| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༡༠. སཱིལཝནྟསུཏྟཝཎྞནཱ
10. Sīlavantasuttavaṇṇanā
༡༢༢. ཨཱབཱདྷཊྛེནཱཏི ཨཱདིཏོ ཨུཔྤཏྟིཏོ པཊྛཱཡ བཱདྷནཊྛེན རུཛནཊྛེན། ཨནྟོདོསཊྛེནཱཏི ཨབྦྷནྟརེ ཨེཝ དུསྶནཊྛེན ཀུཔྤནཊྛེན། ཁཎནཊྛེནཱཏི སསནཊྛེན། དུཀྑཊྛེནཱཏི དུཀྑམཏྟཱ དུཀྑབྷཱཝེན། དུཀྑཉྷི ལོཀེ ‘‘ཨགྷ’’ནྟི ཝུཙྩཏི ཨཏིཝིཡ ཧནནཏོ། ཝིསབྷཱགཾ …པེ॰… པཙྩཡཊྛེནཱཏི ཡཐཱཔཝཏྟམཱནཱནཾ དྷཱཏཱདཱིནཾ ཝིསབྷཱགབྷཱུཏམཧཱབྷཱུཏསམུཊྛཱནསྶ ཨཱབཱདྷསྶ པཙྩཡབྷཱཝེན། ཨསཀཊྛེནཱཏི ཨནཏྟནིཡཏོ། པལུཛྫནཊྛེནཱཏི པཀཱརཏོ བྷིཛྫནཊྛེན། སཏྟསུཉྙཏཊྛེནཱཏི སཏྟསངྑཱཏཨཏྟསུཉྙཏཊྛེན། ཨཏྟཱབྷཱཝེནཱཏི དིཊྛིགཏིཀཔརིཀཔྤིཏསྶ ཨཏྟནོ ཨབྷཱཝེན། སུཉྙཏོ ཨནཏྟཏོཏི ཨེཏྠ ‘‘པརཏོ’’ཏི པདསྶ སངྒཧོ ཀཱཏབྦོ, ཏསྨཱ ‘‘དྭཱིཧི ཨནཏྟམནསིཀཱརོ’’ཏི ཝཏྟབྦཾ།
122.Ābādhaṭṭhenāti ādito uppattito paṭṭhāya bādhanaṭṭhena rujanaṭṭhena. Antodosaṭṭhenāti abbhantare eva dussanaṭṭhena kuppanaṭṭhena. Khaṇanaṭṭhenāti sasanaṭṭhena. Dukkhaṭṭhenāti dukkhamattā dukkhabhāvena. Dukkhañhi loke ‘‘agha’’nti vuccati ativiya hananato. Visabhāgaṃ …pe… paccayaṭṭhenāti yathāpavattamānānaṃ dhātādīnaṃ visabhāgabhūtamahābhūtasamuṭṭhānassa ābādhassa paccayabhāvena. Asakaṭṭhenāti anattaniyato. Palujjanaṭṭhenāti pakārato bhijjanaṭṭhena. Sattasuññataṭṭhenāti sattasaṅkhātaattasuññataṭṭhena. Attābhāvenāti diṭṭhigatikaparikappitassa attano abhāvena. Suññato anattatoti ettha ‘‘parato’’ti padassa saṅgaho kātabbo, tasmā ‘‘dvīhi anattamanasikāro’’ti vattabbaṃ.
སཱིལཝནྟསུཏྟཝཎྞནཱ ནིཊྛིཏཱ།
Sīlavantasuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༡༠. སཱིལཝནྟསུཏྟཾ • 10. Sīlavantasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༡༠. སཱིལཝནྟསུཏྟཝཎྞནཱ • 10. Sīlavantasuttavaṇṇanā
