| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
12. д̣̇ваад̣̇асаганибаад̇о
12. Dvādasakanipāto
1. сийлавад̇т̇зраг̇аат̇ааван̣н̣анаа
1. Sīlavattheragāthāvaṇṇanā
д̣̇ваад̣̇асаганибаад̇з сийламзваад̇иаад̣̇игаа ааяасмад̇о сийлавад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяам̣ гусалам̣ убажинид̇ваа имасмим̣ б̣уд̣̇д̇хуббаад̣̇з рааж̇аг̇ахз б̣имб̣исаараран̃н̃о буд̇д̇о худ̇ваа ниб̣б̣ад̇д̇и, сийлаваад̇исса наамам̣ ахоси. д̇ам̣ ваяаббад̇д̇ам̣ рааж̇аа аж̇аад̇асад̇д̇у маарзд̇угаамо жан̣д̣ам̣ мад̇д̇ахад̇т̇им̣ ааробзд̇ваа наанаавид̇хзхи убааязхи убаггаманд̇оби маарзд̇ум̣ наасагки бажчимабхавигасса арахад̇д̇ам̣ аббад̇ваа анд̇араа ж̇ийвид̇анд̇арааяаабхаавад̇о. д̇асса бавад̇д̇им̣ д̣̇исваа бхаг̇аваа махаамог̇г̇аллаанад̇т̇зрам̣ аан̣аабзси – ‘‘сийлавагумаарам̣ аанзхий’’д̇и. т̇зро ид̣̇д̇хиб̣алзна сад̣̇д̇хим̣ хад̇т̇инаа д̇ам̣ аанзси. гумааро хад̇т̇ид̇о оруяха бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. бхаг̇аваа д̇асса аж̇жхаасаяаануруубам̣ д̇хаммам̣ д̣̇зсзси. со д̇хаммам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа вибассанааяа гаммам̣ гаронд̇о нажирассзва арахад̇д̇ам̣ бад̇ваа госаларадтз васад̇и. ат̇а нам̣ аж̇аад̇асад̇д̇у ‘‘маарзт̇аа’’д̇и бурисз аан̣аабзси. д̇з т̇зрасса санд̇игам̣ г̇анд̇ваа тид̇аа т̇зрзна гат̇ид̇ам̣ д̇хаммагат̇ам̣ суд̇ваа сан̃ж̇аад̇асам̣взг̇аа басаннажид̇д̇аа худ̇ваа баб̣б̣аж̇им̣су. т̇зро д̇зсам̣ –
Dvādasakanipāte sīlamevātiādikā āyasmato sīlavattherassa gāthā. Kā uppatti? Ayampi purimabuddhesu katādhikāro tattha tattha bhave vivaṭṭūpanissayaṃ kusalaṃ upacinitvā imasmiṃ buddhuppāde rājagahe bimbisārarañño putto hutvā nibbatti, sīlavātissa nāmaṃ ahosi. Taṃ vayappattaṃ rājā ajātasattu māretukāmo caṇḍaṃ mattahatthiṃ āropetvā nānāvidhehi upāyehi upakkamantopi māretuṃ nāsakkhi pacchimabhavikassa arahattaṃ appatvā antarā jīvitantarāyābhāvato. Tassa pavattiṃ disvā bhagavā mahāmoggallānattheraṃ āṇāpesi – ‘‘sīlavakumāraṃ ānehī’’ti. Thero iddhibalena saddhiṃ hatthinā taṃ ānesi. Kumāro hatthito oruyha bhagavantaṃ abhivādetvā ekamantaṃ nisīdi. Bhagavā tassa ajjhāsayānurūpaṃ dhammaṃ desesi. So dhammaṃ sutvā paṭiladdhasaddho pabbajitvā vipassanāya kammaṃ karonto nacirasseva arahattaṃ patvā kosalaraṭṭhe vasati. Atha naṃ ajātasattu ‘‘mārethā’’ti purise āṇāpesi. Te therassa santikaṃ gantvā ṭhitā therena kathitaṃ dhammakathaṃ sutvā sañjātasaṃvegā pasannacittā hutvā pabbajiṃsu. Thero tesaṃ –
608.
608.
‘‘сийламзвид̇ха сигкзт̇а, асмим̣ логз сусигкид̇ам̣.
‘‘Sīlamevidha sikkhetha, asmiṃ loke susikkhitaṃ.
сийлан̃хи саб̣б̣асамбад̇д̇им̣, убанаамзд̇и сзвид̇ам̣.
Sīlañhi sabbasampattiṃ, upanāmeti sevitaṃ.
609.
609.
‘‘сийлам̣ рагкзяяа мзд̇хаавий, бад̇т̇аяаано д̇аяо сукз;
‘‘Sīlaṃ rakkheyya medhāvī, patthayāno tayo sukhe;
басам̣сам̣ вид̇д̇илаабхан̃жа, бзжжа саг̇г̇з бамод̣̇анам̣.
