Library / Tipiṭaka / д̇ибидага • Tipiṭaka / винаяаалан̇гаара-дийгаа • Vinayālaṅkāra-ṭīkā

    24. сиймаавинижчаяагат̇аа

    24. Sīmāvinicchayakathā

    156. звам̣ ниссаяавинижчаяам̣ гат̇зд̇ваа ид̣̇аани сиймаавинижчаяам̣ гат̇зд̇ум̣ ‘‘сиймаад̇и зд̇т̇а’’д̇яаад̣̇имааха. д̇ад̇т̇а сиймаад̇и синийяад̇з самаг̇г̇зна сан̇гхзна гаммаваажааяа б̣анд̇хийяад̇зд̇и сиймаа. си б̣анд̇ханзд̇и д̇хаад̇у, ма-бажжаяо, гияаад̣̇иг̇ан̣ояам̣. вибхааг̇аванд̇аанам̣ сабхаававибхааванам̣ вибхааг̇зна винаа на ход̇ийд̇и ааха ‘‘сиймаа наамзсаа…бз… ход̇ий’’д̇и. д̇ад̇т̇а б̣ад̣̇д̇хасиймам̣ д̇аава д̣̇ассзд̇ум̣ ‘‘д̇ад̇т̇а згаад̣̇аса’’д̇яаад̣̇имааха.

    156. Evaṃ nissayavinicchayaṃ kathetvā idāni sīmāvinicchayaṃ kathetuṃ ‘‘sīmāti ettha’’tyādimāha. Tattha sīmāti sinīyate samaggena saṅghena kammavācāya bandhīyateti sīmā. Si bandhaneti dhātu, ma-paccayo, kiyādigaṇoyaṃ. Vibhāgavantānaṃ sabhāvavibhāvanaṃ vibhāgena vinā na hotīti āha ‘‘sīmā nāmesā…pe… hotī’’ti. Tattha baddhasīmaṃ tāva dassetuṃ ‘‘tattha ekādasa’’tyādimāha.

    вийсад̇иваг̇г̇агаран̣ийяабарамад̇д̇аа сан̇гхагаммасса хздтиманд̇ад̇о яад̇т̇а гаммаарахзна сад̣̇д̇хим̣ згавийсад̇и бхигкуу нисийд̣̇ид̇ум̣ саггонд̇и, д̇ад̇д̇агз бад̣̇зсз сиймам̣ б̣анд̇хид̇ум̣ ваддад̇и, на д̇ад̇о оранд̇и ааха ‘‘ад̇икуд̣̇д̣̇агаа наама яад̇т̇а згавийсад̇и бхигкуу нисийд̣̇ид̇ум̣ на саггонд̇ий’’д̇и. бурад̇т̇имааяа д̣̇исааяаад̇и ид̣̇ам̣ нид̣̇ассанамад̇д̇ам̣, д̇ассам̣ бана д̣̇исааяам̣ нимид̇д̇з асад̇и яад̇т̇а ад̇т̇и, д̇ад̇о бадтааяа батамам̣ ‘‘бурад̇т̇имааяа ануд̣̇исааяа, д̣̇агкин̣ааяа д̣̇исааяаа’’д̇иаад̣̇инаа саманд̇аа виж̇ж̇амаанадтаанзсу нимид̇д̇аани гид̇д̇зд̇ваа буна ‘‘бурад̇т̇имааяа ануд̣̇исааяаа’’д̇и батамагид̇д̇ид̇ам̣ бадигид̇д̇зд̇ум̣ ваддад̇и д̇ийхи нимид̇д̇зхи син̇гхаадагасан̣таанааяаби сиймааяа самманнид̇аб̣б̣ад̇о. д̇игкад̇д̇ум̣ сиймаман̣д̣алам̣ самб̣анд̇ханд̇знаад̇и винаяад̇харзна саяам̣ згасмим̣язва таанз тад̇ваа гзвалам̣ нимид̇д̇агид̇д̇анаважанзнзва сиймаман̣д̣алам̣ саманд̇аа нимид̇д̇зна нимид̇д̇ам̣ б̣анд̇ханд̇знаад̇и ад̇т̇о. д̇ам̣д̇ам̣нимид̇д̇адтаанам̣ аг̇анд̇вааби хи гид̇д̇зд̇ум̣ ваддад̇и. д̇ияож̇анабарамааяаби сиймааяа саманд̇ад̇о д̇игкад̇д̇ум̣ анубариг̇аманасса згад̣̇ивасзна д̣̇уггарад̇д̇аа винаяад̇харзна саяам̣ ад̣̇идтамби буб̣б̣з бхигкуухи яат̇аававад̇т̇ид̇ам̣ нимид̇д̇ам̣ ‘‘баасаан̣о бханд̇з’’д̇иаад̣̇инаа гзнажи вуд̇д̇аанусаарзна саллагкзд̇ваа ‘‘зсо баасаан̣о нимид̇д̇а’’нд̇иаад̣̇инаа гид̇д̇зд̇умби ваддад̇и зва.

    Vīsativaggakaraṇīyaparamattā saṅghakammassa heṭṭhimantato yattha kammārahena saddhiṃ ekavīsati bhikkhū nisīdituṃ sakkonti, tattake padese sīmaṃ bandhituṃ vaṭṭati, na tato oranti āha ‘‘atikhuddakā nāma yattha ekavīsati bhikkhū nisīdituṃ na sakkontī’’ti. Puratthimāya disāyāti idaṃ nidassanamattaṃ, tassaṃ pana disāyaṃ nimitte asati yattha atthi, tato paṭṭhāya paṭhamaṃ ‘‘puratthimāya anudisāya, dakkhiṇāya disāyā’’tiādinā samantā vijjamānaṭṭhānesu nimittāni kittetvā puna ‘‘puratthimāya anudisāyā’’ti paṭhamakittitaṃ paṭikittetuṃ vaṭṭati tīhi nimittehi siṅghāṭakasaṇṭhānāyapi sīmāya sammannitabbato. Tikkhattuṃ sīmamaṇḍalaṃ sambandhantenāti vinayadharena sayaṃ ekasmiṃyeva ṭhāne ṭhatvā kevalaṃ nimittakittanavacaneneva sīmamaṇḍalaṃ samantā nimittena nimittaṃ bandhantenāti attho. Taṃtaṃnimittaṭṭhānaṃ agantvāpi hi kittetuṃ vaṭṭati. Tiyojanaparamāyapi sīmāya samantato tikkhattuṃ anuparigamanassa ekadivasena dukkarattā vinayadharena sayaṃ adiṭṭhampi pubbe bhikkhūhi yathāvavatthitaṃ nimittaṃ ‘‘pāsāṇo bhante’’tiādinā kenaci vuttānusārena sallakkhetvā ‘‘eso pāsāṇo nimitta’’ntiādinā kittetumpi vaṭṭati eva.

    сам̣садтавидабаад̇и иминаа ан̃н̃аман̃н̃асса аасаннад̇ам̣ д̣̇ийбзд̇и. б̣ад̣̇д̇хаа ход̇ийд̇и бажчимад̣̇исаабхааг̇з сиймам̣ санд̇хааяа вуд̇д̇ам̣. згарад̇анамад̇д̇аа сувин̃н̃зяяад̇араа ход̇ийд̇и гад̇ваа вуд̇д̇ам̣ ‘‘бажчимагодияаа хад̇т̇амад̇д̇аа сийманд̇аригаа табзд̇аб̣б̣аа’’д̇и. зган̇г̇улимад̇д̇ааби сийманд̇аригаа ваддад̇иязва. д̇ад̇д̇агзнаби хи сиймаа асамбхиннаава ход̇и. д̣̇виннам̣ сиймаанам̣ нимид̇д̇ам̣ ход̇ийд̇и нимид̇д̇асса сиймад̇о б̣аахирад̇д̇аа сиймасамбхзд̣̇о на ход̇ийд̇и вуд̇д̇ам̣. сиймасан̇гарам̣ гарод̇ийд̇и вад̣дхид̇ваа сиймаббад̣̇зсам̣ бавидтз д̣̇виннам̣ сиймаанам̣ г̇ад̇адтаанасса д̣̇увин̃н̃зяяад̇д̇аа вуд̇д̇ам̣, на, бана д̇ад̇т̇а гаммам̣ гаад̇ум̣ на ваддад̇ийд̇и д̣̇ассанад̇т̇ам̣. на хи сиймаа д̇ад̇д̇агзна асиймаа ход̇и, д̣̇вз бана сиймаа бажчаа вад̣дхид̇аругкзна аж̇жход̇т̇адад̇д̇аа згааб̣ад̣̇д̇хаа хонд̇и, д̇асмаа згад̇т̇а тад̇ваа гаммам̣ гаронд̇зхи ид̇арам̣ сод̇хзд̇ваа гаад̇аб̣б̣ам̣. д̇ассаа бад̣̇зсанд̇и яад̇т̇а тад̇ваа бхигкуухи гаммам̣ гаад̇ум̣ саггаа ход̇и, д̇аад̣̇исам̣ бад̣̇зсам̣, яад̇т̇а бана тид̇зхи гаммам̣ гаад̇ум̣ на саггаа ход̇и, д̇аад̣̇исам̣ бад̣̇зсам̣ анд̇огарид̇ваа б̣анд̇ханд̇аа сиймааяа сиймам̣ сам̣бхинд̣̇анд̇и наама. на гаммаваажам̣ ваг̇г̇ам̣ гаронд̇ийд̇и гаммаваажам̣ на бхинд̣̇анд̇и, гаммам̣ на гобзнд̇ийд̇и ад̇хиббааяо.

