| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇абаал̣и • Paṭisambhidāmaggapāḷi |
2. сийламаяан̃аан̣анид̣̇д̣̇зсо
2. Sīlamayañāṇaniddeso
37. гат̇ам̣ суд̇ваана сам̣варз бан̃н̃аа сийламаяз н̃аан̣ам̣? бан̃жа сийлаани – барияанд̇абаарисуд̣̇д̇хисийлам̣, абарияанд̇абаарисуд̣̇д̇хисийлам̣, барибун̣н̣абаарисуд̣̇д̇хисийлам̣, абараамадтабаарисуд̣̇д̇хисийлам̣, бадиббассад̣̇д̇хибаарисуд̣̇д̇хисийланд̇и.
37. Kathaṃ sutvāna saṃvare paññā sīlamaye ñāṇaṃ? Pañca sīlāni – pariyantapārisuddhisīlaṃ, apariyantapārisuddhisīlaṃ, paripuṇṇapārisuddhisīlaṃ, aparāmaṭṭhapārisuddhisīlaṃ, paṭippassaddhipārisuddhisīlanti.
д̇ад̇т̇а гад̇амам̣ барияанд̇абаарисуд̣̇д̇хисийлам̣? анубасамбаннаанам̣ барияанд̇асигкаабад̣̇аанам̣ – ид̣̇ам̣ барияанд̇абаарисуд̣̇д̇хисийлам̣. гад̇амам̣ абарияанд̇абаарисуд̣̇д̇хисийлам̣? убасамбаннаанам̣ абарияанд̇асигкаабад̣̇аанам̣ – ид̣̇ам̣ абарияанд̇абаарисуд̣̇д̇хисийлам̣. гад̇амам̣ барибун̣н̣абаарисуд̣̇д̇хисийлам̣? бут̇уж̇ж̇анагаляаан̣агаанам̣ гусалад̇хаммз яуд̇д̇аанам̣ сзгкабарияанд̇з 1 барибуурагаарийнам̣ гааяз жа ж̇ийвид̇з жа анабзгкаанам̣ барижжад̇д̇аж̇ийвид̇аанам̣ – ид̣̇ам̣ барибун̣н̣абаарисуд̣̇д̇хисийлам̣. гад̇амам̣ абараамадтабаарисуд̣̇д̇хисийлам̣? сад̇д̇аннам̣ сзгкаанам̣ – ид̣̇ам̣ абараамадтабаарисуд̣̇д̇хисийлам̣. гад̇амам̣ бадиббассад̣̇д̇хибаарисуд̣̇д̇хисийлам̣? д̇ат̇ааг̇ад̇асаавагаанам̣ кийн̣аасаваанам̣ бажжзгаб̣уд̣̇д̇хаанам̣ д̇ат̇ааг̇ад̇аанам̣ араханд̇аанам̣ саммаасамб̣уд̣̇д̇хаанам̣ – ид̣̇ам̣ бадиббассад̣̇д̇хибаарисуд̣̇д̇хисийлам̣.
Tattha katamaṃ pariyantapārisuddhisīlaṃ? Anupasampannānaṃ pariyantasikkhāpadānaṃ – idaṃ pariyantapārisuddhisīlaṃ. Katamaṃ apariyantapārisuddhisīlaṃ? Upasampannānaṃ apariyantasikkhāpadānaṃ – idaṃ apariyantapārisuddhisīlaṃ. Katamaṃ paripuṇṇapārisuddhisīlaṃ? Puthujjanakalyāṇakānaṃ kusaladhamme yuttānaṃ sekkhapariyante 2 paripūrakārīnaṃ kāye ca jīvite ca anapekkhānaṃ pariccattajīvitānaṃ – idaṃ paripuṇṇapārisuddhisīlaṃ. Katamaṃ aparāmaṭṭhapārisuddhisīlaṃ? Sattannaṃ sekkhānaṃ – idaṃ aparāmaṭṭhapārisuddhisīlaṃ. Katamaṃ paṭippassaddhipārisuddhisīlaṃ? Tathāgatasāvakānaṃ khīṇāsavānaṃ paccekabuddhānaṃ tathāgatānaṃ arahantānaṃ sammāsambuddhānaṃ – idaṃ paṭippassaddhipārisuddhisīlaṃ.
38. ад̇т̇и сийлам̣ барияанд̇ам̣, ад̇т̇и сийлам̣ абарияанд̇ам̣. д̇ад̇т̇а гад̇амам̣ д̇ам̣ сийлам̣ барияанд̇ам̣? ад̇т̇и сийлам̣ лаабхабарияанд̇ам̣, ад̇т̇и сийлам̣ яасабарияанд̇ам̣, ад̇т̇и сийлам̣ н̃аад̇ибарияанд̇ам̣, ад̇т̇и сийлам̣ ан̇г̇абарияанд̇ам̣, ад̇т̇и сийлам̣ ж̇ийвид̇абарияанд̇ам̣.
38. Atthi sīlaṃ pariyantaṃ, atthi sīlaṃ apariyantaṃ. Tattha katamaṃ taṃ sīlaṃ pariyantaṃ? Atthi sīlaṃ lābhapariyantaṃ, atthi sīlaṃ yasapariyantaṃ, atthi sīlaṃ ñātipariyantaṃ, atthi sīlaṃ aṅgapariyantaṃ, atthi sīlaṃ jīvitapariyantaṃ.