Pasaṃsaṃ vittilābhañca, pecca sagge pamodanaṃ.
610.
610.
‘‘сийлаваа хи б̣ахуу мид̇д̇з, сан̃н̃амзнаад̇хиг̇ажчад̇и;
‘‘Sīlavā hi bahū mitte, saññamenādhigacchati;
д̣̇уссийло бана мид̇д̇зхи, д̇хам̣сад̇з баабамаажарам̣.
Dussīlo pana mittehi, dhaṃsate pāpamācaraṃ.
611.
611.
‘‘аван̣н̣ан̃жа агид̇д̇ин̃жа, д̣̇уссийло лабхад̇з наро;
‘‘Avaṇṇañca akittiñca, dussīlo labhate naro;
ван̣н̣ам̣ гид̇д̇им̣ басам̣сан̃жа, сад̣̇аа лабхад̇и сийлаваа.
Vaṇṇaṃ kittiṃ pasaṃsañca, sadā labhati sīlavā.
612.
612.
‘‘аад̣̇и сийлам̣ бад̇идтаа жа, галяаан̣аанан̃жа маад̇угам̣;
‘‘Ādi sīlaṃ patiṭṭhā ca, kalyāṇānañca mātukaṃ;
бамукам̣ саб̣б̣ад̇хаммаанам̣, д̇асмаа сийлам̣ висод̇хаяз.
Pamukhaṃ sabbadhammānaṃ, tasmā sīlaṃ visodhaye.
613.
613.
‘‘взлаа жа сам̣варам̣ сийлам̣, жид̇д̇асса абхихаасанам̣;
‘‘Velā ca saṃvaraṃ sīlaṃ, cittassa abhihāsanaṃ;
д̇ид̇т̇ан̃жа саб̣б̣аб̣уд̣̇д̇хаанам̣, д̇асмаа сийлам̣ висод̇хаяз.
Titthañca sabbabuddhānaṃ, tasmā sīlaṃ visodhaye.
614.
614.
‘‘сийлам̣ б̣алам̣ аббадимам̣, сийлам̣ аавуд̇хамуд̇д̇амам̣;
‘‘Sīlaṃ balaṃ appaṭimaṃ, sīlaṃ āvudhamuttamaṃ;
сийламаабхаран̣ам̣ сздтам̣, сийлам̣ гаважамаб̣бхуд̇ам̣.
Sīlamābharaṇaṃ seṭṭhaṃ, sīlaṃ kavacamabbhutaṃ.
615.
615.
‘‘сийлам̣ сзд̇у махзсагко, сийлам̣ г̇анд̇хо ануд̇д̇аро;
‘‘Sīlaṃ setu mahesakkho, sīlaṃ gandho anuttaro;
сийлам̣ вилзбанам̣ сздтам̣, язна ваад̇и д̣̇исод̣̇исам̣.
Sīlaṃ vilepanaṃ seṭṭhaṃ, yena vāti disodisaṃ.
616.
616.
‘‘сийлам̣ самб̣аламзваг̇г̇ам̣, сийлам̣ баат̇зяяамуд̇д̇амам̣;
‘‘Sīlaṃ sambalamevaggaṃ, sīlaṃ pātheyyamuttamaṃ;
сийлам̣ сздто ад̇иваахо, язна яаад̇и д̣̇исод̣̇исам̣.
Sīlaṃ seṭṭho ativāho, yena yāti disodisaṃ.
617.
617.
‘‘ид̇хзва нинд̣̇ам̣ лабхад̇и, бзжжаабааяз жа д̣̇уммано;
‘‘Idheva nindaṃ labhati, peccāpāye ca dummano;
саб̣б̣ад̇т̇а д̣̇уммано б̣аало, сийлзсу асамаахид̇о.
Sabbattha dummano bālo, sīlesu asamāhito.
618.
618.
‘‘ид̇хзва гид̇д̇им̣ лабхад̇и, бзжжа саг̇г̇з жа суммано;
‘‘Idheva kittiṃ labhati, pecca sagge ca summano;
саб̣б̣ад̇т̇а сумано д̇хийро, сийлзсу сусамаахид̇о.
Sabbattha sumano dhīro, sīlesu susamāhito.
619.
619.
‘‘сийламзва ид̇ха аг̇г̇ам̣, бан̃н̃аваа бана уд̇д̇амо;
‘‘Sīlameva idha aggaṃ, paññavā pana uttamo;
мануссзсу жа д̣̇звзсу, сийлабан̃н̃аан̣ад̇о ж̇аяа’’нд̇и. –
Manussesu ca devesu, sīlapaññāṇato jaya’’nti. –
имаахи г̇аат̇аахи д̇хаммам̣ д̣̇зсзси.
Imāhi gāthāhi dhammaṃ desesi.