    Saṃsaṭṭhaviṭapāti iminā aññamaññassa āsannataṃ dīpeti. Baddhā hotīti pacchimadisābhāge sīmaṃ sandhāya vuttaṃ. Ekaratanamattā suviññeyyatarā hotīti katvā vuttaṃ ‘‘pacchimakoṭiyā hatthamattā sīmantarikā ṭhapetabbā’’ti. Ekaṅgulimattāpi sīmantarikā vaṭṭatiyeva. Tattakenapi hi sīmā asambhinnāva hoti. Dvinnaṃ sīmānaṃ nimittaṃ hotīti nimittassa sīmato bāhirattā sīmasambhedo na hotīti vuttaṃ. Sīmasaṅkaraṃ karotīti vaḍḍhitvā sīmappadesaṃ paviṭṭhe dvinnaṃ sīmānaṃ gataṭṭhānassa duviññeyyattā vuttaṃ, na, pana tattha kammaṃ kātuṃ na vaṭṭatīti dassanatthaṃ. Na hi sīmā tattakena asīmā hoti, dve pana sīmā pacchā vaḍḍhitarukkhena ajjhotthaṭattā ekābaddhā honti, tasmā ekattha ṭhatvā kammaṃ karontehi itaraṃ sodhetvā kātabbaṃ. Tassā padesanti yattha ṭhatvā bhikkhūhi kammaṃ kātuṃ sakkā hoti, tādisaṃ padesaṃ, yattha pana ṭhitehi kammaṃ kātuṃ na sakkā hoti, tādisaṃ padesaṃ antokaritvā bandhantā sīmāya sīmaṃ saṃbhindanti nāma. Na kammavācaṃ vaggaṃ karontīti kammavācaṃ na bhindanti, kammaṃ na kopentīti adhippāyo.

    158. суд̣̇д̇хабам̣субаб̣б̣ад̇од̇и на гзнажи гад̇о саяам̣ж̇аад̇ова вуд̇д̇о. д̇ат̇аа сзсааби. ид̇аробийд̇и суд̣̇д̇хабам̣субаб̣б̣ад̇аад̣̇иго баб̣б̣ад̇оби. хад̇т̇иббамаан̣од̇и зд̇т̇а бхуумид̇о уг̇г̇ад̇абад̣̇зсзна хад̇т̇иббамаан̣ам̣ г̇ахзд̇аб̣б̣ам̣. саарад̇т̇ад̣̇ийбанияам̣ (саарад̇т̇а. дий. махааваг̇г̇а 3.138) бана важ̇ираб̣уд̣̇д̇хидийгааяан̃жа (важ̇ира. дий. махааваг̇г̇а 138) ‘‘хад̇т̇иббамаан̣о наама баб̣б̣ад̇о хздтимагодияаа ад̣дхадтамарад̇ануб̣б̣зд̇хо’’д̇и вуд̇д̇ам̣. жад̇уухи ваа д̇ийхи ваад̇и сиймабхуумияам̣ жад̇уусу, д̇ийсу ваа д̣̇исаасу тид̇зхи, згиссаа зва бана д̣̇исааяа тид̇зхи д̇ад̇о б̣ахуухиби самманнид̇ум̣ на ваддад̇и, д̣̇вийхи бана д̣̇вийсу д̣̇исаасу тид̇зхиби на ваддад̇и. д̇асмаад̇и яасмаа згзна на ваддад̇и, д̇асмаа. д̇ам̣ б̣ахид̣̇д̇хаа гад̇ваад̇и гид̇д̇ид̇анимид̇д̇асса асиймад̇д̇аа анд̇осиймааяа гаран̣ам̣ аяуд̇д̇анд̇и вуд̇д̇ам̣. д̇знааха ‘‘сажз’’д̇иаад̣̇и.

    158.Suddhapaṃsupabbatoti na kenaci kato sayaṃjātova vutto. Tathā sesāpi. Itaropīti suddhapaṃsupabbatādiko pabbatopi. Hatthippamāṇoti ettha bhūmito uggatapadesena hatthippamāṇaṃ gahetabbaṃ. Sāratthadīpaniyaṃ (sārattha. ṭī. mahāvagga 3.138) pana vajirabuddhiṭīkāyañca (vajira. ṭī. mahāvagga 138) ‘‘hatthippamāṇo nāma pabbato heṭṭhimakoṭiyā aḍḍhaṭṭhamaratanubbedho’’ti vuttaṃ. Catūhi vā tīhi vāti sīmabhūmiyaṃ catūsu, tīsu vā disāsu ṭhitehi, ekissā eva pana disāya ṭhitehi tato bahūhipi sammannituṃ na vaṭṭati, dvīhi pana dvīsu disāsu ṭhitehipi na vaṭṭati. Tasmāti yasmā ekena na vaṭṭati, tasmā. Taṃ bahiddhā katvāti kittitanimittassa asīmattā antosīmāya karaṇaṃ ayuttanti vuttaṃ. Tenāha ‘‘sace’’tiādi.

    д̣̇вад̇д̇им̣сабалаг̇ул̣абин̣д̣аббамаан̣ад̇аа сан̣таанад̇о г̇ахзд̇аб̣б̣аа, на д̇улаг̇ан̣анаавасзна, бхаарад̇о балабаримаан̣ан̃жа маг̇ад̇хад̇улааяа г̇ахзд̇аб̣б̣ам̣, саа жа логияад̇улааяа д̣̇виг̇ун̣аад̇и вад̣̇анд̇и. саарад̇т̇ад̣̇ийбанияам̣ (саарад̇т̇а. дий. махааваг̇г̇а 3.138) бана ‘‘д̣̇вад̇д̇им̣сабалаг̇ул̣абин̣д̣аббамаан̣ад̇аа д̇улад̇ааяа г̇ахзд̇аб̣б̣аа, на д̇улаг̇ан̣анааяаа’’д̇и вуд̇д̇ам̣. ад̇имаханд̇обийд̇и бхуумид̇о хад̇т̇иббамаан̣ам̣ ануг̇анд̇ваа хздтаабхуумияам̣ од̇ин̣н̣агханад̇о анзгаяож̇анаббамаан̣оби. сажз хи д̇ад̇о хад̇т̇иббамаан̣ам̣ гуудам̣ уг̇г̇ажчад̇и, баб̣б̣ад̇асан̇камзва г̇ажчад̇и. важ̇ираб̣уд̣̇д̇хидийгааяам̣ (важ̇ира. дий. махааваг̇г̇а 138) – сажз згааб̣ад̣̇д̇хо ход̇и, на гаад̇аб̣б̣од̇и зд̇т̇а жад̇уусу д̣̇исаасу жад̇уннам̣ баб̣б̣ад̇агуудаанам̣ хздтаа бидтибаасаан̣асад̣̇исз баасаан̣з тид̇ад̇д̇аа згааб̣ад̣̇д̇хабхаавз сад̇иби бат̇авид̇о уд̣̇д̇хам̣ д̇зсам̣ самб̣анд̇хз асад̇и хздтаа бат̇авийг̇ад̇асамб̣анд̇хамад̇д̇з аб̣б̣охааригам̣ гад̇ваа гид̇д̇зд̇ум̣ ваддад̇и. д̇знзва ‘‘бидтибаасаан̣о ад̇имаханд̇оби баасаан̣асан̇кяамзва г̇ажчад̇ий’’д̇и вуд̇д̇ам̣. бат̇авид̇о хздтаа д̇асса маханд̇абхаавз г̇аяхамаанз баб̣б̣ад̇амзва ход̇ийд̇и ануг̇ан̣тибад̣̇з вуд̇д̇ам̣. жинид̇ваа гад̇абам̣субун̃ж̇з д̇ин̣аг̇умб̣аругкаа жз ж̇ааяанд̇и, баб̣б̣ад̇о ход̇ийд̇и д̇хаммасирид̇т̇зро, нзваад̇и убад̇иссад̇т̇зрод̇и вуд̇д̇ам̣. баасаан̣од̇и суд̇хаамаяабаасаан̣оби ваддад̇ийд̇и вад̣̇анд̇и, виймам̣сид̇аб̣б̣ам̣ идтагааяа бадигкид̇д̇ад̇д̇аа. собийд̇и каан̣уго вияа удтид̇абаасаан̣оби. жад̇убан̃жаругканимид̇д̇амад̇д̇амбийд̇и згажжзсу нимид̇д̇асад̣̇д̣̇о над̇т̇ийд̇и вуд̇д̇ам̣.

