| Library / Tipiṭaka / তিপিটক • Tipiṭaka / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) |
৬. সীলৰন্তসুত্তৰণ্ণনা
6. Sīlavantasuttavaṇṇanā
৪৬. ছট্ঠে তীহি ঠানেহীতি তীহি কারণেহি। কাযেনাতিআদীসু ভিক্খূ আগচ্ছন্তে দিস্ৰা পচ্চুগ্গমনং করোন্তা গচ্ছন্তে অনুগচ্ছন্তা আসনসালায সম্মজ্জনউপলেপনাদীনি করোন্তা আসনানি পঞ্ঞাপেন্তা পানীযং পচ্চুপট্ঠাপেন্তা কাযেন পুঞ্ঞং পসৰন্তি নাম। ভিক্খুসঙ্ঘং পিণ্ডায চরন্তং দিস্ৰা ‘‘যাগুং দেথ, ভত্তং দেথ, সপ্পিনৰনীতাদীনি দেথ, গন্ধপুপ্ফাদীহি পূজেথ, উপোসথং উপৰসথ, ধম্মং সুণাথ, চেতিযং ৰন্দথা’’তিআদীনি ৰদন্তা ৰাচায পুঞ্ঞং পসৰন্তি নাম। ভিক্খূ পিণ্ডায চরন্তে দিস্ৰা ‘‘লভন্তূ’’তি চিন্তেন্তা মনসা পুঞ্ঞং পসৰন্তি নাম। পসৰন্তীতি পটিলভন্তি। পুঞ্ঞং পনেত্থ লোকিযলোকুত্তরমিস্সকং কথিতং।
46. Chaṭṭhe tīhi ṭhānehīti tīhi kāraṇehi. Kāyenātiādīsu bhikkhū āgacchante disvā paccuggamanaṃ karontā gacchante anugacchantā āsanasālāya sammajjanaupalepanādīni karontā āsanāni paññāpentā pānīyaṃ paccupaṭṭhāpentā kāyena puññaṃ pasavanti nāma. Bhikkhusaṅghaṃ piṇḍāya carantaṃ disvā ‘‘yāguṃ detha, bhattaṃ detha, sappinavanītādīni detha, gandhapupphādīhi pūjetha, uposathaṃ upavasatha, dhammaṃ suṇātha, cetiyaṃ vandathā’’tiādīni vadantā vācāya puññaṃ pasavanti nāma. Bhikkhū piṇḍāya carante disvā ‘‘labhantū’’ti cintentā manasā puññaṃ pasavanti nāma. Pasavantīti paṭilabhanti. Puññaṃ panettha lokiyalokuttaramissakaṃ kathitaṃ.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ৬. সীলৰন্তসুত্তং • 6. Sīlavantasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৬. সীলৰন্তসুত্তৰণ্ণনা • 6. Sīlavantasuttavaṇṇanā