гад̇амам̣ д̇ам̣ сийлам̣ лаабхабарияанд̇ам̣? ид̇хзгажжо лаабхахзд̇у лаабхабажжаяаа лаабхагааран̣аа яат̇аасамаад̣̇иннам̣ 3 сигкаабад̣̇ам̣ вийд̇иггамад̇и – ид̣̇ам̣ д̇ам̣ сийлам̣ лаабхабарияанд̇ам̣. гад̇амам̣ д̇ам̣ сийлам̣ яасабарияанд̇ам̣? ид̇хзгажжо яасахзд̇у яасабажжаяаа яасагааран̣аа яат̇аасамаад̣̇иннам̣ сигкаабад̣̇ам̣ вийд̇иггамад̇и – ид̣̇ам̣ д̇ам̣ сийлам̣ яасабарияанд̇ам̣. гад̇амам̣ д̇ам̣ сийлам̣ н̃аад̇ибарияанд̇ам̣? ид̇хзгажжо н̃аад̇ихзд̇у н̃аад̇ибажжаяаа н̃аад̇игааран̣аа яат̇аасамаад̣̇иннам̣ сигкаабад̣̇ам̣ вийд̇иггамад̇и – ид̣̇ам̣ д̇ам̣ сийлам̣ н̃аад̇ибарияанд̇ам̣. гад̇амам̣ д̇ам̣ сийлам̣ ан̇г̇абарияанд̇ам̣? ид̇хзгажжо ан̇г̇ахзд̇у ан̇г̇абажжаяаа ан̇г̇агааран̣аа яат̇аасамаад̣̇иннам̣ сигкаабад̣̇ам̣ вийд̇иггамад̇и – ид̣̇ам̣ д̇ам̣ сийлам̣ ан̇г̇абарияанд̇ам̣. гад̇амам̣ д̇ам̣ сийлам̣ ж̇ийвид̇абарияанд̇ам̣? ид̇хзгажжо ж̇ийвид̇ахзд̇у ж̇ийвид̇абажжаяаа ж̇ийвид̇агааран̣аа яат̇аасамаад̣̇иннам̣ сигкаабад̣̇ам̣ вийд̇иггамад̇и – ид̣̇ам̣ д̇ам̣ сийлам̣ ж̇ийвид̇абарияанд̇ам̣. зваруубаани сийлаани кан̣д̣аани чид̣̇д̣̇аани саб̣алаани гаммаасаани на бхуж̇иссаани на вин̃н̃уббасад̇т̇аани 4 бараамадтаани асамаад̇хисам̣вад̇д̇анигаани 5 на авиббадисааравад̇т̇угаани на баамож̇ж̇авад̇т̇угаани на бийд̇ивад̇т̇угаани на бассад̣̇д̇хивад̇т̇угаани на сукавад̇т̇угаани на самаад̇хивад̇т̇угаани на яат̇аабхууд̇ан̃аан̣ад̣̇ассанавад̇т̇угаани на зганд̇аниб̣б̣ид̣̇ааяа на вирааг̇ааяа на нирод̇хааяа на убасамааяа на абхин̃н̃ааяа на самб̣од̇хааяа на ниб̣б̣аанааяа сам̣вад̇д̇анд̇и – ид̣̇ам̣ д̇ам̣ сийлам̣ барияанд̇ам̣.
Katamaṃ taṃ sīlaṃ lābhapariyantaṃ? Idhekacco lābhahetu lābhapaccayā lābhakāraṇā yathāsamādinnaṃ 6 sikkhāpadaṃ vītikkamati – idaṃ taṃ sīlaṃ lābhapariyantaṃ. Katamaṃ taṃ sīlaṃ yasapariyantaṃ? Idhekacco yasahetu yasapaccayā yasakāraṇā yathāsamādinnaṃ sikkhāpadaṃ vītikkamati – idaṃ taṃ sīlaṃ yasapariyantaṃ. Katamaṃ taṃ sīlaṃ ñātipariyantaṃ? Idhekacco ñātihetu ñātipaccayā ñātikāraṇā yathāsamādinnaṃ sikkhāpadaṃ vītikkamati – idaṃ taṃ sīlaṃ ñātipariyantaṃ. Katamaṃ taṃ sīlaṃ aṅgapariyantaṃ? Idhekacco aṅgahetu aṅgapaccayā aṅgakāraṇā yathāsamādinnaṃ sikkhāpadaṃ vītikkamati – idaṃ taṃ sīlaṃ aṅgapariyantaṃ. Katamaṃ taṃ sīlaṃ jīvitapariyantaṃ? Idhekacco jīvitahetu jīvitapaccayā jīvitakāraṇā yathāsamādinnaṃ sikkhāpadaṃ vītikkamati – idaṃ taṃ sīlaṃ jīvitapariyantaṃ. Evarūpāni sīlāni khaṇḍāni chiddāni sabalāni kammāsāni na bhujissāni na viññuppasatthāni 7 parāmaṭṭhāni asamādhisaṃvattanikāni 8 na avippaṭisāravatthukāni na pāmojjavatthukāni na pītivatthukāni na passaddhivatthukāni na sukhavatthukāni na samādhivatthukāni na yathābhūtañāṇadassanavatthukāni na ekantanibbidāya na virāgāya na nirodhāya na upasamāya na abhiññāya na sambodhāya na nibbānāya saṃvattanti – idaṃ taṃ sīlaṃ pariyantaṃ.
гад̇амам̣ д̇ам̣ сийлам̣ абарияанд̇ам̣? ад̇т̇и сийлам̣ на лаабхабарияанд̇ам̣ , ад̇т̇и сийлам̣ на яасабарияанд̇ам̣, ад̇т̇и сийлам̣ на н̃аад̇ибарияанд̇ам̣, ад̇т̇и сийлам̣ на ан̇г̇абарияанд̇ам̣, ад̇т̇и сийлам̣ на ж̇ийвид̇абарияанд̇ам̣.
Katamaṃ taṃ sīlaṃ apariyantaṃ? Atthi sīlaṃ na lābhapariyantaṃ , atthi sīlaṃ na yasapariyantaṃ, atthi sīlaṃ na ñātipariyantaṃ, atthi sīlaṃ na aṅgapariyantaṃ, atthi sīlaṃ na jīvitapariyantaṃ.
