| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[72] 2. сийлаванааг̇арааж̇аж̇аад̇агаван̣н̣анаа
[72] 2. Sīlavanāgarājajātakavaṇṇanā
агад̇ан̃н̃усса босассаад̇и ид̣̇ам̣ сад̇т̇аа взл̣уванз вихаранд̇о д̣̇звад̣̇ад̇д̇ам̣ аараб̣бха гат̇зси. д̇хаммасабхааяан̃хи бхигкуу ‘‘аавусо, д̣̇звад̣̇ад̇д̇о агад̇ан̃н̃уу д̇ат̇ааг̇ад̇асса г̇ун̣з на ж̇аанаад̇ий’’д̇и гат̇знд̇аа нисийд̣̇им̣су. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва д̣̇звад̣̇ад̇д̇о агад̇ан̃н̃уу, буб̣б̣зби агад̇ан̃н̃ууязва, на гад̣̇аажи маяхам̣ г̇ун̣ам̣ ж̇аанаад̇ий’’д̇и вад̇ваа д̇зхи яаажид̇о ад̇ийд̇ам̣ аахари.
Akataññussa posassāti idaṃ satthā veḷuvane viharanto devadattaṃ ārabbha kathesi. Dhammasabhāyañhi bhikkhū ‘‘āvuso, devadatto akataññū tathāgatassa guṇe na jānātī’’ti kathentā nisīdiṃsu. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva devadatto akataññū, pubbepi akataññūyeva, na kadāci mayhaṃ guṇaṃ jānātī’’ti vatvā tehi yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о химаванд̇аббад̣̇зсз хад̇т̇ияонияам̣ ниб̣б̣ад̇д̇и. со маад̇угужчид̇о нигканд̇о саб̣б̣асзд̇о ахоси раж̇ад̇абун̃ж̇асаннибхо, агкийни банасса ман̣иг̇ул̣асад̣̇исаани, бан̃н̃ааяамаанаани бан̃жа басаад̣̇аани ахзсум̣, мукам̣ рад̇д̇агамб̣аласад̣̇исам̣, сон̣д̣аа рад̇д̇асуван̣н̣аб̣инд̣̇убадиман̣д̣ид̇ам̣ раж̇ад̇ад̣̇аамам̣ вияа, жад̇д̇ааро баад̣̇аа гад̇алаакаарасабаригаммаа вияа. звамасса д̣̇асахи баарамийхи алан̇гад̇о руубасобхаг̇г̇аббад̇д̇о ад̇д̇абхааво ахоси. ат̇а нам̣ вин̃н̃уд̇ам̣ бад̇д̇ам̣ сагалахимаванд̇з вааран̣аа саннибад̇ид̇ваа убадтаханд̇аа вижарим̣су. звам̣ со асийд̇исахассавааран̣абаривааро химаванд̇аббад̣̇зсз васамаано абарабхааг̇з г̇ан̣з д̣̇осам̣ д̣̇исваа г̇ан̣амхаа гааяавивзгааяа згагова аран̃н̃з ваасам̣ габбзси. сийлаванд̇ад̇ааяа жа банасса ‘‘сийлаванааг̇арааж̇аа’’ д̇взва наамам̣ ахоси.
Atīte bārāṇasiyaṃ brahmadatte rajjaṃ kārente bodhisatto himavantappadese hatthiyoniyaṃ nibbatti. So mātukucchito nikkhanto sabbaseto ahosi rajatapuñjasannibho, akkhīni panassa maṇiguḷasadisāni, paññāyamānāni pañca pasādāni ahesuṃ, mukhaṃ rattakambalasadisaṃ, soṇḍā rattasuvaṇṇabindupaṭimaṇḍitaṃ rajatadāmaṃ viya, cattāro pādā katalākhārasaparikammā viya. Evamassa dasahi pāramīhi alaṅkato rūpasobhaggappatto attabhāvo ahosi. Atha naṃ viññutaṃ pattaṃ sakalahimavante vāraṇā sannipatitvā upaṭṭhahantā vicariṃsu. Evaṃ so asītisahassavāraṇaparivāro himavantappadese vasamāno aparabhāge gaṇe dosaṃ disvā gaṇamhā kāyavivekāya ekakova araññe vāsaṃ kappesi. Sīlavantatāya ca panassa ‘‘sīlavanāgarājā’’ tveva nāmaṃ ahosi.
