| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (ටීකා) • Aṅguttaranikāya (ṭīkā) |
3-10. සීලසුත්‌තාදිවණ්‌ණනා
3-10. Sīlasuttādivaṇṇanā
213-220. තතියෙ (දී. නි. ටී. 2.149) දුස්‌සීලොති එත්‌ථ දු-සද්‌දො අභාවත්‌ථො ‘‘දුප්‌පඤ්‌ඤො’’තිආදීසු (ම. නි. 1.449) විය, න ගරහණත්‌ථොති ආහ ‘‘අසීලො නිස්‌සීලො’’ති. භින්‌නසංවරොති එත්‌ථ සමාදින්‌නසීලො කෙනචි කාරණෙන සීලභෙදං පත්‌තො, සො තාව භින්‌නසංවරො හොතු. යො පන සබ්‌බෙන සබ්‌බං අසමාදින්‌නසීලො ආචාරහීනො, සො කථං භින්‌නසංවරො නාම හොතීති ? සොපි සාධුසමාචාරස්‌ස පරිහරණීයස්‌ස භෙදිතත්‌තා භින්‌නසංවරො එව නාම. විනට්‌ඨසංවරො සංවරරහිතොති හි වුත්‌තං හොති. තං තං සිප්‌පට්‌ඨානං. මාඝාතකාලෙති ‘‘මා ඝාතෙථ පාණීන’’න්‌ති එවං මාඝාතඝොසනං ඝොසිතදිවසෙ. අබ්‌භුග්‌ගච්‌ඡති පාපකො කිත්‌තිසද්‌දො. අජ්‌ඣාසයෙන මඞ්‌කු හොතියෙව විප්‌පටිසාරිභාවතො.
213-220. Tatiye (dī. ni. ṭī. 2.149) dussīloti ettha du-saddo abhāvattho ‘‘duppañño’’tiādīsu (ma. ni. 1.449) viya, na garahaṇatthoti āha ‘‘asīlo nissīlo’’ti. Bhinnasaṃvaroti ettha samādinnasīlo kenaci kāraṇena sīlabhedaṃ patto, so tāva bhinnasaṃvaro hotu. Yo pana sabbena sabbaṃ asamādinnasīlo ācārahīno, so kathaṃ bhinnasaṃvaro nāma hotīti ? Sopi sādhusamācārassa pariharaṇīyassa bheditattā bhinnasaṃvaro eva nāma. Vinaṭṭhasaṃvaro saṃvararahitoti hi vuttaṃ hoti. Taṃ taṃ sippaṭṭhānaṃ. Māghātakāleti ‘‘mā ghātetha pāṇīna’’nti evaṃ māghātaghosanaṃ ghositadivase. Abbhuggacchati pāpako kittisaddo. Ajjhāsayena maṅku hotiyeva vippaṭisāribhāvato.
තස්‌සාති දුස්‌සීලස්‌ස. සමාදාය වත්‌තිතට්‌ඨානන්‌ති උට්‌ඨාය සමුට්‌ඨාය කතකාරණං. ආපාථං ආගච්‌ඡතීති තං මනසො උපට්‌ඨාති. උම්‌මීලෙත්‌වා ඉධලොකන්‌ති උම්‌මීලනකාලෙ අත්‌තනො පුත්‌තදාරාදිවසෙන ඉධලොකං පස්‌සති. නිමීලෙත්‌වා පරලොකන්‌ති නිමීලනකාලෙ ගතිනිමිත්‌තුපට්‌ඨානවසෙන පරලොකං පස්‌සති. තෙනාහ ‘‘චත්‌තාරො අපායා’’තිආදි. පඤ්‌චමපදන්‌ති ‘‘කායස්‌ස භෙදා’’තිආදිනා වුත්‌තො පඤ්‌චමො ආදීනවකොට්‌ඨාසො. වුත්‌තවිපරියායෙනාති වුත්‌තත්‌ථාය ආදීනවකථාය විපරියායෙන ‘‘අප්‌පමත්‌තො තං තං කසිවණිජ්‌ජාදිං යථාකාලං සම්‌පාදෙතුං සක්‌කොතී’’තිආදිනා. පාසංසං සීලමස්‌ස අත්‌ථීති සීලවා. සීලසම්‌පන්‌නොති සීලෙන සමන්‌නාගතො සම්‌පන්‌නසීලොති එවමාදිකං පන අත්‌ථවචනං සුකරන්‌ති අනාමට්‌ඨං. චතුත්‌ථාදීනි උත්‌තානත්‌ථානෙව.
Tassāti dussīlassa. Samādāya vattitaṭṭhānanti uṭṭhāya samuṭṭhāya katakāraṇaṃ. Āpāthaṃ āgacchatīti taṃ manaso upaṭṭhāti. Ummīletvā idhalokanti ummīlanakāle attano puttadārādivasena idhalokaṃ passati. Nimīletvā paralokanti nimīlanakāle gatinimittupaṭṭhānavasena paralokaṃ passati. Tenāha ‘‘cattāro apāyā’’tiādi. Pañcamapadanti ‘‘kāyassa bhedā’’tiādinā vutto pañcamo ādīnavakoṭṭhāso. Vuttavipariyāyenāti vuttatthāya ādīnavakathāya vipariyāyena ‘‘appamatto taṃ taṃ kasivaṇijjādiṃ yathākālaṃ sampādetuṃ sakkotī’’tiādinā. Pāsaṃsaṃ sīlamassa atthīti sīlavā. Sīlasampannoti sīlena samannāgato sampannasīloti evamādikaṃ pana atthavacanaṃ sukaranti anāmaṭṭhaṃ. Catutthādīni uttānatthāneva.
සීලසුත්‌තාදිවණ්‌ණනා නිට්‌ඨිතා.
Sīlasuttādivaṇṇanā niṭṭhitā.
අක්‌කොසකවග්‌ගවණ්‌ණනා නිට්‌ඨිතා.
Akkosakavaggavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya
3. සීලසුත්‌තං • 3. Sīlasuttaṃ
4. බහුභාණිසුත්‌තං • 4. Bahubhāṇisuttaṃ
5. පඨමඅක්‌ඛන්‌තිසුත්‌තං • 5. Paṭhamaakkhantisuttaṃ
6. දුතියඅක්‌ඛන්‌තිසුත්‌තං • 6. Dutiyaakkhantisuttaṃ
7. පඨමඅපාසාදිකසුත්‌තං • 7. Paṭhamaapāsādikasuttaṃ
8. දුතියඅපාසාදිකසුත්‌තං • 8. Dutiyaapāsādikasuttaṃ
9. අග්‌ගිසුත්‌තං • 9. Aggisuttaṃ
10. මධුරාසුත්‌තං • 10. Madhurāsuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā)
3. සීලසුත්‌තවණ්‌ණනා • 3. Sīlasuttavaṇṇanā
4. බහුභාණිසුත්‌තවණ්‌ණනා • 4. Bahubhāṇisuttavaṇṇanā
5. පඨමඅක්‌ඛන්‌තිසුත්‌තවණ්‌ණනා • 5. Paṭhamaakkhantisuttavaṇṇanā
6. දුතියඅක්‌ඛන්‌තිසුත්‌තවණ්‌ණනා • 6. Dutiyaakkhantisuttavaṇṇanā
7.පඨමඅපාසාදිකසුත්‌තවණ්‌ණනා • 7.Paṭhamaapāsādikasuttavaṇṇanā
10. මධුරාසුත්‌තවණ්‌ණනා • 10. Madhurāsuttavaṇṇanā