гад̇амам̣ д̇ам̣ сийлам̣ на лаабхабарияанд̇ам̣? ид̇хзгажжо лаабхахзд̇у лаабхабажжаяаа лаабхагааран̣аа яат̇аасамаад̣̇иннам̣ сигкаабад̣̇ам̣ вийд̇иггамааяа жид̇д̇амби на уббаад̣̇зд̇и, гим̣ со вийд̇иггамиссад̇и! ид̣̇ам̣ д̇ам̣ сийлам̣ на лаабхабарияанд̇ам̣. гад̇амам̣ д̇ам̣ сийлам̣ на яасабарияанд̇ам̣? ид̇хзгажжо яасахзд̇у яасабажжаяаа яасагааран̣аа яат̇аасамаад̣̇иннам̣ сигкаабад̣̇ам̣ вийд̇иггамааяа жид̇д̇амби на уббаад̣̇зд̇и , гим̣ со вийд̇иггамиссад̇и! ид̣̇ам̣ д̇ам̣ сийлам̣ на яасабарияанд̇ам̣. гад̇амам̣ д̇ам̣ сийлам̣ на н̃аад̇ибарияанд̇ам̣? ид̇хзгажжо н̃аад̇ихзд̇у н̃аад̇ибажжаяаа н̃аад̇игааран̣аа яат̇аасамаад̣̇иннам̣ сигкаабад̣̇ам̣ вийд̇иггамааяа жид̇д̇амби на уббаад̣̇зд̇и, гим̣ со вийд̇иггамиссад̇и! ид̣̇ам̣ д̇ам̣ сийлам̣ на н̃аад̇ибарияанд̇ам̣. гад̇амам̣ д̇ам̣ сийлам̣ на ан̇г̇абарияанд̇ам̣? ид̇хзгажжо ан̇г̇ахзд̇у ан̇г̇абажжаяаа ан̇г̇агааран̣аа яат̇аасамаад̣̇иннам̣ сигкаабад̣̇ам̣ вийд̇иггамааяа жид̇д̇амби на уббаад̣̇зд̇и, гим̣ со вийд̇иггамиссад̇и! ид̣̇ам̣ д̇ам̣ сийлам̣ на ан̇г̇абарияанд̇ам̣. гад̇амам̣ д̇ам̣ сийлам̣ на ж̇ийвид̇абарияанд̇ам̣? ид̇хзгажжо ж̇ийвид̇ахзд̇у ж̇ийвид̇абажжаяаа ж̇ийвид̇агааран̣аа яат̇аасамаад̣̇иннам̣ сигкаабад̣̇ам̣ вийд̇иггамааяа жид̇д̇амби на уббаад̣̇зд̇и, гим̣ со вийд̇иггамиссад̇и! ид̣̇ам̣ д̇ам̣ сийлам̣ на ж̇ийвид̇абарияанд̇ам̣. зваруубаани сийлаани акан̣д̣аани ажчид̣̇д̣̇аани асаб̣алаани агаммаасаани бхуж̇иссаани вин̃н̃уббасад̇т̇аани абараамадтаани самаад̇хисам̣вад̇д̇анигаани авиббадисааравад̇т̇угаани баамож̇ж̇авад̇т̇угаани бийд̇ивад̇т̇угаани бассад̣̇д̇хивад̇т̇угаани сукавад̇т̇угаани самаад̇хивад̇т̇угаани яат̇аабхууд̇ан̃аан̣ад̣̇ассанавад̇т̇угаани зганд̇аниб̣б̣ид̣̇ааяа вирааг̇ааяа нирод̇хааяа убасамааяа абхин̃н̃ааяа самб̣од̇хааяа ниб̣б̣аанааяа сам̣вад̇д̇анд̇и – ид̣̇ам̣ д̇ам̣ сийлам̣ абарияанд̇ам̣.
Katamaṃ taṃ sīlaṃ na lābhapariyantaṃ? Idhekacco lābhahetu lābhapaccayā lābhakāraṇā yathāsamādinnaṃ sikkhāpadaṃ vītikkamāya cittampi na uppādeti, kiṃ so vītikkamissati! Idaṃ taṃ sīlaṃ na lābhapariyantaṃ. Katamaṃ taṃ sīlaṃ na yasapariyantaṃ? Idhekacco yasahetu yasapaccayā yasakāraṇā yathāsamādinnaṃ sikkhāpadaṃ vītikkamāya cittampi na uppādeti , kiṃ so vītikkamissati! Idaṃ taṃ sīlaṃ na yasapariyantaṃ. Katamaṃ taṃ sīlaṃ na ñātipariyantaṃ? Idhekacco ñātihetu ñātipaccayā ñātikāraṇā yathāsamādinnaṃ sikkhāpadaṃ vītikkamāya cittampi na uppādeti, kiṃ so vītikkamissati! Idaṃ taṃ sīlaṃ na ñātipariyantaṃ. Katamaṃ taṃ sīlaṃ na aṅgapariyantaṃ? Idhekacco aṅgahetu aṅgapaccayā aṅgakāraṇā yathāsamādinnaṃ sikkhāpadaṃ vītikkamāya cittampi na uppādeti, kiṃ so vītikkamissati! Idaṃ taṃ sīlaṃ na aṅgapariyantaṃ. Katamaṃ taṃ sīlaṃ na jīvitapariyantaṃ? Idhekacco jīvitahetu jīvitapaccayā jīvitakāraṇā yathāsamādinnaṃ sikkhāpadaṃ vītikkamāya cittampi na uppādeti, kiṃ so vītikkamissati! Idaṃ taṃ sīlaṃ na jīvitapariyantaṃ. Evarūpāni sīlāni akhaṇḍāni acchiddāni asabalāni akammāsāni bhujissāni viññuppasatthāni aparāmaṭṭhāni samādhisaṃvattanikāni avippaṭisāravatthukāni pāmojjavatthukāni pītivatthukāni passaddhivatthukāni sukhavatthukāni samādhivatthukāni yathābhūtañāṇadassanavatthukāni ekantanibbidāya virāgāya nirodhāya upasamāya abhiññāya sambodhāya nibbānāya saṃvattanti – idaṃ taṃ sīlaṃ apariyantaṃ.