д̇ад̇т̇а сийламзвид̇ха сигкзт̇а, асмим̣ логзд̇и ид̇хаад̇и, нибаад̇амад̇д̇ам̣, имасмим̣ сад̇д̇алогз ад̇т̇агаамо гулабуд̇д̇о жаарид̇д̇аваарид̇д̇аад̣̇ибхзд̣̇ам̣ аад̣̇ид̇о сийламзва сигкзяяа, сигканд̇о жа нам̣ сусигкид̇ам̣ акан̣д̣аад̣̇ибхааваабаад̣̇анзна судту сигкид̇ам̣ субарисуд̣̇д̇хам̣ барибун̣н̣ан̃жа гад̇ваа сигкзяяа. асмим̣ логзд̇и ваа имасмим̣ сан̇кааралогз сигкид̇аб̣б̣ад̇хаммзсу сийлам̣ аад̣̇ид̇о сигкзяяа. д̣̇идтисамбад̇д̇ияааби сийласса бад̇идтаабхаавад̇о ааха ‘‘сийлам̣ хий’’д̇иаад̣̇и. д̇ад̇т̇а хийд̇и гааран̣аважанам̣. яасмаа сийлам̣ сзвид̇ам̣ барижид̇ам̣ рагкид̇ам̣ мануссасамбад̇д̇и, д̣̇иб̣б̣асамбад̇д̇и, ниб̣б̣аанасамбад̇д̇ийд̇и зд̇ам̣ саб̣б̣асамбад̇д̇им̣ д̇ам̣саман̇г̇ино сад̇д̇асса убанаамзд̇и аавахад̇и.
Tattha sīlamevidha sikkhetha, asmiṃ loketi idhāti, nipātamattaṃ, imasmiṃ sattaloke atthakāmo kulaputto cārittavārittādibhedaṃ ādito sīlameva sikkheyya, sikkhanto ca naṃ susikkhitaṃ akhaṇḍādibhāvāpādanena suṭṭhu sikkhitaṃ suparisuddhaṃ paripuṇṇañca katvā sikkheyya. Asmiṃloketi vā imasmiṃ saṅkhāraloke sikkhitabbadhammesu sīlaṃ ādito sikkheyya. Diṭṭhisampattiyāpi sīlassa patiṭṭhābhāvato āha ‘‘sīlaṃ hī’’tiādi. Tattha hīti kāraṇavacanaṃ. Yasmā sīlaṃ sevitaṃ paricitaṃ rakkhitaṃ manussasampatti, dibbasampatti, nibbānasampattīti etaṃ sabbasampattiṃ taṃsamaṅgino sattassa upanāmeti āvahati.
сийлам̣ саб̣б̣асамбад̇д̇им̣ убанаамзд̇ийд̇и сан̇кзбад̇о вуд̇д̇амад̇т̇ам̣ вид̇т̇аарад̇о д̣̇ассзнд̇о ‘‘сийлам̣ рагкзяяаа’’д̇иаад̣̇имааха. д̇ад̇т̇а рагкзяяаад̇и г̇обзяяа. баан̣аад̇ибаад̇аад̣̇ид̇о хи вираманд̇о вад̇д̇абадивад̇д̇ан̃жа буурзнд̇о бадибагкаабхибхаванад̇о д̇ам̣ рагкад̇и наама. мзд̇хаавийд̇и бан̃н̃аваа, ид̣̇ам̣ д̇асса рагканубааяад̣̇ассанам̣ н̃аан̣аб̣алзна хисса самаад̣̇аанам̣ авигобанан̃жа ход̇и. бад̇т̇аяаанод̇и ижчанд̇о. д̇аяо сукзд̇и д̇ийн̣и сукаани. суканимид̇д̇ам̣ ваа ‘‘сука’’нд̇и ад̇хиббзд̇ам̣. басам̣санд̇и гид̇д̇им̣, вин̃н̃уухи ваа басам̣санам̣. вид̇д̇илаабханд̇и д̇удтилаабхам̣. ‘‘вид̇д̇алаабха’’нд̇и жа батанд̇и, д̇ханалаабханд̇и ад̇т̇о. сийлаваа хи аббамад̇д̇ад̇ааяа маханд̇ам̣ бхог̇агканд̇хам̣ ад̇хиг̇ажчад̇и. бзжжаад̇и гаалан̇гад̇ваа. саг̇г̇з бамод̣̇ананд̇и д̣̇звалогз идтзхи гаамаг̇ун̣зхи, мод̣̇анан̃жа бад̇т̇аяамаанод̇и самб̣анд̇хо. ид̇халогз басам̣сам̣ вид̇д̇илаабхам̣ баралогз д̣̇иб̣б̣асамбад̇д̇ияаа мод̣̇анан̃жа ижчанд̇о сийлам̣ рагкзяяаад̇и яож̇анаа.
