| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
3. сийласуд̇д̇аван̣н̣анаа
3. Sīlasuttavaṇṇanā
184. кийн̣аасавасса логуд̇д̇арам̣ сийлам̣ наама маг̇г̇апалабарияаабаннаа саммааваажаагамманд̇ааж̇ийваа сийлалагкан̣аббад̇д̇аа д̇ад̣̇ан̃н̃з жзд̇анаад̣̇аяо. логияам̣ бана гирияааб̣яаагад̇ажид̇д̇абарияаабаннам̣ жаарид̇д̇асийлам̣, ваарид̇д̇асийласса бана самбхаво зва над̇т̇и вираман̣авасзна бавад̇д̇ияаа абхаавад̇о. ‘‘буб̣б̣абхааг̇асийлам̣ логияасийла’’нд̇и гзжи.
184.Khīṇāsavassa lokuttaraṃ sīlaṃ nāma maggaphalapariyāpannā sammāvācākammantājīvā sīlalakkhaṇappattā tadaññe cetanādayo. Lokiyaṃ pana kiriyābyākatacittapariyāpannaṃ cārittasīlaṃ, vārittasīlassa pana sambhavo eva natthi viramaṇavasena pavattiyā abhāvato. ‘‘Pubbabhāgasīlaṃ lokiyasīla’’nti keci.
жагкуд̣̇ассананд̇и жагкуухи д̣̇ассанам̣. лагкан̣асса д̣̇ассананд̇и сабхаавад̇хаммаанам̣ сан̇кад̇аанам̣ бажжад̇д̇алагкан̣асса н̃аад̇абарин̃н̃ааяа, анижжаад̣̇исааман̃н̃алагкан̣асса д̇ийран̣абарин̃н̃ааяа д̣̇ассанам̣. баж̇аханд̇оби хи д̇з бахаад̇аб̣б̣аагаарад̇о бассад̇и наама. ниб̣б̣аанасса д̇ат̇алагкан̣ам̣ маг̇г̇апалзхи д̣̇ассанам̣, д̇ам̣ бана бадивиж̇жханам̣. жхаанзна бат̇авийгасин̣аад̣̇ийнам̣, абхин̃н̃аахи руубаанам̣ д̣̇ассанамби н̃аан̣ад̣̇ассанамзва. жагкуд̣̇ассанам̣ ад̇хиббзд̇ам̣ саванабаяирубаасанаанам̣ барад̇о г̇ахид̇ад̇д̇аа. бан̃хабаяирубаасананд̇и бан̃хабужчанавасзна баяирубаасанам̣ ан̃н̃агаммад̇т̇ааяа убасан̇гаманасса гзвалам̣ убасан̇гаманзнзва ж̇од̇ид̇ад̇д̇аа.
Cakkhudassananti cakkhūhi dassanaṃ. Lakkhaṇassa dassananti sabhāvadhammānaṃ saṅkhatānaṃ paccattalakkhaṇassa ñātapariññāya, aniccādisāmaññalakkhaṇassa tīraṇapariññāya dassanaṃ. Pajahantopi hi te pahātabbākārato passati nāma. Nibbānassa tathalakkhaṇaṃ maggaphalehi dassanaṃ, taṃ pana paṭivijjhanaṃ. Jhānena pathavīkasiṇādīnaṃ, abhiññāhi rūpānaṃ dassanampi ñāṇadassanameva. Cakkhudassanaṃ adhippetaṃ savanapayirupāsanānaṃ parato gahitattā. Pañhapayirupāsananti pañhapucchanavasena payirupāsanaṃ aññakammatthāya upasaṅkamanassa kevalaṃ upasaṅkamaneneva jotitattā.