39. гим̣ сийлам̣? гад̇и сийлаани? гим̣ самудтаанам̣ сийлам̣? гад̇и д̇хаммасамод̇хаанам̣ сийлам̣?
39. Kiṃ sīlaṃ? Kati sīlāni? Kiṃ samuṭṭhānaṃ sīlaṃ? Kati dhammasamodhānaṃ sīlaṃ?
гим̣ сийланд̇и жзд̇анаа сийлам̣, жзд̇асигам̣ сийлам̣, сам̣варо сийлам̣, авийд̇иггамо сийлам̣. гад̇и сийлаанийд̇и д̇ийн̣и сийлаани – гусаласийлам̣, агусаласийлам̣, аб̣яаагад̇асийлам̣.гим̣ самудтаанам̣ сийланд̇и гусалажид̇д̇асамудтаанам̣ гусаласийлам̣ , агусалажид̇д̇асамудтаанам̣ агусаласийлам̣, аб̣яаагад̇ажид̇д̇асамудтаанам̣ аб̣яаагад̇асийлам̣. гад̇и д̇хаммасамод̇хаанам̣ сийланд̇и сам̣варасамод̇хаанам̣ сийлам̣, авийд̇иггамасамод̇хаанам̣ сийлам̣, д̇ат̇аабхаавз ж̇аад̇ажзд̇анаасамод̇хаанам̣ сийлам̣.
Kiṃ sīlanti cetanā sīlaṃ, cetasikaṃ sīlaṃ, saṃvaro sīlaṃ, avītikkamo sīlaṃ. Kati sīlānīti tīṇi sīlāni – kusalasīlaṃ, akusalasīlaṃ, abyākatasīlaṃ.Kiṃ samuṭṭhānaṃ sīlanti kusalacittasamuṭṭhānaṃ kusalasīlaṃ , akusalacittasamuṭṭhānaṃ akusalasīlaṃ, abyākatacittasamuṭṭhānaṃ abyākatasīlaṃ. Kati dhammasamodhānaṃ sīlanti saṃvarasamodhānaṃ sīlaṃ, avītikkamasamodhānaṃ sīlaṃ, tathābhāve jātacetanāsamodhānaṃ sīlaṃ.
40. баан̣аад̇ибаад̇ам̣ сам̣варадтзна сийлам̣, авийд̇иггамадтзна сийлам̣. ад̣̇иннаад̣̇аанам̣ сам̣варадтзна сийлам̣, авийд̇иггамадтзна сийлам̣. гаамзсумижчаажаарам̣ сам̣варадтзна сийлам̣, авийд̇иггамадтзна сийлам̣. мусааваад̣̇ам̣ сам̣варадтзна сийлам̣, авийд̇иггамадтзна сийлам̣. бисун̣ам̣ ваажам̣ 9 сам̣варадтзна сийлам̣, авийд̇иггамадтзна сийлам̣. парусам̣ ваажам̣ 10 сам̣варадтзна сийлам̣, авийд̇иггамадтзна сийлам̣. сампаббалаабам̣ сам̣варадтзна сийлам̣, авийд̇иггамадтзна сийлам̣ . абхиж̇жхам̣ сам̣варадтзна сийлам̣, авийд̇иггамадтзна сийлам̣. б̣яаабаад̣̇ам̣ сам̣варадтзна сийлам̣, авийд̇иггамадтзна сийлам̣. мижчаад̣̇идтим̣ сам̣варадтзна сийлам̣, авийд̇иггамадтзна сийлам̣.
40. Pāṇātipātaṃ saṃvaraṭṭhena sīlaṃ, avītikkamaṭṭhena sīlaṃ. Adinnādānaṃ saṃvaraṭṭhena sīlaṃ, avītikkamaṭṭhena sīlaṃ. Kāmesumicchācāraṃ saṃvaraṭṭhena sīlaṃ, avītikkamaṭṭhena sīlaṃ. Musāvādaṃ saṃvaraṭṭhena sīlaṃ, avītikkamaṭṭhena sīlaṃ. Pisuṇaṃ vācaṃ 11 saṃvaraṭṭhena sīlaṃ, avītikkamaṭṭhena sīlaṃ. Pharusaṃ vācaṃ 12 saṃvaraṭṭhena sīlaṃ, avītikkamaṭṭhena sīlaṃ. Samphappalāpaṃ saṃvaraṭṭhena sīlaṃ, avītikkamaṭṭhena sīlaṃ . Abhijjhaṃ saṃvaraṭṭhena sīlaṃ, avītikkamaṭṭhena sīlaṃ. Byāpādaṃ saṃvaraṭṭhena sīlaṃ, avītikkamaṭṭhena sīlaṃ. Micchādiṭṭhiṃ saṃvaraṭṭhena sīlaṃ, avītikkamaṭṭhena sīlaṃ.
41. нзгкаммзна гаамажчанд̣̇ам̣ сам̣варадтзна сийлам̣, авийд̇иггамадтзна сийлам̣. аб̣яаабаад̣̇зна б̣яаабаад̣̇ам̣ сам̣варадтзна сийлам̣, авийд̇иггамадтзна сийлам̣. аалогасан̃н̃ааяа т̇инамид̣̇д̇хам̣…бз… авигкзбадтзна уд̣̇д̇хажжам̣… д̇хаммававад̇т̇аанзна вижигижчам̣… н̃аан̣зна авиж̇ж̇ам̣… баамож̇ж̇зна арад̇им̣….
41. Nekkhammena kāmacchandaṃ saṃvaraṭṭhena sīlaṃ, avītikkamaṭṭhena sīlaṃ. Abyāpādena byāpādaṃ saṃvaraṭṭhena sīlaṃ, avītikkamaṭṭhena sīlaṃ. Ālokasaññāya thinamiddhaṃ…pe… avikkhepaṭṭhena uddhaccaṃ… dhammavavatthānena vicikicchaṃ… ñāṇena avijjaṃ… pāmojjena aratiṃ….