ат̇зго б̣аараан̣асиваасиго ванажараго химаванд̇ам̣ бависид̇ваа ад̇д̇ано ааж̇ийвабхан̣д̣агам̣ г̇авзсамаано д̣̇исаа вавад̇т̇аабзд̇ум̣ асаггонд̇о маг̇г̇амуул̣хо худ̇ваа маран̣абхаяабхийд̇о б̣аахаа баг̇г̇аяха барид̣̇звамаано вижарад̇и. б̣од̇хисад̇д̇о д̇асса д̇ам̣ б̣алавабарид̣̇звид̇ам̣ суд̇ваа ‘‘имам̣ бурисам̣ д̣̇угкаа можзссаамий’’д̇и гаарун̃н̃зна жод̣̇ид̇о д̇асса санд̇игам̣ аг̇амааси. со д̇ам̣ д̣̇исваава бхийд̇о балааяи. б̣од̇хисад̇д̇о д̇ам̣ балааяанд̇ам̣ д̣̇исваа д̇ад̇т̇зва адтааси. со бурисо б̣од̇хисад̇д̇ам̣ тид̇ам̣ д̣̇исваа адтааси . б̣од̇хисад̇д̇о буна аг̇амааси, со буна балааяид̇ваа д̇асса тид̇агаалз тад̇ваа жинд̇зси ‘‘аяам̣ вааран̣о мама балааяанагаалз д̇идтад̇и, тид̇агаалз ааг̇ажчад̇и, нааяам̣ маяхам̣ анад̇т̇агаамо, имамхаа бана мам̣ д̣̇угкаа маажзд̇угаамо бхависсад̇ий’’д̇и сууро худ̇ваа адтааси. б̣од̇хисад̇д̇о д̇ам̣ убасан̇гамид̇ваа ‘‘гасмаа бхо д̇вам̣ буриса, барид̣̇звамаано вижарасий’’д̇и бужчи. ‘‘саами, д̣̇исаа вавад̇т̇аабзд̇ум̣ асаггонд̇о маг̇г̇амуул̣хо худ̇ваа маран̣абхаязнаа’’д̇и. ат̇а нам̣ б̣од̇хисад̇д̇о ад̇д̇ано васанадтаанам̣ нзд̇ваа гад̇ибаахам̣ палаапалзхи санд̇аббзд̇ваа ‘‘бхо, буриса, маа бхааяи, ахам̣ д̇ам̣ мануссабат̇ам̣ нзссаамий’’д̇и ад̇д̇ано бидтз нисийд̣̇аабзд̇ваа мануссабат̇ам̣ бааяааси.
Atheko bārāṇasivāsiko vanacarako himavantaṃ pavisitvā attano ājīvabhaṇḍakaṃ gavesamāno disā vavatthāpetuṃ asakkonto maggamūḷho hutvā maraṇabhayabhīto bāhā paggayha paridevamāno vicarati. Bodhisatto tassa taṃ balavaparidevitaṃ sutvā ‘‘imaṃ purisaṃ dukkhā mocessāmī’’ti kāruññena codito tassa santikaṃ agamāsi. So taṃ disvāva bhīto palāyi. Bodhisatto taṃ palāyantaṃ disvā tattheva aṭṭhāsi. So puriso bodhisattaṃ ṭhitaṃ disvā aṭṭhāsi . Bodhisatto puna agamāsi, so puna palāyitvā tassa ṭhitakāle ṭhatvā cintesi ‘‘ayaṃ vāraṇo mama palāyanakāle tiṭṭhati, ṭhitakāle āgacchati, nāyaṃ mayhaṃ anatthakāmo, imamhā pana maṃ dukkhā mācetukāmo bhavissatī’’ti sūro hutvā aṭṭhāsi. Bodhisatto taṃ upasaṅkamitvā ‘‘kasmā bho tvaṃ purisa, paridevamāno vicarasī’’ti pucchi. ‘‘Sāmi, disā vavatthāpetuṃ asakkonto maggamūḷho hutvā maraṇabhayenā’’ti. Atha naṃ bodhisatto attano vasanaṭṭhānaṃ netvā katipāhaṃ phalāphalehi santappetvā ‘‘bho, purisa, mā bhāyi, ahaṃ taṃ manussapathaṃ nessāmī’’ti attano piṭṭhe nisīdāpetvā manussapathaṃ pāyāsi.