    Dvattiṃsapalaguḷapiṇḍappamāṇatā saṇṭhānato gahetabbā, na tulagaṇanāvasena, bhārato palaparimāṇañca magadhatulāya gahetabbaṃ, sā ca lokiyatulāya dviguṇāti vadanti. Sāratthadīpaniyaṃ (sārattha. ṭī. mahāvagga 3.138) pana ‘‘dvattiṃsapalaguḷapiṇḍappamāṇatā tulatāya gahetabbā, na tulagaṇanāyā’’ti vuttaṃ. Atimahantopīti bhūmito hatthippamāṇaṃ anugantvā heṭṭhābhūmiyaṃ otiṇṇaghanato anekayojanappamāṇopi. Sace hi tato hatthippamāṇaṃ kūṭaṃ uggacchati, pabbatasaṅkhameva gacchati. Vajirabuddhiṭīkāyaṃ (vajira. ṭī. mahāvagga 138) – sace ekābaddho hoti, na kātabboti ettha catūsu disāsu catunnaṃ pabbatakūṭānaṃ heṭṭhā piṭṭhipāsāṇasadise pāsāṇe ṭhitattā ekābaddhabhāve satipi pathavito uddhaṃ tesaṃ sambandhe asati heṭṭhā pathavīgatasambandhamatte abbohārikaṃ katvā kittetuṃ vaṭṭati. Teneva ‘‘piṭṭhipāsāṇo atimahantopi pāsāṇasaṅkhyameva gacchatī’’ti vuttaṃ. Pathavito heṭṭhā tassa mahantabhāve gayhamāne pabbatameva hotīti anugaṇṭhipade vuttaṃ. Cinitvā katapaṃsupuñje tiṇagumbarukkhā ce jāyanti, pabbato hotīti dhammasiritthero, nevāti upatissattheroti vuttaṃ. Pāsāṇoti sudhāmayapāsāṇopi vaṭṭatīti vadanti, vīmaṃsitabbaṃ iṭṭhakāya paṭikkhittattā. Sopīti khāṇuko viya uṭṭhitapāsāṇopi. Catupañcarukkhanimittamattampīti ekaccesu nimittasaddo natthīti vuttaṃ.

    анд̇осаараананд̇и д̇асмим̣ кан̣з д̇арун̣ад̇ааяа саарз авиж̇ж̇амаанзби барин̣аамзна бхависсамаанасаарзби санд̇хааяа вуд̇д̇ам̣ . д̇аад̣̇исаанан̃хи суужид̣̇ан̣д̣агаббамаан̣абарин̣аахаанам̣ жад̇убан̃жамад̇д̇аанамби ванам̣ ваддад̇и. анд̇осаарамиссагаананд̇и анд̇осаарзхи ругкзхи саммиссаанам̣. зд̇зна д̇ажасаараругкамиссагаанамби ванам̣ ваддад̇ийд̇и д̣̇ассзд̇и. жад̇убан̃жаругкамад̇д̇амбийд̇и саараругкз санд̇хааяа вуд̇д̇ам̣. важ̇ираб̣уд̣̇д̇хидийгааяам̣ (важ̇ира. дий. махааваг̇г̇а 138) бана ‘‘зд̇т̇а д̇аяо жз саараругкаа хонд̇и, д̣̇вз асаараа, саараругкаанам̣ б̣ахуд̇д̇ам̣ ижчид̇аб̣б̣ам̣. сусаанамби ид̇ха ванамзваад̇и сан̇кяам̣ г̇ажчад̇и саяам̣ж̇аад̇ад̇д̇аад̇и вуд̇д̇ам̣. гзжи бана ‘жад̇уусу д̣̇вз анд̇осаараа жз, ваддад̇и, анд̇осаараа ад̇хигаа, самаа ваа, ваддад̇и, д̇асмаа б̣ахуусуби д̣̇вз жз анд̇осаараа ад̇т̇и, ваддад̇ий’д̇и вад̣̇анд̇ий’’д̇и вуд̇д̇ам̣. ванамаж̇жхз вихаарам̣ гаронд̇ийд̇и ругкагхадааяа анд̇арз ругкз ажчинд̣̇ид̇ваа вад̇иаад̣̇ийхи вихаарабарижчзд̣̇ам̣ гад̇ваава анд̇оругканд̇арзсу зва баривзн̣абан̣н̣асаалаад̣̇ийнам̣ гаран̣авасзна яат̇аа анд̇овихаарамби ванамзва ход̇и, звам̣ вихаарам̣ гаронд̇ийд̇и ад̇т̇о. яад̣̇и хи саб̣б̣ам̣ ругкам̣ чинд̣̇ид̇ваа вихаарам̣ гарзяяум̣, вихаарасса аванад̇д̇аа д̇ам̣ баригкибид̇ваа тид̇аванам̣ згад̇т̇а гид̇д̇зд̇аб̣б̣ам̣ сияаа, ид̇ха бана анд̇оби ванад̇д̇аа ‘‘ванам̣ на гид̇д̇зд̇аб̣б̣а’’нд̇и вуд̇д̇ам̣. сажз хи д̇ам̣ гид̇д̇знд̇и, ‘‘нимид̇д̇асса убари вихааро ход̇ий’’д̇иаад̣̇инаа ананд̇арз вуд̇д̇ад̣̇осо аабаж̇ж̇ад̇и . згад̣̇зсанд̇и ванзгад̣̇зсам̣, ругкавирахид̇адтаанз гад̇авихаарасса згабассз тид̇аванасса згад̣̇зсанд̇и ад̇т̇о.

    Antosārānanti tasmiṃ khaṇe taruṇatāya sāre avijjamānepi pariṇāmena bhavissamānasārepi sandhāya vuttaṃ . Tādisānañhi sūcidaṇḍakappamāṇapariṇāhānaṃ catupañcamattānampi vanaṃ vaṭṭati. Antosāramissakānanti antosārehi rukkhehi sammissānaṃ. Etena tacasārarukkhamissakānampi vanaṃ vaṭṭatīti dasseti. Catupañcarukkhamattampīti sārarukkhe sandhāya vuttaṃ. Vajirabuddhiṭīkāyaṃ (vajira. ṭī. mahāvagga 138) pana ‘‘ettha tayo ce sārarukkhā honti, dve asārā, sārarukkhānaṃ bahuttaṃ icchitabbaṃ. Susānampi idha vanamevāti saṅkhyaṃ gacchati sayaṃjātattāti vuttaṃ. Keci pana ‘catūsu dve antosārā ce, vaṭṭati, antosārā adhikā, samā vā, vaṭṭati, tasmā bahūsupi dve ce antosārā atthi, vaṭṭatī’ti vadantī’’ti vuttaṃ. Vanamajjhe vihāraṃ karontīti rukkhaghaṭāya antare rukkhe acchinditvā vatiādīhi vihāraparicchedaṃ katvāva antorukkhantaresu eva pariveṇapaṇṇasālādīnaṃ karaṇavasena yathā antovihārampi vanameva hoti, evaṃ vihāraṃ karontīti attho. Yadi hi sabbaṃ rukkhaṃ chinditvā vihāraṃ kareyyuṃ, vihārassa avanattā taṃ parikkhipitvā ṭhitavanaṃ ekattha kittetabbaṃ siyā, idha pana antopi vanattā ‘‘vanaṃ na kittetabba’’nti vuttaṃ. Sace hi taṃ kittenti, ‘‘nimittassa upari vihāro hotī’’tiādinā anantare vuttadoso āpajjati . Ekadesanti vanekadesaṃ, rukkhavirahitaṭṭhāne katavihārassa ekapasse ṭhitavanassa ekadesanti attho.

