| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) |
೩-೧೦. ಸೀಲಸುತ್ತಾದಿವಣ್ಣನಾ
3-10. Sīlasuttādivaṇṇanā
೨೧೩-೨೨೦. ತತಿಯೇ (ದೀ॰ ನಿ॰ ಟೀ॰ ೨.೧೪೯) ದುಸ್ಸೀಲೋತಿ ಏತ್ಥ ದು-ಸದ್ದೋ ಅಭಾವತ್ಥೋ ‘‘ದುಪ್ಪಞ್ಞೋ’’ತಿಆದೀಸು (ಮ॰ ನಿ॰ ೧.೪೪೯) ವಿಯ, ನ ಗರಹಣತ್ಥೋತಿ ಆಹ ‘‘ಅಸೀಲೋ ನಿಸ್ಸೀಲೋ’’ತಿ। ಭಿನ್ನಸಂವರೋತಿ ಏತ್ಥ ಸಮಾದಿನ್ನಸೀಲೋ ಕೇನಚಿ ಕಾರಣೇನ ಸೀಲಭೇದಂ ಪತ್ತೋ, ಸೋ ತಾವ ಭಿನ್ನಸಂವರೋ ಹೋತು। ಯೋ ಪನ ಸಬ್ಬೇನ ಸಬ್ಬಂ ಅಸಮಾದಿನ್ನಸೀಲೋ ಆಚಾರಹೀನೋ, ಸೋ ಕಥಂ ಭಿನ್ನಸಂವರೋ ನಾಮ ಹೋತೀತಿ ? ಸೋಪಿ ಸಾಧುಸಮಾಚಾರಸ್ಸ ಪರಿಹರಣೀಯಸ್ಸ ಭೇದಿತತ್ತಾ ಭಿನ್ನಸಂವರೋ ಏವ ನಾಮ। ವಿನಟ್ಠಸಂವರೋ ಸಂವರರಹಿತೋತಿ ಹಿ ವುತ್ತಂ ಹೋತಿ। ತಂ ತಂ ಸಿಪ್ಪಟ್ಠಾನಂ। ಮಾಘಾತಕಾಲೇತಿ ‘‘ಮಾ ಘಾತೇಥ ಪಾಣೀನ’’ನ್ತಿ ಏವಂ ಮಾಘಾತಘೋಸನಂ ಘೋಸಿತದಿವಸೇ। ಅಬ್ಭುಗ್ಗಚ್ಛತಿ ಪಾಪಕೋ ಕಿತ್ತಿಸದ್ದೋ। ಅಜ್ಝಾಸಯೇನ ಮಙ್ಕು ಹೋತಿಯೇವ ವಿಪ್ಪಟಿಸಾರಿಭಾವತೋ।
213-220. Tatiye (dī. ni. ṭī. 2.149) dussīloti ettha du-saddo abhāvattho ‘‘duppañño’’tiādīsu (ma. ni. 1.449) viya, na garahaṇatthoti āha ‘‘asīlo nissīlo’’ti. Bhinnasaṃvaroti ettha samādinnasīlo kenaci kāraṇena sīlabhedaṃ patto, so tāva bhinnasaṃvaro hotu. Yo pana sabbena sabbaṃ asamādinnasīlo ācārahīno, so kathaṃ bhinnasaṃvaro nāma hotīti ? Sopi sādhusamācārassa pariharaṇīyassa bheditattā bhinnasaṃvaro eva nāma. Vinaṭṭhasaṃvaro saṃvararahitoti hi vuttaṃ hoti. Taṃ taṃ sippaṭṭhānaṃ. Māghātakāleti ‘‘mā ghātetha pāṇīna’’nti evaṃ māghātaghosanaṃ ghositadivase. Abbhuggacchati pāpako kittisaddo. Ajjhāsayena maṅku hotiyeva vippaṭisāribhāvato.
