| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
71. сиймаануж̇аананаа
71. Sīmānujānanā
138. ат̇а ко бхигкуунам̣ зд̇ад̣̇ахоси – ‘‘бхаг̇авад̇аа бан̃н̃ад̇д̇ам̣ ‘зд̇д̇аавад̇аа саамаг̇г̇ий яаавад̇аа згааваасо’д̇и, гид̇д̇аавад̇аа ну ко згааваасо ход̇ий’’д̇и? бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, сиймам̣ самманнид̇ум̣. зван̃жа бана, бхигкавз, самманнид̇аб̣б̣аа – батамам̣ нимид̇д̇аа гид̇д̇зд̇аб̣б̣аа – баб̣б̣ад̇анимид̇д̇ам̣, баасаан̣анимид̇д̇ам̣, вананимид̇д̇ам̣, ругканимид̇д̇ам̣, маг̇г̇анимид̇д̇ам̣, ваммиганимид̇д̇ам̣, над̣̇ийнимид̇д̇ам̣, уд̣̇аганимид̇д̇ам̣. нимид̇д̇з гид̇д̇зд̇ваа б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
138. Atha kho bhikkhūnaṃ etadahosi – ‘‘bhagavatā paññattaṃ ‘ettāvatā sāmaggī yāvatā ekāvāso’ti, kittāvatā nu kho ekāvāso hotī’’ti? Bhagavato etamatthaṃ ārocesuṃ. Anujānāmi, bhikkhave, sīmaṃ sammannituṃ. Evañca pana, bhikkhave, sammannitabbā – paṭhamaṃ nimittā kittetabbā – pabbatanimittaṃ, pāsāṇanimittaṃ, vananimittaṃ, rukkhanimittaṃ, magganimittaṃ, vammikanimittaṃ, nadīnimittaṃ, udakanimittaṃ. Nimitte kittetvā byattena bhikkhunā paṭibalena saṅgho ñāpetabbo –
139. ‘‘сун̣аад̇у мз, бханд̇з, сан̇гхо . яаавад̇аа саманд̇аа нимид̇д̇аа гид̇д̇ид̇аа. яад̣̇и сан̇гхасса бад̇д̇агаллам̣, сан̇гхо зд̇зхи нимид̇д̇зхи сиймам̣ самманнзяяа самаанасам̣ваасам̣ згубосат̇ам̣ 1. зсаа н̃ад̇д̇и.
139. ‘‘Suṇātu me, bhante, saṅgho . Yāvatā samantā nimittā kittitā. Yadi saṅghassa pattakallaṃ, saṅgho etehi nimittehi sīmaṃ sammanneyya samānasaṃvāsaṃ ekuposathaṃ 2. Esā ñatti.
‘‘сун̣аад̇у мз, бханд̇з, сан̇гхо. яаавад̇аа саманд̇аа нимид̇д̇аа гид̇д̇ид̇аа. сан̇гхо зд̇зхи нимид̇д̇зхи сиймам̣ самманнад̇и самаанасам̣ваасам̣ згубосат̇ам̣. яассааяасмад̇о камад̇и зд̇зхи нимид̇д̇зхи сиймааяа саммуд̇и 3 самаанасам̣ваасааяа згубосат̇ааяа, со д̇ун̣хасса; яасса нагкамад̇и, со бхаасзяяа. саммад̇аа сиймаа сан̇гхзна зд̇зхи нимид̇д̇зхи самаанасам̣ваасаа згубосат̇аа. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.
‘‘Suṇātu me, bhante, saṅgho. Yāvatā samantā nimittā kittitā. Saṅgho etehi nimittehi sīmaṃ sammannati samānasaṃvāsaṃ ekuposathaṃ. Yassāyasmato khamati etehi nimittehi sīmāya sammuti 4 samānasaṃvāsāya ekuposathāya, so tuṇhassa; yassa nakkhamati, so bhāseyya. Sammatā sīmā saṅghena etehi nimittehi samānasaṃvāsā ekuposathā. Khamati saṅghassa, tasmā tuṇhī, evametaṃ dhārayāmī’’ti.
