| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
১০. সীলৰন্তসুত্তৰণ্ণনা
10. Sīlavantasuttavaṇṇanā
১২২. আবাধট্ঠেনাতি আদিতো উপ্পত্তিতো পট্ঠায বাধনট্ঠেন রুজনট্ঠেন। অন্তোদোসট্ঠেনাতি অব্ভন্তরে এৰ দুস্সনট্ঠেন কুপ্পনট্ঠেন। খণনট্ঠেনাতি সসনট্ঠেন। দুক্খট্ঠেনাতি দুক্খমত্তা দুক্খভাৰেন। দুক্খঞ্হি লোকে ‘‘অঘ’’ন্তি ৰুচ্চতি অতিৰিয হননতো। ৰিসভাগং …পে॰… পচ্চযট্ঠেনাতি যথাপৰত্তমানানং ধাতাদীনং ৰিসভাগভূতমহাভূতসমুট্ঠানস্স আবাধস্স পচ্চযভাৰেন। অসকট্ঠেনাতি অনত্তনিযতো। পলুজ্জনট্ঠেনাতি পকারতো ভিজ্জনট্ঠেন। সত্তসুঞ্ঞতট্ঠেনাতি সত্তসঙ্খাতঅত্তসুঞ্ঞতট্ঠেন। অত্তাভাৰেনাতি দিট্ঠিগতিকপরিকপ্পিতস্স অত্তনো অভাৰেন। সুঞ্ঞতো অনত্ততোতি এত্থ ‘‘পরতো’’তি পদস্স সঙ্গহো কাতব্বো, তস্মা ‘‘দ্ৰীহি অনত্তমনসিকারো’’তি ৰত্তব্বং।
122.Ābādhaṭṭhenāti ādito uppattito paṭṭhāya bādhanaṭṭhena rujanaṭṭhena. Antodosaṭṭhenāti abbhantare eva dussanaṭṭhena kuppanaṭṭhena. Khaṇanaṭṭhenāti sasanaṭṭhena. Dukkhaṭṭhenāti dukkhamattā dukkhabhāvena. Dukkhañhi loke ‘‘agha’’nti vuccati ativiya hananato. Visabhāgaṃ …pe… paccayaṭṭhenāti yathāpavattamānānaṃ dhātādīnaṃ visabhāgabhūtamahābhūtasamuṭṭhānassa ābādhassa paccayabhāvena. Asakaṭṭhenāti anattaniyato. Palujjanaṭṭhenāti pakārato bhijjanaṭṭhena. Sattasuññataṭṭhenāti sattasaṅkhātaattasuññataṭṭhena. Attābhāvenāti diṭṭhigatikaparikappitassa attano abhāvena. Suññato anattatoti ettha ‘‘parato’’ti padassa saṅgaho kātabbo, tasmā ‘‘dvīhi anattamanasikāro’’ti vattabbaṃ.
সীলৰন্তসুত্তৰণ্ণনা নিট্ঠিতা।
Sīlavantasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ১০. সীলৰন্তসুত্তং • 10. Sīlavantasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১০. সীলৰন্তসুত্তৰণ্ণনা • 10. Sīlavantasuttavaṇṇanā