    суужид̣̇ан̣д̣агаббамаан̣од̇и вам̣сад̣̇ан̣д̣аббамаан̣о. ‘‘лзканид̣̇ан̣д̣аббамаан̣о’’д̇и гзжи. маад̇игаадтагат̇ааяам̣ (ган̇каа. адта. д̣̇уб̣б̣аласигкаабад̣̇аван̣н̣анаа) бана авзбхан̇г̇ияавинижчаяз ‘‘яо гожи адтан̇г̇уласуужид̣̇ан̣д̣амад̇д̇оби взл̣у…бз… г̇арубхан̣д̣а’’нд̇и вуд̇д̇ад̇д̇аа д̇ануд̇аро взл̣уд̣̇ан̣д̣од̇и жа суужид̣̇ан̣д̣од̇и жа г̇ахзд̇аб̣б̣ам̣. вам̣санал̣агасарааваад̣̇ийсууд̇и взл̣убаб̣б̣з ваа нал̣абаб̣б̣з ваа габаллагаад̣̇имад̇д̇игабхааж̇анзсу ваад̇и ад̇т̇о. д̇ан̇кан̣амбийд̇и д̇арун̣абод̇агз амилааяид̇ваа вируханаж̇аад̇игз санд̇хааяа вуд̇д̇ам̣. яз бана барин̣ад̇аа самуулам̣ уд̣̇д̇харид̇ваа робид̇ааби чиннасаакаа вияа милааяид̇ваа жирзна навамуулан̇гуруббад̇д̇ияаа ж̇ийванд̇и, мияанд̇иязва ваа, д̇аад̣̇исз гид̇д̇зд̇ум̣ на ваддад̇и. зд̇анд̇и навамууласаакааниг̇г̇аманам̣. саарад̇т̇ад̣̇ийбанияам̣ (саарад̇т̇а. дий. махааваг̇г̇а 3.138) бана ‘‘суужид̣̇ан̣д̣агаббамаан̣од̇и сийхал̣ад̣̇ийбз лзканид̣̇ан̣д̣аббамаан̣од̇и вад̣̇анд̇и, со жа ганидтан̇г̇улибаримаан̣од̇и д̣̇адтаб̣б̣а’’нд̇и вуд̇д̇ам̣.

    Sūcidaṇḍakappamāṇoti vaṃsadaṇḍappamāṇo. ‘‘Lekhanidaṇḍappamāṇo’’ti keci. Mātikāṭṭhakathāyaṃ (kaṅkhā. aṭṭha. dubbalasikkhāpadavaṇṇanā) pana avebhaṅgiyavinicchaye ‘‘yo koci aṭṭhaṅgulasūcidaṇḍamattopi veḷu…pe… garubhaṇḍa’’nti vuttattā tanutaro veḷudaṇḍoti ca sūcidaṇḍoti ca gahetabbaṃ. Vaṃsanaḷakasarāvādīsūti veḷupabbe vā naḷapabbe vā kapallakādimattikabhājanesu vāti attho. Taṅkhaṇampīti taruṇapotake amilāyitvā viruhanajātike sandhāya vuttaṃ. Ye pana pariṇatā samūlaṃ uddharitvā ropitāpi chinnasākhā viya milāyitvā cirena navamūlaṅkuruppattiyā jīvanti, miyantiyeva vā, tādise kittetuṃ na vaṭṭati. Etanti navamūlasākhāniggamanaṃ. Sāratthadīpaniyaṃ (sārattha. ṭī. mahāvagga 3.138) pana ‘‘sūcidaṇḍakappamāṇoti sīhaḷadīpe lekhanidaṇḍappamāṇoti vadanti, so ca kaniṭṭhaṅguliparimāṇoti daṭṭhabba’’nti vuttaṃ.

    маж̇жхзд̇и сиймааяа махаад̣̇исаанам̣ анд̇о. гон̣анд̇и сиймааяа жад̇уусу гон̣зсу д̣̇виннам̣ д̣̇виннам̣ маг̇г̇аанам̣ самб̣анд̇хадтаанам̣. барабхааг̇з гид̇д̇зд̇ум̣ ваддад̇ийд̇и д̇зсам̣ жад̇уннам̣ гон̣аанам̣ б̣ахи нигкамид̇ваа тид̇зсу адтасу маг̇г̇зсу згиссаа д̣̇исааяа згам̣, ан̃н̃иссаа д̣̇исааяа жаабаранд̇и звам̣ жад̇д̇аароби маг̇г̇аа жад̇уусу д̣̇исаасу гид̇д̇зд̇ум̣ ваддад̇ийд̇и ад̇хиббааяо. звам̣ бана гид̇д̇ид̇амад̇д̇зна гат̇ам̣ згааб̣ад̣̇д̇хад̇аа виг̇ажчад̇ийд̇и вин̃н̃ааяад̇и. барад̇о г̇ад̇адтаанзби зд̇з зва д̇з жад̇д̇ааро маг̇г̇аа. ‘‘жад̇д̇ааро маг̇г̇аа жад̇уусу д̣̇исаасу г̇ажчанд̇ий’’д̇и хи вуд̇д̇ам̣, д̇асмаа зд̇т̇а гааран̣ам̣ вижинид̇аб̣б̣анд̇и вимад̇ивинод̣̇анияам̣ (ви. ви. дий. махааваг̇г̇а 2.138) вуд̇д̇ам̣. вижинанд̇о бана звам̣ гааран̣ам̣ бан̃н̃ааяад̇и – буб̣б̣аваагязби ‘‘вихаарам̣ баригкибид̇ваа жад̇д̇ааро маг̇г̇аа’’д̇и, бараваагязби ‘‘вихаарамаж̇жхзна ниб̣б̣иж̇жхид̇ваа г̇ад̇амаг̇г̇обий’’д̇и вихаарамзва санд̇хааяа вуд̇д̇о, д̇асмаа ид̇хааби ‘‘гон̣ам̣ ниб̣б̣иж̇жхид̇ваа г̇ад̇ам̣ банаа’’д̇и (махаава. адта. 138) адтагат̇ааяам̣ вуд̇д̇ад̇д̇аа зд̇з маг̇г̇аа вихаарасса гон̣амзва ниб̣б̣иж̇жхим̣су, на ан̃н̃аман̃н̃ам̣ миссим̣су, д̇асмаа згааб̣ад̣̇д̇хабхааваабхааваа жад̇уннам̣ маг̇г̇аанам̣ жад̇уусу таанзсу гид̇д̇зд̇ум̣ ваддад̇ийд̇и. саарад̇т̇ад̣̇ийбанияам̣ бана ‘‘барабхааг̇з гид̇д̇зд̇ум̣ ваддад̇ийд̇и б̣ахи нигкамид̇ваа тид̇зсу адтасу маг̇г̇зсу згиссаа д̣̇исааяа згам̣, абарааяа зганд̇и звам̣ жад̇уусу таанзсу гид̇д̇зд̇ум̣ ваддад̇ий’’д̇и зд̇д̇агамзва вуд̇д̇ам̣. важ̇ираб̣уд̣̇д̇хидийгааяам̣ (важ̇ира. дий. махааваг̇г̇а 138) бана ‘‘барабхааг̇зд̇и зд̇т̇а зд̇зхи б̣ад̣̇д̇хадтаанад̇о г̇ад̇ад̇д̇аа ваддад̇и, д̇ат̇аа д̣̇ийгхамаг̇г̇зби г̇ахид̇адтаанад̇о г̇ад̇адтаанасса ан̃н̃ад̇д̇аад̇и вад̣̇анд̇ий’’д̇и вуд̇д̇ам̣. д̇амби згааб̣ад̣̇д̇ханимид̇д̇ад̇д̇аа вижаарзд̇аб̣б̣ам̣.

    Majjheti sīmāya mahādisānaṃ anto. Koṇanti sīmāya catūsu koṇesu dvinnaṃ dvinnaṃ maggānaṃ sambandhaṭṭhānaṃ. Parabhāge kittetuṃ vaṭṭatīti tesaṃ catunnaṃ koṇānaṃ bahi nikkhamitvā ṭhitesu aṭṭhasu maggesu ekissā disāya ekaṃ, aññissā disāya cāparanti evaṃ cattāropi maggā catūsu disāsu kittetuṃ vaṭṭatīti adhippāyo. Evaṃ pana kittitamattena kathaṃ ekābaddhatā vigacchatīti viññāyati. Parato gataṭṭhānepi ete eva te cattāro maggā. ‘‘Cattāro maggā catūsu disāsu gacchantī’’ti hi vuttaṃ, tasmā ettha kāraṇaṃ vicinitabbanti vimativinodaniyaṃ (vi. vi. ṭī. mahāvagga 2.138) vuttaṃ. Vicinanto pana evaṃ kāraṇaṃ paññāyati – pubbavākyepi ‘‘vihāraṃ parikkhipitvā cattāro maggā’’ti, paravākyepi ‘‘vihāramajjhena nibbijjhitvā gatamaggopī’’ti vihārameva sandhāya vutto, tasmā idhāpi ‘‘koṇaṃ nibbijjhitvā gataṃ panā’’ti (mahāva. aṭṭha. 138) aṭṭhakathāyaṃ vuttattā ete maggā vihārassa koṇameva nibbijjhiṃsu, na aññamaññaṃ missiṃsu, tasmā ekābaddhabhāvābhāvā catunnaṃ maggānaṃ catūsu ṭhānesu kittetuṃ vaṭṭatīti. Sāratthadīpaniyaṃ pana ‘‘parabhāge kittetuṃ vaṭṭatīti bahi nikkhamitvā ṭhitesu aṭṭhasu maggesu ekissā disāya ekaṃ, aparāya ekanti evaṃ catūsu ṭhānesu kittetuṃ vaṭṭatī’’ti ettakameva vuttaṃ. Vajirabuddhiṭīkāyaṃ (vajira. ṭī. mahāvagga 138) pana ‘‘parabhāgeti ettha etehi baddhaṭṭhānato gatattā vaṭṭati, tathā dīghamaggepi gahitaṭṭhānato gataṭṭhānassa aññattāti vadantī’’ti vuttaṃ. Tampi ekābaddhanimittattā vicāretabbaṃ.

