| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
६. सीलवन्तसुत्तवण्णना
6. Sīlavantasuttavaṇṇanā
४६. छट्ठे तीहि ठानेहीति तीहि कारणेहि। कायेनातिआदीसु भिक्खू आगच्छन्ते दिस्वा पच्चुग्गमनं करोन्ता गच्छन्ते अनुगच्छन्ता आसनसालाय सम्मज्जनउपलेपनादीनि करोन्ता आसनानि पञ्ञापेन्ता पानीयं पच्चुपट्ठापेन्ता कायेन पुञ्ञं पसवन्ति नाम। भिक्खुसङ्घं पिण्डाय चरन्तं दिस्वा ‘‘यागुं देथ, भत्तं देथ, सप्पिनवनीतादीनि देथ, गन्धपुप्फादीहि पूजेथ, उपोसथं उपवसथ, धम्मं सुणाथ, चेतियं वन्दथा’’तिआदीनि वदन्ता वाचाय पुञ्ञं पसवन्ति नाम। भिक्खू पिण्डाय चरन्ते दिस्वा ‘‘लभन्तू’’ति चिन्तेन्ता मनसा पुञ्ञं पसवन्ति नाम। पसवन्तीति पटिलभन्ति। पुञ्ञं पनेत्थ लोकियलोकुत्तरमिस्सकं कथितं।
46. Chaṭṭhe tīhi ṭhānehīti tīhi kāraṇehi. Kāyenātiādīsu bhikkhū āgacchante disvā paccuggamanaṃ karontā gacchante anugacchantā āsanasālāya sammajjanaupalepanādīni karontā āsanāni paññāpentā pānīyaṃ paccupaṭṭhāpentā kāyena puññaṃ pasavanti nāma. Bhikkhusaṅghaṃ piṇḍāya carantaṃ disvā ‘‘yāguṃ detha, bhattaṃ detha, sappinavanītādīni detha, gandhapupphādīhi pūjetha, uposathaṃ upavasatha, dhammaṃ suṇātha, cetiyaṃ vandathā’’tiādīni vadantā vācāya puññaṃ pasavanti nāma. Bhikkhū piṇḍāya carante disvā ‘‘labhantū’’ti cintentā manasā puññaṃ pasavanti nāma. Pasavantīti paṭilabhanti. Puññaṃ panettha lokiyalokuttaramissakaṃ kathitaṃ.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / ६. सीलवन्तसुत्तं • 6. Sīlavantasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / ६. सीलवन्तसुत्तवण्णना • 6. Sīlavantasuttavaṇṇanā