Sīlaṃ sabbasampattiṃ upanāmetīti saṅkhepato vuttamatthaṃ vitthārato dassento ‘‘sīlaṃ rakkheyyā’’tiādimāha. Tattha rakkheyyāti gopeyya. Pāṇātipātādito hi viramanto vattapaṭivattañca pūrento paṭipakkhābhibhavanato taṃ rakkhati nāma. Medhāvīti paññavā, idaṃ tassa rakkhanupāyadassanaṃ ñāṇabalena hissa samādānaṃ avikopanañca hoti. Patthayānoti icchanto. Tayo sukheti tīṇi sukhāni. Sukhanimittaṃ vā ‘‘sukha’’nti adhippetaṃ. Pasaṃsanti kittiṃ, viññūhi vā pasaṃsanaṃ. Vittilābhanti tuṭṭhilābhaṃ. ‘‘Vittalābha’’nti ca paṭhanti, dhanalābhanti attho. Sīlavā hi appamattatāya mahantaṃ bhogakkhandhaṃ adhigacchati. Peccāti kālaṅkatvā. Sagge pamodananti devaloke iṭṭhehi kāmaguṇehi, modanañca patthayamānoti sambandho. Idhaloke pasaṃsaṃ vittilābhaṃ paraloke dibbasampattiyā modanañca icchanto sīlaṃ rakkheyyāti yojanā.
сан̃н̃амзнаад̇и гааяаад̣̇ийнам̣ сам̣яамзна. сам̣яад̇о хи гааяад̣̇ужжарид̇аад̣̇ийхи ган̃жи авихзтзнд̇о абхаяад̣̇аанам̣ д̣̇ад̣̇анд̇о бияаманаабад̇ааяа мид̇д̇аани г̇ант̇ад̇и. д̇хам̣сад̇зд̇и абзд̇и. баабамаажаранд̇и баан̣аад̇ибаад̇аад̣̇ибаабагаммам̣ гаронд̇о. д̣̇уссийлан̃хи буг̇г̇алам̣ ад̇т̇агаамаа сад̇д̇аа на бхаж̇анд̇и, ан̃н̃ад̣̇ад̇т̇у бариваж̇ж̇знд̇и.
Saññamenāti kāyādīnaṃ saṃyamena. Saṃyato hi kāyaduccaritādīhi kañci aviheṭhento abhayadānaṃ dadanto piyamanāpatāya mittāni ganthati. Dhaṃsateti apeti. Pāpamācaranti pāṇātipātādipāpakammaṃ karonto. Dussīlañhi puggalaṃ atthakāmā sattā na bhajanti, aññadatthu parivajjenti.
аван̣н̣анд̇и аг̇ун̣ам̣, саммукаа г̇арахам̣ ваа. агид̇д̇инд̇и, аяасам̣ асилогам̣. ван̣н̣анд̇и г̇ун̣ам̣. гид̇д̇инд̇и силогам̣ бад̇т̇адаяасад̇ам̣. басам̣санд̇и саммукаа т̇оманам̣.
Avaṇṇanti aguṇaṃ, sammukhā garahaṃ vā. Akittinti, ayasaṃ asilokaṃ. Vaṇṇanti guṇaṃ. Kittinti silokaṃ patthaṭayasataṃ. Pasaṃsanti sammukhā thomanaṃ.
аад̣̇ийд̇и муулам̣. сийлан̃хи гусалаанам̣ д̇хаммаанам̣ аад̣̇и. яат̇ааха – ‘‘д̇асмаад̇иха д̇вам̣, бхигку, аад̣̇имзва висод̇хзхи гусалзсу д̇хаммзсу. го жаад̣̇и гусалаанам̣ д̇хаммаанам̣? сийлан̃жа сувисуд̣̇д̇ха’’нд̇и (сам̣. ни. 5.369). бад̇идтаад̇и ад̇хидтаанам̣. сийлан̃хи саб̣б̣зсам̣ уд̇д̇аримануссад̇хаммаанам̣ бад̇идтаа. д̇знааха – ‘‘сийлз бад̇идтааяаа’’д̇иаад̣̇и (сам̣. ни. 1.23; 192; бздаго. 22; ми. ба. 2.1.9). галяаан̣аанан̃жа маад̇уганд̇и самат̇авибассанаад̣̇ийнам̣ галяаан̣ад̇хаммаанам̣ маад̇убхууд̇ам̣ , ж̇анаганд̇и, ад̇т̇о. бамукам̣ саб̣б̣ад̇хаммаананд̇и, саб̣б̣зсам̣ баамож̇ж̇аад̣̇ийнам̣ анаваж̇ж̇ад̇хаммаанам̣ бамукам̣ мукабхууд̇ам̣, бавад̇д̇ид̣̇вааранд̇и ад̇т̇о. д̇асмаад̇и аад̣̇ибхааваад̣̇ид̇о. висод̇хаязд̇и агкан̣д̣аад̣̇ибхаавзна самбаад̣̇зяяа.
