| Library / Tipiṭaka / ਤਿਪਿਟਕ • Tipiṭaka / ਪਟਿਸਮ੍ਭਿਦਾਮਗ੍ਗਪਾਲ਼ਿ • Paṭisambhidāmaggapāḷi |
੨. ਸੀਲਮਯਞਾਣਨਿਦ੍ਦੇਸੋ
2. Sīlamayañāṇaniddeso
੩੭. ਕਥਂ ਸੁਤ੍વਾਨ ਸਂવਰੇ ਪਞ੍ਞਾ ਸੀਲਮਯੇ ਞਾਣਂ? ਪਞ੍ਚ ਸੀਲਾਨਿ – ਪਰਿਯਨ੍ਤਪਾਰਿਸੁਦ੍ਧਿਸੀਲਂ, ਅਪਰਿਯਨ੍ਤਪਾਰਿਸੁਦ੍ਧਿਸੀਲਂ, ਪਰਿਪੁਣ੍ਣਪਾਰਿਸੁਦ੍ਧਿਸੀਲਂ, ਅਪਰਾਮਟ੍ਠਪਾਰਿਸੁਦ੍ਧਿਸੀਲਂ, ਪਟਿਪ੍ਪਸ੍ਸਦ੍ਧਿਪਾਰਿਸੁਦ੍ਧਿਸੀਲਨ੍ਤਿ।
37. Kathaṃ sutvāna saṃvare paññā sīlamaye ñāṇaṃ? Pañca sīlāni – pariyantapārisuddhisīlaṃ, apariyantapārisuddhisīlaṃ, paripuṇṇapārisuddhisīlaṃ, aparāmaṭṭhapārisuddhisīlaṃ, paṭippassaddhipārisuddhisīlanti.
ਤਤ੍ਥ ਕਤਮਂ ਪਰਿਯਨ੍ਤਪਾਰਿਸੁਦ੍ਧਿਸੀਲਂ? ਅਨੁਪਸਮ੍ਪਨ੍ਨਾਨਂ ਪਰਿਯਨ੍ਤਸਿਕ੍ਖਾਪਦਾਨਂ – ਇਦਂ ਪਰਿਯਨ੍ਤਪਾਰਿਸੁਦ੍ਧਿਸੀਲਂ। ਕਤਮਂ ਅਪਰਿਯਨ੍ਤਪਾਰਿਸੁਦ੍ਧਿਸੀਲਂ? ਉਪਸਮ੍ਪਨ੍ਨਾਨਂ ਅਪਰਿਯਨ੍ਤਸਿਕ੍ਖਾਪਦਾਨਂ – ਇਦਂ ਅਪਰਿਯਨ੍ਤਪਾਰਿਸੁਦ੍ਧਿਸੀਲਂ। ਕਤਮਂ ਪਰਿਪੁਣ੍ਣਪਾਰਿਸੁਦ੍ਧਿਸੀਲਂ? ਪੁਥੁਜ੍ਜਨਕਲ੍ਯਾਣਕਾਨਂ ਕੁਸਲਧਮ੍ਮੇ ਯੁਤ੍ਤਾਨਂ ਸੇਕ੍ਖਪਰਿਯਨ੍ਤੇ 1 ਪਰਿਪੂਰਕਾਰੀਨਂ ਕਾਯੇ ਚ ਜੀવਿਤੇ ਚ ਅਨਪੇਕ੍ਖਾਨਂ ਪਰਿਚ੍ਚਤ੍ਤਜੀવਿਤਾਨਂ – ਇਦਂ ਪਰਿਪੁਣ੍ਣਪਾਰਿਸੁਦ੍ਧਿਸੀਲਂ। ਕਤਮਂ ਅਪਰਾਮਟ੍ਠਪਾਰਿਸੁਦ੍ਧਿਸੀਲਂ? ਸਤ੍ਤਨ੍ਨਂ ਸੇਕ੍ਖਾਨਂ – ਇਦਂ ਅਪਰਾਮਟ੍ਠਪਾਰਿਸੁਦ੍ਧਿਸੀਲਂ। ਕਤਮਂ ਪਟਿਪ੍ਪਸ੍ਸਦ੍ਧਿਪਾਰਿਸੁਦ੍ਧਿਸੀਲਂ? ਤਥਾਗਤਸਾવਕਾਨਂ ਖੀਣਾਸવਾਨਂ ਪਚ੍ਚੇਕਬੁਦ੍ਧਾਨਂ ਤਥਾਗਤਾਨਂ ਅਰਹਨ੍ਤਾਨਂ ਸਮ੍ਮਾਸਮ੍ਬੁਦ੍ਧਾਨਂ – ਇਦਂ ਪਟਿਪ੍ਪਸ੍ਸਦ੍ਧਿਪਾਰਿਸੁਦ੍ਧਿਸੀਲਂ।
Tattha katamaṃ pariyantapārisuddhisīlaṃ? Anupasampannānaṃ pariyantasikkhāpadānaṃ – idaṃ pariyantapārisuddhisīlaṃ. Katamaṃ apariyantapārisuddhisīlaṃ? Upasampannānaṃ apariyantasikkhāpadānaṃ – idaṃ apariyantapārisuddhisīlaṃ. Katamaṃ paripuṇṇapārisuddhisīlaṃ? Puthujjanakalyāṇakānaṃ kusaladhamme yuttānaṃ sekkhapariyante 2 paripūrakārīnaṃ kāye ca jīvite ca anapekkhānaṃ pariccattajīvitānaṃ – idaṃ paripuṇṇapārisuddhisīlaṃ. Katamaṃ aparāmaṭṭhapārisuddhisīlaṃ? Sattannaṃ sekkhānaṃ – idaṃ aparāmaṭṭhapārisuddhisīlaṃ. Katamaṃ paṭippassaddhipārisuddhisīlaṃ? Tathāgatasāvakānaṃ khīṇāsavānaṃ paccekabuddhānaṃ tathāgatānaṃ arahantānaṃ sammāsambuddhānaṃ – idaṃ paṭippassaddhipārisuddhisīlaṃ.
੩੮. ਅਤ੍ਥਿ ਸੀਲਂ ਪਰਿਯਨ੍ਤਂ, ਅਤ੍ਥਿ ਸੀਲਂ ਅਪਰਿਯਨ੍ਤਂ। ਤਤ੍ਥ ਕਤਮਂ ਤਂ ਸੀਲਂ ਪਰਿਯਨ੍ਤਂ? ਅਤ੍ਥਿ ਸੀਲਂ ਲਾਭਪਰਿਯਨ੍ਤਂ, ਅਤ੍ਥਿ ਸੀਲਂ ਯਸਪਰਿਯਨ੍ਤਂ, ਅਤ੍ਥਿ ਸੀਲਂ ਞਾਤਿਪਰਿਯਨ੍ਤਂ, ਅਤ੍ਥਿ ਸੀਲਂ ਅਙ੍ਗਪਰਿਯਨ੍ਤਂ, ਅਤ੍ਥਿ ਸੀਲਂ ਜੀવਿਤਪਰਿਯਨ੍ਤਂ।
38. Atthi sīlaṃ pariyantaṃ, atthi sīlaṃ apariyantaṃ. Tattha katamaṃ taṃ sīlaṃ pariyantaṃ? Atthi sīlaṃ lābhapariyantaṃ, atthi sīlaṃ yasapariyantaṃ, atthi sīlaṃ ñātipariyantaṃ, atthi sīlaṃ aṅgapariyantaṃ, atthi sīlaṃ jīvitapariyantaṃ.
