| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
2. сийласуд̇д̇аван̣н̣анаа
2. Sīlasuttavaṇṇanā
12. д̣̇уд̇ияз самбаннасийлаад̇и зд̇т̇а д̇ивид̇хам̣ самбаннам̣ барибун̣н̣асаман̇г̇имад̇хуравасзна. д̇ад̇т̇а –
12. Dutiye sampannasīlāti ettha tividhaṃ sampannaṃ paripuṇṇasamaṅgimadhuravasena. Tattha –
‘‘самбаннам̣ саалигзд̣̇аарам̣, суваа бхун̃ж̇анд̇и госияа;
‘‘Sampannaṃ sālikedāraṃ, suvā bhuñjanti kosiya;
бадивзд̣̇зми д̇з б̣рахмз, на нз ваарзд̇умуссахз’’д̇и. (ж̇аа. 1.14.1) –
Paṭivedemi te brahme, na ne vāretumussahe’’ti. (jā. 1.14.1) –
ид̣̇ам̣ барибун̣н̣асамбаннам̣ наама. ‘‘иминаа баад̇имогкасам̣варзна убзд̇о ход̇и самубзд̇о убааг̇ад̇о самубааг̇ад̇о убабанно самбанно саманнааг̇ад̇о’’д̇и (вибха. 511) ид̣̇ам̣ саман̇г̇исамбаннам̣ наама. ‘‘имиссаа, бханд̇з, махаабат̇авияаа хздтимад̇алам̣ самбаннам̣, сзяяат̇ааби куд̣̇д̣̇амад̇хум̣ анийлагам̣, звамассаад̣̇а’’нд̇и (баараа. 17) ид̣̇ам̣ мад̇хурасамбаннам̣ наама. ид̇ха барибун̣н̣асамбаннавасзна ад̇т̇ам̣ д̣̇ассзнд̇о ‘‘самбаннасийлаад̇и барибун̣н̣асийлаа’’д̇и ааха. саман̇г̇исамбаннавасзнаби ад̇т̇о яуж̇ж̇ад̇иязва, д̇асмаа самбаннасийлаад̇и барибун̣н̣асийлаа худ̇ваад̇иби сийласаман̇г̇ино худ̇ваад̇иби звамзд̇т̇а ад̇т̇о д̣̇адтаб̣б̣о. д̇ад̇т̇а сийласса анавасзсасамаад̣̇аанзна акан̣д̣аад̣̇ибхааваббад̇д̇ияаа барибун̣н̣асийлаа, самаад̣̇аанад̇о бадтааяа авижчинд̣̇анад̇о сийласаман̇г̇ино. самаад̣̇аанавад̇о хи ажжанд̇авирод̇хид̇хаммаануббад̇д̇ияаа сийласаман̇г̇ид̇аа взд̣̇ид̇аб̣б̣аа, жзд̇анаад̣̇ийнам̣ бана сийланалагкан̣аанам̣ д̇хаммаанам̣ бавад̇д̇илагкан̣зна вад̇д̇аб̣б̣амзва над̇т̇и.
Idaṃ paripuṇṇasampannaṃ nāma. ‘‘Iminā pātimokkhasaṃvarena upeto hoti samupeto upāgato samupāgato upapanno sampanno samannāgato’’ti (vibha. 511) idaṃ samaṅgisampannaṃ nāma. ‘‘Imissā, bhante, mahāpathaviyā heṭṭhimatalaṃ sampannaṃ, seyyathāpi khuddamadhuṃ anīlakaṃ, evamassāda’’nti (pārā. 17) idaṃ madhurasampannaṃ nāma. Idha paripuṇṇasampannavasena atthaṃ dassento ‘‘sampannasīlāti paripuṇṇasīlā’’ti āha. Samaṅgisampannavasenapi attho yujjatiyeva, tasmā sampannasīlāti paripuṇṇasīlā hutvātipi sīlasamaṅgino hutvātipi evamettha attho daṭṭhabbo. Tattha sīlassa anavasesasamādānena akhaṇḍādibhāvappattiyā paripuṇṇasīlā, samādānato paṭṭhāya avicchindanato sīlasamaṅgino. Samādānavato hi accantavirodhidhammānuppattiyā sīlasamaṅgitā veditabbā, cetanādīnaṃ pana sīlanalakkhaṇānaṃ dhammānaṃ pavattilakkhaṇena vattabbameva natthi.
