| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
3-10. ஸீலஸுத்தாதி³வண்ணனா
3-10. Sīlasuttādivaṇṇanā
213-220. ததியே (தீ³॰ நி॰ டீ॰ 2.149) து³ஸ்ஸீலோதி எத்த² து³-ஸத்³தோ³ அபா⁴வத்தோ² ‘‘து³ப்பஞ்ஞோ’’திஆதீ³ஸு (ம॰ நி॰ 1.449) விய, ந க³ரஹணத்தோ²தி ஆஹ ‘‘அஸீலோ நிஸ்ஸீலோ’’தி. பி⁴ன்னஸங்வரோதி எத்த² ஸமாதி³ன்னஸீலோ கேனசி காரணேன ஸீலபே⁴த³ங் பத்தோ, ஸோ தாவ பி⁴ன்னஸங்வரோ ஹோது. யோ பன ஸப்³பே³ன ஸப்³ப³ங் அஸமாதி³ன்னஸீலோ ஆசாரஹீனோ, ஸோ கத²ங் பி⁴ன்னஸங்வரோ நாம ஹோதீதி ? ஸோபி ஸாது⁴ஸமாசாரஸ்ஸ பரிஹரணீயஸ்ஸ பே⁴தி³தத்தா பி⁴ன்னஸங்வரோ ஏவ நாம. வினட்ட²ஸங்வரோ ஸங்வரரஹிதோதி ஹி வுத்தங் ஹோதி. தங் தங் ஸிப்பட்டா²னங். மாகா⁴தகாலேதி ‘‘மா கா⁴தேத² பாணீன’’ந்தி ஏவங் மாகா⁴தகோ⁴ஸனங் கோ⁴ஸிததி³வஸே. அப்³பு⁴க்³க³ச்ச²தி பாபகோ கித்திஸத்³தோ³. அஜ்ஜா²ஸயேன மங்கு ஹோதியேவ விப்படிஸாரிபா⁴வதோ.
213-220. Tatiye (dī. ni. ṭī. 2.149) dussīloti ettha du-saddo abhāvattho ‘‘duppañño’’tiādīsu (ma. ni. 1.449) viya, na garahaṇatthoti āha ‘‘asīlo nissīlo’’ti. Bhinnasaṃvaroti ettha samādinnasīlo kenaci kāraṇena sīlabhedaṃ patto, so tāva bhinnasaṃvaro hotu. Yo pana sabbena sabbaṃ asamādinnasīlo ācārahīno, so kathaṃ bhinnasaṃvaro nāma hotīti ? Sopi sādhusamācārassa pariharaṇīyassa bheditattā bhinnasaṃvaro eva nāma. Vinaṭṭhasaṃvaro saṃvararahitoti hi vuttaṃ hoti. Taṃ taṃ sippaṭṭhānaṃ. Māghātakāleti ‘‘mā ghātetha pāṇīna’’nti evaṃ māghātaghosanaṃ ghositadivase. Abbhuggacchati pāpako kittisaddo. Ajjhāsayena maṅku hotiyeva vippaṭisāribhāvato.
