| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
сиймаануж̇аананагат̇ааван̣н̣анаа
Sīmānujānanakathāvaṇṇanā
138. ид̇аробийд̇и суд̣̇д̇хабам̣субаб̣б̣ад̇аад̣̇им̣ санд̇хааяа вад̣̇ад̇и. хад̇т̇иббамаан̣о наама баб̣б̣ад̇о хздтимагодияаа ад̣дхадтамарад̇ануб̣б̣зд̇хо. д̇асмаад̇и яасмаа згзна на ваддад̇и, д̇асмаа. д̣̇вад̇д̇им̣сабалаг̇ул̣абин̣д̣аббамаан̣ад̇аа т̇уулад̇ааяа г̇ахзд̇аб̣б̣аа, на д̇улаг̇ан̣анааяа. анд̇осаарамиссагаананд̇и анд̇осаараругкзхи миссагаанам̣. суужид̣̇ан̣д̣агаббамаан̣од̇и сийхал̣ад̣̇ийбз лзканад̣̇ан̣д̣аббамаан̣од̇и вад̣̇анд̇и, со жа ганидтан̇г̇улибаримаан̣од̇и д̣̇адтаб̣б̣ам̣. зд̇анд̇и навамууласаакааниг̇г̇аманам̣. барабхааг̇з гид̇д̇зд̇ум̣ ваддад̇ийд̇и б̣ахи нигкамид̇ваа тид̇зсу адтасу маг̇г̇зсу згиссаа д̣̇исааяа згам̣, абарааяа зганд̇и звам̣ жад̇уусу таанзсу гид̇д̇зд̇ум̣ ваддад̇и.
138.Itaropīti suddhapaṃsupabbatādiṃ sandhāya vadati. Hatthippamāṇo nāma pabbato heṭṭhimakoṭiyā aḍḍhaṭṭhamaratanubbedho. Tasmāti yasmā ekena na vaṭṭati, tasmā. Dvattiṃsapalaguḷapiṇḍappamāṇatā thūlatāya gahetabbā, na tulagaṇanāya. Antosāramissakānanti antosārarukkhehi missakānaṃ. Sūcidaṇḍakappamāṇoti sīhaḷadīpe lekhanadaṇḍappamāṇoti vadanti, so ca kaniṭṭhaṅguliparimāṇoti daṭṭhabbaṃ. Etanti navamūlasākhāniggamanaṃ. Parabhāge kittetuṃ vaṭṭatīti bahi nikkhamitvā ṭhitesu aṭṭhasu maggesu ekissā disāya ekaṃ, aparāya ekanti evaṃ catūsu ṭhānesu kittetuṃ vaṭṭati.
яад̇т̇а гад̇т̇ажи уд̇д̇аранд̇ияаа бхигкунияаа анд̇араваасаго д̇змияад̇ийд̇и сигкаагаран̣ийяам̣ ааг̇ад̇алагкан̣зна д̇иман̣д̣алам̣ бадижчаад̣̇зд̇ваа анд̇араваасагам̣ анугкибид̇ваа д̇ид̇т̇зна ваа ад̇ид̇т̇зна ваа уд̇д̇аранд̇ияаа бхигкунияаа згад̣̇ван̇г̇уламад̇д̇амби анд̇араваасаго д̇змияад̇и. бхигкунияаа зва г̇ахан̣ан̃жзд̇т̇а бхигкунийвибхан̇г̇з бхигкунияаа васзна над̣̇ийлагкан̣асса баал̣ияам̣ ааг̇ад̇ад̇д̇аа д̇знзва наязна д̣̇ассанад̇т̇ам̣ гад̇ам̣. сиймам̣ б̣анд̇ханд̇аанам̣ нимид̇д̇ам̣ ход̇ийд̇и аяам̣ вуд̇д̇алагкан̣аа над̣̇ий самуд̣̇д̣̇ам̣ ваа бависад̇у д̇ал̣аагам̣ ваа, бабхавад̇о бадтааяа нимид̇д̇ам̣ ход̇и. аж̇жход̇т̇арид̇ваа ааваран̣ам̣ бавад̇д̇ад̇иязваад̇и ааваран̣ам̣ аж̇жход̇т̇арид̇ваа санд̣̇ад̇иязва. аббавад̇д̇амаанаад̇и асанд̣̇амаануд̣̇агаа. ааваран̣ан̃хи бад̇ваа над̣̇ияаа яад̇д̇агз бад̣̇зсз уд̣̇агам̣ асанд̣̇амаанам̣ санд̇идтад̇и, д̇ад̇т̇а над̣̇ийнимид̇д̇ам̣ гаад̇ум̣ на ваддад̇и. убари санд̣̇амаанадтаанзязва ваддад̇и, асанд̣̇амаанадтаанз бана уд̣̇аганимид̇д̇ам̣ гаад̇ум̣ ваддад̇и. тид̇амзва хи уд̣̇аганимид̇д̇з ваддад̇и, на санд̣̇амаанам̣. д̇знзвааха ‘‘бавад̇д̇анадтаанз над̣̇ийнимид̇д̇ам̣, аббавад̇д̇анадтаанз уд̣̇аганимид̇д̇ам̣ гаад̇ум̣ ваддад̇ий’’д̇и. над̣̇им̣ бхинд̣̇ид̇ваад̇и маад̇игаамукад̣̇ваарзна над̣̇ийгуулам̣ бхинд̣̇ид̇ваа. угкзбиманд̇и гуубад̇о вияа угкибид̇ваа г̇ахзд̇аб̣б̣ам̣.