д̇ад̇т̇а ‘‘барибун̣н̣асийлаа’’д̇и иминаа ад̇т̇зна кзд̇д̇ад̣̇осавиг̇амзна кзд̇д̇абаарибуурий вияа сийлад̣̇осавиг̇амзна сийлабаарибуурий вуд̇д̇аа ход̇и. яат̇аа хи кзд̇д̇ам̣ б̣ийж̇акан̣д̣ам̣, ваббакан̣д̣ам̣, уд̣̇агакан̣д̣ам̣, уусакан̣д̣анд̇и жад̇уд̣̇осасаманнааг̇ад̇ам̣ абарибуурам̣ ход̇и. д̇ад̇т̇а б̣ийж̇акан̣д̣ам̣ наама яад̇т̇а анд̇аранд̇араа б̣ийж̇аани кан̣д̣аани ваа бууд̇ийни ваа хонд̇и, д̇аани яад̇т̇а бад̇анд̇и, д̇ад̇т̇а сассам̣ на удтзд̇и, кзд̇д̇ам̣ кан̣д̣ам̣ ход̇и, абарибуурам̣ ход̇ийд̇и ад̇т̇о. ваббакан̣д̣ам̣ наама яад̇т̇а агусало б̣ийж̇аани вабанд̇о анд̇аранд̇араа нибаад̇зд̇и. зван̃хи саб̣б̣ад̇т̇а сассам̣ на удтзд̇и, кзд̇д̇ам̣ кан̣д̣ам̣ ход̇и. уд̣̇агакан̣д̣ам̣ наама яад̇т̇а гад̇т̇ажи уд̣̇агам̣ ад̇иб̣ахум̣ ваа ход̇и, на ваа ход̇и. д̇ад̇рааби хи сассаани на удтзнд̇и, кзд̇д̇ам̣ кан̣д̣ам̣ ход̇и. уусакан̣д̣ам̣ наама яад̇т̇а гассаго гисмин̃жи бад̣̇зсз нан̇г̇алзна бхуумим̣ жад̇д̇ааро бан̃жа ваарз гасанд̇о ад̇иг̇амбхийрам̣ гарод̇и, д̇ад̇о уусам̣ уббаж̇ж̇ад̇и. д̇ад̇рааби хи сассам̣ на удтзд̇и, кзд̇д̇ам̣ кан̣д̣ам̣ ход̇и, д̇аад̣̇исан̃жа кзд̇д̇ам̣ на махабпалам̣ ход̇и на махаанисам̣сам̣. д̇ад̇рааби б̣ахумби вабид̇ваа аббам̣ лабхад̇и. имзсам̣ бана жад̇уннам̣ д̣̇осаанам̣ виг̇амаа кзд̇д̇ам̣ барибун̣н̣ам̣ ход̇и, д̇аад̣̇исан̃жа кзд̇д̇ам̣ махабпалам̣ ход̇и махаанисам̣сам̣. звамзва кан̣д̣ам̣, чид̣̇д̣̇ам̣, саб̣алам̣, гаммаасанд̇и жад̇уд̣̇осасаманнааг̇ад̇ам̣ сийлам̣ абарибуурам̣ ход̇и, д̇аад̣̇исан̃жа сийлам̣ на махабпалам̣ ход̇и на махаанисам̣сам̣. имзсам̣ бана жад̇уннам̣ д̣̇осаанам̣ виг̇амаа сийлам̣ барибун̣н̣ам̣ ход̇и, д̇аад̣̇исан̃жа сийлам̣ махабпалам̣ ход̇и махаанисам̣сам̣.
