| Library / Tipiṭaka / តិបិដក • Tipiṭaka / អង្គុត្តរនិកាយ (ដីកា) • Aṅguttaranikāya (ṭīkā) |
៣-១០. សីលសុត្តាទិវណ្ណនា
3-10. Sīlasuttādivaṇṇanā
២១៣-២២០. តតិយេ (ទី. និ. ដី. ២.១៤៩) ទុស្សីលោតិ ឯត្ថ ទុ-សទ្ទោ អភាវត្ថោ ‘‘ទុប្បញ្ញោ’’តិអាទីសុ (ម. និ. ១.៤៤៩) វិយ, ន គរហណត្ថោតិ អាហ ‘‘អសីលោ និស្សីលោ’’តិ។ ភិន្នសំវរោតិ ឯត្ថ សមាទិន្នសីលោ កេនចិ ការណេន សីលភេទំ បត្តោ, សោ តាវ ភិន្នសំវរោ ហោតុ។ យោ បន សព្ពេន សព្ពំ អសមាទិន្នសីលោ អាចារហីនោ, សោ កថំ ភិន្នសំវរោ នាម ហោតីតិ ? សោបិ សាធុសមាចារស្ស បរិហរណីយស្ស ភេទិតត្តា ភិន្នសំវរោ ឯវ នាម។ វិនដ្ឋសំវរោ សំវររហិតោតិ ហិ វុត្តំ ហោតិ។ តំ តំ សិប្បដ្ឋានំ។ មាឃាតកាលេតិ ‘‘មា ឃាតេថ បាណីន’’ន្តិ ឯវំ មាឃាតឃោសនំ ឃោសិតទិវសេ។ អព្ភុគ្គច្ឆតិ បាបកោ កិត្តិសទ្ទោ។ អជ្ឈាសយេន មង្កុ ហោតិយេវ វិប្បដិសារិភាវតោ។
213-220. Tatiye (dī. ni. ṭī. 2.149) dussīloti ettha du-saddo abhāvattho ‘‘duppañño’’tiādīsu (ma. ni. 1.449) viya, na garahaṇatthoti āha ‘‘asīlo nissīlo’’ti. Bhinnasaṃvaroti ettha samādinnasīlo kenaci kāraṇena sīlabhedaṃ patto, so tāva bhinnasaṃvaro hotu. Yo pana sabbena sabbaṃ asamādinnasīlo ācārahīno, so kathaṃ bhinnasaṃvaro nāma hotīti ? Sopi sādhusamācārassa pariharaṇīyassa bheditattā bhinnasaṃvaro eva nāma. Vinaṭṭhasaṃvaro saṃvararahitoti hi vuttaṃ hoti. Taṃ taṃ sippaṭṭhānaṃ. Māghātakāleti ‘‘mā ghātetha pāṇīna’’nti evaṃ māghātaghosanaṃ ghositadivase. Abbhuggacchati pāpako kittisaddo. Ajjhāsayena maṅku hotiyeva vippaṭisāribhāvato.
តស្សាតិ ទុស្សីលស្ស។ សមាទាយ វត្តិតដ្ឋានន្តិ ឧដ្ឋាយ សមុដ្ឋាយ កតការណំ។ អាបាថំ អាគច្ឆតីតិ តំ មនសោ ឧបដ្ឋាតិ។ ឧម្មីលេត្វា ឥធលោកន្តិ ឧម្មីលនកាលេ អត្តនោ បុត្តទារាទិវសេន ឥធលោកំ បស្សតិ។ និមីលេត្វា បរលោកន្តិ និមីលនកាលេ គតិនិមិត្តុបដ្ឋានវសេន បរលោកំ បស្សតិ។ តេនាហ ‘‘ចត្តារោ អបាយា’’តិអាទិ។ បញ្ចមបទន្តិ ‘‘កាយស្ស ភេទា’’តិអាទិនា វុត្តោ បញ្ចមោ អាទីនវកោដ្ឋាសោ។ វុត្តវិបរិយាយេនាតិ វុត្តត្ថាយ អាទីនវកថាយ វិបរិយាយេន ‘‘អប្បមត្តោ តំ តំ កសិវណិជ្ជាទិំ យថាកាលំ សម្បាទេតុំ សក្កោតី’’តិអាទិនា។ បាសំសំ សីលមស្ស អត្ថីតិ សីលវា។ សីលសម្បន្នោតិ សីលេន សមន្នាគតោ សម្បន្នសីលោតិ ឯវមាទិកំ បន អត្ថវចនំ សុករន្តិ អនាមដ្ឋំ។ ចតុត្ថាទីនិ ឧត្តានត្ថានេវ។
Tassāti dussīlassa. Samādāya vattitaṭṭhānanti uṭṭhāya samuṭṭhāya katakāraṇaṃ. Āpāthaṃ āgacchatīti taṃ manaso upaṭṭhāti. Ummīletvā idhalokanti ummīlanakāle attano puttadārādivasena idhalokaṃ passati. Nimīletvā paralokanti nimīlanakāle gatinimittupaṭṭhānavasena paralokaṃ passati. Tenāha ‘‘cattāro apāyā’’tiādi. Pañcamapadanti ‘‘kāyassa bhedā’’tiādinā vutto pañcamo ādīnavakoṭṭhāso. Vuttavipariyāyenāti vuttatthāya ādīnavakathāya vipariyāyena ‘‘appamatto taṃ taṃ kasivaṇijjādiṃ yathākālaṃ sampādetuṃ sakkotī’’tiādinā. Pāsaṃsaṃ sīlamassa atthīti sīlavā. Sīlasampannoti sīlena samannāgato sampannasīloti evamādikaṃ pana atthavacanaṃ sukaranti anāmaṭṭhaṃ. Catutthādīni uttānatthāneva.
សីលសុត្តាទិវណ្ណនា និដ្ឋិតា។
Sīlasuttādivaṇṇanā niṭṭhitā.
អក្កោសកវគ្គវណ្ណនា និដ្ឋិតា។
Akkosakavaggavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya
៣. សីលសុត្តំ • 3. Sīlasuttaṃ
៤. ពហុភាណិសុត្តំ • 4. Bahubhāṇisuttaṃ
៥. បឋមអក្ខន្តិសុត្តំ • 5. Paṭhamaakkhantisuttaṃ
៦. ទុតិយអក្ខន្តិសុត្តំ • 6. Dutiyaakkhantisuttaṃ
៧. បឋមអបាសាទិកសុត្តំ • 7. Paṭhamaapāsādikasuttaṃ
៨. ទុតិយអបាសាទិកសុត្តំ • 8. Dutiyaapāsādikasuttaṃ
៩. អគ្គិសុត្តំ • 9. Aggisuttaṃ
១០. មធុរាសុត្តំ • 10. Madhurāsuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā)
៣. សីលសុត្តវណ្ណនា • 3. Sīlasuttavaṇṇanā
៤. ពហុភាណិសុត្តវណ្ណនា • 4. Bahubhāṇisuttavaṇṇanā
៥. បឋមអក្ខន្តិសុត្តវណ្ណនា • 5. Paṭhamaakkhantisuttavaṇṇanā
៦. ទុតិយអក្ខន្តិសុត្តវណ្ណនា • 6. Dutiyaakkhantisuttavaṇṇanā
៧.បឋមអបាសាទិកសុត្តវណ្ណនា • 7.Paṭhamaapāsādikasuttavaṇṇanā
១០. មធុរាសុត្តវណ្ណនា • 10. Madhurāsuttavaṇṇanā
