhāsambojjhaṅgassa paṭisaṅkhānalakkhaṇaṃ.

    саммаад̣̇идтияаа д̣̇ассаналагкан̣ам̣, саммаасан̇габбасса абхиниробаналагкан̣ам̣, саммааваажааяа бариг̇г̇ахалагкан̣ам̣, саммаагамманд̇асса самудтааналагкан̣ам̣, саммааааж̇ийвасса вод̣̇ааналагкан̣ам̣, саммаавааяаамасса баг̇г̇ахалагкан̣ам̣, саммаасад̇ияаа убадтааналагкан̣ам̣, саммаасамаад̇хисса авигкзбалагкан̣ам̣.

    Sammādiṭṭhiyā dassanalakkhaṇaṃ, sammāsaṅkappassa abhiniropanalakkhaṇaṃ, sammāvācāya pariggahalakkhaṇaṃ, sammākammantassa samuṭṭhānalakkhaṇaṃ, sammāājīvassa vodānalakkhaṇaṃ, sammāvāyāmassa paggahalakkhaṇaṃ, sammāsatiyā upaṭṭhānalakkhaṇaṃ, sammāsamādhissa avikkhepalakkhaṇaṃ.

    авиж̇ж̇ааяа ан̃н̃аан̣алагкан̣ам̣, сан̇каараанам̣ жзд̇анаалагкан̣ам̣, вин̃н̃аан̣асса виж̇аананалагкан̣ам̣, наамасса наманалагкан̣ам̣, руубасса руббаналагкан̣ам̣, сал̣ааяад̇анасса ааяад̇аналагкан̣ам̣, пассасса пусаналагкан̣ам̣, взд̣̇анааяа взд̣̇аяид̇алагкан̣ам̣, д̇ан̣хааяа хзд̇улагкан̣ам̣, убаад̣̇аанасса г̇ахан̣алагкан̣ам̣, бхавасса ааяууханалагкан̣ам̣, ж̇аад̇ияаа ниб̣б̣ад̇д̇илагкан̣ам̣, ж̇арааяа ж̇ийран̣алагкан̣ам̣, маран̣асса жуд̇илагкан̣ам̣.

    Avijjāya aññāṇalakkhaṇaṃ, saṅkhārānaṃ cetanālakkhaṇaṃ, viññāṇassa vijānanalakkhaṇaṃ, nāmassa namanalakkhaṇaṃ, rūpassa ruppanalakkhaṇaṃ, saḷāyatanassa āyatanalakkhaṇaṃ, phassassa phusanalakkhaṇaṃ, vedanāya vedayitalakkhaṇaṃ, taṇhāya hetulakkhaṇaṃ, upādānassa gahaṇalakkhaṇaṃ, bhavassa āyūhanalakkhaṇaṃ, jātiyā nibbattilakkhaṇaṃ, jarāya jīraṇalakkhaṇaṃ, maraṇassa cutilakkhaṇaṃ.

    д̇хаад̇уунам̣ сун̃н̃ад̇аалагкан̣ам̣, ааяад̇анаанам̣ ааяад̇аналагкан̣ам̣, сад̇ибадтаанаанам̣ убадтааналагкан̣ам̣, саммаббад̇хаанаанам̣ бад̣̇аханалагкан̣ам̣, ид̣̇д̇хибаад̣̇аанам̣ иж̇жханалагкан̣ам̣, инд̣̇рияаанам̣ ад̇хибад̇илагкан̣ам̣, б̣алаанам̣ агамбияалагкан̣ам̣, б̣ож̇жхан̇г̇аанам̣ нияяааналагкан̣ам̣, маг̇г̇асса хзд̇улагкан̣ам̣.

    Dhātūnaṃ suññatālakkhaṇaṃ, āyatanānaṃ āyatanalakkhaṇaṃ, satipaṭṭhānānaṃ upaṭṭhānalakkhaṇaṃ, sammappadhānānaṃ padahanalakkhaṇaṃ, iddhipādānaṃ ijjhanalakkhaṇaṃ, indriyānaṃ adhipatilakkhaṇaṃ, balānaṃ akampiyalakkhaṇaṃ, bojjhaṅgānaṃ niyyānalakkhaṇaṃ, maggassa hetulakkhaṇaṃ.

    сажжаанам̣ д̇ат̇алагкан̣ам̣, самат̇асса авигкзбалагкан̣ам̣, вибассанааяа анубассанаалагкан̣ам̣, самат̇авибассанаанам̣ згарасалагкан̣ам̣, яуг̇анад̣̇д̇хаанам̣ анад̇ивад̇д̇аналагкан̣ам̣.

    Saccānaṃ tathalakkhaṇaṃ, samathassa avikkhepalakkhaṇaṃ, vipassanāya anupassanālakkhaṇaṃ, samathavipassanānaṃ ekarasalakkhaṇaṃ, yuganaddhānaṃ anativattanalakkhaṇaṃ.

    сийлависуд̣̇д̇хияаа сам̣варалагкан̣ам̣, жид̇д̇ависуд̣̇д̇хияаа авигкзбалагкан̣ам̣, д̣̇идтивисуд̣̇д̇хияаа д̣̇ассаналагкан̣ам̣.

    Sīlavisuddhiyā saṃvaralakkhaṇaṃ, cittavisuddhiyā avikkhepalakkhaṇaṃ, diṭṭhivisuddhiyā dassanalakkhaṇaṃ.

    каяз н̃аан̣асса самужчзд̣̇алагкан̣ам̣, ануббаад̣̇з н̃аан̣асса бассад̣̇д̇хилагкан̣ам̣.

    Khaye ñāṇassa samucchedalakkhaṇaṃ, anuppāde ñāṇassa passaddhilakkhaṇaṃ.

    чанд̣̇асса муулалагкан̣ам̣, манасигаарасса самудтааналагкан̣ам̣, пассасса самод̇хааналагкан̣ам̣, взд̣̇анааяа самосаран̣алагкан̣ам̣, самаад̇хисса бамукалагкан̣ам̣, сад̇ияаа аад̇хибад̇зяяалагкан̣ам̣, бан̃н̃ааяа д̇ад̇уд̇д̇арилагкан̣ам̣, вимуд̇д̇ияаа сааралагкан̣ам̣, амад̇ог̇ад̇хасса ниб̣б̣аанасса барияосааналагкан̣ам̣ д̇ат̇ам̣ авид̇ат̇ам̣. зд̇ам̣ д̇ат̇алагкан̣ам̣ н̃аан̣аг̇ад̇ияаа ааг̇ад̇о авираж̇жхид̇ваа бад̇д̇о ануббад̇д̇од̇и д̇ат̇ааг̇ад̇о. звам̣ д̇ат̇алагкан̣ам̣ ааг̇ад̇од̇и д̇ат̇ааг̇ад̇о.

    Chandassa mūlalakkhaṇaṃ, manasikārassa samuṭṭhānalakkhaṇaṃ, phassassa samodhānalakkhaṇaṃ, vedanāya samosaraṇalakkhaṇaṃ, samādhissa pamukhalakkhaṇaṃ, satiyā ādhipateyyalakkhaṇaṃ, paññāya tatuttarilakkhaṇaṃ, vimuttiyā sāralakkhaṇaṃ, amatogadhassa nibbānassa pariyosānalakkhaṇaṃ tathaṃ avitathaṃ. Etaṃ tathalakkhaṇaṃ ñāṇagatiyā āgato avirajjhitvā patto anuppattoti tathāgato. Evaṃ tathalakkhaṇaṃ āgatoti tathāgato.

    гат̇ам̣ д̇ат̇ад̇хаммз яаат̇аавад̇о абхисамб̣уд̣̇д̇ход̇и д̇ат̇ааг̇ад̇о? д̇ат̇ад̇хаммаа наама жад̇д̇аари арияасажжаани. яат̇ааха – ‘‘жад̇д̇ааримаани, бхигкавз, д̇ат̇аани авид̇ат̇аани анан̃н̃ат̇аани. гад̇амаани жад̇д̇аари? ‘ид̣̇ам̣ д̣̇угка’нд̇и, бхигкавз, д̇ат̇амзд̇ам̣ авид̇ат̇амзд̇ам̣ анан̃н̃ат̇амзд̇а’’нд̇и (сам̣. ни. 5.1090) вид̇т̇ааро. д̇аани жа бхаг̇аваа абхисамб̣уд̣̇д̇ход̇и д̇ат̇аанам̣ абхисамб̣уд̣̇д̇хад̇д̇аа д̇ат̇ааг̇ад̇од̇и вужжад̇и. абхисамб̣од̇хад̇т̇о хи зд̇т̇а г̇ад̇асад̣̇д̣̇о.

    Kathaṃ tathadhamme yāthāvato abhisambuddhoti tathāgato? Tathadhammā nāma cattāri ariyasaccāni. Yathāha – ‘‘cattārimāni, bhikkhave, tathāni avitathāni anaññathāni. Katamāni cattāri? ‘Idaṃ dukkha’nti, bhikkhave, tathametaṃ avitathametaṃ anaññathameta’’nti (saṃ. ni. 5.1090) vitthāro. Tāni ca bhagavā abhisambuddhoti tathānaṃ abhisambuddhattā tathāgatoti vuccati. Abhisambodhattho hi ettha gatasaddo.

    абижа ж̇араамаран̣асса ж̇аад̇ибажжаяасамбхууд̇асамуд̣̇ааг̇ад̇адто д̇ат̇о авид̇ат̇о анан̃н̃ат̇о…бз… сан̇каараанам̣ авиж̇ж̇аабажжаяасамбхууд̇асамуд̣̇ааг̇ад̇адто д̇ат̇о авид̇ат̇о анан̃н̃ат̇о. д̇ат̇аа авиж̇ж̇ааяа сан̇каараанам̣ бажжаяадто д̇ат̇о авид̇ат̇о анан̃н̃ат̇о…бз… ж̇аад̇ияаа ж̇араамаран̣асса бажжаяадто д̇ат̇о авид̇ат̇о анан̃н̃ат̇о. д̇ам̣ саб̣б̣ам̣ бхаг̇аваа абхисамб̣уд̣̇д̇хо. д̇асмааби д̇ат̇аанам̣ абхисамб̣уд̣̇д̇хад̇д̇аа д̇ат̇ааг̇ад̇о. звам̣ д̇ат̇ад̇хаммз яаат̇аавад̇о абхисамб̣уд̣̇д̇ход̇и д̇ат̇ааг̇ад̇о.

    Apica jarāmaraṇassa jātipaccayasambhūtasamudāgataṭṭho tatho avitatho anaññatho…pe… saṅkhārānaṃ avijjāpaccayasambhūtasamudāgataṭṭho tatho avitatho anaññatho. Tathā avijjāya saṅkhārānaṃ paccayaṭṭho tatho avitatho anaññatho…pe… jātiyā jarāmaraṇassa paccayaṭṭho tatho avitatho anaññatho. Taṃ sabbaṃ bhagavā abhisambuddho. Tasmāpi tathānaṃ abhisambuddhattā tathāgato. Evaṃ tathadhamme yāthāvato abhisambuddhoti tathāgato.

    гат̇ам̣ д̇ат̇ад̣̇ассид̇ааяа д̇ат̇ааг̇ад̇о? бхаг̇аваа яам̣ сад̣̇звагз логз…бз… сад̣̇звамануссааяа абаримаан̣аасу логад̇хаад̇уусу абаримаан̣аанам̣ сад̇д̇аанам̣ жагкуд̣̇ваарз аабаат̇ам̣ ааг̇ажчанд̇ам̣ руубаарамман̣ам̣ наама ад̇т̇и, д̇ам̣ саб̣б̣аагаарзна ж̇аанаад̇и бассад̇и. звам̣ ж̇аанад̇аа бассад̇аа жа д̇зна д̇ам̣ идтаанидтаад̣̇ивасзна ваа д̣̇идтасуд̇амуд̇авин̃н̃аад̇зсу лаб̣бхамаанагабад̣̇авасзна ваа ‘‘гад̇амам̣ д̇ам̣ руубам̣ руубааяад̇анам̣? яам̣ руубам̣ жад̇уннам̣ махаабхууд̇аанам̣ убаад̣̇ааяа ван̣н̣анибхаа санид̣̇ассанам̣ саббадигхам̣ нийлам̣ бийд̇ага’’нд̇иаад̣̇инаа (д̇ха. са. 616) наязна анзгзхи наамзхи д̇зрасахи ваарзхи д̣̇вибан̃н̃аасааяа наязхи вибхаж̇ж̇амаанам̣ д̇ат̇амзва ход̇и, вид̇ат̇ам̣ над̇т̇и . зса наяо сод̇ад̣̇ваараад̣̇ийсуби аабаат̇амааг̇ажчанд̇зсу сад̣̇д̣̇аад̣̇ийсу. вуд̇д̇амби жзд̇ам̣ бхаг̇авад̇аа ‘‘яам̣, бхигкавз, сад̣̇звагасса логасса…бз… сад̣̇звамануссааяа д̣̇идтам̣ суд̇ам̣ муд̇ам̣ вин̃н̃аад̇ам̣ бад̇д̇ам̣ бариязсид̇ам̣ анувижарид̇ам̣ манасаа, д̇амахам̣ ж̇аанаами, д̇амахам̣ аб̣бхан̃н̃аасим̣, д̇ам̣ д̇ат̇ааг̇ад̇асса вид̣̇ид̇ам̣, д̇ам̣ д̇ат̇ааг̇ад̇о на убадтаасий’’д̇и (а. ни. 4.24). звам̣ д̇ат̇ад̣̇ассид̇ааяа д̇ат̇ааг̇ад̇о. д̇ад̇т̇а д̇ат̇ад̣̇ассийад̇т̇з д̇ат̇ааг̇ад̇од̇и бад̣̇асамбхаво взд̣̇ид̇аб̣б̣о.

    Kathaṃ tathadassitāya tathāgato? Bhagavā yaṃ sadevake loke…pe… sadevamanussāya aparimāṇāsu lokadhātūsu aparimāṇānaṃ sattānaṃ cakkhudvāre āpāthaṃ āgacchantaṃ rūpārammaṇaṃ nāma atthi, taṃ sabbākārena jānāti passati. Evaṃ jānatā passatā ca tena taṃ iṭṭhāniṭṭhādivasena vā diṭṭhasutamutaviññātesu labbhamānakapadavasena vā ‘‘katamaṃ taṃ rūpaṃ rūpāyatanaṃ? Yaṃ rūpaṃ catunnaṃ mahābhūtānaṃ upādāya vaṇṇanibhā sanidassanaṃ sappaṭighaṃ nīlaṃ pītaka’’ntiādinā (dha. sa. 616) nayena anekehi nāmehi terasahi vārehi dvipaññāsāya nayehi vibhajjamānaṃ tathameva hoti, vitathaṃ natthi . Esa nayo sotadvārādīsupi āpāthamāgacchantesu saddādīsu. Vuttampi cetaṃ bhagavatā ‘‘yaṃ, bhikkhave, sadevakassa lokassa…pe… sadevamanussāya diṭṭhaṃ sutaṃ mutaṃ viññātaṃ pattaṃ pariyesitaṃ anuvicaritaṃ manasā, tamahaṃ jānāmi, tamahaṃ abbhaññāsiṃ, taṃ tathāgatassa viditaṃ, taṃ tathāgato na upaṭṭhāsī’’ti (a. ni. 4.24). Evaṃ tathadassitāya tathāgato. Tattha tathadassīatthe tathāgatoti padasambhavo veditabbo.

    гат̇ам̣ д̇ат̇аваад̣̇ид̇ааяа д̇ат̇ааг̇ад̇о? яам̣ рад̇д̇им̣ бхаг̇аваа б̣од̇химан̣д̣з абарааж̇ид̇абаллан̇гз нисинно жад̇уннам̣ маараанам̣ мад̇т̇агам̣ мад̣̇д̣̇ид̇ваа ануд̇д̇арам̣ саммаасамб̣од̇хим̣ абхисамб̣уд̣̇д̇хо, яан̃жа рад̇д̇им̣ яамагасаалаанаманд̇арз анубаад̣̇исзсааяа ниб̣б̣аанад̇хаад̇уяаа бариниб̣б̣ааяи, зд̇т̇анд̇арз бан̃жажад̇д̇аалийсавассабаримаан̣з гаалз батамаб̣од̇хияааби маж̇жхимаб̣од̇хияааби бажчимаб̣од̇хияааби яам̣ бхаг̇авад̇аа бхаасид̇ам̣ суд̇д̇ам̣ г̇зяяам̣…бз… взд̣̇аллам̣, д̇ам̣ саб̣б̣ам̣ ад̇т̇ад̇о жа б̣яан̃ж̇анад̇о жа анаваж̇ж̇ам̣ анубаваж̇ж̇ам̣ ануунаманад̇хигам̣ саб̣б̣аагаарабарибун̣н̣ам̣ рааг̇амад̣̇аниммад̣̇анам̣ д̣̇осамохамад̣̇аниммад̣̇анам̣, над̇т̇и д̇ад̇т̇а ваалаг̇г̇амад̇д̇амби багкалид̇ам̣, саб̣б̣ам̣ д̇ам̣ згамуд̣̇д̣̇игааяа лан̃чид̇ам̣ вияа, зганаал̣игааяа мид̇ам̣ вияа, згад̇улааяа д̇улид̇ам̣ вияа, жа д̇ат̇амзва ход̇и. яат̇ааха ‘‘яан̃жа, жунд̣̇а, рад̇д̇им̣ д̇ат̇ааг̇ад̇о ануд̇д̇арам̣ саммаасамб̣од̇хим̣ абхисамб̣уж̇жхад̇и, яан̃жа рад̇д̇им̣ анубаад̣̇исзсааяа ниб̣б̣аанад̇хаад̇уяаа бариниб̣б̣ааяад̇и, яам̣ зд̇асмим̣ анд̇арз бхаасад̇и лабад̇и нид̣̇д̣̇исад̇и, саб̣б̣ам̣ д̇ам̣ д̇ат̇амзва ход̇и, но ан̃н̃ат̇аа. д̇асмаа ‘д̇ат̇ааг̇ад̇о’д̇и вужжад̇ий’’д̇и (д̣̇ий. ни. 3.188). г̇ад̣̇аад̇т̇о хи зд̇т̇а г̇ад̇асад̣̇д̣̇о. звам̣ д̇ат̇аваад̣̇ид̇ааяа д̇ат̇ааг̇ад̇о.