Tattha ‘‘paripuṇṇasīlā’’ti iminā atthena khettadosavigamena khettapāripūrī viya sīladosavigamena sīlapāripūrī vuttā hoti. Yathā hi khettaṃ bījakhaṇḍaṃ, vappakhaṇḍaṃ, udakakhaṇḍaṃ, ūsakhaṇḍanti catudosasamannāgataṃ aparipūraṃ hoti. Tattha bījakhaṇḍaṃ nāma yattha antarantarā bījāni khaṇḍāni vā pūtīni vā honti, tāni yattha patanti, tattha sassaṃ na uṭṭheti, khettaṃ khaṇḍaṃ hoti, aparipūraṃ hotīti attho. Vappakhaṇḍaṃ nāma yattha akusalo bījāni vapanto antarantarā nipāteti. Evañhi sabbattha sassaṃ na uṭṭheti, khettaṃ khaṇḍaṃ hoti. Udakakhaṇḍaṃ nāma yattha katthaci udakaṃ atibahuṃ vā hoti, na vā hoti. Tatrāpi hi sassāni na uṭṭhenti, khettaṃ khaṇḍaṃ hoti. Ūsakhaṇḍaṃ nāma yattha kassako kismiñci padese naṅgalena bhūmiṃ cattāro pañca vāre kasanto atigambhīraṃ karoti, tato ūsaṃ uppajjati. Tatrāpi hi sassaṃ na uṭṭheti, khettaṃ khaṇḍaṃ hoti, tādisañca khettaṃ na mahapphalaṃ hoti na mahānisaṃsaṃ. Tatrāpi bahumpi vapitvā appaṃ labhati. Imesaṃ pana catunnaṃ dosānaṃ vigamā khettaṃ paripuṇṇaṃ hoti, tādisañca khettaṃ mahapphalaṃ hoti mahānisaṃsaṃ. Evameva khaṇḍaṃ, chiddaṃ, sabalaṃ, kammāsanti catudosasamannāgataṃ sīlaṃ aparipūraṃ hoti, tādisañca sīlaṃ na mahapphalaṃ hoti na mahānisaṃsaṃ. Imesaṃ pana catunnaṃ dosānaṃ vigamā sīlaṃ paripuṇṇaṃ hoti, tādisañca sīlaṃ mahapphalaṃ hoti mahānisaṃsaṃ.
‘‘сийласаман̇г̇ино’’д̇и иминаа банад̇т̇зна сийлзна саман̇г̇ибхууд̇аа самод̇хаанаг̇ад̇аа саманнааг̇ад̇аа худ̇ваа вихарат̇аад̇и ид̣̇амзва вуд̇д̇ам̣ ход̇и. д̇ад̇т̇а д̣̇вийхи гааран̣зхи самбаннасийлад̇аа ход̇и сийлавибад̇д̇ияаа аад̣̇ийнавад̣̇ассанзна, сийласамбад̇д̇ияаа жа аанисам̣сад̣̇ассанзна. д̇ад̣̇убхаяамби висуд̣̇д̇химаг̇г̇з (висуд̣̇д̇хи. 1.14) вид̇т̇аарид̇ам̣ . д̇ад̇т̇а ‘‘самбаннасийлаад̇и зд̇д̇аавад̇аа жа гира бхаг̇аваа жад̇убаарисуд̣̇д̇хисийлам̣ уд̣̇д̣̇исид̇ваа ‘баад̇имогкасам̣варасам̣вуд̇аа’д̇и иминаа д̇ад̇т̇а ж̇здтагасийлам̣ вид̇т̇аарзд̇ваа д̣̇ассзд̇ий’’д̇и д̣̇иваавихаараваасий сумад̇т̇зро ааха. анд̇зваасиго банасса д̇збидагажуул̣анааг̇ад̇т̇зро ааха – ‘‘убхаяад̇т̇ааби баад̇имогкасам̣варо бхаг̇авад̇аа вуд̇д̇о, баад̇имогкасам̣вароязва хи сийлам̣, ид̇араани бана д̇ийн̣и сийланд̇и вуд̇д̇адтаанам̣ наама ад̇т̇ий’’д̇и вад̇ваа д̇ам̣ анануж̇аананд̇о ааха – ‘‘инд̣̇рияасам̣варо наама чад̣̇ваарарагкаамад̇д̇агамзва, ааж̇ийвабаарисуд̣̇д̇хи д̇хаммзна самзна бажжаяуббад̇д̇имад̇д̇агам̣, бажжаяаниссид̇ам̣ бадилад̣̇д̇хабажжаяз ид̣̇амад̇т̇анд̇и бажжавзгкид̇ваа барибхун̃ж̇анамад̇д̇агам̣. ниббарияааязна баад̇имогкасам̣варова сийлам̣. яасса со бхинно, аяам̣ чиннасийсо вияа бурисо хад̇т̇абаад̣̇з, сзсаани рагкиссад̇ийд̇и на вад̇д̇аб̣б̣о. яасса бана со арог̇о, аяам̣ ажчиннасийсо вияа бурисо ж̇ийвид̇ам̣, сзсаани буна баагад̇игаани гад̇ваа рагкид̇ум̣ саггод̇и. д̇асмаа ‘самбаннасийлаа’д̇и иминаа баад̇имогкасам̣варам̣ уд̣̇д̣̇исид̇ваа ‘самбаннабаад̇имогкаа’д̇и д̇ассзва взважанам̣ вад̇ваа д̇ам̣ вид̇т̇аарзд̇ваа д̣̇ассзнд̇о ‘баад̇имогкасам̣варасам̣вуд̇аа’д̇иаад̣̇имаахаа’’д̇и.