    уд̇д̇аранд̇ияаа бхигкунияаад̇и ид̣̇ан̃жа баал̣ияам̣ бхигкунийнам̣ над̣̇ийбаараг̇аманз над̣̇ийлагкан̣асса ааг̇ад̇ад̇д̇аа вуд̇д̇ам̣, бхигкуунам̣ анд̇араваасагад̇зманамад̇д̇амби ваддад̇иязва. саарад̇т̇ад̣̇ийбанияамби (саарад̇т̇а. дий. махааваг̇г̇а 3.138) ‘‘бхигкунияаа зва г̇ахан̣ан̃жзд̇т̇а бхигкунийвибхан̇г̇з бхигкунийвасзна над̣̇ийлагкан̣асса баал̣ияам̣ ааг̇ад̇ад̇д̇аа д̇знзва наязна д̣̇ассанад̇т̇ам̣ гад̇ам̣. сиймам̣ б̣анд̇ханд̇аанам̣ нимид̇д̇ам̣ ход̇ийд̇и аяам̣ вуд̇д̇алагкан̣аа над̣̇ий самуд̣̇д̣̇ам̣ ваа бависад̇у д̇ал̣аагам̣ ваа, бабхавад̇о бадтааяа нимид̇д̇ам̣ ход̇ий’’д̇и вуд̇д̇ам̣. важ̇ираб̣уд̣̇д̇хидийгааяам̣ (важ̇ира. дий. махааваг̇г̇а 138) бана ‘‘анд̇араваасаго д̇змияад̇ийд̇и вуд̇д̇ад̇д̇аа д̇ад̇д̇агаббамаан̣ауд̣̇агзязва гаад̇ум̣ ваддад̇ийд̇и гзжи. ‘д̇змияад̇ий’д̇и иминаа хздтимагодияаа над̣̇ийлагкан̣ам̣ вуд̇д̇ам̣, зваруубааяа над̣̇ияаа яасмим̣ таанз жад̇д̇ааро маасз аббам̣ ваа б̣ахум̣ ваа уд̣̇агам̣ аж̇жход̇т̇арид̇ваа бавад̇д̇ад̇и, д̇асмим̣ таанз аббод̣̇агзби тад̇ваа гаад̇ум̣ ваддад̇ийд̇и згз’’д̇и вуд̇д̇ам̣.

    Uttarantiyā bhikkhuniyāti idañca pāḷiyaṃ bhikkhunīnaṃ nadīpāragamane nadīlakkhaṇassa āgatattā vuttaṃ, bhikkhūnaṃ antaravāsakatemanamattampi vaṭṭatiyeva. Sāratthadīpaniyampi (sārattha. ṭī. mahāvagga 3.138) ‘‘bhikkhuniyā eva gahaṇañcettha bhikkhunīvibhaṅge bhikkhunīvasena nadīlakkhaṇassa pāḷiyaṃ āgatattā teneva nayena dassanatthaṃ kataṃ. Sīmaṃ bandhantānaṃ nimittaṃ hotīti ayaṃ vuttalakkhaṇā nadī samuddaṃ vā pavisatu taḷākaṃ vā, pabhavato paṭṭhāya nimittaṃ hotī’’ti vuttaṃ. Vajirabuddhiṭīkāyaṃ (vajira. ṭī. mahāvagga 138) pana ‘‘antaravāsako temiyatīti vuttattā tattakappamāṇaudakeyeva kātuṃ vaṭṭatīti keci. ‘Temiyatī’ti iminā heṭṭhimakoṭiyā nadīlakkhaṇaṃ vuttaṃ, evarūpāya nadiyā yasmiṃ ṭhāne cattāro māse appaṃ vā bahuṃ vā udakaṃ ajjhottharitvā pavattati, tasmiṃ ṭhāne appodakepi ṭhatvā kātuṃ vaṭṭatīti eke’’ti vuttaṃ.

    над̣̇ийжад̇уггзби зсзва наяод̇и иминаа згад̇т̇а гид̇д̇зд̇ваа ан̃н̃ад̇т̇а барад̇о г̇ад̇адтаанзби гид̇д̇зд̇ум̣ на ваддад̇ийд̇и д̣̇ассзд̇и. д̇знзва жа ‘‘асаммиссаа над̣̇ияо бана жад̇ассоби гид̇д̇зд̇ум̣ ваддад̇ий’’д̇и асаммиссаг̇г̇ахан̣ам̣ гад̇ам̣. аж̇жход̇т̇арид̇ваа ааваран̣ам̣ бавад̇д̇ад̇иязваад̇и ааваран̣ам̣ аж̇жход̇т̇арид̇ваа санд̣̇ад̇иязва. абавад̇д̇амаанаад̇и асанд̣̇амаануд̣̇агаа. ааваран̣ан̃хи бад̇ваа над̣̇ияаа яад̇д̇агз бад̣̇зсз уд̣̇агам̣ асанд̣̇амаанам̣ санд̇идтад̇и, д̇ад̇т̇а над̣̇ийнимид̇д̇ам̣ гаад̇ум̣ на ваддад̇и, убари санд̣̇амаанадтаанзязва ваддад̇и. асанд̣̇амаанадтаанз бана уд̣̇аганимид̇д̇ам̣ гаад̇ум̣ ваддад̇и. тид̇амзва хи уд̣̇агам̣ уд̣̇аганимид̇д̇з ваддад̇и, на санд̣̇амаанам̣. д̇знзвааха ‘‘бавад̇д̇анадтаанз над̣̇ийнимид̇д̇ам̣, абавад̇д̇анадтаанз уд̣̇аганимид̇д̇ам̣ гаад̇ум̣ ваддад̇ий’’д̇и. ‘‘бавад̇д̇анадтаанз над̣̇ийнимид̇д̇анд̇и вуд̇д̇ад̇д̇аа сзд̇уд̇о барад̇о д̇ад̇д̇агам̣ уд̣̇агам̣ яад̣̇и бавад̇д̇ад̇и, над̣̇ий зваад̇и вад̣̇анд̇и. ж̇аад̇ассараад̣̇ийсу тид̇од̣̇агам̣ ж̇аад̇ассараад̣̇ибад̣̇зсзна анд̇аригамби нимид̇д̇ам̣ гаад̇ум̣ ваддад̇и над̣̇ийбаарасиймааяа нимид̇д̇ам̣ вияа. сажз со бад̣̇зсо гааланд̇арзна г̇аамакзд̇д̇абхаавам̣ баабун̣аад̇и, д̇ад̇т̇а ан̃н̃ам̣ сиймам̣ самманнид̇ум̣ ваддад̇ий’’д̇и важ̇ираб̣уд̣̇д̇хидийгааяам̣ (важ̇ира. дий. махааваг̇г̇а 138) вуд̇д̇ам̣. муулзд̇и аад̣̇игаалз. над̣̇им̣ бхинд̣̇ид̇ваад̇и яат̇аа уд̣̇агам̣ анижчанд̇зхи гассагзхи махогхз ниваддзд̇ум̣ на саггаа, звам̣ гуулам̣ бхинд̣̇ид̇ваа. над̣̇им̣ бхинд̣̇ид̇ваад̇и ваа маад̇игаамукад̣̇ваарзна над̣̇ийгуулам̣ бхинд̣̇ид̇ваа.

