| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[86] 6. сийлавиймам̣сагаж̇аад̇агаван̣н̣анаа
[86] 6. Sīlavīmaṃsakajātakavaṇṇanā
сийлам̣ гирзва галяаан̣анд̇и ид̣̇ам̣ сад̇т̇аа ж̇зд̇аванз вихаранд̇о згам̣ сийлавиймам̣сагам̣ б̣раахман̣ам̣ аараб̣бха гат̇зси. со гира госаларааж̇аанам̣ ниссааяа ж̇ийвад̇и д̇исаран̣ам̣ г̇ад̇о акан̣д̣абан̃жасийло д̇ин̣н̣ам̣ взд̣̇аанам̣ баараг̇уу. рааж̇аа ‘‘аяам̣ сийлаваа’’д̇и д̇асса ад̇ирзгасаммаанам̣ гарод̇и. со жинд̇зси ‘‘аяам̣ рааж̇аа маяхам̣ ан̃н̃зхи б̣раахман̣зхи ад̇ирзгасаммаанам̣ гарод̇и, ад̇ивияа мам̣ г̇арум̣ гад̇ваа бассад̇и, гим̣ ну ко зса мама ж̇аад̇иг̇од̇д̇агулаббад̣̇зсасиббасамбад̇д̇им̣ ниссааяа имам̣ саммаанам̣ гарод̇и, уд̣̇ааху сийласамбад̇д̇им̣, виймам̣сиссаами д̇ааваа’’д̇и. со згад̣̇ивасам̣ рааж̇уубадтаанам̣ г̇анд̇ваа гхарам̣ ааг̇ажчанд̇о згасса хзран̃н̃игасса палагад̇о анаабужчид̇ваа згам̣ гахаабан̣ам̣ г̇ахзд̇ваа аг̇амааси, хзран̃н̃иго б̣раахман̣з г̇арубхаавзна гин̃жи авад̇ваа нисийд̣̇и. бунад̣̇ивасз д̣̇вз гахаабан̣з г̇ан̣хи, хзран̃н̃иго д̇ат̇зва ад̇хиваасзси. д̇ад̇ияад̣̇ивасз гахаабан̣амудтим̣ аг̇г̇ахзси, ат̇а нам̣ хзран̃н̃иго ‘‘аж̇ж̇а д̇з д̇ад̇ияо д̣̇ивасо рааж̇агудумб̣ам̣ вилумбанд̇ассаа’’д̇и ‘‘рааж̇агудумб̣авилумбагажоро мз г̇ахид̇о’’д̇и д̇игкад̇д̇ум̣ вирави. ат̇а нам̣ мануссаа ид̇о жид̇о жа ааг̇анд̇ваа ‘‘жирам̣д̣̇аани д̇вам̣ сийлаваа вияа вижарий’’д̇и д̣̇вз д̇аяо бахаарз д̣̇ад̇ваа б̣анд̇хид̇ваа ран̃н̃о д̣̇ассзсум̣.
Sīlaṃkireva kalyāṇanti idaṃ satthā jetavane viharanto ekaṃ sīlavīmaṃsakaṃ brāhmaṇaṃ ārabbha kathesi. So kira kosalarājānaṃ nissāya jīvati tisaraṇaṃ gato akhaṇḍapañcasīlo tiṇṇaṃ vedānaṃ pāragū. Rājā ‘‘ayaṃ sīlavā’’ti tassa atirekasammānaṃ karoti. So cintesi ‘‘ayaṃ rājā mayhaṃ aññehi brāhmaṇehi atirekasammānaṃ karoti, ativiya maṃ garuṃ katvā passati, kiṃ nu kho esa mama jātigottakulappadesasippasampattiṃ nissāya imaṃ sammānaṃ karoti, udāhu sīlasampattiṃ, vīmaṃsissāmi tāvā’’ti. So ekadivasaṃ rājūpaṭṭhānaṃ gantvā gharaṃ āgacchanto ekassa heraññikassa phalakato anāpucchitvā ekaṃ kahāpaṇaṃ gahetvā agamāsi, heraññiko brāhmaṇe garubhāvena kiñci avatvā nisīdi. Punadivase dve kahāpaṇe gaṇhi, heraññiko tatheva adhivāsesi. Tatiyadivase kahāpaṇamuṭṭhiṃ aggahesi, atha naṃ heraññiko ‘‘ajja te tatiyo divaso rājakuṭumbaṃ vilumpantassā’’ti ‘‘rājakuṭumbavilumpakacoro me gahito’’ti tikkhattuṃ viravi. Atha naṃ manussā ito cito ca āgantvā ‘‘ciraṃdāni tvaṃ sīlavā viya vicarī’’ti dve tayo pahāre datvā bandhitvā rañño dassesuṃ.
