| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
сиймаануж̇аананагат̇ааван̣н̣анаа
Sīmānujānanakathāvaṇṇanā
138. згааваасаг̇ад̇аанам̣ васзна саамаг̇г̇им̣ бадигкибид̇ваа згасиймаг̇ад̇аанам̣ васзна ануж̇аанид̇угаамо бхаг̇аваа ‘‘ануж̇аанаами, бхигкавз, сиймам̣ самманнид̇у’’нд̇и ааха. ат̇а ааваасабарижчзд̣̇ам̣ вад̇д̇угаамо бхавзяяа. зд̇д̇аавад̇аа згааваасо яаавад̇аа згаасиймаа. ‘‘ануж̇аанаами, бхигкавз, сиймам̣ самманнид̇у’’нд̇и вад̣̇зяяа. д̇асмаа на ид̇ха анун̃н̃аад̇аб̣ад̣̇д̇хасиймаавасзна згааваасабарижчзд̣̇о ход̇и, убажаарасиймаавасзнзва ход̇ийд̇и взд̣̇ид̇аб̣б̣ам̣. гат̇ам̣ ж̇аанид̇аб̣б̣анд̇и жз? баал̣ид̇ова, яат̇ааха ‘‘д̇зна ко бана самаязна ааяасмаа убананд̣̇о сагяабуд̇д̇о зго д̣̇вийсу ааваасзсу вассам̣ васи…бз… згаад̇хиббааяа’’нд̇и (махаава. 364). ан̃н̃ат̇аа вассажчзд̣̇од̇и анидтаббасан̇г̇ова, гат̇ам̣? згааваасавасзнзва жз саамаг̇г̇ий, б̣ахуааваасаанааваасзсу на самбхавзяяа. д̇ад̇о со д̇ам̣ ааваасам̣ г̇ажчанд̇о б̣ахид̣̇д̇хаа убосат̇ам̣ гарод̇и. ‘‘на, бхигкавз, д̇ад̣̇ахубосат̇з сабхигкуго анааваасо г̇анд̇аб̣б̣о’’д̇иаад̣̇и (махаава. 181)-баал̣ивирод̇хо сад̇иби сан̇гхз анааваасз убосат̇асса агад̇д̇аб̣б̣ад̇о. анааваасзби жз саамаг̇г̇ий лаб̣бхад̇и, ‘‘зд̇д̇аавад̇аа саамаг̇г̇ий, яаавад̇аа згааваасо’’д̇и на вад̇д̇аб̣б̣ам̣, д̇асмаа саб̣б̣ат̇аа буриманаяо бажчимзнзва бадигкид̇д̇од̇и гад̇ваа наанааваасавасзнаби саамаг̇г̇ийд̇и взд̣̇ид̇аб̣б̣ам̣. ‘‘д̇ам̣ гаммам̣ гаромаад̇и вад̇ваа на агам̣суу’д̇иаад̣̇ийсу вияа анааг̇ад̇амби абзгкад̇и, д̇асмаа ‘гаромаа’д̇и вуд̇д̇з на ваддад̇ий’’д̇и вад̣̇анд̇и. ‘‘сиймам̣ асод̇хзд̇вааби нимид̇д̇ам̣ гид̇д̇зд̇ум̣ ваддад̇ий’’д̇и ликид̇ам̣. хздтимагодияаа ад̣дхадтамарад̇ануб̣б̣зд̇хо хад̇т̇иббамаан̣о. сажз зго б̣ад̣̇д̇хо ход̇и, на гаад̇аб̣б̣од̇и зд̇т̇а ‘‘жад̇уусу д̣̇исаасу жад̇уннам̣ баб̣б̣ад̇агуудаанам̣ хздтаа бидтибаасаан̣асад̣̇исз баасаан̣з тид̇ад̇д̇аа згааб̣ад̣̇д̇хабхаавз сад̇иби бат̇авид̇о уд̣̇д̇хам̣ д̇зсам̣ самб̣анд̇хз асад̇и хздтаа бат̇авиг̇ад̇асамб̣анд̇хамад̇д̇з аб̣б̣охааригам̣ гад̇ваа гид̇д̇зд̇ум̣ ваддад̇и. д̇знзва ‘бидтибаасаан̣о ад̇имаханд̇оби баасаан̣асан̇кяамзва г̇ажчад̇ий’д̇и вуд̇д̇ам̣. бат̇авид̇о хздтаа д̇асса маханд̇абхаавз г̇аяхамаанз баб̣б̣ад̇амзва ход̇ий’’д̇и ануг̇ан̣тибад̣̇з вуд̇д̇ам̣. ‘‘жинид̇ваа гад̇абам̣субун̃ж̇з д̇ин̣аг̇умб̣аругкаа жз ж̇ааяанд̇и, баб̣б̣ад̇о ход̇ийд̇и д̇хаммасирид̇т̇зро. нзваад̇и убад̇иссад̇т̇зро’’д̇и вуд̇д̇ам̣.
