| Library / Tipiṭaka / తిపిటక • Tipiṭaka / జాతకపాళి • Jātakapāḷi |
౩౩౦. సీలవీమంసజాతకం (౪-౩-౧౦)
330. Sīlavīmaṃsajātakaṃ (4-3-10)
౧౧౭.
117.
సీలం కిరేవ కల్యాణం, సీలం లోకే అనుత్తరం;
Sīlaṃ kireva kalyāṇaṃ, sīlaṃ loke anuttaraṃ;
పస్స ఘోరవిసో నాగో, సీలవాతి న హఞ్ఞతి.
Passa ghoraviso nāgo, sīlavāti na haññati.
౧౧౮.
118.
యావదేవస్సహూ కిఞ్చి, తావదేవ అఖాదిసుం;
Yāvadevassahū kiñci, tāvadeva akhādisuṃ;
సఙ్గమ్మ కులలా లోకే, న హింసన్తి అకిఞ్చనం.
Saṅgamma kulalā loke, na hiṃsanti akiñcanaṃ.
౧౧౯.
119.
సుఖం నిరాసా సుపతి, ఆసా ఫలవతీ సుఖా;
Sukhaṃ nirāsā supati, āsā phalavatī sukhā;
ఆసం నిరాసం కత్వాన, సుఖం సుపతి పిఙ్గలా.
Āsaṃ nirāsaṃ katvāna, sukhaṃ supati piṅgalā.
౧౨౦.
120.
న సమాధిపరో అత్థి, అస్మిం లోకే పరమ్హి చ;
Na samādhiparo atthi, asmiṃ loke paramhi ca;
న పరం నాపి అత్తానం, విహింసతి సమాహితోతి.
Na paraṃ nāpi attānaṃ, vihiṃsati samāhitoti.
సీలవీమంసజాతకం దసమం.
Sīlavīmaṃsajātakaṃ dasamaṃ.
కుటిదూసకవగ్గో తతియో.
Kuṭidūsakavaggo tatiyo.
తస్సుద్దానం –
Tassuddānaṃ –
సమనుస్స -సదుద్దుభ-యాచనకో, అథ మేణ్డవరుత్తమ-గోధవరో;
Samanussa -saduddubha-yācanako, atha meṇḍavaruttama-godhavaro;
అథ కాయసకేపుక భోతీవరో, అథ రాధసుసీలవరేన దసాతి.
Atha kāyasakepuka bhotīvaro, atha rādhasusīlavarena dasāti.
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / ఖుద్దకనికాయ (అట్ఠకథా) • Khuddakanikāya (aṭṭhakathā) / జాతక-అట్ఠకథా • Jātaka-aṭṭhakathā / [౩౩౦] ౧౦. సీలవీమంసజాతకవణ్ణనా • [330] 10. Sīlavīmaṃsajātakavaṇṇanā