рааж̇аа виббадисаарий худ̇ваа ‘‘гасмаа, б̣раахман̣а, зваруубам̣ д̣̇уссийлагаммам̣ гаросий’’д̇и вад̇ваа ‘‘г̇ажчат̇а, д̇асса рааж̇аан̣ам̣ гарот̇аа’’д̇и ааха. б̣раахман̣о ‘‘наахам̣, махаарааж̇а, жоро’’д̇и ааха. ат̇а ‘‘гасмаа рааж̇агудумб̣игасса палагад̇о гахаабан̣з г̇ан̣хий’’д̇и? ‘‘зд̇ам̣ маяаа д̇аяи мама ад̇исаммаанам̣ гаронд̇з ‘гим̣ ну ко рааж̇аа мама ж̇аад̇иаад̣̇ийни ниссааяа ад̇исаммаанам̣ гарод̇и, уд̣̇ааху сийлам̣ ниссааяаа’д̇и виймам̣санад̇т̇ааяа гад̇ам̣, ид̣̇аани бана маяаа згам̣сзна н̃аад̇ам̣. яат̇аа сийламзва ниссааяа д̇аяаа мама саммаано гад̇о, на ж̇аад̇иаад̣̇ийни. д̇ат̇аа хи мз ид̣̇аани рааж̇аан̣ам̣ гаарзси, сваахам̣ иминаа гааран̣зна ‘имасмим̣ логз сийламзва уд̇д̇амам̣ сийлам̣ бамука’нд̇и саннидтаанам̣ г̇ад̇о. имасса банаахам̣ сийласса анужчавигам̣ гаронд̇о г̇зхз тид̇о гилзсз барибхун̃ж̇анд̇о на сагкиссаами гаад̇ум̣, аж̇ж̇зва ж̇зд̇аванам̣ г̇анд̇ваа сад̇т̇у санд̇игз баб̣б̣аж̇иссаами, баб̣б̣аж̇ж̇ам̣ мз д̣̇зт̇а, д̣̇зваа’’д̇и вад̇ваа рааж̇аанам̣ ануж̇аанаабзд̇ваа ж̇зд̇аванаабхимуко бааяааси.
Rājā vippaṭisārī hutvā ‘‘kasmā, brāhmaṇa, evarūpaṃ dussīlakammaṃ karosī’’ti vatvā ‘‘gacchatha, tassa rājāṇaṃ karothā’’ti āha. Brāhmaṇo ‘‘nāhaṃ, mahārāja, coro’’ti āha. Atha ‘‘kasmā rājakuṭumbikassa phalakato kahāpaṇe gaṇhī’’ti? ‘‘Etaṃ mayā tayi mama atisammānaṃ karonte ‘kiṃ nu kho rājā mama jātiādīni nissāya atisammānaṃ karoti, udāhu sīlaṃ nissāyā’ti vīmaṃsanatthāya kataṃ, idāni pana mayā ekaṃsena ñātaṃ. Yathā sīlameva nissāya tayā mama sammāno kato, na jātiādīni. Tathā hi me idāni rājāṇaṃ kāresi, svāhaṃ iminā kāraṇena ‘imasmiṃ loke sīlameva uttamaṃ sīlaṃ pamukha’nti sanniṭṭhānaṃ gato. Imassa panāhaṃ sīlassa anucchavikaṃ karonto gehe ṭhito kilese paribhuñjanto na sakkhissāmi kātuṃ, ajjeva jetavanaṃ gantvā satthu santike pabbajissāmi, pabbajjaṃ me detha, devā’’ti vatvā rājānaṃ anujānāpetvā jetavanābhimukho pāyāsi.