ат̇а ко со мид̇д̇ад̣̇уб̣бхий бурисо ‘‘сажз гожи бужчиссад̇и, аажигкид̇аб̣б̣ам̣ бхависсад̇ий’’д̇и б̣од̇хисад̇д̇асса бидтз нисинноязва ругканимид̇д̇ам̣ баб̣б̣ад̇анимид̇д̇ам̣ убад̇хаарзнд̇ова г̇ажчад̇и. ат̇а нам̣ б̣од̇хисад̇д̇о аран̃н̃аа нийхарид̇ваа б̣аараан̣асиг̇аамимахаамаг̇г̇з табзд̇ваа ‘‘бхо буриса, иминаа маг̇г̇зна г̇ажча, маяхам̣ бана васанадтаанам̣ бужчид̇оби абужчид̇оби маа гассажи аажигкий’’д̇и д̇ам̣ уяяож̇зд̇ваа ад̇д̇ано васанадтаанам̣язва аг̇амааси. ат̇а со бурисо б̣аараан̣асим̣ г̇анд̇ваа анувижаранд̇о д̣̇анд̇агааравийт̇им̣ бад̇ваа д̣̇анд̇агаарз д̣̇анд̇авигад̇ияо гурумаанз д̣̇исваа ‘‘гим̣ бана бхо, ж̇ийвад̣̇анд̇амби лабхид̇ваа г̇ан̣хзяяаат̇аа’’д̇и? ‘‘бхо, гим̣ вад̣̇зси, ж̇ийвад̣̇анд̇о наама мад̇ахад̇т̇ид̣̇анд̇ад̇о махаг̇гхад̇аро’’д̇и. ‘‘д̇зна хи ахам̣ во ж̇ийвад̣̇анд̇ам̣ аахариссаамий’’д̇и баат̇зяяам̣ г̇ахзд̇ваа карагагажам̣ аад̣̇ааяа б̣од̇хисад̇д̇асса васанадтаанам̣ аг̇амааси.
Atha kho so mittadubbhī puriso ‘‘sace koci pucchissati, ācikkhitabbaṃ bhavissatī’’ti bodhisattassa piṭṭhe nisinnoyeva rukkhanimittaṃ pabbatanimittaṃ upadhārentova gacchati. Atha naṃ bodhisatto araññā nīharitvā bārāṇasigāmimahāmagge ṭhapetvā ‘‘bho purisa, iminā maggena gaccha, mayhaṃ pana vasanaṭṭhānaṃ pucchitopi apucchitopi mā kassaci ācikkhī’’ti taṃ uyyojetvā attano vasanaṭṭhānaṃyeva agamāsi. Atha so puriso bārāṇasiṃ gantvā anuvicaranto dantakāravīthiṃ patvā dantakāre dantavikatiyo kurumāne disvā ‘‘kiṃ pana bho, jīvadantampi labhitvā gaṇheyyāthā’’ti? ‘‘Bho, kiṃ vadesi, jīvadanto nāma matahatthidantato mahagghataro’’ti. ‘‘Tena hi ahaṃ vo jīvadantaṃ āharissāmī’’ti pātheyyaṃ gahetvā kharakakacaṃ ādāya bodhisattassa vasanaṭṭhānaṃ agamāsi.
