| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
6. සීලවන්‌තසුත්‌තවණ්‌ණනා
6. Sīlavantasuttavaṇṇanā
46. ඡට්‌ඨෙ තීහි ඨානෙහීති තීහි කාරණෙහි. කායෙනාතිආදීසු භික්‌ඛූ ආගච්‌ඡන්‌තෙ දිස්‌වා පච්‌චුග්‌ගමනං කරොන්‌තා ගච්‌ඡන්‌තෙ අනුගච්‌ඡන්‌තා ආසනසාලාය සම්‌මජ්‌ජනඋපලෙපනාදීනි කරොන්‌තා ආසනානි පඤ්‌ඤාපෙන්‌තා පානීයං පච්‌චුපට්‌ඨාපෙන්‌තා කායෙන පුඤ්‌ඤං පසවන්‌ති නාම. භික්‌ඛුසඞ්‌ඝං පිණ්‌ඩාය චරන්‌තං දිස්‌වා ‘‘යාගුං දෙථ, භත්‌තං දෙථ, සප්‌පිනවනීතාදීනි දෙථ, ගන්‌ධපුප්‌ඵාදීහි පූජෙථ, උපොසථං උපවසථ, ධම්‌මං සුණාථ, චෙතියං වන්‌දථා’’තිආදීනි වදන්‌තා වාචාය පුඤ්‌ඤං පසවන්‌ති නාම. භික්‌ඛූ පිණ්‌ඩාය චරන්‌තෙ දිස්‌වා ‘‘ලභන්‌තූ’’ති චින්‌තෙන්‌තා මනසා පුඤ්‌ඤං පසවන්‌ති නාම. පසවන්‌තීති පටිලභන්‌ති. පුඤ්‌ඤං පනෙත්‌ථ ලොකියලොකුත්‌තරමිස්‌සකං කථිතං.
46. Chaṭṭhe tīhi ṭhānehīti tīhi kāraṇehi. Kāyenātiādīsu bhikkhū āgacchante disvā paccuggamanaṃ karontā gacchante anugacchantā āsanasālāya sammajjanaupalepanādīni karontā āsanāni paññāpentā pānīyaṃ paccupaṭṭhāpentā kāyena puññaṃ pasavanti nāma. Bhikkhusaṅghaṃ piṇḍāya carantaṃ disvā ‘‘yāguṃ detha, bhattaṃ detha, sappinavanītādīni detha, gandhapupphādīhi pūjetha, uposathaṃ upavasatha, dhammaṃ suṇātha, cetiyaṃ vandathā’’tiādīni vadantā vācāya puññaṃ pasavanti nāma. Bhikkhū piṇḍāya carante disvā ‘‘labhantū’’ti cintentā manasā puññaṃ pasavanti nāma. Pasavantīti paṭilabhanti. Puññaṃ panettha lokiyalokuttaramissakaṃ kathitaṃ.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 6. සීලවන්‌තසුත්‌තං • 6. Sīlavantasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 6. සීලවන්‌තසුත්‌තවණ්‌ණනා • 6. Sīlavantasuttavaṇṇanā