Yattha katthaci uttarantiyā bhikkhuniyā antaravāsako temiyatīti sikkhākaraṇīyaṃ āgatalakkhaṇena timaṇḍalaṃ paṭicchādetvā antaravāsakaṃ anukkhipitvā titthena vā atitthena vā uttarantiyā bhikkhuniyā ekadvaṅgulamattampi antaravāsako temiyati. Bhikkhuniyā eva gahaṇañcettha bhikkhunīvibhaṅge bhikkhuniyā vasena nadīlakkhaṇassa pāḷiyaṃ āgatattā teneva nayena dassanatthaṃ kataṃ. Sīmaṃ bandhantānaṃ nimittaṃ hotīti ayaṃ vuttalakkhaṇā nadī samuddaṃ vā pavisatu taḷākaṃ vā, pabhavato paṭṭhāya nimittaṃ hoti. Ajjhottharitvā āvaraṇaṃ pavattatiyevāti āvaraṇaṃ ajjhottharitvā sandatiyeva. Appavattamānāti asandamānudakā. Āvaraṇañhi patvā nadiyā yattake padese udakaṃ asandamānaṃ santiṭṭhati, tattha nadīnimittaṃ kātuṃ na vaṭṭati. Upari sandamānaṭṭhāneyeva vaṭṭati, asandamānaṭṭhāne pana udakanimittaṃ kātuṃ vaṭṭati. Ṭhitameva hi udakanimitte vaṭṭati, na sandamānaṃ. Tenevāha ‘‘pavattanaṭṭhāne nadīnimittaṃ, appavattanaṭṭhāne udakanimittaṃkātuṃ vaṭṭatī’’ti. Nadiṃ bhinditvāti mātikāmukhadvārena nadīkūlaṃ bhinditvā. Ukkhepimanti kūpato viya ukkhipitvā gahetabbaṃ.
син̇гхаадагасан̣таанаад̇и д̇игон̣аражчаасан̣таанаа. муд̣̇ин̇г̇асан̣таанаад̇и муд̣̇ин̇г̇абхзрий вияа маж̇жхз вид̇т̇ад̇аа убхосу годийсу сан̇годид̇аа ход̇и. убажаарам̣ табзд̇ваад̇и бажчаа сиймам̣ б̣анд̇ханд̇аанам̣ сиймааяа огаасам̣ табзд̇ваа. анд̇онимид̇д̇аг̇ад̇зхи банаад̇и згасса г̇аамасса убад̣дхам̣ анд̇о гад̇д̇угаамад̇ааяа сад̇и саб̣б̣зсам̣ ааг̇аманз баяож̇анам̣ над̇т̇ийд̇и гад̇ваа вуд̇д̇ам̣. ааг̇анд̇аб̣б̣анд̇и жа саамийживасзна вуд̇д̇ам̣, нааяам̣ нияамо ‘‘ааг̇анд̇аб̣б̣амзваа’’д̇и. д̇знзвааха ‘‘ааг̇аманамби анааг̇аманамби ваддад̇ий’’д̇и. аб̣ад̣̇д̇хааяа хи сиймааяа наанааг̇аамакзд̇д̇аанам̣ наанаасиймасабхаавад̇д̇аа д̇зсам̣ анааг̇аманзби ваг̇г̇агаммам̣ на ход̇и, д̇асмаа анааг̇аманамби ваддад̇и. б̣ад̣̇д̇хааяа бана сиймааяа згасиймабхаавад̇о буна ан̃н̃асмим̣ гаммз гарияамаанз анд̇о сиймаг̇ад̇зхи ааг̇анд̇аб̣б̣амзваад̇и ааха ‘‘авиббаваасасиймаа…бз… ааг̇анд̇аб̣б̣а’’нд̇и. нимид̇д̇агид̇д̇анагаалз асод̇хид̇ааяаби сиймааяа нзвад̇т̇и д̣̇осо нимид̇д̇агид̇д̇анасса абалоганаад̣̇ийсу ан̃н̃ад̇араабхаавад̇о.