‘‘Sīlasamaṅgino’’ti iminā panatthena sīlena samaṅgibhūtā samodhānagatā samannāgatā hutvā viharathāti idameva vuttaṃ hoti. Tattha dvīhi kāraṇehi sampannasīlatā hoti sīlavipattiyā ādīnavadassanena, sīlasampattiyā ca ānisaṃsadassanena. Tadubhayampi visuddhimagge (visuddhi. 1.14) vitthāritaṃ . Tattha ‘‘sampannasīlāti ettāvatā ca kira bhagavā catupārisuddhisīlaṃ uddisitvā ‘pātimokkhasaṃvarasaṃvutā’ti iminā tattha jeṭṭhakasīlaṃ vitthāretvā dassetī’’ti divāvihāravāsī sumatthero āha. Antevāsiko panassa tepiṭakacūḷanāgatthero āha – ‘‘ubhayatthāpi pātimokkhasaṃvaro bhagavatā vutto, pātimokkhasaṃvaroyeva hi sīlaṃ, itarāni pana tīṇi sīlanti vuttaṭṭhānaṃ nāma atthī’’ti vatvā taṃ ananujānanto āha – ‘‘indriyasaṃvaro nāma chadvārarakkhāmattakameva, ājīvapārisuddhi dhammena samena paccayuppattimattakaṃ, paccayanissitaṃ paṭiladdhapaccaye idamatthanti paccavekkhitvā paribhuñjanamattakaṃ. Nippariyāyena pātimokkhasaṃvarova sīlaṃ. Yassa so bhinno, ayaṃ chinnasīso viya puriso hatthapāde, sesāni rakkhissatīti na vattabbo. Yassa pana so arogo, ayaṃ acchinnasīso viya puriso jīvitaṃ, sesāni puna pākatikāni katvā rakkhituṃ sakkoti. Tasmā ‘sampannasīlā’ti iminā pātimokkhasaṃvaraṃ uddisitvā ‘sampannapātimokkhā’ti tasseva vevacanaṃ vatvā taṃ vitthāretvā dassento ‘pātimokkhasaṃvarasaṃvutā’tiādimāhā’’ti.
баад̇имогкасам̣варасийлзна сам̣вуд̇аад̇и яо нам̣ баад̇и рагкад̇и, д̇ам̣ могкзд̇и можзд̇и аабааяигаад̣̇ийхи д̣̇угкзхийд̇и баад̇имогканд̇и лад̣̇д̇ханаамзна сигкаабад̣̇асийлзна бихид̇агааяаважийд̣̇ваараа. звам̣бхууд̇аа жа д̇зна убзд̇аа саманнааг̇ад̇аа наама хонд̇ийд̇и ааха ‘‘убзд̇аа худ̇ваа’’д̇и. аажаарзна жа г̇ожарзна жа самбаннаад̇и гааяигаваажасигаавийд̇иггамасан̇каад̇зна аажаарзна, на-взсияаг̇ожарад̇аад̣̇исан̇каад̇зна г̇ожарзна жа самбаннаа, самбаннааажаараг̇ожараад̇и ад̇т̇о. ан̣уббамаан̣зсууд̇и ад̇ибарид̇д̇агзсу анаабад̇д̇иг̇аманийязсу. д̣̇уггадад̣̇уб̣бхаасид̇амад̇д̇зсууд̇и абарз. д̣̇осзсууд̇и г̇аараяхзсу агусалад̇хаммзсу. бхаяад̇о д̣̇ассанасийлаад̇и барамаан̣умад̇д̇амби важ̇ж̇ам̣ синзруббамаан̣ам̣ вияа гад̇ваа бхааяанасийлаа. саб̣б̣асигкаагодтаасзсууд̇и муулабан̃н̃ад̇д̇ианубан̃н̃ад̇д̇исаб̣б̣ад̇т̇абан̃н̃ад̇д̇ибад̣̇зсабан̃н̃ад̇д̇иаад̣̇ибхзд̣̇зсу. д̇ам̣ д̇ам̣ самаад̣̇аад̇аб̣б̣ам̣ самаад̣̇ааяаад̇и яам̣ гин̃жи сигкаагодтаасзсу муулабан̃н̃ад̇д̇иаад̣̇ибхзд̣̇зсу сигкид̇аб̣б̣ам̣ бадибаж̇ж̇ид̇аб̣б̣ам̣ буурид̇аб̣б̣ам̣ гааяигам̣ ваажасигам̣ ваа сийлам̣, д̇ам̣ саб̣б̣ам̣ саммаа аад̣̇ааяа, саммад̣̇зва саггажжам̣ саб̣б̣асо жа аад̣̇ияид̇ваад̇и ад̇т̇о.