ਕਤਮਂ ਤਂ ਸੀਲਂ ਲਾਭਪਰਿਯਨ੍ਤਂ? ਇਧੇਕਚ੍ਚੋ ਲਾਭਹੇਤੁ ਲਾਭਪਚ੍ਚਯਾ ਲਾਭਕਾਰਣਾ ਯਥਾਸਮਾਦਿਨ੍ਨਂ 3 ਸਿਕ੍ਖਾਪਦਂ વੀਤਿਕ੍ਕਮਤਿ – ਇਦਂ ਤਂ ਸੀਲਂ ਲਾਭਪਰਿਯਨ੍ਤਂ। ਕਤਮਂ ਤਂ ਸੀਲਂ ਯਸਪਰਿਯਨ੍ਤਂ? ਇਧੇਕਚ੍ਚੋ ਯਸਹੇਤੁ ਯਸਪਚ੍ਚਯਾ ਯਸਕਾਰਣਾ ਯਥਾਸਮਾਦਿਨ੍ਨਂ ਸਿਕ੍ਖਾਪਦਂ વੀਤਿਕ੍ਕਮਤਿ – ਇਦਂ ਤਂ ਸੀਲਂ ਯਸਪਰਿਯਨ੍ਤਂ। ਕਤਮਂ ਤਂ ਸੀਲਂ ਞਾਤਿਪਰਿਯਨ੍ਤਂ? ਇਧੇਕਚ੍ਚੋ ਞਾਤਿਹੇਤੁ ਞਾਤਿਪਚ੍ਚਯਾ ਞਾਤਿਕਾਰਣਾ ਯਥਾਸਮਾਦਿਨ੍ਨਂ ਸਿਕ੍ਖਾਪਦਂ વੀਤਿਕ੍ਕਮਤਿ – ਇਦਂ ਤਂ ਸੀਲਂ ਞਾਤਿਪਰਿਯਨ੍ਤਂ। ਕਤਮਂ ਤਂ ਸੀਲਂ ਅਙ੍ਗਪਰਿਯਨ੍ਤਂ? ਇਧੇਕਚ੍ਚੋ ਅਙ੍ਗਹੇਤੁ ਅਙ੍ਗਪਚ੍ਚਯਾ ਅਙ੍ਗਕਾਰਣਾ ਯਥਾਸਮਾਦਿਨ੍ਨਂ ਸਿਕ੍ਖਾਪਦਂ વੀਤਿਕ੍ਕਮਤਿ – ਇਦਂ ਤਂ ਸੀਲਂ ਅਙ੍ਗਪਰਿਯਨ੍ਤਂ। ਕਤਮਂ ਤਂ ਸੀਲਂ ਜੀવਿਤਪਰਿਯਨ੍ਤਂ? ਇਧੇਕਚ੍ਚੋ ਜੀવਿਤਹੇਤੁ ਜੀવਿਤਪਚ੍ਚਯਾ ਜੀવਿਤਕਾਰਣਾ ਯਥਾਸਮਾਦਿਨ੍ਨਂ ਸਿਕ੍ਖਾਪਦਂ વੀਤਿਕ੍ਕਮਤਿ – ਇਦਂ ਤਂ ਸੀਲਂ ਜੀવਿਤਪਰਿਯਨ੍ਤਂ। ਏવਰੂਪਾਨਿ ਸੀਲਾਨਿ ਖਣ੍ਡਾਨਿ ਛਿਦ੍ਦਾਨਿ ਸਬਲਾਨਿ ਕਮ੍ਮਾਸਾਨਿ ਨ ਭੁਜਿਸ੍ਸਾਨਿ ਨ વਿਞ੍ਞੁਪ੍ਪਸਤ੍ਥਾਨਿ 4 ਪਰਾਮਟ੍ਠਾਨਿ ਅਸਮਾਧਿਸਂવਤ੍ਤਨਿਕਾਨਿ 5 ਨ ਅવਿਪ੍ਪਟਿਸਾਰવਤ੍ਥੁਕਾਨਿ ਨ ਪਾਮੋਜ੍ਜવਤ੍ਥੁਕਾਨਿ ਨ ਪੀਤਿવਤ੍ਥੁਕਾਨਿ ਨ ਪਸ੍ਸਦ੍ਧਿવਤ੍ਥੁਕਾਨਿ ਨ ਸੁਖવਤ੍ਥੁਕਾਨਿ ਨ ਸਮਾਧਿવਤ੍ਥੁਕਾਨਿ ਨ ਯਥਾਭੂਤਞਾਣਦਸ੍ਸਨવਤ੍ਥੁਕਾਨਿ ਨ ਏਕਨ੍ਤਨਿਬ੍ਬਿਦਾਯ ਨ વਿਰਾਗਾਯ ਨ ਨਿਰੋਧਾਯ ਨ ਉਪਸਮਾਯ ਨ ਅਭਿਞ੍ਞਾਯ ਨ ਸਮ੍ਬੋਧਾਯ ਨ ਨਿਬ੍ਬਾਨਾਯ ਸਂવਤ੍ਤਨ੍ਤਿ – ਇਦਂ ਤਂ ਸੀਲਂ ਪਰਿਯਨ੍ਤਂ।
Katamaṃ taṃ sīlaṃ lābhapariyantaṃ? Idhekacco lābhahetu lābhapaccayā lābhakāraṇā yathāsamādinnaṃ 6 sikkhāpadaṃ vītikkamati – idaṃ taṃ sīlaṃ lābhapariyantaṃ. Katamaṃ taṃ sīlaṃ yasapariyantaṃ? Idhekacco yasahetu yasapaccayā yasakāraṇā yathāsamādinnaṃ sikkhāpadaṃ vītikkamati – idaṃ taṃ sīlaṃ yasapariyantaṃ. Katamaṃ taṃ sīlaṃ ñātipariyantaṃ? Idhekacco ñātihetu ñātipaccayā ñātikāraṇā yathāsamādinnaṃ sikkhāpadaṃ vītikkamati – idaṃ taṃ sīlaṃ ñātipariyantaṃ. Katamaṃ taṃ sīlaṃ aṅgapariyantaṃ? Idhekacco aṅgahetu aṅgapaccayā aṅgakāraṇā yathāsamādinnaṃ sikkhāpadaṃ vītikkamati – idaṃ taṃ sīlaṃ aṅgapariyantaṃ. Katamaṃ taṃ sīlaṃ jīvitapariyantaṃ? Idhekacco jīvitahetu jīvitapaccayā jīvitakāraṇā yathāsamādinnaṃ sikkhāpadaṃ vītikkamati – idaṃ taṃ sīlaṃ jīvitapariyantaṃ. Evarūpāni sīlāni khaṇḍāni chiddāni sabalāni kammāsāni na bhujissāni na viññuppasatthāni 7 parāmaṭṭhāni asamādhisaṃvattanikāni 8 na avippaṭisāravatthukāni na pāmojjavatthukāni na pītivatthukāni na passaddhivatthukāni na sukhavatthukāni na samādhivatthukāni na yathābhūtañāṇadassanavatthukāni na ekantanibbidāya na virāgāya na nirodhāya na upasamāya na abhiññāya na sambodhāya na nibbānāya saṃvattanti – idaṃ taṃ sīlaṃ pariyantaṃ.
ਕਤਮਂ ਤਂ ਸੀਲਂ ਅਪਰਿਯਨ੍ਤਂ? ਅਤ੍ਥਿ ਸੀਲਂ ਨ ਲਾਭਪਰਿਯਨ੍ਤਂ , ਅਤ੍ਥਿ ਸੀਲਂ ਨ ਯਸਪਰਿਯਨ੍ਤਂ, ਅਤ੍ਥਿ ਸੀਲਂ ਨ ਞਾਤਿਪਰਿਯਨ੍ਤਂ, ਅਤ੍ਥਿ ਸੀਲਂ ਨ ਅਙ੍ਗਪਰਿਯਨ੍ਤਂ, ਅਤ੍ਥਿ ਸੀਲਂ ਨ ਜੀવਿਤਪਰਿਯਨ੍ਤਂ।
Katamaṃ taṃ sīlaṃ apariyantaṃ? Atthi sīlaṃ na lābhapariyantaṃ , atthi sīlaṃ na yasapariyantaṃ, atthi sīlaṃ na ñātipariyantaṃ, atthi sīlaṃ na aṅgapariyantaṃ, atthi sīlaṃ na jīvitapariyantaṃ.