ат̇а нам̣ н̃аад̇исухаж̇ж̇аб̣анд̇хаваа саннибад̇ид̇ваа ниваарзд̇ум̣ асаггонд̇аа нивад̇д̇им̣су. со сад̇т̇у санд̇игам̣ г̇анд̇ваа баб̣б̣аж̇ж̇ам̣ яаажид̇ваа баб̣б̣аж̇ж̇ан̃жа убасамбад̣̇ан̃жа лабхид̇ваа ависсадтагаммадтаано вибассанам̣ вад̣дхзд̇ваа арахад̇д̇ам̣ бад̇ваа сад̇т̇аарам̣ убасан̇гамид̇ваа ‘‘бханд̇з, маяхам̣ баб̣б̣аж̇ж̇аа мад̇т̇агам̣ бад̇д̇аа’’д̇и ан̃н̃ам̣ б̣яаагааси. д̇асса д̇ам̣ ан̃н̃аб̣яаагаран̣ам̣ бхигкусан̇гхз баагадам̣ ж̇аад̇ам̣. ат̇згад̣̇ивасам̣ д̇хаммасабхааяам̣ саннибад̇ид̇аа бхигкуу ‘‘аавусо, асуго наама ран̃н̃о убадтаагаб̣раахман̣о ад̇д̇ано сийлам̣ виймам̣сид̇ваа рааж̇аанам̣ аабужчид̇ваа баб̣б̣аж̇ид̇ваа арахад̇д̇з бад̇идтид̇о’’д̇и д̇асса г̇ун̣ам̣ гат̇аяамаанаа нисийд̣̇им̣су. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аани аяамзва б̣раахман̣о ад̇д̇ано сийлам̣ виймам̣сид̇ваа баб̣б̣аж̇ид̇ваа ад̇д̇ано бад̇идтам̣ агааси, буб̣б̣зби бан̣д̣ид̇аа ад̇д̇ано сийлам̣ виймам̣сид̇ваа баб̣б̣аж̇ид̇ваа ад̇д̇ано бад̇идтам̣ гарим̣суу’’д̇и вад̇ваа д̇зхи яаажид̇о ад̇ийд̇ам̣ аахари.
Atha naṃ ñātisuhajjabandhavā sannipatitvā nivāretuṃ asakkontā nivattiṃsu. So satthu santikaṃ gantvā pabbajjaṃ yācitvā pabbajjañca upasampadañca labhitvā avissaṭṭhakammaṭṭhāno vipassanaṃ vaḍḍhetvā arahattaṃ patvā satthāraṃ upasaṅkamitvā ‘‘bhante, mayhaṃ pabbajjā matthakaṃ pattā’’ti aññaṃ byākāsi. Tassa taṃ aññabyākaraṇaṃ bhikkhusaṅghe pākaṭaṃ jātaṃ. Athekadivasaṃ dhammasabhāyaṃ sannipatitā bhikkhū ‘‘āvuso, asuko nāma rañño upaṭṭhākabrāhmaṇo attano sīlaṃ vīmaṃsitvā rājānaṃ āpucchitvā pabbajitvā arahatte patiṭṭhito’’ti tassa guṇaṃ kathayamānā nisīdiṃsu. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāni ayameva brāhmaṇo attano sīlaṃ vīmaṃsitvā pabbajitvā attano patiṭṭhaṃ akāsi, pubbepi paṇḍitā attano sīlaṃ vīmaṃsitvā pabbajitvā attano patiṭṭhaṃ kariṃsū’’ti vatvā tehi yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о д̇асса бурохид̇о ахоси д̣̇аанаад̇химуд̇д̇о сийлаж̇жхаасаяо акан̣д̣абан̃жасийло. рааж̇аа сзсаб̣раахман̣зхи ад̇ирзгам̣ д̇асса саммаанам̣ гарод̇ийд̇и саб̣б̣ам̣ буримасад̣̇исамзва. б̣од̇хисад̇д̇з бана б̣анд̇хид̇ваа ран̃н̃о санд̇игам̣ нийяамаанз ахид̇ун̣д̣игаа анд̇аравийт̇ияам̣ саббам̣ гийл̣аабзнд̇аа нан̇г̇удтз г̇ан̣ханд̇и, г̇ийвааяа г̇ан̣ханд̇и, г̇алз взтзнд̇и. б̣од̇хисад̇д̇о д̇з д̣̇исваа ‘‘маа, д̇аад̇аа, звам̣ саббам̣ нан̇г̇удтз г̇ан̣хат̇а, маа г̇ийвааяа г̇ан̣хат̇а, маа г̇алз взтзт̇а. аяан̃хи во д̣ам̣сид̇ваа ж̇ийвид̇агкаяам̣ баабзяяаа’’д̇и ааха. ахид̇ун̣д̣игаа ‘‘аяам̣, б̣раахман̣а, саббо сийлаваа аажаарасамбанно д̇аад̣̇исо д̣̇уссийло на ход̇и, д̇вам̣ бана ад̇д̇ано д̣̇уссийлад̇ааяа анаажаарзна рааж̇агудумб̣авилумбагажород̇и б̣анд̇хид̇ваа нийяасий’’д̇и аахам̣су.
