| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
3. сийладтид̇иваг̇г̇о
3. Sīlaṭṭhitivaggo
1. сийласуд̇д̇ам̣
1. Sīlasuttaṃ
387. звам̣ мз суд̇ам̣ – згам̣ самаяам̣ ааяасмаа жа аананд̣̇о ааяасмаа жа бхад̣̇д̣̇о баадалибуд̇д̇з вихаранд̇и гуггудаараамз. ат̇а ко ааяасмаа бхад̣̇д̣̇о сааяанхасамаяам̣ бадисаллаанаа вудтид̇о язнааяасмаа аананд̣̇о д̇знубасан̇гами; убасан̇гамид̇ваа ааяасмад̇аа аананд̣̇зна сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа бхад̣̇д̣̇о ааяасманд̇ам̣ аананд̣̇ам̣ зд̇ад̣̇авожа – ‘‘яаанимаани, аавусо аананд̣̇а, гусалаани сийлаани вуд̇д̇аани бхаг̇авад̇аа, имаани гусалаани сийлаани гимад̇т̇ияаани вуд̇д̇аани бхаг̇авад̇аа’’д̇и?
387. Evaṃ me sutaṃ – ekaṃ samayaṃ āyasmā ca ānando āyasmā ca bhaddo pāṭaliputte viharanti kukkuṭārāme. Atha kho āyasmā bhaddo sāyanhasamayaṃ paṭisallānā vuṭṭhito yenāyasmā ānando tenupasaṅkami; upasaṅkamitvā āyasmatā ānandena saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho āyasmā bhaddo āyasmantaṃ ānandaṃ etadavoca – ‘‘yānimāni, āvuso ānanda, kusalāni sīlāni vuttāni bhagavatā, imāni kusalāni sīlāni kimatthiyāni vuttāni bhagavatā’’ti?
‘‘саад̇ху саад̇ху, аавусо бхад̣̇д̣̇а! бхад̣̇д̣̇аго ко д̇з, аавусо бхад̣̇д̣̇а, умман̇г̇о 1, бхад̣̇д̣̇агам̣ бадибхаанам̣, галяаан̣ий барибужчаа. зван̃хи д̇вам̣, аавусо бхад̣̇д̣̇а, бужчаси – ‘яаанимаани аавусо аананд̣̇а, гусалаани сийлаани вуд̇д̇аани бхаг̇авад̇аа, имаани гусалаани сийлаани гимад̇т̇ияаани вуд̇д̇аани бхаг̇авад̇аа’’’д̇и? ‘‘звамаавусо’’д̇и. ‘‘яаанимаани, аавусо бхад̣̇д̣̇а, гусалаани сийлаани вуд̇д̇аани бхаг̇авад̇аа, имаани гусалаани сийлаани яаавад̣̇зва жад̇уннам̣ сад̇ибадтаанаанам̣ бхааванааяа вуд̇д̇аани бхаг̇авад̇аа’’.
‘‘Sādhu sādhu, āvuso bhadda! Bhaddako kho te, āvuso bhadda, ummaṅgo 2, bhaddakaṃ paṭibhānaṃ, kalyāṇī paripucchā. Evañhi tvaṃ, āvuso bhadda, pucchasi – ‘yānimāni āvuso ānanda, kusalāni sīlāni vuttāni bhagavatā, imāni kusalāni sīlāni kimatthiyāni vuttāni bhagavatā’’’ti? ‘‘Evamāvuso’’ti. ‘‘Yānimāni, āvuso bhadda, kusalāni sīlāni vuttāni bhagavatā, imāni kusalāni sīlāni yāvadeva catunnaṃ satipaṭṭhānānaṃ bhāvanāya vuttāni bhagavatā’’.
‘‘гад̇амзсам̣ жад̇уннам̣? ид̇хаавусо, бхигку гааяз гааяаанубассий вихарад̇и аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣ ; взд̣̇анаасу…бз… жид̇д̇з…бз… д̇хаммзсу д̇хаммаанубассий вихарад̇и аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣. яаанимаани , аавусо бхад̣̇д̣̇а, гусалаани сийлаани вуд̇д̇аани бхаг̇авад̇аа, имаани гусалаани сийлаани яаавад̣̇зва имзсам̣ жад̇уннам̣ сад̇ибадтаанаанам̣ бхааванааяа вуд̇д̇аани бхаг̇авад̇аа’’д̇и. батамам̣.
‘‘Katamesaṃ catunnaṃ? Idhāvuso, bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṃ ; vedanāsu…pe… citte…pe… dhammesu dhammānupassī viharati ātāpī sampajāno satimā, vineyya loke abhijjhādomanassaṃ. Yānimāni , āvuso bhadda, kusalāni sīlāni vuttāni bhagavatā, imāni kusalāni sīlāni yāvadeva imesaṃ catunnaṃ satipaṭṭhānānaṃ bhāvanāya vuttāni bhagavatā’’ti. Paṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1-2. сийласуд̇д̇аад̣̇иван̣н̣анаа • 1-2. Sīlasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1-2. сийласуд̇д̇аад̣̇иван̣н̣анаа • 1-2. Sīlasuttādivaṇṇanā