батамзна жхаанзна 13 нийваран̣з…бз… д̣̇уд̇иязна жхаанзна вид̇аггавижаарз… д̇ад̇иязна жхаанзна бийд̇им̣… жад̇уд̇т̇зна жхаанзна сукад̣̇угкам̣… аагаасаанан̃жааяад̇анасамаабад̇д̇ияаа руубасан̃н̃ам̣ бадигхасан̃н̃ам̣ наанад̇д̇асан̃н̃ам̣… вин̃н̃аан̣ан̃жааяад̇анасамаабад̇д̇ияаа аагаасаанан̃жааяад̇анасан̃н̃ам̣… аагин̃жан̃н̃ааяад̇анасамаабад̇д̇ияаа вин̃н̃аан̣ан̃жааяад̇анасан̃н̃ам̣… нзвасан̃н̃аанаасан̃н̃ааяад̇анасамаабад̇д̇ияаа аагин̃жан̃н̃ааяад̇анасан̃н̃ам̣.
Paṭhamena jhānena 14 nīvaraṇe…pe… dutiyena jhānena vitakkavicāre… tatiyena jhānena pītiṃ… catutthena jhānena sukhadukkhaṃ… ākāsānañcāyatanasamāpattiyā rūpasaññaṃ paṭighasaññaṃ nānattasaññaṃ… viññāṇañcāyatanasamāpattiyā ākāsānañcāyatanasaññaṃ… ākiñcaññāyatanasamāpattiyā viññāṇañcāyatanasaññaṃ… nevasaññānāsaññāyatanasamāpattiyā ākiñcaññāyatanasaññaṃ.
анижжаанубассанааяа нижжасан̃н̃ам̣…бз… д̣̇угкаанубассанааяа сукасан̃н̃ам̣… анад̇д̇аа анубассанааяа ад̇д̇асан̃н̃ам̣… ниб̣б̣ид̣̇аанубассанааяа нанд̣̇им̣… вирааг̇аанубассанааяа рааг̇ам̣… нирод̇хаа анубассанааяа самуд̣̇аяам̣… бадиниссаг̇г̇аанубассанааяа аад̣̇аанам̣… каяаанубассанааяа гханасан̃н̃ам̣… ваяаанубассанааяа ааяууханам̣.. вибарин̣аамаанубассанааяа д̇хувасан̃н̃ам̣… анимид̇д̇аанубассанааяа нимид̇д̇ам̣…. аббан̣ихид̇аанубассанааяа бан̣ид̇хим̣… сун̃н̃ад̇аанубассанааяа абхинивзсам̣… ад̇хибан̃н̃аад̇хаммавибассанааяа саараад̣̇аанаабхинивзсам̣… яат̇аабхууд̇ан̃аан̣ад̣̇ассанзна саммохаабхинивзсам̣… аад̣̇ийнаваанубассанааяа аалаяаабхинивзсам̣… бадисан̇каанубассанааяа аббадисан̇кам̣… вивадданаанубассанааяа сан̃н̃ог̇аабхинивзсам̣….
Aniccānupassanāya niccasaññaṃ…pe… dukkhānupassanāya sukhasaññaṃ… anattā anupassanāya attasaññaṃ… nibbidānupassanāya nandiṃ… virāgānupassanāya rāgaṃ… nirodhā anupassanāya samudayaṃ… paṭinissaggānupassanāya ādānaṃ… khayānupassanāya ghanasaññaṃ… vayānupassanāya āyūhanaṃ.. vipariṇāmānupassanāya dhuvasaññaṃ… animittānupassanāya nimittaṃ…. appaṇihitānupassanāya paṇidhiṃ… suññatānupassanāya abhinivesaṃ… adhipaññādhammavipassanāya sārādānābhinivesaṃ… yathābhūtañāṇadassanena sammohābhinivesaṃ… ādīnavānupassanāya ālayābhinivesaṃ… paṭisaṅkhānupassanāya appaṭisaṅkhaṃ… vivaṭṭanānupassanāya saññogābhinivesaṃ….
сод̇аабад̇д̇имаг̇г̇зна д̣̇идтзгадтз гилзсз…бз… сагад̣̇ааг̇аамимаг̇г̇зна ол̣ааригз гилзсз… анааг̇аамимаг̇г̇зна ан̣усахаг̇ад̇з гилзсз… арахад̇д̇амаг̇г̇зна саб̣б̣агилзсз сам̣варадтзна сийлам̣, авийд̇иггамадтзна сийлам̣.
Sotāpattimaggena diṭṭhekaṭṭhe kilese…pe… sakadāgāmimaggena oḷārike kilese… anāgāmimaggena aṇusahagate kilese… arahattamaggena sabbakilese saṃvaraṭṭhena sīlaṃ, avītikkamaṭṭhena sīlaṃ.
бан̃жа сийлаани – баан̣аад̇ибаад̇асса бахаанам̣ сийлам̣, взраман̣ий сийлам̣, жзд̇анаа сийлам̣, сам̣варо сийлам̣, авийд̇иггамо сийлам̣. зваруубаани сийлаани жид̇д̇асса авиббадисаарааяа сам̣вад̇д̇анд̇и, баамож̇ж̇ааяа сам̣вад̇д̇анд̇и, бийд̇ияаа сам̣вад̇д̇анд̇и, бассад̣̇д̇хияаа сам̣вад̇д̇анд̇и, соманассааяа сам̣вад̇д̇анд̇и, аасзванааяа сам̣вад̇д̇анд̇и, бхааванааяа сам̣вад̇д̇анд̇и, б̣ахулийгаммааяа сам̣вад̇д̇анд̇и, алан̇гаарааяа сам̣вад̇д̇анд̇и, баригкаарааяа сам̣вад̇д̇анд̇и, бариваарааяа сам̣вад̇д̇анд̇и, баарибуурияаа сам̣вад̇д̇анд̇и, зганд̇аниб̣б̣ид̣̇ааяа вирааг̇ааяа нирод̇хааяа убасамааяа абхин̃н̃ааяа самб̣од̇хааяа ниб̣б̣аанааяа сам̣вад̇д̇анд̇и.