    Nadīcatukkepi eseva nayoti iminā ekattha kittetvā aññattha parato gataṭṭhānepi kittetuṃ na vaṭṭatīti dasseti. Teneva ca ‘‘asammissā nadiyo pana catassopi kittetuṃ vaṭṭatī’’ti asammissaggahaṇaṃ kataṃ. Ajjhottharitvā āvaraṇaṃ pavattatiyevāti āvaraṇaṃ ajjhottharitvā sandatiyeva. Apavattamānāti asandamānudakā. Āvaraṇañhi patvā nadiyā yattake padese udakaṃ asandamānaṃ santiṭṭhati, tattha nadīnimittaṃ kātuṃ na vaṭṭati, upari sandamānaṭṭhāneyeva vaṭṭati. Asandamānaṭṭhāne pana udakanimittaṃ kātuṃ vaṭṭati. Ṭhitameva hi udakaṃ udakanimitte vaṭṭati, na sandamānaṃ. Tenevāha ‘‘pavattanaṭṭhāne nadīnimittaṃ, apavattanaṭṭhāne udakanimittaṃ kātuṃ vaṭṭatī’’ti. ‘‘Pavattanaṭṭhāne nadīnimittanti vuttattā setuto parato tattakaṃ udakaṃ yadi pavattati, nadī evāti vadanti. Jātassarādīsu ṭhitodakaṃ jātassarādipadesena antarikampi nimittaṃ kātuṃ vaṭṭati nadīpārasīmāya nimittaṃ viya. Sace so padeso kālantarena gāmakhettabhāvaṃ pāpuṇāti, tattha aññaṃ sīmaṃ sammannituṃ vaṭṭatī’’ti vajirabuddhiṭīkāyaṃ (vajira. ṭī. mahāvagga 138) vuttaṃ. Mūleti ādikāle. Nadiṃ bhinditvāti yathā udakaṃ anicchantehi kassakehi mahoghe nivaṭṭetuṃ na sakkā, evaṃ kūlaṃ bhinditvā. Nadiṃ bhinditvāti vā mātikāmukhadvārena nadīkūlaṃ bhinditvā.

    угкзбиманд̇и д̣̇ийгхараж̇ж̇унаа гуудзхи уссин̃жанийяам̣. угкзбиманд̇и ваа гуубад̇о вияа угкибид̇ваа г̇ахзд̇аб̣б̣ам̣. угкзбиманд̇и ваа уд̣̇д̇харид̇ваа г̇ахзд̇аб̣б̣агам̣.

    Ukkhepimanti dīgharajjunā kūṭehi ussiñcanīyaṃ. Ukkhepimanti vā kūpato viya ukkhipitvā gahetabbaṃ. Ukkhepimanti vā uddharitvā gahetabbakaṃ.

    асаммиссзхийд̇и саб̣б̣ад̣̇исаасу тид̇абаб̣б̣ад̇зхи зва ваа баасаан̣аад̣̇ийсу ан̃н̃ад̇арзхи ваа нимид̇д̇анд̇арааб̣яавахид̇зхи. саммиссзхийд̇и згад̇т̇а баб̣б̣ад̇о, ан̃н̃ад̇т̇а баасаан̣од̇и звам̣ тид̇зхи адтахи. нимид̇д̇аанам̣ сад̇знаабийд̇и иминаа згиссааязва д̣̇исааяа б̣ахууниби нимид̇д̇аани ‘‘бурад̇т̇имааяа д̣̇исааяа гим̣ нимид̇д̇ам̣, баб̣б̣ад̇о, бханд̇з. буна бурад̇т̇имааяа д̣̇исааяа гим̣ нимид̇д̇ам̣, баасаан̣о, бханд̇з’’д̇иаад̣̇инаа (махаава. адта. 138) гид̇д̇зд̇ум̣ ваддад̇ийд̇и д̣̇ассзд̇и. син̇гхаадагасан̣таанаад̇и д̇игон̣аа. син̇гхаадагасан̣таанаад̇и ваа д̇игон̣аражчаасан̣таанаа. жад̇урассаад̇и самажад̇урассаа. муд̣̇ин̇г̇асан̣таанаа бана ааяад̇ажад̇урассаа, згагодияам̣ сан̇гожид̇аа, д̇ад̣̇ан̃н̃ааяа вид̇т̇ин̣н̣аа ваа ход̇и. муд̣̇ин̇г̇асан̣таанаад̇и ваа муд̣̇ин̇г̇абхзрий вияа маж̇жхз вид̇т̇ад̇аа убхосу годийсу сан̇гожид̇аа ход̇и.

    Asammissehīti sabbadisāsu ṭhitapabbatehi eva vā pāsāṇādīsu aññatarehi vā nimittantarābyavahitehi. Sammissehīti ekattha pabbato, aññattha pāsāṇoti evaṃ ṭhitehi aṭṭhahi. Nimittānaṃ satenāpīti iminā ekissāyeva disāya bahūnipi nimittāni ‘‘puratthimāya disāya kiṃ nimittaṃ, pabbato, bhante. Puna puratthimāya disāya kiṃ nimittaṃ, pāsāṇo, bhante’’tiādinā (mahāva. aṭṭha. 138) kittetuṃ vaṭṭatīti dasseti. Siṅghāṭakasaṇṭhānāti tikoṇā. Siṅghāṭakasaṇṭhānāti vā tikoṇaracchāsaṇṭhānā. Caturassāti samacaturassā. Mudiṅgasaṇṭhānā pana āyatacaturassā, ekakoṭiyaṃ saṅkocitā, tadaññāya vitthiṇṇā vā hoti. Mudiṅgasaṇṭhānāti vā mudiṅgabherī viya majjhe vitthatā ubhosu koṭīsu saṅkocitā hoti.

    159. звам̣ б̣ад̣̇д̇хасиймааяа нимид̇д̇асамбад̇д̇ияуд̇д̇ад̇ам̣ д̣̇ассзд̇ваа ид̣̇аани барисасамбад̇д̇ияуд̇д̇ад̇ам̣ д̣̇ассзд̇ум̣ ‘‘барисасамбад̇д̇ияуд̇д̇аа наамаа’’д̇иаад̣̇имааха . д̇ад̇т̇а саб̣б̣анд̇имзна барижчзд̣̇знаад̇и саб̣б̣ахздтимзна г̇ан̣анабарижчзд̣̇зна, аббад̇аро жз г̇ан̣о ход̇ийд̇и ад̇хиббааяо. имасса бана сиймаасаммуд̇игаммасса жад̇уваг̇г̇агаран̣ийяад̇д̇аа ‘‘жад̇уухи бхигкуухий’’д̇и вуд̇д̇ам̣. саннибад̇ид̇аад̇и самаг̇г̇аа худ̇ваа ан̃н̃аман̃н̃асса хад̇т̇абаасам̣ авиж̇ахид̇ваа саннибад̇ид̇аа. иминаа ‘‘жад̇уваг̇г̇агаран̣ийяз гаммз жад̇д̇ааро бхигкуу багад̇ад̇д̇аа гаммаббад̇д̇аа, д̇з ааг̇ад̇аа хонд̇ий’’д̇и вуд̇д̇ам̣ батамасамбад̇д̇илагкан̣ам̣ д̣̇ассзд̇и. яаавад̇игаа д̇асмим̣ г̇аамагкзд̇д̇зд̇и яасмим̣ бад̣̇зсз сиймам̣ б̣анд̇хид̇угаамаа, д̇асмим̣ згасса г̇аамабхож̇агасса ааяуббад̇д̇идтаанабхууд̇з г̇аамагкзд̇д̇з тид̇аа бхигкууд̇и самб̣анд̇хо. б̣ад̣̇д̇хасиймам̣ ваа над̣̇ийсамуд̣̇д̣̇аж̇аад̇ассарз ваа аноггамид̇ваад̇и зд̇зна зд̇аа б̣ад̣̇д̇хасиймаад̣̇аяо г̇аамасиймад̇о сийманд̇арабхууд̇аа, на д̇аасу тид̇аа г̇аамасиймааяа гаммам̣ гаронд̇аанам̣ ваг̇г̇ам̣ гаронд̇и, д̇асмаа на д̇зсам̣ чанд̣̇о аахарид̇аб̣б̣од̇и д̣̇ассзд̇и. д̇з саб̣б̣з хад̇т̇абаасз ваа гад̇ваад̇и ваг̇г̇агаммабарихаран̣ад̇т̇ам̣ саннибад̇ид̇ум̣ самад̇т̇з д̇з г̇аамагкзд̇д̇адтз саб̣б̣з бхигкуу сан̇гхасса хад̇т̇абаасз гад̇ваад̇и ад̇т̇о. чанд̣̇ам̣ ваа аахарид̇ваад̇и саннибад̇ид̇ум̣ асамад̇т̇аанам̣ чанд̣̇ам̣ аахарид̇ваа. д̇асмим̣ г̇аамагкзд̇д̇з яад̣̇иби сахассабхигкуу хонд̇и, д̇зсу жад̇д̇аароязва гаммаббад̇д̇аа, авасзсаа чанд̣̇аарахаа, д̇асмаа анааг̇ад̇аанам̣ чанд̣̇о аахарид̇аб̣б̣од̇и ад̇т̇о, иминаа ‘‘чанд̣̇аарахаанам̣ чанд̣̇о аахадо ход̇ий’’д̇и вуд̇д̇ам̣ д̣̇уд̇ияасамбад̇д̇илагкан̣амааха. ‘‘саммукийбхууд̇аа на бадиггосанд̇ий’’д̇и вуд̇д̇ам̣ д̇ад̇ияасамбад̇д̇илагкан̣ам̣ бана имзсам̣ саамад̇т̇иязна вуд̇д̇ам̣ ход̇и.

