| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[330] 10. сийлавиймам̣саж̇аад̇агаван̣н̣анаа
[330] 10. Sīlavīmaṃsajātakavaṇṇanā
сийлам̣ гирзва галяаан̣анд̇и ид̣̇ам̣ сад̇т̇аа ж̇зд̇аванз вихаранд̇о сийлавиймам̣сагаб̣раахман̣ам̣ аараб̣бха гат̇зси. д̣̇взби вад̇т̇ууни хздтаа гат̇ид̇аанзва. ид̇ха бана б̣од̇хисад̇д̇о б̣аараан̣асиран̃н̃о бурохид̇о ахоси. со ад̇д̇ано сийлам̣ виймам̣санд̇о д̇ийн̣и д̣̇ивасаани хзран̃н̃игапалагад̇о гахаабан̣ам̣ г̇ан̣хи. д̇ам̣ ‘‘жоро’’д̇и г̇ахзд̇ваа ран̃н̃о д̣̇ассзсум̣. со ран̃н̃о санд̇игз тид̇о –
Sīlaṃkireva kalyāṇanti idaṃ satthā jetavane viharanto sīlavīmaṃsakabrāhmaṇaṃ ārabbha kathesi. Dvepi vatthūni heṭṭhā kathitāneva. Idha pana bodhisatto bārāṇasirañño purohito ahosi. So attano sīlaṃ vīmaṃsanto tīṇi divasāni heraññikaphalakato kahāpaṇaṃ gaṇhi. Taṃ ‘‘coro’’ti gahetvā rañño dassesuṃ. So rañño santike ṭhito –
117.
117.
‘‘сийлам̣ гирзва галяаан̣ам̣, сийлам̣ логз ануд̇д̇арам̣;
‘‘Sīlaṃ kireva kalyāṇaṃ, sīlaṃ loke anuttaraṃ;
басса гхорависо нааг̇о, сийлаваад̇и на хан̃н̃ад̇ий’’д̇и. –
Passa ghoraviso nāgo, sīlavāti na haññatī’’ti. –
имааяа батамаг̇аат̇ааяа сийлам̣ ван̣н̣зд̇ваа рааж̇аанам̣ баб̣б̣аж̇ж̇ам̣ ануж̇аанаабзд̇ваа баб̣б̣аж̇ид̇ум̣ г̇ажчад̇и.
Imāya paṭhamagāthāya sīlaṃ vaṇṇetvā rājānaṃ pabbajjaṃ anujānāpetvā pabbajituṃ gacchati.
ат̇згасмим̣ д̣̇ивасз суунаабан̣ад̇о сзно мам̣сабзсим̣ г̇ахзд̇ваа аагаасам̣ багканд̣̇и. д̇аман̃н̃з сагун̣аа бариваарзд̇ваа баад̣̇анакад̇ун̣д̣агаад̣̇ийхи бахаранд̇и. со д̇ам̣ д̣̇угкам̣ сахид̇ум̣ асаггонд̇о мам̣сабзсим̣ чад̣д̣зси, абаро г̇ан̣хи. соби д̇ат̇зва вихзтияамаано чад̣д̣зси, ат̇ан̃н̃о г̇ан̣хи. звам̣ яо яо г̇ан̣хи, д̇ам̣ д̇ам̣ сагун̣аа ануб̣анд̇хим̣су. яо яо чад̣д̣зси, со со сукид̇о ахоси. б̣од̇хисад̇д̇о д̇ам̣ д̣̇исваа ‘‘имз гаамаа наама мам̣сабзсуубамаа, зд̇з г̇ан̣ханд̇аанам̣язва д̣̇угкам̣, виссаж̇ж̇знд̇аанам̣ сука’’нд̇и жинд̇зд̇ваа д̣̇уд̇ияам̣ г̇аат̇амааха –
Athekasmiṃ divase sūnāpaṇato seno maṃsapesiṃ gahetvā ākāsaṃ pakkhandi. Tamaññe sakuṇā parivāretvā pādanakhatuṇḍakādīhi paharanti. So taṃ dukkhaṃ sahituṃ asakkonto maṃsapesiṃ chaḍḍesi, aparo gaṇhi. Sopi tatheva viheṭhiyamāno chaḍḍesi, athañño gaṇhi. Evaṃ yo yo gaṇhi, taṃ taṃ sakuṇā anubandhiṃsu. Yo yo chaḍḍesi, so so sukhito ahosi. Bodhisatto taṃ disvā ‘‘ime kāmā nāma maṃsapesūpamā, ete gaṇhantānaṃyeva dukkhaṃ, vissajjentānaṃ sukha’’nti cintetvā dutiyaṃ gāthamāha –
118.