Pātimokkhasaṃvarasīlena saṃvutāti yo naṃ pāti rakkhati, taṃ mokkheti moceti āpāyikādīhi dukkhehīti pātimokkhanti laddhanāmena sikkhāpadasīlena pihitakāyavacīdvārā. Evaṃbhūtā ca tena upetā samannāgatā nāma hontīti āha ‘‘upetā hutvā’’ti. Ācārena ca gocarena ca sampannāti kāyikavācasikaavītikkamasaṅkhātena ācārena, na-vesiyagocaratādisaṅkhātena gocarena ca sampannā, sampannaācāragocarāti attho. Aṇuppamāṇesūti atiparittakesu anāpattigamanīyesu. Dukkaṭadubbhāsitamattesūti apare. Dosesūti gārayhesu akusaladhammesu. Bhayato dassanasīlāti paramāṇumattampi vajjaṃ sineruppamāṇaṃ viya katvā bhāyanasīlā. Sabbasikkhākoṭṭhāsesūti mūlapaññattianupaññattisabbatthapaññattipadesapaññattiādibhedesu. Taṃ taṃ samādātabbaṃ samādāyāti yaṃ kiñci sikkhākoṭṭhāsesu mūlapaññattiādibhedesu sikkhitabbaṃ paṭipajjitabbaṃ pūritabbaṃ kāyikaṃ vācasikaṃ vā sīlaṃ, taṃ sabbaṃ sammā ādāya, sammadeva sakkaccaṃ sabbaso ca ādiyitvāti attho.
уд̣̇аяам̣ бассанд̇о бан̃жавийсад̇и лагкан̣аани бассад̇ийд̇и ‘‘авиж̇ж̇аасамуд̣̇аяаа руубасамуд̣̇аяод̇и бажжаяасамуд̣̇аяадтзна руубагканд̇хасса уд̣̇аяам̣ бассад̇и. д̇ан̣хаасамуд̣̇аяаа…бз… гаммасамуд̣̇аяаа…бз… аахаарасамуд̣̇аяаа руубасамуд̣̇аяод̇и бажжаяасамуд̣̇аяадтзна руубагканд̇хасса уд̣̇аяам̣ бассад̇и. ниб̣б̣ад̇д̇илагкан̣ам̣ бассанд̇оби руубагканд̇хасса уд̣̇аяам̣ бассад̇и. руубагканд̇хасса уд̣̇аяам̣ бассанд̇о имаани бан̃жа лагкан̣аани бассад̇и. д̇ат̇аа авиж̇ж̇аасамуд̣̇аяаа взд̣̇анаасамуд̣̇аяод̇и бажжаяасамуд̣̇аяадтзна взд̣̇анаагканд̇хасса уд̣̇аяам̣ бассад̇и. д̇ан̣хаасамуд̣̇аяаа…бз… гаммасамуд̣̇аяаа…бз… пассасамуд̣̇аяаа взд̣̇анаасамуд̣̇аяод̇и бажжаяасамуд̣̇аяадтзна взд̣̇анаагканд̇хасса уд̣̇аяам̣ бассад̇и. ниб̣б̣ад̇д̇илагкан̣ам̣ бассанд̇оби взд̣̇анаагканд̇хасса уд̣̇аяам̣ бассад̇и. взд̣̇анаагканд̇хасса уд̣̇аяам̣ бассанд̇о имаани бан̃жа лагкан̣аани бассад̇ий’’д̇иаад̣̇инаа наязна згзгасмим̣ канд̇хз бан̃жа бан̃жа гад̇ваа вуд̇д̇аани бан̃жавийсад̇и уд̣̇аяалагкан̣аани бассад̇и.