    Kathaṃ tathavāditāya tathāgato? Yaṃ rattiṃ bhagavā bodhimaṇḍe aparājitapallaṅke nisinno catunnaṃ mārānaṃ matthakaṃ madditvā anuttaraṃ sammāsambodhiṃ abhisambuddho, yañca rattiṃ yamakasālānamantare anupādisesāya nibbānadhātuyā parinibbāyi, etthantare pañcacattālīsavassaparimāṇe kāle paṭhamabodhiyāpi majjhimabodhiyāpi pacchimabodhiyāpi yaṃ bhagavatā bhāsitaṃ suttaṃ geyyaṃ…pe… vedallaṃ, taṃ sabbaṃ atthato ca byañjanato ca anavajjaṃ anupavajjaṃ anūnamanadhikaṃ sabbākāraparipuṇṇaṃ rāgamadanimmadanaṃ dosamohamadanimmadanaṃ, natthi tattha vālaggamattampi pakkhalitaṃ, sabbaṃ taṃ ekamuddikāya lañchitaṃ viya, ekanāḷikāya mitaṃ viya, ekatulāya tulitaṃ viya, ca tathameva hoti. Yathāha ‘‘yañca, cunda, rattiṃ tathāgato anuttaraṃ sammāsambodhiṃ abhisambujjhati, yañca rattiṃ anupādisesāya nibbānadhātuyā parinibbāyati, yaṃ etasmiṃ antare bhāsati lapati niddisati, sabbaṃ taṃ tathameva hoti, no aññathā. Tasmā ‘tathāgato’ti vuccatī’’ti (dī. ni. 3.188). Gadaattho hi ettha gatasaddo. Evaṃ tathavāditāya tathāgato.

    абижа ааг̇ад̣̇анам̣ ааг̇ад̣̇о, важананд̇и ад̇т̇о. д̇ат̇о авибарийд̇о ааг̇ад̣̇о ассаад̇и д̣̇агаарасса д̇агаарам̣ гад̇ваа д̇ат̇ааг̇ад̇од̇и звамзд̇асмим̣ ад̇т̇з бад̣̇асид̣̇д̇хи взд̣̇ид̇аб̣б̣аа.

    Apica āgadanaṃ āgado, vacananti attho. Tatho aviparīto āgado assāti dakārassa takāraṃ katvā tathāgatoti evametasmiṃ atthe padasiddhi veditabbā.

    гат̇ам̣ д̇ат̇аагаарид̇ааяа д̇ат̇ааг̇ад̇о? бхаг̇авад̇о хи ваажааяа гааяо ануломзд̇и, гааяассааби ваажаа, д̇асмаа яат̇ааваад̣̇ий д̇ат̇аагаарий яат̇аагаарий д̇ат̇ааваад̣̇ий жа ход̇и. звам̣бхууд̇асса жасса яат̇аа ваажаа, гааяоби д̇ат̇аа г̇ад̇о бавад̇д̇од̇и ад̇т̇о. яат̇аа жа гааяо, ваажааби д̇ат̇аа г̇ад̇аа бавад̇д̇аад̇и д̇ат̇ааг̇ад̇о. д̇знзвааха – ‘‘яат̇ааваад̣̇ий, бхигкавз, д̇ат̇ааг̇ад̇о д̇ат̇аагаарий, яат̇аагаарий д̇ат̇ааваад̣̇ий. ид̇и яат̇ааваад̣̇ий д̇ат̇аагаарий, яат̇аагаарий д̇ат̇ааваад̣̇ий. д̇асмаа ‘д̇ат̇ааг̇ад̇о’д̇и вужжад̇ий’’д̇и. звам̣ д̇ат̇аагаарид̇ааяа д̇ат̇ааг̇ад̇о.

    Kathaṃ tathākāritāya tathāgato? Bhagavato hi vācāya kāyo anulometi, kāyassāpi vācā, tasmā yathāvādī tathākārī yathākārī tathāvādī ca hoti. Evaṃbhūtassa cassa yathā vācā, kāyopi tathā gato pavattoti attho. Yathā ca kāyo, vācāpi tathā gatā pavattāti tathāgato. Tenevāha – ‘‘yathāvādī, bhikkhave, tathāgato tathākārī, yathākārī tathāvādī. Iti yathāvādī tathākārī, yathākārī tathāvādī. Tasmā ‘tathāgato’ti vuccatī’’ti. Evaṃ tathākāritāya tathāgato.

    гат̇ам̣ абхибхаванадтзна д̇ат̇ааг̇ад̇о? убари бхаваг̇г̇ам̣ хздтаа авийжим̣ барияанд̇ам̣ гад̇ваа д̇ирияам̣ абаримаан̣аасу логад̇хаад̇уусу саб̣б̣асад̇д̇з абхибхавад̇и сийлзна самаад̇хинаа бан̃н̃ааяа вимуд̇д̇ияаа вимуд̇д̇ин̃аан̣ад̣̇ассанзна, на д̇асса д̇улаа ваа бамаан̣ам̣ ваа ад̇т̇и, ад̇уло аббамзяяо ануд̇д̇аро рааж̇аад̇хирааж̇аа д̣̇зваанам̣ ад̇ид̣̇зво саггаанам̣ ад̇исагго б̣рахмаанам̣ ад̇иб̣рахмаа. д̇знааха – ‘‘сад̣̇звагз, бхигкавз, логз…бз… сад̣̇звамануссааяа д̇ат̇ааг̇ад̇о абхибхуу анабхибхууд̇о ан̃н̃ад̣̇ад̇т̇у д̣̇асо васавад̇д̇ий. д̇асмаа ‘д̇ат̇ааг̇ад̇о’д̇и вужжад̇ий’’д̇и (а. ни. 4.23).

    Kathaṃ abhibhavanaṭṭhena tathāgato? Upari bhavaggaṃ heṭṭhā avīciṃ pariyantaṃ katvā tiriyaṃ aparimāṇāsu lokadhātūsu sabbasatte abhibhavati sīlena samādhinā paññāya vimuttiyā vimuttiñāṇadassanena, na tassa tulā vā pamāṇaṃ vā atthi, atulo appameyyo anuttaro rājādhirājā devānaṃ atidevo sakkānaṃ atisakko brahmānaṃ atibrahmā. Tenāha – ‘‘sadevake, bhikkhave, loke…pe… sadevamanussāya tathāgato abhibhū anabhibhūto aññadatthu daso vasavattī. Tasmā ‘tathāgato’ti vuccatī’’ti (a. ni. 4.23).

    д̇ад̇т̇звам̣ бад̣̇асид̣̇д̇хи взд̣̇ид̇аб̣б̣аа – аг̇ад̣̇о вияа аг̇ад̣̇о. го банзса? д̣̇зсанаавилаасо жзва бун̃н̃уссаяо жа. д̇зна хзса махаанубхааво бхисагго д̣̇иб̣б̣ааг̇ад̣̇зна саббз вияа саб̣б̣абараббаваад̣̇ино сад̣̇зваган̃жа логам̣ абхибхавад̇и. ид̇и саб̣б̣алогаабхибхаванз д̇ат̇о авибарийд̇о д̣̇зсанаавилаасамаяо жзва бун̃н̃амаяо жа аг̇ад̣̇о ассаад̇и д̣̇агаарасса д̇агаарам̣ гад̇ваа д̇ат̇ааг̇ад̇од̇и взд̣̇ид̇аб̣б̣о. звам̣ абхибхаванадтзна д̇ат̇ааг̇ад̇о.

    Tatthevaṃ padasiddhi veditabbā – agado viya agado. Ko panesa? Desanāvilāso ceva puññussayo ca. Tena hesa mahānubhāvo bhisakko dibbāgadena sappe viya sabbaparappavādino sadevakañca lokaṃ abhibhavati. Iti sabbalokābhibhavane tatho aviparīto desanāvilāsamayo ceva puññamayo ca agado assāti dakārassa takāraṃ katvā tathāgatoti veditabbo. Evaṃ abhibhavanaṭṭhena tathāgato.

    абижа д̇ат̇ааяа г̇ад̇од̇иби д̇ат̇ааг̇ад̇о, д̇ат̇ам̣ г̇ад̇од̇иби д̇ат̇ааг̇ад̇од̇и. г̇ад̇од̇и аваг̇ад̇о ад̇ийд̇о бад̇д̇о бадибаннод̇и ад̇т̇о . д̇ад̇т̇а сагалам̣ логам̣ д̇ийран̣абарин̃н̃ааяа д̇ат̇ааяа г̇ад̇о аваг̇ад̇од̇и д̇ат̇ааг̇ад̇о, логасамуд̣̇аяам̣ бахаанабарин̃н̃ааяа д̇ат̇ааяа г̇ад̇о ад̇ийд̇од̇и д̇ат̇ааг̇ад̇о, логанирод̇хам̣ сажчигирияааяа д̇ат̇ааяа г̇ад̇о бад̇д̇од̇и д̇ат̇ааг̇ад̇о, логанирод̇хаг̇ааминибадибад̣̇ам̣ д̇ат̇ам̣ г̇ад̇о бадибаннод̇и д̇ат̇ааг̇ад̇о. д̇зна яам̣ вуд̇д̇ам̣ бхаг̇авад̇аа – ‘‘лого, бхигкавз, д̇ат̇ааг̇ад̇зна абхисамб̣уд̣̇д̇хо, логасмаа д̇ат̇ааг̇ад̇о висам̣яуд̇д̇о. логасамуд̣̇аяо, бхигкавз, д̇ат̇ааг̇ад̇зна абхисамб̣уд̣̇д̇хо, логасамуд̣̇аяо д̇ат̇ааг̇ад̇асса бахийно. логанирод̇хо, бхигкавз , д̇ат̇ааг̇ад̇зна абхисамб̣уд̣̇д̇хо логанирод̇хо д̇ат̇ааг̇ад̇асса сажчигад̇о. логанирод̇хаг̇ааминий бадибад̣̇аа, бхигкавз, д̇ат̇ааг̇ад̇зна абхисамб̣уд̣̇д̇хаа, логанирод̇хаг̇ааминийбадибад̣̇аа д̇ат̇ааг̇ад̇асса бхаавид̇аа. яам̣, бхигкавз, сад̣̇звагасса логасса…бз… анувижарид̇ам̣ манасаа, саб̣б̣ам̣ д̇ам̣ д̇ат̇ааг̇ад̇зна абхисамб̣уд̣̇д̇хам̣. д̇асмаа ‘д̇ат̇ааг̇ад̇о’д̇и вужжад̇ий’’д̇и (а. ни. 4.23). д̇асса звамби ад̇т̇о взд̣̇ид̇аб̣б̣о. ид̣̇амби жа д̇ат̇ааг̇ад̇асса д̇ат̇ааг̇ад̇абхаавад̣̇ийбанз мукамад̇д̇амзва. саб̣б̣аагаарзна бана д̇ат̇ааг̇ад̇ова д̇ат̇ааг̇ад̇асса д̇ат̇ааг̇ад̇абхаавам̣ ван̣н̣зяяа. яасмаа бана саб̣б̣аб̣уд̣̇д̇хаа д̇ат̇ааг̇ад̇аг̇ун̣знааби самасамаа, д̇асмаа саб̣б̣зсам̣ васзна д̇ат̇ааг̇ад̇аананд̇и ааха.

    Apica tathāya gatotipi tathāgato, tathaṃ gatotipi tathāgatoti. Gatoti avagato atīto patto paṭipannoti attho . Tattha sakalaṃ lokaṃ tīraṇapariññāya tathāya gato avagatoti tathāgato, lokasamudayaṃ pahānapariññāya tathāya gato atītoti tathāgato, lokanirodhaṃ sacchikiriyāya tathāya gato pattoti tathāgato, lokanirodhagāminipaṭipadaṃ tathaṃ gato paṭipannoti tathāgato. Tena yaṃ vuttaṃ bhagavatā – ‘‘loko, bhikkhave, tathāgatena abhisambuddho, lokasmā tathāgato visaṃyutto. Lokasamudayo, bhikkhave, tathāgatena abhisambuddho, lokasamudayo tathāgatassa pahīno. Lokanirodho, bhikkhave , tathāgatena abhisambuddho lokanirodho tathāgatassa sacchikato. Lokanirodhagāminī paṭipadā, bhikkhave, tathāgatena abhisambuddhā, lokanirodhagāminīpaṭipadā tathāgatassa bhāvitā. Yaṃ, bhikkhave, sadevakassa lokassa…pe… anuvicaritaṃ manasā, sabbaṃ taṃ tathāgatena abhisambuddhaṃ. Tasmā ‘tathāgato’ti vuccatī’’ti (a. ni. 4.23). Tassa evampi attho veditabbo. Idampi ca tathāgatassa tathāgatabhāvadīpane mukhamattameva. Sabbākārena pana tathāgatova tathāgatassa tathāgatabhāvaṃ vaṇṇeyya. Yasmā pana sabbabuddhā tathāgataguṇenāpi samasamā, tasmā sabbesaṃ vasena tathāgatānanti āha.

    араханд̇аананд̇и гилзсзхи аарагад̇д̇аа, арийнам̣ араанан̃жа хад̇ад̇д̇аа, бажжаяаад̣̇ийнам̣ арахад̇д̇аа, баабагаран̣з рахаабхааваа д̇ат̇ааг̇ад̇о арахам̣. аарагаа хи со саб̣б̣агилзсзхи сувид̣̇ууравид̣̇уурз тид̇о маг̇г̇зна саваасанаанам̣ гилзсаанам̣ бахийнад̇д̇аад̇и арахам̣.

    Arahantānanti kilesehi ārakattā, arīnaṃ arānañca hatattā, paccayādīnaṃ arahattā, pāpakaraṇe rahābhāvā tathāgato arahaṃ. Ārakā hi so sabbakilesehi suvidūravidūre ṭhito maggena savāsanānaṃ kilesānaṃ pahīnattāti arahaṃ.

    со д̇ад̇о аарагаа наама, яасса язнаасаман̇г̇ид̇аа;

    So tato ārakā nāma, yassa yenāsamaṅgitā;

    асаман̇г̇ий жа д̣̇осзхи, наат̇о д̇знаарахам̣ мад̇о.

    Asamaṅgī ca dosehi, nātho tenārahaṃ mato.

    д̇з жаанзна гилзсаараяо маг̇г̇зна хад̇аад̇и арийнам̣ хад̇ад̇д̇ааби арахам̣.

    Te cānena kilesārayo maggena hatāti arīnaṃ hatattāpi arahaṃ.

    яасмаа рааг̇аад̣̇исан̇каад̇аа, саб̣б̣зби араяо хад̇аа;

    Yasmā rāgādisaṅkhātā, sabbepi arayo hatā;

    бан̃н̃аасад̇т̇зна наат̇зна, д̇асмааби арахам̣ мад̇о.

    Paññāsatthena nāthena, tasmāpi arahaṃ mato.

    яан̃жзд̇ам̣ авиж̇ж̇аабхавад̇ан̣хаамаяанаабхибун̃н̃аад̣̇иабхисан̇каараанам̣ ж̇араамаран̣анзми аасавасамуд̣̇аяамаязна агкзна виж̇жхид̇ваа д̇ибхаварат̇з самааяож̇ид̇ам̣ анаад̣̇игаалаббавад̇д̇ам̣ сам̣сааражаггам̣, д̇ассаанзна б̣од̇химан̣д̣з вийрияабаад̣̇зхи сийлабат̇авияам̣ бад̇идтааяа сад̣̇д̇хаахад̇т̇зна гаммагкаяагарам̣ н̃аан̣апарасум̣ г̇ахзд̇ваа саб̣б̣з араа хад̇аад̇и араанам̣ хад̇ад̇д̇ааби арахам̣.

    Yañcetaṃ avijjābhavataṇhāmayanābhipuññādiabhisaṅkhārānaṃ jarāmaraṇanemi āsavasamudayamayena akkhena vijjhitvā tibhavarathe samāyojitaṃ anādikālappavattaṃ saṃsāracakkaṃ, tassānena bodhimaṇḍe vīriyapādehi sīlapathaviyaṃ patiṭṭhāya saddhāhatthena kammakkhayakaraṃ ñāṇapharasuṃ gahetvā sabbe arā hatāti arānaṃ hatattāpi arahaṃ.

    араа сам̣сааражаггасса, хад̇аа н̃аан̣аасинаа яад̇о;

    Arā saṃsāracakkassa, hatā ñāṇāsinā yato;

    логанаат̇зна д̇знзса, араханд̇и бавужжад̇и.

    Lokanāthena tenesa, arahanti pavuccati.

    аг̇г̇ад̣̇агкин̣зяяад̇д̇аа жа жийвараад̣̇ибажжаяз арахад̇и бууж̇аависзсан̃жа. д̇знзва жа уббаннз д̇ат̇ааг̇ад̇з яз гзжи махзсагкаа д̣̇звамануссаа, на д̇з ан̃н̃ад̇т̇а бууж̇ам̣ гаронд̇и. д̇ат̇аа хи б̣рахмаа сахамбад̇и синзрумад̇д̇зна рад̇анад̣̇аамзна д̇ат̇ааг̇ад̇ам̣ бууж̇зси, яат̇ааб̣алан̃жа ан̃н̃з д̣̇зваа мануссаа жа б̣имб̣исаарагосаларааж̇аад̣̇аяо. бариниб̣б̣уд̇амби жа бхаг̇аванд̇ам̣ уд̣̇д̣̇исса чаннавуд̇игодид̇ханам̣ виссаж̇ж̇зд̇ваа асогамахаарааж̇аа сагалаж̇амб̣уд̣̇ийбз жад̇ураасийд̇и вихаарасахассаани бад̇идтаабзси, го бана ваад̣̇о ан̃н̃зсам̣ бууж̇аависзсаананд̇и бажжаяаад̣̇ийнам̣ арахад̇д̇ааби арахам̣.

    Aggadakkhiṇeyyattā ca cīvarādipaccaye arahati pūjāvisesañca. Teneva ca uppanne tathāgate ye keci mahesakkhā devamanussā, na te aññattha pūjaṃ karonti. Tathā hi brahmā sahampati sinerumattena ratanadāmena tathāgataṃ pūjesi, yathābalañca aññe devā manussā ca bimbisārakosalarājādayo. Parinibbutampi ca bhagavantaṃ uddissa channavutikoṭidhanaṃ vissajjetvā asokamahārājā sakalajambudīpe caturāsīti vihārasahassāni patiṭṭhāpesi, ko pana vādo aññesaṃ pūjāvisesānanti paccayādīnaṃ arahattāpi arahaṃ.

    бууж̇аависзсам̣ саха бажжаязхи, яасмаа аяам̣ арахад̇и логанаат̇о;

    Pūjāvisesaṃ saha paccayehi, yasmā ayaṃ arahati lokanātho;

    ад̇т̇аануруубам̣ араханд̇и логз, д̇асмаа ж̇ино арахад̇и наамамзд̇ам̣.

    Atthānurūpaṃ arahanti loke, tasmā jino arahati nāmametaṃ.

    яат̇аа жа логз яз гзжи бан̣д̣ид̇амаанино б̣аалаа асилогабхаязна рахо баабам̣ гаронд̇и, звамзса на гад̣̇аажи гарод̇ийд̇и баабагаран̣з рахаабхаавад̇оби арахам̣.

    Yathā ca loke ye keci paṇḍitamānino bālā asilokabhayena raho pāpaṃ karonti, evamesa na kadāci karotīti pāpakaraṇe rahābhāvatopi arahaṃ.

    яасмаа над̇т̇и рахо наама, баабагаммзсу д̇аад̣̇ино;

    Yasmā natthi raho nāma, pāpakammesu tādino;

    рахаабхаавзна д̇знзса, арахам̣ ид̇и виссуд̇о.