    159. Evaṃ baddhasīmāya nimittasampattiyuttataṃ dassetvā idāni parisasampattiyuttataṃ dassetuṃ ‘‘parisasampattiyuttā nāmā’’tiādimāha . Tattha sabbantimena paricchedenāti sabbaheṭṭhimena gaṇanaparicchedena, appataro ce gaṇo hotīti adhippāyo. Imassa pana sīmāsammutikammassa catuvaggakaraṇīyattā ‘‘catūhi bhikkhūhī’’ti vuttaṃ. Sannipatitāti samaggā hutvā aññamaññassa hatthapāsaṃ avijahitvā sannipatitā. Iminā ‘‘catuvaggakaraṇīye kamme cattāro bhikkhū pakatattā kammappattā, te āgatā hontī’’ti vuttaṃ paṭhamasampattilakkhaṇaṃ dasseti. Yāvatikā tasmiṃ gāmakkhetteti yasmiṃ padese sīmaṃ bandhitukāmā, tasmiṃ ekassa gāmabhojakassa āyuppattiṭṭhānabhūte gāmakkhette ṭhitā bhikkhūti sambandho. Baddhasīmaṃ vā nadīsamuddajātassare vā anokkamitvāti etena etā baddhasīmādayo gāmasīmato sīmantarabhūtā, na tāsu ṭhitā gāmasīmāya kammaṃ karontānaṃ vaggaṃ karonti, tasmā na tesaṃ chando āharitabboti dasseti. Te sabbe hatthapāse vā katvāti vaggakammapariharaṇatthaṃ sannipatituṃ samatthe te gāmakkhettaṭṭhe sabbe bhikkhū saṅghassa hatthapāse katvāti attho. Chandaṃ vā āharitvāti sannipatituṃ asamatthānaṃ chandaṃ āharitvā. Tasmiṃ gāmakkhette yadipi sahassabhikkhū honti, tesu cattāroyeva kammappattā, avasesā chandārahā, tasmā anāgatānaṃ chando āharitabboti attho, iminā ‘‘chandārahānaṃ chando āhaṭo hotī’’ti vuttaṃ dutiyasampattilakkhaṇamāha. ‘‘Sammukhībhūtā na paṭikkosantī’’ti vuttaṃ tatiyasampattilakkhaṇaṃ pana imesaṃ sāmatthiyena vuttaṃ hoti.

    160. звам̣ б̣ад̣̇д̇хасиймааяа барисасамбад̇д̇ияуд̇д̇ад̇ам̣ д̣̇ассзд̇ваа ид̣̇аани гаммаваажаасамбад̇д̇ияуд̇д̇ад̇ам̣ д̣̇ассзд̇ум̣ ‘‘гаммаваажаасамбад̇д̇ияуд̇д̇аа наамаа’’д̇иаад̣̇имааха. д̇ад̇т̇а ‘‘сун̣аад̇у мз’’д̇иаад̣̇ийнам̣ ад̇т̇о хздтаа убасамбад̣̇агаммаваажааван̣н̣анааяам̣ вуд̇д̇ова . звам̣ вуд̇д̇ааяаад̇и звам̣ иминаа ануггамзна убосат̇агканд̇хагз (махаава. 138-139) бхаг̇авад̇аа вуд̇д̇ааяа. барисуд̣̇д̇хааяаад̇и н̃ад̇д̇ид̣̇осаанауссааванад̣̇осзхи барисаманд̇ад̇о суд̣̇д̇хааяа. н̃ад̇д̇ид̣̇уд̇ияагаммаваажааяаад̇и згааяа н̃ад̇д̇ияаа згааяа ануссааванааяа гарияамаанад̇д̇аа н̃ад̇д̇и зва д̣̇уд̇ияаа имиссаа гаммаваажааяаад̇и н̃ад̇д̇ид̣̇уд̇ияагаммаваажаа, д̇ааяа. нимид̇д̇аанам̣ анд̇о сиймаа ход̇и, нимид̇д̇аани сиймад̇о б̣ахи хонд̇и нимид̇д̇аани б̣ахи гад̇ваа хздтаа бат̇авийсанд̇хаарауд̣̇агам̣ барияанд̇ам̣ гад̇ваа сиймааяа г̇ад̇ад̇д̇аа.

    160. Evaṃ baddhasīmāya parisasampattiyuttataṃ dassetvā idāni kammavācāsampattiyuttataṃ dassetuṃ ‘‘kammavācāsampattiyuttā nāmā’’tiādimāha. Tattha ‘‘suṇātu me’’tiādīnaṃ attho heṭṭhā upasampadakammavācāvaṇṇanāyaṃ vuttova . Evaṃ vuttāyāti evaṃ iminā anukkamena uposathakkhandhake (mahāva. 138-139) bhagavatā vuttāya. Parisuddhāyāti ñattidosaanaussāvanadosehi parisamantato suddhāya. Ñattidutiyakammavācāyāti ekāya ñattiyā ekāya anussāvanāya kariyamānattā ñatti eva dutiyā imissā kammavācāyāti ñattidutiyakammavācā, tāya. Nimittānaṃ anto sīmā hoti, nimittāni sīmato bahi honti nimittāni bahi katvā heṭṭhā pathavīsandhāraudakaṃ pariyantaṃ katvā sīmāya gatattā.

    161. звам̣ самаанасам̣ваасагасиймаасаммуд̇ияаа гаммаваажаасамбад̇д̇им̣ д̣̇ассзд̇ваа ид̣̇аани ад̇хидтид̇ад̇зжийваригаанам̣ бхигкуунам̣ жийварз сукабарибхог̇ад̇т̇ам̣ бхаг̇авад̇аа бан̃н̃ад̇д̇ам̣ авиббаваасасиймаасаммуд̇игаммаваажаасамбад̇д̇им̣ д̣̇ассзнд̇о ‘‘звам̣ б̣ад̣̇д̇хааяа жа’’д̇яаад̣̇имааха. д̇ад̇т̇а д̇ижийварзна авиббаваасам̣ самманнзяяаад̇и яат̇аа ад̇хидтид̇ад̇зжийвариго бхигку анд̇осиймааяам̣ д̇ижийварзна виббавасанд̇оби авиббаваасоязва ход̇и, д̣̇уд̇ияагат̇инасигкаабад̣̇зна (баараа. 471 аад̣̇аяо) аабад̇д̇и на ход̇и, звам̣ д̇ам̣ самаанасам̣ваасагасиймам̣ д̇ижийварзна авиббаваасам̣ самманнзяяаад̇и ад̇т̇о. табзд̇ваа г̇ааман̃жа г̇аамуубажааран̃жаад̇и яад̣̇и д̇иссаа самаанасам̣ваасагасиймааяа анд̇о г̇аамо ад̇т̇и, д̇ам̣ г̇ааман̃жа г̇аамуубажааран̃жа табзд̇ваа д̇ад̇о винимуд̇д̇ам̣ д̇ам̣ самаанасам̣ваасагасиймам̣ д̇ижийварзна авиббаваасам̣ самманнзяяаад̇и ад̇т̇о.

    161. Evaṃ samānasaṃvāsakasīmāsammutiyā kammavācāsampattiṃ dassetvā idāni adhiṭṭhitatecīvarikānaṃ bhikkhūnaṃ cīvare sukhaparibhogatthaṃ bhagavatā paññattaṃ avippavāsasīmāsammutikammavācāsampattiṃ dassento ‘‘evaṃ baddhāya ca’’tyādimāha. Tattha ticīvarena avippavāsaṃ sammanneyyāti yathā adhiṭṭhitatecīvariko bhikkhu antosīmāyaṃ ticīvarena vippavasantopi avippavāsoyeva hoti, dutiyakathinasikkhāpadena (pārā. 471 ādayo) āpatti na hoti, evaṃ taṃ samānasaṃvāsakasīmaṃ ticīvarena avippavāsaṃ sammanneyyāti attho. Ṭhapetvā gāmañca gāmūpacārañcāti yadi tissā samānasaṃvāsakasīmāya anto gāmo atthi, taṃ gāmañca gāmūpacārañca ṭhapetvā tato vinimuttaṃ taṃ samānasaṃvāsakasīmaṃ ticīvarena avippavāsaṃ sammanneyyāti attho.