арияаанам̣ ануссад̇и наама г̇ун̣авасзна, д̇ад̇т̇ааби лад̣̇д̇хаоваад̣̇ааваж̇ж̇анамукзна яат̇аабхууд̇асийлаад̣̇иг̇ун̣аануссаран̣анд̇и д̣̇ассзд̇ум̣ ‘‘жхаанавибассанаа’’д̇иаад̣̇и вуд̇д̇ам̣. ан̃н̃зсам̣язва санд̇игзд̇и ариязхи ан̃н̃зсам̣ саасанигаанам̣язва санд̇игз. д̇знааха – ‘‘анубаб̣б̣аж̇ж̇аа наамаа’’д̇и. ан̃н̃зсууд̇и саасанигзхи ан̃н̃зсу д̇аабасабариб̣б̣ааж̇агаад̣̇ийсу. д̇ад̇т̇а хи баб̣б̣аж̇ж̇аа арияаанам̣ анубаб̣б̣аж̇ж̇аа наама на ход̇ийд̇и вуд̇д̇ам̣.
Ariyānaṃ anussati nāma guṇavasena, tatthāpi laddhaovādāvajjanamukhena yathābhūtasīlādiguṇānussaraṇanti dassetuṃ ‘‘jhānavipassanā’’tiādi vuttaṃ. Aññesaṃyeva santiketi ariyehi aññesaṃ sāsanikānaṃyeva santike. Tenāha – ‘‘anupabbajjā nāmā’’ti. Aññesūti sāsanikehi aññesu tāpasaparibbājakādīsu. Tattha hi pabbajjā ariyānaṃ anupabbajjā nāma na hotīti vuttaṃ.
сад̇асахассамад̇д̇аа ахзсум̣ саманд̇абаасаад̣̇игад̇д̇аа махаат̇зрасса. лан̇гаад̣̇ийбзд̇и ниссаяасийсзна ниссид̇асаллагкан̣ам̣. на хи баб̣б̣аж̇ж̇аа д̣̇ийбабадилад̣̇д̇хаа, ат̇а ко д̣̇ийбаниваасиаажарияабадилад̣̇д̇хаа. махинд̣̇а…бз… баб̣б̣аж̇анд̇и наама д̇асса бариваарад̇ааяа баб̣б̣аж̇ж̇ааяаад̇и.
Satasahassamattāahesuṃ samantapāsādikattā mahātherassa. Laṅkādīpeti nissayasīsena nissitasallakkhaṇaṃ. Na hi pabbajjā dīpapaṭiladdhā, atha kho dīpanivāsiācariyapaṭiladdhā. Mahinda…pe… pabbajanti nāma tassa parivāratāya pabbajjāyāti.
сарад̇ийд̇и д̇ам̣ оваад̣̇аанусаасанид̇хаммам̣ жинд̇зд̇и жид̇д̇з гарод̇и. вид̇аггаахад̇ам̣ гарод̇ийд̇и бунаббунам̣ баривид̇агганзна д̇ад̣̇ад̇т̇ам̣ вид̇агганибпаад̣̇ид̇ам̣ гарод̇и. аарад̣̇д̇хо ход̇ийд̇и самбаад̣̇ид̇о ход̇и. д̇ам̣ бана самбаад̣̇анам̣ баарибуури зваад̇и ааха ‘‘барибун̣н̣о ход̇ий’’д̇и. д̇ад̇т̇аад̇и яат̇аавуд̇д̇з д̇хаммз. н̃аан̣ажааравасзнаад̇и н̃аан̣асса бавад̇д̇анавасзна. д̇зсам̣ д̇зсам̣ д̇хаммаананд̇и д̇асмим̣ д̇асмим̣ оваад̣̇ад̇хаммз ааг̇ад̇аанам̣ руубааруубад̇хаммаанам̣. лагкан̣анд̇и висзсалагкан̣ам̣ сааман̃н̃алагкан̣ан̃жа. бавижинад̇ийд̇и ‘‘ид̣̇ам̣ руубам̣ зд̇д̇агам̣ рууба’’нд̇иаад̣̇инаа вижаяам̣ аабаж̇ж̇ад̇и. н̃аан̣ан̃жа робзд̇ийд̇и ‘‘анижжам̣ жалам̣ балогам̣ бабхан̇г̇уу’’д̇иаад̣̇инаа н̃аан̣ам̣ бавад̇д̇зд̇и. виймам̣санам̣…бз… аабаж̇ж̇ад̇ийд̇и руубасад̇д̇агааруубасад̇д̇агаггамзна вибассанам̣ бажжагкад̇о вияа анижжад̇аад̣̇ийнам̣ д̣̇ассанам̣ саммасанам̣ аабаж̇ж̇ад̇и.