    Rahābhāvena tenesa, arahaṃ iti vissuto.

    звам̣ саб̣б̣ат̇ааби –

    Evaṃ sabbathāpi –

    аарагад̇д̇аа хад̇ад̇д̇аа жа, гилзсаарийна со муни;

    Ārakattā hatattā ca, kilesārīna so muni;

    хад̇асам̣сааражаггааро, бажжаяаад̣̇ийна жаарахо;

    Hatasaṃsāracakkāro, paccayādīna cāraho;

    на рахо гарод̇и баабаани, арахам̣ д̇зна вужжад̇ийд̇и.

    Na raho karoti pāpāni, arahaṃ tena vuccatīti.

    яасмаа бана саб̣б̣аб̣уд̣̇д̇хаа арахад̇д̇аг̇ун̣знааби самасамаа, д̇асмаа саб̣б̣зсам̣ васзна ‘‘араханд̇аана’’нд̇и ааха.

    Yasmā pana sabbabuddhā arahattaguṇenāpi samasamā, tasmā sabbesaṃ vasena ‘‘arahantāna’’nti āha.

    саммаасамб̣уд̣̇д̇хаананд̇и саммаа сааман̃жа саб̣б̣ад̇хаммаанам̣ б̣уд̣̇д̇хад̇д̇аа саммаасамб̣уд̣̇д̇хо. д̇ат̇аа хзса саб̣б̣ад̇хаммз саммаа самб̣уд̣̇д̇хо, абхин̃н̃зяяз д̇хаммз абхин̃н̃зяяад̇о б̣уд̣̇д̇хо, барин̃н̃зяяз д̇хаммз барин̃н̃зяяад̇о, бахаад̇аб̣б̣з д̇хаммз бахаад̇аб̣б̣ад̇о, сажчигаад̇аб̣б̣з д̇хаммз сажчигаад̇аб̣б̣ад̇о, бхаавзд̇аб̣б̣з д̇хаммз бхаавзд̇аб̣б̣ад̇о. д̇знзвааха –

    Sammāsambuddhānanti sammā sāmañca sabbadhammānaṃ buddhattā sammāsambuddho. Tathā hesa sabbadhamme sammā sambuddho, abhiññeyye dhamme abhiññeyyato buddho, pariññeyye dhamme pariññeyyato, pahātabbe dhamme pahātabbato, sacchikātabbe dhamme sacchikātabbato, bhāvetabbe dhamme bhāvetabbato. Tenevāha –

    ‘‘абхин̃н̃зяяам̣ абхин̃н̃аад̇ам̣, бхаавзд̇аб̣б̣ан̃жа бхаавид̇ам̣;

    ‘‘Abhiññeyyaṃ abhiññātaṃ, bhāvetabbañca bhāvitaṃ;

    бахаад̇аб̣б̣ам̣ бахийнам̣ мз, д̇асмаа б̣уд̣̇д̇хосми б̣раахман̣аа’’д̇и. (ма. ни. 2.399; су. ни. 563);

    Pahātabbaṃ pahīnaṃ me, tasmā buddhosmi brāhmaṇā’’ti. (ma. ni. 2.399; su. ni. 563);

    ат̇а ваа жагку д̣̇угкасажжам̣, д̇асса муулагааран̣абхаавзна самудтаабигаа буримад̇ан̣хаа самуд̣̇аяасажжам̣, убхиннам̣ аббавад̇д̇и нирод̇хасажжам̣, нирод̇хаббаж̇аананаа бадибад̣̇аа маг̇г̇асажжанд̇и звам̣ згзгабад̣̇уд̣̇д̇хаарзнааби саб̣б̣ад̇хаммз саммаа сааман̃жа б̣уд̣̇д̇хо. зса наяо сод̇агхаанаж̇ивхаагааяаманзсу. зд̇знзва наязна руубаад̣̇ийни ча ааяад̇анаани, жагкувин̃н̃аан̣аад̣̇аяо ча вин̃н̃аан̣агааяаа, жагкусампассаад̣̇аяо ча пассаа, жагкусампассаж̇аад̣̇аяо ча взд̣̇анаа, руубасан̃н̃аад̣̇аяо ча сан̃н̃аа, руубасан̃жзд̇анаад̣̇аяо ча жзд̇анаа, руубад̇ан̣хаад̣̇аяо ча д̇ан̣хаагааяаа, руубавид̇аггаад̣̇аяо ча вид̇аггаа, руубавижаараад̣̇аяо ча вижаараа, руубагканд̇хаад̣̇аяо бан̃жагканд̇хаа, д̣̇аса гасин̣аани, д̣̇аса ануссад̇ияо, уд̣̇д̇хумаад̇агасан̃н̃аад̣̇ивасзна д̣̇аса сан̃н̃аа, гзсаад̣̇аяо д̣̇вад̇д̇им̣саагаараа, д̣̇ваад̣̇асааяад̇анаани, адтаараса д̇хаад̇уяо, гаамабхаваад̣̇аяо нава бхаваа, батамаад̣̇ийни жад̇д̇аари жхаанаани, мзд̇д̇аабхааванаад̣̇аяо жад̇ассо аббаман̃н̃аа, жад̇ассо аруубасамаабад̇д̇ияо, бадиломад̇о ж̇араамаран̣аад̣̇ийни, ануломад̇о авиж̇ж̇аад̣̇ийни бадижжасамуббаад̣̇ан̇г̇аани жа яож̇зд̇аб̣б̣аани. д̇ад̇рааяам̣ згабад̣̇аяож̇анаа – ж̇араамаран̣ам̣ д̣̇угкасажжам̣, ж̇аад̇и самуд̣̇аяасажжам̣, убхиннам̣ ниссаран̣ам̣ нирод̇хасажжам̣, нирод̇хаббаж̇аананаа бадибад̣̇аа маг̇г̇асажжанд̇и звам̣ згзгабад̣̇уд̣̇д̇хаарзна саб̣б̣ад̇хаммз саммаа сааман̃жа б̣уд̣̇д̇хо ануб̣уд̣̇д̇хо бадивид̣̇д̇хо. яам̣ ваа бана гин̃жи ад̇т̇и нзяяам̣ наама, саб̣б̣асса саммаа самб̣уд̣̇д̇хад̇д̇аа вимогканд̇иган̃аан̣авасзна саммаасамб̣уд̣̇д̇хо. д̇асса бана вибхааг̇о убари аави бхависсад̇ийд̇и. яасмаа бана саб̣б̣аб̣уд̣̇д̇хаа саммаасамб̣уд̣̇д̇хаг̇ун̣знааби самасамаа, д̇асмаа саб̣б̣зсам̣ васзна ‘‘саммаасамб̣уд̣̇д̇хаана’’нд̇и ааха.

    Atha vā cakkhu dukkhasaccaṃ, tassa mūlakāraṇabhāvena samuṭṭhāpikā purimataṇhā samudayasaccaṃ, ubhinnaṃ appavatti nirodhasaccaṃ, nirodhappajānanā paṭipadā maggasaccanti evaṃ ekekapaduddhārenāpi sabbadhamme sammā sāmañca buddho. Esa nayo sotaghānajivhākāyamanesu. Eteneva nayena rūpādīni cha āyatanāni, cakkhuviññāṇādayo cha viññāṇakāyā, cakkhusamphassādayo cha phassā, cakkhusamphassajādayo cha vedanā, rūpasaññādayo cha saññā, rūpasañcetanādayo cha cetanā, rūpataṇhādayo cha taṇhākāyā, rūpavitakkādayo cha vitakkā, rūpavicārādayo cha vicārā, rūpakkhandhādayo pañcakkhandhā, dasa kasiṇāni, dasa anussatiyo, uddhumātakasaññādivasena dasa saññā, kesādayo dvattiṃsākārā, dvādasāyatanāni, aṭṭhārasa dhātuyo, kāmabhavādayo nava bhavā, paṭhamādīni cattāri jhānāni, mettābhāvanādayo catasso appamaññā, catasso arūpasamāpattiyo, paṭilomato jarāmaraṇādīni, anulomato avijjādīni paṭiccasamuppādaṅgāni ca yojetabbāni. Tatrāyaṃ ekapadayojanā – jarāmaraṇaṃ dukkhasaccaṃ, jāti samudayasaccaṃ, ubhinnaṃ nissaraṇaṃ nirodhasaccaṃ, nirodhappajānanā paṭipadā maggasaccanti evaṃ ekekapaduddhārena sabbadhamme sammā sāmañca buddho anubuddho paṭividdho. Yaṃ vā pana kiñci atthi neyyaṃ nāma, sabbassa sammā sambuddhattā vimokkhantikañāṇavasena sammāsambuddho. Tassa pana vibhāgo upari āvi bhavissatīti. Yasmā pana sabbabuddhā sammāsambuddhaguṇenāpi samasamā, tasmā sabbesaṃ vasena ‘‘sammāsambuddhāna’’nti āha.

    38. ид̣̇аани барияанд̇абаарисуд̣̇д̇хиабарияанд̇абаарисуд̣̇д̇хисийлад̣̇ваяз згзгамзва сийлам̣ бан̃жад̇хаа бхинд̣̇ид̇ваа д̣̇ассзд̇ум̣ ад̇т̇и сийлам̣ барияанд̇ам̣, ад̇т̇и сийлам̣ абарияанд̇анд̇иаад̣̇имааха. ид̇арзсу бана д̇ийсу сийлзсу д̇ат̇аавид̇хо бхзд̣̇о над̇т̇ийд̇и. д̇ад̇т̇а лаабхабарияанд̇анд̇и лаабхзна барияанд̇о бхзд̣̇о зд̇ассаад̇и лаабхабарияанд̇ам̣. звам̣ сзсааниби. яасод̇и банзд̇т̇а баривааро. ид̇хаад̇и имасмим̣ логз. згажжод̇и зго. лаабхахзд̇ууд̇и лаабхоязва хзд̇у лаабхахзд̇у, д̇асмаа лаабхахзд̇уд̇од̇и вуд̇д̇ам̣ ход̇и. хзд̇вад̇т̇з ниссаггаважанам̣. ‘‘лаабхабажжаяаа лаабхагааран̣аа’’д̇и д̇ассзва взважанам̣. хзд̇умзва хи бадижжа зд̇ам̣ паламзд̇ийд̇и бажжаяод̇и жа, палуббад̇д̇им̣ гаараяад̇ийд̇и гааран̣анд̇и жа вужжад̇и.

    38. Idāni pariyantapārisuddhiapariyantapārisuddhisīladvaye ekekameva sīlaṃ pañcadhā bhinditvā dassetuṃ atthi sīlaṃ pariyantaṃ, atthi sīlaṃ apariyantantiādimāha. Itaresu pana tīsu sīlesu tathāvidho bhedo natthīti. Tattha lābhapariyantanti lābhena pariyanto bhedo etassāti lābhapariyantaṃ. Evaṃ sesānipi. Yasoti panettha parivāro. Idhāti imasmiṃ loke. Ekaccoti eko. Lābhahetūti lābhoyeva hetu lābhahetu, tasmā lābhahetutoti vuttaṃ hoti. Hetvatthe nissakkavacanaṃ. ‘‘Lābhapaccayā lābhakāraṇā’’ti tasseva vevacanaṃ. Hetumeva hi paṭicca etaṃ phalametīti paccayoti ca, phaluppattiṃ kārayatīti kāraṇanti ca vuccati.

    яат̇аасамаад̣̇иннанд̇и яам̣ яам̣ самаад̣̇иннам̣ г̇ахид̇ам̣. вийд̇иггамад̇ийд̇и аж̇жхаажарад̇и. зваруубаанийд̇и звам̣сабхааваани, вуд̇д̇аббагаараанийд̇и ад̇хиббааяо. сийлаанийд̇и г̇ахадтасийлаани ваа хонд̇у баб̣б̣аж̇ид̇асийлаани ваа, язсам̣ аад̣̇имхи ваа анд̇з ваа згам̣ бхиннам̣, д̇аани барияанд̇з чиннасаадаго вияа кан̣д̣аани. язсам̣ взмаж̇жхз згам̣ бхиннам̣, д̇аани маж̇жхз винивид̣̇д̇хасаадаго вияа чид̣̇д̣̇аани. язсам̣ бадибаадияаа д̣̇вз ваа д̇ийн̣и ваа бхиннаани, д̇аани бидтияаа ваа гужчияаа ваа удтид̇зна д̣̇ийгхаваддаад̣̇исан̣таанзна висабхааг̇аван̣н̣зна гаал̣арад̇д̇аад̣̇ийнам̣ ан̃н̃ад̇арасарийраван̣н̣аа г̇аавий вияа саб̣алаани. язсам̣ анд̇аранд̇араа згзгаани бхиннаани, д̇аани анд̇аранд̇араа висабхааг̇аван̣н̣аб̣инд̣̇увижид̇раа г̇аавий вияа гаммаасаани. ависзсзна ваа саб̣б̣ааниби сад̇д̇авид̇хзна мзт̇унасам̣яог̇зна год̇хуубанаахаад̣̇ийхи жа баабад̇хаммзхи убахад̇ад̇д̇аа кан̣д̣аани чид̣̇д̣̇аани саб̣алаани гаммаасаанийд̇и. д̇ааниязва д̇ан̣хаад̣̇аасаб̣яад̇о можзд̇ваа бхуж̇иссабхааваагаран̣зна на бхуж̇иссаани. б̣уд̣̇д̇хаад̣̇ийхи вин̃н̃уухи на басад̇т̇ад̇д̇аа на вин̃н̃уббасад̇т̇аани. д̇ан̣хаад̣̇идтийхи бараамадтад̇д̇аа, гзнажи ваа ‘‘аяам̣ д̇з сийлзсу д̣̇осо’’д̇и бараамадтум̣ саггун̣зяяад̇ааяа бараамадтаани. убажаарасамаад̇хим̣ аббанаасамаад̇хим̣ ваа, ат̇а ваа маг̇г̇асамаад̇хим̣ паласамаад̇хим̣ ваа на сам̣вад̇д̇аяанд̇ийд̇и асамаад̇хисам̣вад̇д̇анигаани. на самаад̇хисам̣вад̇д̇анигаанийд̇иби баато.

    Yathāsamādinnanti yaṃ yaṃ samādinnaṃ gahitaṃ. Vītikkamatīti ajjhācarati. Evarūpānīti evaṃsabhāvāni, vuttappakārānīti adhippāyo. Sīlānīti gahaṭṭhasīlāni vā hontu pabbajitasīlāni vā, yesaṃ ādimhi vā ante vā ekaṃ bhinnaṃ, tāni pariyante chinnasāṭako viya khaṇḍāni. Yesaṃ vemajjhe ekaṃ bhinnaṃ, tāni majjhe vinividdhasāṭako viya chiddāni. Yesaṃ paṭipāṭiyā dve vā tīṇi vā bhinnāni, tāni piṭṭhiyā vā kucchiyā vā uṭṭhitena dīghavaṭṭādisaṇṭhānena visabhāgavaṇṇena kāḷarattādīnaṃ aññatarasarīravaṇṇā gāvī viya sabalāni. Yesaṃ antarantarā ekekāni bhinnāni, tāni antarantarā visabhāgavaṇṇabinduvicitrā gāvī viya kammāsāni. Avisesena vā sabbānipi sattavidhena methunasaṃyogena kodhūpanāhādīhi ca pāpadhammehi upahatattā khaṇḍāni chiddāni sabalāni kammāsānīti. Tāniyeva taṇhādāsabyato mocetvā bhujissabhāvākaraṇena na bhujissāni. Buddhādīhi viññūhi na pasatthattā na viññuppasatthāni. Taṇhādiṭṭhīhi parāmaṭṭhattā, kenaci vā ‘‘ayaṃ te sīlesu doso’’ti parāmaṭṭhuṃ sakkuṇeyyatāya parāmaṭṭhāni. Upacārasamādhiṃ appanāsamādhiṃ vā, atha vā maggasamādhiṃ phalasamādhiṃ vā na saṃvattayantīti asamādhisaṃvattanikāni. Na samādhisaṃvattanikānītipi pāṭho.

    гзжи бана ‘‘кан̣д̣аанийд̇и гусалаанам̣ д̇хаммаанам̣ аббад̇идтаабхууд̇ад̇д̇аа, чид̣̇д̣̇аанийд̇иби звам̣. саб̣алаанийд̇и виван̣н̣агаран̣ад̇д̇аа, гаммаасаанийд̇иби звам̣. на бхуж̇иссаанийд̇и д̇ан̣хаад̣̇аасаб̣яам̣ г̇ад̇ад̇д̇аа. на вин̃н̃уббасад̇т̇аанийд̇и гусалзхи г̇арахид̇ад̇д̇аа. бараамадтаанийд̇и д̇ан̣хааяа г̇ахид̇ад̇д̇аа. асамаад̇хисам̣вад̇д̇анигаанийд̇и виббадисааравад̇т̇убхууд̇ад̇д̇аа’’д̇и звамад̇т̇ам̣ ван̣н̣аяанд̇и.

    Keci pana ‘‘khaṇḍānīti kusalānaṃ dhammānaṃ appatiṭṭhābhūtattā, chiddānītipi evaṃ. Sabalānīti vivaṇṇakaraṇattā, kammāsānītipi evaṃ. Na bhujissānīti taṇhādāsabyaṃ gatattā. Na viññuppasatthānīti kusalehi garahitattā. Parāmaṭṭhānīti taṇhāya gahitattā. Asamādhisaṃvattanikānīti vippaṭisāravatthubhūtattā’’ti evamatthaṃ vaṇṇayanti.

    на авиббадисааравад̇т̇угаанийд̇и виббадисаараавахад̇д̇аа авиббадисаарасса бад̇идтаа на хонд̇ийд̇и ад̇т̇о. на баамож̇ж̇авад̇т̇угаанийд̇и авиббадисаараж̇ааяа д̣̇уб̣б̣алабийд̇ияаа на вад̇т̇убхууд̇аани д̇ассаа анаавахад̇д̇аа . звам̣ сзсзсуби яож̇анаа гаад̇аб̣б̣аа. на бийд̇ивад̇т̇угаанийд̇и д̣̇уб̣б̣алабийд̇иж̇ааяа б̣алавабийд̇ияаа на вад̇т̇убхууд̇аани. на бассад̣̇д̇хивад̇т̇угаанийд̇и б̣алавабийд̇иж̇ааяа гааяажид̇д̇абассад̣̇д̇хияаа на вад̇т̇убхууд̇аани. на сукавад̇т̇угаанийд̇и бассад̣̇д̇хиж̇асса гааяигажзд̇асигасукасса на вад̇т̇убхууд̇аани. на самаад̇хивад̇т̇угаанийд̇и сукаж̇асса самаад̇хисса на вад̇т̇убхууд̇аани. на яат̇аабхууд̇ан̃аан̣ад̣̇ассанавад̇т̇угаанийд̇и самаад̇хибад̣̇адтаанасса яат̇аабхууд̇ан̃аан̣ад̣̇ассанасса на вад̇т̇убхууд̇аани.