Udayaṃ passanto pañcavīsati lakkhaṇāni passatīti ‘‘avijjāsamudayā rūpasamudayoti paccayasamudayaṭṭhena rūpakkhandhassa udayaṃ passati. Taṇhāsamudayā…pe… kammasamudayā…pe… āhārasamudayā rūpasamudayoti paccayasamudayaṭṭhena rūpakkhandhassa udayaṃ passati. Nibbattilakkhaṇaṃ passantopi rūpakkhandhassa udayaṃ passati. Rūpakkhandhassa udayaṃ passanto imāni pañca lakkhaṇāni passati. Tathā avijjāsamudayā vedanāsamudayoti paccayasamudayaṭṭhena vedanākkhandhassa udayaṃ passati. Taṇhāsamudayā…pe… kammasamudayā…pe… phassasamudayā vedanāsamudayoti paccayasamudayaṭṭhena vedanākkhandhassa udayaṃ passati. Nibbattilakkhaṇaṃ passantopi vedanākkhandhassa udayaṃ passati. Vedanākkhandhassa udayaṃ passanto imāni pañca lakkhaṇāni passatī’’tiādinā nayena ekekasmiṃ khandhe pañca pañca katvā vuttāni pañcavīsati udayalakkhaṇāni passati.
ваяам̣ бассанд̇о бан̃жавийсад̇и лагкан̣аани бассад̇ийд̇и ‘‘авиж̇ж̇аанирод̇хаа руубанирод̇ход̇и бажжаяанирод̇хадтзна руубагканд̇хасса ваяам̣ бассад̇и. д̇ан̣хаанирод̇хаа…бз… гамманирод̇хаа…бз… аахааранирод̇хаа руубанирод̇ход̇и бажжаяанирод̇хадтзна руубагканд̇хасса ваяам̣ бассад̇и. вибарин̣аамалагкан̣ам̣ бассанд̇оби руубагканд̇хасса ваяам̣ бассад̇и. руубагканд̇хасса ваяам̣ бассанд̇о имаани бан̃жа лагкан̣аани бассад̇и. авиж̇ж̇аанирод̇хаа…бз… д̇ан̣хаанирод̇хаа…бз… пассанирод̇хаа взд̣̇анаанирод̇ход̇и бажжаяанирод̇хадтзна взд̣̇анаагканд̇хасса ваяам̣ бассад̇и. вибарин̣аамалагкан̣ам̣ бассанд̇оби взд̣̇анаагканд̇хасса ваяам̣ бассад̇ий. взд̣̇анаагканд̇хасса ваяам̣ бассанд̇о имаани бан̃жа лагкан̣аани бассад̇и’’д̇иаад̣̇инаа наязна згзгасмим̣ канд̇хз бан̃жа бан̃жа гад̇ваа вуд̇д̇аани бан̃жавийсад̇и ваяалагкан̣аани бассад̇и. бзсид̇ад̇д̇од̇и ниб̣б̣аанам̣ бад̇и бзсид̇ажид̇д̇о. гат̇аяанд̇ийд̇и д̇ат̇аавид̇хам̣ бхигкум̣ б̣уд̣̇д̇хаад̣̇аяо арияаа аажигканд̇и.