Atīte bārāṇasiyaṃ brahmadatte rajjaṃ kārente bodhisatto tassa purohito ahosi dānādhimutto sīlajjhāsayo akhaṇḍapañcasīlo. Rājā sesabrāhmaṇehi atirekaṃ tassa sammānaṃ karotīti sabbaṃ purimasadisameva. Bodhisatte pana bandhitvā rañño santikaṃ nīyamāne ahituṇḍikā antaravīthiyaṃ sappaṃ kīḷāpentā naṅguṭṭhe gaṇhanti, gīvāya gaṇhanti, gale veṭhenti. Bodhisatto te disvā ‘‘mā, tātā, evaṃ sappaṃ naṅguṭṭhe gaṇhatha, mā gīvāya gaṇhatha, mā gale veṭhetha. Ayañhi vo ḍaṃsitvā jīvitakkhayaṃ pāpeyyā’’ti āha. Ahituṇḍikā ‘‘ayaṃ, brāhmaṇa, sappo sīlavā ācārasampanno tādiso dussīlo na hoti, tvaṃ pana attano dussīlatāya anācārena rājakuṭumbavilumpakacoroti bandhitvā nīyasī’’ti āhaṃsu.
со жинд̇зси ‘‘саббааби д̇аава ад̣ам̣санд̇аа авихзтзнд̇аа ‘сийлаванд̇о’д̇и наамам̣ лабханд̇и, гиман̇г̇ам̣ бана мануссабхууд̇аа. сийламзва имасмим̣ логз уд̇д̇амам̣, над̇т̇и д̇ад̇о уд̇д̇арид̇ара’’нд̇и. ат̇а нам̣ нзд̇ваа ран̃н̃о д̣̇ассзсум̣. рааж̇аа ‘‘гим̣ ид̣̇ам̣, д̇аад̇аа’’д̇и бужчи. ‘‘рааж̇агудумб̣авилумбаго жоро, д̣̇зваа’’д̇и. ‘‘д̇зна хисса рааж̇аан̣ам̣ гарот̇аа’’д̇и. б̣раахман̣о ‘‘наахам̣, махаарааж̇а, жоро’’д̇и ааха. ‘‘ат̇а гасмаа гахаабан̣з аг̇г̇ахзсий’’д̇и жа вуд̇д̇з буриманаязнзва саб̣б̣ам̣ аарожзнд̇о ‘‘сваахам̣ иминаа гааран̣зна ‘имасмим̣ логз сийламзва уд̇д̇амам̣, сийлам̣ баамогка’нд̇и саннидтаанам̣ г̇ад̇о’’д̇и вад̇ваа ‘‘д̇идтад̇у д̇аава ид̣̇ам̣, аасийвисоби д̇аава ад̣ам̣санд̇о авихзтзнд̇о ‘сийлаваа’д̇и вад̇д̇аб̣б̣ад̇ам̣ лабхад̇и. иминааби гааран̣зна сийламзва уд̇д̇амам̣, сийлам̣ бавара’’нд̇и сийлам̣ ван̣н̣знд̇о имам̣ г̇аат̇амааха –
So cintesi ‘‘sappāpi tāva aḍaṃsantā aviheṭhentā ‘sīlavanto’ti nāmaṃ labhanti, kimaṅgaṃ pana manussabhūtā. Sīlameva imasmiṃ loke uttamaṃ, natthi tato uttaritara’’nti. Atha naṃ netvā rañño dassesuṃ. Rājā ‘‘kiṃ idaṃ, tātā’’ti pucchi. ‘‘Rājakuṭumbavilumpako coro, devā’’ti. ‘‘Tena hissa rājāṇaṃ karothā’’ti. Brāhmaṇo ‘‘nāhaṃ, mahārāja, coro’’ti āha. ‘‘Atha kasmā kahāpaṇe aggahesī’’ti ca vutte purimanayeneva sabbaṃ ārocento ‘‘svāhaṃ iminā kāraṇena ‘imasmiṃ loke sīlameva uttamaṃ, sīlaṃ pāmokkha’nti sanniṭṭhānaṃ gato’’ti vatvā ‘‘tiṭṭhatu tāva idaṃ, āsīvisopi tāva aḍaṃsanto aviheṭhento ‘sīlavā’ti vattabbataṃ labhati. Imināpi kāraṇena sīlameva uttamaṃ, sīlaṃ pavara’’nti sīlaṃ vaṇṇento imaṃ gāthamāha –
86.