    Na avippaṭisāravatthukānīti vippaṭisārāvahattā avippaṭisārassa patiṭṭhā na hontīti attho. Na pāmojjavatthukānīti avippaṭisārajāya dubbalapītiyā na vatthubhūtāni tassā anāvahattā . Evaṃ sesesupi yojanā kātabbā. Na pītivatthukānīti dubbalapītijāya balavapītiyā na vatthubhūtāni. Na passaddhivatthukānīti balavapītijāya kāyacittapassaddhiyā na vatthubhūtāni. Na sukhavatthukānīti passaddhijassa kāyikacetasikasukhassa na vatthubhūtāni. Na samādhivatthukānīti sukhajassa samādhissa na vatthubhūtāni. Na yathābhūtañāṇadassanavatthukānīti samādhipadaṭṭhānassa yathābhūtañāṇadassanassa na vatthubhūtāni.

    на зганд̇аниб̣б̣ид̣̇ааяаад̇иаад̣̇ийсу на-гаарамзва аахарид̇ваа ‘‘на вирааг̇ааяаа’’д̇иаад̣̇инаа наязна сзсабад̣̇зхиби яож̇зд̇аб̣б̣ам̣. на вирааг̇ааяаад̇иаад̣̇ийсу санагааро ваа баато. д̇ад̇т̇а зганд̇аниб̣б̣ид̣̇ааяаад̇и зганд̇зна ваддз ниб̣б̣инд̣̇анад̇т̇ааяа на сам̣вад̇д̇анд̇ийд̇и самб̣анд̇хо. звам̣ сзсзсуби яож̇зд̇аб̣б̣ам̣. вирааг̇ааяаад̇и ваддз вираж̇ж̇анад̇т̇ааяа. нирод̇хааяаад̇и ваддасса нирод̇ханад̇т̇ааяа. убасамааяаад̇и нирод̇хид̇асса буна ануббад̇д̇ивасзна ваддасса убасаманад̇т̇ааяа. абхин̃н̃ааяаад̇и ваддасса абхиж̇аананад̇т̇ааяа. самб̣од̇хааяаад̇и гилзсанид̣̇д̣̇аавиг̇амзна ваддад̇о баб̣уж̇жханад̇т̇ааяа. ниб̣б̣аанааяаад̇и амад̇аниб̣б̣аанад̇т̇ааяа.

    Na ekantanibbidāyātiādīsu na-kārameva āharitvā ‘‘na virāgāyā’’tiādinā nayena sesapadehipi yojetabbaṃ. Na virāgāyātiādīsu sanakāro vā pāṭho. Tattha ekantanibbidāyāti ekantena vaṭṭe nibbindanatthāya na saṃvattantīti sambandho. Evaṃ sesesupi yojetabbaṃ. Virāgāyāti vaṭṭe virajjanatthāya. Nirodhāyāti vaṭṭassa nirodhanatthāya. Upasamāyāti nirodhitassa puna anuppattivasena vaṭṭassa upasamanatthāya. Abhiññāyāti vaṭṭassa abhijānanatthāya. Sambodhāyāti kilesaniddāvigamena vaṭṭato pabujjhanatthāya. Nibbānāyāti amatanibbānatthāya.

    яат̇аасамаад̣̇иннам̣ сигкаабад̣̇ам̣ вийд̇иггамааяаад̇и яат̇аасамаад̣̇иннасса сигкаабад̣̇асса вийд̇иггаманад̇т̇ааяа. вибхад̇д̇ивибаллаасавасзна банзд̇т̇а убаяог̇аважанам̣ гад̇ам̣. жид̇д̇амби на уббаад̣̇зд̇ийд̇и жид̇д̇уббаад̣̇асуд̣̇д̇хияаа сийласса ад̇ивисуд̣̇д̇хабхаавад̣̇ассанад̇т̇ам̣ вуд̇д̇ам̣, на бана жид̇д̇уббаад̣̇амад̇д̇зна сийлам̣ бхиж̇ж̇ад̇и. гим̣ со вийд̇иггамиссад̇ийд̇и гимад̇т̇ам̣ вийд̇иггамам̣ гариссад̇и, нзва вийд̇иггамам̣ гариссад̇ийд̇и ад̇т̇о. акан̣д̣аанийд̇иаад̣̇ийни хздтаа вуд̇д̇абадибагканаязна взд̣̇ид̇аб̣б̣аани. на кан̣д̣аанийд̇иби баато. ‘‘зганд̇аниб̣б̣ид̣̇ааяаа’’д̇иаад̣̇ийсу зганд̇зна ваддз ниб̣б̣инд̣̇анад̇т̇ааяаад̇иаад̣̇инаа наязна яож̇зд̇аб̣б̣ам̣ . зд̇т̇а бана ниб̣б̣ид̣̇ааяаад̇и вибассанаа. вирааг̇ааяаад̇и маг̇г̇о. нирод̇хааяа убасамааяаад̇и ниб̣б̣аанам̣. абхин̃н̃ааяа самб̣од̇хааяаад̇и маг̇г̇о. ниб̣б̣аанааяаад̇и ниб̣б̣аанамзва. згасмим̣ таанз вибассанаа, д̣̇вийсу маг̇г̇о, д̇ийсу ниб̣б̣аанам̣ вуд̇д̇анд̇и звам̣ авад̇т̇аанагат̇аа взд̣̇ид̇аб̣б̣аа. барияааязна бана саб̣б̣аанибзд̇аани маг̇г̇авзважанааниби ниб̣б̣аанавзважанааниби хонд̇иязва.

    Yathāsamādinnaṃ sikkhāpadaṃ vītikkamāyāti yathāsamādinnassa sikkhāpadassa vītikkamanatthāya. Vibhattivipallāsavasena panettha upayogavacanaṃ kataṃ. Cittampi na uppādetīti cittuppādasuddhiyā sīlassa ativisuddhabhāvadassanatthaṃ vuttaṃ, na pana cittuppādamattena sīlaṃ bhijjati. Kiṃ so vītikkamissatīti kimatthaṃ vītikkamaṃ karissati, neva vītikkamaṃ karissatīti attho. Akhaṇḍānītiādīni heṭṭhā vuttapaṭipakkhanayena veditabbāni. Na khaṇḍānītipi pāṭho. ‘‘Ekantanibbidāyā’’tiādīsu ekantena vaṭṭe nibbindanatthāyātiādinā nayena yojetabbaṃ . Ettha pana nibbidāyāti vipassanā. Virāgāyāti maggo. Nirodhāya upasamāyāti nibbānaṃ. Abhiññāya sambodhāyāti maggo. Nibbānāyāti nibbānameva. Ekasmiṃ ṭhāne vipassanā, dvīsu maggo, tīsu nibbānaṃ vuttanti evaṃ avatthānakathā veditabbā. Pariyāyena pana sabbānipetāni maggavevacanānipi nibbānavevacanānipi hontiyeva.

    39. ид̣̇аани барияанд̇аабарияанд̇авасзна виж̇ж̇амаанабабхзд̣̇ам̣ д̣̇ассзд̇ваа буна д̇хаммавасзна ж̇аад̇ивасзна бажжаяавасзна самбаяуд̇д̇авасзна сийласса бабхзд̣̇ам̣ д̣̇ассзд̇ум̣ гим̣ сийланд̇иаад̣̇имааха. д̇ад̇т̇а самудтаад̇и зд̇знаад̇и самудтаанам̣. бажжаяассзд̇ам̣ наамам̣. гим̣ самудтаанамассаад̇и гим̣самудтаанам̣. гад̇инам̣ д̇хаммаанам̣ самод̇хаанам̣ самавааяо ассаад̇и гад̇ид̇хаммасамод̇хаанам̣.

    39. Idāni pariyantāpariyantavasena vijjamānapabhedaṃ dassetvā puna dhammavasena jātivasena paccayavasena sampayuttavasena sīlassa pabhedaṃ dassetuṃ kiṃ sīlantiādimāha. Tattha samuṭṭhāti etenāti samuṭṭhānaṃ. Paccayassetaṃ nāmaṃ. Kiṃ samuṭṭhānamassāti kiṃsamuṭṭhānaṃ. Katinaṃ dhammānaṃ samodhānaṃ samavāyo assāti katidhammasamodhānaṃ.

    жзд̇анаа сийланд̇и баан̣аад̇ибаад̇аад̣̇ийхи вираманд̇асса, вад̇д̇абадибад̇д̇им̣ ваа буурзнд̇асса жзд̇анаа. жзд̇асигам̣ сийланд̇и баан̣аад̇ибаад̇аад̣̇ийхи вираманд̇асса вирад̇и. абижа жзд̇анаа сийлам̣ наама баан̣аад̇ибаад̇аад̣̇ийни баж̇аханд̇асса сад̇д̇агаммабат̇ажзд̇анаа . жзд̇асигам̣ сийлам̣ наама ‘‘абхиж̇жхам̣ логз бахааяа виг̇ад̇аабхиж̇жхзна жзд̇асаа вихарад̇ий’’д̇иаад̣̇инаа (д̣̇ий. ни. 1.217) наязна вуд̇д̇аа анабхиж̇жхаааб̣яаабаад̣̇асаммаад̣̇идтид̇хаммаа. сам̣варо сийланд̇и зд̇т̇а бан̃жавид̇хо сам̣варо взд̣̇ид̇аб̣б̣о – баад̇имогкасам̣варо, сад̇исам̣варо, н̃аан̣асам̣варо, канд̇исам̣варо, вийрияасам̣варод̇и. д̇ад̇т̇а ‘‘иминаа баад̇имогкасам̣варзна убзд̇о ход̇и самубзд̇о’’д̇и (вибха. 511) аяам̣ баад̇имогкасам̣варо. ‘‘рагкад̇и жагкунд̣̇рияам̣, жагкунд̣̇рияз сам̣варам̣ аабаж̇ж̇ад̇ий’’д̇и (д̣̇ий. ни. 1.213; ма. ни. 1.295; сам̣. ни. 4.239; а. ни. 3.16) аяам̣ сад̇исам̣варо.

    Cetanāsīlanti pāṇātipātādīhi viramantassa, vattapaṭipattiṃ vā pūrentassa cetanā. Cetasikaṃ sīlanti pāṇātipātādīhi viramantassa virati. Apica cetanā sīlaṃ nāma pāṇātipātādīni pajahantassa sattakammapathacetanā . Cetasikaṃ sīlaṃ nāma ‘‘abhijjhaṃ loke pahāya vigatābhijjhena cetasā viharatī’’tiādinā (dī. ni. 1.217) nayena vuttā anabhijjhāabyāpādasammādiṭṭhidhammā. Saṃvaro sīlanti ettha pañcavidho saṃvaro veditabbo – pātimokkhasaṃvaro, satisaṃvaro, ñāṇasaṃvaro, khantisaṃvaro, vīriyasaṃvaroti. Tattha ‘‘iminā pātimokkhasaṃvarena upeto hoti samupeto’’ti (vibha. 511) ayaṃ pātimokkhasaṃvaro. ‘‘Rakkhati cakkhundriyaṃ, cakkhundriye saṃvaraṃ āpajjatī’’ti (dī. ni. 1.213; ma. ni. 1.295; saṃ. ni. 4.239; a. ni. 3.16) ayaṃ satisaṃvaro.

    ‘‘яаани сод̇аани логасмим̣, (аж̇ид̇аад̇и бхаг̇аваа;)

    ‘‘Yāni sotāni lokasmiṃ, (ajitāti bhagavā;)

    сад̇и д̇зсам̣ нивааран̣ам̣;

    Sati tesaṃ nivāraṇaṃ;

    сод̇аанам̣ сам̣варам̣ б̣рууми, бан̃н̃ааязд̇з бид̇хийяарз’’д̇и. (су. ни. 1041) –

    Sotānaṃ saṃvaraṃ brūmi, paññāyete pidhīyare’’ti. (su. ni. 1041) –

    аяам̣ н̃аан̣асам̣варо. бажжаяабадисзванамби зд̇т̇зва самод̇хаанам̣ г̇ажчад̇и. яо банааяам̣ ‘‘камо ход̇и сийд̇асса ун̣хассаа’’д̇иаад̣̇инаа (ма. ни. 1.24; а. ни. 4.114; 6.58) наязна ааг̇ад̇о, аяам̣ канд̇исам̣варо наама. яо жааяам̣ ‘‘уббаннам̣ гаамавид̇аггам̣ наад̇хиваасзд̇ий’’д̇иаад̣̇инаа (ма. ни. 1.26; а. ни. 4.114; 6.58) наязна ааг̇ад̇о, аяам̣ вийрияасам̣варо наама. ааж̇ийвабаарисуд̣̇д̇хиби зд̇т̇зва самод̇хаанам̣ г̇ажчад̇и. ид̇и аяам̣ бан̃жавид̇хоби сам̣варо, яаа жа баабабхийругаанам̣ гулабуд̇д̇аанам̣ самбад̇д̇авад̇т̇уд̇о вирад̇и, саб̣б̣амзд̇ам̣ сам̣варасийланд̇и взд̣̇ид̇аб̣б̣ам̣. авийд̇иггамо сийланд̇и самаад̣̇иннасийласса гааяигаваажасиго авийд̇иггамо. ид̣̇ам̣ д̇аава гим̣ сийланд̇и бан̃хасса виссаж̇ж̇анам̣.

    Ayaṃ ñāṇasaṃvaro. Paccayapaṭisevanampi ettheva samodhānaṃ gacchati. Yo panāyaṃ ‘‘khamo hoti sītassa uṇhassā’’tiādinā (ma. ni. 1.24; a. ni. 4.114; 6.58) nayena āgato, ayaṃ khantisaṃvaro nāma. Yo cāyaṃ ‘‘uppannaṃ kāmavitakkaṃ nādhivāsetī’’tiādinā (ma. ni. 1.26; a. ni. 4.114; 6.58) nayena āgato, ayaṃ vīriyasaṃvaro nāma. Ājīvapārisuddhipi ettheva samodhānaṃ gacchati. Iti ayaṃ pañcavidhopi saṃvaro, yā ca pāpabhīrukānaṃ kulaputtānaṃ sampattavatthuto virati, sabbametaṃ saṃvarasīlanti veditabbaṃ. Avītikkamo sīlanti samādinnasīlassa kāyikavācasiko avītikkamo. Idaṃ tāva kiṃ sīlanti pañhassa vissajjanaṃ.

    гад̇и сийлаанийд̇и бан̃хасса виссаж̇ж̇анз гусаласийлам̣ агусаласийлам̣ аб̣яаагад̇асийланд̇и зд̇т̇а яасмаа логз д̇зсам̣ д̇зсам̣ сад̇д̇аанам̣ багад̇и сийланд̇и вужжад̇и, яам̣ санд̇хааяа ‘‘аяам̣ сукасийло, аяам̣ д̣̇угкасийло, аяам̣ галахасийло, аяам̣ ман̣д̣анасийло’’д̇и бхан̣анд̇и. д̇асмаа д̇зна барияааязна ад̇т̇уд̣̇д̇хааравасзна агусаласийламаби сийланд̇и вуд̇д̇ам̣. д̇ам̣ бана ‘‘суд̇ваана сам̣варз бан̃н̃аа’’д̇и (бади. ма. 1.37) важанад̇о ид̇хаад̇хиббзд̇асийлам̣ на ход̇ийд̇и.

    Kati sīlānīti pañhassa vissajjane kusalasīlaṃ akusalasīlaṃ abyākatasīlanti ettha yasmā loke tesaṃ tesaṃ sattānaṃ pakati sīlanti vuccati, yaṃ sandhāya ‘‘ayaṃ sukhasīlo, ayaṃ dukkhasīlo, ayaṃ kalahasīlo, ayaṃ maṇḍanasīlo’’ti bhaṇanti. Tasmā tena pariyāyena atthuddhāravasena akusalasīlamapi sīlanti vuttaṃ. Taṃ pana ‘‘sutvāna saṃvare paññā’’ti (paṭi. ma. 1.37) vacanato idhādhippetasīlaṃ na hotīti.

    яасмаа бана жзд̇анаад̣̇ибхзд̣̇асса сийласса самбаяуд̇д̇ажид̇д̇ам̣ самудтаанам̣, д̇асмаа гусалажид̇д̇асамудтаанам̣ гусаласийланд̇иаад̣̇имааха.

    Yasmā pana cetanādibhedassa sīlassa sampayuttacittaṃ samuṭṭhānaṃ, tasmā kusalacittasamuṭṭhānaṃ kusalasīlantiādimāha.

    сам̣варасамод̇хаанам̣ сийланд̇и сам̣варасамбаяуд̇д̇аканд̇хаа. д̇з хи сам̣варзна самааг̇ад̇аа миссийбхууд̇аад̇и сам̣варасамод̇хаананд̇и вуд̇д̇аа. звам̣ авийд̇иггамасамод̇хаанам̣ сийламби взд̣̇ид̇аб̣б̣ам̣. д̇ат̇аабхаавз ж̇аад̇ажзд̇анаа самод̇хаанам̣ сийланд̇и сам̣варабхаавз авийд̇иггамабхаавз ж̇аад̇ажзд̇анаасамбаяуд̇д̇аа канд̇хаа. яасмаа жа д̇ийсуби жзд̇зсу д̇ам̣самбаяуд̇д̇аа д̇хаммаа ад̇хиббзд̇аа, д̇асмаа жзд̇анаасамод̇хаанзна жзд̇асигаанамби сан̇г̇ахид̇ад̇д̇аа жзд̇асигасамод̇хаанасийлам̣ висум̣ на нид̣̇д̣̇идтанд̇и взд̣̇ид̇аб̣б̣ам̣. хздтаа жзд̇анаад̣̇аяо д̇хаммаа ‘‘сийла’’нд̇и вуд̇д̇аа. на гзвалам̣ д̇з зва сийлам̣, д̇ам̣самбаяуд̇д̇аа д̇хаммааби сийламзваад̇и д̣̇ассанад̇т̇ам̣ аяам̣ д̇иго вуд̇д̇од̇и взд̣̇ид̇аб̣б̣о.

    Saṃvarasamodhānaṃ sīlanti saṃvarasampayuttakhandhā. Te hi saṃvarena samāgatā missībhūtāti saṃvarasamodhānanti vuttā. Evaṃ avītikkamasamodhānaṃ sīlampi veditabbaṃ. Tathābhāve jātacetanā samodhānaṃ sīlanti saṃvarabhāve avītikkamabhāve jātacetanāsampayuttā khandhā. Yasmā ca tīsupi cetesu taṃsampayuttā dhammā adhippetā, tasmā cetanāsamodhānena cetasikānampi saṅgahitattā cetasikasamodhānasīlaṃ visuṃ na niddiṭṭhanti veditabbaṃ. Heṭṭhā cetanādayo dhammā ‘‘sīla’’nti vuttā. Na kevalaṃ te eva sīlaṃ, taṃsampayuttā dhammāpi sīlamevāti dassanatthaṃ ayaṃ tiko vuttoti veditabbo.