118.
‘‘яаавад̣̇звассахуу гин̃жи, д̇аавад̣̇зва акаад̣̇исум̣;
‘‘Yāvadevassahū kiñci, tāvadeva akhādisuṃ;
сан̇г̇амма гулалаа логз, на хим̣санд̇и агин̃жана’’нд̇и.
Saṅgamma kulalā loke, na hiṃsanti akiñcana’’nti.
д̇ассад̇т̇о – яаавад̣̇зва асса сзнасса аху гин̃жи мукзна г̇ахид̇ам̣ мам̣сакан̣д̣ам̣, д̇аавад̣̇зва нам̣ имасмим̣ логз гулалаа самааг̇анд̇ваа акаад̣̇им̣су. д̇асмим̣ бана виссадтз д̇амзнам̣ агин̃жанам̣ ниббалиб̣од̇хам̣ багким̣ сзсабагкино на хим̣санд̇ийд̇и.
Tassattho – yāvadeva assa senassa ahu kiñci mukhena gahitaṃ maṃsakhaṇḍaṃ, tāvadeva naṃ imasmiṃ loke kulalā samāgantvā akhādiṃsu. Tasmiṃ pana vissaṭṭhe tamenaṃ akiñcanaṃ nippalibodhaṃ pakkhiṃ sesapakkhino na hiṃsantīti.
со наг̇араа нигкамид̇ваа анд̇араамаг̇г̇з згасмим̣ г̇аамз сааяам̣ згасса г̇зхз нибаж̇ж̇и. д̇ад̇т̇а бана бин̇г̇алаа наама д̣̇аасий ‘‘асугавзлааяа ааг̇ажчзяяаасий’’д̇и згзна бурисзна сад̣̇д̇хим̣ сан̇гзд̇амагааси. саа саамигаанам̣ баад̣̇з д̇ховид̇ваа д̇зсу нибаннзсу д̇ассааг̇аманам̣ ологзнд̇ий уммаарз нисийд̣̇ид̇ваа ‘‘ид̣̇аани ааг̇амиссад̇и, ид̣̇аани ааг̇амиссад̇ий’’д̇и батамаяаамамби маж̇жхимаяаамамби вийд̇инаамзси. бажжуусасамаяз бана ‘‘на со ид̣̇аани ааг̇амиссад̇ий’’д̇и чиннаасаа худ̇ваа нибаж̇ж̇ид̇ваа нид̣̇д̣̇ам̣ оггами. б̣од̇хисад̇д̇о ид̣̇ам̣ гааран̣ам̣ д̣̇исваа ‘‘аяам̣ д̣̇аасий ‘со бурисо ааг̇амиссад̇ий’д̇и аасааяа зд̇д̇агам̣ гаалам̣ нисиннаа, ид̣̇аанисса анааг̇аманабхаавам̣ н̃ад̇ваа чиннаасаа худ̇ваа сукам̣ субад̇и. гилзсзсу хи аасаа наама д̣̇угкам̣, нираасабхаавова сука’’нд̇и жинд̇зд̇ваа д̇ад̇ияам̣ г̇аат̇амааха –
So nagarā nikkhamitvā antarāmagge ekasmiṃ gāme sāyaṃ ekassa gehe nipajji. Tattha pana piṅgalā nāma dāsī ‘‘asukavelāya āgaccheyyāsī’’ti ekena purisena saddhiṃ saṅketamakāsi. Sā sāmikānaṃ pāde dhovitvā tesu nipannesu tassāgamanaṃ olokentī ummāre nisīditvā ‘‘idāni āgamissati, idāni āgamissatī’’ti paṭhamayāmampi majjhimayāmampi vītināmesi. Paccūsasamaye pana ‘‘na so idāni āgamissatī’’ti chinnāsā hutvā nipajjitvā niddaṃ okkami. Bodhisatto idaṃ kāraṇaṃ disvā ‘‘ayaṃ dāsī ‘so puriso āgamissatī’ti āsāya ettakaṃ kālaṃ nisinnā, idānissa anāgamanabhāvaṃ ñatvā chinnāsā hutvā sukhaṃ supati. Kilesesu hi āsā nāma dukkhaṃ, nirāsabhāvova sukha’’nti cintetvā tatiyaṃ gāthamāha –
119.