தஸ்ஸாதி து³ஸ்ஸீலஸ்ஸ. ஸமாதா³ய வத்திதட்டா²னந்தி உட்டா²ய ஸமுட்டா²ய கதகாரணங். ஆபாத²ங் ஆக³ச்ச²தீதி தங் மனஸோ உபட்டா²தி. உம்மீலெத்வா இத⁴லோகந்தி உம்மீலனகாலே அத்தனோ புத்ததா³ராதி³வஸேன இத⁴லோகங் பஸ்ஸதி. நிமீலெத்வா பரலோகந்தி நிமீலனகாலே க³தினிமித்துபட்டா²னவஸேன பரலோகங் பஸ்ஸதி. தேனாஹ ‘‘சத்தாரோ அபாயா’’திஆதி³. பஞ்சமபத³ந்தி ‘‘காயஸ்ஸ பே⁴தா³’’திஆதி³னா வுத்தோ பஞ்சமோ ஆதீ³னவகொட்டா²ஸோ. வுத்தவிபரியாயேனாதி வுத்தத்தா²ய ஆதீ³னவகதா²ய விபரியாயேன ‘‘அப்பமத்தோ தங் தங் கஸிவணிஜ்ஜாதி³ங் யதா²காலங் ஸம்பாதே³துங் ஸக்கோதீ’’திஆதி³னா. பாஸங்ஸங் ஸீலமஸ்ஸ அத்தீ²தி ஸீலவா. ஸீலஸம்பன்னோதி ஸீலேன ஸமன்னாக³தோ ஸம்பன்னஸீலோதி ஏவமாதி³கங் பன அத்த²வசனங் ஸுகரந்தி அனாமட்ட²ங். சதுத்தா²தீ³னி உத்தானத்தா²னேவ.
Tassāti dussīlassa. Samādāya vattitaṭṭhānanti uṭṭhāya samuṭṭhāya katakāraṇaṃ. Āpāthaṃ āgacchatīti taṃ manaso upaṭṭhāti. Ummīletvā idhalokanti ummīlanakāle attano puttadārādivasena idhalokaṃ passati. Nimīletvā paralokanti nimīlanakāle gatinimittupaṭṭhānavasena paralokaṃ passati. Tenāha ‘‘cattāro apāyā’’tiādi. Pañcamapadanti ‘‘kāyassa bhedā’’tiādinā vutto pañcamo ādīnavakoṭṭhāso. Vuttavipariyāyenāti vuttatthāya ādīnavakathāya vipariyāyena ‘‘appamatto taṃ taṃ kasivaṇijjādiṃ yathākālaṃ sampādetuṃ sakkotī’’tiādinā. Pāsaṃsaṃ sīlamassa atthīti sīlavā. Sīlasampannoti sīlena samannāgato sampannasīloti evamādikaṃ pana atthavacanaṃ sukaranti anāmaṭṭhaṃ. Catutthādīni uttānatthāneva.
ஸீலஸுத்தாதி³வண்ணனா நிட்டி²தா.
Sīlasuttādivaṇṇanā niṭṭhitā.
அக்கோஸகவக்³க³வண்ணனா நிட்டி²தா.
Akkosakavaggavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya
3. ஸீலஸுத்தங் • 3. Sīlasuttaṃ
4. ப³ஹுபா⁴ணிஸுத்தங் • 4. Bahubhāṇisuttaṃ
5. பட²மஅக்க²ந்திஸுத்தங் • 5. Paṭhamaakkhantisuttaṃ
6. து³தியஅக்க²ந்திஸுத்தங் • 6. Dutiyaakkhantisuttaṃ
7. பட²மஅபாஸாதி³கஸுத்தங் • 7. Paṭhamaapāsādikasuttaṃ
8. து³தியஅபாஸாதி³கஸுத்தங் • 8. Dutiyaapāsādikasuttaṃ
9. அக்³கி³ஸுத்தங் • 9. Aggisuttaṃ
10. மது⁴ராஸுத்தங் • 10. Madhurāsuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā)
3. ஸீலஸுத்தவண்ணனா • 3. Sīlasuttavaṇṇanā
4. ப³ஹுபா⁴ணிஸுத்தவண்ணனா • 4. Bahubhāṇisuttavaṇṇanā
5. பட²மஅக்க²ந்திஸுத்தவண்ணனா • 5. Paṭhamaakkhantisuttavaṇṇanā
6. து³தியஅக்க²ந்திஸுத்தவண்ணனா • 6. Dutiyaakkhantisuttavaṇṇanā
7.பட²மஅபாஸாதி³கஸுத்தவண்ணனா • 7.Paṭhamaapāsādikasuttavaṇṇanā
10. மது⁴ராஸுத்தவண்ணனா • 10. Madhurāsuttavaṇṇanā