    40. ид̣̇аани яасмаа жзд̇анаажзд̇асигаа сам̣вараавийд̇иггамааязва хонд̇и на висум̣, д̇асмаа сам̣вараавийд̇иггамзязва яаава арахад̇д̇амаг̇г̇аа саад̇хааран̣аггамзна яож̇знд̇о баан̣аад̇ибаад̇ам̣ сам̣варадтзна сийлам̣, авийд̇иггамадтзна сийланд̇иаад̣̇имааха. баан̣аад̇ибаад̇аа взраман̣иаад̣̇аяо хи яасмаа ад̇д̇ано ад̇д̇ано бажжанийгам̣ сам̣варанд̇и, д̇ам̣ на вийд̇иггаманд̇и жа, д̇асмаа сам̣варан̣ад̇о авийд̇иггаманад̇о жа сам̣варадтзна сийлам̣ авийд̇иггамадтзна сийлам̣ наама ход̇и. д̇ад̇т̇а баан̣аад̇ибаад̇ам̣ сам̣варадтзнаад̇и баан̣аад̇ибаад̇асса бид̣̇аханадтзна сийлам̣. гим̣ д̇ам̣? баан̣аад̇ибаад̇аа взраман̣ий. саа жа д̇ам̣ сам̣варанд̇ийязва д̇ам̣ на вийд̇иггамад̇ийд̇и авийд̇иггамадтзна сийлам̣. звамзва ад̣̇иннаад̣̇аанаа взраман̣иаад̣̇аяо анабхиж̇жхаааб̣яаабаад̣̇асаммаад̣̇идтияо яож̇зд̇аб̣б̣аа.

    40. Idāni yasmā cetanācetasikā saṃvarāvītikkamāyeva honti na visuṃ, tasmā saṃvarāvītikkameyeva yāva arahattamaggā sādhāraṇakkamena yojento pāṇātipātaṃ saṃvaraṭṭhena sīlaṃ, avītikkamaṭṭhena sīlantiādimāha. Pāṇātipātā veramaṇiādayo hi yasmā attano attano paccanīkaṃ saṃvaranti, taṃ na vītikkamanti ca, tasmā saṃvaraṇato avītikkamanato ca saṃvaraṭṭhena sīlaṃ avītikkamaṭṭhena sīlaṃ nāma hoti. Tattha pāṇātipātaṃ saṃvaraṭṭhenāti pāṇātipātassa pidahanaṭṭhena sīlaṃ. Kiṃ taṃ? Pāṇātipātā veramaṇī. Sā ca taṃ saṃvarantīyeva taṃ na vītikkamatīti avītikkamaṭṭhena sīlaṃ. Evameva adinnādānā veramaṇiādayo anabhijjhāabyāpādasammādiṭṭhiyo yojetabbā.

    баан̣аад̇ибаад̇анд̇иаад̣̇ийсу бана д̣̇асасу агусалагаммабат̇зсу баан̣асса ад̇ибаад̇о баан̣аад̇ибаад̇о. баан̣авад̇хо баан̣агхаад̇од̇и вуд̇д̇ам̣ ход̇и. баан̣од̇и жзд̇т̇а вохаарад̇о сад̇д̇о, барамад̇т̇ад̇о ж̇ийвид̇инд̣̇рияам̣. д̇асмим̣ бана баан̣з баан̣асан̃н̃ино ж̇ийвид̇инд̣̇рияубажчзд̣̇агаубаггамасамудтаабигаа гааяаважийд̣̇ваараанам̣ ан̃н̃ад̇арад̣̇ваараббавад̇д̇аа вад̇хагажзд̇анаа баан̣аад̇ибаад̇о. со г̇ун̣авирахид̇зсу д̇иражчаанаг̇ад̇аад̣̇ийсу баан̣зсу куд̣̇д̣̇агз баан̣з аббасааваж̇ж̇о, махаасарийрз махаасааваж̇ж̇о. гасмаа? баяог̇амаханд̇ад̇ааяа. баяог̇асамад̇д̇зби вад̇т̇умаханд̇ад̇ааяа. г̇ун̣аванд̇зсу мануссаад̣̇ийсу аббаг̇ун̣з баан̣з аббасааваж̇ж̇о, махааг̇ун̣з махаасааваж̇ж̇о. сарийраг̇ун̣аанам̣ бана самабхаавз сад̇и гилзсаанам̣ убаггамаанан̃жа муд̣̇уд̇ааяа аббасааваж̇ж̇о, д̇иб̣б̣ад̇ааяа махаасааваж̇ж̇од̇и взд̣̇ид̇аб̣б̣о. д̇асса бан̃жа самбхаараа – баан̣о, баан̣асан̃н̃ид̇аа, вад̇хагажид̇д̇ам̣, убаггамо, д̇зна маран̣анд̇и.

    Pāṇātipātantiādīsu pana dasasu akusalakammapathesu pāṇassa atipāto pāṇātipāto. Pāṇavadho pāṇaghātoti vuttaṃ hoti. Pāṇoti cettha vohārato satto, paramatthato jīvitindriyaṃ. Tasmiṃ pana pāṇe pāṇasaññino jīvitindriyupacchedakaupakkamasamuṭṭhāpikā kāyavacīdvārānaṃ aññataradvārappavattā vadhakacetanā pāṇātipāto. So guṇavirahitesu tiracchānagatādīsu pāṇesu khuddake pāṇe appasāvajjo, mahāsarīre mahāsāvajjo. Kasmā? Payogamahantatāya. Payogasamattepi vatthumahantatāya. Guṇavantesu manussādīsu appaguṇe pāṇe appasāvajjo, mahāguṇe mahāsāvajjo. Sarīraguṇānaṃ pana samabhāve sati kilesānaṃ upakkamānañca mudutāya appasāvajjo, tibbatāya mahāsāvajjoti veditabbo. Tassa pañca sambhārā – pāṇo, pāṇasaññitā, vadhakacittaṃ, upakkamo, tena maraṇanti.

    ад̣̇иннасса аад̣̇аанам̣ ад̣̇иннаад̣̇аанам̣, барасам̣харан̣ам̣, т̇зяяам̣, жоригаад̇и вуд̇д̇ам̣ ход̇и. д̇ад̇т̇а ад̣̇иннанд̇и барабариг̇г̇ахид̇ам̣, яад̇т̇а баро яат̇аагаамагаарид̇ам̣ аабаж̇ж̇анд̇о ад̣̇ан̣д̣аарахо анубаваж̇ж̇о жа ход̇и, д̇асмим̣ барабариг̇г̇ахид̇з барабариг̇г̇ахид̇асан̃н̃ино д̇ад̣̇аад̣̇ааяагаубаггамасамудтаабигаа гааяаважийд̣̇ваараанам̣ ан̃н̃ад̇арад̣̇ваараббавад̇д̇аа т̇зяяажзд̇анаа ад̣̇иннаад̣̇аанам̣. д̇ам̣ хийнз барасанд̇агз аббасааваж̇ж̇ам̣, бан̣ийд̇з махаасааваж̇ж̇ам̣. гасмаа? вад̇т̇убан̣ийд̇ад̇ааяа. вад̇т̇усамад̇д̇з сад̇и г̇ун̣аад̇хигаанам̣ санд̇агз вад̇т̇усмим̣ махаасааваж̇ж̇ам̣, д̇ам̣ д̇ам̣ г̇ун̣аад̇хигам̣ убаад̣̇ааяа д̇ад̇о д̇ад̇о хийнаг̇ун̣асса санд̇агз вад̇т̇усмим̣ аббасааваж̇ж̇ам̣. д̇асса бан̃жа самбхаараа – барабариг̇г̇ахид̇ам̣, барабариг̇г̇ахид̇асан̃н̃ид̇аа т̇зяяажид̇д̇ам̣, убаггамо, д̇зна харан̣анд̇и.

    Adinnassa ādānaṃ adinnādānaṃ, parasaṃharaṇaṃ, theyyaṃ, corikāti vuttaṃ hoti. Tattha adinnanti parapariggahitaṃ, yattha paro yathākāmakāritaṃ āpajjanto adaṇḍāraho anupavajjo ca hoti, tasmiṃ parapariggahite parapariggahitasaññino tadādāyakaupakkamasamuṭṭhāpikā kāyavacīdvārānaṃ aññataradvārappavattā theyyacetanā adinnādānaṃ. Taṃ hīne parasantake appasāvajjaṃ, paṇīte mahāsāvajjaṃ. Kasmā? Vatthupaṇītatāya. Vatthusamatte sati guṇādhikānaṃ santake vatthusmiṃ mahāsāvajjaṃ, taṃ taṃ guṇādhikaṃ upādāya tato tato hīnaguṇassa santake vatthusmiṃ appasāvajjaṃ. Tassa pañca sambhārā – parapariggahitaṃ, parapariggahitasaññitā theyyacittaṃ, upakkamo, tena haraṇanti.

    гаамзсууд̇и мзт̇унасамаажаарзсу. мижчаажаарод̇и зганд̇анинд̣̇ид̇о лаамагаажааро. лагкан̣ад̇о бана асад̣̇д̇хаммаад̇хиббааязна гааяад̣̇ваараббавад̇д̇аа аг̇аманийяадтаанавийд̇иггамажзд̇анаа гаамзсу мижчаажааро.

    Kāmesūti methunasamācāresu. Micchācāroti ekantanindito lāmakācāro. Lakkhaṇato pana asaddhammādhippāyena kāyadvārappavattā agamanīyaṭṭhānavītikkamacetanā kāmesu micchācāro.

    д̇ад̇т̇а аг̇аманийяадтаанам̣ наама бурисаанам̣ д̇аава маад̇урагкид̇аа, бид̇урагкид̇аа, маад̇аабид̇урагкид̇аа, бхаад̇урагкид̇аа, бхаг̇инирагкид̇аа, н̃аад̇ирагкид̇аа, г̇од̇д̇арагкид̇аа, д̇хаммарагкид̇аа, саарагкаа, сабарид̣̇ан̣д̣аад̇и маад̇урагкид̇аад̣̇аяо д̣̇аса, д̇ханаггийд̇аа, чанд̣̇аваасиний, бхог̇аваасиний, бадаваасиний, од̣̇абад̇д̇агиний, обхад̇ажумб̣адаа, д̣̇аасий жа, бхарияаа жа, гаммагаарий жа бхарияаа жа, д̇хаж̇аахадаа мухуд̇д̇игаад̇и д̇ханаггийд̇аад̣̇аяо д̣̇асаад̇и вийсад̇и ид̇т̇ияо. ид̇т̇ийсу бана д̣̇виннам̣ саарагкасабарид̣̇ан̣д̣аанам̣ д̣̇асаннан̃жа д̇ханаггийд̇аад̣̇ийнанд̇и д̣̇ваад̣̇асаннам̣ ид̇т̇ийнам̣ ан̃н̃з бурисаа, ид̣̇ам̣ аг̇аманийяадтаанам̣ наама.

    Tattha agamanīyaṭṭhānaṃ nāma purisānaṃ tāva māturakkhitā, piturakkhitā, mātāpiturakkhitā, bhāturakkhitā, bhaginirakkhitā, ñātirakkhitā, gottarakkhitā, dhammarakkhitā, sārakkhā, saparidaṇḍāti māturakkhitādayo dasa, dhanakkītā, chandavāsinī, bhogavāsinī, paṭavāsinī, odapattakinī, obhatacumbaṭā, dāsī ca, bhariyā ca, kammakārī ca bhariyā ca, dhajāhaṭā muhuttikāti dhanakkītādayo dasāti vīsati itthiyo. Itthīsu pana dvinnaṃ sārakkhasaparidaṇḍānaṃ dasannañca dhanakkītādīnanti dvādasannaṃ itthīnaṃ aññe purisā, idaṃ agamanīyaṭṭhānaṃ nāma.

    со банзса мижчаажааро сийлаад̣̇иг̇ун̣арахид̇з аг̇аманийяадтаанз аббасааваж̇ж̇о, сийлаад̣̇иг̇ун̣асамбаннз махаасааваж̇ж̇о. д̇асса жад̇д̇ааро самбхаараа – аг̇аманийяавад̇т̇у, д̇асмим̣ сзванажид̇д̇ам̣, сзванабаяог̇о, маг̇г̇знамаг̇г̇абадибад̇д̇иад̇хиваасананд̇и.

    So panesa micchācāro sīlādiguṇarahite agamanīyaṭṭhāne appasāvajjo, sīlādiguṇasampanne mahāsāvajjo. Tassa cattāro sambhārā – agamanīyavatthu, tasmiṃ sevanacittaṃ, sevanapayogo, maggenamaggapaṭipattiadhivāsananti.

    мусаад̇и висам̣ваад̣̇анабурзгкаарасса ад̇т̇абхан̃ж̇аго важийбаяог̇о, гааяабаяог̇о ваа. висам̣ваад̣̇анаад̇хиббааязна банасса барависам̣ваад̣̇агагааяаважийбаяог̇асамудтаабигаа жзд̇анаа мусааваад̣̇о. абаро наяо – мусаад̇и абхууд̇ам̣ ад̇ажчам̣ вад̇т̇у. ваад̣̇од̇и д̇асса бхууд̇ад̇о д̇ажчад̇о вин̃н̃аабанам̣. лагкан̣ад̇о бана ад̇ат̇ам̣ вад̇т̇ум̣ д̇ат̇ад̇о барам̣ вин̃н̃аабзд̇угаамасса д̇ат̇аавин̃н̃ад̇д̇исамудтаабигаа жзд̇анаа мусааваад̣̇о. со яамад̇т̇ам̣ бхан̃ж̇ад̇и, д̇асса аббад̇ааяа аббасааваж̇ж̇о, маханд̇ад̇ааяа махаасааваж̇ж̇о. абижа г̇ахадтаанам̣ ад̇д̇ано санд̇агам̣ ад̣̇аад̇угаамад̇ааяа над̇т̇ийд̇иаад̣̇инаяаббавад̇д̇о аббасааваж̇ж̇о, сагкинаа худ̇ваа ад̇т̇абхан̃ж̇анад̇т̇ам̣ вуд̇д̇о махаасааваж̇ж̇о. баб̣б̣аж̇ид̇аанам̣ аббагамби д̇злам̣ ваа саббим̣ ваа лабхид̇ваа хасаад̇хиббааязна ‘‘аж̇ж̇а г̇аамз д̇злам̣ над̣̇ий ман̃н̃з санд̣̇ад̇ий’’д̇и бууран̣агат̇аанаязна бавад̇д̇о аббасааваж̇ж̇о, ад̣̇идтам̣язва бана д̣̇идтанд̇иаад̣̇инаа наязна вад̣̇анд̇аанам̣ махаасааваж̇ж̇о. д̇асса жад̇д̇ааро самбхаараа – ад̇ат̇ам̣ вад̇т̇у, висам̣ваад̣̇анажид̇д̇ам̣, д̇аж̇ж̇о вааяаамо, барасса д̇ад̣̇ад̇т̇авиж̇аанананд̇и.

    Musāti visaṃvādanapurekkhārassa atthabhañjako vacīpayogo, kāyapayogo vā. Visaṃvādanādhippāyena panassa paravisaṃvādakakāyavacīpayogasamuṭṭhāpikā cetanā musāvādo. Aparo nayo – musāti abhūtaṃ atacchaṃ vatthu. Vādoti tassa bhūtato tacchato viññāpanaṃ. Lakkhaṇato pana atathaṃ vatthuṃ tathato paraṃ viññāpetukāmassa tathāviññattisamuṭṭhāpikā cetanā musāvādo. So yamatthaṃ bhañjati, tassa appatāya appasāvajjo, mahantatāya mahāsāvajjo. Apica gahaṭṭhānaṃ attano santakaṃ adātukāmatāya natthītiādinayappavatto appasāvajjo, sakkhinā hutvā atthabhañjanatthaṃ vutto mahāsāvajjo. Pabbajitānaṃ appakampi telaṃ vā sappiṃ vā labhitvā hasādhippāyena ‘‘ajja gāme telaṃ nadī maññe sandatī’’ti pūraṇakathānayena pavatto appasāvajjo, adiṭṭhaṃyeva pana diṭṭhantiādinā nayena vadantānaṃ mahāsāvajjo. Tassa cattāro sambhārā – atathaṃ vatthu, visaṃvādanacittaṃ, tajjo vāyāmo, parassa tadatthavijānananti.

    яааяа ваажааяа яасса д̇ам̣ ваажам̣ бхаасад̇и, д̇асса хад̣̇аяз ад̇д̇ано бияабхаавам̣, барасса жа сун̃н̃абхаавам̣ гарод̇и, саа бисун̣аа ваажаа. яааяа бана ад̇д̇аанамби барамби парусам̣ гарод̇и, яаа ваажаа саяамби парусаа нзва ган̣н̣асукаа на хад̣̇аяасукаа ваа, аяам̣ парусаа ваажаа. язна сампам̣ балабад̇и нирад̇т̇агам̣, со сампаббалаабо. д̇зсам̣ муулабхууд̇аа жзд̇анааби бисун̣ааваажаад̣̇инаамамзва лабхад̇и. саа зва жа ид̇ха ад̇хиббзд̇аад̇и.

    Yāya vācāya yassa taṃ vācaṃ bhāsati, tassa hadaye attano piyabhāvaṃ, parassa ca suññabhāvaṃ karoti, sā pisuṇā vācā. Yāya pana attānampi parampi pharusaṃ karoti, yā vācā sayampi pharusā neva kaṇṇasukhā na hadayasukhā vā, ayaṃ pharusā vācā. Yena samphaṃ palapati niratthakaṃ, so samphappalāpo. Tesaṃ mūlabhūtā cetanāpi pisuṇāvācādināmameva labhati. Sā eva ca idha adhippetāti.

    д̇ад̇т̇а сам̣гилидтажид̇д̇асса барзсам̣ ваа бхзд̣̇ааяа ад̇д̇ано бияагамяад̇ааяа ваа гааяаважийбаяог̇асамудтаабигаа жзд̇анаа бисун̣аа ваажаа. саа яасса бхзд̣̇ам̣ гарод̇и, д̇асса аббаг̇ун̣ад̇ааяа аббасааваж̇ж̇аа, махааг̇ун̣ад̇ааяа махаасааваж̇ж̇аа. д̇ассаа жад̇д̇ааро самбхаараа – бхинд̣̇ид̇аб̣б̣о баро, ‘‘ид̇и имз наанаа бхависсанд̇ий’’д̇и бхзд̣̇абурзгкаарад̇аа ваа ‘‘ид̇и ахам̣ бияо бхависсаами виссаасиго’’д̇и бияагамяад̇аа ваа, д̇аж̇ж̇о вааяаамо, д̇асса д̇ад̣̇ад̇т̇авиж̇аанананд̇и. барз бана абхиннз гаммабат̇абхзд̣̇о над̇т̇и, бхиннзязва ход̇и.

