| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
10. සීලවන්‌තසුත්‌තවණ්‌ණනා
10. Sīlavantasuttavaṇṇanā
122. ආබාධට්‌ඨෙනාති ආදිතො උප්‌පත්‌තිතො පට්‌ඨාය බාධනට්‌ඨෙන රුජනට්‌ඨෙන. අන්‌තොදොසට්‌ඨෙනාති අබ්‌භන්‌තරෙ එව දුස්‌සනට්‌ඨෙන කුප්‌පනට්‌ඨෙන. ඛණනට්‌ඨෙනාති සසනට්‌ඨෙන. දුක්‌ඛට්‌ඨෙනාති දුක්‌ඛමත්‌තා දුක්‌ඛභාවෙන. දුක්‌ඛඤ්‌හි ලොකෙ ‘‘අඝ’’න්‌ති වුච්‌චති අතිවිය හනනතො. විසභාගං …පෙ.… පච්‌චයට්‌ඨෙනාති යථාපවත්‌තමානානං ධාතාදීනං විසභාගභූතමහාභූතසමුට්‌ඨානස්‌ස ආබාධස්‌ස පච්‌චයභාවෙන. අසකට්‌ඨෙනාති අනත්‌තනියතො. පලුජ්‌ජනට්‌ඨෙනාති පකාරතො භිජ්‌ජනට්‌ඨෙන. සත්‌තසුඤ්‌ඤතට්‌ඨෙනාති සත්‌තසඞ්‌ඛාතඅත්‌තසුඤ්‌ඤතට්‌ඨෙන. අත්‌තාභාවෙනාති දිට්‌ඨිගතිකපරිකප්‌පිතස්‌ස අත්‌තනො අභාවෙන. සුඤ්‌ඤතො අනත්‌තතොති එත්‌ථ ‘‘පරතො’’ති පදස්‌ස සඞ්‌ගහො කාතබ්‌බො, තස්‌මා ‘‘ද්‌වීහි අනත්‌තමනසිකාරො’’ති වත්‌තබ්‌බං.
122.Ābādhaṭṭhenāti ādito uppattito paṭṭhāya bādhanaṭṭhena rujanaṭṭhena. Antodosaṭṭhenāti abbhantare eva dussanaṭṭhena kuppanaṭṭhena. Khaṇanaṭṭhenāti sasanaṭṭhena. Dukkhaṭṭhenāti dukkhamattā dukkhabhāvena. Dukkhañhi loke ‘‘agha’’nti vuccati ativiya hananato. Visabhāgaṃ …pe… paccayaṭṭhenāti yathāpavattamānānaṃ dhātādīnaṃ visabhāgabhūtamahābhūtasamuṭṭhānassa ābādhassa paccayabhāvena. Asakaṭṭhenāti anattaniyato. Palujjanaṭṭhenāti pakārato bhijjanaṭṭhena. Sattasuññataṭṭhenāti sattasaṅkhātaattasuññataṭṭhena. Attābhāvenāti diṭṭhigatikaparikappitassa attano abhāvena. Suññato anattatoti ettha ‘‘parato’’ti padassa saṅgaho kātabbo, tasmā ‘‘dvīhi anattamanasikāro’’ti vattabbaṃ.
සීලවන්‌තසුත්‌තවණ්‌ණනා නිට්‌ඨිතා.
Sīlavantasuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 10. සීලවන්‌තසුත්‌තං • 10. Sīlavantasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 10. සීලවන්‌තසුත්‌තවණ්‌ණනා • 10. Sīlavantasuttavaṇṇanā