Saratīti taṃ ovādānusāsanidhammaṃ cinteti citte karoti. Vitakkāhataṃ karotīti punappunaṃ parivitakkanena tadatthaṃ vitakkanipphāditaṃ karoti. Āraddho hotīti sampādito hoti. Taṃ pana sampādanaṃ pāripūri evāti āha ‘‘paripuṇṇo hotī’’ti. Tatthāti yathāvutte dhamme. Ñāṇacāravasenāti ñāṇassa pavattanavasena. Tesaṃ tesaṃ dhammānanti tasmiṃ tasmiṃ ovādadhamme āgatānaṃ rūpārūpadhammānaṃ. Lakkhaṇanti visesalakkhaṇaṃ sāmaññalakkhaṇañca. Pavicinatīti ‘‘idaṃ rūpaṃ ettakaṃ rūpa’’ntiādinā vicayaṃ āpajjati. Ñāṇañca ropetīti ‘‘aniccaṃ calaṃ palokaṃ pabhaṅgū’’tiādinā ñāṇaṃ pavatteti. Vīmaṃsanaṃ…pe… āpajjatīti rūpasattakārūpasattakakkamena vipassanaṃ paccakkhato viya aniccatādīnaṃ dassanaṃ sammasanaṃ āpajjati.
убхаяамбзд̇анд̇и палаанисам̣саад̇и вуд̇д̇ад̣̇ваяам̣. ад̇т̇ад̇о згам̣ барияааяасад̣̇д̣̇ад̇д̇аа. бадигажжаад̇и баг̇зва. маран̣агаалзд̇и маран̣агааласамийбз. самийбад̇т̇з хи ид̣̇ам̣ бхумманд̇и ааха ‘‘маран̣асса аасаннагаалз’’д̇и.
Ubhayampetanti phalānisaṃsāti vuttadvayaṃ. Atthato ekaṃ pariyāyasaddattā. Paṭikaccāti pageva. Maraṇakāleti maraṇakālasamīpe. Samīpatthe hi idaṃ bhummanti āha ‘‘maraṇassa āsannakāle’’ti.
со д̇ивид̇хо ход̇и н̃аан̣асса д̇игкамаж̇жхамуд̣̇убхаавзна. д̇знааха ‘‘габбасахассааяугзсуу’’д̇иаад̣̇и. убахажжабариниб̣б̣ааяий наама ааяувзмаж̇жхам̣ ад̇иггамид̇ваа бариниб̣б̣ааяанад̇о. яад̇т̇а гад̇т̇ажийд̇и авихаад̣̇ийсу яад̇т̇а гад̇т̇ажи. саббаяог̇знаад̇и вибассанаан̃аан̣асан̇каарасан̇каад̇зна баяог̇зна, саха вибассанаабаяог̇знаад̇и ад̇т̇о. суд̣̇д̇хааваасабхуумияам̣ уд̣̇д̇хам̣язва маг̇г̇асод̇о зд̇ассаад̇и уд̣̇д̇хам̣сод̇о. бадисанд̇хивасзна аганидтабхавам̣ г̇ажчад̇ийд̇и аганидтаг̇аамий.