Ādīti mūlaṃ. Sīlañhi kusalānaṃ dhammānaṃ ādi. Yathāha – ‘‘tasmātiha tvaṃ, bhikkhu, ādimeva visodhehi kusalesu dhammesu. Ko cādi kusalānaṃ dhammānaṃ? Sīlañca suvisuddha’’nti (saṃ. ni. 5.369). Patiṭṭhāti adhiṭṭhānaṃ. Sīlañhi sabbesaṃ uttarimanussadhammānaṃ patiṭṭhā. Tenāha – ‘‘sīle patiṭṭhāyā’’tiādi (saṃ. ni. 1.23; 192; peṭako. 22; mi. pa. 2.1.9). Kalyāṇānañca mātukanti samathavipassanādīnaṃ kalyāṇadhammānaṃ mātubhūtaṃ , janakanti, attho. Pamukhaṃ sabbadhammānanti, sabbesaṃ pāmojjādīnaṃ anavajjadhammānaṃ pamukhaṃ mukhabhūtaṃ, pavattidvāranti attho. Tasmāti ādibhāvādito. Visodhayeti akkhaṇḍādibhāvena sampādeyya.
взлаад̇и д̣̇ужжарид̇зхи анад̇иггаманийяадтзна взлаа, сиймаад̇и ад̇т̇о . взлааяад̇и ваа д̣̇уссиляам̣ жалаяад̇и вид̣̇д̇хам̣сзд̇ийд̇и взлаа. сам̣варам̣ сийлам̣ гааяад̣̇ужжарид̇аад̣̇ийнам̣ уббад̇д̇ид̣̇ваарасса бид̣̇аханад̇о. абхихаасананд̇и д̇осанам̣ авиббадисаарахзд̇уд̇ааяа жид̇д̇ассаабхиббамод̣̇анад̇о. д̇ид̇т̇ан̃жа саб̣б̣аб̣уд̣̇д̇хаананд̇и саавагаб̣уд̣̇д̇хаа, бажжзгаб̣уд̣̇д̇хаа, саммаасамб̣уд̣̇д̇хаад̇и саб̣б̣зсам̣ б̣уд̣̇д̇хаанам̣ гилзсамалаббавааханз ниб̣б̣аанамахаасамуд̣̇д̣̇ааваг̇аахан̣з жа д̇ид̇т̇абхууд̇ан̃жа.
Velāti duccaritehi anatikkamanīyaṭṭhena velā, sīmāti attho . Velāyati vā dussilyaṃ calayati viddhaṃsetīti velā. Saṃvaraṃ sīlaṃ kāyaduccaritādīnaṃ uppattidvārassa pidahanato. Abhihāsananti tosanaṃ avippaṭisārahetutāya cittassābhippamodanato. Titthañca sabbabuddhānanti sāvakabuddhā, paccekabuddhā, sammāsambuddhāti sabbesaṃ buddhānaṃ kilesamalappavāhane nibbānamahāsamuddāvagāhaṇe ca titthabhūtañca.
сийлам̣ б̣алам̣ аббадиманд̇и маарасзнаббамад̣̇д̣̇анз асад̣̇исам̣ б̣алам̣ сзнаат̇аамо жа. аавуд̇хамуд̇д̇аманд̇и сам̣гилзсад̇хаммаанам̣ чзд̣̇анз уд̇д̇амам̣ бахаран̣ам̣. г̇ун̣асарийробасобханадтзна аабхаран̣ам̣. сздтанд̇и саб̣б̣агаалам̣ уд̇д̇амам̣ д̣̇аб̣б̣ан̃жа. сабаан̣абарид̇д̇аанад̇о гаважамаб̣бхуд̇ам̣. ‘‘аб̣бхид̣̇а’’нд̇и жа батанд̇и, абхзж̇ж̇анд̇и ад̇т̇о.
Sīlaṃ balaṃ appaṭimanti mārasenappamaddane asadisaṃ balaṃ senāthāmo ca. Āvudhamuttamanti saṃkilesadhammānaṃ chedane uttamaṃ paharaṇaṃ. Guṇasarīropasobhanaṭṭhena ābharaṇaṃ. Seṭṭhanti sabbakālaṃ uttamaṃ dabbañca. Sapāṇaparittānato kavacamabbhutaṃ. ‘‘Abbhida’’nti ca paṭhanti, abhejjanti attho.
абааяамахогхаад̇иггаманз сам̣саарамахогхаад̇иггаманз жа гилзсзхи асам̣сийд̣̇анадтзна сзд̇у. махзсагкод̇и махаб̣б̣ало. г̇анд̇хо ануд̇д̇арод̇и бадиваад̇ам̣ саб̣б̣ад̣̇исаасу вааяанад̇о ануд̇д̇аро г̇анд̇хо саб̣б̣аж̇анаманохарад̇д̇аа. д̇знааха ‘‘язна ваад̇и д̣̇исод̣̇иса’’нд̇и язна сийлаг̇анд̇хзна д̇ам̣саман̇г̇ий д̣̇исод̣̇исам̣ саб̣б̣аа д̣̇исаа вааяад̇и. ‘‘д̣̇исод̣̇исаа’’д̇иби баал̣и, д̣̇аса д̣̇исаад̇и ад̇т̇о.