Siṅghāṭakasaṇṭhānāti tikoṇaracchāsaṇṭhānā. Mudiṅgasaṇṭhānāti mudiṅgabherī viya majjhe vitthatā ubhosu koṭīsu saṅkoṭitā hoti. Upacāraṃ ṭhapetvāti pacchā sīmaṃ bandhantānaṃ sīmāya okāsaṃ ṭhapetvā. Antonimittagatehi panāti ekassa gāmassa upaḍḍhaṃ anto kattukāmatāya sati sabbesaṃ āgamane payojanaṃ natthīti katvā vuttaṃ. Āgantabbanti ca sāmīcivasena vuttaṃ, nāyaṃ niyamo ‘‘āgantabbamevā’’ti. Tenevāha ‘‘āgamanampi anāgamanampi vaṭṭatī’’ti. Abaddhāya hi sīmāya nānāgāmakhettānaṃ nānāsīmasabhāvattā tesaṃ anāgamanepi vaggakammaṃ na hoti, tasmā anāgamanampi vaṭṭati. Baddhāya pana sīmāya ekasīmabhāvato puna aññasmiṃ kamme kariyamāne anto sīmagatehi āgantabbamevāti āha ‘‘avippavāsasīmā…pe… āgantabba’’nti. Nimittakittanakāle asodhitāyapi sīmāya nevatthi doso nimittakittanassa apalokanādīsu aññatarābhāvato.
бхан̣д̣угаммаабужчанам̣ санд̇хааяа баб̣б̣аж̇ж̇аа-г̇ахан̣ам̣. сукагаран̣ад̇т̇анд̇и саб̣б̣зсам̣ саннибаад̇анабариссамам̣ бахааяа аббад̇арзхи сукагаран̣ад̇т̇ам̣. згавийсад̇и бхигкуу г̇ан̣хаад̇ийд̇и вийсад̇иваг̇г̇агаран̣ийяабарамад̇д̇аа сан̇гхагаммасса гаммаарахзна сад̣̇д̇хим̣ згавийсад̇и бхигкуу г̇ан̣хаад̇и. ид̣̇ан̃жа нисиннаанам̣ васзна вуд̇д̇ам̣. хздтиманд̇ад̇о хи яад̇т̇а згавийсад̇и бхигкуу нисийд̣̇ид̇ум̣ саггонд̇и, д̇ад̇д̇агз бад̣̇зсз сиймам̣ б̣анд̇хид̇ум̣ ваддад̇и. на сагкиссанд̇ийд̇и авиббаваасасиймааяа б̣ад̣̇д̇хабхаавам̣ асаллагкзд̇ваа ‘‘самаанасам̣ваасагамзва самууханиссаамаа’’д̇и вааяаманд̇аа на сагкиссанд̇и. б̣ад̣̇д̇хааяа хи авиббаваасасиймааяа д̇ам̣ асамууханид̇ваа ‘‘самаанасам̣ваасагасиймам̣ самууханиссаамаа’’д̇и гад̇ааяаби гаммаваажааяа асамуухад̇аава ход̇и сиймаа. батаман̃хи авиббаваасам̣ самууханид̇ваа бажчаа сиймаа самууханид̇аб̣б̣аа. згарад̇анаббамаан̣аа сувин̃н̃зяяад̇араа ход̇ийд̇и гад̇ваа вуд̇д̇ам̣ ‘‘згарад̇анаббамаан̣аа ваддад̇ий’’д̇и. зган̇г̇уламад̇д̇ааби сийманд̇аригаа ваддад̇иязва. д̇ад̇д̇агзнаби хи сиймаа асамбхиннаава ход̇и.