ਕਤਮਂ ਤਂ ਸੀਲਂ ਨ ਲਾਭਪਰਿਯਨ੍ਤਂ? ਇਧੇਕਚ੍ਚੋ ਲਾਭਹੇਤੁ ਲਾਭਪਚ੍ਚਯਾ ਲਾਭਕਾਰਣਾ ਯਥਾਸਮਾਦਿਨ੍ਨਂ ਸਿਕ੍ਖਾਪਦਂ વੀਤਿਕ੍ਕਮਾਯ ਚਿਤ੍ਤਮ੍ਪਿ ਨ ਉਪ੍ਪਾਦੇਤਿ, ਕਿਂ ਸੋ વੀਤਿਕ੍ਕਮਿਸ੍ਸਤਿ! ਇਦਂ ਤਂ ਸੀਲਂ ਨ ਲਾਭਪਰਿਯਨ੍ਤਂ। ਕਤਮਂ ਤਂ ਸੀਲਂ ਨ ਯਸਪਰਿਯਨ੍ਤਂ? ਇਧੇਕਚ੍ਚੋ ਯਸਹੇਤੁ ਯਸਪਚ੍ਚਯਾ ਯਸਕਾਰਣਾ ਯਥਾਸਮਾਦਿਨ੍ਨਂ ਸਿਕ੍ਖਾਪਦਂ વੀਤਿਕ੍ਕਮਾਯ ਚਿਤ੍ਤਮ੍ਪਿ ਨ ਉਪ੍ਪਾਦੇਤਿ , ਕਿਂ ਸੋ વੀਤਿਕ੍ਕਮਿਸ੍ਸਤਿ! ਇਦਂ ਤਂ ਸੀਲਂ ਨ ਯਸਪਰਿਯਨ੍ਤਂ। ਕਤਮਂ ਤਂ ਸੀਲਂ ਨ ਞਾਤਿਪਰਿਯਨ੍ਤਂ? ਇਧੇਕਚ੍ਚੋ ਞਾਤਿਹੇਤੁ ਞਾਤਿਪਚ੍ਚਯਾ ਞਾਤਿਕਾਰਣਾ ਯਥਾਸਮਾਦਿਨ੍ਨਂ ਸਿਕ੍ਖਾਪਦਂ વੀਤਿਕ੍ਕਮਾਯ ਚਿਤ੍ਤਮ੍ਪਿ ਨ ਉਪ੍ਪਾਦੇਤਿ, ਕਿਂ ਸੋ વੀਤਿਕ੍ਕਮਿਸ੍ਸਤਿ! ਇਦਂ ਤਂ ਸੀਲਂ ਨ ਞਾਤਿਪਰਿਯਨ੍ਤਂ। ਕਤਮਂ ਤਂ ਸੀਲਂ ਨ ਅਙ੍ਗਪਰਿਯਨ੍ਤਂ? ਇਧੇਕਚ੍ਚੋ ਅਙ੍ਗਹੇਤੁ ਅਙ੍ਗਪਚ੍ਚਯਾ ਅਙ੍ਗਕਾਰਣਾ ਯਥਾਸਮਾਦਿਨ੍ਨਂ ਸਿਕ੍ਖਾਪਦਂ વੀਤਿਕ੍ਕਮਾਯ ਚਿਤ੍ਤਮ੍ਪਿ ਨ ਉਪ੍ਪਾਦੇਤਿ, ਕਿਂ ਸੋ વੀਤਿਕ੍ਕਮਿਸ੍ਸਤਿ! ਇਦਂ ਤਂ ਸੀਲਂ ਨ ਅਙ੍ਗਪਰਿਯਨ੍ਤਂ। ਕਤਮਂ ਤਂ ਸੀਲਂ ਨ ਜੀવਿਤਪਰਿਯਨ੍ਤਂ? ਇਧੇਕਚ੍ਚੋ ਜੀવਿਤਹੇਤੁ ਜੀવਿਤਪਚ੍ਚਯਾ ਜੀવਿਤਕਾਰਣਾ ਯਥਾਸਮਾਦਿਨ੍ਨਂ ਸਿਕ੍ਖਾਪਦਂ વੀਤਿਕ੍ਕਮਾਯ ਚਿਤ੍ਤਮ੍ਪਿ ਨ ਉਪ੍ਪਾਦੇਤਿ, ਕਿਂ ਸੋ વੀਤਿਕ੍ਕਮਿਸ੍ਸਤਿ! ਇਦਂ ਤਂ ਸੀਲਂ ਨ ਜੀવਿਤਪਰਿਯਨ੍ਤਂ। ਏવਰੂਪਾਨਿ ਸੀਲਾਨਿ ਅਖਣ੍ਡਾਨਿ ਅਚ੍ਛਿਦ੍ਦਾਨਿ ਅਸਬਲਾਨਿ ਅਕਮ੍ਮਾਸਾਨਿ ਭੁਜਿਸ੍ਸਾਨਿ વਿਞ੍ਞੁਪ੍ਪਸਤ੍ਥਾਨਿ ਅਪਰਾਮਟ੍ਠਾਨਿ ਸਮਾਧਿਸਂવਤ੍ਤਨਿਕਾਨਿ ਅવਿਪ੍ਪਟਿਸਾਰવਤ੍ਥੁਕਾਨਿ ਪਾਮੋਜ੍ਜવਤ੍ਥੁਕਾਨਿ ਪੀਤਿવਤ੍ਥੁਕਾਨਿ ਪਸ੍ਸਦ੍ਧਿવਤ੍ਥੁਕਾਨਿ ਸੁਖવਤ੍ਥੁਕਾਨਿ ਸਮਾਧਿવਤ੍ਥੁਕਾਨਿ ਯਥਾਭੂਤਞਾਣਦਸ੍ਸਨવਤ੍ਥੁਕਾਨਿ ਏਕਨ੍ਤਨਿਬ੍ਬਿਦਾਯ વਿਰਾਗਾਯ ਨਿਰੋਧਾਯ ਉਪਸਮਾਯ ਅਭਿਞ੍ਞਾਯ ਸਮ੍ਬੋਧਾਯ ਨਿਬ੍ਬਾਨਾਯ ਸਂવਤ੍ਤਨ੍ਤਿ – ਇਦਂ ਤਂ ਸੀਲਂ ਅਪਰਿਯਨ੍ਤਂ।
Katamaṃ taṃ sīlaṃ na lābhapariyantaṃ? Idhekacco lābhahetu lābhapaccayā lābhakāraṇā yathāsamādinnaṃ sikkhāpadaṃ vītikkamāya cittampi na uppādeti, kiṃ so vītikkamissati! Idaṃ taṃ sīlaṃ na lābhapariyantaṃ. Katamaṃ taṃ sīlaṃ na yasapariyantaṃ? Idhekacco yasahetu yasapaccayā yasakāraṇā yathāsamādinnaṃ sikkhāpadaṃ vītikkamāya cittampi na uppādeti , kiṃ so vītikkamissati! Idaṃ taṃ sīlaṃ na yasapariyantaṃ. Katamaṃ taṃ sīlaṃ na ñātipariyantaṃ? Idhekacco ñātihetu ñātipaccayā ñātikāraṇā yathāsamādinnaṃ sikkhāpadaṃ vītikkamāya cittampi na uppādeti, kiṃ so vītikkamissati! Idaṃ taṃ sīlaṃ na ñātipariyantaṃ. Katamaṃ taṃ sīlaṃ na aṅgapariyantaṃ? Idhekacco aṅgahetu aṅgapaccayā aṅgakāraṇā yathāsamādinnaṃ sikkhāpadaṃ vītikkamāya cittampi na uppādeti, kiṃ so vītikkamissati! Idaṃ taṃ sīlaṃ na aṅgapariyantaṃ. Katamaṃ taṃ sīlaṃ na jīvitapariyantaṃ? Idhekacco jīvitahetu jīvitapaccayā jīvitakāraṇā yathāsamādinnaṃ sikkhāpadaṃ vītikkamāya cittampi na uppādeti, kiṃ so vītikkamissati! Idaṃ taṃ sīlaṃ na jīvitapariyantaṃ. Evarūpāni sīlāni akhaṇḍāni acchiddāni asabalāni akammāsāni bhujissāni viññuppasatthāni aparāmaṭṭhāni samādhisaṃvattanikāni avippaṭisāravatthukāni pāmojjavatthukāni pītivatthukāni passaddhivatthukāni sukhavatthukāni samādhivatthukāni yathābhūtañāṇadassanavatthukāni ekantanibbidāya virāgāya nirodhāya upasamāya abhiññāya sambodhāya nibbānāya saṃvattanti – idaṃ taṃ sīlaṃ apariyantaṃ.
੩੯. ਕਿਂ ਸੀਲਂ? ਕਤਿ ਸੀਲਾਨਿ? ਕਿਂ ਸਮੁਟ੍ਠਾਨਂ ਸੀਲਂ? ਕਤਿ ਧਮ੍ਮਸਮੋਧਾਨਂ ਸੀਲਂ?