Vayaṃ passanto pañcavīsati lakkhaṇāni passatīti ‘‘avijjānirodhā rūpanirodhoti paccayanirodhaṭṭhena rūpakkhandhassa vayaṃ passati. Taṇhānirodhā…pe… kammanirodhā…pe… āhāranirodhā rūpanirodhoti paccayanirodhaṭṭhena rūpakkhandhassa vayaṃ passati. Vipariṇāmalakkhaṇaṃ passantopi rūpakkhandhassa vayaṃ passati. Rūpakkhandhassa vayaṃ passanto imāni pañca lakkhaṇāni passati. Avijjānirodhā…pe… taṇhānirodhā…pe… phassanirodhā vedanānirodhoti paccayanirodhaṭṭhena vedanākkhandhassa vayaṃ passati. Vipariṇāmalakkhaṇaṃ passantopi vedanākkhandhassa vayaṃ passatī. Vedanākkhandhassa vayaṃ passanto imāni pañca lakkhaṇāni passati’’tiādinā nayena ekekasmiṃ khandhe pañca pañca katvā vuttāni pañcavīsati vayalakkhaṇāni passati. Pesitattoti nibbānaṃ pati pesitacitto. Kathayantīti tathāvidhaṃ bhikkhuṃ buddhādayo ariyā ācikkhanti.
яад̇ам̣ жарзд̇и вааяамамаано жарзяяа, жан̇гаманаад̣̇ивасзна г̇аманам̣ габбзнд̇оби ‘‘ануббаннаанам̣ баабагаанам̣ агусалаанам̣ д̇хаммаанам̣ ануббаад̣̇ааяа чанд̣̇ам̣ ж̇анзд̇и вааяамад̇ий’’д̇иаад̣̇инаа (вибха. 432) наязна вуд̇д̇аббад̇хаанавийрияам̣ гаронд̇о гхадзнд̇о вааяаманд̇о яат̇аа агусалад̇хаммаа бахийяанд̇и, гусалад̇хаммаа бхааванаабаарибуурим̣ г̇ажчанд̇и, звам̣ г̇аманам̣ габбзяяаад̇и ад̇т̇о. зса наяо сзсзсуби. яад̇амзнам̣ басаараязд̇и зд̇ам̣ басаарзд̇аб̣б̣ам̣ хад̇т̇абаад̣̇аад̣̇им̣ яад̇ам̣ яад̇амаано яат̇аавуд̇д̇авийрияасаман̇г̇ий худ̇ваа басаарзяяа, саб̣б̣ад̇т̇а бад̇хаанам̣ на ж̇ахзяяаад̇и ад̇хиббааяо.
Yataṃcareti vāyamamāno careyya, caṅkamanādivasena gamanaṃ kappentopi ‘‘anuppannānaṃ pāpakānaṃ akusalānaṃ dhammānaṃ anuppādāya chandaṃ janeti vāyamatī’’tiādinā (vibha. 432) nayena vuttappadhānavīriyaṃ karonto ghaṭento vāyamanto yathā akusaladhammā pahīyanti, kusaladhammā bhāvanāpāripūriṃ gacchanti, evaṃ gamanaṃ kappeyyāti attho. Esa nayo sesesupi. Yatamenaṃ pasārayeti etaṃ pasāretabbaṃ hatthapādādiṃ yataṃ yatamāno yathāvuttavīriyasamaṅgī hutvā pasāreyya, sabbattha padhānaṃ na jaheyyāti adhippāyo.
ид̣̇аани яат̇аа бадибаж̇ж̇анд̇о яад̇ам̣ яад̇анд̇о наама ход̇и, д̇ам̣ бадибад̣̇ам̣ д̣̇ассзд̇ум̣ ‘‘уд̣̇д̇ха’’нд̇иаад̣̇и вуд̇д̇ам̣. д̇ад̇т̇а уд̣̇д̇ханд̇и убари. д̇ирияанд̇и барид̇о, бурад̇т̇имад̣̇исаад̣̇ивасзна саманд̇ад̇о д̣̇исаабхааг̇зсууд̇и ад̇т̇о. абаажийнанд̇и хздтаа. яаавад̇аа ж̇аг̇ад̇о г̇ад̇ийд̇и яад̇д̇агаа сад̇д̇асан̇каарабхзд̣̇асса логасса бавад̇д̇и, д̇ад̇т̇а саб̣б̣ад̇т̇аад̇и ад̇т̇о. зд̇д̇аавад̇аа анавасзсад̇аа саммасанан̃аан̣асса висаяам̣ сан̇г̇ахзд̇ваа д̣̇ассзд̇и. самавзгкид̇аад̇и самаа хзд̇унаа н̃ааязна авзгкид̇аа, анижжаад̣̇ивасзна вибассид̇аад̇и вуд̇д̇ам̣ ход̇и. д̇хаммаананд̇и сад̇д̇асун̃н̃аанам̣. канд̇хаананд̇и руубаад̣̇ийнам̣ бан̃жаннам̣ канд̇хаанам̣. уд̣̇аяаб̣б̣аяанд̇и уд̣̇аяан̃жа ваяан̃жа. ид̣̇ам̣ вуд̇д̇ам̣ ход̇и – убари д̇ирияам̣ ад̇ход̇и д̇ид̇хаа сан̇г̇ахид̇з саб̣б̣асмим̣ логз ад̇ийд̇аад̣̇ибхзд̣̇абхиннаанам̣ бан̃жубаад̣̇аанагканд̇хасан̇каад̇аанам̣ саб̣б̣зсам̣ руубааруубад̇хаммаанам̣ анижжаад̣̇исаммасанаад̇хиг̇ад̇зна уд̣̇аяаб̣б̣аяан̃аан̣зна бан̃жавийсад̇ияаа аагаарзхи уд̣̇аяам̣, бан̃жавийсад̇ияаа аагаарзхи ваяам̣ самавзгкид̇аа саманубассид̇аа бхавзяяаад̇и.