Bhaṇḍukammāpucchanaṃ sandhāya pabbajjā-gahaṇaṃ. Sukhakaraṇatthanti sabbesaṃ sannipātanaparissamaṃ pahāya appatarehi sukhakaraṇatthaṃ. Ekavīsati bhikkhū gaṇhātīti vīsativaggakaraṇīyaparamattā saṅghakammassa kammārahena saddhiṃ ekavīsati bhikkhū gaṇhāti. Idañca nisinnānaṃ vasena vuttaṃ. Heṭṭhimantato hi yattha ekavīsati bhikkhū nisīdituṃ sakkonti, tattake padese sīmaṃ bandhituṃ vaṭṭati. Na sakkhissantīti avippavāsasīmāya baddhabhāvaṃ asallakkhetvā ‘‘samānasaṃvāsakameva samūhanissāmā’’ti vāyamantā na sakkhissanti. Baddhāya hi avippavāsasīmāya taṃ asamūhanitvā ‘‘samānasaṃvāsakasīmaṃ samūhanissāmā’’ti katāyapi kammavācāya asamūhatāva hoti sīmā. Paṭhamañhi avippavāsaṃ samūhanitvā pacchā sīmā samūhanitabbā. Ekaratanappamāṇā suviññeyyatarā hotīti katvā vuttaṃ ‘‘ekaratanappamāṇā vaṭṭatī’’ti. Ekaṅgulamattāpi sīmantarikā vaṭṭatiyeva. Tattakenapi hi sīmā asambhinnāva hoti.
авасзсанимид̇д̇аанийд̇и махаасиймааяа б̣аахирабассз нимид̇д̇аани. кан̣д̣асиймад̇о бадтааяа б̣анд̇ханам̣ аажин̣н̣ам̣, аажин̣н̣агаран̣знзва жа саммохо на ход̇ийд̇и ааха ‘‘кан̣д̣асиймад̇ова бадтааяа б̣анд̇хид̇аб̣б̣аа’’д̇и. гудиг̇зхзд̇и гудигхарз, бхуумигхарзд̇и ад̇т̇о. уд̣̇угкаланд̇и куд̣̇д̣̇агааваадам̣. нимид̇д̇ам̣ на гаад̇аб̣б̣анд̇и д̇ам̣ рааж̇им̣ ваа уд̣̇угкалам̣ ваа нимид̇д̇ам̣ на гаад̇аб̣б̣ам̣.
Avasesanimittānīti mahāsīmāya bāhirapasse nimittāni. Khaṇḍasīmato paṭṭhāya bandhanaṃ āciṇṇaṃ, āciṇṇakaraṇeneva ca sammoho na hotīti āha ‘‘khaṇḍasīmatova paṭṭhāya bandhitabbā’’ti. Kuṭigeheti kuṭighare, bhūmighareti attho. Udukkhalanti khuddakāvāṭaṃ. Nimittaṃ na kātabbanti taṃ rājiṃ vā udukkhalaṃ vā nimittaṃ na kātabbaṃ.
хздтаа на од̇арад̇ийд̇и бхид̇д̇ид̇о орам̣ нимид̇д̇аани табзд̇ваа гид̇д̇ид̇ад̇д̇аа хздтаа аагаасаббад̣̇зсам̣ на од̇арад̇и. хздтааби од̇арад̇ийд̇и сажз хздтаа анд̇обхид̇д̇ияам̣ згавийсад̇ияаа бхигкуунам̣ огаасо ход̇и, од̇арад̇и. од̇арамаанаа жа убарисиймаббамаан̣зна на од̇арад̇и, саманд̇аа бхид̇д̇иббамаан̣зна од̇арад̇и. од̇аран̣аанод̇аран̣ам̣ вуд̇д̇анаязнзва взд̣̇ид̇аб̣б̣анд̇и сажз хздтаа згавийсад̇ияаа бхигкуунам̣ огаасо ход̇и, од̇арад̇и. но жз, на од̇арад̇ийд̇и ад̇хиббааяо. саб̣б̣о баасаад̣̇о сиймадто ход̇ийд̇и убаримад̇алзна сад̣̇д̇хим̣ згааб̣ад̣̇д̇хабхид̇д̇иго ваа ход̇у маа ваа, саб̣б̣оби баасаад̣̇о сиймадтова ход̇и.
Heṭṭhāna otaratīti bhittito oraṃ nimittāni ṭhapetvā kittitattā heṭṭhā ākāsappadesaṃ na otarati. Heṭṭhāpi otaratīti sace heṭṭhā antobhittiyaṃ ekavīsatiyā bhikkhūnaṃ okāso hoti, otarati. Otaramānā ca uparisīmappamāṇena na otarati, samantā bhittippamāṇena otarati. Otaraṇānotaraṇaṃ vuttanayeneva veditabbanti sace heṭṭhā ekavīsatiyā bhikkhūnaṃ okāso hoti, otarati. No ce, na otaratīti adhippāyo. Sabbo pāsādo sīmaṭṭho hotīti uparimatalena saddhiṃ ekābaddhabhittiko vā hotu mā vā, sabbopi pāsādo sīmaṭṭhova hoti.