138. Ekāvāsagatānaṃ vasena sāmaggiṃ paṭikkhipitvā ekasīmagatānaṃ vasena anujānitukāmo bhagavā ‘‘anujānāmi, bhikkhave, sīmaṃ sammannitu’’nti āha. Atha āvāsaparicchedaṃ vattukāmo bhaveyya. Ettāvatā ekāvāso yāvatā ekāsīmā. ‘‘Anujānāmi, bhikkhave, sīmaṃ sammannitu’’nti vadeyya. Tasmā na idha anuññātabaddhasīmāvasena ekāvāsaparicchedo hoti, upacārasīmāvaseneva hotīti veditabbaṃ. Kathaṃ jānitabbanti ce? Pāḷitova, yathāha ‘‘tena kho pana samayena āyasmā upanando sakyaputto eko dvīsu āvāsesu vassaṃ vasi…pe… ekādhippāya’’nti (mahāva. 364). Aññathā vassacchedoti aniṭṭhappasaṅgova, kathaṃ? Ekāvāsavaseneva ce sāmaggī, bahuāvāsaanāvāsesu na sambhaveyya. Tato so taṃ āvāsaṃ gacchanto bahiddhā uposathaṃ karoti. ‘‘Na, bhikkhave, tadahuposathe sabhikkhuko anāvāso gantabbo’’tiādi (mahāva. 181)-pāḷivirodho satipi saṅghe anāvāse uposathassa akattabbato. Anāvāsepi ce sāmaggī labbhati, ‘‘ettāvatā sāmaggī, yāvatā ekāvāso’’ti na vattabbaṃ, tasmā sabbathā purimanayo pacchimeneva paṭikkhittoti katvā nānāvāsavasenapi sāmaggīti veditabbaṃ. ‘‘Taṃ kammaṃ karomāti vatvā na akaṃsū’tiādīsu viya anāgatampi apekkhati, tasmā ‘karomā’ti vutte na vaṭṭatī’’ti vadanti. ‘‘Sīmaṃ asodhetvāpi nimittaṃ kittetuṃ vaṭṭatī’’ti likhitaṃ. Heṭṭhimakoṭiyā aḍḍhaṭṭhamaratanubbedho hatthippamāṇo. Sace eko baddho hoti, na kātabboti ettha ‘‘catūsu disāsu catunnaṃ pabbatakūṭānaṃ heṭṭhā piṭṭhipāsāṇasadise pāsāṇe ṭhitattā ekābaddhabhāve satipi pathavito uddhaṃ tesaṃ sambandhe asati heṭṭhā pathavigatasambandhamatte abbohārikaṃ katvā kittetuṃ vaṭṭati. Teneva ‘piṭṭhipāsāṇo atimahantopi pāsāṇasaṅkhyameva gacchatī’ti vuttaṃ. Pathavito heṭṭhā tassa mahantabhāve gayhamāne pabbatameva hotī’’ti anugaṇṭhipade vuttaṃ. ‘‘Cinitvā katapaṃsupuñje tiṇagumbarukkhā ce jāyanti, pabbato hotīti dhammasiritthero. Nevāti upatissatthero’’ti vuttaṃ.
баасаан̣од̇и ‘‘суд̇хаамаяабаасаан̣оби ваддад̇ий’’д̇и вад̣̇анд̇и. виймам̣сид̇аб̣б̣ам̣ идтагааяа бадигкид̇д̇ад̇д̇аа. д̣̇вад̇д̇им̣сабалаг̇ул̣абин̣д̣аббамаан̣о д̇улад̇ааяа, на д̇улаг̇ан̣анааяа. собийд̇и каан̣уго вияа удтид̇абаасаан̣о.
Pāsāṇoti ‘‘sudhāmayapāsāṇopi vaṭṭatī’’ti vadanti. Vīmaṃsitabbaṃ iṭṭhakāya paṭikkhittattā. Dvattiṃsapalaguḷapiṇḍappamāṇo tulatāya, na tulagaṇanāya. Sopīti khāṇuko viya uṭṭhitapāsāṇo.