ತಸ್ಸಾತಿ ದುಸ್ಸೀಲಸ್ಸ। ಸಮಾದಾಯ ವತ್ತಿತಟ್ಠಾನನ್ತಿ ಉಟ್ಠಾಯ ಸಮುಟ್ಠಾಯ ಕತಕಾರಣಂ। ಆಪಾಥಂ ಆಗಚ್ಛತೀತಿ ತಂ ಮನಸೋ ಉಪಟ್ಠಾತಿ। ಉಮ್ಮೀಲೇತ್ವಾ ಇಧಲೋಕನ್ತಿ ಉಮ್ಮೀಲನಕಾಲೇ ಅತ್ತನೋ ಪುತ್ತದಾರಾದಿವಸೇನ ಇಧಲೋಕಂ ಪಸ್ಸತಿ। ನಿಮೀಲೇತ್ವಾ ಪರಲೋಕನ್ತಿ ನಿಮೀಲನಕಾಲೇ ಗತಿನಿಮಿತ್ತುಪಟ್ಠಾನವಸೇನ ಪರಲೋಕಂ ಪಸ್ಸತಿ। ತೇನಾಹ ‘‘ಚತ್ತಾರೋ ಅಪಾಯಾ’’ತಿಆದಿ। ಪಞ್ಚಮಪದನ್ತಿ ‘‘ಕಾಯಸ್ಸ ಭೇದಾ’’ತಿಆದಿನಾ ವುತ್ತೋ ಪಞ್ಚಮೋ ಆದೀನವಕೋಟ್ಠಾಸೋ। ವುತ್ತವಿಪರಿಯಾಯೇನಾತಿ ವುತ್ತತ್ಥಾಯ ಆದೀನವಕಥಾಯ ವಿಪರಿಯಾಯೇನ ‘‘ಅಪ್ಪಮತ್ತೋ ತಂ ತಂ ಕಸಿವಣಿಜ್ಜಾದಿಂ ಯಥಾಕಾಲಂ ಸಮ್ಪಾದೇತುಂ ಸಕ್ಕೋತೀ’’ತಿಆದಿನಾ। ಪಾಸಂಸಂ ಸೀಲಮಸ್ಸ ಅತ್ಥೀತಿ ಸೀಲವಾ। ಸೀಲಸಮ್ಪನ್ನೋತಿ ಸೀಲೇನ ಸಮನ್ನಾಗತೋ ಸಮ್ಪನ್ನಸೀಲೋತಿ ಏವಮಾದಿಕಂ ಪನ ಅತ್ಥವಚನಂ ಸುಕರನ್ತಿ ಅನಾಮಟ್ಠಂ। ಚತುತ್ಥಾದೀನಿ ಉತ್ತಾನತ್ಥಾನೇವ।
Tassāti dussīlassa. Samādāya vattitaṭṭhānanti uṭṭhāya samuṭṭhāya katakāraṇaṃ. Āpāthaṃ āgacchatīti taṃ manaso upaṭṭhāti. Ummīletvā idhalokanti ummīlanakāle attano puttadārādivasena idhalokaṃ passati. Nimīletvā paralokanti nimīlanakāle gatinimittupaṭṭhānavasena paralokaṃ passati. Tenāha ‘‘cattāro apāyā’’tiādi. Pañcamapadanti ‘‘kāyassa bhedā’’tiādinā vutto pañcamo ādīnavakoṭṭhāso. Vuttavipariyāyenāti vuttatthāya ādīnavakathāya vipariyāyena ‘‘appamatto taṃ taṃ kasivaṇijjādiṃ yathākālaṃ sampādetuṃ sakkotī’’tiādinā. Pāsaṃsaṃ sīlamassa atthīti sīlavā. Sīlasampannoti sīlena samannāgato sampannasīloti evamādikaṃ pana atthavacanaṃ sukaranti anāmaṭṭhaṃ. Catutthādīni uttānatthāneva.
ಸೀಲಸುತ್ತಾದಿವಣ್ಣನಾ ನಿಟ್ಠಿತಾ।
Sīlasuttādivaṇṇanā niṭṭhitā.
ಅಕ್ಕೋಸಕವಗ್ಗವಣ್ಣನಾ ನಿಟ್ಠಿತಾ।
Akkosakavaggavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya
೩. ಸೀಲಸುತ್ತಂ • 3. Sīlasuttaṃ
೪. ಬಹುಭಾಣಿಸುತ್ತಂ • 4. Bahubhāṇisuttaṃ
೫. ಪಠಮಅಕ್ಖನ್ತಿಸುತ್ತಂ • 5. Paṭhamaakkhantisuttaṃ
೬. ದುತಿಯಅಕ್ಖನ್ತಿಸುತ್ತಂ • 6. Dutiyaakkhantisuttaṃ
೭. ಪಠಮಅಪಾಸಾದಿಕಸುತ್ತಂ • 7. Paṭhamaapāsādikasuttaṃ
೮. ದುತಿಯಅಪಾಸಾದಿಕಸುತ್ತಂ • 8. Dutiyaapāsādikasuttaṃ
೯. ಅಗ್ಗಿಸುತ್ತಂ • 9. Aggisuttaṃ
೧೦. ಮಧುರಾಸುತ್ತಂ • 10. Madhurāsuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā)
೩. ಸೀಲಸುತ್ತವಣ್ಣನಾ • 3. Sīlasuttavaṇṇanā
೪. ಬಹುಭಾಣಿಸುತ್ತವಣ್ಣನಾ • 4. Bahubhāṇisuttavaṇṇanā
೫. ಪಠಮಅಕ್ಖನ್ತಿಸುತ್ತವಣ್ಣನಾ • 5. Paṭhamaakkhantisuttavaṇṇanā
೬. ದುತಿಯಅಕ್ಖನ್ತಿಸುತ್ತವಣ್ಣನಾ • 6. Dutiyaakkhantisuttavaṇṇanā
೭.ಪಠಮಅಪಾಸಾದಿಕಸುತ್ತವಣ್ಣನಾ • 7.Paṭhamaapāsādikasuttavaṇṇanā
೧೦. ಮಧುರಾಸುತ್ತವಣ್ಣನಾ • 10. Madhurāsuttavaṇṇanā