д̇ааламуулагабаб̣б̣ад̇зд̇и д̇ааламууласад̣̇исз баб̣б̣ад̇з. со жа хздтаа маханд̇о худ̇ваа анубуб̣б̣зна д̇ануго ход̇ийд̇и д̣̇адтаб̣б̣ам̣. бан̣авасан̣таано маж̇жхз д̇ануго ход̇и муулз аг̇г̇з жа вид̇т̇ад̇о. хздтаа ваа маж̇жхз ваад̇и муд̣̇ин̇г̇асан̣таанасса хздтаа бан̣авасан̣таанасса маж̇жхз. аагаасабаб̣бхааранд̇и бхид̇д̇ияаа абаригкид̇д̇абаб̣бхаарам̣. анд̇олзн̣ам̣ ход̇ийд̇и баб̣б̣ад̇асса анд̇о лзн̣ам̣ ход̇и. сиймаамаал̣агзд̇и кан̣д̣асиймаамаал̣агз. махаасиймам̣ сод̇хзд̇ваа ваа гаммам̣ гаад̇аб̣б̣анд̇и махаасиймаг̇ад̇аа бхигкуу хад̇т̇абаасам̣ ваа аанзд̇аб̣б̣аа, сиймад̇о ваа б̣ахи гаад̇аб̣б̣аад̇и ад̇хиббааяо. г̇ан̣тибад̣̇зсу бана ‘‘махаасиймаг̇ад̇зхи бхигкуухи д̇ам̣ саакам̣ ваа баарохам̣ ваа анаамасид̇ваа таад̇аб̣б̣анд̇и ад̇хиббааяо’’д̇и вуд̇д̇ам̣, д̇ам̣ на г̇ахзд̇аб̣б̣ам̣. буриманаязбийд̇и кан̣д̣асиймааяа удтахид̇ваа махаасиймааяа он̣ад̇аругкзби. угкибаабзд̇ваа гаад̇ум̣ на ваддад̇ийд̇и кан̣д̣асиймааяа анд̇о тид̇ад̇д̇аа ругкасса д̇ад̇т̇а тид̇о хад̇т̇абаасам̣язва аанзд̇аб̣б̣од̇и угкибаабзд̇ваа гаад̇ум̣ на ваддад̇и.
Tālamūlakapabbateti tālamūlasadise pabbate. So ca heṭṭhā mahanto hutvā anupubbena tanuko hotīti daṭṭhabbaṃ. Paṇavasaṇṭhāno majjhe tanuko hoti mūle agge ca vitthato. Heṭṭhā vā majjhe vāti mudiṅgasaṇṭhānassa heṭṭhā paṇavasaṇṭhānassa majjhe. Ākāsapabbhāranti bhittiyā aparikkhittapabbhāraṃ. Antoleṇaṃ hotīti pabbatassa anto leṇaṃ hoti. Sīmāmāḷaketi khaṇḍasīmāmāḷake. Mahāsīmaṃ sodhetvā vā kammaṃ kātabbanti mahāsīmagatā bhikkhū hatthapāsaṃ vā ānetabbā, sīmato vā bahi kātabbāti adhippāyo. Gaṇṭhipadesu pana ‘‘mahāsīmagatehi bhikkhūhi taṃ sākhaṃ vā pārohaṃ vā anāmasitvā ṭhātabbanti adhippāyo’’ti vuttaṃ, taṃ na gahetabbaṃ. Purimanayepīti khaṇḍasīmāya uṭṭhahitvā mahāsīmāya oṇatarukkhepi. Ukkhipāpetvā kātuṃ na vaṭṭatīti khaṇḍasīmāya anto ṭhitattā rukkhassa tattha ṭhito hatthapāsaṃyeva ānetabboti ukkhipāpetvā kātuṃ na vaṭṭati.