Apāyamahoghātikkamane saṃsāramahoghātikkamane ca kilesehi asaṃsīdanaṭṭhena setu. Mahesakkhoti mahabbalo. Gandho anuttaroti paṭivātaṃ sabbadisāsu vāyanato anuttaro gandho sabbajanamanoharattā. Tenāha ‘‘yena vāti disodisa’’nti yena sīlagandhena taṃsamaṅgī disodisaṃ sabbā disā vāyati. ‘‘Disodisā’’tipi pāḷi, dasa disāti attho.
самб̣аламзваг̇г̇анд̇и самб̣алам̣ наама будабхад̇д̇ам̣. яат̇аа будабхад̇д̇ам̣ г̇ахзд̇ваа маг̇г̇ам̣ г̇ажчанд̇о бурисо анд̇араамаг̇г̇з ж̇игхажчаад̣̇угкзна на гиламад̇и, звам̣ сийласамбанноби суд̣̇д̇хам̣ сийласамб̣алам̣ г̇ахзд̇ваа сам̣саараганд̇аарам̣ бадибанно г̇ад̇аг̇ад̇адтаанз на гиламад̇ийд̇и сийлам̣ аг̇г̇ам̣ самб̣алам̣ наама. д̇ат̇аа сийлам̣ баат̇зяяамуд̇д̇амам̣ жораад̣̇ийхи асаад̇хааран̣ад̇д̇аа д̇ад̇т̇а д̇ад̇т̇а ижчид̇аб̣б̣асамбад̇д̇инибпаад̣̇анад̇о жа. ад̇иггаамзнд̇о д̇ам̣ д̇ам̣ таанам̣ яат̇ижчид̇адтаанам̣ ваа ваахзд̇и самбаабзд̇ийд̇и ад̇иваахо, яаанам̣. гзнажи анубад̣̇д̣̇уд̇ам̣ худ̇ваа ижчид̇адтаанаббад̇д̇ихзд̇уд̇ааяа сийлам̣ сздтам̣ ад̇иваахо. язнаад̇и язна ад̇иваахзна яаад̇и д̣̇исод̣̇исанд̇и аг̇ад̇им̣ г̇ад̇ин̃жааби д̇ам̣ д̇ам̣ д̣̇исам̣ сукзнзва г̇ажчад̇и.
Sambalamevagganti sambalaṃ nāma puṭabhattaṃ. Yathā puṭabhattaṃ gahetvā maggaṃ gacchanto puriso antarāmagge jighacchādukkhena na kilamati, evaṃ sīlasampannopi suddhaṃ sīlasambalaṃ gahetvā saṃsārakantāraṃ paṭipanno gatagataṭṭhāne na kilamatīti sīlaṃ aggaṃ sambalaṃ nāma. Tathā sīlaṃ pātheyyamuttamaṃ corādīhi asādhāraṇattā tattha tattha icchitabbasampattinipphādanato ca. Atikkāmento taṃ taṃ ṭhānaṃ yathicchitaṭṭhānaṃ vā vāheti sampāpetīti ativāho, yānaṃ. Kenaci anupaddutaṃ hutvā icchitaṭṭhānappattihetutāya sīlaṃ seṭṭhaṃ ativāho. Yenāti yena ativāhena yāti disodisanti agatiṃ gatiñcāpi taṃ taṃ disaṃ sukheneva gacchati.
ид̇хзва нинд̣̇ам̣ лабхад̇ийд̇и ид̇халогзби д̣̇уммано рааг̇аад̣̇ийхи д̣̇уусид̇ажид̇д̇о ‘‘д̣̇уссийло баабад̇хаммо’’д̇и нинд̣̇ам̣ г̇арахам̣ лабхад̇и. бзжжа баралогзби абааяз ‘‘бурисад̇д̇агали аваж̇аад̇аа’’д̇иаад̣̇инаа яамабурисаад̣̇ийхи жа нинд̣̇ам̣ лабхад̇и. на гзвалам̣ нинд̣̇амзва лабхад̇и, ат̇а ко саб̣б̣ад̇т̇а д̣̇уммано б̣аало ид̇халогз д̣̇ужжарид̇ажаран̣зна д̣̇уусид̇ажид̇д̇о баралогз гаммагааран̣аад̣̇ивасзна д̣̇угкуббад̇д̇ияаад̇и саб̣б̣ад̇т̇а б̣аало д̣̇уммано ход̇и. гат̇ам̣? сийлзсу асамаахид̇о саммаа сийлзсу на табид̇ажид̇д̇о аббад̇идтид̇ажид̇д̇о.