жад̇убан̃жаругканимид̇д̇амад̇д̇амбийд̇и згажжзсу нимид̇д̇асад̣̇д̣̇о над̇т̇и. зд̇т̇а д̇аяо жз саараругкаа хонд̇и, д̣̇вз асаараругкаа, саараругкаанам̣ б̣ахуд̇д̇ам̣ ижчид̇аб̣б̣ам̣. ‘‘сусаанамби ид̇ха ‘ванамзваа’д̇и сан̇кяам̣ г̇ажчад̇и саяам̣ж̇аад̇ад̇д̇аа’’д̇и вуд̇д̇ам̣. гзжи бана ‘‘жад̇уусу д̣̇вз анд̇осаараа жз, ваддад̇и. анд̇осаараа ад̇хигаа, самаа ваа, ваддад̇и. д̇асмаа б̣ахуусуби д̣̇вз жз анд̇осаараа ад̇т̇и, ваддад̇ий’’д̇и вад̣̇анд̇и.
Catupañcarukkhanimittamattampīti ekaccesu nimittasaddo natthi. Ettha tayo ce sārarukkhā honti, dve asārarukkhā, sārarukkhānaṃ bahuttaṃ icchitabbaṃ. ‘‘Susānampi idha ‘vanamevā’ti saṅkhyaṃ gacchati sayaṃjātattā’’ti vuttaṃ. Keci pana ‘‘catūsu dve antosārā ce, vaṭṭati. Antosārā adhikā, samā vā, vaṭṭati. Tasmā bahūsupi dve ce antosārā atthi, vaṭṭatī’’ti vadanti.
барабхааг̇зд̇и зд̇т̇а ‘‘зд̇зхи б̣ад̣̇д̇хадтаанад̇о г̇ад̇ад̇д̇аа ваддад̇и. д̇ат̇аа д̣̇ийгхамаг̇г̇зби г̇ахид̇адтаанад̇о г̇ад̇адтаанасса ан̃н̃ад̇д̇аа’’д̇и вад̣̇анд̇и.
Parabhāgeti ettha ‘‘etehi baddhaṭṭhānato gatattā vaṭṭati. Tathā dīghamaggepi gahitaṭṭhānato gataṭṭhānassa aññattā’’ti vadanti.
анвад̣̇д̇хамаасанд̇и зд̇т̇а ‘‘ануб̣ад̣̇д̇хо ад̣̇д̇хамаасо, ад̣̇д̇хамаасасса ваа ануу’’д̇и ликид̇ам̣. ‘‘анд̇араваасаго д̇змияад̇ий’’д̇и вуд̇д̇ад̇д̇аа д̇ад̇д̇агаббамаан̣ауд̣̇агзязва гаад̇ум̣ ваддад̇ийд̇и гзжи. д̇змияад̇ийд̇и иминаа хздтимагодияаа над̣̇илагкан̣ам̣ вуд̇д̇ам̣. зваруубааяа над̣̇ияаа яасмим̣ таанз жад̇д̇ааро маасз аббам̣ ваа б̣ахум̣ ваа уд̣̇агам̣ аж̇жход̇т̇арид̇ваа бавад̇д̇ад̇и, д̇асмим̣ таанз аббод̣̇агзби тад̇ваа гаад̇ум̣ ваддад̇ийд̇и згз. ‘‘бавад̇д̇анадтаанз над̣̇инимид̇д̇а’нд̇и вуд̇д̇ад̇д̇аа сзд̇уд̇о барад̇о д̇ад̇д̇агам̣ уд̣̇агам̣ яад̣̇и бавад̇д̇ад̇и, над̣̇ий зваа’’д̇и вад̣̇анд̇и.
Anvaddhamāsanti ettha ‘‘anubaddho addhamāso, addhamāsassa vā anū’’ti likhitaṃ. ‘‘Antaravāsako temiyatī’’ti vuttattā tattakappamāṇaudakeyeva kātuṃ vaṭṭatīti keci. Temiyatīti iminā heṭṭhimakoṭiyā nadilakkhaṇaṃ vuttaṃ. Evarūpāya nadiyā yasmiṃ ṭhāne cattāro māse appaṃ vā bahuṃ vā udakaṃ ajjhottharitvā pavattati, tasmiṃ ṭhāne appodakepi ṭhatvā kātuṃ vaṭṭatīti eke. ‘‘Pavattanaṭṭhāne nadinimitta’nti vuttattā setuto parato tattakaṃ udakaṃ yadi pavattati, nadī evā’’ti vadanti.