Pañca sīlāni – pāṇātipātassa pahānaṃ sīlaṃ, veramaṇī sīlaṃ, cetanā sīlaṃ, saṃvaro sīlaṃ, avītikkamo sīlaṃ. Evarūpāni sīlāni cittassa avippaṭisārāya saṃvattanti, pāmojjāya saṃvattanti, pītiyā saṃvattanti, passaddhiyā saṃvattanti, somanassāya saṃvattanti, āsevanāya saṃvattanti, bhāvanāya saṃvattanti, bahulīkammāya saṃvattanti, alaṅkārāya saṃvattanti, parikkhārāya saṃvattanti, parivārāya saṃvattanti, pāripūriyā saṃvattanti, ekantanibbidāya virāgāya nirodhāya upasamāya abhiññāya sambodhāya nibbānāya saṃvattanti.
зваруубаанам̣ сийлаанам̣ сам̣варабаарисуд̣̇д̇хи ад̇хисийлам̣, сам̣варабаарисуд̣̇д̇хияаа тид̇ам̣ жид̇д̇ам̣ на вигкзбам̣ г̇ажчад̇и, авигкзбабаарисуд̣̇д̇хи ад̇хижид̇д̇ам̣ сам̣варабаарисуд̣̇д̇хим̣ саммаа бассад̇и, авигкзбабаарисуд̣̇д̇хим̣ саммаа бассад̇и. д̣̇ассанабаарисуд̣̇д̇хи ад̇хибан̃н̃аа. яо д̇ад̇т̇а сам̣варадто, аяам̣ ад̇хисийласигкаа . яо д̇ад̇т̇а авигкзбадто, аяам̣ ад̇хижид̇д̇асигкаа. яо д̇ад̇т̇а д̣̇ассанадто, аяам̣ ад̇хибан̃н̃аасигкаа.
Evarūpānaṃ sīlānaṃ saṃvarapārisuddhi adhisīlaṃ, saṃvarapārisuddhiyā ṭhitaṃ cittaṃ na vikkhepaṃ gacchati, avikkhepapārisuddhi adhicittaṃ saṃvarapārisuddhiṃ sammā passati, avikkhepapārisuddhiṃ sammā passati. Dassanapārisuddhi adhipaññā. Yo tattha saṃvaraṭṭho, ayaṃ adhisīlasikkhā . Yo tattha avikkhepaṭṭho, ayaṃ adhicittasikkhā. Yo tattha dassanaṭṭho, ayaṃ adhipaññāsikkhā.
имаа д̇иссо сигкааяо ааваж̇ж̇анд̇о сигкад̇и, ж̇аананд̇о сигкад̇и, бассанд̇о сигкад̇и, бажжавзгканд̇о сигкад̇и, жид̇д̇ам̣ ад̇хидтаханд̇о сигкад̇и, сад̣̇д̇хааяа ад̇химужжанд̇о сигкад̇и, вийрияам̣ баг̇г̇ан̣ханд̇о сигкад̇и, сад̇им̣ убадтабзнд̇о сигкад̇и, жид̇д̇ам̣ самаад̣̇аханд̇о сигкад̇и, бан̃н̃ааяа баж̇аананд̇о сигкад̇и, абхин̃н̃зяяам̣ абхиж̇аананд̇о сигкад̇и, барин̃н̃зяяам̣ бариж̇аананд̇о сигкад̇и, бахаад̇аб̣б̣ам̣ баж̇аханд̇о сигкад̇и, сажчигаад̇аб̣б̣ам̣ сажчигаронд̇о сигкад̇и, бхаавзд̇аб̣б̣ам̣ бхаавзнд̇о сигкад̇и.
Imā tisso sikkhāyo āvajjanto sikkhati, jānanto sikkhati, passanto sikkhati, paccavekkhanto sikkhati, cittaṃ adhiṭṭhahanto sikkhati, saddhāya adhimuccanto sikkhati, vīriyaṃ paggaṇhanto sikkhati, satiṃ upaṭṭhapento sikkhati, cittaṃ samādahanto sikkhati, paññāya pajānanto sikkhati, abhiññeyyaṃ abhijānanto sikkhati, pariññeyyaṃ parijānanto sikkhati, pahātabbaṃ pajahanto sikkhati, sacchikātabbaṃ sacchikaronto sikkhati, bhāvetabbaṃ bhāvento sikkhati.
бан̃жа сийлаани – ад̣̇иннаад̣̇аанасса…бз… гаамзсумижчаажаарасса… мусааваад̣̇асса… бисун̣ааяа ваажааяа… парусааяа ваажааяа… сампаббалаабасса… абхиж̇жхааяа… б̣яаабаад̣̇асса… мижчаад̣̇идтияаа… бхаавзд̇аб̣б̣ам̣ бхаавзнд̇о сигканд̇и.
Pañca sīlāni – adinnādānassa…pe… kāmesumicchācārassa… musāvādassa… pisuṇāya vācāya… pharusāya vācāya… samphappalāpassa… abhijjhāya… byāpādassa… micchādiṭṭhiyā… bhāvetabbaṃ bhāvento sikkhanti.
нзгкаммзна гаамажчанд̣̇асса…бз… аб̣яаабаад̣̇зна б̣яаабаад̣̇асса… аалогасан̃н̃ааяа т̇инамид̣̇д̇хасса… авигкзбзна уд̣̇д̇хажжасса… … д̇хаммававад̇т̇аанзна вижигижчааяа… н̃аан̣зна авиж̇ж̇ааяа… баамож̇ж̇зна арад̇ияаа… бхаавзд̇аб̣б̣ам̣ бхаавзнд̇о сигкад̇и.