Idāni yathā paṭipajjanto yataṃ yatanto nāma hoti, taṃ paṭipadaṃ dassetuṃ ‘‘uddha’’ntiādi vuttaṃ. Tattha uddhanti upari. Tiriyanti parito, puratthimadisādivasena samantato disābhāgesūti attho. Apācīnanti heṭṭhā. Yāvatā jagato gatīti yattakā sattasaṅkhārabhedassa lokassa pavatti, tattha sabbatthāti attho. Ettāvatā anavasesatā sammasanañāṇassa visayaṃ saṅgahetvā dasseti. Samavekkhitāti samā hetunā ñāyena avekkhitā, aniccādivasena vipassitāti vuttaṃ hoti. Dhammānanti sattasuññānaṃ. Khandhānanti rūpādīnaṃ pañcannaṃ khandhānaṃ. Udayabbayanti udayañca vayañca. Idaṃ vuttaṃ hoti – upari tiriyaṃ adhoti tidhā saṅgahite sabbasmiṃ loke atītādibhedabhinnānaṃ pañcupādānakkhandhasaṅkhātānaṃ sabbesaṃ rūpārūpadhammānaṃ aniccādisammasanādhigatena udayabbayañāṇena pañcavīsatiyā ākārehi udayaṃ, pañcavīsatiyā ākārehi vayaṃ samavekkhitā samanupassitā bhaveyyāti.
жзд̇осамат̇асаамийжинд̇и жид̇д̇асам̣гилзсаанам̣ ажжанд̇авуубасаманад̇о жзд̇осамат̇асан̇каад̇асса арияамаг̇г̇асса анужчавигам̣ бадибад̣̇аан̃аан̣ад̣̇ассанависуд̣̇д̇хим̣. сигкамаананд̇и бадибаж̇ж̇амаанам̣ бхаавзнд̇ам̣ н̃аан̣абарамбараа ниб̣б̣ад̇д̇знд̇ам̣. сад̣̇аад̇и саб̣б̣агаалам̣ рад̇д̇ин̃жзва д̣̇иваа жа. сад̇анд̇и жад̇усамбаж̇ан̃н̃асаманнааг̇ад̇ааяа сад̇ияаа сад̇огаарий. звамбзд̇т̇а г̇аат̇ааван̣н̣анаа д̣̇адтаб̣б̣аа. сзсамзд̇т̇а сувин̃н̃зяяамзва.
Cetosamathasāmīcinti cittasaṃkilesānaṃ accantavūpasamanato cetosamathasaṅkhātassa ariyamaggassa anucchavikaṃ paṭipadāñāṇadassanavisuddhiṃ. Sikkhamānanti paṭipajjamānaṃ bhāventaṃ ñāṇaparamparā nibbattentaṃ. Sadāti sabbakālaṃ rattiñceva divā ca. Satanti catusampajaññasamannāgatāya satiyā satokārī. Evampettha gāthāvaṇṇanā daṭṭhabbā. Sesamettha suviññeyyameva.
сийласуд̇д̇аван̣н̣анаа нидтид̇аа.
Sīlasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 2. сийласуд̇д̇ам̣ • 2. Sīlasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 2. сийласуд̇д̇аван̣н̣анаа • 2. Sīlasuttavaṇṇanā