ж̇аад̇ассараад̣̇ийсу тид̇од̣̇агам̣ ж̇аад̇ассараад̣̇ибад̣̇зсзна ананд̇аригамби нимид̇д̇ам̣ гаад̇ум̣ ваддад̇и над̣̇ибаарасиймааяа нимид̇д̇ам̣ вияа. сажз со бад̣̇зсо гааланд̇арзна г̇аамакзд̇д̇абхаавам̣ баабун̣аад̇и, д̇ад̇т̇а ан̃н̃ам̣ сиймам̣ самманнид̇ум̣ ваддад̇и. угкзбиманд̇и уд̣̇д̇харид̇ваа г̇ахзд̇аб̣б̣агам̣.
Jātassarādīsu ṭhitodakaṃ jātassarādipadesena anantarikampi nimittaṃ kātuṃ vaṭṭati nadipārasīmāya nimittaṃ viya. Sace so padeso kālantarena gāmakhettabhāvaṃ pāpuṇāti, tattha aññaṃ sīmaṃ sammannituṃ vaṭṭati. Ukkhepimanti uddharitvā gahetabbakaṃ.
аб̣ад̣̇д̇хасиймавихаараанам̣ сиймааяа убажаарам̣ табзд̇ваад̇и ‘‘ааяад̇им̣ самманнид̇аб̣б̣ааяа огаасам̣ табзд̇ваа’’д̇и ликид̇ам̣. анд̇онимид̇д̇аг̇ад̇зхи банаад̇и ‘‘згасса убад̣дхам̣ анд̇огад̇д̇угаамад̇ааяа сад̇и саб̣б̣зсам̣ ааг̇аманз баяож̇анам̣ над̇т̇ийд̇и гад̇ваа ‘анд̇онимид̇д̇аг̇ад̇зхий’д̇и вуд̇д̇ам̣, д̇ан̃жа саамийживасзнаа’’д̇и вад̣̇анд̇и. анааг̇аманамби ваддад̇ийд̇и ‘‘сиймааяа аб̣ад̣̇д̇хад̇д̇аа ваг̇г̇ам̣ наама на ход̇ий’’д̇и ликид̇ам̣. ‘‘ан̃н̃асмим̣ г̇аамакзд̇д̇з тад̇ваа нимид̇д̇агид̇д̇анагаалз, самаанасам̣ваасагасиймааяа самманнанагаалз жа ааг̇аманабаяож̇анам̣ над̇т̇ий’’д̇и вуд̇д̇ам̣. бхзрисан̃н̃ам̣ ваад̇и ‘‘самманнанабарияосаанам̣ гаромаад̇и вад̇ваа’’д̇и ликид̇ам̣, д̇зна д̇аад̣̇исз гаалз д̇ам̣ габбад̇ийд̇и сид̣̇д̇хам̣ ход̇и. гим̣ иминаа? сукагаран̣ад̇т̇анд̇и махааж̇анасаннибаад̇анабариссамам̣ агад̇ваа аббад̇арзхи сукагаран̣ад̇т̇ам̣. яад̣̇и махаасиймааб̣анд̇ханагаалз анд̇арааяо ход̇и, д̇ад̇д̇агзнаби сукавихаарод̇и д̣̇ассанад̇т̇ам̣ ‘‘батама’’нд̇и вуд̇д̇анд̇и згз. д̇ад̇о орам̣ на ваддад̇ийд̇и гат̇ам̣ бан̃н̃ааяад̇ийд̇и? вийсад̇иваг̇г̇агаран̣ийяабарамад̇д̇аа сан̇гхагаммасса. гаммаарахзна сад̣̇д̇хим̣ згавийсад̇и бхигкуу жз г̇ан̣хаад̇и, ваддад̇и. д̇ад̇д̇агаббамаан̣ам̣ суканисаж̇ж̇авасзна взд̣̇ид̇аб̣б̣ам̣. д̇амзва нимид̇д̇ам̣ ан̃н̃зби гид̇д̇зд̇ваа сажз б̣анд̇ханд̇и, ваддад̇ийд̇и згз.