    Tattha saṃkiliṭṭhacittassa paresaṃ vā bhedāya attano piyakamyatāya vā kāyavacīpayogasamuṭṭhāpikā cetanā pisuṇā vācā. Sā yassa bhedaṃ karoti, tassa appaguṇatāya appasāvajjā, mahāguṇatāya mahāsāvajjā. Tassā cattāro sambhārā – bhinditabbo paro, ‘‘iti ime nānā bhavissantī’’ti bhedapurekkhāratā vā ‘‘iti ahaṃ piyo bhavissāmi vissāsiko’’ti piyakamyatā vā, tajjo vāyāmo, tassa tadatthavijānananti. Pare pana abhinne kammapathabhedo natthi, bhinneyeva hoti.

    барасса маммажчзд̣̇агагааяаважийбаяог̇асамудтаабигаа зганд̇апарусажзд̇анаа парусаа ваажаа. маммажчзд̣̇агоби бана баяог̇о жид̇д̇асан̣хад̇ааяа парусаа ваажаа на ход̇и. маад̇аабид̇аро хи гад̣̇аажи буд̇д̇агз звамби вад̣̇анд̇и ‘‘жораа во кан̣д̣аакан̣д̣игам̣ гаронд̇уу’’д̇и. уббалабад̇д̇амби жа нзсам̣ убари бад̇анд̇ам̣ на ижчанд̇и. аажарияубаж̇жхааяаа жа гад̣̇аажи ниссид̇агз звам̣ вад̣̇анд̇и ‘‘гим̣ имз ахиригаа анод̇д̇аббино, нид̣̇д̇хамат̇а нз’’д̇и. ат̇а жа нзсам̣ ааг̇амаад̇хиг̇амасамбад̇д̇им̣ ижчанд̇и. яат̇аа жа жид̇д̇асан̣хад̇ааяа парусаа ваажаа на ход̇и, звам̣ важанасан̣хад̇ааяа апарусаа ваажааби на ход̇и. на хи маараабзд̇угаамасса ‘‘имам̣ сукам̣ саяаабзт̇аа’’д̇и важанам̣ апарусаа ваажаа ход̇и, жид̇д̇апарусад̇ааяа банзсаа парусаа ваажаава. саа яам̣ санд̇хааяа бавад̇д̇ид̇аа, д̇асса аббаг̇ун̣ад̇ааяа аббасааваж̇ж̇аа, махааг̇ун̣ад̇ааяа махаасааваж̇ж̇аа. д̇ассаа д̇аяо самбхаараа – аггосид̇аб̣б̣о баро, губид̇ажид̇д̇ам̣, аггосанаад̇и.

    Parassa mammacchedakakāyavacīpayogasamuṭṭhāpikā ekantapharusacetanā pharusā vācā. Mammacchedakopi pana payogo cittasaṇhatāya pharusā vācā na hoti. Mātāpitaro hi kadāci puttake evampi vadanti ‘‘corā vo khaṇḍākhaṇḍikaṃ karontū’’ti. Uppalapattampi ca nesaṃ upari patantaṃ na icchanti. Ācariyupajjhāyā ca kadāci nissitake evaṃ vadanti ‘‘kiṃ ime ahirikā anottappino, niddhamatha ne’’ti. Atha ca nesaṃ āgamādhigamasampattiṃ icchanti. Yathā ca cittasaṇhatāya pharusā vācā na hoti, evaṃ vacanasaṇhatāya apharusā vācāpi na hoti. Na hi mārāpetukāmassa ‘‘imaṃ sukhaṃ sayāpethā’’ti vacanaṃ apharusā vācā hoti, cittapharusatāya panesā pharusā vācāva. Sā yaṃ sandhāya pavattitā, tassa appaguṇatāya appasāvajjā, mahāguṇatāya mahāsāvajjā. Tassā tayo sambhārā – akkositabbo paro, kupitacittaṃ, akkosanāti.

    анад̇т̇авин̃н̃аабигаа гааяаважийбаяог̇асамудтаабигаа агусалажзд̇анаа сампаббалаабо. со аасзванаманд̣̇ад̇ааяа аббасааваж̇ж̇о, аасзванамаханд̇ад̇ааяа махаасааваж̇ж̇о. д̇асса д̣̇вз самбхаараа – бхаарад̇аяуд̣̇д̇хасийд̇аахаран̣аад̣̇инирад̇т̇агагат̇аабурзгкаарад̇аа, д̇ат̇ааруубигат̇аагат̇анан̃жаад̇и. барз бана д̇ам̣ гат̇ам̣ аг̇ан̣ханд̇з гаммабат̇абхзд̣̇о над̇т̇и, барзна сампаббалаабз г̇ахид̇зязва ход̇и.

    Anatthaviññāpikā kāyavacīpayogasamuṭṭhāpikā akusalacetanā samphappalāpo. So āsevanamandatāya appasāvajjo, āsevanamahantatāya mahāsāvajjo. Tassa dve sambhārā – bhāratayuddhasītāharaṇādiniratthakakathāpurekkhāratā, tathārūpikathākathanañcāti. Pare pana taṃ kathaṃ agaṇhante kammapathabhedo natthi, parena samphappalāpe gahiteyeva hoti.

    абхиж̇жхааяад̇ийд̇и абхиж̇жхаа, барабхан̣д̣аабхимукий худ̇ваа д̇анниннад̇ааяа бавад̇д̇ад̇ийд̇и ад̇т̇о. саа ‘‘ахо вад̇а ид̣̇ам̣ мамассаа’’д̇и звам̣ барабхан̣д̣аабхиж̇жхааяаналагкан̣аа, ад̣̇иннаад̣̇аанам̣ вияа аббасааваж̇ж̇аа махаасааваж̇ж̇аа жа. д̇асса д̣̇вз самбхаараа – барабхан̣д̣ам̣, ад̇д̇ано барин̣ааманан̃жаад̇и. барабхан̣д̣авад̇т̇угз хи лобхз уббаннзби на д̇аава гаммабат̇абхзд̣̇о ход̇и, яаава ‘‘ахо вад̇а ид̣̇ам̣ мамассаа’’д̇и ад̇д̇ано на барин̣аамзд̇и.

    Abhijjhāyatīti abhijjhā, parabhaṇḍābhimukhī hutvā tanninnatāya pavattatīti attho. Sā ‘‘aho vata idaṃ mamassā’’ti evaṃ parabhaṇḍābhijjhāyanalakkhaṇā, adinnādānaṃ viya appasāvajjā mahāsāvajjā ca. Tassa dve sambhārā – parabhaṇḍaṃ, attano pariṇāmanañcāti. Parabhaṇḍavatthuke hi lobhe uppannepi na tāva kammapathabhedo hoti, yāva ‘‘aho vata idaṃ mamassā’’ti attano na pariṇāmeti.

    хид̇асукам̣ б̣яаабаад̣̇аяад̇ийд̇и б̣яаабаад̣̇о. со баравинаасааяа манобад̣̇осалагкан̣о, парусаа ваажаа вияа аббасааваж̇ж̇о махаасааваж̇ж̇о жа. д̇асса д̣̇вз самбхаараа – барасад̇д̇о жа, д̇асса жа винаасажинд̇аад̇и. барасад̇д̇авад̇т̇угз хи год̇хз уббаннзби на д̇аава гаммабат̇абхзд̣̇о ход̇и, яаава ‘‘ахо вад̇ааяам̣ ужчиж̇ж̇зяяа винассзяяаа’’д̇и д̇асса винаасам̣ на жинд̇зд̇и.

    Hitasukhaṃ byāpādayatīti byāpādo. So paravināsāya manopadosalakkhaṇo, pharusā vācā viya appasāvajjo mahāsāvajjo ca. Tassa dve sambhārā – parasatto ca, tassa ca vināsacintāti. Parasattavatthuke hi kodhe uppannepi na tāva kammapathabhedo hoti, yāva ‘‘aho vatāyaṃ ucchijjeyya vinasseyyā’’ti tassa vināsaṃ na cinteti.

    яат̇аабхужжаг̇ахан̣аабхаавзна мижчаа бассад̇ийд̇и мижчаад̣̇идти. саа ‘‘над̇т̇и д̣̇инна’’нд̇иаад̣̇инаа наязна вибарийд̇ад̣̇ассаналагкан̣аа, сампаббалаабо вияа аббасааваж̇ж̇аа, махаасааваж̇ж̇аа жа. абижа анияад̇аа аббасааваж̇ж̇аа, нияад̇аа махаасааваж̇ж̇аа. д̇ассаа д̣̇вз самбхаараа – вад̇т̇уно жа г̇ахид̇аагааравибарийд̇ад̇аа, яат̇аа жа д̇ам̣ г̇ан̣хаад̇и, д̇ат̇аабхаавзна д̇ассуубадтаананд̇и. д̇ад̇т̇а над̇т̇игаахзд̇угаагирияад̣̇идтийхи зва гаммабат̇абхзд̣̇о ход̇и, на ан̃н̃ад̣̇идтийхи.

    Yathābhuccagahaṇābhāvena micchā passatīti micchādiṭṭhi. Sā ‘‘natthi dinna’’ntiādinā nayena viparītadassanalakkhaṇā, samphappalāpo viya appasāvajjā, mahāsāvajjā ca. Apica aniyatā appasāvajjā, niyatā mahāsāvajjā. Tassā dve sambhārā – vatthuno ca gahitākāraviparītatā, yathā ca taṃ gaṇhāti, tathābhāvena tassūpaṭṭhānanti. Tattha natthikāhetukaakiriyadiṭṭhīhi eva kammapathabhedo hoti, na aññadiṭṭhīhi.

    имзсам̣ бана д̣̇асаннам̣ агусалагаммабат̇аанам̣ д̇хаммад̇о, годтаасад̇о, аарамман̣ад̇о, взд̣̇анаад̇о, муулад̇од̇и бан̃жахаагаарзхи винижчаяо взд̣̇ид̇аб̣б̣о.

    Imesaṃ pana dasannaṃ akusalakammapathānaṃ dhammato, koṭṭhāsato, ārammaṇato, vedanāto, mūlatoti pañcahākārehi vinicchayo veditabbo.

    д̇ад̇т̇а д̇хаммад̇од̇и зд̇зсу хи сад̇д̇а бадибаадияаа жзд̇анаад̇хаммаава хонд̇и, абхиж̇жхаад̣̇аяо д̇аяо жзд̇анаасамбаяуд̇д̇аа.

    Tattha dhammatoti etesu hi satta paṭipāṭiyā cetanādhammāva honti, abhijjhādayo tayo cetanāsampayuttā.

    годтаасад̇од̇и бадибаадияаа сад̇д̇а, мижчаад̣̇идти жаад̇и имз адта гаммабат̇аа зва хонд̇и, но муулаани. абхиж̇жхааб̣яаабаад̣̇аа гаммабат̇аа жзва муулаани жа. абхиж̇жхаа хи муулам̣ бад̇ваа лобхо агусаламуулам̣ ход̇и, б̣яаабаад̣̇о д̣̇осо агусаламуулам̣.

    Koṭṭhāsatoti paṭipāṭiyā satta, micchādiṭṭhi cāti ime aṭṭha kammapathā eva honti, no mūlāni. Abhijjhābyāpādā kammapathā ceva mūlāni ca. Abhijjhā hi mūlaṃ patvā lobho akusalamūlaṃ hoti, byāpādo doso akusalamūlaṃ.

    аарамман̣ад̇од̇и баан̣аад̇ибаад̇о ж̇ийвид̇инд̣̇рияаарамман̣ад̇о сан̇каараарамман̣о. ад̣̇иннаад̣̇аанам̣ сад̇д̇аарамман̣ам̣ ваа сан̇каараарамман̣ам̣ ваа. мижчаажааро подтаб̣б̣авасзна сан̇каараарамман̣о, сад̇д̇аарамман̣од̇иби згз. мусааваад̣̇о сад̇д̇аарамман̣о ваа сан̇каараарамман̣о ваа. д̇ат̇аа бисун̣аа ваажаа. парусаа ваажаа сад̇д̇аарамман̣аава сампаббалаабо д̣̇идтасуд̇амуд̇авин̃н̃аад̇авасзна сад̇д̇аарамман̣о ваа сан̇каараарамман̣о ваа. д̇ат̇аа абхиж̇жхаа. б̣яаабаад̣̇о сад̇д̇аарамман̣ова. мижчаад̣̇идти д̇збхуумагад̇хаммавасзна сан̇каараарамман̣аава.

    Ārammaṇatoti pāṇātipāto jīvitindriyārammaṇato saṅkhārārammaṇo. Adinnādānaṃ sattārammaṇaṃ vā saṅkhārārammaṇaṃ vā. Micchācāro phoṭṭhabbavasena saṅkhārārammaṇo, sattārammaṇotipi eke. Musāvādo sattārammaṇo vā saṅkhārārammaṇo vā. Tathā pisuṇā vācā. Pharusā vācā sattārammaṇāva samphappalāpo diṭṭhasutamutaviññātavasena sattārammaṇo vā saṅkhārārammaṇo vā. Tathā abhijjhā. Byāpādo sattārammaṇova. Micchādiṭṭhi tebhūmakadhammavasena saṅkhārārammaṇāva.

    взд̣̇анаад̇од̇и баан̣аад̇ибаад̇о д̣̇угкавзд̣̇ано ход̇и. гин̃жааби хи рааж̇аано жорам̣ д̣̇исваа хасамаанааби ‘‘г̇ажчат̇а бхан̣з, маарзт̇а на’’нд̇и вад̣̇анд̇и, саннидтаабагажзд̇анаа бана нзсам̣ д̣̇угкасамбаяуд̇д̇аава ход̇и. ад̣̇иннаад̣̇аанам̣ д̇ивзд̣̇анам̣. д̇ан̃хи барабхан̣д̣ам̣ д̣̇исваа хадтад̇удтасса г̇ан̣хад̇о сукавзд̣̇анам̣ ход̇и, бхийд̇ад̇асид̇асса г̇ан̣хад̇о д̣̇угкавзд̣̇анам̣, д̇ат̇аа вибааганиссанд̣̇апалаани бажжавзгканд̇асса. г̇ахан̣агаалз маж̇жхад̇д̇абхаавз тид̇асса бана г̇ан̣хад̇о ад̣̇угкамасукавзд̣̇анам̣ ход̇и. мижчаажааро сукамаж̇жхад̇д̇авасзна д̣̇вивзд̣̇ано, саннидтаабагажид̇д̇з бана маж̇жхад̇д̇авзд̣̇ано на ход̇и. мусааваад̣̇о ад̣̇иннаад̣̇аанз вуд̇д̇анаязнзва д̇ивзд̣̇ано, д̇ат̇аа бисун̣аа ваажаа. парусаа ваажаа д̣̇угкавзд̣̇анаа. сампаббалаабо д̇ивзд̣̇ано. барзсу хи саад̇хугаарам̣ д̣̇знд̇зсу жзлаад̣̇ийни угкибанд̇зсу хадтад̇удтасса сийд̇аахаран̣абхаарад̇аяуд̣̇д̇хаад̣̇ийни гат̇анагаалз со сукавзд̣̇ано ход̇и, батамам̣ д̣̇иннавзд̇анзна згзна бажчаа ааг̇анд̇ваа ‘‘аад̣̇ид̇о бадтааяа гат̇зхий’’д̇и вуд̇д̇з ‘‘ниравасзсам̣ яат̇аанусанд̇хигам̣ багин̣н̣агагат̇ам̣ гат̇зссаами ну ко, но’’д̇и д̣̇оманассид̇асса гат̇анагаалз д̣̇угкавзд̣̇ано ход̇и, маж̇жхад̇д̇асса гат̇аяад̇о ад̣̇угкамасукавзд̣̇ано ход̇и. абхиж̇жхаа сукамаж̇жхад̇д̇авасзна д̣̇вивзд̣̇анаа, д̇ат̇аа мижчаад̣̇идти. б̣яаабаад̣̇о д̣̇угкавзд̣̇ано.

    Vedanātoti pāṇātipāto dukkhavedano hoti. Kiñcāpi hi rājāno coraṃ disvā hasamānāpi ‘‘gacchatha bhaṇe, māretha na’’nti vadanti, sanniṭṭhāpakacetanā pana nesaṃ dukkhasampayuttāva hoti. Adinnādānaṃ tivedanaṃ. Tañhi parabhaṇḍaṃ disvā haṭṭhatuṭṭhassa gaṇhato sukhavedanaṃ hoti, bhītatasitassa gaṇhato dukkhavedanaṃ, tathā vipākanissandaphalāni paccavekkhantassa. Gahaṇakāle majjhattabhāve ṭhitassa pana gaṇhato adukkhamasukhavedanaṃ hoti. Micchācāro sukhamajjhattavasena dvivedano, sanniṭṭhāpakacitte pana majjhattavedano na hoti. Musāvādo adinnādāne vuttanayeneva tivedano, tathā pisuṇā vācā. Pharusā vācā dukkhavedanā. Samphappalāpo tivedano. Paresu hi sādhukāraṃ dentesu celādīni ukkhipantesu haṭṭhatuṭṭhassa sītāharaṇabhāratayuddhādīni kathanakāle so sukhavedano hoti, paṭhamaṃ dinnavetanena ekena pacchā āgantvā ‘‘ādito paṭṭhāya kathehī’’ti vutte ‘‘niravasesaṃ yathānusandhikaṃ pakiṇṇakakathaṃ kathessāmi nu kho, no’’ti domanassitassa kathanakāle dukkhavedano hoti, majjhattassa kathayato adukkhamasukhavedano hoti. Abhijjhā sukhamajjhattavasena dvivedanā, tathā micchādiṭṭhi. Byāpādo dukkhavedano.

    муулад̇од̇и баан̣аад̇ибаад̇о д̣̇осамохавасзна д̣̇вимуулаго ход̇и, ад̣̇иннаад̣̇аанам̣ д̣̇осамохавасзна ваа лобхамохавасзна ваа, мижчаажааро лобхамохавасзна, мусааваад̣̇о д̣̇осамохавасзна ваа лобхамохавасзна ваа. д̇ат̇аа бисун̣аа ваажаа сампаббалаабо жа. парусаа ваажаа д̣̇осамохавасзна, абхиж̇жхаа мохавасзна згамуулаа, д̇ат̇аа б̣яаабаад̣̇о. мижчаад̣̇идти лобхамохавасзна д̣̇вимуулаад̇и.

    Mūlatoti pāṇātipāto dosamohavasena dvimūlako hoti, adinnādānaṃ dosamohavasena vā lobhamohavasena vā, micchācāro lobhamohavasena, musāvādo dosamohavasena vā lobhamohavasena vā. Tathā pisuṇā vācā samphappalāpo ca. Pharusā vācā dosamohavasena, abhijjhā mohavasena ekamūlā, tathā byāpādo. Micchādiṭṭhi lobhamohavasena dvimūlāti.

    агусалагаммабат̇агат̇аа нидтид̇аа.

    Akusalakammapathakathā niṭṭhitā.

