| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੬. ਸਿਲਾਯੂਪਸੁਤ੍ਤવਣ੍ਣਨਾ
6. Silāyūpasuttavaṇṇanā
੨੬. ਛਟ੍ਠੇ ਚਨ੍ਦਿਕਾਪੁਤ੍ਤੋਤਿ ਮਾਤੁ ਨਾਮવਸੇਨ ਪਞ੍ਞਾਤੋ ਚਨ੍ਦਿਕਾਪੁਤ੍ਤਤ੍ਥੇਰੋ। ਚੇਤਸਾ ਚਿਤ੍ਤਂ ਹੋਤੀਤਿ ਚਿਤ੍ਤવਾਰਪਰਿਯਾਯੇਨ ਚਿਤ੍ਤવਾਰਪਰਿਯਾਯੋ ਚਿਤੋ વਡ੍ਢਿਤੋ ਹੋਤਿ। ਚੇਤਸਾ ਚਿਤ੍ਤਂ ਸੁਪਰਿਚਿਤਨ੍ਤਿ ਚਿਤ੍ਤવਾਰਪਰਿਯਾਯੇਨ ਚਿਤ੍ਤવਾਰਪਰਿਯਾਯੋ ਉਪਰੂਪਰਿ ਸੁਚਿਤੋ ਸੁવਡ੍ਢਿਤੋ ਹੋਤਿ। ਨੇવਸ੍ਸ ਚਿਤ੍ਤਂ ਪਰਿਯਾਦਿਯਨ੍ਤੀਤਿ ਤਾਨਿ ਆਰਮ੍ਮਣਾਨਿ ਤਸ੍ਸ ਖੀਣਾਸવਸ੍ਸ ਚਿਤ੍ਤੁਪ੍ਪਾਦਂ ਗਹੇਤ੍વਾ ਖੇਪੇਤ੍વਾ ਠਾਤੁਂ ਨ ਸਕ੍ਕੋਨ੍ਤਿ। ਅਮਿਸ੍ਸੀਕਤਨ੍ਤਿ ਤਾਨਿ ਆਰਮ੍ਮਣਾਨਿ ਅਨਲ੍ਲੀਨਤ੍ਤਾ ਤੇਹਿ ਅਮਿਸ੍ਸੀਕਤਂ। ਆਨੇਞ੍ਜਪ੍ਪਤ੍ਤਨ੍ਤਿ ਅਨਿਞ੍ਜਨਭਾવਂ ਨਿਪ੍ਫਨ੍ਦਨਭਾવਂ ਪਤ੍ਤਂ।
26. Chaṭṭhe candikāputtoti mātu nāmavasena paññāto candikāputtatthero. Cetasā cittaṃ hotīti cittavārapariyāyena cittavārapariyāyo cito vaḍḍhito hoti. Cetasā cittaṃ suparicitanti cittavārapariyāyena cittavārapariyāyo uparūpari sucito suvaḍḍhito hoti. Nevassa cittaṃ pariyādiyantīti tāni ārammaṇāni tassa khīṇāsavassa cittuppādaṃ gahetvā khepetvā ṭhātuṃ na sakkonti. Amissīkatanti tāni ārammaṇāni anallīnattā tehi amissīkataṃ. Āneñjappattanti aniñjanabhāvaṃ nipphandanabhāvaṃ pattaṃ.
ਸਿਲਾਯੂਪੋਤਿ ਸਿਲਾਥਮ੍ਭੋ। ਸੋਲ਼ਸਕੁਕ੍ਕੁਕੋਤਿ ਦੀਘਤੋ ਸੋਲ਼ਸਹਤ੍ਥੋ। ਹੇਟ੍ਠਾਨੇਮਙ੍ਗਮਾਤਿ ਆવਾਟਸ੍ਸ ਹੇਟ੍ਠਾਗਤਾ। ਉਪਰਿ ਨੇਮਸ੍ਸਾਤਿ ਉਪਰਿ ਆવਾਟਸ੍ਸ। ਸੁਨਿਖਾਤਤ੍ਤਾਤਿ ਅਯਮੁਸਲੇਹਿ ਕੋਟ੍ਟੇਤ੍વਾ ਕੋਟ੍ਟੇਤ੍વਾ ਸੁਟ੍ਠੁ ਨਿਖਾਤਤ੍ਤਾ। ਏવਮੇવ ਖੋਤਿ ਏਤ੍ਥ ਸਿਲਾਯੂਪੋ વਿਯ ਖੀਣਾਸવੋ ਦਟ੍ਠਬ੍ਬੋ, ਮਹਾવਾਤਾ વਿਯ ਛਸੁ ਦ੍વਾਰੇਸੁ ਉਪ੍ਪਜ੍ਜਨਕਾ ਕਿਲੇਸਾ, ਚਤੂਹਿ ਦਿਸਾਹਿ ਆਗਨ੍ਤ੍વਾ વਾਤਾਨਂ ਸਿਲਾਯੂਪਂ ਚਾਲੇਤੁਂ ਅਸਮਤ੍ਥਭਾવੋ વਿਯ ਛਸੁ ਦ੍વਾਰੇਸੁ ਉਪ੍ਪਜ੍ਜਨਕਕਿਲੇਸਾਨਂ ਖੀਣਾਸવਸ੍ਸ ਚਿਤ੍ਤਂ ਚਾਲੇਤੁਂ ਅਸਮਤ੍ਥਭਾવੋ વੇਦਿਤਬ੍ਬੋ। ਇਮਸ੍ਮਿਮ੍ਪਿ ਸੁਤ੍ਤੇ ਖੀਣਾਸવੋવ ਕਥਿਤੋ।
Silāyūpoti silāthambho. Soḷasakukkukoti dīghato soḷasahattho. Heṭṭhānemaṅgamāti āvāṭassa heṭṭhāgatā. Upari nemassāti upari āvāṭassa. Sunikhātattāti ayamusalehi koṭṭetvā koṭṭetvā suṭṭhu nikhātattā. Evameva khoti ettha silāyūpo viya khīṇāsavo daṭṭhabbo, mahāvātā viya chasu dvāresu uppajjanakā kilesā, catūhi disāhi āgantvā vātānaṃ silāyūpaṃ cāletuṃ asamatthabhāvo viya chasu dvāresu uppajjanakakilesānaṃ khīṇāsavassa cittaṃ cāletuṃ asamatthabhāvo veditabbo. Imasmimpi sutte khīṇāsavova kathito.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੬. ਸਿਲਾਯੂਪਸੁਤ੍ਤਂ • 6. Silāyūpasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੬. ਸਿਲਾਯੂਪਸੁਤ੍ਤવਣ੍ਣਨਾ • 6. Silāyūpasuttavaṇṇanā