So tividho hoti ñāṇassa tikkhamajjhamudubhāvena. Tenāha ‘‘kappasahassāyukesū’’tiādi. Upahaccaparinibbāyī nāma āyuvemajjhaṃ atikkamitvā parinibbāyanato. Yattha katthacīti avihādīsu yattha katthaci. Sappayogenāti vipassanāñāṇasaṅkhārasaṅkhātena payogena, saha vipassanāpayogenāti attho. Suddhāvāsabhūmiyaṃ uddhaṃyeva maggasoto etassāti uddhaṃsoto. Paṭisandhivasena akaniṭṭhabhavaṃ gacchatīti akaniṭṭhagāmī.
авихаад̣̇ийсу вад̇д̇амааноби згам̣сад̇о уд̣̇д̇хам̣г̇аманаарахо буг̇г̇ало аганидтаг̇аамий зва наамаад̇и вуд̇д̇ам̣ ‘‘зго уд̣̇д̇хам̣сод̇о аганидтаг̇аамийд̇и бан̃жа хонд̇ий’’д̇и. д̇зсанд̇и нид̣̇д̇хааран̣з саамиважанам̣. уд̣̇д̇хам̣сод̇абхаавад̇о яад̣̇иби хздтимаад̣̇ийсуби арияабхууми ниб̣б̣ад̇д̇ад̇зва, д̇ат̇ааби д̇ад̇т̇а бхуумийсу ааяум̣ аг̇г̇ахзд̇ваа аганидтабхавз ааяувасзнзва сол̣асагаббасахассааяугад̇аа д̣̇адтаб̣б̣аа. ‘‘сад̇д̇а палаа сад̇д̇аанисам̣саа баадиган̇каа’’д̇и вуд̇д̇ад̇д̇аа ‘‘арахад̇д̇амаг̇г̇асса буб̣б̣абхааг̇авибассанаа б̣ож̇жхан̇г̇аа гат̇ид̇аа’’д̇и вуд̇д̇ам̣. сад̇д̇аннамби сахабхааво лаб̣бхад̇ийд̇и ‘‘абуб̣б̣ам̣ ажаримам̣ згажид̇д̇агкан̣игаа’’д̇и вуд̇д̇ам̣. д̇аяид̣̇ам̣ баал̣ияам̣ д̇ад̇т̇а д̇ад̇т̇а ‘‘д̇асмим̣ самаяз’’д̇и ааг̇ад̇аважанзна вин̃н̃ааяад̇и, б̣ож̇жхан̇г̇аанам̣ бана наанаасабхаавад̇д̇аа ‘‘наанаалагкан̣аа’’д̇и вуд̇д̇ам̣.
Avihādīsu vattamānopi ekaṃsato uddhaṃgamanāraho puggalo akaniṭṭhagāmī eva nāmāti vuttaṃ ‘‘eko uddhaṃsoto akaniṭṭhagāmīti pañca hontī’’ti. Tesanti niddhāraṇe sāmivacanaṃ. Uddhaṃsotabhāvato yadipi heṭṭhimādīsupi ariyabhūmi nibbattateva, tathāpi tattha bhūmīsu āyuṃ aggahetvā akaniṭṭhabhave āyuvaseneva soḷasakappasahassāyukatā daṭṭhabbā. ‘‘Satta phalā sattānisaṃsā pāṭikaṅkhā’’ti vuttattā ‘‘arahattamaggassa pubbabhāgavipassanā bojjhaṅgā kathitā’’ti vuttaṃ. Sattannampi sahabhāvo labbhatīti ‘‘apubbaṃ acarimaṃ ekacittakkhaṇikā’’ti vuttaṃ. Tayidaṃ pāḷiyaṃ tattha tattha ‘‘tasmiṃ samaye’’ti āgatavacanena viññāyati, bojjhaṅgānaṃ pana nānāsabhāvattā ‘‘nānālakkhaṇā’’ti vuttaṃ.
сийласуд̇д̇аван̣н̣анаа нидтид̇аа.
Sīlasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. сийласуд̇д̇ам̣ • 3. Sīlasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. сийласуд̇д̇аван̣н̣анаа • 3. Sīlasuttavaṇṇanā