Abaddhasīmavihārānaṃ sīmāya upacāraṃ ṭhapetvāti ‘‘āyatiṃ sammannitabbāya okāsaṃ ṭhapetvā’’ti likhitaṃ. Antonimittagatehi panāti ‘‘ekassa upaḍḍhaṃ antokattukāmatāya sati sabbesaṃ āgamane payojanaṃ natthīti katvā ‘antonimittagatehī’ti vuttaṃ, tañca sāmīcivasenā’’ti vadanti. Anāgamanampi vaṭṭatīti ‘‘sīmāya abaddhattā vaggaṃ nāma na hotī’’ti likhitaṃ. ‘‘Aññasmiṃ gāmakhette ṭhatvā nimittakittanakāle, samānasaṃvāsakasīmāya sammannanakāle ca āgamanapayojanaṃ natthī’’ti vuttaṃ. Bherisaññaṃ vāti ‘‘sammannanapariyosānaṃ karomāti vatvā’’ti likhitaṃ, tena tādise kāle taṃ kappatīti siddhaṃ hoti. Kiṃ iminā? Sukhakaraṇatthanti mahājanasannipātanaparissamaṃ akatvā appatarehi sukhakaraṇatthaṃ. Yadi mahāsīmābandhanakāle antarāyo hoti, tattakenapi sukhavihāroti dassanatthaṃ ‘‘paṭhama’’nti vuttanti eke. Tato oraṃ na vaṭṭatīti kathaṃ paññāyatīti? Vīsativaggakaraṇīyaparamattā saṅghakammassa. Kammārahena saddhiṃ ekavīsati bhikkhū ce gaṇhāti, vaṭṭati. Tattakappamāṇaṃ sukhanisajjavasena veditabbaṃ. Tameva nimittaṃ aññepi kittetvā sace bandhanti, vaṭṭatīti eke.
‘‘звам̣ б̣ад̣̇д̇хаасу бана…бз… сийманд̇аригаа хи г̇аамакзд̇д̇ам̣ бхаж̇ад̇ий’’д̇и на ааваасавасзна саамаг̇г̇ийбарижчзд̣̇о, гинд̇у сиймаавасзнзваад̇и д̣̇ассанад̇т̇ам̣ вуд̇д̇ам̣. ‘‘нимид̇д̇убаг̇абаасаан̣з табзд̇ваа’’д̇и сан̃жаариманимид̇д̇асса д̇аббарад̇о вуд̇д̇ам̣. ид̇о бадтааяа г̇ан̣тибад̣̇аггамо ход̇и – на сагкиссанд̇ийд̇и д̇з авиббаваасам̣ асаллагкзд̇ваа ‘‘самаанасам̣ваасагамзва самууханиссаамаа’’д̇и вааяааманд̇аа самууханид̇ум̣ на сагкиссанд̇и. ‘‘згарад̇анаббамаан̣аа’’д̇и сувин̃н̃зяяанд̇араа ход̇ийд̇и гад̇ваа вуд̇д̇ам̣. зган̇г̇уламад̇д̇амби ваддад̇зва. кан̣д̣асиймад̇о бадтааяа б̣анд̇ханам̣ аажин̣н̣ам̣. аажин̣н̣агаран̣зна виг̇ад̇асаммохо ход̇ийд̇и. гудиг̇зхзд̇и гудигхарз бхуумигхарз. уд̣̇угкалам̣ваад̇и бхуумиуд̣̇угкалам̣ вияа куд̣̇д̣̇агааваадам̣. ‘‘бамукз’’д̇и бхуумигудим̣ санд̇хааяа вуд̇д̇анд̇и згз. хздтаа на од̇арад̇ийд̇и бхид̇д̇ид̇о орам̣ нимид̇д̇аани табзд̇ваа гид̇д̇ид̇ад̇д̇аа хздтаа аагаасз на од̇арад̇и, убари гад̇з баасаад̣̇зд̇и ад̇т̇о. бхид̇д̇илаг̇г̇зд̇и бхид̇д̇иниссид̇агз. имз гира бхид̇д̇илаг̇г̇ааби ‘‘згааб̣ад̣̇д̇хаа’’д̇и на вужжанд̇и. саб̣б̣о баасаад̣̇о сиймадто ход̇ийд̇и згааб̣ад̣̇д̇хо ваа ход̇у, маа ваа. д̇ааламуулагабаб̣б̣ад̇о наама анубуб̣б̣зна д̇ануго. аагаасабаб̣бхааранд̇и абаригкзбабаб̣бхаарам̣. сусирабаасаан̣о наама лзн̣ам̣ ход̇и. анд̇олзн̣анд̇и баб̣б̣ад̇асса анд̇олзн̣ам̣. д̣̇ваарам̣ бана санд̇хааяа барад̇о ‘‘орад̇о’’д̇и вуд̇д̇ам̣, саб̣б̣ат̇ааби сиймад̇о б̣ахилзн̣зна од̇арад̇ийд̇и ад̇хиббааяо.