Nekkhammena kāmacchandassa…pe… abyāpādena byāpādassa… ālokasaññāya thinamiddhassa… avikkhepena uddhaccassa… … dhammavavatthānena vicikicchāya… ñāṇena avijjāya… pāmojjena aratiyā… bhāvetabbaṃ bhāvento sikkhati.
батамзна жхаанзна нийваран̣аанам̣…бз… д̣̇уд̇иязна жхаанзна вид̇аггавижаараанам̣… д̇ад̇иязна жхаанзна бийд̇ияаа… жад̇уд̇т̇зна жхаанзна сукад̣̇угкаанам̣… аагаасаанан̃жааяад̇анасамаабад̇д̇ияаа руубасан̃н̃ааяа бадигхасан̃н̃ааяа наанад̇д̇асан̃н̃ааяа… вин̃н̃аан̣ан̃жааяад̇анасамаабад̇д̇ияаа аагаасаанан̃жааяад̇анасан̃н̃ааяа… аагин̃жан̃н̃ааяад̇анасамаабад̇д̇ияаа вин̃н̃аан̣ан̃жааяад̇анасан̃н̃ааяа… нзвасан̃н̃аанаасан̃н̃ааяад̇анасамаабад̇д̇ияаа аагин̃жан̃н̃ааяад̇анасан̃н̃ааяа… бхаавзд̇аб̣б̣ам̣ бхаавзнд̇о сигкад̇и.
Paṭhamena jhānena nīvaraṇānaṃ…pe… dutiyena jhānena vitakkavicārānaṃ… tatiyena jhānena pītiyā… catutthena jhānena sukhadukkhānaṃ… ākāsānañcāyatanasamāpattiyā rūpasaññāya paṭighasaññāya nānattasaññāya… viññāṇañcāyatanasamāpattiyā ākāsānañcāyatanasaññāya… ākiñcaññāyatanasamāpattiyā viññāṇañcāyatanasaññāya… nevasaññānāsaññāyatanasamāpattiyā ākiñcaññāyatanasaññāya… bhāvetabbaṃ bhāvento sikkhati.
анижжаанубассанааяа нижжасан̃н̃ааяа…бз… д̣̇угкаанубассанааяа сукасан̃н̃ааяа… анад̇д̇аанубассанааяа ад̇д̇асан̃н̃ааяа… ниб̣б̣ид̣̇аанубассанааяа нанд̣̇ияаа… вирааг̇аанубассанааяа рааг̇асса… нирод̇хаанубассанааяа самуд̣̇аяасса… бадиниссаг̇г̇аанубассанааяа аад̣̇аанасса… каяаанубассанааяа гханасан̃н̃ааяа… ваяаанубассанааяа ааяууханасса… вибарин̣аамаанубассанааяа д̇хувасан̃н̃ааяа… анимид̇д̇аанубассанааяа нимид̇д̇асса… аббан̣ихид̇аанубассанааяа бан̣ид̇хияаа… сун̃н̃ад̇аанубассанааяа абхинивзсасса… ад̇хибан̃н̃аад̇хаммавибассанааяа саарааг̇аабхинивзсасса… яат̇аабхууд̇ан̃аан̣ад̣̇ассанзна саммохаабхинивзсасса… аад̣̇ийнаваанубассанааяа аалаяаабхинивзсасса… бадисан̇каанубассанааяа аббадисан̇кааяа… вивадданаанубассанааяа сан̃н̃ог̇аабхинивзсасса бхаавзд̇аб̣б̣ам̣ бхаавзнд̇о сигкад̇и.
Aniccānupassanāya niccasaññāya…pe… dukkhānupassanāya sukhasaññāya… anattānupassanāya attasaññāya… nibbidānupassanāya nandiyā… virāgānupassanāya rāgassa… nirodhānupassanāya samudayassa… paṭinissaggānupassanāya ādānassa… khayānupassanāya ghanasaññāya… vayānupassanāya āyūhanassa… vipariṇāmānupassanāya dhuvasaññāya… animittānupassanāya nimittassa… appaṇihitānupassanāya paṇidhiyā… suññatānupassanāya abhinivesassa… adhipaññādhammavipassanāya sārāgābhinivesassa… yathābhūtañāṇadassanena sammohābhinivesassa… ādīnavānupassanāya ālayābhinivesassa… paṭisaṅkhānupassanāya appaṭisaṅkhāya… vivaṭṭanānupassanāya saññogābhinivesassa bhāvetabbaṃ bhāvento sikkhati.
сод̇аабад̇д̇имаг̇г̇зна д̣̇идтзгадтаанам̣ гилзсаанам̣…бз… сагад̣̇ааг̇аамимаг̇г̇зна ол̣ааригаанам̣ гилзсаанам̣… анааг̇аамимаг̇г̇зна анусахаг̇ад̇аанам̣ гилзсаанам̣… арахад̇д̇амаг̇г̇зна саб̣б̣агилзсаанам̣ бахаанам̣ сийлам̣, взраман̣ий сийлам̣, жзд̇анаа сийлам̣, сам̣варо сийлам̣, авийд̇иггамо сийлам̣. зваруубаани сийлаани жид̇д̇асса авиббадисаарааяа сам̣вад̇д̇анд̇и, баамож̇ж̇ааяа сам̣вад̇д̇анд̇и, бийд̇ияаа сам̣вад̇д̇анд̇и, бассад̣̇д̇хияаа сам̣вад̇д̇анд̇и, соманассааяа сам̣вад̇д̇анд̇и, аасзванааяа сам̣вад̇д̇анд̇и, бхааванааяа сам̣вад̇д̇анд̇и, б̣ахулийгаммааяа сам̣вад̇д̇анд̇и, алан̇гаарааяа сам̣вад̇д̇анд̇и, баригкаарааяа сам̣вад̇д̇анд̇и, бариваарааяа сам̣вад̇д̇анд̇и, баарибуурияаа сам̣вад̇д̇анд̇и, зганд̇аниб̣б̣ид̣̇ааяа вирааг̇ааяа нирод̇хааяа убасамааяа абхин̃н̃ааяа самб̣од̇хааяа ниб̣б̣аанааяа сам̣вад̇д̇анд̇и.