140. баараяад̇ийд̇и аж̇жход̇т̇арад̇и. баараад̇и сиймаабзгко ид̇т̇илин̇г̇анид̣̇д̣̇зсо. ассаад̇и бхавзяяа. ид̇хаад̇хиббзд̇анаавааяа бамаан̣ам̣ д̣̇ассзнд̇о ааха ‘‘яаа саб̣б̣анд̇имзна барижчзд̣̇зна…бз… д̇аяо ж̇анз вахад̇ий’’д̇и. иминаа жа вуд̇д̇аббамаан̣ад̇о куд̣̇д̣̇агаа нааваа виж̇ж̇амаанааби ид̇ха асанд̇абагкам̣ бхаж̇ад̇ийд̇и д̣̇ийбзд̇и. авассам̣ лаб̣бханзяяаа д̇хуванааваава ход̇ийд̇и самб̣анд̇хо. ругкам̣ чинд̣̇ид̇ваа гад̇од̇и баатасзсо. барад̇ийрз саммукадтаанзд̇и оримад̇ийрз саб̣б̣абарияанд̇анимид̇д̇асса саммукадтаанз. саб̣б̣анимид̇д̇аанам̣ анд̇о тид̇з бхигкуу хад̇т̇абаасаг̇ад̇з гад̇ваад̇и зд̇т̇а сажз згам̣ г̇аамакзд̇д̇ам̣ ход̇и, убхосу д̇ийрзсу саб̣б̣анимид̇д̇аанам̣ анд̇о тид̇з бхигкуу хад̇т̇абаасаг̇ад̇з гад̇ваа самманнид̇аб̣б̣аа. наанааг̇аамагкзд̇д̇ам̣ жз, самаанасам̣ваасагасиймааб̣анд̇ханагаалз анааг̇анд̇умби ваддад̇и. авиббаваасасиймаасаммуд̇ияам̣ бана ааг̇анд̇аб̣б̣амзва. яасмаа убхосу д̇ийрзсу нимид̇д̇агид̇д̇анамад̇д̇зна д̣̇ийбаго сан̇г̇ахид̇о наама на ход̇и, д̇асмаа д̣̇ийбагзби нимид̇д̇аани висум̣ гид̇д̇зд̇аб̣б̣аанзваад̇и ааха ‘‘д̣̇ийбагасса ориманд̇з жа баариманд̇з жа нимид̇д̇ам̣ гид̇д̇зд̇аб̣б̣а’’нд̇и. д̣̇ийбагасикаранд̇и д̣̇ийбагамад̇т̇агам̣. баб̣б̣ад̇асан̣таанаад̇и д̣̇ийбагасса згад̇о ад̇хигад̇арад̇д̇аа вуд̇д̇ам̣.
140.Pārayatīti ajjhottharati. Pārāti sīmāpekkho itthiliṅganiddeso. Assāti bhaveyya. Idhādhippetanāvāya pamāṇaṃ dassento āha ‘‘yā sabbantimena paricchedena…pe… tayo jane vahatī’’ti. Iminā ca vuttappamāṇato khuddakā nāvā vijjamānāpi idha asantapakkhaṃ bhajatīti dīpeti. Avassaṃ labbhaneyyā dhuvanāvāva hotīti sambandho. Rukkhaṃ chinditvā katoti pāṭhaseso. Paratīre sammukhaṭṭhāneti orimatīre sabbapariyantanimittassa sammukhaṭṭhāne. Sabbanimittānaṃ anto ṭhite bhikkhū hatthapāsagate katvāti ettha sace ekaṃ gāmakhettaṃ hoti, ubhosu tīresu sabbanimittānaṃ anto ṭhite bhikkhū hatthapāsagate katvā sammannitabbā. Nānāgāmakkhettaṃ ce, samānasaṃvāsakasīmābandhanakāle anāgantumpi vaṭṭati. Avippavāsasīmāsammutiyaṃ pana āgantabbameva. Yasmā ubhosu tīresu nimittakittanamattena dīpako saṅgahito nāma na hoti, tasmā dīpakepi nimittāni visuṃ kittetabbānevāti āha ‘‘dīpakassaorimante ca pārimante ca nimittaṃ kittetabba’’nti. Dīpakasikharanti dīpakamatthakaṃ. Pabbatasaṇṭhānāti dīpakassa ekato adhikatarattā vuttaṃ.
сиймаануж̇аананагат̇ааван̣н̣анаа нидтид̇аа.
Sīmānujānanakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 71. сиймаануж̇аананаа • 71. Sīmānujānanā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / сиймаануж̇аананагат̇аа • Sīmānujānanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / сиймаануж̇аананагат̇ааван̣н̣анаа • Sīmānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / сиймаануж̇аананагат̇ааван̣н̣анаа • Sīmānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 71. сиймаануж̇аананагат̇аа • 71. Sīmānujānanakathā
