| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
१०. सीलवन्तसुत्तवण्णना
10. Sīlavantasuttavaṇṇanā
१२२. आबाधट्ठेनाति आदितो उप्पत्तितो पट्ठाय बाधनट्ठेन रुजनट्ठेन। अन्तोदोसट्ठेनाति अब्भन्तरे एव दुस्सनट्ठेन कुप्पनट्ठेन। खणनट्ठेनाति ससनट्ठेन। दुक्खट्ठेनाति दुक्खमत्ता दुक्खभावेन। दुक्खञ्हि लोके ‘‘अघ’’न्ति वुच्चति अतिविय हननतो। विसभागं …पे॰… पच्चयट्ठेनाति यथापवत्तमानानं धातादीनं विसभागभूतमहाभूतसमुट्ठानस्स आबाधस्स पच्चयभावेन। असकट्ठेनाति अनत्तनियतो। पलुज्जनट्ठेनाति पकारतो भिज्जनट्ठेन। सत्तसुञ्ञतट्ठेनाति सत्तसङ्खातअत्तसुञ्ञतट्ठेन। अत्ताभावेनाति दिट्ठिगतिकपरिकप्पितस्स अत्तनो अभावेन। सुञ्ञतो अनत्ततोति एत्थ ‘‘परतो’’ति पदस्स सङ्गहो कातब्बो, तस्मा ‘‘द्वीहि अनत्तमनसिकारो’’ति वत्तब्बं।
122.Ābādhaṭṭhenāti ādito uppattito paṭṭhāya bādhanaṭṭhena rujanaṭṭhena. Antodosaṭṭhenāti abbhantare eva dussanaṭṭhena kuppanaṭṭhena. Khaṇanaṭṭhenāti sasanaṭṭhena. Dukkhaṭṭhenāti dukkhamattā dukkhabhāvena. Dukkhañhi loke ‘‘agha’’nti vuccati ativiya hananato. Visabhāgaṃ …pe… paccayaṭṭhenāti yathāpavattamānānaṃ dhātādīnaṃ visabhāgabhūtamahābhūtasamuṭṭhānassa ābādhassa paccayabhāvena. Asakaṭṭhenāti anattaniyato. Palujjanaṭṭhenāti pakārato bhijjanaṭṭhena. Sattasuññataṭṭhenāti sattasaṅkhātaattasuññataṭṭhena. Attābhāvenāti diṭṭhigatikaparikappitassa attano abhāvena. Suññato anattatoti ettha ‘‘parato’’ti padassa saṅgaho kātabbo, tasmā ‘‘dvīhi anattamanasikāro’’ti vattabbaṃ.
सीलवन्तसुत्तवण्णना निट्ठिता।
Sīlavantasuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / १०. सीलवन्तसुत्तं • 10. Sīlavantasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / १०. सीलवन्तसुत्तवण्णना • 10. Sīlavantasuttavaṇṇanā