    баан̣аад̇ибаад̇аад̣̇ийхи бана вирад̇ияо, анабхиж̇жхаааб̣яаабаад̣̇асаммаад̣̇идтияо жаад̇и имз д̣̇аса гусалагаммабат̇аа наама. баан̣аад̇ибаад̇аад̣̇ийхи зд̇ааяа вираманд̇и, саяам̣ ваа вирамад̇и, вираман̣амад̇д̇амзва ваа зд̇анд̇и вирад̇и. яаа баан̣аад̇ибаад̇аад̣̇ийхи вираманд̇асса гусалажид̇д̇асамбаяуд̇д̇аа вирад̇и, саа бабхзд̣̇ад̇о д̇ивид̇хаа ход̇и самбад̇д̇авирад̇и самаад̣̇аанавирад̇и самужчзд̣̇авирад̇ийд̇и. д̇ад̇т̇а асамаад̣̇иннасигкаабад̣̇аанам̣ ад̇д̇ано ж̇аад̇иваяаб̣аахусажжаад̣̇ийни бажжавзгкид̇ваа ‘‘аяуд̇д̇ам̣ амхаагам̣ зваруубам̣ баабам̣ гаад̇у’’нд̇и самбад̇д̇авад̇т̇ум̣ авийд̇иггаманд̇аанам̣ уббаж̇ж̇амаанаа вирад̇и самбад̇д̇авирад̇и наама. самаад̣̇иннасигкаабад̣̇аанам̣ бана сигкаабад̣̇асамаад̣̇аанз жа д̇ад̇уд̇д̇ари жа ад̇д̇ано ж̇ийвид̇амби барижжаж̇ид̇ваа вад̇т̇ум̣ авийд̇иггаманд̇аанам̣ уббаж̇ж̇амаанаа вирад̇и самаад̣̇аанавирад̇и наама. арияамаг̇г̇асамбаяуд̇д̇аа бана вирад̇и самужчзд̣̇авирад̇и наама, яассаа уббад̇д̇ид̇о бабхуд̇и арияабуг̇г̇алаанам̣ ‘‘баан̣ам̣ гхаад̇зссаамаа’’д̇иаад̣̇ижид̇д̇амби на уббаж̇ж̇ад̇ийд̇и.

    Pāṇātipātādīhi pana viratiyo, anabhijjhāabyāpādasammādiṭṭhiyo cāti ime dasa kusalakammapathā nāma. Pāṇātipātādīhi etāya viramanti, sayaṃ vā viramati, viramaṇamattameva vā etanti virati. Yā pāṇātipātādīhi viramantassa kusalacittasampayuttā virati, sā pabhedato tividhā hoti sampattavirati samādānavirati samucchedaviratīti. Tattha asamādinnasikkhāpadānaṃ attano jātivayabāhusaccādīni paccavekkhitvā ‘‘ayuttaṃ amhākaṃ evarūpaṃ pāpaṃ kātu’’nti sampattavatthuṃ avītikkamantānaṃ uppajjamānā virati sampattavirati nāma. Samādinnasikkhāpadānaṃ pana sikkhāpadasamādāne ca tatuttari ca attano jīvitampi pariccajitvā vatthuṃ avītikkamantānaṃ uppajjamānā virati samādānavirati nāma. Ariyamaggasampayuttā pana virati samucchedavirati nāma, yassā uppattito pabhuti ariyapuggalānaṃ ‘‘pāṇaṃ ghātessāmā’’tiādicittampi na uppajjatīti.

    ид̣̇аани агусалагаммабат̇аанам̣ вияа имзсам̣ гусалагаммабат̇аанам̣ д̇хаммад̇о, годтаасад̇о, аарамман̣ад̇о, взд̣̇анаад̇о, муулад̇од̇и бан̃жахаагаарзхи винижчаяо взд̣̇ид̇аб̣б̣о.

    Idāni akusalakammapathānaṃ viya imesaṃ kusalakammapathānaṃ dhammato, koṭṭhāsato, ārammaṇato, vedanāto, mūlatoti pañcahākārehi vinicchayo veditabbo.

    д̇ад̇т̇а д̇хаммад̇од̇и зд̇зсуби бадибаадияаа сад̇д̇а жзд̇анааби вадданд̇и вирад̇ияоби, анд̇з д̇аяо жзд̇анаасамбаяуд̇д̇аава.

    Tattha dhammatoti etesupi paṭipāṭiyā satta cetanāpi vaṭṭanti viratiyopi, ante tayo cetanāsampayuttāva.

    годтаасад̇од̇и бадибаадияаа сад̇д̇а гаммабат̇аа зва, но муулаани, анд̇з д̇аяо гаммабат̇аа жзва муулаани жа. анабхиж̇жхаа хи муулам̣ бад̇ваа алобхо гусаламуулам̣ ход̇и, аб̣яаабаад̣̇о ад̣̇осо гусаламуулам̣, саммаад̣̇идти амохо гусаламуулам̣.

    Koṭṭhāsatoti paṭipāṭiyā satta kammapathā eva, no mūlāni, ante tayo kammapathā ceva mūlāni ca. Anabhijjhā hi mūlaṃ patvā alobho kusalamūlaṃ hoti, abyāpādo adoso kusalamūlaṃ, sammādiṭṭhi amoho kusalamūlaṃ.

    аарамман̣ад̇од̇и баан̣аад̇ибаад̇аад̣̇ийнам̣ аарамман̣аанзва зд̇зсам̣ аарамман̣аани. вийд̇иггамид̇аб̣б̣ад̇оязва хи взраман̣ий наама ход̇и. яат̇аа бана ниб̣б̣аанаарамман̣о арияамаг̇г̇о гилзсз баж̇ахад̇и, звам̣ ж̇ийвид̇инд̣̇рияаад̣̇иаарамман̣аабзд̇з гаммабат̇аа баан̣аад̇ибаад̇аад̣̇ийни д̣̇уссийляаани баж̇аханд̇ийд̇и.

    Ārammaṇatoti pāṇātipātādīnaṃ ārammaṇāneva etesaṃ ārammaṇāni. Vītikkamitabbatoyeva hi veramaṇī nāma hoti. Yathā pana nibbānārammaṇo ariyamaggo kilese pajahati, evaṃ jīvitindriyādiārammaṇāpete kammapathā pāṇātipātādīni dussīlyāni pajahantīti.

    взд̣̇анаад̇од̇и саб̣б̣з сукавзд̣̇анаа ваа хонд̇и маж̇жхад̇д̇авзд̣̇анаа ваа. гусалам̣ бад̇ваа хи д̣̇угкаа взд̣̇анаа наама над̇т̇и.

    Vedanātoti sabbe sukhavedanā vā honti majjhattavedanā vā. Kusalaṃ patvā hi dukkhā vedanā nāma natthi.

    муулад̇од̇и бадибаадияаа сад̇д̇а н̃аан̣асамбаяуд̇д̇ажид̇д̇зна вираманд̇асса алобхаад̣̇осаамохавасзна д̇имуулаа хонд̇и. н̃аан̣авиббаяуд̇д̇ажид̇д̇зна вираманд̇асса алобхаад̣̇осавасзна д̣̇вимуулаа. анабхиж̇жхаа н̃аан̣асамбаяуд̇д̇ажид̇д̇зна вираманд̇асса ад̣̇осаамохавасзна д̣̇вимуулаа. н̃аан̣авиббаяуд̇д̇ажид̇д̇зна вираманд̇асса ад̣̇осавасзна згамуулаа. алобхо бана ад̇д̇анаава ад̇д̇ано муулам̣ на ход̇и. аб̣яаабаад̣̇зби зсзва наяо. саммаад̣̇идти алобхаад̣̇осавасзна д̣̇вимуулааваад̇и.

    Mūlatoti paṭipāṭiyā satta ñāṇasampayuttacittena viramantassa alobhaadosaamohavasena timūlā honti. Ñāṇavippayuttacittena viramantassa alobhādosavasena dvimūlā. Anabhijjhā ñāṇasampayuttacittena viramantassa adosaamohavasena dvimūlā. Ñāṇavippayuttacittena viramantassa adosavasena ekamūlā. Alobho pana attanāva attano mūlaṃ na hoti. Abyāpādepi eseva nayo. Sammādiṭṭhi alobhādosavasena dvimūlāvāti.

    гусалагаммабат̇агат̇аа нидтид̇аа.

    Kusalakammapathakathā niṭṭhitā.

    41.

    41.

    звам̣ д̣̇асагусалагаммабат̇авасзна сийлам̣ д̣̇ассзд̇ваа ид̣̇аани нзгкаммаад̣̇ийнам̣ арахад̇д̇амаг̇г̇абарияосаанаанам̣ сад̇д̇ад̇им̣сад̇хаммаанам̣ васзна д̣̇ассзд̇ум̣ нзгкаммзна гаамажчанд̣̇ам̣ сам̣варадтзна сийлам̣, авийд̇иггамадтзна сийланд̇иаад̣̇имааха. д̇ад̇т̇а яасмаа нзгкаммзна гаамажчанд̣̇ам̣ сам̣варад̇и на вийд̇иггамад̇и, д̇асмаа нзгкаммам̣ сийланд̇и ад̇хиббааяо. бажжад̇д̇ад̇т̇з ваа гаран̣аважанам̣, нзгкамманд̇и ад̇т̇о. зса наяо сзсзсу. баал̣ияам̣ бана нзгкаммааб̣яаабаад̣̇з д̣̇ассзд̇ваа хздтаа вуд̇д̇анаяад̇д̇аа сзсам̣ сан̇кибид̇ваа анд̇з арахад̇д̇амаг̇г̇оязва д̣̇ассид̇о.

    Evaṃ dasakusalakammapathavasena sīlaṃ dassetvā idāni nekkhammādīnaṃ arahattamaggapariyosānānaṃ sattatiṃsadhammānaṃ vasena dassetuṃ nekkhammena kāmacchandaṃ saṃvaraṭṭhena sīlaṃ, avītikkamaṭṭhena sīlantiādimāha. Tattha yasmā nekkhammena kāmacchandaṃ saṃvarati na vītikkamati, tasmā nekkhammaṃ sīlanti adhippāyo. Paccattatthe vā karaṇavacanaṃ, nekkhammanti attho. Esa nayo sesesu. Pāḷiyaṃ pana nekkhammaabyāpāde dassetvā heṭṭhā vuttanayattā sesaṃ saṅkhipitvā ante arahattamaggoyeva dassito.

    звам̣ сам̣вараавийд̇иггамавасзна сийлам̣ д̣̇ассзд̇ваа ид̣̇аани д̇зсам̣язва д̣̇виннам̣ бабхзд̣̇ад̣̇ассанад̇т̇ам̣ бан̃жа сийлаани баан̣аад̇ибаад̇асса бахаанам̣ сийланд̇иаад̣̇имааха. зд̇т̇а жа баан̣аад̇ибаад̇асса бахаанам̣ сийлам̣, баан̣аад̇ибаад̇аа взраман̣ий сийлам̣, баан̣аад̇ибаад̇асса бадибагкажзд̇анаа сийлам̣, баан̣аад̇ибаад̇асса сам̣варо сийлам̣, баан̣аад̇ибаад̇асса авийд̇иггамо сийланд̇и яож̇анаа гаад̇аб̣б̣аа. бахаананд̇и жа гожи д̇хаммо наама над̇т̇и ан̃н̃ад̇ра вуд̇д̇аббагаараанам̣ баан̣аад̇ибаад̇аад̣̇ийнам̣ ануббаад̣̇амад̇д̇ад̇о. яасмаа бана д̇ам̣ д̇ам̣ бахаанам̣ д̇асса д̇асса гусаласса д̇хаммасса бад̇идтаанадтзна убад̇хааран̣ам̣ ход̇и, виббагин̣н̣асабхааваагаран̣зна жа самод̇хаанам̣, д̇асмаа буб̣б̣з вуд̇д̇знзва убад̇хааран̣асамод̇хаанасан̇каад̇зна сийланадтзна сийланд̇и вуд̇д̇ам̣. ид̇арз жад̇д̇ааро д̇хаммаа д̇ад̇о д̇ад̇о взраман̣ивасзна д̇асса д̇асса сам̣варавасзна д̇ад̣̇убхаяасамбаяуд̇д̇ажзд̇анаавасзна д̇ам̣ д̇ам̣ авийд̇иггаманд̇асса авийд̇иггамавасзна жа жзд̇асо бавад̇д̇исабхаавам̣ санд̇хааяа вуд̇д̇аа.

    Evaṃ saṃvaraavītikkamavasena sīlaṃ dassetvā idāni tesaṃyeva dvinnaṃ pabhedadassanatthaṃ pañca sīlāni pāṇātipātassa pahānaṃ sīlantiādimāha. Ettha ca pāṇātipātassa pahānaṃ sīlaṃ, pāṇātipātā veramaṇī sīlaṃ, pāṇātipātassa paṭipakkhacetanā sīlaṃ, pāṇātipātassa saṃvaro sīlaṃ, pāṇātipātassa avītikkamo sīlanti yojanā kātabbā. Pahānanti ca koci dhammo nāma natthi aññatra vuttappakārānaṃ pāṇātipātādīnaṃ anuppādamattato. Yasmā pana taṃ taṃ pahānaṃ tassa tassa kusalassa dhammassa patiṭṭhānaṭṭhena upadhāraṇaṃ hoti, vippakiṇṇasabhāvākaraṇena ca samodhānaṃ, tasmā pubbe vutteneva upadhāraṇasamodhānasaṅkhātena sīlanaṭṭhena sīlanti vuttaṃ. Itare cattāro dhammā tato tato veramaṇivasena tassa tassa saṃvaravasena tadubhayasampayuttacetanāvasena taṃ taṃ avītikkamantassa avītikkamavasena ca cetaso pavattisabhāvaṃ sandhāya vuttā.

    ат̇а ваа бахаанамби д̇хаммад̇о ад̇т̇иязва. гат̇ам̣? бахийяад̇з анзна баан̣аад̇ибаад̇аад̣̇ибадибагко, баж̇ахад̇и ваа д̇ам̣ бадибагканд̇и бахаанам̣. гим̣ д̇ам̣? саб̣б̣зби гусалаа канд̇хаа. ан̃н̃з бана аажарияаа ‘‘нзгкаммаад̣̇ийсуби ‘взраман̣ий сийла’нд̇и важанамад̇д̇ам̣ г̇ахзд̇ваа саб̣б̣агусалзсуби нияад̇аязваабанагабхууд̇аа вирад̇и наама ад̇т̇ий’’д̇и вад̣̇анд̇и, на д̇ат̇аа ид̇хаад̇и. звамимзхи бахаанаад̣̇ийхи бан̃жахи бад̣̇зхи висзсзд̇ваа барияанд̇аабарияанд̇асийлад̣̇ваяз абарияанд̇асийламзва вуд̇д̇ам̣. д̇асмаа зва хи зваруубаани сийлаани жид̇д̇асса авиббадисаарааяа сам̣вад̇д̇анд̇и…бз… сажчигаад̇аб̣б̣ам̣ сажчигаронд̇о сигкад̇ийд̇и вуд̇д̇ам̣.

    Atha vā pahānampi dhammato atthiyeva. Kathaṃ? Pahīyate anena pāṇātipātādipaṭipakkho, pajahati vā taṃ paṭipakkhanti pahānaṃ. Kiṃ taṃ? Sabbepi kusalā khandhā. Aññe pana ācariyā ‘‘nekkhammādīsupi ‘veramaṇī sīla’nti vacanamattaṃ gahetvā sabbakusalesupi niyatayevāpanakabhūtā virati nāma atthī’’ti vadanti, na tathā idhāti. Evamimehi pahānādīhi pañcahi padehi visesetvā pariyantāpariyantasīladvaye apariyantasīlameva vuttaṃ. Tasmā eva hi evarūpāni sīlāni cittassa avippaṭisārāya saṃvattanti…pe… sacchikātabbaṃ sacchikaronto sikkhatīti vuttaṃ.

    д̇ад̇т̇а авиббадисаарааяа сам̣вад̇д̇анд̇ийд̇и ‘‘сам̣варо авиббадисаарад̇т̇ааяаа’’д̇и (бари. 366) жа ‘‘авиббадисаарад̇т̇аани ко, аананд̣̇а, гусалаани сийлаани авиббадисаараанисам̣сааний’’д̇и (а. ни. 10.1; 11.1) жа важанад̇о авиббадисаарад̇т̇ааяа сам̣вад̇д̇анд̇и. ‘‘авиббадисааро баамож̇ж̇ад̇т̇ааяаа’’д̇и (бари. 366) жа ‘‘яонисо манасигарод̇о баамож̇ж̇ам̣ ж̇ааяад̇ий’’д̇и (бади. ма. 1.74) жа важанад̇о баамож̇ж̇ааяа сам̣вад̇д̇анд̇и. ‘‘баамож̇ж̇ам̣ бийд̇ад̇т̇ааяаа’’д̇и (бари. 366) жа ‘‘бамуд̣̇ид̇асса бийд̇и ж̇ааяад̇ий’’д̇и (а. ни. 5.26; сам̣. ни. 5.376; д̣̇ий. ни. 3.322) жа важанад̇о бийд̇ияаа сам̣вад̇д̇анд̇и. ‘‘бийд̇и бассад̣̇д̇хад̇т̇ааяаа’’д̇и (бари. 366) жа ‘‘бийд̇иманасса гааяо бассамбхад̇ий’’д̇и (а. ни. 5.26; сам̣. ни. 5.376; д̣̇ий. ни. 3.322) жа важанад̇о бассад̣̇д̇хияаа сам̣вад̇д̇анд̇и. ‘‘бассад̣̇д̇хи сукад̇т̇ааяаа’’д̇и (бари. 366) жа ‘‘бассад̣̇д̇хагааяо сукам̣ взд̣̇зд̇ий’’д̇и (а. ни. 5.26; сам̣. ни. 5.376; д̣̇ий. ни. 3.322) жа важанад̇о соманассааяа сам̣вад̇д̇анд̇и. жзд̇асигам̣ сукан̃хи соманассанд̇и вужжад̇и. аасзванааяаад̇и бхусаа сзванаа аасзванаа. гасса аасзванаа? ананд̇арам̣ соманассаважанзна сукасса вуд̇д̇ад̇д̇аа сукам̣ сид̣̇д̇хам̣. ‘‘сукино жид̇д̇ам̣ самаад̇хияад̇ий’’д̇и (а. ни. 5.26; сам̣. ни. 5.376; д̣̇ий. ни. 3.322) жа важанад̇о д̇зна сукзна самаад̇хи сид̣̇д̇хо ход̇и. звам̣ сид̣̇д̇хасса самаад̇хисса аасзванаа. д̇асса самаад̇хисса аасзванааяа сам̣вад̇д̇анд̇и, баг̇ун̣аб̣алавабхаавааяа сам̣вад̇д̇анд̇ийд̇и ад̇т̇о. бхааванааяаад̇и д̇ассзва самаад̇хисса вуд̣̇д̇хияаа. б̣ахулийгаммааяаад̇и д̇ассзва самаад̇хисса бунаббунам̣ гирияааяа. авиббадисаараад̣̇ибавад̇д̇ияаа муулагааран̣ам̣ худ̇ваа самаад̇хисса сад̣̇д̇хинд̣̇рияаад̣̇иалан̇гаарасаад̇ханзна алан̇гаарааяа сам̣вад̇д̇анд̇и. авиббадисаараад̣̇игасса самаад̇хисамбхаарасса саад̇ханзна баригкаарааяа сам̣вад̇д̇анд̇и. ‘‘яз жа ко имз баб̣б̣аж̇ид̇зна ж̇ийвид̇абаригкаараа самуд̣̇аанзд̇аб̣б̣аа’’д̇иаад̣̇ийсу (ма. ни. 1.192) вияа хи зд̇т̇а самбхаарад̇т̇о баригкаарасад̣̇д̣̇о. ‘‘рат̇о сийлабаригкааро, жхаанагко жаггавийрияо’’д̇иаад̣̇ийсу (сам̣. ни. 3.54) бана алан̇гаарад̇т̇о. ‘‘сад̇д̇ахи наг̇арабаригкаарзхи субаригкад̇ам̣ ход̇ий’’д̇иаад̣̇ийсу (а. ни. 7.67) бариваарад̇т̇о. ид̇ха бана алан̇гаарабариваараанам̣ висум̣ ааг̇ад̇ад̇д̇аа самбхаарад̇т̇од̇и вуд̇д̇ам̣. самбхаарад̇т̇о жа бажжаяад̇т̇од̇и. муулагааран̣абхаавзнзва самаад̇хисамбаяуд̇д̇апассаад̣̇ид̇хаммасамбад̇д̇исаад̇ханзна бариваарааяа сам̣вад̇д̇анд̇и. самаад̇хисса вибассанааяа жа бад̣̇адтаанабхаавабаабанзна васийбхаавабаабанзна жа барибун̣н̣абхаавасаад̇ханад̇о баарибуурияаа сам̣вад̇д̇анд̇и.

