| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
10. сийлаванд̇асуд̇д̇ам̣
10. Sīlavantasuttaṃ
122. згам̣ самаяам̣ ааяасмаа жа саарибуд̇д̇о ааяасмаа жа махаагодтиго 1 б̣аараан̣асияам̣ вихаранд̇и исибад̇анз миг̇ад̣̇ааяз. ат̇а ко ааяасмаа махаагодтиго сааяанхасамаяам̣ бадисаллаанаа вудтид̇о язнааяасмаа саарибуд̇д̇о д̇знубасан̇гами…бз… зд̇ад̣̇авожа – ‘‘сийлавад̇аавусо, саарибуд̇д̇а, бхигкунаа гад̇амз д̇хаммаа яонисо манасигаад̇аб̣б̣аа’’д̇и? ‘‘сийлавад̇аавусо, годтига, бхигкунаа бан̃жубаад̣̇аанагканд̇хаа анижжад̇о д̣̇угкад̇о рог̇ад̇о г̇ан̣д̣ад̇о саллад̇о агхад̇о ааб̣аад̇хад̇о барад̇о балогад̇о сун̃н̃ад̇о анад̇д̇ад̇о яонисо манаси гаад̇аб̣б̣аа. гад̇амз бан̃жа? сзяяат̇ид̣̇ам̣ – руубубаад̣̇аанагканд̇хо, взд̣̇анубаад̣̇аанагканд̇хо, сан̃н̃убаад̣̇аанагканд̇хо, сан̇каарубаад̣̇аанагканд̇хо, вин̃н̃аан̣убаад̣̇аанагканд̇хо. сийлавад̇аавусо, годтига, бхигкунаа имз бан̃жубаад̣̇аанагканд̇хаа анижжад̇о д̣̇угкад̇о рог̇ад̇о г̇ан̣д̣ад̇о саллад̇о агхад̇о ааб̣аад̇хад̇о барад̇о балогад̇о сун̃н̃ад̇о анад̇д̇ад̇о яонисо манаси гаад̇аб̣б̣аа. таанам̣ ко банзд̇ам̣, аавусо, виж̇ж̇ад̇и яам̣ сийлаваа бхигку имз бан̃жубаад̣̇аанагканд̇хз анижжад̇о…бз… анад̇д̇ад̇о яонисо манаси гаронд̇о сод̇аабад̇д̇ипалам̣ сажчигарзяяаа’’д̇и.
122. Ekaṃ samayaṃ āyasmā ca sāriputto āyasmā ca mahākoṭṭhiko 2 bārāṇasiyaṃ viharanti isipatane migadāye. Atha kho āyasmā mahākoṭṭhiko sāyanhasamayaṃ paṭisallānā vuṭṭhito yenāyasmā sāriputto tenupasaṅkami…pe… etadavoca – ‘‘sīlavatāvuso, sāriputta, bhikkhunā katame dhammā yoniso manasikātabbā’’ti? ‘‘Sīlavatāvuso, koṭṭhika, bhikkhunā pañcupādānakkhandhā aniccato dukkhato rogato gaṇḍato sallato aghato ābādhato parato palokato suññato anattato yoniso manasi kātabbā. Katame pañca? Seyyathidaṃ – rūpupādānakkhandho, vedanupādānakkhandho, saññupādānakkhandho, saṅkhārupādānakkhandho, viññāṇupādānakkhandho. Sīlavatāvuso, koṭṭhika, bhikkhunā ime pañcupādānakkhandhā aniccato dukkhato rogato gaṇḍato sallato aghato ābādhato parato palokato suññato anattato yoniso manasi kātabbā. Ṭhānaṃ kho panetaṃ, āvuso, vijjati yaṃ sīlavā bhikkhu ime pañcupādānakkhandhe aniccato…pe… anattato yoniso manasi karonto sotāpattiphalaṃ sacchikareyyā’’ti.
‘‘сод̇аабаннзна банаавусо саарибуд̇д̇а, бхигкунаа гад̇амз д̇хаммаа яонисо манаси гаад̇аб̣б̣аа’’д̇и? ‘‘сод̇аабаннзнаби ко, аавусо годтига, бхигкунаа имз бан̃жубаад̣̇аанагканд̇хаа анижжад̇о…бз… анад̇д̇ад̇о яонисо манаси гаад̇аб̣б̣аа. таанам̣ ко банзд̇ам̣, аавусо, виж̇ж̇ад̇и яам̣ сод̇аабанно бхигку имз бан̃жубаад̣̇аанагканд̇хз анижжад̇о…бз… анад̇д̇ад̇о яонисо манаси гаронд̇о сагад̣̇ааг̇аамипалам̣ сажчигарзяяаа’’д̇и.
‘‘Sotāpannena panāvuso sāriputta, bhikkhunā katame dhammā yoniso manasi kātabbā’’ti? ‘‘Sotāpannenapi kho, āvuso koṭṭhika, bhikkhunā ime pañcupādānakkhandhā aniccato…pe… anattato yoniso manasi kātabbā. Ṭhānaṃ kho panetaṃ, āvuso, vijjati yaṃ sotāpanno bhikkhu ime pañcupādānakkhandhe aniccato…pe… anattato yoniso manasi karonto sakadāgāmiphalaṃ sacchikareyyā’’ti.
