| Library / Tipiṭaka / ཏིཔིཊཀ • Tipiṭaka / མཧཱཝགྒཔཱལི༹ • Mahāvaggapāḷi |
༧༥. སཱིམཱསམཱུཧནན
75. Sīmāsamūhanana
‘‘སཱིམཾ, བྷིཀྑཝེ, སམྨནྣནྟེན པཋམཾ སམཱནསཾཝཱསསཱིམཱ 1 སམྨནྣིཏབྦཱ , པཙྪཱ ཏིཙཱིཝརེན ཨཝིཔྤཝཱསོ སམྨནྣིཏབྦོ། སཱིམཾ, བྷིཀྑཝེ, སམཱུཧནནྟེན པཋམཾ ཏིཙཱིཝརེན ཨཝིཔྤཝཱསོ སམཱུཧནྟབྦོ, པཙྪཱ སམཱནསཾཝཱསསཱིམཱ སམཱུཧནྟབྦཱ། ཨེཝཉྩ པན, བྷིཀྑཝེ, ཏིཙཱིཝརེན ཨཝིཔྤཝཱསོ སམཱུཧནྟབྦོ། བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –
‘‘Sīmaṃ, bhikkhave, sammannantena paṭhamaṃ samānasaṃvāsasīmā 2 sammannitabbā , pacchā ticīvarena avippavāso sammannitabbo. Sīmaṃ, bhikkhave, samūhanantena paṭhamaṃ ticīvarena avippavāso samūhantabbo, pacchā samānasaṃvāsasīmā samūhantabbā. Evañca pana, bhikkhave, ticīvarena avippavāso samūhantabbo. Byattena bhikkhunā paṭibalena saṅgho ñāpetabbo –
༡༤༥. ‘‘སུཎཱཏུ མེ, བྷནྟེ, སངྒྷོ། ཡོ སོ སངྒྷེན ཏིཙཱིཝརེན ཨཝིཔྤཝཱསོ སམྨཏོ, ཡདི སངྒྷསྶ པཏྟཀལླཾ, སངྒྷོ ཏཾ ཏིཙཱིཝརེན ཨཝིཔྤཝཱསཾ སམཱུཧནེཡྻ། ཨེསཱ ཉཏྟི།
145. ‘‘Suṇātu me, bhante, saṅgho. Yo so saṅghena ticīvarena avippavāso sammato, yadi saṅghassa pattakallaṃ, saṅgho taṃ ticīvarena avippavāsaṃ samūhaneyya. Esā ñatti.
‘‘སུཎཱཏུ མེ, བྷནྟེ, སངྒྷོ། ཡོ སོ སངྒྷེན ཏིཙཱིཝརེན ཨཝིཔྤཝཱསོ སམྨཏོ, སངྒྷོ ཏཾ ཏིཙཱིཝརེན ཨཝིཔྤཝཱསཾ སམཱུཧནཏི། ཡསྶཱཡསྨཏོ ཁམཏི ཨེཏསྶ ཏིཙཱིཝརེན ཨཝིཔྤཝཱསསྶ སམུགྒྷཱཏོ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ། སམཱུཧཏོ སོ སངྒྷེན ཏིཙཱིཝརེན ཨཝིཔྤཝཱསོ། ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི།
‘‘Suṇātu me, bhante, saṅgho. Yo so saṅghena ticīvarena avippavāso sammato, saṅgho taṃ ticīvarena avippavāsaṃ samūhanati. Yassāyasmato khamati etassa ticīvarena avippavāsassa samugghāto, so tuṇhassa; yassa nakkhamati, so bhāseyya. Samūhato so saṅghena ticīvarena avippavāso. Khamati saṅghassa, tasmā tuṇhī, evametaṃ dhārayāmī’’ti.
ཨེཝཉྩ པན, བྷིཀྑཝེ, སཱིམཱ 3། བྱཏྟེན བྷིཀྑུནཱ པཊིབལེན སངྒྷོ ཉཱཔེཏབྦོ –
Evañca pana, bhikkhave, sīmā 4. Byattena bhikkhunā paṭibalena saṅgho ñāpetabbo –
༡༤༦. ‘‘སུཎཱཏུ མེ, བྷནྟེ, སངྒྷོ། ཡཱ སཱ སངྒྷེན སཱིམཱ སམྨཏཱ སམཱནསཾཝཱསཱ ཨེཀུཔོསཐཱ , ཡདི སངྒྷསྶ པཏྟཀལླཾ, སངྒྷོ ཏཾ སཱིམཾ སམཱུཧནེཡྻ སམཱནསཾཝཱསཾ ཨེཀུཔོསཐཾ། ཨེསཱ ཉཏྟི།
146. ‘‘Suṇātu me, bhante, saṅgho. Yā sā saṅghena sīmā sammatā samānasaṃvāsā ekuposathā , yadi saṅghassa pattakallaṃ, saṅgho taṃ sīmaṃ samūhaneyya samānasaṃvāsaṃ ekuposathaṃ. Esā ñatti.
‘‘སུཎཱཏུ མེ, བྷནྟེ, སངྒྷོ། ཡཱ སཱ སངྒྷེན སཱིམཱ སམྨཏཱ སམཱནསཾཝཱསཱ ཨེཀུཔོསཐཱ, སངྒྷོ ཏཾ སཱིམཾ སམཱུཧནཏི སམཱནསཾཝཱསཾ ཨེཀུཔོསཐཾ། ཡསྶཱཡསྨཏོ ཁམཏི ཨེཏིསྶཱ སཱིམཱཡ སམཱནསཾཝཱསཱཡ ཨེཀུཔོསཐཱཡ སམུགྒྷཱཏོ, སོ ཏུཎྷསྶ; ཡསྶ ནཀྑམཏི, སོ བྷཱསེཡྻ། སམཱུཧཏཱ སཱ སཱིམཱ སངྒྷེན སམཱནསཾཝཱསཱ ཨེཀུཔོསཐཱ། ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི།
‘‘Suṇātu me, bhante, saṅgho. Yā sā saṅghena sīmā sammatā samānasaṃvāsā ekuposathā, saṅgho taṃ sīmaṃ samūhanati samānasaṃvāsaṃ ekuposathaṃ. Yassāyasmato khamati etissā sīmāya samānasaṃvāsāya ekuposathāya samugghāto, so tuṇhassa; yassa nakkhamati, so bhāseyya. Samūhatā sā sīmā saṅghena samānasaṃvāsā ekuposathā. Khamati saṅghassa, tasmā tuṇhī, evametaṃ dhārayāmī’’ti.
Footnotes:
Related texts:
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ཨཝིཔྤཝཱསསཱིམཱནུཛཱནནཀཐཱཝཎྞནཱ • Avippavāsasīmānujānanakathāvaṇṇanā
