| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
6. силааяуубасуд̇д̇аван̣н̣анаа
6. Silāyūpasuttavaṇṇanā
26. чадтз жанд̣̇игаабуд̇д̇од̇и маад̇у наамавасзна бан̃н̃аад̇о жанд̣̇игаабуд̇д̇ад̇т̇зро. жзд̇асаа жид̇д̇ам̣ ход̇ийд̇и жид̇д̇аваарабарияааязна жид̇д̇аваарабарияааяо жид̇о вад̣дхид̇о ход̇и. жзд̇асаа жид̇д̇ам̣ субарижид̇анд̇и жид̇д̇аваарабарияааязна жид̇д̇аваарабарияааяо убаруубари сужид̇о сувад̣дхид̇о ход̇и. нзвасса жид̇д̇ам̣ барияаад̣̇ияанд̇ийд̇и д̇аани аарамман̣аани д̇асса кийн̣аасавасса жид̇д̇уббаад̣̇ам̣ г̇ахзд̇ваа кзбзд̇ваа таад̇ум̣ на саггонд̇и. амиссийгад̇анд̇и д̇аани аарамман̣аани аналлийнад̇д̇аа д̇зхи амиссийгад̇ам̣. аанзн̃ж̇аббад̇д̇анд̇и анин̃ж̇анабхаавам̣ нибпанд̣̇анабхаавам̣ бад̇д̇ам̣.
26. Chaṭṭhe candikāputtoti mātu nāmavasena paññāto candikāputtatthero. Cetasā cittaṃ hotīti cittavārapariyāyena cittavārapariyāyo cito vaḍḍhito hoti. Cetasā cittaṃ suparicitanti cittavārapariyāyena cittavārapariyāyo uparūpari sucito suvaḍḍhito hoti. Nevassa cittaṃ pariyādiyantīti tāni ārammaṇāni tassa khīṇāsavassa cittuppādaṃ gahetvā khepetvā ṭhātuṃ na sakkonti. Amissīkatanti tāni ārammaṇāni anallīnattā tehi amissīkataṃ. Āneñjappattanti aniñjanabhāvaṃ nipphandanabhāvaṃ pattaṃ.
силааяуубод̇и силаат̇амбхо. сол̣асагуггугод̇и д̣̇ийгхад̇о сол̣асахад̇т̇о. хздтаанзман̇г̇амаад̇и ааваадасса хздтааг̇ад̇аа. убари нзмассаад̇и убари ааваадасса. суникаад̇ад̇д̇аад̇и аяамусалзхи годдзд̇ваа годдзд̇ваа судту никаад̇ад̇д̇аа. звамзва код̇и зд̇т̇а силааяуубо вияа кийн̣аасаво д̣̇адтаб̣б̣о, махааваад̇аа вияа часу д̣̇ваарзсу уббаж̇ж̇анагаа гилзсаа, жад̇уухи д̣̇исаахи ааг̇анд̇ваа ваад̇аанам̣ силааяуубам̣ жаалзд̇ум̣ асамад̇т̇абхааво вияа часу д̣̇ваарзсу уббаж̇ж̇анагагилзсаанам̣ кийн̣аасавасса жид̇д̇ам̣ жаалзд̇ум̣ асамад̇т̇абхааво взд̣̇ид̇аб̣б̣о. имасмимби суд̇д̇з кийн̣аасавова гат̇ид̇о.
Silāyūpoti silāthambho. Soḷasakukkukoti dīghato soḷasahattho. Heṭṭhānemaṅgamāti āvāṭassa heṭṭhāgatā. Upari nemassāti upari āvāṭassa. Sunikhātattāti ayamusalehi koṭṭetvā koṭṭetvā suṭṭhu nikhātattā. Evameva khoti ettha silāyūpo viya khīṇāsavo daṭṭhabbo, mahāvātā viya chasu dvāresu uppajjanakā kilesā, catūhi disāhi āgantvā vātānaṃ silāyūpaṃ cāletuṃ asamatthabhāvo viya chasu dvāresu uppajjanakakilesānaṃ khīṇāsavassa cittaṃ cāletuṃ asamatthabhāvo veditabbo. Imasmimpi sutte khīṇāsavova kathito.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 6. силааяуубасуд̇д̇ам̣ • 6. Silāyūpasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 6. силааяуубасуд̇д̇аван̣н̣анаа • 6. Silāyūpasuttavaṇṇanā