    Tattha avippaṭisārāya saṃvattantīti ‘‘saṃvaro avippaṭisāratthāyā’’ti (pari. 366) ca ‘‘avippaṭisāratthāni kho, ānanda, kusalāni sīlāni avippaṭisārānisaṃsānī’’ti (a. ni. 10.1; 11.1) ca vacanato avippaṭisāratthāya saṃvattanti. ‘‘Avippaṭisāro pāmojjatthāyā’’ti (pari. 366) ca ‘‘yoniso manasikaroto pāmojjaṃ jāyatī’’ti (paṭi. ma. 1.74) ca vacanato pāmojjāya saṃvattanti. ‘‘Pāmojjaṃ pītatthāyā’’ti (pari. 366) ca ‘‘pamuditassa pīti jāyatī’’ti (a. ni. 5.26; saṃ. ni. 5.376; dī. ni. 3.322) ca vacanato pītiyāsaṃvattanti. ‘‘Pīti passaddhatthāyā’’ti (pari. 366) ca ‘‘pītimanassa kāyo passambhatī’’ti (a. ni. 5.26; saṃ. ni. 5.376; dī. ni. 3.322) ca vacanato passaddhiyā saṃvattanti. ‘‘Passaddhi sukhatthāyā’’ti (pari. 366) ca ‘‘passaddhakāyo sukhaṃ vedetī’’ti (a. ni. 5.26; saṃ. ni. 5.376; dī. ni. 3.322) ca vacanato somanassāya saṃvattanti. Cetasikaṃ sukhañhi somanassanti vuccati. Āsevanāyāti bhusā sevanā āsevanā. Kassa āsevanā? Anantaraṃ somanassavacanena sukhassa vuttattā sukhaṃ siddhaṃ. ‘‘Sukhino cittaṃ samādhiyatī’’ti (a. ni. 5.26; saṃ. ni. 5.376; dī. ni. 3.322) ca vacanato tena sukhena samādhi siddho hoti. Evaṃ siddhassa samādhissa āsevanā. Tassa samādhissa āsevanāya saṃvattanti, paguṇabalavabhāvāya saṃvattantīti attho. Bhāvanāyāti tasseva samādhissa vuddhiyā. Bahulīkammāyāti tasseva samādhissa punappunaṃ kiriyāya. Avippaṭisārādipavattiyā mūlakāraṇaṃ hutvā samādhissa saddhindriyādialaṅkārasādhanena alaṅkārāya saṃvattanti. Avippaṭisārādikassa samādhisambhārassa sādhanena parikkhārāya saṃvattanti. ‘‘Ye ca kho ime pabbajitena jīvitaparikkhārā samudānetabbā’’tiādīsu (ma. ni. 1.192) viya hi ettha sambhārattho parikkhārasaddo. ‘‘Ratho sīlaparikkhāro, jhānakkho cakkavīriyo’’tiādīsu (saṃ. ni. 3.54) pana alaṅkārattho. ‘‘Sattahi nagaraparikkhārehi suparikkhataṃ hotī’’tiādīsu (a. ni. 7.67) parivārattho. Idha pana alaṅkāraparivārānaṃ visuṃ āgatattā sambhāratthoti vuttaṃ. Sambhārattho ca paccayatthoti. Mūlakāraṇabhāveneva samādhisampayuttaphassādidhammasampattisādhanena parivārāya saṃvattanti. Samādhissa vipassanāya ca padaṭṭhānabhāvapāpanena vasībhāvapāpanena ca paripuṇṇabhāvasādhanato pāripūriyā saṃvattanti.

    звам̣ сийлуубаниссаязна саб̣б̣аагаарабарибуурам̣ самаад̇хим̣ д̣̇ассзд̇ваа ид̣̇аани ‘‘самаахид̇з жид̇д̇з яат̇аабхууд̇ам̣ ж̇аанаад̇и бассад̇и, яат̇аабхууд̇ам̣ ж̇аанам̣ бассам̣ ниб̣б̣инд̣̇ад̇и, ниб̣б̣инд̣̇ам̣ вираж̇ж̇ад̇и, вирааг̇аа вимужжад̇ий’’д̇и (бади. ма. 1.73; д̣̇ий. ни. 3.359) важанад̇о сийламуулагаани самаад̇хибад̣̇адтаанаани яат̇аабхууд̇ан̃аан̣ад̣̇ассанаад̣̇ийни д̣̇ассзнд̇о зганд̇аниб̣б̣ид̣̇ааяаад̇иаад̣̇имааха. ниб̣б̣ид̣̇ааяа хи д̣̇ассид̇ааяа д̇ассаа бад̣̇адтаанабхууд̇ам̣ яат̇аабхууд̇ан̃аан̣ад̣̇ассанам̣ д̣̇ассид̇амзва ход̇и. д̇асмин̃хи асид̣̇д̇хз ниб̣б̣ид̣̇аа на сиж̇жхад̇ийд̇и. д̇аани бана вуд̇д̇ад̇т̇аанзва. яат̇аабхууд̇ан̃аан̣ад̣̇ассанам̣ банзд̇т̇а саббажжаяанаамаруубабариг̇г̇ахо.

    Evaṃ sīlūpanissayena sabbākāraparipūraṃ samādhiṃ dassetvā idāni ‘‘samāhite citte yathābhūtaṃ jānāti passati, yathābhūtaṃ jānaṃ passaṃ nibbindati, nibbindaṃ virajjati, virāgā vimuccatī’’ti (paṭi. ma. 1.73; dī. ni. 3.359) vacanato sīlamūlakāni samādhipadaṭṭhānāni yathābhūtañāṇadassanādīni dassento ekantanibbidāyātiādimāha. Nibbidāya hi dassitāya tassā padaṭṭhānabhūtaṃ yathābhūtañāṇadassanaṃ dassitameva hoti. Tasmiñhi asiddhe nibbidā na sijjhatīti. Tāni pana vuttatthāneva. Yathābhūtañāṇadassanaṃ panettha sappaccayanāmarūpapariggaho.

    звам̣ амад̇амахааниб̣б̣аанабарияосаанам̣ сийлаббаяож̇анам̣ д̣̇ассзд̇ваа ид̣̇аани д̇асса сийласса ад̇хисийласигкаабхаавам̣ д̇аммуулагаа жа ад̇хижид̇д̇аад̇хибан̃н̃аасигкаа д̣̇ассзд̇угаамо зваруубаанам̣ сийлаанам̣ сам̣варабаарисуд̣̇д̇хи ад̇хисийланд̇иаад̣̇имааха. д̇ад̇т̇а сам̣вароязва баарисуд̣̇д̇хи сам̣варабаарисуд̣̇д̇хи. зваруубаанам̣ абарияанд̇абхууд̇аанам̣ вивадданиссид̇аанам̣ сийлаанам̣ сам̣варабаарисуд̣̇д̇хи вивадданиссид̇ад̇д̇аа сзсасийлад̇о ад̇хигам̣ сийланд̇и ад̇хисийланд̇и вужжад̇и. сам̣варабаарисуд̣̇д̇хияаа тид̇ам̣ жид̇д̇анд̇и зд̣̇исааяа сийласам̣варабаарисуд̣̇д̇хияаа бад̇идтид̇ам̣ жид̇д̇ам̣ судту авиббадисаараад̣̇ийнам̣ ааваханад̇о на вигкзбам̣ г̇ажчад̇и, самаад̇хисмим̣ бад̇идтаад̇ийд̇и ад̇т̇о. авигкзбоязва баарисуд̣̇д̇хи авигкзбабаарисуд̣̇д̇хи. со саб̣б̣амалавирахид̇о ниб̣б̣зд̇хабхааг̇ияо самаад̇хи сзсасамаад̇хид̇о ад̇хигад̇д̇аа ад̇хижид̇д̇анд̇и вужжад̇и. жид̇д̇асийсзна хзд̇т̇а самаад̇хи нид̣̇д̣̇идто. сам̣варабаарисуд̣̇д̇хим̣ саммаа бассад̇ийд̇и барисуд̣̇д̇хам̣ сийласам̣варам̣ н̃аад̇абарин̃н̃аавасзна д̇ийран̣абарин̃н̃аавасзна жа саммаа бассад̇и, звамзва авигкзбабаарисуд̣̇д̇хисан̇каад̇ам̣ барисуд̣̇д̇хам̣ самаад̇хим̣ саммаа бассад̇и. звам̣ бассад̇о жасса д̣̇ассанасан̇каад̇аа баарисуд̣̇д̇хи д̣̇ассанабаарисуд̣̇д̇хи. сааязва сзсабан̃н̃ааяа ад̇хигад̇д̇аа ад̇хибан̃н̃аад̇и вужжад̇и. яо д̇ад̇т̇аад̇и яо д̇ад̇т̇а сам̣вараавигкзбад̣̇ассанзсу. сам̣варадтод̇и сам̣варабхааво. звамзва авигкзбадтад̣̇ассанадтаа жа взд̣̇ид̇аб̣б̣аа. ад̇хисийламзва сигкаа ад̇хисийласигкаа. звам̣ ид̇арааби взд̣̇ид̇аб̣б̣аа.

    Evaṃ amatamahānibbānapariyosānaṃ sīlappayojanaṃ dassetvā idāni tassa sīlassa adhisīlasikkhābhāvaṃ tammūlakā ca adhicittaadhipaññāsikkhā dassetukāmo evarūpānaṃ sīlānaṃ saṃvarapārisuddhi adhisīlantiādimāha. Tattha saṃvaroyeva pārisuddhi saṃvarapārisuddhi. Evarūpānaṃ apariyantabhūtānaṃ vivaṭṭanissitānaṃ sīlānaṃ saṃvarapārisuddhi vivaṭṭanissitattā sesasīlato adhikaṃ sīlanti adhisīlanti vuccati. Saṃvarapārisuddhiyā ṭhitaṃ cittanti edisāya sīlasaṃvarapārisuddhiyā patiṭṭhitaṃ cittaṃ suṭṭhu avippaṭisārādīnaṃ āvahanato na vikkhepaṃ gacchati, samādhismiṃ patiṭṭhātīti attho. Avikkhepoyeva pārisuddhi avikkhepapārisuddhi. So sabbamalavirahito nibbedhabhāgiyo samādhi sesasamādhito adhikattā adhicittanti vuccati. Cittasīsena hettha samādhi niddiṭṭho. Saṃvarapārisuddhiṃ sammā passatīti parisuddhaṃ sīlasaṃvaraṃ ñātapariññāvasena tīraṇapariññāvasena ca sammā passati, evameva avikkhepapārisuddhisaṅkhātaṃ parisuddhaṃ samādhiṃ sammā passati. Evaṃ passato cassa dassanasaṅkhātā pārisuddhi dassanapārisuddhi. Sāyeva sesapaññāya adhikattā adhipaññāti vuccati. Yo tatthāti yo tattha saṃvaraavikkhepadassanesu. Saṃvaraṭṭhoti saṃvarabhāvo. Evameva avikkhepaṭṭhadassanaṭṭhā ca veditabbā. Adhisīlameva sikkhā adhisīlasikkhā. Evaṃ itarāpi veditabbā.

    звам̣ д̇иссо сигкааяо д̣̇ассзд̇ваа ид̣̇аани д̇аасам̣ баарибууриггамам̣ д̣̇ассзд̇ум̣ имаа д̇иссо сигкааяо ааваж̇ж̇анд̇о сигкад̇ийд̇иаад̣̇имааха. д̇ассад̇т̇о – бажжзгам̣ барибуурзд̇ум̣ ааваж̇ж̇анд̇оби сигкад̇и наама, ааваж̇ж̇зд̇ваа ‘‘аяам̣ наама сигкаа’’д̇и ж̇аананд̇оби сигкад̇и наама, ж̇аанид̇ваа бунаббунам̣ бассанд̇оби сигкад̇и наама, бассид̇ваа яат̇аад̣̇идтам̣ бажжавзгканд̇оби сигкад̇и наама, бажжавзгкид̇ваа д̇ад̇т̇зва жид̇д̇ам̣ ажалам̣ гад̇ваа бад̇идтабзнд̇оби сигкад̇и наама, д̇ам̣д̇ам̣сигкаасамбаяуд̇д̇асад̣̇д̇хаавийрияасад̇исамаад̇хибан̃н̃аахи сагасагагижжам̣ гаронд̇оби сигкад̇и наама, абхин̃н̃зяяаабхиж̇аананаад̣̇игаалзби д̇ам̣ д̇ам̣ гижжам̣ гаронд̇о д̇иссоби сигкааяо сигкад̇и наамаад̇и . буна бан̃жа сийлаанийд̇иаад̣̇ийни вуд̇д̇ад̇т̇аанзва. арахад̇д̇амаг̇г̇зна саб̣б̣агилзсаананд̇иаад̣̇ийсу бана араханд̇аанам̣ судту виббадисаараад̣̇иабхаавад̇о аасзванаад̣̇ибхаавад̇о жа д̇аани бад̣̇аани яуж̇ж̇анд̇зва. зганд̇аниб̣б̣ид̣̇ааяаад̇иаад̣̇ийни бана сад̇ибадтаанасаммаббад̇хаанаани вияа маг̇г̇агкан̣зязва яож̇зд̇аб̣б̣аани.

    Evaṃ tisso sikkhāyo dassetvā idāni tāsaṃ pāripūrikkamaṃ dassetuṃ imā tisso sikkhāyo āvajjanto sikkhatītiādimāha. Tassattho – paccekaṃ paripūretuṃ āvajjantopi sikkhati nāma, āvajjetvā ‘‘ayaṃ nāma sikkhā’’ti jānantopi sikkhati nāma, jānitvā punappunaṃ passantopi sikkhati nāma, passitvā yathādiṭṭhaṃ paccavekkhantopi sikkhati nāma, paccavekkhitvā tattheva cittaṃ acalaṃ katvā patiṭṭhapentopi sikkhati nāma, taṃtaṃsikkhāsampayuttasaddhāvīriyasatisamādhipaññāhi sakasakakiccaṃ karontopi sikkhati nāma, abhiññeyyābhijānanādikālepi taṃ taṃ kiccaṃ karonto tissopi sikkhāyo sikkhati nāmāti . Puna pañca sīlānītiādīni vuttatthāneva. Arahattamaggena sabbakilesānantiādīsu pana arahantānaṃ suṭṭhu vippaṭisārādiabhāvato āsevanādibhāvato ca tāni padāni yujjanteva. Ekantanibbidāyātiādīni pana satipaṭṭhānasammappadhānāni viya maggakkhaṇeyeva yojetabbāni.

    42.

    42.

    сам̣варабаарисуд̣̇д̇хим̣ саммаа бассад̇и, авигкзбабаарисуд̣̇д̇хим̣ саммаа бассад̇ийд̇и ид̣̇ам̣ бана важанад̣̇ваяам̣ паласамаабад̇д̇ад̇т̇ааяа вибассанаавасзна яож̇зд̇аб̣б̣ам̣, д̣̇уд̇ияаважанам̣ бана нирод̇хасамаабад̇д̇ад̇т̇ааяа вибассанаавасзнааби яуж̇ж̇ад̇и. ааваж̇ж̇анд̇о сигкад̇ийд̇иаад̣̇ийсу бан̃жасу важанзсу арахад̇о сигкид̇аб̣б̣аабхаавзби асзгкасийлагканд̇хаад̣̇исабхаавад̇о ‘‘сигкад̇ий’’д̇и вуд̇д̇анд̇и взд̣̇ид̇аб̣б̣ам̣. сад̣̇д̇хааяа ад̇химужжанд̇о сигкад̇ийд̇иаад̣̇ийни бана маг̇г̇агкан̣ан̃н̃зва санд̇хааяа вуд̇д̇аани. ан̃н̃ааниби убажаараббанаавибассанаамаг̇г̇авасзна вуд̇д̇аани важанаани яат̇ааяог̇ам̣ яож̇зд̇аб̣б̣аанийд̇и.

    Saṃvarapārisuddhiṃ sammā passati, avikkhepapārisuddhiṃ sammā passatīti idaṃ pana vacanadvayaṃ phalasamāpattatthāya vipassanāvasena yojetabbaṃ, dutiyavacanaṃ pana nirodhasamāpattatthāya vipassanāvasenāpi yujjati. Āvajjanto sikkhatītiādīsu pañcasu vacanesu arahato sikkhitabbābhāvepi asekkhasīlakkhandhādisabhāvato ‘‘sikkhatī’’ti vuttanti veditabbaṃ. Saddhāya adhimuccanto sikkhatītiādīni pana maggakkhaṇaññeva sandhāya vuttāni. Aññānipi upacārappanāvipassanāmaggavasena vuttāni vacanāni yathāyogaṃ yojetabbānīti.

    сийламаяан̃аан̣анид̣̇д̣̇зсаван̣н̣анаа нидтид̇аа.

    Sīlamayañāṇaniddesavaṇṇanā niṭṭhitā.




    Next: 3. самаад̇хибхааванаамаяан̃аан̣анид̣̇д̣̇зсаван̣н̣анаа • 3. Samādhibhāvanāmayañāṇaniddesavaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 2. сийламаяан̃аан̣анид̣̇д̣̇зсо • 2. Sīlamayañāṇaniddeso


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact