| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
сиймаануж̇аананагат̇ааван̣н̣анаа
Sīmānujānanakathāvaṇṇanā
138. ‘‘бурад̇т̇имааяа д̣̇исааяаа’’д̇и ид̣̇ам̣ нид̣̇ассанамад̇д̇ам̣. д̇ассам̣ бана д̣̇исааяам̣ нимид̇д̇з асад̇и яад̇т̇а ад̇т̇и, д̇ад̇о бадтааяа батамам̣ ‘‘бурад̇т̇имааяа ануд̣̇исааяа, д̣̇агкин̣ааяа д̣̇исааяаа’’д̇иаад̣̇инаа саманд̇аа виж̇ж̇амаанадтаанзсу нимид̇д̇аани гид̇д̇зд̇ваа буна ‘‘бурад̇т̇имааяа ануд̣̇исааяаа’’д̇и батамагид̇д̇ид̇ам̣ гид̇д̇зд̇ум̣ ваддад̇и, д̇ийхи нимид̇д̇зхи син̇гхаадагасан̣таанааяаби сиймааяа самманнид̇аб̣б̣ад̇о. д̇игкад̇д̇ум̣ сиймааман̣д̣алам̣ самб̣анд̇ханд̇знаад̇и винаяад̇харзна саяам̣ згасмим̣язва таанз тад̇ваа гзвалам̣ нимид̇д̇агид̇д̇анаважанзнзва сиймааман̣д̣алам̣ саманд̇аа нимид̇д̇зна нимид̇д̇ам̣ б̣анд̇ханд̇знаад̇и ад̇т̇о. д̇ам̣ д̇ам̣ нимид̇д̇адтаанам̣ аг̇анд̇вааби хи гид̇д̇зд̇ум̣ ваддад̇и. д̇ияож̇анабарамааяа сиймааяа саманд̇ад̇о д̇игкад̇д̇ум̣ анубариг̇аманасса згад̣̇ивасзна д̣̇уггарад̇д̇аа винаяад̇харзна саяам̣ ад̣̇идтамби буб̣б̣з бхигкуухи яат̇аававад̇т̇ид̇ам̣ нимид̇д̇ам̣ ‘‘баасаан̣о бханд̇з’’д̇иаад̣̇инаа гзнажи вуд̇д̇аанусаарзна саллагкзд̇ваа ‘‘зсо баасаан̣о нимид̇д̇а’’нд̇иаад̣̇инаа гид̇д̇зд̇умби ваддад̇и зва.
138.‘‘Puratthimāyadisāyā’’ti idaṃ nidassanamattaṃ. Tassaṃ pana disāyaṃ nimitte asati yattha atthi, tato paṭṭhāya paṭhamaṃ ‘‘puratthimāya anudisāya, dakkhiṇāya disāyā’’tiādinā samantā vijjamānaṭṭhānesu nimittāni kittetvā puna ‘‘puratthimāya anudisāyā’’ti paṭhamakittitaṃ kittetuṃ vaṭṭati, tīhi nimittehi siṅghāṭakasaṇṭhānāyapi sīmāya sammannitabbato. Tikkhattuṃ sīmāmaṇḍalaṃ sambandhantenāti vinayadharena sayaṃ ekasmiṃyeva ṭhāne ṭhatvā kevalaṃ nimittakittanavacaneneva sīmāmaṇḍalaṃ samantā nimittena nimittaṃ bandhantenāti attho. Taṃ taṃ nimittaṭṭhānaṃ agantvāpi hi kittetuṃ vaṭṭati. Tiyojanaparamāya sīmāya samantato tikkhattuṃ anuparigamanassa ekadivasena dukkarattā vinayadharena sayaṃ adiṭṭhampi pubbe bhikkhūhi yathāvavatthitaṃ nimittaṃ ‘‘pāsāṇo bhante’’tiādinā kenaci vuttānusārena sallakkhetvā ‘‘eso pāsāṇo nimitta’’ntiādinā kittetumpi vaṭṭati eva.
суд̣̇д̇хабам̣субаб̣б̣ад̇од̇и на гзнажи гад̇о саяам̣ж̇аад̇ова вуд̇д̇о. д̇ат̇аа сзсааби. ид̇аробийд̇и суд̣̇д̇хабам̣субаб̣б̣ад̇аад̣̇игоби баб̣б̣ад̇о. хад̇т̇иббамаан̣ад̇од̇и зд̇т̇а бхуумид̇о уг̇г̇ад̇аббад̣̇зсзна хад̇т̇иббамаан̣ам̣ г̇ахзд̇аб̣б̣ам̣. жад̇уухи ваа д̇ийхи ваад̇и сиймаабхуумияам̣ жад̇уусу, д̇ийсу ваа д̣̇исаасу тид̇зхи. згиссаа зва бана д̣̇исааяа тид̇зхи д̇ад̇о б̣ахуухиби самманнид̇ум̣ на ваддад̇и. д̣̇вийхи бана д̣̇вийсу д̣̇исаасу тид̇зхиби на ваддад̇и. д̇асмаад̇и яасмаа згзна на ваддад̇и, д̇асмаа. д̇ам̣ б̣ахид̣̇д̇хаа гад̇ваад̇и гид̇д̇ид̇анимид̇д̇асса асиймад̇д̇аа анд̇осиймааяа гаран̣ам̣ аяуд̇д̇анд̇и вуд̇д̇ам̣. д̇знааха ‘‘сажз’’д̇иаад̣̇и.
Suddhapaṃsupabbatoti na kenaci kato sayaṃjātova vutto. Tathā sesāpi. Itaropīti suddhapaṃsupabbatādikopi pabbato. Hatthippamāṇatoti ettha bhūmito uggatappadesena hatthippamāṇaṃ gahetabbaṃ. Catūhi vā tīhi vāti sīmābhūmiyaṃ catūsu, tīsu vā disāsu ṭhitehi. Ekissā eva pana disāya ṭhitehi tato bahūhipi sammannituṃ na vaṭṭati. Dvīhi pana dvīsu disāsu ṭhitehipi na vaṭṭati. Tasmāti yasmā ekena na vaṭṭati, tasmā. Taṃ bahiddhā katvāti kittitanimittassa asīmattā antosīmāya karaṇaṃ ayuttanti vuttaṃ. Tenāha ‘‘sace’’tiādi.
д̣̇вад̇д̇им̣сабалаг̇ул̣абин̣д̣аббамаан̣ад̇аа сан̣таанад̇о г̇ахзд̇аб̣б̣аа, на д̇улаг̇ан̣анаавасзна, бхаарад̇о балабаримаан̣ан̃жа маг̇ад̇хад̇улааяа г̇ахзд̇аб̣б̣ам̣. саа жа логияад̇улааяа д̣̇виг̇ун̣аад̇и вад̣̇анд̇и. ад̇имаханд̇обийд̇и бхуумид̇о хад̇т̇иббамаан̣ам̣ ануг̇г̇анд̇ваа хздтаабхуумияам̣ од̇ин̣н̣агханад̇о анзгаяож̇анаббамаан̣оби. сажз хи д̇ад̇о хад̇т̇иббамаан̣ам̣ гуудам̣ уг̇г̇ажчад̇и, баб̣б̣ад̇асан̇кяамзва г̇ажчад̇и.
Dvattiṃsapalaguḷapiṇḍappamāṇatā saṇṭhānato gahetabbā, na tulagaṇanāvasena, bhārato palaparimāṇañca magadhatulāya gahetabbaṃ. Sā ca lokiyatulāya dviguṇāti vadanti. Atimahantopīti bhūmito hatthippamāṇaṃ anuggantvā heṭṭhābhūmiyaṃ otiṇṇaghanato anekayojanappamāṇopi. Sace hi tato hatthippamāṇaṃ kūṭaṃ uggacchati, pabbatasaṅkhyameva gacchati.
анд̇осаараананд̇и д̇асмим̣ кан̣з д̇арун̣ад̇ааяа саарз авиж̇ж̇амаанзби барин̣аамзна бхависсамаанасаарзби санд̇хааяа вуд̇д̇ам̣. д̇аад̣̇исаанан̃хи суужид̣̇ан̣д̣агаббамаан̣абарин̣аахаанам̣ жад̇убан̃жамад̇д̇амби ванам̣ ваддад̇и. анд̇осаарамиссагаананд̇и анд̇осаарзхи ругкзхи саммиссаанам̣. зд̇зна жа саараругкамиссамби ванам̣ ваддад̇ийд̇и д̣̇ассзд̇и. жад̇убан̃жаругкамад̇д̇амбийд̇и саараругкз санд̇хааяа вуд̇д̇ам̣. ванамаж̇жхз вихаарам̣ гаронд̇ийд̇и ругкагхадааяа анд̇арз ругкз ажчинд̣̇ид̇ваа вад̇иаад̣̇ийхи вихаарабарижчзд̣̇ам̣ гад̇ваава анд̇оругканд̇арзсу зва баривзн̣абан̣н̣асаалаад̣̇ийнам̣ гаран̣авасзна яат̇аа анд̇овихаарамби ванамзва ход̇и, звам̣ вихаарам̣ гаронд̇ийд̇и ад̇т̇о. яад̣̇и хи саб̣б̣ам̣ ругкам̣ чинд̣̇ид̇ваа вихаарам̣ гарзяяум̣, вихаарасса аванад̇д̇аа д̇ам̣ баригкибид̇ваа тид̇ам̣ ванам̣ згад̇т̇а гид̇д̇зд̇аб̣б̣ам̣ сияаа. ид̇ха бана анд̇оби ванад̇д̇аа ‘‘ванам̣ на гид̇д̇зд̇аб̣б̣а’’нд̇и вуд̇д̇ам̣. сажз хи д̇ам̣ гид̇д̇знд̇и, ‘‘нимид̇д̇асса убари вихааро ход̇ий’’д̇иаад̣̇инаа ананд̇арз вуд̇д̇ад̣̇осам̣ аабаж̇ж̇ад̇и. згад̣̇зсанд̇и ванзгад̣̇зсам̣, ругкавирахид̇адтаанз гад̇авихаарасса згабассз тид̇аванасса згад̣̇зсанд̇и ад̇т̇о.
Antosārānanti tasmiṃ khaṇe taruṇatāya sāre avijjamānepi pariṇāmena bhavissamānasārepi sandhāya vuttaṃ. Tādisānañhi sūcidaṇḍakappamāṇapariṇāhānaṃ catupañcamattampi vanaṃ vaṭṭati. Antosāramissakānanti antosārehi rukkhehi sammissānaṃ. Etena ca sārarukkhamissampi vanaṃ vaṭṭatīti dasseti. Catupañcarukkhamattampīti sārarukkhe sandhāya vuttaṃ. Vanamajjhe vihāraṃ karontīti rukkhaghaṭāya antare rukkhe acchinditvā vatiādīhi vihāraparicchedaṃ katvāva antorukkhantaresu eva pariveṇapaṇṇasālādīnaṃ karaṇavasena yathā antovihārampi vanameva hoti, evaṃ vihāraṃ karontīti attho. Yadi hi sabbaṃ rukkhaṃ chinditvā vihāraṃ kareyyuṃ, vihārassa avanattā taṃ parikkhipitvā ṭhitaṃ vanaṃ ekattha kittetabbaṃ siyā. Idha pana antopi vanattā ‘‘vanaṃ na kittetabba’’nti vuttaṃ. Sace hi taṃ kittenti, ‘‘nimittassa upari vihāro hotī’’tiādinā anantare vuttadosaṃ āpajjati. Ekadesanti vanekadesaṃ, rukkhavirahitaṭṭhāne katavihārassa ekapasse ṭhitavanassa ekadesanti attho.
суужид̣̇ан̣д̣агаббамаан̣од̇и вам̣сад̣̇ан̣д̣аббамаан̣о. лзканид̣̇ан̣д̣аббамаан̣од̇и гзжи. маад̇игаадтагат̇ааяам̣ бана авзбхан̇г̇ияавинижчаяз ‘‘яо гожи адтан̇г̇уласуужид̣̇ан̣д̣агамад̇д̇оби взл̣у…бз… г̇арубхан̣д̣а’’нд̇и (ган̇каа. адта. д̣̇уб̣б̣ад̇д̇асигкаабад̣̇аван̣н̣анаа) вуд̇д̇ад̇д̇аа д̇ануд̇аро взл̣уд̣̇ан̣д̣од̇и жа суужид̣̇ан̣д̣од̇и жа г̇ахзд̇аб̣б̣ам̣. вам̣санал̣агасарааваад̣̇ийсууд̇и взл̣убаб̣б̣з ваа нал̣абаб̣б̣з ваа габаллагаад̣̇имад̇д̇игабхааж̇анзсу ваад̇и ад̇т̇о. д̇ан̇кан̣амбийд̇и д̇арун̣абод̇агз амилааяид̇ваа вируханаж̇аад̇игз санд̇хааяа вуд̇д̇ам̣. яз бана барин̣ад̇аа самуулам̣ уд̣̇д̇харид̇ваа робид̇ааби чиннасаакаа вияа милааяид̇ваа жирзна навамуулан̇гуруббад̇д̇ияаа ж̇ийванд̇и, мийяанд̇иязва ваа, д̇аад̣̇исз гид̇д̇зд̇ум̣ на ваддад̇и. зд̇анд̇и навамууласаакааниг̇г̇аманам̣.
Sūcidaṇḍakappamāṇoti vaṃsadaṇḍappamāṇo. Lekhanidaṇḍappamāṇoti keci. Mātikāṭṭhakathāyaṃ pana avebhaṅgiyavinicchaye ‘‘yo koci aṭṭhaṅgulasūcidaṇḍakamattopi veḷu…pe… garubhaṇḍa’’nti (kaṅkhā. aṭṭha. dubbattasikkhāpadavaṇṇanā) vuttattā tanutaro veḷudaṇḍoti ca sūcidaṇḍoti ca gahetabbaṃ. Vaṃsanaḷakasarāvādīsūti veḷupabbe vā naḷapabbe vā kapallakādimattikabhājanesu vāti attho. Taṅkhaṇampīti taruṇapotake amilāyitvā viruhanajātike sandhāya vuttaṃ. Ye pana pariṇatā samūlaṃ uddharitvā ropitāpi chinnasākhā viya milāyitvā cirena navamūlaṅkuruppattiyā jīvanti, mīyantiyeva vā, tādise kittetuṃ na vaṭṭati. Etanti navamūlasākhāniggamanaṃ.
маж̇жхзд̇и сиймааяа махаад̣̇исаанам̣ анд̇о. гон̣анд̇и сиймааяа жад̇уусу гон̣зсу д̣̇виннам̣ д̣̇виннам̣ маг̇г̇аанам̣ самб̣анд̇хадтаанам̣. барабхааг̇з гид̇д̇зд̇ум̣ ваддад̇ийд̇и д̇зсам̣ жад̇уннам̣ гон̣аанам̣ б̣ахи нигкамид̇ваа тид̇зсу маг̇г̇зсу згиссаа д̣̇исааяа згам̣, ан̃н̃иссаа д̣̇исааяа жаабаранд̇и звам̣ жад̇д̇аароби маг̇г̇аа жад̇уусу д̣̇исаасу гид̇д̇зд̇ум̣ ваддад̇ийд̇и ад̇хиббааяо. звам̣ бана гид̇д̇ид̇амад̇д̇зна гат̇ам̣ згааб̣ад̣̇д̇хад̇аа виг̇ажчад̇ийд̇и вин̃н̃ааяад̇ийд̇и. барад̇о г̇ад̇адтаанзби зд̇з зва д̇з жад̇д̇ааро маг̇г̇аа. ‘‘жад̇уусу д̣̇исаасу г̇ажчанд̇ий’’д̇и хи вуд̇д̇ам̣. д̇асмаа зд̇т̇а гааран̣ам̣ вижинид̇аб̣б̣ам̣.
Majjheti sīmāya mahādisānaṃ anto. Koṇanti sīmāya catūsu koṇesu dvinnaṃ dvinnaṃ maggānaṃ sambandhaṭṭhānaṃ. Parabhāge kittetuṃ vaṭṭatīti tesaṃ catunnaṃ koṇānaṃ bahi nikkhamitvā ṭhitesu maggesu ekissā disāya ekaṃ, aññissā disāya cāparanti evaṃ cattāropi maggā catūsu disāsu kittetuṃ vaṭṭatīti adhippāyo. Evaṃ pana kittitamattena kathaṃ ekābaddhatā vigacchatīti viññāyatīti. Parato gataṭṭhānepi ete eva te cattāro maggā. ‘‘Catūsu disāsu gacchantī’’ti hi vuttaṃ. Tasmā ettha kāraṇaṃ vicinitabbaṃ.
‘‘уд̇д̇аранд̇ияаа бхигкунияаа’’д̇и ид̣̇ан̃жа баал̣ияам̣ (баажи. 692) бхигкунийнам̣ над̣̇ийбаараг̇аманз над̣̇илагкан̣асса ааг̇ад̇ад̇д̇аа вуд̇д̇ам̣. бхигкуунам̣ анд̇араваасагад̇зманамад̇д̇амби ваддад̇и зва . ‘‘над̣̇ижад̇уггзби зсзва наяо’’д̇и иминаа згад̇т̇а гид̇д̇зд̇ваа ан̃н̃ад̇т̇а барад̇о г̇ад̇адтаанзби гид̇д̇зд̇ум̣ на ваддад̇ийд̇и д̣̇ассзд̇и. д̇знзва жа ‘‘ассаммиссанад̣̇ияо жад̇ассоби гид̇д̇зд̇ум̣ ваддад̇ий’’д̇и асаммисса-г̇г̇ахан̣ам̣ гад̇ам̣. муулзд̇и аад̣̇игаалз. над̣̇им̣ бхинд̣̇ид̇ваад̇и яат̇аа уд̣̇агам̣ анижчанд̇зхи гассагзхи махогхз нивад̇д̇зд̇ум̣ на саггаа, звам̣ над̣̇игуулам̣ бхинд̣̇ид̇ваа.
‘‘Uttarantiyā bhikkhuniyā’’ti idañca pāḷiyaṃ (pāci. 692) bhikkhunīnaṃ nadīpāragamane nadilakkhaṇassa āgatattā vuttaṃ. Bhikkhūnaṃ antaravāsakatemanamattampi vaṭṭati eva . ‘‘Nadicatukkepi eseva nayo’’ti iminā ekattha kittetvā aññattha parato gataṭṭhānepi kittetuṃ na vaṭṭatīti dasseti. Teneva ca ‘‘assammissanadiyo catassopi kittetuṃ vaṭṭatī’’ti asammissa-ggahaṇaṃ kataṃ. Mūleti ādikāle. Nadiṃ bhinditvāti yathā udakaṃ anicchantehi kassakehi mahoghe nivattetuṃ na sakkā, evaṃ nadikūlaṃ bhinditvā.
угкзбиманд̇и д̣̇ийгхараж̇ж̇унаа гудзна уссин̃жанийяам̣.
Ukkhepimanti dīgharajjunā kuṭena ussiñcanīyaṃ.
асаммиссзхийд̇и саб̣б̣ад̣̇исаасу тид̇абаб̣б̣ад̇зхи зва, баасаан̣аад̣̇ийсу ан̃н̃ад̇арзхи ваа нимид̇д̇анд̇арааб̣яавахид̇зхи. саммиссзхийд̇и згад̇т̇а баб̣б̣ад̇о, ан̃н̃ад̇т̇а баасаан̣од̇и звам̣ тид̇зхи адтахиби. ‘‘нимид̇д̇аанам̣ сад̇знаабий’’д̇и иминаа згиссааяа зва д̣̇исааяа б̣ахунимид̇д̇аани ‘‘бурад̇т̇имааяа д̣̇исааяа гим̣ нимид̇д̇ам̣? баб̣б̣ад̇о бханд̇з. буна бурад̇т̇имааяа д̣̇исааяа гим̣ нимид̇д̇ам̣? баасаан̣о бханд̇з’’д̇иаад̣̇инаа гид̇д̇зд̇ум̣ ваддад̇ийд̇и д̣̇ассзд̇и. син̇гхаадагасан̣таанаад̇и д̇игон̣аа. жад̇урассаад̇и самажад̇урассаа, муд̣̇ин̇г̇асан̣таанаа бана ааяад̇ажад̇урассаа. згагодияам̣ сан̇гожид̇аа, д̇ад̣̇ан̃н̃ааяа вид̇т̇ин̣н̣аа ваа ход̇ийд̇и. сиймааяа убажаарам̣ табзд̇ваад̇и ааяад̇им̣ б̣анд̇хид̇аб̣б̣ааяа сиймааяа нзсам̣ вихаараанам̣ барижчзд̣̇ад̇о б̣ахи сийманд̇аригаббахонагам̣ убажаарам̣ табзд̇ваа. б̣ад̣̇д̇хаа сиймаа язсу вихаарзсу, д̇з б̣ад̣̇д̇хасиймаа. баадзгганд̇и бажжзгам̣. б̣ад̣̇д̇хасиймаасад̣̇исаанийд̇и яат̇аа б̣ад̣̇д̇хасиймаасу тид̇аа ан̃н̃аман̃н̃ам̣ чанд̣̇аад̣̇им̣ анабзгкид̇ваа бажжзгам̣ гаммам̣ гаад̇ум̣ лабханд̇и, звам̣ г̇аамасиймаасу тид̇аабийд̇и д̣̇ассзд̇и. ааг̇анд̇аб̣б̣анд̇и саамийжимад̇д̇авасзна вуд̇д̇ам̣. д̇знааха ‘‘ааг̇аманамбий’’д̇иаад̣̇и.
Asammissehīti sabbadisāsu ṭhitapabbatehi eva, pāsāṇādīsu aññatarehi vā nimittantarābyavahitehi. Sammissehīti ekattha pabbato, aññattha pāsāṇoti evaṃ ṭhitehi aṭṭhahipi. ‘‘Nimittānaṃ satenāpī’’ti iminā ekissāya eva disāya bahunimittāni ‘‘puratthimāya disāya kiṃ nimittaṃ? Pabbato bhante. Puna puratthimāya disāya kiṃ nimittaṃ? Pāsāṇo bhante’’tiādinā kittetuṃ vaṭṭatīti dasseti. Siṅghāṭakasaṇṭhānāti tikoṇā. Caturassāti samacaturassā, mudiṅgasaṇṭhānā pana āyatacaturassā. Ekakoṭiyaṃ saṅkocitā, tadaññāya vitthiṇṇā vā hotīti. Sīmāya upacāraṃ ṭhapetvāti āyatiṃ bandhitabbāya sīmāya nesaṃ vihārānaṃ paricchedato bahi sīmantarikappahonakaṃ upacāraṃ ṭhapetvā. Baddhā sīmā yesu vihāresu, te baddhasīmā. Pāṭekkanti paccekaṃ. Baddhasīmāsadisānīti yathā baddhasīmāsu ṭhitā aññamaññaṃ chandādiṃ anapekkhitvā paccekaṃ kammaṃ kātuṃ labhanti, evaṃ gāmasīmāsu ṭhitāpīti dasseti. Āgantabbanti sāmīcimattavasena vuttaṃ. Tenāha ‘‘āgamanampī’’tiādi.
баб̣б̣аж̇ж̇уубасамбад̣̇аад̣̇ийнанд̇и зд̇т̇а бхан̣д̣угаммаабужчанам̣ санд̇хааяа баб̣б̣аж̇ж̇ааг̇ахан̣ам̣. згавийсад̇и бхигкууд̇и нисиннз санд̇хааяа вуд̇д̇ам̣. ид̣̇ан̃жа гаммаарахзна саха аб̣бхаанагаарагаанамби бахонагад̇т̇ам̣ вуд̇д̇ам̣. ‘‘нимид̇д̇убаг̇аа баасаан̣аа табзд̇аб̣б̣аа’’д̇и ид̣̇ам̣ яат̇ааружид̇адтаанз ругканимид̇д̇аад̣̇ийнам̣ д̣̇уллабхад̇ааяа вад̣дхид̇ваа убхиннам̣ б̣ад̣̇д̇хасиймаанам̣ сан̇гарагаран̣ад̇о жа баасаан̣анимид̇д̇асса жа д̇ад̣̇абхаавад̇о яад̇т̇а гад̇т̇ажи аанзд̇ваа табзд̇ум̣ сугарад̇ааяа жа вуд̇д̇ам̣. д̇ат̇аа сийманд̇аригабаасаан̣аа табзд̇аб̣б̣аад̇и зд̇т̇ааби. жад̇уран̇г̇улаббамаан̣аабийд̇и яат̇аа канд̇хасиймаабарижчзд̣̇ад̇о б̣ахи нимид̇д̇абаасаан̣аанам̣ жад̇уран̇г̇уламад̇д̇адтаанам̣ саманд̇аа ниг̇ажчад̇и, авасзсам̣ таанам̣ анд̇оканд̇хасиймааяа ход̇иязва, звам̣ д̇зсуби табид̇зсу жад̇уран̇г̇уламад̇д̇аа сийманд̇аригаа ход̇ийд̇и д̣̇адтаб̣б̣ам̣.
Pabbajjūpasampadādīnanti ettha bhaṇḍukammāpucchanaṃ sandhāya pabbajjāgahaṇaṃ. Ekavīsati bhikkhūti nisinne sandhāya vuttaṃ. Idañca kammārahena saha abbhānakārakānampi pahonakatthaṃ vuttaṃ. ‘‘Nimittupagā pāsāṇā ṭhapetabbā’’ti idaṃ yathārucitaṭṭhāne rukkhanimittādīnaṃ dullabhatāya vaḍḍhitvā ubhinnaṃ baddhasīmānaṃ saṅkarakaraṇato ca pāsāṇanimittassa ca tadabhāvato yattha katthaci ānetvā ṭhapetuṃ sukaratāya ca vuttaṃ. Tathā sīmantarikapāsāṇā ṭhapetabbāti etthāpi. Caturaṅgulappamāṇāpīti yathā khandhasīmāparicchedato bahi nimittapāsāṇānaṃ caturaṅgulamattaṭṭhānaṃ samantā nigacchati, avasesaṃ ṭhānaṃ antokhandhasīmāya hotiyeva, evaṃ tesupi ṭhapitesu caturaṅgulamattā sīmantarikā hotīti daṭṭhabbaṃ.
сийманд̇аригабаасаан̣аад̇и сийманд̇аригааяа табид̇анимид̇д̇абаасаан̣аа. д̇з бана гид̇д̇знд̇зна бад̣̇агкин̣ад̇о анубарияааяанд̇знзва гид̇д̇зд̇аб̣б̣аа. гат̇ам̣? кан̣д̣асиймад̇о хи бажчимааяа д̣̇исааяа бурад̇т̇аабхимукзна тад̇ваа ‘‘бурад̇т̇имааяа д̣̇исааяа гим̣ нимид̇д̇а’’нд̇и д̇ад̇т̇а саб̣б̣аани нимид̇д̇аани ануггамзна гид̇д̇зд̇ваа д̇ат̇аа уд̇д̇арааяа д̣̇исааяа д̣̇агкин̣аабхимукзна тад̇ваа ‘‘д̣̇агкин̣ааяа д̣̇исааяа гим̣ нимид̇д̇а’’нд̇и ануггамзна гид̇д̇зд̇ваа д̇ат̇аа бурад̇т̇имааяа д̣̇исааяа бажчимаабхимукзна тад̇ваа ‘‘бажчимааяа д̣̇исааяа гим̣ нимид̇д̇а’’нд̇и ануггамзна гид̇д̇зд̇ваа д̇ат̇аа д̣̇агкин̣ааяа д̣̇исааяа уд̇д̇араабхимукзна тад̇ваа ‘‘уд̇д̇арааяа д̣̇исааяа гим̣ нимид̇д̇а’’нд̇и д̇ад̇т̇а саб̣б̣аани нимид̇д̇аани ануггамзна гид̇д̇зд̇ваа буна бажчимааяа д̣̇исааяа бурад̇т̇аабхимукзна тад̇ваа буримагид̇д̇ид̇ам̣ вуд̇д̇анаязна буна гид̇д̇зд̇аб̣б̣ам̣. звам̣ б̣ахуунамби кан̣д̣асиймаанам̣ сийманд̇аригабаасаан̣аа бажжзгам̣ гид̇д̇зд̇аб̣б̣аа. д̇ад̇од̇и бажчаа. авасзсанимид̇д̇аанийд̇и махаасиймааяа б̣аахиранд̇арзсу авасзсанимид̇д̇аани. убхиннамби на гобзнд̇ийд̇и убхиннамби гаммам̣ на гобзнд̇и.
Sīmantarikapāsāṇāti sīmantarikāya ṭhapitanimittapāsāṇā. Te pana kittentena padakkhiṇato anupariyāyanteneva kittetabbā. Kathaṃ? Khaṇḍasīmato hi pacchimāya disāya puratthābhimukhena ṭhatvā ‘‘puratthimāya disāya kiṃ nimitta’’nti tattha sabbāni nimittāni anukkamena kittetvā tathā uttarāya disāya dakkhiṇābhimukhena ṭhatvā ‘‘dakkhiṇāya disāya kiṃ nimitta’’nti anukkamena kittetvā tathā puratthimāya disāya pacchimābhimukhena ṭhatvā ‘‘pacchimāya disāya kiṃ nimitta’’nti anukkamena kittetvā tathā dakkhiṇāya disāya uttarābhimukhena ṭhatvā ‘‘uttarāya disāya kiṃ nimitta’’nti tattha sabbāni nimittāni anukkamena kittetvā puna pacchimāya disāya puratthābhimukhena ṭhatvā purimakittitaṃ vuttanayena puna kittetabbaṃ. Evaṃ bahūnampi khaṇḍasīmānaṃ sīmantarikapāsāṇā paccekaṃ kittetabbā. Tatoti pacchā. Avasesanimittānīti mahāsīmāya bāhirantaresu avasesanimittāni. Ubhinnampi na kopentīti ubhinnampi kammaṃ na kopenti.
гудиг̇зхзд̇и бхуумияам̣ гад̇ад̇ин̣агудияам̣. уд̣̇угкаланд̇и уд̣̇угкалааваадасад̣̇исакуд̣̇д̣̇агааваадам̣. нимид̇д̇ам̣ на гаад̇аб̣б̣анд̇и д̇ам̣ рааж̇им̣ ваа уд̣̇угкалам̣ ваа нимид̇д̇ам̣ на гаад̇аб̣б̣ам̣. ид̣̇ан̃жа яат̇аавуд̇д̇зсу нимид̇д̇зсу анааг̇ад̇ад̇д̇зна на ваддад̇ийд̇и сид̣̇д̇хамби авинассагасан̃н̃ааяа гожи мохзна нимид̇д̇ам̣ гарзяяаад̇и д̣̇уурад̇оби вибад̇д̇ибарихаарад̇т̇ам̣ вуд̇д̇ам̣. звам̣ убари ‘‘бхид̇д̇им̣ агид̇д̇зд̇ваа’’д̇иаад̣̇ийсуби сид̣̇д̇хамзвад̇т̇ам̣ бунаббунам̣ гат̇анз гааран̣ам̣ взд̣̇ид̇аб̣б̣ам̣. сиймаавибад̇д̇и хи убасамбад̣̇аад̣̇исаб̣б̣агаммавибад̇д̇имууланд̇и д̇ассаа саб̣б̣ам̣ д̣̇ваарам̣ саб̣б̣ат̇аа бид̣̇аханавасзна вад̇д̇аб̣б̣ам̣. саб̣б̣ам̣ вад̇ваава ид̇ха аажарияаа винижчаяам̣ табзсунд̇и д̣̇адтаб̣б̣ам̣.
Kuṭigeheti bhūmiyaṃ katatiṇakuṭiyaṃ. Udukkhalanti udukkhalāvāṭasadisakhuddakāvāṭaṃ. Nimittaṃ na kātabbanti taṃ rājiṃ vā udukkhalaṃ vā nimittaṃ na kātabbaṃ. Idañca yathāvuttesu nimittesu anāgatattena na vaṭṭatīti siddhampi avinassakasaññāya koci mohena nimittaṃ kareyyāti dūratopi vipattiparihāratthaṃ vuttaṃ. Evaṃ upari ‘‘bhittiṃ akittetvā’’tiādīsupi siddhamevatthaṃ punappunaṃ kathane kāraṇaṃ veditabbaṃ. Sīmāvipatti hi upasampadādisabbakammavipattimūlanti tassā sabbaṃ dvāraṃ sabbathā pidahanavasena vattabbaṃ. Sabbaṃ vatvāva idha ācariyā vinicchayaṃ ṭhapesunti daṭṭhabbaṃ.
бхид̇д̇инд̇и идтагад̣̇аарумад̇д̇игаамаяам̣. силаамаяааяа бана бхид̇д̇ияаа нимид̇д̇убаг̇ам̣ згам̣ баасаан̣ам̣ д̇ам̣д̇ам̣д̣̇исааяа гид̇д̇зд̇ум̣ ваддад̇и. анзгасилаахи жинид̇ам̣ сагалабхид̇д̇им̣ гид̇д̇зд̇ум̣ на ваддад̇и ‘‘зсо баасаан̣о нимид̇д̇а’’нд̇и згаважанзна вад̇д̇аб̣б̣ад̇о. анд̇огуддамзваад̇и зд̇т̇а анд̇огуддзби нимид̇д̇аанам̣ тид̇огаасад̇о анд̇о зва сиймаад̇и г̇ахзд̇аб̣б̣ам̣. бамукз нимид̇д̇абаасаан̣з табзд̇ваад̇и г̇аб̣бхаабхимукзби б̣ахибамукз г̇аб̣бхавид̇т̇аараббамаан̣з таанз баасаан̣з табзд̇ваа самманнид̇аб̣б̣аа. зван̃хи г̇аб̣бхабамукаанам̣ анд̇арз тид̇агуддамби убаад̣̇ааяа анд̇о жа б̣ахи жа жад̇урассасан̣таанаава сиймаа ход̇и. б̣ахийд̇и сагаласса гудиг̇зхасса саманд̇ад̇о б̣ахи.
Bhittinti iṭṭhakadārumattikāmayaṃ. Silāmayāya pana bhittiyā nimittupagaṃ ekaṃ pāsāṇaṃ taṃtaṃdisāya kittetuṃ vaṭṭati. Anekasilāhi cinitaṃ sakalabhittiṃ kittetuṃ na vaṭṭati ‘‘eso pāsāṇo nimitta’’nti ekavacanena vattabbato. Antokuṭṭamevāti ettha antokuṭṭepi nimittānaṃ ṭhitokāsato anto eva sīmāti gahetabbaṃ. Pamukhe nimittapāsāṇe ṭhapetvāti gabbhābhimukhepi bahipamukhe gabbhavitthārappamāṇe ṭhāne pāsāṇe ṭhapetvā sammannitabbā. Evañhi gabbhapamukhānaṃ antare ṭhitakuṭṭampi upādāya anto ca bahi ca caturassasaṇṭhānāva sīmā hoti. Bahīti sakalassa kuṭigehassa samantato bahi.
анд̇о жа б̣ахи жа сиймаа ход̇ийд̇и маж̇жхз тид̇абхид̇д̇ияаа саха жад̇урассасиймаа ход̇и.
Antoca bahi ca sīmā hotīti majjhe ṭhitabhittiyā saha caturassasīmā hoti.
‘‘убарибаасаад̣̇зязва ход̇ий’’д̇и иминаа г̇аб̣бхасса жа бамукасса жа анд̇араа тид̇абхид̇д̇ияаа згад̇д̇аа д̇ад̇т̇а жа згавийсад̇ияаа бхигкуунам̣ огаасаабхаавзна хздтаа на од̇арад̇и, убарибхид̇д̇и бана сиймадтаава ход̇ийд̇и д̣̇ассзд̇и. хздтимад̇алз гуддод̇и хздтимад̇алз жад̇уусу д̣̇исаасу тид̇агуддо. сажз хи д̣̇вийсу, д̇ийсу ваа д̣̇исаасу зва гуддо д̇идтзяяа, хздтаа на од̇арад̇и. хздтааби од̇арад̇ийд̇и жад̇уннамби бхид̇д̇ийнам̣ анд̇о бхид̇д̇ийхи саха згавийсад̇ияаа бхигкуунам̣ бахонагад̇д̇аа вуд̇д̇ам̣. од̇арамаанаа жа убарисиймаббамаан̣зна од̇арад̇и, жад̇уннам̣ бана бхид̇д̇ийнам̣ б̣аахиранд̇арабарижчзд̣̇з хздтаабхуумибхааг̇з уд̣̇агабарияанд̇ам̣ гад̇ваа од̇арад̇и. на бана бхид̇д̇ийнам̣ б̣ахи гзсаг̇г̇амад̇д̇амби таанам̣. баасаад̣̇абхид̇д̇ид̇од̇и убарид̇алз бхид̇д̇ид̇о. од̇аран̣аанод̇аран̣ам̣ вуд̇д̇анаязнзва взд̣̇ид̇аб̣б̣анд̇и убарисиймаббамаан̣асса анд̇ог̇ад̇хаанам̣ хздтимад̇алз жад̇уусу д̣̇исаасу гуддаанам̣ д̇улааругкзхи згасамб̣анд̇хад̇ам̣ д̇ад̣̇анд̇о бажчимасиймаббамаан̣ад̇аад̣̇ин̃жа санд̇хааяа вуд̇д̇ам̣. гин̃жаабзд̇т̇а нияяуухагаад̣̇аяо нимид̇д̇аанам̣ тид̇огаасад̇ааяа б̣аж̇жхамаанагкан̣з сиймаа на хонд̇и, б̣ад̣̇д̇хааяа бана сиймааяа сиймадтаава хонд̇ийд̇и д̣̇адтаб̣б̣аа. барияанд̇ат̇амбхаананд̇и нимид̇д̇аг̇ад̇абаасаан̣ад̇т̇амбхз санд̇хааяа вуд̇д̇ам̣. ‘‘убаримад̇алзна самб̣ад̣̇д̇хо ход̇ий’’д̇и ид̣̇ам̣ гуддаанам̣ анд̇араа сиймадтаанам̣ т̇амбхаанам̣ абхаавад̇о вуд̇д̇ам̣. яад̣̇и хи бхавзяяум̣, гуддз убаримад̇алзна асамб̣анд̇хзби сиймадтад̇т̇амбхаанам̣ убари тид̇о баасаад̣̇о сиймадтова ход̇и.
‘‘Uparipāsādeyeva hotī’’ti iminā gabbhassa ca pamukhassa ca antarā ṭhitabhittiyā ekattā tattha ca ekavīsatiyā bhikkhūnaṃ okāsābhāvena heṭṭhā na otarati, uparibhitti pana sīmaṭṭhāva hotīti dasseti. Heṭṭhimatale kuṭṭoti heṭṭhimatale catūsu disāsu ṭhitakuṭṭo. Sace hi dvīsu, tīsu vā disāsu eva kuṭṭo tiṭṭheyya, heṭṭhā na otarati. Heṭṭhāpi otaratīti catunnampi bhittīnaṃ anto bhittīhi saha ekavīsatiyā bhikkhūnaṃ pahonakattā vuttaṃ. Otaramānā ca uparisīmappamāṇena otarati, catunnaṃ pana bhittīnaṃ bāhirantaraparicchede heṭṭhābhūmibhāge udakapariyantaṃ katvā otarati. Na pana bhittīnaṃ bahi kesaggamattampi ṭhānaṃ. Pāsādabhittitoti uparitale bhittito. Otaraṇānotaraṇaṃ vuttanayeneva veditabbanti uparisīmappamāṇassa antogadhānaṃ heṭṭhimatale catūsu disāsu kuṭṭānaṃ tulārukkhehi ekasambandhataṃ tadanto pacchimasīmappamāṇatādiñca sandhāya vuttaṃ. Kiñcāpettha niyyūhakādayo nimittānaṃ ṭhitokāsatāya bajjhamānakkhaṇe sīmā na honti, baddhāya pana sīmāya sīmaṭṭhāva hontīti daṭṭhabbā. Pariyantathambhānanti nimittagatapāsāṇatthambhe sandhāya vuttaṃ. ‘‘Uparimatalena sambaddho hotī’’ti idaṃ kuṭṭānaṃ antarā sīmaṭṭhānaṃ thambhānaṃ abhāvato vuttaṃ. Yadi hi bhaveyyuṃ, kuṭṭe uparimatalena asambandhepi sīmaṭṭhatthambhānaṃ upari ṭhito pāsādo sīmaṭṭhova hoti.
сажз бана б̣ахуунам̣ т̇амбхабанд̇ийнам̣ убари гад̇абаасаад̣̇асса хздтаа бат̇авияам̣ саб̣б̣аб̣аахирааяа т̇амбхабанд̇ияаа анд̇о нимид̇д̇абаасаан̣з табзд̇ваа сиймаа б̣ад̣̇д̇хаа ход̇и, зд̇т̇а гат̇анд̇и? зд̇т̇ааби яам̣ д̇аава сиймадтад̇т̇амбхзхзва д̇хаарияамаанаанам̣ д̇улаанам̣ убаримад̇алам̣, саб̣б̣ам̣ д̇ам̣ сиймадтамзва, зд̇т̇а виваад̣̇о над̇т̇и. яам̣ бана сиймадтад̇т̇амбхабанд̇ияаа, асиймадтааяа б̣аахирад̇т̇амбхабанд̇ияаа жа самад̇хурам̣ д̇хаарияамаанаанам̣ д̇улаанам̣ убаримад̇алам̣, д̇ад̇т̇а убад̣дхам̣ сиймаад̇и гзжи вад̣̇анд̇и. сагаламби г̇аамасиймаад̇и абарз. б̣ад̣̇д̇хасиймаа зваад̇и ан̃н̃з. д̇асмаа гаммам̣ гаронд̇зхи г̇аругз нираасан̇гадтаанз тад̇ваа саб̣б̣ам̣ д̇ам̣ аасан̇гадтаанам̣ сод̇хзд̇ваава гаммам̣ гаад̇аб̣б̣ам̣, саннидтаанагааран̣ам̣ ваа г̇авзсид̇ваа д̇ад̣̇ануг̇ун̣ам̣ гаад̇аб̣б̣ам̣.
Sace pana bahūnaṃ thambhapantīnaṃ upari katapāsādassa heṭṭhā pathaviyaṃ sabbabāhirāya thambhapantiyā anto nimittapāsāṇe ṭhapetvā sīmā baddhā hoti, ettha kathanti? Etthāpi yaṃ tāva sīmaṭṭhatthambheheva dhāriyamānānaṃ tulānaṃ uparimatalaṃ, sabbaṃ taṃ sīmaṭṭhameva, ettha vivādo natthi. Yaṃ pana sīmaṭṭhatthambhapantiyā, asīmaṭṭhāya bāhiratthambhapantiyā ca samadhuraṃ dhāriyamānānaṃ tulānaṃ uparimatalaṃ, tattha upaḍḍhaṃ sīmāti keci vadanti. Sakalampi gāmasīmāti apare. Baddhasīmā evāti aññe. Tasmā kammaṃ karontehi garuke nirāsaṅkaṭṭhāne ṭhatvā sabbaṃ taṃ āsaṅkaṭṭhānaṃ sodhetvāva kammaṃ kātabbaṃ, sanniṭṭhānakāraṇaṃ vā gavesitvā tadanuguṇaṃ kātabbaṃ.
д̇ааламуулагабаб̣б̣ад̇зд̇и д̇аалагканд̇хамууласад̣̇исз хздтаа т̇ууло худ̇ваа гамзна гисо худ̇ваа уг̇г̇ад̇о хи д̇ааласад̣̇исо наама ход̇и. вид̇аанасан̣таанод̇и ахижчад̇д̇агасан̣таано. бан̣авасан̣таанод̇и маж̇жхз д̇ануго хздтаа жа убари жа вид̇т̇ин̣н̣о. хздтаа ваа маж̇жхз ваад̇и муд̣̇ин̇г̇асан̣таанасса хздтаа, бан̣авасан̣таанасса маж̇жхз.
Tālamūlakapabbateti tālakkhandhamūlasadise heṭṭhā thūlo hutvā kamena kiso hutvā uggato hi tālasadiso nāma hoti. Vitānasaṇṭhānoti ahicchattakasaṇṭhāno. Paṇavasaṇṭhānoti majjhe tanuko heṭṭhā ca upari ca vitthiṇṇo. Heṭṭhā vā majjhe vāti mudiṅgasaṇṭhānassa heṭṭhā, paṇavasaṇṭhānassa majjhe.
саббапан̣асад̣̇исо баб̣б̣ад̇од̇и саббапан̣о вияа куж̇ж̇о, мууладтаанад̇о ан̃н̃ад̇т̇а аванад̇асийсод̇и ад̇т̇о. аагаасабаб̣бхааранд̇и бхид̇д̇ияаа абаригкид̇д̇абаб̣бхаарам̣. сиймаббамаан̣од̇и анд̇оаагаасзна сад̣̇д̇хим̣ бажчимасиймаббамаан̣о. ‘‘со жа баасаан̣о сиймадто’’д̇и иминаа ийд̣̇исзхи сусирабаасаан̣алзн̣агуддаад̣̇ийхи барижчиннз бхуумибхааг̇з зва сиймаа бад̇идтаад̇и, на абарижчиннз. д̇з бана сиймадтад̇д̇аа сиймаа хонд̇и, на саруубзна сиймадтаман̃жаад̣̇и вияаад̇и д̣̇ассзд̇и. сажз бана со сусирабаасаан̣о бхуумим̣ анаахажжа аагаасаг̇ад̇ова оламб̣ад̇и, сиймаа на од̇арад̇и. сусирабаасаан̣аа бана саяам̣ сиймаабадиб̣ад̣̇д̇хад̇д̇аа сиймаа хонд̇и. гат̇ам̣ бана бажчимаббамаан̣арахид̇зхи зд̇зхи сусирабаасаан̣аад̣̇ийхи сиймаа на од̇арад̇ийд̇и ид̣̇ам̣ сад̣̇д̇хаад̇аб̣б̣анд̇и? адтагат̇аабамаан̣ад̇о.
Sappaphaṇasadiso pabbatoti sappaphaṇo viya khujjo, mūlaṭṭhānato aññattha avanatasīsoti attho. Ākāsapabbhāranti bhittiyā aparikkhittapabbhāraṃ. Sīmappamāṇoti antoākāsena saddhiṃ pacchimasīmappamāṇo. ‘‘So ca pāsāṇo sīmaṭṭho’’ti iminā īdisehi susirapāsāṇaleṇakuṭṭādīhi paricchinne bhūmibhāge eva sīmā patiṭṭhāti, na aparicchinne. Te pana sīmaṭṭhattā sīmā honti, na sarūpena sīmaṭṭhamañcādi viyāti dasseti. Sace pana so susirapāsāṇo bhūmiṃ anāhacca ākāsagatova olambati, sīmā na otarati. Susirapāsāṇā pana sayaṃ sīmāpaṭibaddhattā sīmā honti. Kathaṃ pana pacchimappamāṇarahitehi etehi susirapāsāṇādīhi sīmā na otaratīti idaṃ saddhātabbanti? Aṭṭhakathāpamāṇato.
абижзд̇т̇а сусирабаасаан̣абхид̇д̇ианусаарзна муусигаад̣̇ийнам̣ вияа сиймааяа хздтимад̇алз од̇аран̣агижжам̣ над̇т̇и. хздтаа бана бажчимасиймаббамаан̣з аагаасз д̣̇ван̇г̇уламад̇д̇аб̣ахалзхи баасаан̣абхид̇д̇иаад̣̇ийхиби убаримад̇алам̣ аахажжа тид̇зхи саб̣б̣асо, язбхуяязна ваа барижчиннз сад̇и убари б̣аж̇жхамаанаа сиймаа д̇зхи баасаан̣аад̣̇ийхи анд̇арид̇ааяа д̇аббарижчиннааяа хздтаабхуумияааби убаримад̇алзна сад̣̇д̇хим̣ згагкан̣з бад̇идтаад̇и над̣̇ибаарасиймаа вияа над̣̇ианд̇арид̇зсу убхосу д̇ийрзсу, лзн̣аад̣̇ийсу абанийд̇зсуби хздтаа од̇ин̣н̣аа сиймаа яаава саасананд̇арад̇хаанаа на виг̇ажчад̇и. батамам̣ бана убари сиймааяа б̣ад̣̇д̇хааяа бажчаа лзн̣аад̣̇ийсу гад̇зсуби хздтаабхуумияам̣ сиймаа од̇арад̇и зва. гзжи д̇ам̣ на ижчанд̇и. звам̣ убхаяад̇т̇а бад̇идтид̇аа жа саа сиймаа згаава ход̇и г̇од̇д̇аад̣̇иж̇аад̇и вияа б̣яад̇д̇ибхзд̣̇зсууд̇и г̇ахзд̇аб̣б̣ам̣. саб̣б̣аа зва хи б̣ад̣̇д̇хасиймаа, аб̣ад̣̇д̇хасиймаа жа ад̇д̇ано ад̇д̇ано багад̇иниссаяабхууд̇з г̇аамааран̃н̃анад̣̇иаад̣̇игз кзд̇д̇з яат̇аабарижчзд̣̇ам̣ саб̣б̣ад̇т̇а саагалязна згасмим̣ кан̣з б̣яаабиний барамад̇т̇ад̇о авиж̇ж̇амаанааби д̇з д̇з ниссаяабхууд̇з барамад̇т̇ад̇хаммз, д̇ам̣ д̇ам̣ гирияаависзсамби ваа убаад̣̇ааяа логиязхи, саасанигзхи жа яат̇аарахам̣ згад̇д̇зна бан̃н̃ад̇д̇ад̇ааяа ниссаязгаруубаа зва. д̇ат̇аа хи зго г̇аамо аран̃н̃ам̣ над̣̇ий ж̇аад̇ассаро самуд̣̇д̣̇од̇и звам̣ логз,
Apicettha susirapāsāṇabhittianusārena mūsikādīnaṃ viya sīmāya heṭṭhimatale otaraṇakiccaṃ natthi. Heṭṭhā pana pacchimasīmappamāṇe ākāse dvaṅgulamattabahalehi pāsāṇabhittiādīhipi uparimatalaṃ āhacca ṭhitehi sabbaso, yebhuyyena vā paricchinne sati upari bajjhamānā sīmā tehi pāsāṇādīhi antaritāya tapparicchinnāya heṭṭhābhūmiyāpi uparimatalena saddhiṃ ekakkhaṇe patiṭṭhāti nadipārasīmā viya nadiantaritesu ubhosu tīresu, leṇādīsu apanītesupi heṭṭhā otiṇṇā sīmā yāva sāsanantaradhānā na vigacchati. Paṭhamaṃ pana upari sīmāya baddhāya pacchā leṇādīsu katesupi heṭṭhābhūmiyaṃ sīmā otarati eva. Keci taṃ na icchanti. Evaṃ ubhayattha patiṭṭhitā ca sā sīmā ekāva hoti gottādijāti viya byattibhedesūti gahetabbaṃ. Sabbā eva hi baddhasīmā, abaddhasīmā ca attano attano pakatinissayabhūte gāmāraññanadiādike khette yathāparicchedaṃ sabbattha sākalyena ekasmiṃ khaṇe byāpinī paramatthato avijjamānāpi te te nissayabhūte paramatthadhamme, taṃ taṃ kiriyāvisesampi vā upādāya lokiyehi, sāsanikehi ca yathārahaṃ ekattena paññattatāya nissayekarūpā eva. Tathā hi eko gāmo araññaṃ nadī jātassaro samuddoti evaṃ loke,
‘‘саммад̇аа саа сиймаа сан̇гхзна (махаава. 143). аг̇аамагз жз, бхигкавз, аран̃н̃з саманд̇аа сад̇д̇аб̣бханд̇араа, аяам̣ д̇ад̇т̇а самаанасам̣ваасаа згуубосат̇аа. саманд̇аа уд̣̇агугкзбаа, аяам̣ д̇ад̇т̇а самаанасам̣ваасаа згуубосат̇аа’’д̇и (махаава. 147) –
‘‘Sammatā sā sīmā saṅghena (mahāva. 143). Agāmake ce, bhikkhave, araññe samantā sattabbhantarā, ayaṃ tattha samānasaṃvāsā ekūposathā. Samantā udakukkhepā, ayaṃ tattha samānasaṃvāsā ekūposathā’’ti (mahāva. 147) –
аад̣̇инаа саасанз жа згавохааро д̣̇иссад̇и. на хи барамад̇т̇ад̇о згасса анзгад̇хаммзсу б̣яаабанамад̇т̇и. гасин̣згад̣̇зсаад̣̇ивигаббаасамаанад̇ааяа згад̇д̇ахаанид̇од̇и аяам̣ но мад̇и.
Ādinā sāsane ca ekavohāro dissati. Na hi paramatthato ekassa anekadhammesu byāpanamatthi. Kasiṇekadesādivikappāsamānatāya ekattahānitoti ayaṃ no mati.
асса хздтаад̇и саббапан̣абаб̣б̣ад̇асса хздтаа аагаасабаб̣бхаарз. лзн̣ассаад̇и лзн̣ан̃жз гад̇ам̣, д̇асса лзн̣ассаад̇и ад̇т̇о. д̇амзва буна лзн̣ам̣ бан̃жахи багаарзхи вигаббзд̇ваа од̇аран̣аанод̇аран̣авинижчаяам̣ д̣̇ассзд̇ум̣ ааха ‘‘сажз бана хздтаа’’д̇иаад̣̇и. д̇ад̇т̇а ‘‘хздтаа’’д̇и имасса ‘‘лзн̣ам̣ ход̇ий’’д̇и иминаа самб̣анд̇хо. хздтаа лзн̣ан̃жа згасмим̣ бад̣̇зсзд̇и ааха ‘‘анд̇о’’д̇и, баб̣б̣ад̇асса анд̇о, баб̣б̣ад̇амуулзд̇и ад̇т̇о. д̇амзва анд̇о-сад̣̇д̣̇ам̣ сиймаабарижчзд̣̇зна висзсзд̇ум̣ ‘‘убаримасса сиймаабарижчзд̣̇асса баарад̇о’’д̇и вуд̇д̇ам̣ . баб̣б̣ад̇абаад̣̇ам̣ бана абзгкид̇ваа ‘‘орад̇о’’д̇и вад̇д̇аб̣б̣зби сиймааниссаяам̣ баб̣б̣ад̇аг̇г̇ам̣ санд̇хааяа ‘‘баарад̇о’’д̇и вуд̇д̇анд̇и д̣̇адтаб̣б̣ам̣. д̇знзва ‘‘б̣ахилзн̣а’’нд̇и зд̇т̇а б̣ахи-сад̣̇д̣̇ам̣ висзсзнд̇о ‘‘убаримасса сиймаабарижчзд̣̇асса орад̇о’’д̇и ааха. б̣ахи сиймаа на од̇арад̇ийд̇и зд̇т̇а б̣ахийд̇и баб̣б̣ад̇абаад̣̇з лзн̣ам̣ санд̇хааяа вуд̇д̇ам̣, лзн̣асса б̣ахибхууд̇з убарисиймаабарижчзд̣̇асса хздтаабхааг̇з сиймаа на од̇арад̇ийд̇и ад̇т̇о. анд̇о сиймаад̇и лзн̣асса жа баб̣б̣ад̇абаад̣̇асса жа анд̇о ад̇д̇ано од̇аран̣аарахадтаанз на од̇арад̇ийд̇и ад̇т̇о. ‘‘б̣ахи сиймаа на од̇арад̇и, анд̇о сиймаа на од̇арад̇ий’’д̇и жзд̇т̇а ад̇д̇ано од̇аран̣аарахадтаанз лзн̣аабхаавзна сиймааяа саб̣б̣ат̇аа анод̇аран̣амзва д̣̇ассид̇анд̇и г̇ахзд̇аб̣б̣ам̣. д̇ад̇т̇ааби анод̇аранд̇ий убари зва ход̇ийд̇и. ‘‘б̣ахи бад̇ид̇ам̣ асиймаа’’д̇иаад̣̇инаа убарибаасаад̣̇аад̣̇ийсу ат̇ираниссаязсу тид̇аа сиймааби д̇зсам̣ винаасзна винассад̇ийд̇и д̣̇ассид̇анд̇и д̣̇адтаб̣б̣ам̣.
Assa heṭṭhāti sappaphaṇapabbatassa heṭṭhā ākāsapabbhāre. Leṇassāti leṇañce kataṃ, tassa leṇassāti attho. Tameva puna leṇaṃ pañcahi pakārehi vikappetvā otaraṇānotaraṇavinicchayaṃ dassetuṃ āha ‘‘sace pana heṭṭhā’’tiādi. Tattha ‘‘heṭṭhā’’ti imassa ‘‘leṇaṃ hotī’’ti iminā sambandho. Heṭṭhā leṇañca ekasmiṃ padeseti āha ‘‘anto’’ti, pabbatassa anto, pabbatamūleti attho. Tameva anto-saddaṃ sīmāparicchedena visesetuṃ ‘‘uparimassa sīmāparicchedassa pārato’’ti vuttaṃ . Pabbatapādaṃ pana apekkhitvā ‘‘orato’’ti vattabbepi sīmānissayaṃ pabbataggaṃ sandhāya ‘‘pārato’’ti vuttanti daṭṭhabbaṃ. Teneva ‘‘bahileṇa’’nti ettha bahi-saddaṃ visesento ‘‘uparimassa sīmāparicchedassa orato’’ti āha. Bahi sīmā na otaratīti ettha bahīti pabbatapāde leṇaṃ sandhāya vuttaṃ, leṇassa bahibhūte uparisīmāparicchedassa heṭṭhābhāge sīmā na otaratīti attho. Anto sīmāti leṇassa ca pabbatapādassa ca anto attano otaraṇārahaṭṭhāne na otaratīti attho. ‘‘Bahi sīmā na otarati, anto sīmā na otaratī’’ti cettha attano otaraṇārahaṭṭhāne leṇābhāvena sīmāya sabbathā anotaraṇameva dassitanti gahetabbaṃ. Tatthāpi anotarantī upari eva hotīti. ‘‘Bahi patitaṃ asīmā’’tiādinā uparipāsādādīsu athiranissayesu ṭhitā sīmāpi tesaṃ vināsena vinassatīti dassitanti daṭṭhabbaṃ.
богкаран̣им̣ кан̣анд̇и, сиймааязваад̇и зд̇т̇а сажз хздтаа уман̇г̇анад̣̇исиймаббамаан̣ад̇о ануунаа батамамзва жа бавад̇д̇аа ход̇и. сиймаа жа бажчаа б̣ад̣̇д̇хаа над̣̇ид̇о убари зва ход̇и, над̣̇им̣ аахажжа богкаран̣ияаа жа кад̇ааяа сиймаа винассад̇ийд̇и д̣̇адтаб̣б̣ам̣. хздтаабат̇авид̇алзд̇и анд̇араа бхуумививарз.
Pokkharaṇiṃkhaṇanti, sīmāyevāti ettha sace heṭṭhā umaṅganadisīmappamāṇato anūnā paṭhamameva ca pavattā hoti. Sīmā ca pacchā baddhā nadito upari eva hoti, nadiṃ āhacca pokkharaṇiyā ca khatāya sīmā vinassatīti daṭṭhabbaṃ. Heṭṭhāpathavitaleti antarā bhūmivivare.
сиймаамаал̣агзд̇и кан̣д̣асийман̇г̇ан̣з. ‘‘вадаругко’’д̇и ид̣̇ам̣ баарохобад̇т̇амбхзна ад̇ид̣̇уурамби г̇анд̇ум̣ самад̇т̇асаакаасаман̇г̇ид̇ааяа вуд̇д̇ам̣. саб̣б̣аругкалад̇аад̣̇ийнамби самб̣анд̇хо на ваддад̇и зва. д̇знзва нааваараж̇ж̇усзд̇усамб̣анд̇хоби бадигкид̇д̇о. д̇ад̇од̇и саакад̇о. махаасиймааяа бат̇авид̇аланд̇и зд̇т̇а аасаннад̇арамби г̇аамасиймам̣ аг̇г̇ахзд̇ваа б̣ад̣̇д̇хасиймааяа зва г̇ахид̇ад̇д̇аа г̇аамасиймааб̣ад̣̇д̇хасиймаанам̣ ан̃н̃аман̃н̃ам̣ ругкаад̣̇исамб̣анд̇хзби самбхзд̣̇ад̣̇осо над̇т̇и, ан̃н̃аман̃н̃ам̣ ниссаяаниссид̇абхаавзна бавад̇д̇ид̇од̇и г̇ахзд̇аб̣б̣ам̣. яад̣̇и хи д̇аасамби самб̣анд̇хад̣̇осо бхавзяяа, гат̇ам̣ г̇аамасиймааяа б̣ад̣̇д̇хасиймаа самманнид̇аб̣б̣аа сияаа? яассаа хи сиймааяа сад̣̇д̇хим̣ самб̣анд̇хз д̣̇осо бхавзяяа, саа д̇ад̇т̇а б̣анд̇хид̇умзва на ваддад̇и, б̣ад̣̇д̇хасиймаауд̣̇агугкзбасиймаасу б̣ад̣̇д̇хасиймаа вияа, ад̇д̇ано ниссаяабхууд̇аг̇аамасиймаад̣̇ийсу уд̣̇агугкзбасиймаа вияа жа. д̇знзва ‘‘сажз бана ругкасса саакаа ваа д̇ад̇о нигканд̇абаарохо ваа б̣ахинад̣̇ид̇ийрз вихаарасиймааяа ваа г̇аамасиймааяа ваа бад̇идтид̇о’’д̇иаад̣̇инаа (махаава. адта. 147) уд̣̇агугкзбасиймааяа ад̇д̇ано аниссаяабхууд̇аг̇аамасиймаад̣̇ийхи зва самб̣анд̇хад̣̇осо д̣̇ассид̇о, на над̣̇исиймааяам̣. звамид̇хаабийд̇и д̣̇адтаб̣б̣ам̣. аяан̃жад̇т̇о убари баагадо бхависсад̇и. аахажжаад̇и пусид̇ваа.
Sīmāmāḷaketi khaṇḍasīmaṅgaṇe. ‘‘Vaṭarukkho’’ti idaṃ pārohopatthambhena atidūrampi gantuṃ samatthasākhāsamaṅgitāya vuttaṃ. Sabbarukkhalatādīnampi sambandho na vaṭṭati eva. Teneva nāvārajjusetusambandhopi paṭikkhitto. Tatoti sākhato. Mahāsīmāya pathavitalanti ettha āsannatarampi gāmasīmaṃ aggahetvā baddhasīmāya eva gahitattā gāmasīmābaddhasīmānaṃ aññamaññaṃ rukkhādisambandhepi sambhedadoso natthi, aññamaññaṃ nissayanissitabhāvena pavattitoti gahetabbaṃ. Yadi hi tāsampi sambandhadoso bhaveyya, kathaṃ gāmasīmāya baddhasīmā sammannitabbā siyā? Yassā hi sīmāya saddhiṃ sambandhe doso bhaveyya, sā tattha bandhitumeva na vaṭṭati, baddhasīmāudakukkhepasīmāsu baddhasīmā viya, attano nissayabhūtagāmasīmādīsu udakukkhepasīmā viya ca. Teneva ‘‘sace pana rukkhassa sākhā vā tato nikkhantapāroho vā bahinaditīre vihārasīmāya vā gāmasīmāya vā patiṭṭhito’’tiādinā (mahāva. aṭṭha. 147) udakukkhepasīmāya attano anissayabhūtagāmasīmādīhi eva sambandhadoso dassito, na nadisīmāyaṃ. Evamidhāpīti daṭṭhabbaṃ. Ayañcattho upari pākaṭo bhavissati. Āhaccāti phusitvā.
махаасиймам̣ ваа сод̇хзд̇ваад̇и махаасиймааг̇ад̇аанам̣ саб̣б̣зсам̣ бхигкуунам̣ хад̇т̇абаасаанаяанаб̣ахигаран̣аад̣̇ивасзна сагалам̣ махаасиймам̣ сод̇хзд̇ваа. зд̇зна саб̣б̣авибад̇д̇ияо можзд̇ваа буб̣б̣з судту б̣ад̣̇д̇хаанамби д̣̇виннам̣ б̣ад̣̇д̇хасиймаанам̣ бажчаа ругкаад̣̇исамб̣анд̇хзна уббаж̇ж̇анаго ийд̣̇исо баал̣имуд̇д̇аго самбхзд̣̇ад̣̇осо ад̇т̇ийд̇и д̣̇ассзд̇и. со жа ‘‘на, бхигкавз, сиймааяа сиймаа самбхинд̣̇ид̇аб̣б̣аа’’д̇иаад̣̇инаа б̣ад̣̇д̇хасиймаанам̣ ан̃н̃аман̃н̃ам̣ самбхзд̣̇аж̇жход̇т̇аран̣ам̣ бадигкибид̇ваа ‘‘ануж̇аанаами, бхигкавз, сиймам̣ самманнанд̇зна сийманд̇аригам̣ табзд̇ваа сиймам̣ самманнид̇у’’нд̇и убхиннам̣ (махаава. 148) б̣ад̣̇д̇хасиймаанаманд̇араа сийманд̇аригам̣ табзд̇ваава б̣анд̇хид̇ум̣ ануж̇аананд̇зна самбхзд̣̇аж̇жход̇т̇аран̣ам̣ вияа д̇аасам̣ ан̃н̃аман̃н̃ам̣ пусид̇ваа д̇идтанавасзна б̣анд̇ханамби на ваддад̇ийд̇и сид̣̇д̇хад̇д̇аа б̣ад̣̇д̇хаанамби д̇аасам̣ бажчаа ан̃н̃аман̃н̃ам̣ згаругкаад̣̇ийхи пусид̇ваа таанамби на ваддад̇ийд̇и бхаг̇авад̇о ад̇хиббааяан̃н̃уухи сан̇г̇ийд̇игаарагзхи нид̣̇д̇хаарид̇о. б̣анд̇ханагаалз бадигкид̇д̇асса самб̣анд̇хад̣̇осасса ануломзна агаббияаануломад̇д̇аа.
Mahāsīmaṃ vā sodhetvāti mahāsīmāgatānaṃ sabbesaṃ bhikkhūnaṃ hatthapāsānayanabahikaraṇādivasena sakalaṃ mahāsīmaṃ sodhetvā. Etena sabbavipattiyo mocetvā pubbe suṭṭhu baddhānampi dvinnaṃ baddhasīmānaṃ pacchā rukkhādisambandhena uppajjanako īdiso pāḷimuttako sambhedadoso atthīti dasseti. So ca ‘‘na, bhikkhave, sīmāya sīmā sambhinditabbā’’tiādinā baddhasīmānaṃ aññamaññaṃ sambhedajjhottharaṇaṃ paṭikkhipitvā ‘‘anujānāmi, bhikkhave, sīmaṃ sammannantena sīmantarikaṃ ṭhapetvā sīmaṃ sammannitu’’nti ubhinnaṃ (mahāva. 148) baddhasīmānamantarā sīmantarikaṃ ṭhapetvāva bandhituṃ anujānantena sambhedajjhottharaṇaṃ viya tāsaṃ aññamaññaṃ phusitvā tiṭṭhanavasena bandhanampi na vaṭṭatīti siddhattā baddhānampi tāsaṃ pacchā aññamaññaṃ ekarukkhādīhi phusitvā ṭhānampi na vaṭṭatīti bhagavato adhippāyaññūhi saṅgītikārakehi niddhārito. Bandhanakāle paṭikkhittassa sambandhadosassa anulomena akappiyānulomattā.
аяам̣ бана самб̣анд̇хад̣̇осо – буб̣б̣з судту б̣ад̣̇д̇хаанам̣ бажчаа сан̃ж̇аад̇ад̇д̇аа б̣аж̇жхамаанагкан̣з вияа асиймад̇д̇ам̣ гаад̇ум̣ на саггод̇и. д̇асмаа ругкаад̣̇исамб̣анд̇хз абанийд̇амад̇д̇з д̇аа сиймаа баагад̇игаа хонд̇и. яат̇аа жааяам̣ бажчаа на ваддад̇и, звам̣ б̣аж̇жхамаанагкан̣зби д̇аасам̣ ругкаад̣̇исамб̣анд̇хз сад̇и д̇аа б̣анд̇хид̇ум̣ на ваддад̇ийд̇и д̣̇адтаб̣б̣ам̣.
Ayaṃ pana sambandhadoso – pubbe suṭṭhu baddhānaṃ pacchā sañjātattā bajjhamānakkhaṇe viya asīmattaṃ kātuṃ na sakkoti. Tasmā rukkhādisambandhe apanītamatte tā sīmā pākatikā honti. Yathā cāyaṃ pacchā na vaṭṭati, evaṃ bajjhamānakkhaṇepi tāsaṃ rukkhādisambandhe sati tā bandhituṃ na vaṭṭatīti daṭṭhabbaṃ.
гзжи бана ‘‘махаасиймам̣ ваа сод̇хзд̇ваад̇и зд̇т̇а махаасиймааг̇ад̇аа бхигкуу яат̇аа д̇ам̣ саакам̣ ваа баарохам̣ ваа гааяабадиб̣ад̣̇д̇хзхи на пусанд̇и, звам̣ сод̇ханамзва ид̇хаад̇хиббзд̇ам̣, на сагаласиймаасод̇хана’’нд̇и вад̣̇анд̇и, д̇ам̣ на яуд̇д̇ам̣ адтагат̇ааяа вируж̇жханад̇о. д̇ат̇аа хи ‘‘махаасиймааяа бат̇авид̇алам̣ ваа д̇ад̇т̇аж̇аад̇аругкаад̣̇ийни ваа аахажжа д̇идтад̇ий’’д̇и звам̣ саакаабаарохаанам̣ махаасиймам̣ пусид̇ваа таанамзва самб̣анд̇хад̣̇осз гааран̣ад̇д̇зна вуд̇д̇ам̣, на бана д̇ад̇т̇а тид̇абхигкуухи саакаад̣̇ийнам̣ пусанам̣. яад̣̇и хи бхигкуунам̣ саакаад̣̇и пусид̇ваа таанамзва гааран̣ам̣ сияаа, д̇асса саакам̣ ваа д̇ад̇о ниг̇г̇ад̇абаарохам̣ ваа махаасиймааяа бавидтам̣ д̇ад̇радто гожи бхигку пусид̇ваа д̇идтад̇ийд̇и бхигкупусанамзва вад̇д̇аб̣б̣ам̣ сияаа. яан̃хи д̇ад̇т̇а махаасиймаасод̇ханз гааран̣ам̣, д̇ад̣̇зва д̇асмим̣ ваагяз бад̇хаанад̇о д̣̇ассзд̇аб̣б̣ам̣. на хи аахажжа тид̇амзва саакаад̣̇им̣ пусид̇ваа тид̇о бхигку сод̇хзд̇аб̣б̣о аагаасадтасаакаад̣̇им̣ пусид̇ваа тид̇ассааби сод̇хзд̇аб̣б̣ад̇о, гим̣ нирад̇т̇агзна аахажжадтаанаважанзна. аагаасадтасаакаасу жа бхигкуно пусанамзва гааран̣ад̇д̇зна вуд̇д̇ам̣, сод̇ханан̃жа д̇ассзва бхигкусса хад̇т̇абаасаанаяанаад̣̇ивасзна сод̇ханам̣ вуд̇д̇ам̣. ид̇ха бана ‘‘махаасиймам̣ сод̇хзд̇ваа’’д̇и сагаласиймаасаад̇хааран̣аважанзна сод̇ханам̣ вуд̇д̇ам̣.
Keci pana ‘‘mahāsīmaṃ vā sodhetvāti ettha mahāsīmāgatā bhikkhū yathā taṃ sākhaṃ vā pārohaṃ vā kāyapaṭibaddhehi na phusanti, evaṃ sodhanameva idhādhippetaṃ, na sakalasīmāsodhana’’nti vadanti, taṃ na yuttaṃ aṭṭhakathāya virujjhanato. Tathā hi ‘‘mahāsīmāya pathavitalaṃ vā tatthajātarukkhādīni vā āhacca tiṭṭhatī’’ti evaṃ sākhāpārohānaṃ mahāsīmaṃ phusitvā ṭhānameva sambandhadose kāraṇattena vuttaṃ, na pana tattha ṭhitabhikkhūhi sākhādīnaṃ phusanaṃ. Yadi hi bhikkhūnaṃ sākhādi phusitvā ṭhānameva kāraṇaṃ siyā, tassa sākhaṃ vā tato niggatapārohaṃ vā mahāsīmāya paviṭṭhaṃ tatraṭṭho koci bhikkhu phusitvā tiṭṭhatīti bhikkhuphusanameva vattabbaṃ siyā. Yañhi tattha mahāsīmāsodhane kāraṇaṃ, tadeva tasmiṃ vākye padhānato dassetabbaṃ. Na hi āhacca ṭhitameva sākhādiṃ phusitvā ṭhito bhikkhu sodhetabbo ākāsaṭṭhasākhādiṃ phusitvā ṭhitassāpi sodhetabbato, kiṃ niratthakena āhaccaṭṭhānavacanena. Ākāsaṭṭhasākhāsu ca bhikkhuno phusanameva kāraṇattena vuttaṃ, sodhanañca tasseva bhikkhussa hatthapāsānayanādivasena sodhanaṃ vuttaṃ. Idha pana ‘‘mahāsīmaṃ sodhetvā’’ti sakalasīmāsādhāraṇavacanena sodhanaṃ vuttaṃ.
абижа саакаад̣̇им̣ пусид̇ваа тид̇абхигкумад̇д̇асод̇ханз абхимад̇з ‘‘махаасиймааяа бат̇авид̇ала’’нд̇и висзсасиймобаад̣̇аанам̣ нирад̇т̇агам̣ сияаа яад̇т̇а гад̇т̇ажи анд̇амасо аагаасзби тад̇ваа саакаад̣̇им̣ пусид̇ваа тид̇асса висод̇хзд̇аб̣б̣ад̇о. чинд̣̇ид̇ваа б̣ахидтагаа гаад̇аб̣б̣аад̇и д̇ад̇т̇а бад̇идтид̇абхаававияож̇анаважанад̇о жа висабхааг̇асиймаанам̣ пусанзнзва сагаласиймаасод̇ханахзд̇уго адтагат̇аасид̣̇д̇хояам̣ зго самб̣анд̇хад̣̇осо ад̇т̇зваад̇и г̇ахзд̇аб̣б̣о. д̇знзва уд̣̇агугкзбасиймаагат̇ааяамби (махаава. адта. 147) ‘‘вихаарасиймааяа ваа г̇аамасиймааяа ваа бад̇идтид̇о’’д̇и жа ‘‘над̣̇ид̇ийрз бана каан̣угам̣ годдзд̇ваа д̇ад̇т̇а б̣ад̣̇д̇ханаавааяа на ваддад̇ий’’д̇и жа ‘‘сажз бана сзд̇у ваа сзд̇убаад̣̇аа ваа б̣ахид̇ийрз бад̇идтид̇аа, гаммам̣ гаад̇ум̣ на ваддад̇ий’’д̇и жа звам̣ висабхааг̇аасу г̇аамасиймаасу саакаад̣̇ийнам̣ пусанамзва сан̇гарад̣̇осагааран̣ад̇д̇зна вуд̇д̇ам̣, на бхигкупусанам̣. д̇ат̇аа хи ‘‘анд̇онад̣̇ияам̣ ж̇аад̇аругкз б̣анд̇хид̇ваа гаммам̣ гаад̇аб̣б̣а’’нд̇и над̣̇ияам̣ наавааб̣анд̇ханам̣ анун̃н̃аад̇ам̣ уд̣̇агугкзбаниссаяад̇д̇зна над̣̇исиймааяа сабхааг̇ад̇д̇аа. яад̣̇и хи бхигкуунам̣ пусанамзва бадижжа саб̣б̣ад̇т̇а самб̣анд̇хад̣̇осо вуд̇д̇о сияаа, над̣̇ияамби б̣анд̇ханам̣ бадигкибид̇аб̣б̣ам̣ бхавзяяа. д̇ад̇т̇ааби хи бхигкупусанам̣ гаммагобагааран̣ам̣ ход̇и, д̇асмаа сабхааг̇асиймаасу бависид̇ваа бхуумиаад̣̇им̣ пусид̇ваа ваа апусид̇ваа ваа саакаад̣̇имхи тид̇з д̇ам̣ саакаад̣̇им̣ пусанд̇ова бхигку сод̇хзд̇аб̣б̣о. висабхааг̇асиймаасу бана саакаад̣̇имхи пусид̇ваа тид̇з д̇ам̣ саакаад̣̇им̣ апусанд̇ааби саб̣б̣з бхигкуу сод̇хзд̇аб̣б̣аа. апусид̇ваа тид̇з бана д̇ам̣ саакаад̣̇им̣ пусанд̇ова бхигку сод̇хзд̇аб̣б̣од̇и нидтамзд̇т̇а г̇анд̇аб̣б̣ам̣.
Apica sākhādiṃ phusitvā ṭhitabhikkhumattasodhane abhimate ‘‘mahāsīmāya pathavitala’’nti visesasīmopādānaṃ niratthakaṃ siyā yattha katthaci antamaso ākāsepi ṭhatvā sākhādiṃ phusitvā ṭhitassa visodhetabbato. Chinditvābahiṭṭhakā kātabbāti tattha patiṭṭhitabhāvaviyojanavacanato ca visabhāgasīmānaṃ phusaneneva sakalasīmāsodhanahetuko aṭṭhakathāsiddhoyaṃ eko sambandhadoso atthevāti gahetabbo. Teneva udakukkhepasīmākathāyampi (mahāva. aṭṭha. 147) ‘‘vihārasīmāya vā gāmasīmāya vā patiṭṭhito’’ti ca ‘‘naditīre pana khāṇukaṃ koṭṭetvā tattha baddhanāvāya na vaṭṭatī’’ti ca ‘‘sace pana setu vā setupādā vā bahitīre patiṭṭhitā, kammaṃ kātuṃ na vaṭṭatī’’ti ca evaṃ visabhāgāsu gāmasīmāsu sākhādīnaṃ phusanameva saṅkaradosakāraṇattena vuttaṃ, na bhikkhuphusanaṃ. Tathā hi ‘‘antonadiyaṃ jātarukkhe bandhitvā kammaṃ kātabba’’nti nadiyaṃ nāvābandhanaṃ anuññātaṃ udakukkhepanissayattena nadisīmāya sabhāgattā. Yadi hi bhikkhūnaṃ phusanameva paṭicca sabbattha sambandhadoso vutto siyā, nadiyampi bandhanaṃ paṭikkhipitabbaṃ bhaveyya. Tatthāpi hi bhikkhuphusanaṃ kammakopakāraṇaṃ hoti, tasmā sabhāgasīmāsu pavisitvā bhūmiādiṃ phusitvā vā aphusitvā vā sākhādimhi ṭhite taṃ sākhādiṃ phusantova bhikkhu sodhetabbo. Visabhāgasīmāsu pana sākhādimhi phusitvā ṭhite taṃ sākhādiṃ aphusantāpi sabbe bhikkhū sodhetabbā. Aphusitvā ṭhite pana taṃ sākhādiṃ phusantova bhikkhu sodhetabboti niṭṭhamettha gantabbaṃ.
яам̣ банзд̇т̇а гзжи ‘‘б̣ад̣̇д̇хасиймаанам̣ д̣̇виннам̣ ан̃н̃аман̃н̃ам̣ вияа б̣ад̣̇д̇хасиймааг̇аамасиймаанамби д̇ад̣̇ан̃н̃аасамби саб̣б̣аасам̣ самаанасам̣ваасагасиймаанам̣ ан̃н̃аман̃н̃ам̣ ругкаад̣̇исамб̣анд̇хз сад̇и д̇ад̣̇убхаяамби згасиймам̣ вияа сод̇хзд̇ваа згад̇т̇зва гаммам̣ гаад̇аб̣б̣ам̣, ан̃н̃ад̇т̇а гад̇ам̣ гаммам̣ вибаж̇ж̇ад̇и, над̇т̇зд̇т̇а сабхааг̇ависабхааг̇абхзд̣̇о’’д̇и вад̣̇анд̇и, д̇ам̣ д̇зсам̣ мад̇имад̇д̇ам̣, сабхааг̇асиймаанам̣ ан̃н̃аман̃н̃ам̣ самбхзд̣̇ад̣̇осаабхаавасса висабхааг̇асиймаанамзва д̇аб̣бхаавасса суд̇д̇асуд̇д̇аануломаад̣̇ивинаяанаязхи сид̣̇д̇хад̇д̇аа. д̇ат̇аа хи ‘‘ануж̇аанаами, бхигкавз, сиймам̣ самманнид̇у’’нд̇и г̇аамасиймааяамзва б̣ад̣̇д̇хасиймам̣ самманнид̇ум̣ анун̃н̃аад̇ам̣. д̇аасам̣ ниссаяаниссид̇абхаавзна сабхааг̇ад̇аа, самбхзд̣̇аж̇жход̇т̇аран̣аад̣̇ид̣̇осаабхааво жа суд̇д̇ад̇ова сид̣̇д̇хо. б̣анд̇ханагаалз бана анун̃н̃аад̇асса самб̣анд̇хасса ануломад̇о бажчаа сан̃ж̇аад̇аругкаад̣̇исамб̣анд̇хоби д̇аасам̣ ваддад̇и зва. ‘‘яам̣, бхигкавз…бз… габбияам̣ ануломзд̇и агаббияам̣ бадиб̣аахад̇и. д̇ам̣ во габбад̇ий’’д̇и (махаава. 305) вуд̇д̇ад̇д̇аа. звам̣ д̇аава б̣ад̣̇д̇хасиймааг̇аамасиймаанам̣ ан̃н̃аман̃н̃ам̣ сабхааг̇ад̇аа, самбхзд̣̇аад̣̇ид̣̇осаабхааво жа суд̇д̇асуд̇д̇аануломад̇о сид̣̇д̇хо. иминаа зва наязна аран̃н̃асиймаасад̇д̇аб̣бханд̇арасиймаанам̣, над̣̇иаад̣̇иуд̣̇агугкзбасиймаанан̃жа суд̇д̇асуд̇д̇аануломад̇о ан̃н̃аман̃н̃ам̣ сабхааг̇ад̇аа, самбхзд̣̇аад̣̇ид̣̇осаабхааво жа сид̣̇д̇ход̇и взд̣̇ид̇аб̣б̣о.
Yaṃ panettha keci ‘‘baddhasīmānaṃ dvinnaṃ aññamaññaṃ viya baddhasīmāgāmasīmānampi tadaññāsampi sabbāsaṃ samānasaṃvāsakasīmānaṃ aññamaññaṃ rukkhādisambandhe sati tadubhayampi ekasīmaṃ viya sodhetvā ekattheva kammaṃ kātabbaṃ, aññattha kataṃ kammaṃ vipajjati, natthettha sabhāgavisabhāgabhedo’’ti vadanti, taṃ tesaṃ matimattaṃ, sabhāgasīmānaṃ aññamaññaṃ sambhedadosābhāvassa visabhāgasīmānameva tabbhāvassa suttasuttānulomādivinayanayehi siddhattā. Tathā hi ‘‘anujānāmi, bhikkhave, sīmaṃ sammannitu’’nti gāmasīmāyameva baddhasīmaṃ sammannituṃ anuññātaṃ. Tāsaṃ nissayanissitabhāvena sabhāgatā, sambhedajjhottharaṇādidosābhāvo ca suttatova siddho. Bandhanakāle pana anuññātassa sambandhassa anulomato pacchā sañjātarukkhādisambandhopi tāsaṃ vaṭṭati eva. ‘‘Yaṃ, bhikkhave…pe… kappiyaṃ anulometi akappiyaṃ paṭibāhati. Taṃ vo kappatī’’ti (mahāva. 305) vuttattā. Evaṃ tāva baddhasīmāgāmasīmānaṃ aññamaññaṃ sabhāgatā, sambhedādidosābhāvo ca suttasuttānulomato siddho. Iminā eva nayena araññasīmāsattabbhantarasīmānaṃ, nadiādiudakukkhepasīmānañca suttasuttānulomato aññamaññaṃ sabhāgatā, sambhedādidosābhāvo ca siddhoti veditabbo.
б̣ад̣̇д̇хасиймааяа бана ан̃н̃ааяа б̣ад̣̇д̇хасиймааяа, над̣̇иаад̣̇исиймаасу жа б̣анд̇хид̇ум̣ бадигкзбасид̣̇д̇хид̇о жзва уд̣̇агугкзбасад̇д̇аб̣бханд̇арасиймаанам̣ над̣̇иаад̣̇ийсу зва гаад̇ум̣ нияаманасуд̇д̇асаамад̇т̇иязна б̣ад̣̇д̇хасиймааг̇аамасиймаад̣̇ийсу гаран̣абадигкзбасид̣̇д̇хид̇о жа д̇аасам̣ ан̃н̃аман̃н̃ам̣ висабхааг̇ад̇аа, уббад̇д̇игкан̣з, бажчаа жа ругкаад̣̇ийхи самбхзд̣̇аад̣̇ид̣̇осасамбхаво жа вуд̇д̇анаязна суд̇д̇асуд̇д̇аануломад̇о жа сиж̇жханд̇и. д̇знзва адтагат̇ааяам̣ (махаава. адта. 148) висабхааг̇асиймаанамзва вадаругкаад̣̇иважанзхи самб̣анд̇хад̣̇осам̣ д̣̇ассзд̇ваа сабхааг̇аанам̣ б̣ад̣̇д̇хасиймааг̇аамасиймаад̣̇ийнам̣ самб̣анд̇хад̣̇осо на д̣̇ассид̇о, на гзвалан̃жа на д̣̇ассид̇о, ат̇а ко д̇аасам̣ сабхааг̇асиймаанам̣ ругкаад̣̇исамб̣анд̇хзби д̣̇осаабхааво баал̣иадтагат̇аасу н̃аабид̇о зва. д̇ат̇аа хи баал̣ияам̣ ‘‘баб̣б̣ад̇анимид̇д̇ам̣ баасаан̣анимид̇д̇ам̣ вананимид̇д̇ам̣ ругканимид̇д̇а’’нд̇иаад̣̇инаа вад̣дханаганимид̇д̇аани анун̃н̃аад̇аани. д̇зна нзсам̣ ругкаад̣̇ийнам̣ нимид̇д̇аанам̣ вад̣дханзби б̣ад̣̇д̇хасиймааг̇аамасиймаанам̣ сан̇гарад̣̇осаабхааво н̃аабид̇ова ход̇и. д̣̇виннам̣ бана б̣ад̣̇д̇хасиймаанам̣ ийд̣̇исо самб̣анд̇хо на ваддад̇и. вуд̇д̇ан̃хи ‘‘згаругкоби жа д̣̇виннам̣ сиймаанам̣ нимид̇д̇ам̣ ход̇и, со бана вад̣дханд̇о сиймаасан̇гарам̣ гарод̇и, д̇асмаа на гаад̇аб̣б̣о’’д̇и ‘‘ануж̇аанаами, бхигкавз, д̇ияож̇анабарамам̣ сиймам̣ самманнид̇у’’нд̇и важанад̇оби жааяам̣ н̃аабид̇о. д̇ияож̇анабарамааяа хи сиймааяа саманд̇аа барияанд̇зсу ругкалад̇ааг̇умб̣аад̣̇ийхи б̣ад̣̇д̇хасиймааг̇аамасиймаанам̣ нияамзна ан̃н̃аман̃н̃ам̣ самб̣анд̇хасса самбхавад̇о ‘‘ийд̣̇исам̣ самб̣анд̇ханам̣ винаасзд̇ваава сиймаа самманнид̇аб̣б̣аа’’д̇и адтагат̇ааяамби на вуд̇д̇ам̣.
Baddhasīmāya pana aññāya baddhasīmāya, nadiādisīmāsu ca bandhituṃ paṭikkhepasiddhito ceva udakukkhepasattabbhantarasīmānaṃ nadiādīsu eva kātuṃ niyamanasuttasāmatthiyena baddhasīmāgāmasīmādīsu karaṇapaṭikkhepasiddhito ca tāsaṃ aññamaññaṃ visabhāgatā, uppattikkhaṇe, pacchā ca rukkhādīhi sambhedādidosasambhavo ca vuttanayena suttasuttānulomato ca sijjhanti. Teneva aṭṭhakathāyaṃ (mahāva. aṭṭha. 148) visabhāgasīmānameva vaṭarukkhādivacanehi sambandhadosaṃ dassetvā sabhāgānaṃ baddhasīmāgāmasīmādīnaṃ sambandhadoso na dassito, na kevalañca na dassito, atha kho tāsaṃ sabhāgasīmānaṃ rukkhādisambandhepi dosābhāvo pāḷiaṭṭhakathāsu ñāpito eva. Tathā hi pāḷiyaṃ ‘‘pabbatanimittaṃ pāsāṇanimittaṃ vananimittaṃ rukkhanimitta’’ntiādinā vaḍḍhanakanimittāni anuññātāni. Tena nesaṃ rukkhādīnaṃ nimittānaṃ vaḍḍhanepi baddhasīmāgāmasīmānaṃ saṅkaradosābhāvo ñāpitova hoti. Dvinnaṃ pana baddhasīmānaṃ īdiso sambandho na vaṭṭati. Vuttañhi ‘‘ekarukkhopi ca dvinnaṃ sīmānaṃ nimittaṃ hoti, so pana vaḍḍhanto sīmāsaṅkaraṃ karoti, tasmā na kātabbo’’ti ‘‘anujānāmi, bhikkhave, tiyojanaparamaṃ sīmaṃ sammannitu’’nti vacanatopi cāyaṃ ñāpito. Tiyojanaparamāya hi sīmāya samantā pariyantesu rukkhalatāgumbādīhi baddhasīmāgāmasīmānaṃ niyamena aññamaññaṃ sambandhassa sambhavato ‘‘īdisaṃ sambandhanaṃ vināsetvāva sīmā sammannitabbā’’ti aṭṭhakathāyampi na vuttaṃ.
яад̣̇и жзд̇т̇а ругкаад̣̇исамб̣анд̇хзна гаммавибад̇д̇и бхавзяяа, авассамзва вад̇д̇аб̣б̣ам̣ сияаа. вибад̇д̇ибарихаарад̇т̇ан̃хи аажарияаа нираасан̇гадтаанзсуби ‘‘бхид̇д̇им̣ агид̇д̇зд̇ваа’’д̇иаад̣̇инаа сид̣̇д̇хамзвад̇т̇ам̣ бунаббунам̣ авожум̣. ид̇ха бана ‘‘ванамаж̇жхз вихаарам̣ гаронд̇и, ванам̣ на гид̇д̇зд̇аб̣б̣а’’нд̇иаад̣̇иругкалад̇аад̣̇ийхи ниранд̇арз ванамаж̇жхзби сиймааб̣анд̇ханамзва авожум̣. д̇ат̇аа т̇амбхаанам̣ убари гад̇абаасаад̣̇аад̣̇ийсу хздтаа т̇амбхаад̣̇ийхи згааб̣ад̣̇д̇хзсу убаримад̇алаад̣̇ийсу сиймааб̣анд̇ханам̣ б̣ахуд̇хаа вуд̇д̇ам̣. д̇асмаа б̣ад̣̇д̇хасиймааг̇аамасиймаанам̣ ругкаад̣̇исамб̣анд̇хо д̇зхи мукад̇ова вихид̇о. абижа г̇аамасиймаанамби баадзггам̣ б̣ад̣̇д̇хасиймаасад̣̇исад̇ааяа згиссаа г̇аамасиймааяа гаммам̣ гаронд̇зхи д̣̇аб̣б̣ад̇ин̣амад̇д̇знааби самб̣анд̇хаа г̇ааманд̇арабарамбараа аран̃н̃анад̣̇исамуд̣̇д̣̇аа жа сод̇хзд̇аб̣б̣аад̇и сагалад̣̇ийбам̣ сод̇хзд̇ваава гаад̇аб̣б̣ам̣ сияаа. звам̣ бана асод̇хзд̇ваа батамамахаасан̇г̇ийд̇игаалад̇о бабхуд̇и гад̇аанам̣ убасамбад̣̇аад̣̇игаммаанам̣, сиймаасаммуд̇ийнан̃жа вибаж̇ж̇анад̇о саб̣б̣зсамби бхигкуунам̣ анубасамбаннасан̇гаабасан̇г̇о жа д̣̇уннивааро ход̇и. на жзд̇ам̣ яуд̇д̇ам̣. д̇асмаа вуд̇д̇анаязнзва висабхааг̇асиймаанамзва ругкаад̣̇ийхи самб̣анд̇хад̣̇осо, на б̣ад̣̇д̇хасиймааг̇аамасиймаад̣̇ийнам̣ сабхааг̇асиймаананд̇и г̇ахзд̇аб̣б̣ам̣.
Yadi cettha rukkhādisambandhena kammavipatti bhaveyya, avassameva vattabbaṃ siyā. Vipattiparihāratthañhi ācariyā nirāsaṅkaṭṭhānesupi ‘‘bhittiṃ akittetvā’’tiādinā siddhamevatthaṃ punappunaṃ avocuṃ. Idha pana ‘‘vanamajjhe vihāraṃ karonti, vanaṃ na kittetabba’’ntiādirukkhalatādīhi nirantare vanamajjhepi sīmābandhanameva avocuṃ. Tathā thambhānaṃ upari katapāsādādīsu heṭṭhā thambhādīhi ekābaddhesu uparimatalādīsu sīmābandhanaṃ bahudhā vuttaṃ. Tasmā baddhasīmāgāmasīmānaṃ rukkhādisambandho tehi mukhatova vihito. Apica gāmasīmānampi pāṭekkaṃ baddhasīmāsadisatāya ekissā gāmasīmāya kammaṃ karontehi dabbatiṇamattenāpi sambandhā gāmantaraparamparā araññanadisamuddā ca sodhetabbāti sakaladīpaṃ sodhetvāva kātabbaṃ siyā. Evaṃ pana asodhetvā paṭhamamahāsaṅgītikālato pabhuti katānaṃ upasampadādikammānaṃ, sīmāsammutīnañca vipajjanato sabbesampi bhikkhūnaṃ anupasampannasaṅkāpasaṅgo ca dunnivāro hoti. Na cetaṃ yuttaṃ. Tasmā vuttanayeneva visabhāgasīmānameva rukkhādīhi sambandhadoso, na baddhasīmāgāmasīmādīnaṃ sabhāgasīmānanti gahetabbaṃ.
махаасиймаасод̇ханасса д̣̇уггарад̇ааяа кан̣д̣асиймааяамзва язбхуяязна сан̇гхагаммагаран̣анд̇и ааха ‘‘сиймаамаал̣агз’’д̇иаад̣̇и . махаасан̇гхасаннибаад̇з бана кан̣д̣асиймааяа аббахонагад̇ааяа махаасиймааяа гаммз гарияамаанзби аяам̣ наяо г̇ахзд̇аб̣б̣ова.
Mahāsīmāsodhanassa dukkaratāya khaṇḍasīmāyameva yebhuyyena saṅghakammakaraṇanti āha ‘‘sīmāmāḷake’’tiādi . Mahāsaṅghasannipāte pana khaṇḍasīmāya appahonakatāya mahāsīmāya kamme kariyamānepi ayaṃ nayo gahetabbova.
‘‘угкибаабзд̇ваа’’д̇и иминаа гааяабадиб̣ад̣̇д̇хзнаби сиймам̣ пусанд̇о сиймадтова ход̇ийд̇и д̣̇ассзд̇и. буриманаязбийд̇и кан̣д̣асиймад̇о махаасиймам̣ бавидтасаакаанаязби. сиймадтаругкасаакааяа нисинно сиймадтова ход̇ийд̇и ааха ‘‘хад̇т̇абаасамзва аанзд̇аб̣б̣о’’д̇и. зд̇т̇а жа ругкасаакаад̣̇ийхи ан̃н̃аман̃н̃ам̣ самб̣анд̇хаасу зд̇аасу канд̇хасиймааяам̣ д̇аяо бхигкуу, махаасиймааяам̣ д̣̇взд̇и звам̣ д̣̇вийсу сиймаасу сийманд̇аригам̣ апусид̇ваа, хад̇т̇абаасан̃жа авиж̇ахид̇ваа тид̇зхи бан̃жахи бхигкуухи убасамбад̣̇аад̣̇игаммам̣ гаад̇ум̣ ваддад̇ийд̇и гзжи вад̣̇анд̇и. д̇ам̣ на яуд̇д̇ам̣ ‘‘наанаасиймааяа тид̇ажад̇уд̇т̇о гаммам̣ гарзяяа, агаммам̣, на жа гаран̣ийяа’’нд̇иаад̣̇и (махаава. 389) важанад̇о. д̇знзвзд̇т̇ааби махаасиймам̣ сод̇хзд̇ваа маал̣агасиймааяамзва гаммагаран̣ам̣ вихид̇ам̣. ан̃н̃ат̇аа бхиннасиймадтад̇ааяа д̇ад̇радтасса г̇ан̣абуурагад̇д̇аабхааваа гаммагобова ход̇ийд̇и.
‘‘Ukkhipāpetvā’’ti iminā kāyapaṭibaddhenapi sīmaṃ phusanto sīmaṭṭhova hotīti dasseti. Purimanayepīti khaṇḍasīmato mahāsīmaṃ paviṭṭhasākhānayepi. Sīmaṭṭharukkhasākhāya nisinno sīmaṭṭhova hotīti āha ‘‘hatthapāsameva ānetabbo’’ti. Ettha ca rukkhasākhādīhi aññamaññaṃ sambandhāsu etāsu khandhasīmāyaṃ tayo bhikkhū, mahāsīmāyaṃ dveti evaṃ dvīsu sīmāsu sīmantarikaṃ aphusitvā, hatthapāsañca avijahitvā ṭhitehi pañcahi bhikkhūhi upasampadādikammaṃ kātuṃ vaṭṭatīti keci vadanti. Taṃ na yuttaṃ ‘‘nānāsīmāya ṭhitacatuttho kammaṃ kareyya, akammaṃ, na ca karaṇīya’’ntiādi (mahāva. 389) vacanato. Tenevetthāpi mahāsīmaṃ sodhetvā māḷakasīmāyameva kammakaraṇaṃ vihitaṃ. Aññathā bhinnasīmaṭṭhatāya tatraṭṭhassa gaṇapūrakattābhāvā kammakopova hotīti.
яад̣̇и звам̣ гат̇ам̣ чанд̣̇абаарисуд̣̇д̇хиаахаран̣авасзна махаасиймаасод̇хананд̇и? д̇амби винаяан̃н̃уу на ижчанд̇и, хад̇т̇абаасаанаяанаб̣ахисиймаагаран̣авасзнзва банзд̇т̇а сод̇ханам̣ ижчанд̇и, д̣̇иннассааби чанд̣̇асса анааг̇аманзна махаасиймадто гаммам̣ гобзд̇ийд̇и. яад̣̇и жасса чанд̣̇аад̣̇и нааг̇ажчад̇и, гат̇ам̣ со гаммам̣ гобзссад̇ийд̇и? д̣̇виннам̣ висабхааг̇асиймаанам̣ самб̣анд̇хад̣̇осад̇о. со жа самб̣анд̇хад̣̇осо адтагат̇ааважанаббамаан̣ад̇о. на хи винаяз саб̣б̣ад̇т̇а яуд̇д̇и саггаа н̃аад̇ум̣ б̣уд̣̇д̇хаг̇ожарад̇д̇аад̇и взд̣̇ид̇аб̣б̣ам̣. гзжи бана ‘‘сажз д̣̇взби сиймааяо буурзд̇ваа ниранд̇арам̣ тид̇зсу бхигкуусу гаммам̣ гаронд̇зсу згиссаа зва сиймааяа г̇ан̣о жа убасамбад̣̇аабзгко жа ануссааваго жа згад̇о д̇идтад̇и, гаммам̣ сугад̇амзва ход̇и. сажз бана гаммаарахо ваа ануссааваго ваа сийманд̇арадто ход̇и, гаммам̣ вибаж̇ж̇ад̇ий’’д̇и вад̣̇анд̇и, д̇ан̃жа б̣ад̣̇д̇хасиймааг̇аамасиймаад̣̇исабхааг̇асиймаасу зва яуж̇ж̇ад̇и, яаасу ан̃н̃аман̃н̃ам̣ ругкаад̣̇исамб̣анд̇хзсуби д̣̇осо над̇т̇и. яаасу бана ад̇т̇и, на д̇аасу висабхааг̇асиймаасу ругкаад̣̇исамб̣анд̇хз сад̇и згад̇т̇а тид̇о ид̇арадтаанам̣ гаммам̣ гобзд̇и зва адтагат̇ааяам̣ сааман̃н̃ад̇о сод̇ханасса вуд̇д̇ад̇д̇аад̇и амхаагам̣ канд̇и. виймам̣сид̇ваа г̇ахзд̇аб̣б̣ам̣.