39. Kiṃ sīlaṃ? Kati sīlāni? Kiṃ samuṭṭhānaṃ sīlaṃ? Kati dhammasamodhānaṃ sīlaṃ?
ਕਿਂ ਸੀਲਨ੍ਤਿ ਚੇਤਨਾ ਸੀਲਂ, ਚੇਤਸਿਕਂ ਸੀਲਂ, ਸਂવਰੋ ਸੀਲਂ, ਅવੀਤਿਕ੍ਕਮੋ ਸੀਲਂ। ਕਤਿ ਸੀਲਾਨੀਤਿ ਤੀਣਿ ਸੀਲਾਨਿ – ਕੁਸਲਸੀਲਂ, ਅਕੁਸਲਸੀਲਂ, ਅਬ੍ਯਾਕਤਸੀਲਂ।ਕਿਂ ਸਮੁਟ੍ਠਾਨਂ ਸੀਲਨ੍ਤਿ ਕੁਸਲਚਿਤ੍ਤਸਮੁਟ੍ਠਾਨਂ ਕੁਸਲਸੀਲਂ , ਅਕੁਸਲਚਿਤ੍ਤਸਮੁਟ੍ਠਾਨਂ ਅਕੁਸਲਸੀਲਂ, ਅਬ੍ਯਾਕਤਚਿਤ੍ਤਸਮੁਟ੍ਠਾਨਂ ਅਬ੍ਯਾਕਤਸੀਲਂ। ਕਤਿ ਧਮ੍ਮਸਮੋਧਾਨਂ ਸੀਲਨ੍ਤਿ ਸਂવਰਸਮੋਧਾਨਂ ਸੀਲਂ, ਅવੀਤਿਕ੍ਕਮਸਮੋਧਾਨਂ ਸੀਲਂ, ਤਥਾਭਾવੇ ਜਾਤਚੇਤਨਾਸਮੋਧਾਨਂ ਸੀਲਂ।
Kiṃ sīlanti cetanā sīlaṃ, cetasikaṃ sīlaṃ, saṃvaro sīlaṃ, avītikkamo sīlaṃ. Kati sīlānīti tīṇi sīlāni – kusalasīlaṃ, akusalasīlaṃ, abyākatasīlaṃ.Kiṃ samuṭṭhānaṃ sīlanti kusalacittasamuṭṭhānaṃ kusalasīlaṃ , akusalacittasamuṭṭhānaṃ akusalasīlaṃ, abyākatacittasamuṭṭhānaṃ abyākatasīlaṃ. Kati dhammasamodhānaṃ sīlanti saṃvarasamodhānaṃ sīlaṃ, avītikkamasamodhānaṃ sīlaṃ, tathābhāve jātacetanāsamodhānaṃ sīlaṃ.
੪੦. ਪਾਣਾਤਿਪਾਤਂ ਸਂવਰਟ੍ਠੇਨ ਸੀਲਂ, ਅવੀਤਿਕ੍ਕਮਟ੍ਠੇਨ ਸੀਲਂ। ਅਦਿਨ੍ਨਾਦਾਨਂ ਸਂવਰਟ੍ਠੇਨ ਸੀਲਂ, ਅવੀਤਿਕ੍ਕਮਟ੍ਠੇਨ ਸੀਲਂ। ਕਾਮੇਸੁਮਿਚ੍ਛਾਚਾਰਂ ਸਂવਰਟ੍ਠੇਨ ਸੀਲਂ, ਅવੀਤਿਕ੍ਕਮਟ੍ਠੇਨ ਸੀਲਂ। ਮੁਸਾવਾਦਂ ਸਂવਰਟ੍ਠੇਨ ਸੀਲਂ, ਅવੀਤਿਕ੍ਕਮਟ੍ਠੇਨ ਸੀਲਂ। ਪਿਸੁਣਂ વਾਚਂ 9 ਸਂવਰਟ੍ਠੇਨ ਸੀਲਂ, ਅવੀਤਿਕ੍ਕਮਟ੍ਠੇਨ ਸੀਲਂ। ਫਰੁਸਂ વਾਚਂ 10 ਸਂવਰਟ੍ਠੇਨ ਸੀਲਂ, ਅવੀਤਿਕ੍ਕਮਟ੍ਠੇਨ ਸੀਲਂ। ਸਮ੍ਫਪ੍ਪਲਾਪਂ ਸਂવਰਟ੍ਠੇਨ ਸੀਲਂ, ਅવੀਤਿਕ੍ਕਮਟ੍ਠੇਨ ਸੀਲਂ । ਅਭਿਜ੍ਝਂ ਸਂવਰਟ੍ਠੇਨ ਸੀਲਂ, ਅવੀਤਿਕ੍ਕਮਟ੍ਠੇਨ ਸੀਲਂ। ਬ੍ਯਾਪਾਦਂ ਸਂવਰਟ੍ਠੇਨ ਸੀਲਂ, ਅવੀਤਿਕ੍ਕਮਟ੍ਠੇਨ ਸੀਲਂ। ਮਿਚ੍ਛਾਦਿਟ੍ਠਿਂ ਸਂવਰਟ੍ਠੇਨ ਸੀਲਂ, ਅવੀਤਿਕ੍ਕਮਟ੍ਠੇਨ ਸੀਲਂ।
40. Pāṇātipātaṃ saṃvaraṭṭhena sīlaṃ, avītikkamaṭṭhena sīlaṃ. Adinnādānaṃ saṃvaraṭṭhena sīlaṃ, avītikkamaṭṭhena sīlaṃ. Kāmesumicchācāraṃ saṃvaraṭṭhena sīlaṃ, avītikkamaṭṭhena sīlaṃ. Musāvādaṃ saṃvaraṭṭhena sīlaṃ, avītikkamaṭṭhena sīlaṃ. Pisuṇaṃ vācaṃ 11 saṃvaraṭṭhena sīlaṃ, avītikkamaṭṭhena sīlaṃ. Pharusaṃ vācaṃ 12 saṃvaraṭṭhena sīlaṃ, avītikkamaṭṭhena sīlaṃ. Samphappalāpaṃ saṃvaraṭṭhena sīlaṃ, avītikkamaṭṭhena sīlaṃ . Abhijjhaṃ saṃvaraṭṭhena sīlaṃ, avītikkamaṭṭhena sīlaṃ. Byāpādaṃ saṃvaraṭṭhena sīlaṃ, avītikkamaṭṭhena sīlaṃ. Micchādiṭṭhiṃ saṃvaraṭṭhena sīlaṃ, avītikkamaṭṭhena sīlaṃ.
੪੧. ਨੇਕ੍ਖਮ੍ਮੇਨ ਕਾਮਚ੍ਛਨ੍ਦਂ ਸਂવਰਟ੍ਠੇਨ ਸੀਲਂ, ਅવੀਤਿਕ੍ਕਮਟ੍ਠੇਨ ਸੀਲਂ। ਅਬ੍ਯਾਪਾਦੇਨ ਬ੍ਯਾਪਾਦਂ ਸਂવਰਟ੍ਠੇਨ ਸੀਲਂ, ਅવੀਤਿਕ੍ਕਮਟ੍ਠੇਨ ਸੀਲਂ। ਆਲੋਕਸਞ੍ਞਾਯ ਥਿਨਮਿਦ੍ਧਂ…ਪੇ॰… ਅવਿਕ੍ਖੇਪਟ੍ਠੇਨ ਉਦ੍ਧਚ੍ਚਂ… ਧਮ੍ਮવવਤ੍ਥਾਨੇਨ વਿਚਿਕਿਚ੍ਛਂ… ਞਾਣੇਨ ਅવਿਜ੍ਜਂ… ਪਾਮੋਜ੍ਜੇਨ ਅਰਤਿਂ…।
41. Nekkhammena kāmacchandaṃ saṃvaraṭṭhena sīlaṃ, avītikkamaṭṭhena sīlaṃ. Abyāpādena byāpādaṃ saṃvaraṭṭhena sīlaṃ, avītikkamaṭṭhena sīlaṃ. Ālokasaññāya thinamiddhaṃ…pe… avikkhepaṭṭhena uddhaccaṃ… dhammavavatthānena vicikicchaṃ… ñāṇena avijjaṃ… pāmojjena aratiṃ….
