| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
2. сийласуд̇д̇аван̣н̣анаа
2. Sīlasuttavaṇṇanā
12. д̣̇уд̇ияз самбаннасийлаад̇и барибун̣н̣асийлаа. самбаннабаад̇имогкаад̇и барибун̣н̣абаад̇имогкаа. баад̇имогкасам̣варасам̣вуд̇аад̇и баад̇имогкасам̣варасийлзна сам̣вуд̇аа бихид̇аа убзд̇аа худ̇ваа вихарат̇а. аажаараг̇ожарасамбаннаад̇и аажаарзна жа г̇ожарзна жа самбаннаа самубааг̇ад̇аа бхават̇а. ан̣умад̇д̇зсу важ̇ж̇зсууд̇и ан̣уббамаан̣зсу д̣̇осзсу. бхаяад̣̇ассаавинод̇и д̇аани ан̣умад̇д̇аани важ̇ж̇аани бхаяад̇о д̣̇ассанасийлаа. самаад̣̇ааяа сигкат̇а сигкаабад̣̇зсууд̇и саб̣б̣асигкаагодтаасзсу самаад̣̇аад̇аб̣б̣ам̣ самаад̣̇ааяа г̇ахзд̇ваа сигкат̇а. ‘‘самбаннасийлаанам̣…бз… сигкаабад̣̇зсуу’’д̇и зд̇д̇агзна д̇хаммагкаанзна сигкад̇д̇аяз самаад̣̇аабзд̇ваа жзва бадилад̣̇д̇хаг̇ун̣зсу жа ван̣н̣ам̣ гат̇зд̇ваа ид̣̇аани уд̇д̇ари гаад̇аб̣б̣ам̣ д̣̇ассзнд̇о гимассаад̇иаад̣̇имааха. д̇ад̇т̇а гимассаад̇и гим̣ бхавзяяа.
12. Dutiye sampannasīlāti paripuṇṇasīlā. Sampannapātimokkhāti paripuṇṇapātimokkhā. Pātimokkhasaṃvarasaṃvutāti pātimokkhasaṃvarasīlena saṃvutā pihitā upetā hutvā viharatha. Ācāragocarasampannāti ācārena ca gocarena ca sampannā samupāgatā bhavatha. Aṇumattesu vajjesūti aṇuppamāṇesu dosesu. Bhayadassāvinoti tāni aṇumattāni vajjāni bhayato dassanasīlā. Samādāya sikkhatha sikkhāpadesūti sabbasikkhākoṭṭhāsesu samādātabbaṃ samādāya gahetvā sikkhatha. ‘‘Sampannasīlānaṃ…pe… sikkhāpadesū’’ti ettakena dhammakkhānena sikkhattaye samādāpetvā ceva paṭiladdhaguṇesu ca vaṇṇaṃ kathetvā idāni uttari kātabbaṃ dassento kimassātiādimāha. Tattha kimassāti kiṃ bhaveyya.
яад̇ам̣ жарзд̇и яат̇аа жаранд̇о яад̇о ход̇и сам̣яад̇о, звам̣ жарзяяа. зса наяо саб̣б̣ад̇т̇а. ажчзд̇и нисийд̣̇зяяа. яад̇амзнам̣ басаараязд̇и яам̣ ан̇г̇абажжан̇г̇ам̣ басаарзяяа, д̇ам̣ яад̇ам̣ сам̣яад̇амзва гад̇ваа басаарзяяа. уд̣̇д̇ханд̇и убари. д̇ирияанд̇и маж̇жхам̣. абаажийнанд̇и ад̇хо. зд̇д̇аавад̇аа ад̇ийд̇аа бажжуббаннаа анааг̇ад̇аа жа бан̃жагканд̇хаа гат̇ид̇аа. яаавад̇аад̇и барижчзд̣̇аважанам̣. ж̇аг̇ад̇о г̇ад̇ийд̇и логасса нибпад̇д̇и. самавзгкид̇аа жа д̇хаммаанам̣, канд̇хаанам̣ уд̣̇аяаб̣б̣аяанд̇и зд̇зсам̣ саб̣б̣алогз ад̇ийд̇аад̣̇ибхзд̣̇аанам̣ бан̃жагканд̇хад̇хаммаанам̣ уд̣̇аяан̃жа ваяан̃жа самавзгкид̇аа. ‘‘бан̃жагканд̇хаанам̣ уд̣̇аяам̣ бассанд̇о бан̃жавийсад̇и лагкан̣аани бассад̇и, ваяам̣ бассанд̇о бан̃жавийсад̇и лагкан̣аани бассад̇ий’’д̇и вуд̇д̇зхи самабан̃н̃аасааяа лагкан̣зхи саммаа авзгкид̇аа ход̇и. жзд̇осамат̇асаамийжинд̇и жид̇д̇асамат̇асса анужчавигам̣ бадибад̣̇ам̣. сигкамаананд̇и бадибаж̇ж̇амаанам̣, буураяамаананд̇и ад̇т̇о. бахид̇ад̇д̇од̇и бзсид̇ад̇д̇о. аахууд̇и гат̇аяанд̇и. сзсамзд̇т̇а уд̇д̇аанамзва. имасмим̣ бана суд̇д̇з сийлам̣ миссагам̣ гат̇зд̇ваа г̇аат̇аасу кийн̣аасаво гат̇ид̇о.
Yataṃ careti yathā caranto yato hoti saṃyato, evaṃ careyya. Esa nayo sabbattha. Accheti nisīdeyya. Yatamenaṃ pasārayeti yaṃ aṅgapaccaṅgaṃ pasāreyya, taṃ yataṃ saṃyatameva katvā pasāreyya. Uddhanti upari. Tiriyanti majjhaṃ. Apācīnanti adho. Ettāvatā atītā paccuppannā anāgatā ca pañcakkhandhā kathitā. Yāvatāti paricchedavacanaṃ. Jagatogatīti lokassa nipphatti. Samavekkhitā ca dhammānaṃ, khandhānaṃ udayabbayanti etesaṃ sabbaloke atītādibhedānaṃ pañcakkhandhadhammānaṃ udayañca vayañca samavekkhitā. ‘‘Pañcakkhandhānaṃ udayaṃ passanto pañcavīsati lakkhaṇāni passati, vayaṃ passanto pañcavīsati lakkhaṇāni passatī’’ti vuttehi samapaññāsāya lakkhaṇehi sammā avekkhitā hoti. Cetosamathasāmīcinti cittasamathassa anucchavikaṃ paṭipadaṃ. Sikkhamānanti paṭipajjamānaṃ, pūrayamānanti attho. Pahitattoti pesitatto. Āhūti kathayanti. Sesamettha uttānameva. Imasmiṃ pana sutte sīlaṃ missakaṃ kathetvā gāthāsu khīṇāsavo kathito.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 2. сийласуд̇д̇ам̣ • 2. Sīlasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 2. сийласуд̇д̇аван̣н̣анаа • 2. Sīlasuttavaṇṇanā