Idheva nindaṃ labhatīti idhalokepi dummano rāgādīhi dūsitacitto ‘‘dussīlo pāpadhammo’’ti nindaṃ garahaṃ labhati. Pecca paralokepi apāye ‘‘purisattakali avajātā’’tiādinā yamapurisādīhi ca nindaṃ labhati. Na kevalaṃ nindameva labhati, atha kho sabbattha dummano bālo idhaloke duccaritacaraṇena dūsitacitto paraloke kammakāraṇādivasena dukkhuppattiyāti sabbattha bālo dummano hoti. Kathaṃ? Sīlesu asamāhito sammā sīlesu na ṭhapitacitto appatiṭṭhitacitto.
ид̇хзва гид̇д̇им̣ лабхад̇ийд̇и ид̇халогзби сумано ‘‘саббурисо сийлаваа галяаан̣ад̇хаммо’’д̇и гид̇д̇им̣ лабхад̇и. бзжжа баралогзби саг̇г̇з ‘‘аяам̣ саббурисо сийлаваа галяаан̣ад̇хаммо. д̇ат̇аа хи д̣̇зваанам̣ сахаб̣яад̇ам̣ убабанно’’д̇иаад̣̇инаа гид̇д̇им̣ лабхад̇и. на гзвалам̣ гид̇д̇имзва лабхад̇и, ат̇а ко д̇хийро д̇хид̇исамбанно сийлзсу судту самаахид̇о аббид̇ажид̇д̇о субад̇идтид̇ажид̇д̇о саб̣б̣ад̇т̇а ид̇халогз сужарид̇ажаран̣зна, баралогз самбад̇д̇ибадилаабхзна сумано соманассаббад̇д̇о ход̇и. сийламзва ид̇ха аг̇г̇анд̇и д̣̇увид̇хам̣ сийлам̣ логияам̣ логуд̇д̇аранд̇и. д̇ад̇т̇а логияам̣ д̇аава гаамалогз кад̇д̇ияамахаасаалаад̣̇ийсу, д̣̇звалогз б̣рахмалогз жа убабад̇д̇ивисзсам̣ аавахад̇и, лаабхийбхааваад̣̇игасса жа гааран̣ам̣ ход̇и. логуд̇д̇арам̣ бана сагаламби ваддад̣̇угкам̣ ад̇иггаамзд̇ийд̇и сийлам̣ аг̇г̇амзва. д̇ат̇аа хи вуд̇д̇ам̣ –
Idheva kittiṃ labhatīti idhalokepi sumano ‘‘sappuriso sīlavā kalyāṇadhammo’’ti kittiṃ labhati. Pecca paralokepi sagge ‘‘ayaṃ sappuriso sīlavā kalyāṇadhammo. Tathā hi devānaṃ sahabyataṃ upapanno’’tiādinā kittiṃ labhati. Na kevalaṃ kittimeva labhati, atha kho dhīro dhitisampanno sīlesu suṭṭhu samāhito appitacitto supatiṭṭhitacitto sabbattha idhaloke sucaritacaraṇena, paraloke sampattipaṭilābhena sumano somanassappatto hoti. Sīlameva idha agganti duvidhaṃ sīlaṃ lokiyaṃ lokuttaranti. Tattha lokiyaṃ tāva kāmaloke khattiyamahāsālādīsu, devaloke brahmaloke ca upapattivisesaṃ āvahati, lābhībhāvādikassa ca kāraṇaṃ hoti. Lokuttaraṃ pana sakalampi vaṭṭadukkhaṃ atikkāmetīti sīlaṃ aggameva. Tathā hi vuttaṃ –
‘‘хийнзна б̣рахмажариязна, кад̇д̇ияз убабаж̇ж̇ад̇и;
‘‘Hīnena brahmacariyena, khattiye upapajjati;
маж̇жхимзна жа д̣̇звад̇д̇ам̣, уд̇д̇амзна висуж̇жхад̇ий’’д̇и. (ж̇аа. 1.8.75);
Majjhimena ca devattaṃ, uttamena visujjhatī’’ti. (jā. 1.8.75);
ааган̇кзяяа жз, бхигкавз, бхигку – ‘‘лаабхий ассам̣ жийварабин̣д̣абаад̇асзнаасанаг̇илаанабажжаяабхзсаж̇ж̇абаригкаараана’’нд̇и (ма. ни. 1.65), ‘‘сийлзсвзвасса барибуурагаарий’’д̇и (ма. ни. 1.65), ‘‘иж̇жхад̇и, бхигкавз, сийлавад̇о жзд̇обан̣ид̇хи висуд̣̇д̇хад̇д̇аа’’д̇и (а. ни. 8.35; д̣̇ий. ни. 3.337) жа.