ਪਠਮੇਨ ਝਾਨੇਨ 13 ਨੀવਰਣੇ…ਪੇ॰… ਦੁਤਿਯੇਨ ਝਾਨੇਨ વਿਤਕ੍ਕવਿਚਾਰੇ… ਤਤਿਯੇਨ ਝਾਨੇਨ ਪੀਤਿਂ… ਚਤੁਤ੍ਥੇਨ ਝਾਨੇਨ ਸੁਖਦੁਕ੍ਖਂ… ਆਕਾਸਾਨਞ੍ਚਾਯਤਨਸਮਾਪਤ੍ਤਿਯਾ ਰੂਪਸਞ੍ਞਂ ਪਟਿਘਸਞ੍ਞਂ ਨਾਨਤ੍ਤਸਞ੍ਞਂ… વਿਞ੍ਞਾਣਞ੍ਚਾਯਤਨਸਮਾਪਤ੍ਤਿਯਾ ਆਕਾਸਾਨਞ੍ਚਾਯਤਨਸਞ੍ਞਂ… ਆਕਿਞ੍ਚਞ੍ਞਾਯਤਨਸਮਾਪਤ੍ਤਿਯਾ વਿਞ੍ਞਾਣਞ੍ਚਾਯਤਨਸਞ੍ਞਂ… ਨੇવਸਞ੍ਞਾਨਾਸਞ੍ਞਾਯਤਨਸਮਾਪਤ੍ਤਿਯਾ ਆਕਿਞ੍ਚਞ੍ਞਾਯਤਨਸਞ੍ਞਂ।
Paṭhamena jhānena 14 nīvaraṇe…pe… dutiyena jhānena vitakkavicāre… tatiyena jhānena pītiṃ… catutthena jhānena sukhadukkhaṃ… ākāsānañcāyatanasamāpattiyā rūpasaññaṃ paṭighasaññaṃ nānattasaññaṃ… viññāṇañcāyatanasamāpattiyā ākāsānañcāyatanasaññaṃ… ākiñcaññāyatanasamāpattiyā viññāṇañcāyatanasaññaṃ… nevasaññānāsaññāyatanasamāpattiyā ākiñcaññāyatanasaññaṃ.
ਅਨਿਚ੍ਚਾਨੁਪਸ੍ਸਨਾਯ ਨਿਚ੍ਚਸਞ੍ਞਂ…ਪੇ॰… ਦੁਕ੍ਖਾਨੁਪਸ੍ਸਨਾਯ ਸੁਖਸਞ੍ਞਂ… ਅਨਤ੍ਤਾ ਅਨੁਪਸ੍ਸਨਾਯ ਅਤ੍ਤਸਞ੍ਞਂ… ਨਿਬ੍ਬਿਦਾਨੁਪਸ੍ਸਨਾਯ ਨਨ੍ਦਿਂ… વਿਰਾਗਾਨੁਪਸ੍ਸਨਾਯ ਰਾਗਂ… ਨਿਰੋਧਾ ਅਨੁਪਸ੍ਸਨਾਯ ਸਮੁਦਯਂ… ਪਟਿਨਿਸ੍ਸਗ੍ਗਾਨੁਪਸ੍ਸਨਾਯ ਆਦਾਨਂ… ਖਯਾਨੁਪਸ੍ਸਨਾਯ ਘਨਸਞ੍ਞਂ… વਯਾਨੁਪਸ੍ਸਨਾਯ ਆਯੂਹਨਂ.. વਿਪਰਿਣਾਮਾਨੁਪਸ੍ਸਨਾਯ ਧੁવਸਞ੍ਞਂ… ਅਨਿਮਿਤ੍ਤਾਨੁਪਸ੍ਸਨਾਯ ਨਿਮਿਤ੍ਤਂ…. ਅਪ੍ਪਣਿਹਿਤਾਨੁਪਸ੍ਸਨਾਯ ਪਣਿਧਿਂ… ਸੁਞ੍ਞਤਾਨੁਪਸ੍ਸਨਾਯ ਅਭਿਨਿવੇਸਂ… ਅਧਿਪਞ੍ਞਾਧਮ੍ਮવਿਪਸ੍ਸਨਾਯ ਸਾਰਾਦਾਨਾਭਿਨਿવੇਸਂ… ਯਥਾਭੂਤਞਾਣਦਸ੍ਸਨੇਨ ਸਮ੍ਮੋਹਾਭਿਨਿવੇਸਂ… ਆਦੀਨવਾਨੁਪਸ੍ਸਨਾਯ ਆਲਯਾਭਿਨਿવੇਸਂ… ਪਟਿਸਙ੍ਖਾਨੁਪਸ੍ਸਨਾਯ ਅਪ੍ਪਟਿਸਙ੍ਖਂ… વਿવਟ੍ਟਨਾਨੁਪਸ੍ਸਨਾਯ ਸਞ੍ਞੋਗਾਭਿਨਿવੇਸਂ…।
Aniccānupassanāya niccasaññaṃ…pe… dukkhānupassanāya sukhasaññaṃ… anattā anupassanāya attasaññaṃ… nibbidānupassanāya nandiṃ… virāgānupassanāya rāgaṃ… nirodhā anupassanāya samudayaṃ… paṭinissaggānupassanāya ādānaṃ… khayānupassanāya ghanasaññaṃ… vayānupassanāya āyūhanaṃ.. vipariṇāmānupassanāya dhuvasaññaṃ… animittānupassanāya nimittaṃ…. appaṇihitānupassanāya paṇidhiṃ… suññatānupassanāya abhinivesaṃ… adhipaññādhammavipassanāya sārādānābhinivesaṃ… yathābhūtañāṇadassanena sammohābhinivesaṃ… ādīnavānupassanāya ālayābhinivesaṃ… paṭisaṅkhānupassanāya appaṭisaṅkhaṃ… vivaṭṭanānupassanāya saññogābhinivesaṃ….
ਸੋਤਾਪਤ੍ਤਿਮਗ੍ਗੇਨ ਦਿਟ੍ਠੇਕਟ੍ਠੇ ਕਿਲੇਸੇ…ਪੇ॰… ਸਕਦਾਗਾਮਿਮਗ੍ਗੇਨ ਓਲ਼ਾਰਿਕੇ ਕਿਲੇਸੇ… ਅਨਾਗਾਮਿਮਗ੍ਗੇਨ ਅਣੁਸਹਗਤੇ ਕਿਲੇਸੇ… ਅਰਹਤ੍ਤਮਗ੍ਗੇਨ ਸਬ੍ਬਕਿਲੇਸੇ ਸਂવਰਟ੍ਠੇਨ ਸੀਲਂ, ਅવੀਤਿਕ੍ਕਮਟ੍ਠੇਨ ਸੀਲਂ।
Sotāpattimaggena diṭṭhekaṭṭhe kilese…pe… sakadāgāmimaggena oḷārike kilese… anāgāmimaggena aṇusahagate kilese… arahattamaggena sabbakilese saṃvaraṭṭhena sīlaṃ, avītikkamaṭṭhena sīlaṃ.
ਪਞ੍ਚ ਸੀਲਾਨਿ – ਪਾਣਾਤਿਪਾਤਸ੍ਸ ਪਹਾਨਂ ਸੀਲਂ, વੇਰਮਣੀ ਸੀਲਂ, ਚੇਤਨਾ ਸੀਲਂ, ਸਂવਰੋ ਸੀਲਂ, ਅવੀਤਿਕ੍ਕਮੋ ਸੀਲਂ। ਏવਰੂਪਾਨਿ ਸੀਲਾਨਿ ਚਿਤ੍ਤਸ੍ਸ ਅવਿਪ੍ਪਟਿਸਾਰਾਯ ਸਂવਤ੍ਤਨ੍ਤਿ, ਪਾਮੋਜ੍ਜਾਯ ਸਂવਤ੍ਤਨ੍ਤਿ, ਪੀਤਿਯਾ ਸਂવਤ੍ਤਨ੍ਤਿ, ਪਸ੍ਸਦ੍ਧਿਯਾ ਸਂવਤ੍ਤਨ੍ਤਿ, ਸੋਮਨਸ੍ਸਾਯ ਸਂવਤ੍ਤਨ੍ਤਿ, ਆਸੇવਨਾਯ ਸਂવਤ੍ਤਨ੍ਤਿ, ਭਾવਨਾਯ ਸਂવਤ੍ਤਨ੍ਤਿ, ਬਹੁਲੀਕਮ੍ਮਾਯ ਸਂવਤ੍ਤਨ੍ਤਿ, ਅਲਙ੍ਕਾਰਾਯ ਸਂવਤ੍ਤਨ੍ਤਿ, ਪਰਿਕ੍ਖਾਰਾਯ ਸਂવਤ੍ਤਨ੍ਤਿ, ਪਰਿવਾਰਾਯ ਸਂવਤ੍ਤਨ੍ਤਿ, ਪਾਰਿਪੂਰਿਯਾ ਸਂવਤ੍ਤਨ੍ਤਿ, ਏਕਨ੍ਤਨਿਬ੍ਬਿਦਾਯ વਿਰਾਗਾਯ ਨਿਰੋਧਾਯ ਉਪਸਮਾਯ ਅਭਿਞ੍ਞਾਯ ਸਮ੍ਬੋਧਾਯ ਨਿਬ੍ਬਾਨਾਯ ਸਂવਤ੍ਤਨ੍ਤਿ।
Pañca sīlāni – pāṇātipātassa pahānaṃ sīlaṃ, veramaṇī sīlaṃ, cetanā sīlaṃ, saṃvaro sīlaṃ, avītikkamo sīlaṃ. Evarūpāni sīlāni cittassa avippaṭisārāya saṃvattanti, pāmojjāya saṃvattanti, pītiyā saṃvattanti, passaddhiyā saṃvattanti, somanassāya saṃvattanti, āsevanāya saṃvattanti, bhāvanāya saṃvattanti, bahulīkammāya saṃvattanti, alaṅkārāya saṃvattanti, parikkhārāya saṃvattanti, parivārāya saṃvattanti, pāripūriyā saṃvattanti, ekantanibbidāya virāgāya nirodhāya upasamāya abhiññāya sambodhāya nibbānāya saṃvattanti.