140. д̇зна ко бана самаязна чаб̣б̣аг̇г̇ияаа бхигкуу – бхаг̇авад̇аа сиймаасаммуд̇и анун̃н̃аад̇аад̇и – ад̇имахад̇ияо сиймааяо самманнанд̇и, жад̇уяож̇анигааби бан̃жаяож̇анигааби чаяож̇анигааби. бхигкуу убосат̇ам̣ ааг̇ажчанд̇аа уд̣̇д̣̇иссамаанзби баад̇имогкз ааг̇ажчанд̇и, уд̣̇д̣̇идтамад̇д̇зби ааг̇ажчанд̇и, анд̇арааби баривасанд̇и. бхаг̇авад̇о зд̇амад̇т̇ам̣ аарожзсум̣. на, бхигкавз, ад̇имахад̇ий сиймаа самманнид̇аб̣б̣аа, жад̇уяож̇анигаа ваа бан̃жаяож̇анигаа ваа чаяож̇анигаа ваа. яо самманнзяяа, аабад̇д̇и д̣̇уггадасса. ануж̇аанаами, бхигкавз, д̇ияож̇анабарамам̣ сиймам̣ самманнид̇унд̇и.
140. Tena kho pana samayena chabbaggiyā bhikkhū – bhagavatā sīmāsammuti anuññātāti – atimahatiyo sīmāyo sammannanti, catuyojanikāpi pañcayojanikāpi chayojanikāpi. Bhikkhū uposathaṃ āgacchantā uddissamānepi pātimokkhe āgacchanti, uddiṭṭhamattepi āgacchanti, antarāpi parivasanti. Bhagavato etamatthaṃ ārocesuṃ. Na, bhikkhave, atimahatī sīmā sammannitabbā, catuyojanikā vā pañcayojanikā vā chayojanikā vā. Yo sammanneyya, āpatti dukkaṭassa. Anujānāmi, bhikkhave, tiyojanaparamaṃ sīmaṃ sammannitunti.
д̇зна ко бана самаязна чаб̣б̣аг̇г̇ияаа бхигкуу над̣̇ийбаарасиймам̣ 5 самманнанд̇и. убосат̇ам̣ ааг̇ажчанд̇аа бхигкууби вуяханд̇и, бад̇д̇ааби вуяханд̇и , жийварааниби вуяханд̇и. бхаг̇авад̇о зд̇амад̇т̇ам̣ аарожзсум̣. на, бхигкавз, над̣̇ийбаарасиймаа самманнид̇аб̣б̣аа. яо самманнзяяа, аабад̇д̇и д̣̇уггадасса. ануж̇аанаами, бхигкавз, яад̇т̇асса д̇хуванааваа ваа д̇хувасзд̇у ваа, зваруубам̣ над̣̇ийбаарасиймам̣ самманнид̇унд̇и.
Tena kho pana samayena chabbaggiyā bhikkhū nadīpārasīmaṃ 6 sammannanti. Uposathaṃ āgacchantā bhikkhūpi vuyhanti, pattāpi vuyhanti , cīvarānipi vuyhanti. Bhagavato etamatthaṃ ārocesuṃ. Na, bhikkhave, nadīpārasīmā sammannitabbā. Yo sammanneyya, āpatti dukkaṭassa. Anujānāmi, bhikkhave, yatthassa dhuvanāvā vā dhuvasetu vā, evarūpaṃ nadīpārasīmaṃ sammannitunti.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / сиймаануж̇аананагат̇аа • Sīmānujānanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / сиймаануж̇аананагат̇ааван̣н̣анаа • Sīmānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / сиймаануж̇аананагат̇ааван̣н̣анаа • Sīmānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / сиймаануж̇аананагат̇ааван̣н̣анаа • Sīmānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 71. сиймаануж̇аананагат̇аа • 71. Sīmānujānanakathā