‘‘Evaṃbaddhāsu pana…pe… sīmantarikā hi gāmakhettaṃ bhajatī’’ti na āvāsavasena sāmaggīparicchedo, kintu sīmāvasenevāti dassanatthaṃ vuttaṃ. ‘‘Nimittupagapāsāṇe ṭhapetvā’’ti sañcārimanimittassa tapparato vuttaṃ. Ito paṭṭhāya gaṇṭhipadakkamo hoti – na sakkhissantīti te avippavāsaṃ asallakkhetvā ‘‘samānasaṃvāsakameva samūhanissāmā’’ti vāyāmantā samūhanituṃ na sakkhissanti. ‘‘Ekaratanappamāṇā’’ti suviññeyyantarā hotīti katvā vuttaṃ. Ekaṅgulamattampi vaṭṭateva. Khaṇḍasīmato paṭṭhāya bandhanaṃ āciṇṇaṃ. Āciṇṇakaraṇena vigatasammoho hotīti. Kuṭigeheti kuṭighare bhūmighare. Udukkhalaṃvāti bhūmiudukkhalaṃ viya khuddakāvāṭaṃ. ‘‘Pamukhe’’ti bhūmikuṭiṃ sandhāya vuttanti eke. Heṭṭhā na otaratīti bhittito oraṃ nimittāni ṭhapetvā kittitattā heṭṭhā ākāse na otarati, upari kate pāsādeti attho. Bhittilaggeti bhittinissitake. Ime kira bhittilaggāpi ‘‘ekābaddhā’’ti na vuccanti. Sabbo pāsādo sīmaṭṭho hotīti ekābaddho vā hotu, mā vā. Tālamūlakapabbato nāma anupubbena tanuko. Ākāsapabbhāranti aparikkhepapabbhāraṃ. Susirapāsāṇo nāma leṇaṃ hoti. Antoleṇanti pabbatassa antoleṇaṃ. Dvāraṃ pana sandhāya parato ‘‘orato’’ti vuttaṃ, sabbathāpi sīmato bahileṇena otaratīti adhippāyo.
махаасиймам̣ сод̇хзд̇ваад̇и сиймадтам̣ д̣̇уураг̇ад̇амби сиймаг̇ад̇ам̣ сиймасамб̣анд̇хам̣ва, д̇асмаа д̇ам̣ анаамасид̇ваа таад̇аб̣б̣анд̇и ад̇хиббааяо. яад̣̇и звам̣ ‘‘д̇анниссид̇агам̣ абанзд̇ваа гаммам̣ гаад̇ум̣ ваддад̇ий’’д̇и вад̇д̇аб̣б̣ам̣. махааадтагат̇ааяамби ‘‘сиймам̣ сод̇хзд̇ваа гаад̇аб̣б̣а’’нд̇и зд̇д̇агамзва вуд̇д̇ам̣. махаат̇зрааби ‘‘сод̇хзд̇аб̣б̣а’’мижжзва вад̣̇анд̇ийд̇и згз. ‘‘махаасиймам̣ сод̇хзд̇ваа ваа гаммам̣ гаад̇аб̣б̣а’’нд̇и жа баато ад̇т̇и. ‘‘вуд̇д̇анаязнзваа’’д̇и жа барад̇о вагкад̇и, д̇асмаа саад̇хааран̣абаатова сунд̣̇арод̇и згз. буриманаязбийд̇и кан̣д̣асиймааяа удтахид̇ваа махаасиймааяа онад̇збийд̇и ад̇т̇о. угкибаабзд̇ваа гаад̇ум̣ на ваддад̇и. гасмаа? анд̇о тид̇ад̇д̇аа. ругкасса хздтаа бат̇авиг̇ад̇ам̣ муулам̣ кан̣д̣асиймаава ход̇и, аб̣б̣охааригам̣ ваад̇и абарз. ‘‘маж̇жхз бана чиннз махаасиймааяа тид̇амуулам̣ махаасиймамзва бхаж̇ад̇и, кан̣д̣асиймааяа тид̇ам̣ кан̣д̣асиймамзва бхаж̇ад̇и д̇ад̣̇ааяад̇д̇абат̇авирасаад̣̇ийхи ануг̇г̇ахид̇ад̇д̇аа’’д̇и вуд̇д̇ам̣. ‘‘сиймааяа бажчаа удтид̇аругкз нисийд̣̇ид̇ваа гаммам̣ гаад̇ум̣ ваддад̇и бажчаасиймааяам̣ гад̇аг̇зхз вияаа’’д̇и вад̇ваа ‘‘б̣анд̇ханагаалз тид̇аругкз нисийд̣̇ид̇ваа гаад̇ум̣ на ваддад̇и убарисиймааяа аг̇аманад̇о’’д̇и гааран̣ам̣ вад̣̇анд̇и. звам̣ сад̇и б̣анд̇ханагаалз буна аарохан̣ам̣ наама над̇т̇и, б̣анд̇хид̇агаалз зва аарухад̇ийд̇и аабаж̇ж̇ад̇и. бажчаа удтид̇аругко бана д̇аббадиб̣ад̣̇д̇хад̇д̇аа сиймасан̇кяамзва г̇ад̇о, звам̣ буб̣б̣з удтид̇аругкобийд̇и г̇ахзд̇аб̣б̣ам̣. ‘‘яам̣ гин̃жибий’’д̇и важанад̇о д̇ин̣аад̣̇иби сан̇г̇ахид̇ам̣. махаат̇зрааби д̇ин̣ам̣ сод̇хзд̇ваава гаронд̇ийд̇и.
Mahāsīmaṃ sodhetvāti sīmaṭṭhaṃ dūragatampi sīmagataṃ sīmasambandhaṃva, tasmā taṃ anāmasitvā ṭhātabbanti adhippāyo. Yadi evaṃ ‘‘tannissitakaṃ apanetvā kammaṃ kātuṃ vaṭṭatī’’ti vattabbaṃ. Mahāaṭṭhakathāyampi ‘‘sīmaṃ sodhetvā kātabba’’nti ettakameva vuttaṃ. Mahātherāpi ‘‘sodhetabba’’micceva vadantīti eke. ‘‘Mahāsīmaṃ sodhetvā vā kammaṃ kātabba’’nti ca pāṭho atthi. ‘‘Vuttanayenevā’’ti ca parato vakkhati, tasmā sādhāraṇapāṭhova sundaroti eke. Purimanayepīti khaṇḍasīmāya uṭṭhahitvā mahāsīmāya onatepīti attho. Ukkhipāpetvā kātuṃ na vaṭṭati. Kasmā? Anto ṭhitattā. Rukkhassa heṭṭhā pathavigataṃ mūlaṃ khaṇḍasīmāva hoti, abbohārikaṃ vāti apare. ‘‘Majjhe pana chinne mahāsīmāya ṭhitamūlaṃ mahāsīmameva bhajati, khaṇḍasīmāya ṭhitaṃ khaṇḍasīmameva bhajati tadāyattapathavirasādīhi anuggahitattā’’ti vuttaṃ. ‘‘Sīmāya pacchā uṭṭhitarukkhe nisīditvā kammaṃ kātuṃ vaṭṭati pacchāsīmāyaṃ katagehe viyā’’ti vatvā ‘‘bandhanakāle ṭhitarukkhe nisīditvā kātuṃ na vaṭṭati uparisīmāya agamanato’’ti kāraṇaṃ vadanti. Evaṃ sati bandhanakāle puna ārohaṇaṃ nāma natthi, bandhitakāle eva āruhatīti āpajjati. Pacchā uṭṭhitarukkho pana tappaṭibaddhattā sīmasaṅkhyameva gato, evaṃ pubbe uṭṭhitarukkhopīti gahetabbaṃ. ‘‘Yaṃ kiñcipī’’ti vacanato tiṇādipi saṅgahitaṃ. Mahātherāpi tiṇaṃ sodhetvāva karontīti.