ਏવਰੂਪਾਨਂ ਸੀਲਾਨਂ ਸਂવਰਪਾਰਿਸੁਦ੍ਧਿ ਅਧਿਸੀਲਂ, ਸਂવਰਪਾਰਿਸੁਦ੍ਧਿਯਾ ਠਿਤਂ ਚਿਤ੍ਤਂ ਨ વਿਕ੍ਖੇਪਂ ਗਚ੍ਛਤਿ, ਅવਿਕ੍ਖੇਪਪਾਰਿਸੁਦ੍ਧਿ ਅਧਿਚਿਤ੍ਤਂ ਸਂવਰਪਾਰਿਸੁਦ੍ਧਿਂ ਸਮ੍ਮਾ ਪਸ੍ਸਤਿ, ਅવਿਕ੍ਖੇਪਪਾਰਿਸੁਦ੍ਧਿਂ ਸਮ੍ਮਾ ਪਸ੍ਸਤਿ। ਦਸ੍ਸਨਪਾਰਿਸੁਦ੍ਧਿ ਅਧਿਪਞ੍ਞਾ। ਯੋ ਤਤ੍ਥ ਸਂવਰਟ੍ਠੋ, ਅਯਂ ਅਧਿਸੀਲਸਿਕ੍ਖਾ । ਯੋ ਤਤ੍ਥ ਅવਿਕ੍ਖੇਪਟ੍ਠੋ, ਅਯਂ ਅਧਿਚਿਤ੍ਤਸਿਕ੍ਖਾ। ਯੋ ਤਤ੍ਥ ਦਸ੍ਸਨਟ੍ਠੋ, ਅਯਂ ਅਧਿਪਞ੍ਞਾਸਿਕ੍ਖਾ।
Evarūpānaṃ sīlānaṃ saṃvarapārisuddhi adhisīlaṃ, saṃvarapārisuddhiyā ṭhitaṃ cittaṃ na vikkhepaṃ gacchati, avikkhepapārisuddhi adhicittaṃ saṃvarapārisuddhiṃ sammā passati, avikkhepapārisuddhiṃ sammā passati. Dassanapārisuddhi adhipaññā. Yo tattha saṃvaraṭṭho, ayaṃ adhisīlasikkhā . Yo tattha avikkhepaṭṭho, ayaṃ adhicittasikkhā. Yo tattha dassanaṭṭho, ayaṃ adhipaññāsikkhā.
ਇਮਾ ਤਿਸ੍ਸੋ ਸਿਕ੍ਖਾਯੋ ਆવਜ੍ਜਨ੍ਤੋ ਸਿਕ੍ਖਤਿ, ਜਾਨਨ੍ਤੋ ਸਿਕ੍ਖਤਿ, ਪਸ੍ਸਨ੍ਤੋ ਸਿਕ੍ਖਤਿ, ਪਚ੍ਚવੇਕ੍ਖਨ੍ਤੋ ਸਿਕ੍ਖਤਿ, ਚਿਤ੍ਤਂ ਅਧਿਟ੍ਠਹਨ੍ਤੋ ਸਿਕ੍ਖਤਿ, ਸਦ੍ਧਾਯ ਅਧਿਮੁਚ੍ਚਨ੍ਤੋ ਸਿਕ੍ਖਤਿ, વੀਰਿਯਂ ਪਗ੍ਗਣ੍ਹਨ੍ਤੋ ਸਿਕ੍ਖਤਿ, ਸਤਿਂ ਉਪਟ੍ਠਪੇਨ੍ਤੋ ਸਿਕ੍ਖਤਿ, ਚਿਤ੍ਤਂ ਸਮਾਦਹਨ੍ਤੋ ਸਿਕ੍ਖਤਿ, ਪਞ੍ਞਾਯ ਪਜਾਨਨ੍ਤੋ ਸਿਕ੍ਖਤਿ, ਅਭਿਞ੍ਞੇਯ੍ਯਂ ਅਭਿਜਾਨਨ੍ਤੋ ਸਿਕ੍ਖਤਿ, ਪਰਿਞ੍ਞੇਯ੍ਯਂ ਪਰਿਜਾਨਨ੍ਤੋ ਸਿਕ੍ਖਤਿ, ਪਹਾਤਬ੍ਬਂ ਪਜਹਨ੍ਤੋ ਸਿਕ੍ਖਤਿ, ਸਚ੍ਛਿਕਾਤਬ੍ਬਂ ਸਚ੍ਛਿਕਰੋਨ੍ਤੋ ਸਿਕ੍ਖਤਿ, ਭਾવੇਤਬ੍ਬਂ ਭਾવੇਨ੍ਤੋ ਸਿਕ੍ਖਤਿ।
Imā tisso sikkhāyo āvajjanto sikkhati, jānanto sikkhati, passanto sikkhati, paccavekkhanto sikkhati, cittaṃ adhiṭṭhahanto sikkhati, saddhāya adhimuccanto sikkhati, vīriyaṃ paggaṇhanto sikkhati, satiṃ upaṭṭhapento sikkhati, cittaṃ samādahanto sikkhati, paññāya pajānanto sikkhati, abhiññeyyaṃ abhijānanto sikkhati, pariññeyyaṃ parijānanto sikkhati, pahātabbaṃ pajahanto sikkhati, sacchikātabbaṃ sacchikaronto sikkhati, bhāvetabbaṃ bhāvento sikkhati.
ਪਞ੍ਚ ਸੀਲਾਨਿ – ਅਦਿਨ੍ਨਾਦਾਨਸ੍ਸ…ਪੇ॰… ਕਾਮੇਸੁਮਿਚ੍ਛਾਚਾਰਸ੍ਸ… ਮੁਸਾવਾਦਸ੍ਸ… ਪਿਸੁਣਾਯ વਾਚਾਯ… ਫਰੁਸਾਯ વਾਚਾਯ… ਸਮ੍ਫਪ੍ਪਲਾਪਸ੍ਸ… ਅਭਿਜ੍ਝਾਯ… ਬ੍ਯਾਪਾਦਸ੍ਸ… ਮਿਚ੍ਛਾਦਿਟ੍ਠਿਯਾ… ਭਾવੇਤਬ੍ਬਂ ਭਾવੇਨ੍ਤੋ ਸਿਕ੍ਖਨ੍ਤਿ।
Pañca sīlāni – adinnādānassa…pe… kāmesumicchācārassa… musāvādassa… pisuṇāya vācāya… pharusāya vācāya… samphappalāpassa… abhijjhāya… byāpādassa… micchādiṭṭhiyā… bhāvetabbaṃ bhāvento sikkhanti.
ਨੇਕ੍ਖਮ੍ਮੇਨ ਕਾਮਚ੍ਛਨ੍ਦਸ੍ਸ…ਪੇ॰… ਅਬ੍ਯਾਪਾਦੇਨ ਬ੍ਯਾਪਾਦਸ੍ਸ… ਆਲੋਕਸਞ੍ਞਾਯ ਥਿਨਮਿਦ੍ਧਸ੍ਸ… ਅવਿਕ੍ਖੇਪੇਨ ਉਦ੍ਧਚ੍ਚਸ੍ਸ… … ਧਮ੍ਮવવਤ੍ਥਾਨੇਨ વਿਚਿਕਿਚ੍ਛਾਯ… ਞਾਣੇਨ ਅવਿਜ੍ਜਾਯ… ਪਾਮੋਜ੍ਜੇਨ ਅਰਤਿਯਾ… ਭਾવੇਤਬ੍ਬਂ ਭਾવੇਨ੍ਤੋ ਸਿਕ੍ਖਤਿ।
Nekkhammena kāmacchandassa…pe… abyāpādena byāpādassa… ālokasaññāya thinamiddhassa… avikkhepena uddhaccassa… … dhammavavatthānena vicikicchāya… ñāṇena avijjāya… pāmojjena aratiyā… bhāvetabbaṃ bhāvento sikkhati.