б̣од̇хисад̇д̇о д̇ам̣ д̣̇исваа ‘‘гимад̇т̇ам̣ ааг̇ад̇осий’’д̇и бужчи. ‘‘ахам̣, саами, д̣̇уг̇г̇ад̇о габан̣о ж̇ийвид̇ум̣ асаггонд̇о д̇умхз д̣̇анд̇акан̣д̣ам̣ яаажид̇ваа сажз д̣̇ассат̇а, д̇ам̣ аад̣̇ааяа г̇анд̇ваа виггин̣ид̇ваа д̇зна муулзна ж̇ийвиссаамий’’д̇и ааг̇ад̇од̇и. ‘‘ход̇у бхо, д̣̇анд̇ам̣ д̇з д̣̇ассаами, сажз д̣̇анд̇агаббанад̇т̇ааяа гагажам̣ ад̇т̇ий’’д̇и. ‘‘гагажам̣ г̇ахзд̇ваа ааг̇ад̇омхи саамий’’д̇и. ‘‘д̇зна хи д̣̇анд̇з гагажзна ганд̇ид̇ваа аад̣̇ааяа г̇ажчаа’’д̇и б̣од̇хисад̇д̇о баад̣̇з самин̃ж̇ид̇ваа г̇онисиннагам̣ нисийд̣̇и. со д̣̇взби аг̇г̇ад̣̇анд̇з чинд̣̇и. б̣од̇хисад̇д̇о д̇з д̣̇анд̇з сон̣д̣ааяа г̇ахзд̇ваа ‘‘бхо буриса, наахам̣ ‘зд̇з д̣̇анд̇аа маяхам̣ аббияаа аманаабаа’д̇и д̣̇амми, имзхи бана мз д̣̇анд̇зхи сад̇аг̇ун̣зна сахассаг̇ун̣зна сад̇асахассаг̇ун̣зна саб̣б̣ад̇хаммабадивзд̇ханасамад̇т̇аа саб̣б̣ан̃н̃уд̇ан̃н̃аан̣ад̣̇анд̇аава бияад̇араа, д̇асса мз ид̣̇ам̣ д̣̇анд̇ад̣̇аанам̣ саб̣б̣ан̃н̃уд̇ан̃н̃аан̣абадивиж̇жханад̇т̇ааяа ход̇уу’’д̇и саб̣б̣ан̃н̃уд̇ан̃н̃аан̣асса аараад̇ханам̣ гад̇ваа д̣̇анд̇аяуг̇алам̣ ад̣̇ааси.
Bodhisatto taṃ disvā ‘‘kimatthaṃ āgatosī’’ti pucchi. ‘‘Ahaṃ, sāmi, duggato kapaṇo jīvituṃ asakkonto tumhe dantakhaṇḍaṃ yācitvā sace dassatha, taṃ ādāya gantvā vikkiṇitvā tena mūlena jīvissāmī’’ti āgatoti. ‘‘Hotu bho, dantaṃ te dassāmi, sace dantakappanatthāya kakacaṃ atthī’’ti. ‘‘Kakacaṃ gahetvā āgatomhi sāmī’’ti. ‘‘Tena hi dante kakacena kantitvā ādāya gacchā’’ti bodhisatto pāde samiñjitvā gonisinnakaṃ nisīdi. So dvepi aggadante chindi. Bodhisatto te dante soṇḍāya gahetvā ‘‘bho purisa, nāhaṃ ‘ete dantā mayhaṃ appiyā amanāpā’ti dammi, imehi pana me dantehi sataguṇena sahassaguṇena satasahassaguṇena sabbadhammapaṭivedhanasamatthā sabbaññutaññāṇadantāva piyatarā, tassa me idaṃ dantadānaṃ sabbaññutaññāṇapaṭivijjhanatthāya hotū’’ti sabbaññutaññāṇassa ārādhanaṃ katvā dantayugalaṃ adāsi.