Sotāpattimaggena diṭṭhekaṭṭhānaṃ kilesānaṃ…pe… sakadāgāmimaggena oḷārikānaṃ kilesānaṃ… anāgāmimaggena anusahagatānaṃ kilesānaṃ… arahattamaggena sabbakilesānaṃ pahānaṃ sīlaṃ, veramaṇī sīlaṃ, cetanā sīlaṃ, saṃvaro sīlaṃ, avītikkamo sīlaṃ. Evarūpāni sīlāni cittassa avippaṭisārāya saṃvattanti, pāmojjāya saṃvattanti, pītiyā saṃvattanti, passaddhiyā saṃvattanti, somanassāya saṃvattanti, āsevanāya saṃvattanti, bhāvanāya saṃvattanti, bahulīkammāya saṃvattanti, alaṅkārāya saṃvattanti, parikkhārāya saṃvattanti, parivārāya saṃvattanti, pāripūriyā saṃvattanti, ekantanibbidāya virāgāya nirodhāya upasamāya abhiññāya sambodhāya nibbānāya saṃvattanti.
42. зваруубаанам̣ сийлаанам̣ сам̣варабаарисуд̣̇д̇хи ад̇хисийлам̣. сам̣варабаарисуд̣̇д̇хияаа тид̇ам̣ жид̇д̇ам̣ авигкзбам̣ г̇ажчад̇и, авигкзбабаарисуд̣̇д̇хи ад̇хижид̇д̇ам̣. сам̣варабаарисуд̣̇д̇хим̣ саммаа бассад̇и, авигкзбабаарисуд̣̇д̇хим̣ саммаа бассад̇и. д̣̇ассанабаарисуд̣̇д̇хи ад̇хибан̃н̃аа. яо д̇ад̇т̇а сам̣варадто, аяам̣ ад̇хисийласигкаа. яо д̇ад̇т̇а авигкзбадто, аяам̣ ад̇хижид̇д̇асигкаа. яо д̇ад̇т̇а д̣̇ассанадто, аяам̣ ад̇хибан̃н̃аасигкаа. имаа д̇иссо сигкааяо ааваж̇ж̇анд̇о сигкад̇и, ж̇аананд̇о сигкад̇и, бассанд̇о сигкад̇и, бажжавзгканд̇о сигкад̇и, жид̇д̇ам̣ ад̇хидтаханд̇о сигкад̇и, сад̣̇д̇хааяа ад̇химужжанд̇о сигкад̇и, вийрияам̣ баг̇г̇ан̣ханд̇о сигкад̇и, сад̇им̣ убадтабзнд̇о сигкад̇и, жид̇д̇ам̣ самаад̣̇аханд̇о сигкад̇и, бан̃н̃ааяа баж̇аананд̇о сигкад̇и, абхин̃н̃зяяам̣ абхиж̇аананд̇о сигкад̇и, барин̃н̃зяяам̣ бариж̇аананд̇о сигкад̇и бахаад̇аб̣б̣ам̣ баж̇аханд̇о сигкад̇и, сажчигаад̇аб̣б̣ам̣ сажчигаронд̇о сигкад̇и, бхаавзд̇аб̣б̣ам̣ бхаавзнд̇о сигкад̇и. д̇ам̣ н̃аад̇адтзна н̃аан̣ам̣ баж̇аананадтзна бан̃н̃аа. д̇зна вужжад̇и – ‘‘суд̇ваана сам̣варз бан̃н̃аа сийламаяз н̃аан̣ам̣’’.
42. Evarūpānaṃ sīlānaṃ saṃvarapārisuddhi adhisīlaṃ. Saṃvarapārisuddhiyā ṭhitaṃ cittaṃ avikkhepaṃ gacchati, avikkhepapārisuddhi adhicittaṃ. Saṃvarapārisuddhiṃ sammā passati, avikkhepapārisuddhiṃ sammā passati. Dassanapārisuddhi adhipaññā. Yo tattha saṃvaraṭṭho, ayaṃ adhisīlasikkhā. Yo tattha avikkhepaṭṭho, ayaṃ adhicittasikkhā. Yo tattha dassanaṭṭho, ayaṃ adhipaññāsikkhā. Imā tisso sikkhāyo āvajjanto sikkhati, jānanto sikkhati, passanto sikkhati, paccavekkhanto sikkhati, cittaṃ adhiṭṭhahanto sikkhati, saddhāya adhimuccanto sikkhati, vīriyaṃ paggaṇhanto sikkhati, satiṃ upaṭṭhapento sikkhati, cittaṃ samādahanto sikkhati, paññāya pajānanto sikkhati, abhiññeyyaṃ abhijānanto sikkhati, pariññeyyaṃ parijānanto sikkhati pahātabbaṃ pajahanto sikkhati, sacchikātabbaṃ sacchikaronto sikkhati, bhāvetabbaṃ bhāvento sikkhati. Taṃ ñātaṭṭhena ñāṇaṃ pajānanaṭṭhena paññā. Tena vuccati – ‘‘sutvāna saṃvare paññā sīlamaye ñāṇaṃ’’.
сийламаяан̃аан̣анид̣̇д̣̇зсо д̣̇уд̇ияо.
Sīlamayañāṇaniddeso dutiyo.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā / 2. сийламаяан̃аан̣анид̣̇д̣̇зсаван̣н̣анаа • 2. Sīlamayañāṇaniddesavaṇṇanā