ਪਠਮੇਨ ਝਾਨੇਨ ਨੀવਰਣਾਨਂ…ਪੇ॰… ਦੁਤਿਯੇਨ ਝਾਨੇਨ વਿਤਕ੍ਕવਿਚਾਰਾਨਂ… ਤਤਿਯੇਨ ਝਾਨੇਨ ਪੀਤਿਯਾ… ਚਤੁਤ੍ਥੇਨ ਝਾਨੇਨ ਸੁਖਦੁਕ੍ਖਾਨਂ… ਆਕਾਸਾਨਞ੍ਚਾਯਤਨਸਮਾਪਤ੍ਤਿਯਾ ਰੂਪਸਞ੍ਞਾਯ ਪਟਿਘਸਞ੍ਞਾਯ ਨਾਨਤ੍ਤਸਞ੍ਞਾਯ… વਿਞ੍ਞਾਣਞ੍ਚਾਯਤਨਸਮਾਪਤ੍ਤਿਯਾ ਆਕਾਸਾਨਞ੍ਚਾਯਤਨਸਞ੍ਞਾਯ… ਆਕਿਞ੍ਚਞ੍ਞਾਯਤਨਸਮਾਪਤ੍ਤਿਯਾ વਿਞ੍ਞਾਣਞ੍ਚਾਯਤਨਸਞ੍ਞਾਯ… ਨੇવਸਞ੍ਞਾਨਾਸਞ੍ਞਾਯਤਨਸਮਾਪਤ੍ਤਿਯਾ ਆਕਿਞ੍ਚਞ੍ਞਾਯਤਨਸਞ੍ਞਾਯ… ਭਾવੇਤਬ੍ਬਂ ਭਾવੇਨ੍ਤੋ ਸਿਕ੍ਖਤਿ।
Paṭhamena jhānena nīvaraṇānaṃ…pe… dutiyena jhānena vitakkavicārānaṃ… tatiyena jhānena pītiyā… catutthena jhānena sukhadukkhānaṃ… ākāsānañcāyatanasamāpattiyā rūpasaññāya paṭighasaññāya nānattasaññāya… viññāṇañcāyatanasamāpattiyā ākāsānañcāyatanasaññāya… ākiñcaññāyatanasamāpattiyā viññāṇañcāyatanasaññāya… nevasaññānāsaññāyatanasamāpattiyā ākiñcaññāyatanasaññāya… bhāvetabbaṃ bhāvento sikkhati.
ਅਨਿਚ੍ਚਾਨੁਪਸ੍ਸਨਾਯ ਨਿਚ੍ਚਸਞ੍ਞਾਯ…ਪੇ॰… ਦੁਕ੍ਖਾਨੁਪਸ੍ਸਨਾਯ ਸੁਖਸਞ੍ਞਾਯ… ਅਨਤ੍ਤਾਨੁਪਸ੍ਸਨਾਯ ਅਤ੍ਤਸਞ੍ਞਾਯ… ਨਿਬ੍ਬਿਦਾਨੁਪਸ੍ਸਨਾਯ ਨਨ੍ਦਿਯਾ… વਿਰਾਗਾਨੁਪਸ੍ਸਨਾਯ ਰਾਗਸ੍ਸ… ਨਿਰੋਧਾਨੁਪਸ੍ਸਨਾਯ ਸਮੁਦਯਸ੍ਸ… ਪਟਿਨਿਸ੍ਸਗ੍ਗਾਨੁਪਸ੍ਸਨਾਯ ਆਦਾਨਸ੍ਸ… ਖਯਾਨੁਪਸ੍ਸਨਾਯ ਘਨਸਞ੍ਞਾਯ… વਯਾਨੁਪਸ੍ਸਨਾਯ ਆਯੂਹਨਸ੍ਸ… વਿਪਰਿਣਾਮਾਨੁਪਸ੍ਸਨਾਯ ਧੁવਸਞ੍ਞਾਯ… ਅਨਿਮਿਤ੍ਤਾਨੁਪਸ੍ਸਨਾਯ ਨਿਮਿਤ੍ਤਸ੍ਸ… ਅਪ੍ਪਣਿਹਿਤਾਨੁਪਸ੍ਸਨਾਯ ਪਣਿਧਿਯਾ… ਸੁਞ੍ਞਤਾਨੁਪਸ੍ਸਨਾਯ ਅਭਿਨਿવੇਸਸ੍ਸ… ਅਧਿਪਞ੍ਞਾਧਮ੍ਮવਿਪਸ੍ਸਨਾਯ ਸਾਰਾਗਾਭਿਨਿવੇਸਸ੍ਸ… ਯਥਾਭੂਤਞਾਣਦਸ੍ਸਨੇਨ ਸਮ੍ਮੋਹਾਭਿਨਿવੇਸਸ੍ਸ… ਆਦੀਨવਾਨੁਪਸ੍ਸਨਾਯ ਆਲਯਾਭਿਨਿવੇਸਸ੍ਸ… ਪਟਿਸਙ੍ਖਾਨੁਪਸ੍ਸਨਾਯ ਅਪ੍ਪਟਿਸਙ੍ਖਾਯ… વਿવਟ੍ਟਨਾਨੁਪਸ੍ਸਨਾਯ ਸਞ੍ਞੋਗਾਭਿਨਿવੇਸਸ੍ਸ ਭਾવੇਤਬ੍ਬਂ ਭਾવੇਨ੍ਤੋ ਸਿਕ੍ਖਤਿ।
Aniccānupassanāya niccasaññāya…pe… dukkhānupassanāya sukhasaññāya… anattānupassanāya attasaññāya… nibbidānupassanāya nandiyā… virāgānupassanāya rāgassa… nirodhānupassanāya samudayassa… paṭinissaggānupassanāya ādānassa… khayānupassanāya ghanasaññāya… vayānupassanāya āyūhanassa… vipariṇāmānupassanāya dhuvasaññāya… animittānupassanāya nimittassa… appaṇihitānupassanāya paṇidhiyā… suññatānupassanāya abhinivesassa… adhipaññādhammavipassanāya sārāgābhinivesassa… yathābhūtañāṇadassanena sammohābhinivesassa… ādīnavānupassanāya ālayābhinivesassa… paṭisaṅkhānupassanāya appaṭisaṅkhāya… vivaṭṭanānupassanāya saññogābhinivesassa bhāvetabbaṃ bhāvento sikkhati.
ਸੋਤਾਪਤ੍ਤਿਮਗ੍ਗੇਨ ਦਿਟ੍ਠੇਕਟ੍ਠਾਨਂ ਕਿਲੇਸਾਨਂ…ਪੇ॰… ਸਕਦਾਗਾਮਿਮਗ੍ਗੇਨ ਓਲ਼ਾਰਿਕਾਨਂ ਕਿਲੇਸਾਨਂ… ਅਨਾਗਾਮਿਮਗ੍ਗੇਨ ਅਨੁਸਹਗਤਾਨਂ ਕਿਲੇਸਾਨਂ… ਅਰਹਤ੍ਤਮਗ੍ਗੇਨ ਸਬ੍ਬਕਿਲੇਸਾਨਂ ਪਹਾਨਂ ਸੀਲਂ, વੇਰਮਣੀ ਸੀਲਂ, ਚੇਤਨਾ ਸੀਲਂ, ਸਂવਰੋ ਸੀਲਂ, ਅવੀਤਿਕ੍ਕਮੋ ਸੀਲਂ। ਏવਰੂਪਾਨਿ ਸੀਲਾਨਿ ਚਿਤ੍ਤਸ੍ਸ ਅવਿਪ੍ਪਟਿਸਾਰਾਯ ਸਂવਤ੍ਤਨ੍ਤਿ, ਪਾਮੋਜ੍ਜਾਯ ਸਂવਤ੍ਤਨ੍ਤਿ, ਪੀਤਿਯਾ ਸਂવਤ੍ਤਨ੍ਤਿ, ਪਸ੍ਸਦ੍ਧਿਯਾ ਸਂવਤ੍ਤਨ੍ਤਿ, ਸੋਮਨਸ੍ਸਾਯ ਸਂવਤ੍ਤਨ੍ਤਿ, ਆਸੇવਨਾਯ ਸਂવਤ੍ਤਨ੍ਤਿ, ਭਾવਨਾਯ ਸਂવਤ੍ਤਨ੍ਤਿ, ਬਹੁਲੀਕਮ੍ਮਾਯ ਸਂવਤ੍ਤਨ੍ਤਿ, ਅਲਙ੍ਕਾਰਾਯ ਸਂવਤ੍ਤਨ੍ਤਿ, ਪਰਿਕ੍ਖਾਰਾਯ ਸਂવਤ੍ਤਨ੍ਤਿ, ਪਰਿવਾਰਾਯ ਸਂવਤ੍ਤਨ੍ਤਿ, ਪਾਰਿਪੂਰਿਯਾ ਸਂવਤ੍ਤਨ੍ਤਿ, ਏਕਨ੍ਤਨਿਬ੍ਬਿਦਾਯ વਿਰਾਗਾਯ ਨਿਰੋਧਾਯ ਉਪਸਮਾਯ ਅਭਿਞ੍ਞਾਯ ਸਮ੍ਬੋਧਾਯ ਨਿਬ੍ਬਾਨਾਯ ਸਂવਤ੍ਤਨ੍ਤਿ।
Sotāpattimaggena diṭṭhekaṭṭhānaṃ kilesānaṃ…pe… sakadāgāmimaggena oḷārikānaṃ kilesānaṃ… anāgāmimaggena anusahagatānaṃ kilesānaṃ… arahattamaggena sabbakilesānaṃ pahānaṃ sīlaṃ, veramaṇī sīlaṃ, cetanā sīlaṃ, saṃvaro sīlaṃ, avītikkamo sīlaṃ. Evarūpāni sīlāni cittassa avippaṭisārāya saṃvattanti, pāmojjāya saṃvattanti, pītiyā saṃvattanti, passaddhiyā saṃvattanti, somanassāya saṃvattanti, āsevanāya saṃvattanti, bhāvanāya saṃvattanti, bahulīkammāya saṃvattanti, alaṅkārāya saṃvattanti, parikkhārāya saṃvattanti, parivārāya saṃvattanti, pāripūriyā saṃvattanti, ekantanibbidāya virāgāya nirodhāya upasamāya abhiññāya sambodhāya nibbānāya saṃvattanti.
