| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
75. сиймаасамууханана
75. Sīmāsamūhanana
‘‘сиймам̣, бхигкавз, самманнанд̇зна батамам̣ самаанасам̣ваасасиймаа 1 самманнид̇аб̣б̣аа , бажчаа д̇ижийварзна авиббаваасо самманнид̇аб̣б̣о. сиймам̣, бхигкавз, самуухананд̇зна батамам̣ д̇ижийварзна авиббаваасо самууханд̇аб̣б̣о, бажчаа самаанасам̣ваасасиймаа самууханд̇аб̣б̣аа. зван̃жа бана, бхигкавз, д̇ижийварзна авиббаваасо самууханд̇аб̣б̣о. б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
‘‘Sīmaṃ, bhikkhave, sammannantena paṭhamaṃ samānasaṃvāsasīmā 2 sammannitabbā , pacchā ticīvarena avippavāso sammannitabbo. Sīmaṃ, bhikkhave, samūhanantena paṭhamaṃ ticīvarena avippavāso samūhantabbo, pacchā samānasaṃvāsasīmā samūhantabbā. Evañca pana, bhikkhave, ticīvarena avippavāso samūhantabbo. Byattena bhikkhunā paṭibalena saṅgho ñāpetabbo –
145. ‘‘сун̣аад̇у мз, бханд̇з, сан̇гхо. яо со сан̇гхзна д̇ижийварзна авиббаваасо саммад̇о, яад̣̇и сан̇гхасса бад̇д̇агаллам̣, сан̇гхо д̇ам̣ д̇ижийварзна авиббаваасам̣ самууханзяяа. зсаа н̃ад̇д̇и.
145. ‘‘Suṇātu me, bhante, saṅgho. Yo so saṅghena ticīvarena avippavāso sammato, yadi saṅghassa pattakallaṃ, saṅgho taṃ ticīvarena avippavāsaṃ samūhaneyya. Esā ñatti.
‘‘сун̣аад̇у мз, бханд̇з, сан̇гхо. яо со сан̇гхзна д̇ижийварзна авиббаваасо саммад̇о, сан̇гхо д̇ам̣ д̇ижийварзна авиббаваасам̣ самууханад̇и. яассааяасмад̇о камад̇и зд̇асса д̇ижийварзна авиббаваасасса самуг̇гхаад̇о, со д̇ун̣хасса; яасса нагкамад̇и, со бхаасзяяа. самуухад̇о со сан̇гхзна д̇ижийварзна авиббаваасо. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.
‘‘Suṇātu me, bhante, saṅgho. Yo so saṅghena ticīvarena avippavāso sammato, saṅgho taṃ ticīvarena avippavāsaṃ samūhanati. Yassāyasmato khamati etassa ticīvarena avippavāsassa samugghāto, so tuṇhassa; yassa nakkhamati, so bhāseyya. Samūhato so saṅghena ticīvarena avippavāso. Khamati saṅghassa, tasmā tuṇhī, evametaṃ dhārayāmī’’ti.
зван̃жа бана, бхигкавз, сиймаа 3. б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
Evañca pana, bhikkhave, sīmā 4. Byattena bhikkhunā paṭibalena saṅgho ñāpetabbo –
146. ‘‘сун̣аад̇у мз, бханд̇з, сан̇гхо. яаа саа сан̇гхзна сиймаа саммад̇аа самаанасам̣ваасаа згубосат̇аа , яад̣̇и сан̇гхасса бад̇д̇агаллам̣, сан̇гхо д̇ам̣ сиймам̣ самууханзяяа самаанасам̣ваасам̣ згубосат̇ам̣. зсаа н̃ад̇д̇и.
146. ‘‘Suṇātu me, bhante, saṅgho. Yā sā saṅghena sīmā sammatā samānasaṃvāsā ekuposathā , yadi saṅghassa pattakallaṃ, saṅgho taṃ sīmaṃ samūhaneyya samānasaṃvāsaṃ ekuposathaṃ. Esā ñatti.
‘‘сун̣аад̇у мз, бханд̇з, сан̇гхо. яаа саа сан̇гхзна сиймаа саммад̇аа самаанасам̣ваасаа згубосат̇аа, сан̇гхо д̇ам̣ сиймам̣ самууханад̇и самаанасам̣ваасам̣ згубосат̇ам̣. яассааяасмад̇о камад̇и зд̇иссаа сиймааяа самаанасам̣ваасааяа згубосат̇ааяа самуг̇гхаад̇о, со д̇ун̣хасса; яасса нагкамад̇и, со бхаасзяяа. самуухад̇аа саа сиймаа сан̇гхзна самаанасам̣ваасаа згубосат̇аа. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.
‘‘Suṇātu me, bhante, saṅgho. Yā sā saṅghena sīmā sammatā samānasaṃvāsā ekuposathā, saṅgho taṃ sīmaṃ samūhanati samānasaṃvāsaṃ ekuposathaṃ. Yassāyasmato khamati etissā sīmāya samānasaṃvāsāya ekuposathāya samugghāto, so tuṇhassa; yassa nakkhamati, so bhāseyya. Samūhatā sā sīmā saṅghena samānasaṃvāsā ekuposathā. Khamati saṅghassa, tasmā tuṇhī, evametaṃ dhārayāmī’’ti.
Footnotes:
Related texts:
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / авиббаваасасиймаануж̇аананагат̇ааван̣н̣анаа • Avippavāsasīmānujānanakathāvaṇṇanā
