| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๑๐. สีลวนฺตสุตฺตวณฺณนา
10. Sīlavantasuttavaṇṇanā
๑๒๒. อาพาธเฎฺฐนาติ อาทิโต อุปฺปตฺติโต ปฎฺฐาย พาธนเฎฺฐน รุชนเฎฺฐนฯ อโนฺตโทสเฎฺฐนาติ อพฺภนฺตเร เอว ทุสฺสนเฎฺฐน กุปฺปนเฎฺฐนฯ ขณนเฎฺฐนาติ สสนเฎฺฐนฯ ทุกฺขเฎฺฐนาติ ทุกฺขมตฺตา ทุกฺขภาเวนฯ ทุกฺขญฺหิ โลเก ‘‘อฆ’’นฺติ วุจฺจติ อติวิย หนนโตฯ วิสภาคํ …เป.… ปจฺจยเฎฺฐนาติ ยถาปวตฺตมานานํ ธาตาทีนํ วิสภาคภูตมหาภูตสมุฎฺฐานสฺส อาพาธสฺส ปจฺจยภาเวนฯ อสกเฎฺฐนาติ อนตฺตนิยโตฯ ปลุชฺชนเฎฺฐนาติ ปการโต ภิชฺชนเฎฺฐนฯ สตฺตสุญฺญตเฎฺฐนาติ สตฺตสงฺขาตอตฺตสุญฺญตเฎฺฐนฯ อตฺตาภาเวนาติ ทิฎฺฐิคติกปริกปฺปิตสฺส อตฺตโน อภาเวนฯ สุญฺญโต อนตฺตโตติ เอตฺถ ‘‘ปรโต’’ติ ปทสฺส สงฺคโห กาตโพฺพ, ตสฺมา ‘‘ทฺวีหิ อนตฺตมนสิกาโร’’ติ วตฺตพฺพํฯ
122.Ābādhaṭṭhenāti ādito uppattito paṭṭhāya bādhanaṭṭhena rujanaṭṭhena. Antodosaṭṭhenāti abbhantare eva dussanaṭṭhena kuppanaṭṭhena. Khaṇanaṭṭhenāti sasanaṭṭhena. Dukkhaṭṭhenāti dukkhamattā dukkhabhāvena. Dukkhañhi loke ‘‘agha’’nti vuccati ativiya hananato. Visabhāgaṃ …pe… paccayaṭṭhenāti yathāpavattamānānaṃ dhātādīnaṃ visabhāgabhūtamahābhūtasamuṭṭhānassa ābādhassa paccayabhāvena. Asakaṭṭhenāti anattaniyato. Palujjanaṭṭhenāti pakārato bhijjanaṭṭhena. Sattasuññataṭṭhenāti sattasaṅkhātaattasuññataṭṭhena. Attābhāvenāti diṭṭhigatikaparikappitassa attano abhāvena. Suññato anattatoti ettha ‘‘parato’’ti padassa saṅgaho kātabbo, tasmā ‘‘dvīhi anattamanasikāro’’ti vattabbaṃ.
สีลวนฺตสุตฺตวณฺณนา นิฎฺฐิตาฯ
Sīlavantasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๑๐. สีลวนฺตสุตฺตํ • 10. Sīlavantasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๑๐. สีลวนฺตสุตฺตวณฺณนา • 10. Sīlavantasuttavaṇṇanā