со д̇ам̣ аад̣̇ааяа г̇анд̇ваа виггин̣ид̇ваа д̇асмим̣ муулз кийн̣з буна б̣од̇хисад̇д̇асса санд̇игам̣ г̇анд̇ваа ‘‘саами, д̇умхаагам̣ д̣̇анд̇з виггин̣ид̇ваа лад̣̇д̇хамуулам̣ маяхам̣ ин̣асод̇ханамад̇д̇амзва ж̇аад̇ам̣, авасзсад̣̇анд̇з д̣̇зт̇аа’’д̇и ааха. б̣од̇хисад̇д̇о ‘‘саад̇хуу’’д̇и бадиссун̣ид̇ваа буриманаязнзва габбаабзд̇ваа авасзсад̣̇анд̇з ад̣̇ааси. со д̇зби виггин̣ид̇ваа буна ааг̇анд̇ваа ‘‘саами, ж̇ийвид̇ум̣ на саггоми, муулад̣̇аатаа мз д̣̇зт̇аа’’д̇и ааха. б̣од̇хисад̇д̇о ‘‘саад̇хуу’’д̇и бадиссун̣ид̇ваа буриманаязнзва нисийд̣̇и. со баабабурисо махаасад̇д̇асса раж̇ад̇ад̣̇аамасад̣̇исам̣ сон̣д̣ам̣ мад̣̇д̣̇амаано гзлаасагуудасад̣̇исам̣ гумбхам̣ абхирухид̇ваа убхо д̣̇анд̇агодияо бан̣хияаа бахаранд̇о мам̣сам̣ вияуухид̇ваа гумбхам̣ ааруяха карагагажзна муулад̣̇аатаа габбзд̇ваа баггаами. б̣од̇хисад̇д̇асса д̣̇ассануубажаарам̣ виж̇аханд̇зязва бана д̇асмим̣ баабабурисз жад̇унахуд̇аад̇хигад̣̇вияож̇анасад̇асахассаб̣ахалаа гханабат̇авий синзруяуг̇анд̇хараад̣̇аяо махаабхаарз д̣̇уг̇г̇анд̇хаж̇зг̇ужчаани г̇уут̇амуд̇д̇аад̣̇ийни жа д̇хаарзд̇ум̣ самад̇т̇ааби д̇асса аг̇ун̣араасим̣ д̇хаарзд̇ум̣ асаггонд̇ий вияа бхиж̇ж̇ид̇ваа виварам̣ ад̣̇ааси. д̇аавад̣̇зва авийжимахаанираяад̇о аг̇г̇иж̇аалаа нигкамид̇ваа д̇ам̣ мид̇д̇ад̣̇уб̣бхибурисам̣ гуласанд̇агзна гамб̣алзна баарубанд̇ий вияа баригкибид̇ваа г̇ан̣хи.
So taṃ ādāya gantvā vikkiṇitvā tasmiṃ mūle khīṇe puna bodhisattassa santikaṃ gantvā ‘‘sāmi, tumhākaṃ dante vikkiṇitvā laddhamūlaṃ mayhaṃ iṇasodhanamattameva jātaṃ, avasesadante dethā’’ti āha. Bodhisatto ‘‘sādhū’’ti paṭissuṇitvā purimanayeneva kappāpetvā avasesadante adāsi. So tepi vikkiṇitvā puna āgantvā ‘‘sāmi, jīvituṃ na sakkomi, mūladāṭhā me dethā’’ti āha. Bodhisatto ‘‘sādhū’’ti paṭissuṇitvā purimanayeneva nisīdi. So pāpapuriso mahāsattassa rajatadāmasadisaṃ soṇḍaṃ maddamāno kelāsakūṭasadisaṃ kumbhaṃ abhiruhitvā ubho dantakoṭiyo paṇhiyā paharanto maṃsaṃ viyūhitvā kumbhaṃ āruyha kharakakacena mūladāṭhā kappetvā pakkāmi. Bodhisattassa dassanūpacāraṃ vijahanteyeva pana tasmiṃ pāpapurise catunahutādhikadviyojanasatasahassabahalā ghanapathavī sineruyugandharādayo mahābhāre duggandhajegucchāni gūthamuttādīni ca dhāretuṃ samatthāpi tassa aguṇarāsiṃ dhāretuṃ asakkontī viya bhijjitvā vivaraṃ adāsi. Tāvadeva avīcimahānirayato aggijālā nikkhamitvā taṃ mittadubbhipurisaṃ kulasantakena kambalena pārupantī viya parikkhipitvā gaṇhi.
звам̣ д̇асса баабабуг̇г̇аласса бат̇авим̣ бавидтагаалз д̇асмим̣ ванасан̣д̣з ад̇хивад̇т̇аа ругкад̣̇звад̇аа ‘‘агад̇ан̃н̃уу мид̇д̇ад̣̇уб̣бхий буг̇г̇ало жаггавад̇д̇ираж̇ж̇ам̣ д̣̇ад̇вааби д̇осзд̇ум̣ на саггаа’’д̇и ванам̣ уннаад̣̇зд̇ваа д̇хаммам̣ д̣̇зсаяамаанаа имам̣ г̇аат̇амааха –
Evaṃ tassa pāpapuggalassa pathaviṃ paviṭṭhakāle tasmiṃ vanasaṇḍe adhivatthā rukkhadevatā ‘‘akataññū mittadubbhī puggalo cakkavattirajjaṃ datvāpi tosetuṃ na sakkā’’ti vanaṃ unnādetvā dhammaṃ desayamānā imaṃ gāthamāha –
72.