‘‘сагад̣̇ааг̇ааминаа банаавусо саарибуд̇д̇а, бхигкунаа гад̇амз д̇хаммаа яонисо манаси гаад̇аб̣б̣аа’’д̇и? ‘‘сагад̣̇ааг̇ааминааби ко, аавусо годтига, бхигкунаа имз бан̃жубаад̣̇аанагканд̇хаа анижжад̇о…бз… анад̇д̇ад̇о яонисо манаси гаад̇аб̣б̣аа. таанам̣ ко банзд̇ам̣, аавусо, виж̇ж̇ад̇и яам̣ сагад̣̇ааг̇аамий бхигку имз бан̃жубаад̣̇аанагканд̇хз анижжад̇о…бз… анад̇д̇ад̇о яонисо манаси гаронд̇о анааг̇аамипалам̣ сажчигарзяяаа’’д̇и.
‘‘Sakadāgāminā panāvuso sāriputta, bhikkhunā katame dhammā yoniso manasi kātabbā’’ti? ‘‘Sakadāgāmināpi kho, āvuso koṭṭhika, bhikkhunā ime pañcupādānakkhandhā aniccato…pe… anattato yoniso manasi kātabbā. Ṭhānaṃ kho panetaṃ, āvuso, vijjati yaṃ sakadāgāmī bhikkhu ime pañcupādānakkhandhe aniccato…pe… anattato yoniso manasi karonto anāgāmiphalaṃ sacchikareyyā’’ti.
‘‘анааг̇ааминаа банаавусо саарибуд̇д̇а, бхигкунаа гад̇амз д̇хаммаа яонисо манаси гаад̇аб̣б̣аа’’д̇и? ‘‘анааг̇ааминааби ко, аавусо годтига, бхигкунаа имз бан̃жубаад̣̇аанагканд̇хаа анижжад̇о…бз… анад̇д̇ад̇о яонисо манаси гаад̇аб̣б̣аа. таанам̣ ко банзд̇ам̣, аавусо, виж̇ж̇ад̇и яам̣ анааг̇аамий бхигку имз бан̃жубаад̣̇аанагканд̇хз анижжад̇о…бз… анад̇д̇ад̇о яонисо манаси гаронд̇о арахад̇д̇ам̣ сажчигарзяяаа’’д̇и.
‘‘Anāgāminā panāvuso sāriputta, bhikkhunā katame dhammā yoniso manasi kātabbā’’ti? ‘‘Anāgāmināpi kho, āvuso koṭṭhika, bhikkhunā ime pañcupādānakkhandhā aniccato…pe… anattato yoniso manasi kātabbā. Ṭhānaṃ kho panetaṃ, āvuso, vijjati yaṃ anāgāmī bhikkhu ime pañcupādānakkhandhe aniccato…pe… anattato yoniso manasi karonto arahattaṃ sacchikareyyā’’ti.
‘‘арахад̇аа банаавусо саарибуд̇д̇а, гад̇амз д̇хаммаа яонисо манаси гаад̇аб̣б̣аа’’д̇и? ‘‘арахад̇ааби ко, аавусо годтига, имз бан̃жубаад̣̇аанагканд̇хз анижжад̇о д̣̇угкад̇о рог̇ад̇о г̇ан̣д̣ад̇о саллад̇о агхад̇о ааб̣аад̇хад̇о барад̇о балогад̇о сун̃н̃ад̇о анад̇д̇ад̇о яонисо манаси гаад̇аб̣б̣аа. над̇т̇и, кваавусо, арахад̇о уд̇д̇ари гаран̣ийяам̣ гад̇асса ваа бад̇ижаяо ; аби жа имз д̇хаммаа бхаавид̇аа б̣ахулийгад̇аа д̣̇идтад̇хаммасукавихаараа жзва сам̣вад̇д̇анд̇и сад̇исамбаж̇ан̃н̃аа жаа’’д̇и. д̣̇асамам̣.
‘‘Arahatā panāvuso sāriputta, katame dhammā yoniso manasi kātabbā’’ti? ‘‘Arahatāpi kho, āvuso koṭṭhika, ime pañcupādānakkhandhe aniccato dukkhato rogato gaṇḍato sallato aghato ābādhato parato palokato suññato anattato yoniso manasi kātabbā. Natthi, khvāvuso, arahato uttari karaṇīyaṃ katassa vā paticayo ; api ca ime dhammā bhāvitā bahulīkatā diṭṭhadhammasukhavihārā ceva saṃvattanti satisampajaññā cā’’ti. Dasamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. сийлаванд̇асуд̇д̇аван̣н̣анаа • 10. Sīlavantasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10. сийлаванд̇асуд̇д̇аван̣н̣анаа • 10. Sīlavantasuttavaṇṇanā