86.
‘‘сийлам̣ гирзва галяаан̣ам̣, сийлам̣ логз ануд̇д̇арам̣;
‘‘Sīlaṃ kireva kalyāṇaṃ, sīlaṃ loke anuttaraṃ;
басса гхорависо нааг̇о, сийлаваад̇и на хан̃н̃ад̇ий’’д̇и.
Passa ghoraviso nāgo, sīlavāti na haññatī’’ti.
д̇ад̇т̇а сийлам̣ гирзваад̇и гааяаваажаажид̇д̇зхи авийд̇иггамасан̇каад̇ам̣ аажаарасийламзва. гираад̇и ануссававасзна вад̣̇ад̇и. галяаан̣анд̇и сунд̣̇арад̇арам̣. ануд̇д̇аранд̇и ж̇здтагам̣ саб̣б̣аг̇ун̣ад̣̇ааяагам̣. бассаад̇и ад̇д̇анаа д̣̇идтагааран̣ам̣ абхимукам̣ гаронд̇о гат̇зд̇и. сийлаваад̇и на хан̃н̃ад̇ийд̇и гхорависоби самаано ад̣ам̣санаавихзтанамад̇д̇агзна сийлаваад̇и басам̣сам̣ лабхад̇и, на хан̃н̃ад̇и на вихан̃н̃ад̇ийд̇и. иминааби гааран̣зна сийламзва уд̇д̇аманд̇и.
Tattha sīlaṃ kirevāti kāyavācācittehi avītikkamasaṅkhātaṃ ācārasīlameva. Kirāti anussavavasena vadati. Kalyāṇanti sundarataraṃ. Anuttaranti jeṭṭhakaṃ sabbaguṇadāyakaṃ. Passāti attanā diṭṭhakāraṇaṃ abhimukhaṃ karonto katheti. Sīlavāti na haññatīti ghoravisopi samāno aḍaṃsanaaviheṭhanamattakena sīlavāti pasaṃsaṃ labhati, na haññati na vihaññatīti. Imināpi kāraṇena sīlameva uttamanti.
звам̣ б̣од̇хисад̇д̇о имааяа г̇аат̇ааяа ран̃н̃о д̇хаммам̣ д̣̇зсзд̇ваа гаамз бахааяа исибаб̣б̣аж̇ж̇ам̣ баб̣б̣аж̇ид̇ваа химаванд̇ам̣ бависид̇ваа бан̃жаабхин̃н̃аа адта самаабад̇д̇ияо ниб̣б̣ад̇д̇зд̇ваа б̣рахмалогабарааяан̣о ахоси.
Evaṃ bodhisatto imāya gāthāya rañño dhammaṃ desetvā kāme pahāya isipabbajjaṃ pabbajitvā himavantaṃ pavisitvā pañcābhiññā aṭṭha samāpattiyo nibbattetvā brahmalokaparāyaṇo ahosi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа рааж̇аа аананд̣̇о ахоси, рааж̇абарисаа б̣уд̣̇д̇хабарисаа, бурохид̇о бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā rājā ānando ahosi, rājaparisā buddhaparisā, purohito pana ahameva ahosi’’nti.
сийлавиймам̣сагаж̇аад̇агаван̣н̣анаа чадтаа.
Sīlavīmaṃsakajātakavaṇṇanā chaṭṭhā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 86. сийлавиймам̣сагаж̇аад̇агам̣ • 86. Sīlavīmaṃsakajātakaṃ