119.
‘‘сукам̣ нираасаа субад̇и, аасаа палавад̇ий сукаа;
‘‘Sukhaṃ nirāsā supati, āsā phalavatī sukhā;
аасам̣ нираасам̣ гад̇ваана, сукам̣ субад̇и бин̇г̇алаа’’д̇и.
Āsaṃ nirāsaṃ katvāna, sukhaṃ supati piṅgalā’’ti.
д̇ад̇т̇а палавад̇ийд̇и яассаа аасааяа палам̣ лад̣̇д̇хам̣ ход̇и, саа д̇асса паласса сукад̇ааяа сукаа наама. нираасам̣ гад̇ваанаад̇и анаасам̣ гад̇ваа чинд̣̇ид̇ваа баж̇ахид̇ваад̇и ад̇т̇о. бин̇г̇алаад̇и зсаа бин̇г̇алад̣̇аасий ид̣̇аани сукам̣ субад̇ийд̇и.
Tattha phalavatīti yassā āsāya phalaṃ laddhaṃ hoti, sā tassa phalassa sukhatāya sukhā nāma. Nirāsaṃ katvānāti anāsaṃ katvā chinditvā pajahitvāti attho. Piṅgalāti esā piṅgaladāsī idāni sukhaṃ supatīti.
со бунад̣̇ивасз д̇ад̇о г̇аамаа аран̃н̃ам̣ бависанд̇о аран̃н̃з згам̣ д̇аабасам̣ жхаанам̣ аббзд̇ваа нисиннам̣ д̣̇исваа ‘‘ид̇халогз жа баралогз жа жхаанасукад̇о уд̇д̇арид̇арам̣ сукам̣ наама над̇т̇ий’’д̇и жинд̇зд̇ваа жад̇уд̇т̇ам̣ г̇аат̇амааха –
So punadivase tato gāmā araññaṃ pavisanto araññe ekaṃ tāpasaṃ jhānaṃ appetvā nisinnaṃ disvā ‘‘idhaloke ca paraloke ca jhānasukhato uttaritaraṃ sukhaṃ nāma natthī’’ti cintetvā catutthaṃ gāthamāha –
120.
120.
‘‘на самаад̇хибаро ад̇т̇и, асмим̣ логз барамхи жа;
‘‘Na samādhiparo atthi, asmiṃ loke paramhi ca;
на барам̣ нааби ад̇д̇аанам̣, вихим̣сад̇и самаахид̇о’’д̇и.
Na paraṃ nāpi attānaṃ, vihiṃsati samāhito’’ti.
д̇ад̇т̇а на самаад̇хибарод̇и самаад̇хид̇о баро ан̃н̃о сукад̇хаммо наама над̇т̇ийд̇и.
Tattha na samādhiparoti samādhito paro añño sukhadhammo nāma natthīti.
со аран̃н̃ам̣ бависид̇ваа исибаб̣б̣аж̇ж̇ам̣ баб̣б̣аж̇ид̇ваа жхаанаабхин̃н̃аа уббаад̣̇зд̇ваа б̣рахмалогабарааяан̣о ахоси.
So araññaṃ pavisitvā isipabbajjaṃ pabbajitvā jhānābhiññā uppādetvā brahmalokaparāyaṇo ahosi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа бурохид̇о ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā purohito ahameva ahosi’’nti.
сийлавиймам̣саж̇аад̇агаван̣н̣анаа д̣̇асамаа.
Sīlavīmaṃsajātakavaṇṇanā dasamā.
гудид̣̇уусагаваг̇г̇о д̇ад̇ияо.
Kuṭidūsakavaggo tatiyo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 330. сийлавиймам̣саж̇аад̇агам̣ • 330. Sīlavīmaṃsajātakaṃ