Yadi evaṃ kathaṃ chandapārisuddhiāharaṇavasena mahāsīmāsodhananti? Tampi vinayaññū na icchanti, hatthapāsānayanabahisīmākaraṇavaseneva panettha sodhanaṃ icchanti, dinnassāpi chandassa anāgamanena mahāsīmaṭṭho kammaṃ kopetīti. Yadi cassa chandādi nāgacchati, kathaṃ so kammaṃ kopessatīti? Dvinnaṃ visabhāgasīmānaṃ sambandhadosato. So ca sambandhadoso aṭṭhakathāvacanappamāṇato. Na hi vinaye sabbattha yutti sakkā ñātuṃ buddhagocarattāti veditabbaṃ. Keci pana ‘‘sace dvepi sīmāyo pūretvā nirantaraṃ ṭhitesu bhikkhūsu kammaṃ karontesu ekissā eva sīmāya gaṇo ca upasampadāpekkho ca anussāvako ca ekato tiṭṭhati, kammaṃ sukatameva hoti. Sace pana kammāraho vā anussāvako vā sīmantaraṭṭho hoti, kammaṃ vipajjatī’’ti vadanti, tañca baddhasīmāgāmasīmādisabhāgasīmāsu eva yujjati, yāsu aññamaññaṃ rukkhādisambandhesupi doso natthi. Yāsu pana atthi, na tāsu visabhāgasīmāsu rukkhādisambandhe sati ekattha ṭhito itaraṭṭhānaṃ kammaṃ kopeti eva aṭṭhakathāyaṃ sāmaññato sodhanassa vuttattāti amhākaṃ khanti. Vīmaṃsitvā gahetabbaṃ.
на од̇арад̇ийд̇и бан̣авасан̣таанабаб̣б̣ад̇аад̣̇ийсу хздтаа бамаан̣арахид̇адтаанам̣ на од̇арад̇и. гин̃жааби банзд̇т̇а б̣аж̇жхамаанагкан̣з уд̣̇д̇хамби бамаан̣арахид̇ам̣ баб̣б̣ад̇аад̣̇ийни наарохад̇и, д̇ат̇ааби д̇ам̣ бажчаа сиймадтад̇ааяа сиймаа ход̇и. хздтаа бан̣авасан̣таанаад̣̇и бана убари б̣ад̣̇д̇хааяаби сиймааяа сиймаасан̇кяам̣ на г̇ажчад̇и, д̇асса васзна на од̇арад̇ийд̇и вуд̇д̇ам̣, ид̇арат̇аа орохан̣аарохан̣аанам̣ саад̇хааран̣авасзна ‘‘на од̇арад̇ий’’д̇иаад̣̇инаа вад̇д̇аб̣б̣ад̇о. яам̣ гин̃жийд̇и нидтид̇асиймааяа убари ж̇аад̇ам̣ виж̇ж̇амаанам̣ буб̣б̣з тид̇ам̣, бажчаа сан̃ж̇аад̇ам̣, бавидтан̃жа яам̣гин̃жи савин̃н̃аан̣агаавин̃н̃аан̣агам̣ саб̣б̣амбийд̇и ад̇т̇о. анд̇осиймааяа хи хад̇т̇игканд̇хаад̣̇исавин̃н̃аан̣агзсу нисинноби бхигку сиймадтова ход̇и. ‘‘б̣ад̣̇д̇хасиймааяаа’’д̇и ид̣̇ан̃жа багаран̣авасзна убалагкан̣ад̇о вуд̇д̇ам̣. аб̣ад̣̇д̇хасиймаасуби саб̣б̣аасу тид̇ам̣ д̇ам̣ сиймаасан̇кяамзва г̇ажчад̇и.
Na otaratīti paṇavasaṇṭhānapabbatādīsu heṭṭhā pamāṇarahitaṭṭhānaṃ na otarati. Kiñcāpi panettha bajjhamānakkhaṇe uddhampi pamāṇarahitaṃ pabbatādīni nārohati, tathāpi taṃ pacchā sīmaṭṭhatāya sīmā hoti. Heṭṭhā paṇavasaṇṭhānādi pana upari baddhāyapi sīmāya sīmāsaṅkhyaṃ na gacchati, tassa vasena na otaratīti vuttaṃ, itarathā orohaṇārohaṇānaṃ sādhāraṇavasena ‘‘na otaratī’’tiādinā vattabbato. Yaṃ kiñcīti niṭṭhitasīmāya upari jātaṃ vijjamānaṃ pubbe ṭhitaṃ, pacchā sañjātaṃ, paviṭṭhañca yaṃkiñci saviññāṇakāviññāṇakaṃ sabbampīti attho. Antosīmāya hi hatthikkhandhādisaviññāṇakesu nisinnopi bhikkhu sīmaṭṭhova hoti. ‘‘Baddhasīmāyā’’ti idañca pakaraṇavasena upalakkhaṇato vuttaṃ. Abaddhasīmāsupi sabbāsu ṭhitaṃ taṃ sīmāsaṅkhyameva gacchati.
згасамб̣ад̣̇д̇хзна г̇ад̇анд̇и ругкалад̇аад̣̇ид̇ад̇раж̇аад̇амзва санд̇хааяа вуд̇д̇ам̣. д̇аад̣̇исамби ‘‘ид̇о г̇ад̇а’’нд̇и вад̇д̇аб̣б̣ад̇ам̣ арахад̇и. яам̣ бана ‘‘ид̇о г̇ад̇а’’нд̇и ваа ‘‘д̇ад̇о ааг̇ад̇а’’нд̇и ваа вад̇д̇ум̣ асаггун̣зяяам̣ убхосу б̣ад̣̇д̇хасиймааг̇аамасиймаасу, уд̣̇агугкзбанад̣̇иаад̣̇ийсу жа д̇ирияам̣ бад̇ид̇араж̇ж̇уд̣̇ан̣д̣аад̣̇и, д̇ад̇т̇а гим̣ гаад̇аб̣б̣анд̇и? зд̇т̇а бана б̣ад̣̇д̇хасиймааяа бад̇идтид̇абхааг̇о б̣ад̣̇д̇хасиймаа, аб̣ад̣̇д̇хаг̇аамасиймааяа бад̇идтид̇абхааг̇о г̇аамасиймаа д̇ад̣̇убхаяасиймадтабаб̣б̣ад̇аад̣̇и вияа. б̣ад̣̇д̇хасиймад̇о удтид̇авадаругкасса баарохз, г̇аамасиймааяа г̇аамасиймад̇о удтид̇авадаругкасса баарохз жа б̣ад̣̇д̇хасиймааяа бад̇идтид̇зби зсзва наяо. муулабад̇идтид̇агаалад̇о хи бадтааяа ‘‘ид̇о г̇ад̇ам̣, д̇ад̇о ааг̇ад̇а’’нд̇и вад̇д̇ум̣ асаггун̣зяяад̇о со бхааг̇о яат̇аабавидтасиймаасан̇кяамзва г̇ажчад̇и, д̇зсам̣ ругкабаарохаанам̣ анд̇араа бана аагаасадтасаакаа бхуумияам̣ сиймаабарижчзд̣̇аббамаан̣зна д̇ад̣̇убхаяасиймаа ход̇ийд̇и гзжи вад̣̇анд̇и. яасмаа банасса саакааяа баарохо бавидтасиймааяа бат̇авияам̣ муулзхи бад̇идтахид̇вааби яаава саакам̣ винаа таад̇ум̣ на саггод̇и, д̇аава мууласиймадтад̇ам̣ на виж̇ахад̇и. яад̣̇аа бана винаа таад̇ум̣ саггод̇и, д̇ад̣̇ааби баарохамад̇д̇амзва бавидтасиймадтад̇ам̣ самубзд̇и. д̇асмаа саб̣б̣оби аагаасадтасаакаабхааг̇о буримасиймадтад̇ам̣ на виж̇ахад̇и, д̇ад̇о ааг̇ад̇абхааг̇асса авиж̇ахид̇ад̇д̇аад̇и амхаагам̣ канд̇и. уд̣̇агугкзбанад̣̇иаад̣̇ийсуби зсзва наяо. д̇ад̇т̇а жа висабхааг̇асиймааяа звам̣ бавидтз сагаласиймаасод̇ханам̣, сабхааг̇ааяа бавидтз пусид̇ваа тид̇амад̇д̇абхигкусод̇ханан̃жа саб̣б̣ам̣ буб̣б̣з вуд̇д̇анаяамзва.
Ekasambaddhena gatanti rukkhalatāditatrajātameva sandhāya vuttaṃ. Tādisampi ‘‘ito gata’’nti vattabbataṃ arahati. Yaṃ pana ‘‘ito gata’’nti vā ‘‘tato āgata’’nti vā vattuṃ asakkuṇeyyaṃ ubhosu baddhasīmāgāmasīmāsu, udakukkhepanadiādīsu ca tiriyaṃ patitarajjudaṇḍādi, tattha kiṃ kātabbanti? Ettha pana baddhasīmāya patiṭṭhitabhāgo baddhasīmā, abaddhagāmasīmāya patiṭṭhitabhāgo gāmasīmā tadubhayasīmaṭṭhapabbatādi viya. Baddhasīmato uṭṭhitavaṭarukkhassa pārohe, gāmasīmāya gāmasīmato uṭṭhitavaṭarukkhassa pārohe ca baddhasīmāya patiṭṭhitepi eseva nayo. Mūlapatiṭṭhitakālato hi paṭṭhāya ‘‘ito gataṃ, tato āgata’’nti vattuṃ asakkuṇeyyato so bhāgo yathāpaviṭṭhasīmāsaṅkhyameva gacchati, tesaṃ rukkhapārohānaṃ antarā pana ākāsaṭṭhasākhā bhūmiyaṃ sīmāparicchedappamāṇena tadubhayasīmā hotīti keci vadanti. Yasmā panassa sākhāya pāroho paviṭṭhasīmāya pathaviyaṃ mūlehi patiṭṭhahitvāpi yāva sākhaṃ vinā ṭhātuṃ na sakkoti, tāva mūlasīmaṭṭhataṃ na vijahati. Yadā pana vinā ṭhātuṃ sakkoti, tadāpi pārohamattameva paviṭṭhasīmaṭṭhataṃ samupeti. Tasmā sabbopi ākāsaṭṭhasākhābhāgo purimasīmaṭṭhataṃ na vijahati, tato āgatabhāgassa avijahitattāti amhākaṃ khanti. Udakukkhepanadiādīsupi eseva nayo. Tattha ca visabhāgasīmāya evaṃ paviṭṭhe sakalasīmāsodhanaṃ, sabhāgāya paviṭṭhe phusitvā ṭhitamattabhikkhusodhanañca sabbaṃ pubbe vuttanayameva.
140. баараяад̇ийд̇и аж̇жход̇т̇арад̇и, над̣̇ияаа убхосу д̇ийрзсу бад̇идтамаанаа сиймаа над̣̇иаж̇жход̇т̇араа наама ход̇ийд̇и ааха ‘‘над̣̇им̣аж̇жход̇т̇арамаана’’нд̇и. анд̇онад̣̇ияан̃хи сиймаа на од̇арад̇и. над̣̇илагкан̣з бана асад̇и од̇арад̇и, саа жа д̇ад̣̇аа над̣̇ибаарасиймаа на ход̇ийд̇и ааха ‘‘над̣̇ияаа лагкан̣ам̣ над̣̇инимид̇д̇з вуд̇д̇анаяамзваа’’д̇и. ассаад̇и бхавзяяа. авассам̣ лаб̣бханзяяаа бана д̇хуванааваава ход̇ийд̇и самб̣анд̇хо. ‘‘на наавааяаа’’д̇и иминаа наавам̣ винааби сиймаа б̣ад̣̇д̇хаа суб̣ад̣̇д̇хаа зва ход̇и, аабад̇д̇ибарихаарад̇т̇аа нааваад̇и д̣̇ассзд̇и.
140.Pārayatīti ajjhottharati, nadiyā ubhosu tīresu patiṭṭhamānā sīmā nadiajjhottharā nāma hotīti āha ‘‘nadiṃajjhottharamāna’’nti. Antonadiyañhi sīmā na otarati. Nadilakkhaṇe pana asati otarati, sā ca tadā nadipārasīmā na hotīti āha ‘‘nadiyā lakkhaṇaṃ nadinimitte vuttanayamevā’’ti. Assāti bhaveyya. Avassaṃ labbhaneyyā pana dhuvanāvāva hotīti sambandho. ‘‘Na nāvāyā’’ti iminā nāvaṃ vināpi sīmā baddhā subaddhā eva hoti, āpattiparihāratthā nāvāti dasseti.
ругкасан̇гхаадамаяод̇и анзгаругкз згад̇о гхадзд̇ваа гад̇асзд̇у. ругкам̣ чинд̣̇ид̇ваа гад̇од̇и баатасзсо. ‘‘саб̣б̣анимид̇д̇аанам̣ анд̇о тид̇з бхигкуу хад̇т̇абаасаг̇ад̇з гад̇ваа’’д̇и ид̣̇ам̣ убхиннам̣ д̇ийраанам̣ згаг̇аамакзд̇д̇абхаавам̣ санд̇хааяа вуд̇д̇ам̣. баб̣б̣ад̇асан̣таанаад̇и згад̇о уг̇г̇ад̇ад̣̇ийбасикарад̇д̇аа вуд̇д̇ам̣.
Rukkhasaṅghāṭamayoti anekarukkhe ekato ghaṭetvā katasetu. Rukkhaṃ chinditvā katoti pāṭhaseso. ‘‘Sabbanimittānaṃ anto ṭhite bhikkhū hatthapāsagate katvā’’ti idaṃ ubhinnaṃ tīrānaṃ ekagāmakhettabhāvaṃ sandhāya vuttaṃ. Pabbatasaṇṭhānāti ekato uggatadīpasikharattā vuttaṃ.
сиймаануж̇аананагат̇ааван̣н̣анаа нидтид̇аа.
Sīmānujānanakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 71. сиймаануж̇аананаа • 71. Sīmānujānanā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / сиймаануж̇аананагат̇аа • Sīmānujānanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / сиймаануж̇аананагат̇ааван̣н̣анаа • Sīmānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / сиймаануж̇аананагат̇ааван̣н̣анаа • Sīmānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 71. сиймаануж̇аананагат̇аа • 71. Sīmānujānanakathā