੪੨. ਏવਰੂਪਾਨਂ ਸੀਲਾਨਂ ਸਂવਰਪਾਰਿਸੁਦ੍ਧਿ ਅਧਿਸੀਲਂ। ਸਂવਰਪਾਰਿਸੁਦ੍ਧਿਯਾ ਠਿਤਂ ਚਿਤ੍ਤਂ ਅવਿਕ੍ਖੇਪਂ ਗਚ੍ਛਤਿ, ਅવਿਕ੍ਖੇਪਪਾਰਿਸੁਦ੍ਧਿ ਅਧਿਚਿਤ੍ਤਂ। ਸਂવਰਪਾਰਿਸੁਦ੍ਧਿਂ ਸਮ੍ਮਾ ਪਸ੍ਸਤਿ, ਅવਿਕ੍ਖੇਪਪਾਰਿਸੁਦ੍ਧਿਂ ਸਮ੍ਮਾ ਪਸ੍ਸਤਿ। ਦਸ੍ਸਨਪਾਰਿਸੁਦ੍ਧਿ ਅਧਿਪਞ੍ਞਾ। ਯੋ ਤਤ੍ਥ ਸਂવਰਟ੍ਠੋ, ਅਯਂ ਅਧਿਸੀਲਸਿਕ੍ਖਾ। ਯੋ ਤਤ੍ਥ ਅવਿਕ੍ਖੇਪਟ੍ਠੋ, ਅਯਂ ਅਧਿਚਿਤ੍ਤਸਿਕ੍ਖਾ। ਯੋ ਤਤ੍ਥ ਦਸ੍ਸਨਟ੍ਠੋ, ਅਯਂ ਅਧਿਪਞ੍ਞਾਸਿਕ੍ਖਾ। ਇਮਾ ਤਿਸ੍ਸੋ ਸਿਕ੍ਖਾਯੋ ਆવਜ੍ਜਨ੍ਤੋ ਸਿਕ੍ਖਤਿ, ਜਾਨਨ੍ਤੋ ਸਿਕ੍ਖਤਿ, ਪਸ੍ਸਨ੍ਤੋ ਸਿਕ੍ਖਤਿ, ਪਚ੍ਚવੇਕ੍ਖਨ੍ਤੋ ਸਿਕ੍ਖਤਿ, ਚਿਤ੍ਤਂ ਅਧਿਟ੍ਠਹਨ੍ਤੋ ਸਿਕ੍ਖਤਿ, ਸਦ੍ਧਾਯ ਅਧਿਮੁਚ੍ਚਨ੍ਤੋ ਸਿਕ੍ਖਤਿ, વੀਰਿਯਂ ਪਗ੍ਗਣ੍ਹਨ੍ਤੋ ਸਿਕ੍ਖਤਿ, ਸਤਿਂ ਉਪਟ੍ਠਪੇਨ੍ਤੋ ਸਿਕ੍ਖਤਿ, ਚਿਤ੍ਤਂ ਸਮਾਦਹਨ੍ਤੋ ਸਿਕ੍ਖਤਿ, ਪਞ੍ਞਾਯ ਪਜਾਨਨ੍ਤੋ ਸਿਕ੍ਖਤਿ, ਅਭਿਞ੍ਞੇਯ੍ਯਂ ਅਭਿਜਾਨਨ੍ਤੋ ਸਿਕ੍ਖਤਿ, ਪਰਿਞ੍ਞੇਯ੍ਯਂ ਪਰਿਜਾਨਨ੍ਤੋ ਸਿਕ੍ਖਤਿ ਪਹਾਤਬ੍ਬਂ ਪਜਹਨ੍ਤੋ ਸਿਕ੍ਖਤਿ, ਸਚ੍ਛਿਕਾਤਬ੍ਬਂ ਸਚ੍ਛਿਕਰੋਨ੍ਤੋ ਸਿਕ੍ਖਤਿ, ਭਾવੇਤਬ੍ਬਂ ਭਾવੇਨ੍ਤੋ ਸਿਕ੍ਖਤਿ। ਤਂ ਞਾਤਟ੍ਠੇਨ ਞਾਣਂ ਪਜਾਨਨਟ੍ਠੇਨ ਪਞ੍ਞਾ। ਤੇਨ વੁਚ੍ਚਤਿ – ‘‘ਸੁਤ੍વਾਨ ਸਂવਰੇ ਪਞ੍ਞਾ ਸੀਲਮਯੇ ਞਾਣਂ’’।
42. Evarūpānaṃ sīlānaṃ saṃvarapārisuddhi adhisīlaṃ. Saṃvarapārisuddhiyā ṭhitaṃ cittaṃ avikkhepaṃ gacchati, avikkhepapārisuddhi adhicittaṃ. Saṃvarapārisuddhiṃ sammā passati, avikkhepapārisuddhiṃ sammā passati. Dassanapārisuddhi adhipaññā. Yo tattha saṃvaraṭṭho, ayaṃ adhisīlasikkhā. Yo tattha avikkhepaṭṭho, ayaṃ adhicittasikkhā. Yo tattha dassanaṭṭho, ayaṃ adhipaññāsikkhā. Imā tisso sikkhāyo āvajjanto sikkhati, jānanto sikkhati, passanto sikkhati, paccavekkhanto sikkhati, cittaṃ adhiṭṭhahanto sikkhati, saddhāya adhimuccanto sikkhati, vīriyaṃ paggaṇhanto sikkhati, satiṃ upaṭṭhapento sikkhati, cittaṃ samādahanto sikkhati, paññāya pajānanto sikkhati, abhiññeyyaṃ abhijānanto sikkhati, pariññeyyaṃ parijānanto sikkhati pahātabbaṃ pajahanto sikkhati, sacchikātabbaṃ sacchikaronto sikkhati, bhāvetabbaṃ bhāvento sikkhati. Taṃ ñātaṭṭhena ñāṇaṃ pajānanaṭṭhena paññā. Tena vuccati – ‘‘sutvāna saṃvare paññā sīlamaye ñāṇaṃ’’.
ਸੀਲਮਯਞਾਣਨਿਦ੍ਦੇਸੋ ਦੁਤਿਯੋ।
Sīlamayañāṇaniddeso dutiyo.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਪਟਿਸਮ੍ਭਿਦਾਮਗ੍ਗ-ਅਟ੍ਠਕਥਾ • Paṭisambhidāmagga-aṭṭhakathā / ੨. ਸੀਲਮਯਞਾਣਨਿਦ੍ਦੇਸવਣ੍ਣਨਾ • 2. Sīlamayañāṇaniddesavaṇṇanā