72.
‘‘агад̇ан̃н̃усса босасса, нижжам̣ виварад̣̇ассино;
‘‘Akataññussa posassa, niccaṃ vivaradassino;
саб̣б̣ам̣ жз бат̇авим̣ д̣̇аж̇ж̇аа, нзва нам̣ абхираад̇хаяз’’д̇и.
Sabbaṃ ce pathaviṃ dajjā, neva naṃ abhirādhaye’’ti.
д̇ад̇т̇а агад̇ан̃н̃уссаад̇и ад̇д̇ано гад̇аг̇ун̣ам̣ аж̇аананд̇асса. босассаад̇и бурисасса. виварад̣̇ассинод̇и чид̣̇д̣̇амзва огаасамзва ологзнд̇асса. саб̣б̣ам̣ жз бат̇авим̣ д̣̇аж̇ж̇аад̇и сажзби д̇аад̣̇исасса буг̇г̇аласса сагалам̣ жаггавад̇д̇ираж̇ж̇ам̣, имам̣ ваа бана махаабат̇авим̣ баривад̇д̇зд̇ваа бат̇авож̇ам̣ д̣̇ад̣̇зяяа. нзва нам̣ абхираад̇хаязд̇и звам̣ гаронд̇оби зваруубам̣ гад̇аг̇ун̣авид̣̇д̇хам̣сагам̣ гожи барид̇осзд̇ум̣ ваа басаад̣̇зд̇ум̣ ваа на саггун̣зяяаад̇и ад̇т̇о.
Tattha akataññussāti attano kataguṇaṃ ajānantassa. Posassāti purisassa. Vivaradassinoti chiddameva okāsameva olokentassa. Sabbaṃ ce pathaviṃ dajjāti sacepi tādisassa puggalassa sakalaṃ cakkavattirajjaṃ, imaṃ vā pana mahāpathaviṃ parivattetvā pathavojaṃ dadeyya. Neva naṃ abhirādhayeti evaṃ karontopi evarūpaṃ kataguṇaviddhaṃsakaṃ koci paritosetuṃ vā pasādetuṃ vā na sakkuṇeyyāti attho.
звам̣ саа д̣̇звад̇аа ванам̣ уннаад̣̇зд̇ваа д̇хаммам̣ д̣̇зсзси. б̣од̇хисад̇д̇о яаавад̇ааяугам̣ тад̇ваа яат̇аагаммам̣ аг̇амааси.
Evaṃ sā devatā vanaṃ unnādetvā dhammaṃ desesi. Bodhisatto yāvatāyukaṃ ṭhatvā yathākammaṃ agamāsi.
сад̇т̇аа ‘‘на, бхигкавз, д̣̇звад̣̇ад̇д̇о ид̣̇аанзва агад̇ан̃н̃уу, буб̣б̣зби агад̇ан̃н̃ууязваа’’д̇и вад̇ваа имам̣ д̇хаммад̣̇зсанам̣ аахарид̇ваа анусанд̇хим̣ гхадзд̇ваа ж̇аад̇агам̣ самод̇хаанзси ‘‘д̇ад̣̇аа мид̇д̇ад̣̇уб̣бхий буг̇г̇ало д̣̇звад̣̇ад̇д̇о ахоси, ругкад̣̇звад̇аа саарибуд̇д̇о, сийлаванааг̇арааж̇аа бана ахамзва ахоси’’нд̇и.
Satthā ‘‘na, bhikkhave, devadatto idāneva akataññū, pubbepi akataññūyevā’’ti vatvā imaṃ dhammadesanaṃ āharitvā anusandhiṃ ghaṭetvā jātakaṃ samodhānesi ‘‘tadā mittadubbhī puggalo devadatto ahosi, rukkhadevatā sāriputto, sīlavanāgarājā pana ahameva ahosi’’nti.
сийлаванааг̇арааж̇аж̇аад̇агаван̣н̣анаа д̣̇уд̇ияаа.
Sīlavanāgarājajātakavaṇṇanā dutiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 72. сийлавахад̇т̇иж̇аад̇агам̣ • 72. Sīlavahatthijātakaṃ