140. яасмаа маж̇жхад̇о гон̣ам̣ ход̇и, д̇асмаа ‘‘гон̣ад̇о гон̣а’’нд̇и вуд̇д̇ам̣. ‘‘аабад̇д̇ин̃жа аабаж̇ж̇ад̇и ажид̇д̇агад̇д̇аа’’д̇и вад̣̇анд̇и. баараяад̇ийд̇и аж̇жход̇т̇арад̇и. гаа саа? сиймаа. ‘‘яаа саб̣б̣анд̇имзна…бз… вахад̇ий’’д̇и д̇ад̇о хздтимаа нааваасан̇кяам̣ на г̇ажчад̇ийд̇и гад̇ваа вуд̇д̇анд̇и згз, д̇ам̣ на яуд̇д̇ам̣ д̣̇уд̇ияабаарааж̇игз наавадтабхан̣д̣аад̇хигаарз д̇ассааби ад̇хиббзд̇ад̇д̇аа. маж̇жхимабурисасса бхаараббамаан̣зна вуд̇д̇анд̇и згз. бхигкунийнамби над̣̇ийбаарасиймаасамбхавад̇о д̇аасам̣ ‘‘згаа ваа над̣̇ийбаарам̣ г̇ажчзяяаа’’д̇и вуд̇д̇ад̣̇осабарихаран̣ад̇т̇анд̇и аажарияасса д̇агго. убхаяад̇т̇ааби д̇хува-сад̣̇д̣̇о г̇ахид̇о. д̇зна убосат̇анд̇арааяа барихаран̣ад̇т̇ам̣ убосат̇ад̣̇ивасо нияамад̇ова вуд̇д̇о. зд̇т̇а жа нааваа наама бамаан̣аяуд̇д̇аа саб̣б̣асаад̇хааран̣аа т̇амбханааваа ад̇хиббзд̇аа, на гулланааваад̇и но д̇аггод̇и аажарияо. ругкам̣ чинд̣̇ид̇ваа гад̇од̇и ад̇т̇о. сажз згам̣ г̇аамакзд̇д̇ам̣, саб̣б̣анимид̇д̇аанам̣ анд̇о тид̇з бхигкуу хад̇т̇абаасаг̇ад̇з гад̇ваа самманнид̇аб̣б̣аа. наанааг̇аамакзд̇д̇ам̣ жз, анааг̇аманамби ваддад̇и. убхаяад̇ийрз нимид̇д̇агид̇д̇анамад̇д̇зна д̣̇ийбаго сан̇г̇ахид̇о на ход̇и, д̇асмаа д̣̇ийбагз нимид̇д̇аани гид̇д̇зд̇аб̣б̣аанзва. ‘‘над̣̇ияаа хздтаа нисиннабхигку гаммам̣ гобзд̇и. убариязва хи над̣̇ий ход̇ий’’д̇и вад̣̇анд̇и.
140. Yasmā majjhato koṇaṃ hoti, tasmā ‘‘koṇato koṇa’’nti vuttaṃ. ‘‘Āpattiñca āpajjati acittakattā’’ti vadanti. Pārayatīti ajjhottharati. Kā sā? Sīmā. ‘‘Yā sabbantimena…pe… vahatī’’ti tato heṭṭhimā nāvāsaṅkhyaṃ na gacchatīti katvā vuttanti eke, taṃ na yuttaṃ dutiyapārājike nāvaṭṭhabhaṇḍādhikāre tassāpi adhippetattā. Majjhimapurisassa bhārappamāṇena vuttanti eke. Bhikkhunīnampi nadīpārasīmāsambhavato tāsaṃ ‘‘ekā vā nadīpāraṃ gaccheyyā’’ti vuttadosapariharaṇatthanti ācariyassa takko. Ubhayatthāpi dhuva-saddo gahito. Tena uposathantarāya pariharaṇatthaṃ uposathadivaso niyamatova vutto. Ettha ca nāvā nāma pamāṇayuttā sabbasādhāraṇā thambhanāvā adhippetā, na kullanāvāti no takkoti ācariyo. Rukkhaṃ chinditvā katoti attho. Sace ekaṃ gāmakhettaṃ, sabbanimittānaṃ anto ṭhite bhikkhū hatthapāsagate katvā sammannitabbā. Nānāgāmakhettaṃ ce, anāgamanampi vaṭṭati. Ubhayatīre nimittakittanamattena dīpako saṅgahito na hoti, tasmā dīpake nimittāni kittetabbāneva. ‘‘Nadiyā heṭṭhā nisinnabhikkhu kammaṃ kopeti. Upariyeva hi nadī hotī’’ti vadanti.
сиймаануж̇аананагат̇ааван̣н̣анаа нидтид̇аа.
Sīmānujānanakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 71. сиймаануж̇аананаа • 71. Sīmānujānanā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / сиймаануж̇аананагат̇аа • Sīmānujānanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / сиймаануж̇аананагат̇ааван̣н̣анаа • Sīmānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / сиймаануж̇аананагат̇ааван̣н̣анаа • Sīmānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 71. сиймаануж̇аананагат̇аа • 71. Sīmānujānanakathā