Ākaṅkheyya ce, bhikkhave, bhikkhu – ‘‘lābhī assaṃ cīvarapiṇḍapātasenāsanagilānapaccayabhesajjaparikkhārāna’’nti (ma. ni. 1.65), ‘‘sīlesvevassa paripūrakārī’’ti (ma. ni. 1.65), ‘‘ijjhati, bhikkhave, sīlavato cetopaṇidhi visuddhattā’’ti (a. ni. 8.35; dī. ni. 3.337) ca.
логуд̇д̇арасийласса бана саб̣б̣асо бахийнабадибагкасса сад̇д̇амабхавад̇о бадтааяа сам̣саарад̣̇угкам̣ винивад̇д̇знд̇асса аг̇г̇абхаавз вад̇д̇аб̣б̣амзва над̇т̇и. бан̃н̃аваа бана уд̇д̇амод̇и ‘‘бан̃н̃аваа бана буг̇г̇ало уд̇д̇амо барамо сздтоязваа’’д̇и буг̇г̇алаад̇хидтаанзна бан̃н̃ааяа зва сздтабхаавам̣ вад̣̇ад̇и. ид̣̇аани сийлабан̃н̃аанам̣ сздтабхаавам̣ гижжад̇о д̣̇ассзнд̇о ‘‘сийлабан̃н̃аан̣ад̇о ж̇аяа’’нд̇и ааха. ж̇аяанд̇и жа лин̇г̇авибаллаасо д̣̇адтаб̣б̣о, ахууд̇и ваа важанасзсо. д̇ад̇т̇а баж̇аананадтзна бан̃н̃аан̣ам̣, сийлад̇о бан̃н̃аан̣ад̇о жа бадибагкаж̇аяо. на хи сийлзна винаа бан̃н̃аа самбхавад̇и, бан̃н̃ааяа жа винаа сийлам̣ гижжагарам̣, ан̃н̃аман̃н̃обагаараган̃жзд̇ам̣. вуд̇д̇ан̃хи ‘‘сийлабарид̇ход̇аа бан̃н̃аа, бан̃н̃аабарид̇ход̇ам̣ сийла’’нд̇и (д̣̇ий. ни. 1.317) мануссзсу жа д̣̇звзсууд̇и ид̣̇ам̣ нзсам̣ таанависзсад̣̇ассанам̣. д̇ад̇т̇а хи д̇аани сависзсаани вад̇д̇анд̇и, самаад̇хи банзд̇т̇а сийлабагкиго бан̃н̃ааяа ад̇хидтаанабхаавад̇о, бан̃н̃аабагкиго ваа бхаавзд̇аб̣б̣ад̇о сийлаад̇хидтаанад̇о жа.
Lokuttarasīlassa pana sabbaso pahīnapaṭipakkhassa sattamabhavato paṭṭhāya saṃsāradukkhaṃ vinivattentassa aggabhāve vattabbameva natthi. Paññavā pana uttamoti ‘‘paññavā pana puggalo uttamo paramo seṭṭhoyevā’’ti puggalādhiṭṭhānena paññāya eva seṭṭhabhāvaṃ vadati. Idāni sīlapaññānaṃ seṭṭhabhāvaṃ kiccato dassento ‘‘sīlapaññāṇato jaya’’nti āha. Jayanti ca liṅgavipallāso daṭṭhabbo, ahūti vā vacanaseso. Tattha pajānanaṭṭhena paññāṇaṃ, sīlato paññāṇato ca paṭipakkhajayo. Na hi sīlena vinā paññā sambhavati, paññāya ca vinā sīlaṃ kiccakaraṃ, aññamaññopakārakañcetaṃ. Vuttañhi ‘‘sīlaparidhotā paññā, paññāparidhotaṃ sīla’’nti (dī. ni. 1.317) manussesu ca devesūti idaṃ nesaṃ ṭhānavisesadassanaṃ. Tattha hi tāni savisesāni vattanti, samādhi panettha sīlapakkhiko paññāya adhiṭṭhānabhāvato, paññāpakkhiko vā bhāvetabbato sīlādhiṭṭhānato ca.
звам̣ т̇зро д̇зсам̣ бхигкуунам̣ сийламукзна д̇хаммам̣ д̣̇зсзнд̇о ад̇д̇ано сувисуд̣̇д̇хасийлаад̣̇иг̇ун̣ад̇аад̣̇ийбанзна ан̃н̃ам̣ б̣яаагааси.
Evaṃ thero tesaṃ bhikkhūnaṃ sīlamukhena dhammaṃ desento attano suvisuddhasīlādiguṇatādīpanena aññaṃ byākāsi.
сийлавад̇т̇зраг̇аат̇ааван̣н̣анаа нидтид̇аа.
Sīlavattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 1. сийлавад̇т̇зраг̇аат̇аа • 1. Sīlavattheragāthā