    сиймасан̇кяам̣язва г̇ажчад̇ийд̇и авиббаваасасиймасан̇кяам̣язва г̇ажчад̇и. згамби гулам̣ бавидтам̣ ваад̇и абхинавагад̇аг̇зхзсу саб̣б̣абатамам̣ згамби гулам̣ бавидтам̣ ад̇т̇и. аг̇ад̇ам̣ ваад̇и бораан̣агаг̇аамз ан̃н̃зсу гулзсу г̇зхаани чад̣д̣зд̇ваа г̇ад̇зсуби згамби гулам̣ аг̇ад̇ам̣ ад̇т̇ийд̇и ад̇т̇о.

    Sīmasaṅkhyaṃyeva gacchatīti avippavāsasīmasaṅkhyaṃyeva gacchati. Ekampi kulaṃ paviṭṭhaṃ vāti abhinavakatagehesu sabbapaṭhamaṃ ekampi kulaṃ paviṭṭhaṃ atthi. Agataṃ vāti porāṇakagāme aññesu kulesu gehāni chaḍḍetvā gatesupi ekampi kulaṃ agataṃ atthīti attho.

    162. звам̣ сан̇кзбзна сиймаасаммуд̇им̣ д̣̇ассзд̇ваа буна вид̇т̇аарзна д̣̇ассзнд̇о ‘‘аяамзд̇т̇а сан̇кзбо, аяам̣ бана вид̇т̇ааро’’д̇иаад̣̇имааха. сиймааяа убажаарам̣ табзд̇ваад̇и ааяад̇им̣ б̣анд̇хид̇аб̣б̣ааяа сиймааяа нзсам̣ вихаараанам̣ барижчзд̣̇ад̇о б̣ахи сийманд̇аригаббахонагам̣ убажаарам̣ табзд̇ваа. б̣ад̣̇д̇хаа сиймааязсу вихаарзсу, д̇з б̣ад̣̇д̇хасиймаа. баадиязгганд̇и бажжзгам̣. б̣ад̣̇д̇хасиймаасад̣̇исаанийд̇и яат̇аа б̣ад̣̇д̇хасиймаасу тид̇аа ан̃н̃аман̃н̃ам̣ чанд̣̇аад̣̇им̣ анабзгкид̇ваа бажжзгам̣ гаммам̣ гаад̇ум̣ лабханд̇и, звам̣ г̇аамасиймаасу тид̇аабийд̇и д̣̇ассзд̇и. анд̇онимид̇д̇аг̇ад̇зхи банаад̇и згасса г̇аамасса убад̣дхам̣ анд̇огад̇д̇угаамад̇ааяа сад̇и саб̣б̣зсам̣ ааг̇аманз баяож̇анам̣ над̇т̇ийд̇и гад̇ваа вуд̇д̇ам̣. ааг̇анд̇аб̣б̣анд̇и жа саамийживасзна вуд̇д̇ам̣, нааяам̣ нияамо ‘‘ааг̇анд̇аб̣б̣амзваа’’д̇и. д̇знзвааха ‘‘ааг̇аманамби анааг̇аманамби ваддад̇ий’’д̇и. аб̣ад̣̇д̇хааяа хи сиймааяа наанааг̇аамагкзд̇д̇аанам̣ наанаасиймасабхаавад̇д̇аа д̇зсам̣ анааг̇аманзби ваг̇г̇агаммам̣ на ход̇и, д̇асмаа анааг̇аманамби ваддад̇и. б̣ад̣̇д̇хааяа бана сиймааяа згасиймабхаавад̇о буна ан̃н̃асмим̣ гаммз гарияамаанз анд̇осиймаг̇ад̇зхи ааг̇анд̇аб̣б̣амзваад̇и ааха ‘‘авиббаваасасиймаа…бз… ааг̇анд̇аб̣б̣а’’нд̇и. нимид̇д̇агид̇д̇анагаалз асод̇хид̇ааяаби сиймааяа нзвад̇т̇и д̣̇осо нимид̇д̇агид̇д̇анасса абалоганаад̣̇ийсу ан̃н̃ад̇араабхаавад̇о.

    162. Evaṃ saṅkhepena sīmāsammutiṃ dassetvā puna vitthārena dassento ‘‘ayamettha saṅkhepo, ayaṃ pana vitthāro’’tiādimāha. Sīmāya upacāraṃ ṭhapetvāti āyatiṃ bandhitabbāya sīmāya nesaṃ vihārānaṃ paricchedato bahi sīmantarikappahonakaṃ upacāraṃ ṭhapetvā. Baddhā sīmāyesu vihāresu, te baddhasīmā. Pāṭiyekkanti paccekaṃ. Baddhasīmāsadisānīti yathā baddhasīmāsu ṭhitā aññamaññaṃ chandādiṃ anapekkhitvā paccekaṃ kammaṃ kātuṃ labhanti, evaṃ gāmasīmāsu ṭhitāpīti dasseti. Antonimittagatehi panāti ekassa gāmassa upaḍḍhaṃ antokattukāmatāya sati sabbesaṃ āgamane payojanaṃ natthīti katvā vuttaṃ. Āgantabbanti ca sāmīcivasena vuttaṃ, nāyaṃ niyamo ‘‘āgantabbamevā’’ti. Tenevāha ‘‘āgamanampi anāgamanampi vaṭṭatī’’ti. Abaddhāya hi sīmāya nānāgāmakkhettānaṃ nānāsīmasabhāvattā tesaṃ anāgamanepi vaggakammaṃ na hoti, tasmā anāgamanampi vaṭṭati. Baddhāya pana sīmāya ekasīmabhāvato puna aññasmiṃ kamme kariyamāne antosīmagatehi āgantabbamevāti āha ‘‘avippavāsasīmā…pe… āgantabba’’nti. Nimittakittanakāle asodhitāyapi sīmāya nevatthi doso nimittakittanassa apalokanādīsu aññatarābhāvato.

    бхзрисан̃н̃ам̣ ваад̇и самманнанабарияосаанам̣ гаромаад̇и вад̇ваад̇и ликид̇ам̣. д̇зна д̇аад̣̇исз гаалз д̇ам̣ габбад̇ийд̇и сид̣̇д̇хам̣ ход̇и. бхзрисан̃н̃ам̣ ваа сан̇касан̃н̃ам̣ ваад̇и бана д̇зсам̣ сад̣̇д̣̇ам̣ суд̇ваа ид̣̇аани сан̇гхо сиймам̣ б̣анд̇хад̇ийд̇и н̃ад̇ваа ааг̇анд̇угабхигкуунам̣ д̇ам̣ г̇аамагкзд̇д̇ам̣ аббавзсанад̇т̇ам̣, аараамигаад̣̇ийнан̃жа д̇зсам̣ нивааран̣ад̇т̇ам̣ гаммаваажаарад̣̇д̇хагаалзязва сан̃н̃аа гарийяад̇и, звам̣ сад̇и д̇ам̣ гаран̣ам̣ саббаяож̇анам̣ ход̇и. д̇знзва ‘‘бхзрисан̇касад̣̇д̣̇ам̣ гад̇ваа’’д̇и авад̇ваа ‘‘бхзрисан̇касан̃н̃ам̣ гад̇ваа’’д̇и сан̃н̃ааг̇г̇ахан̣ам̣ гад̇ам̣. ‘‘сан̃н̃ам̣ гад̇ваа’’д̇и жа буб̣б̣агаалагирияам̣ вад̇ваа ‘‘гаммаваажааяа сиймаа б̣анд̇хид̇аб̣б̣аа’’д̇и абарагаалагирияам̣ вад̣̇ад̇и, барияосаанагаалз бана саб̣б̣ад̇уурияаад̇аалигасан̇гхудтам̣ гад̇ваа д̣̇звамануссаанам̣ анумод̣̇анам̣ гаарзд̇аб̣б̣ам̣ ход̇ийд̇и взд̣̇ид̇аб̣б̣ам̣.

    Bherisaññaṃ vāti sammannanapariyosānaṃ karomāti vatvāti likhitaṃ. Tena tādise kāle taṃ kappatīti siddhaṃ hoti. Bherisaññaṃ vā saṅkhasaññaṃ vāti pana tesaṃ saddaṃ sutvā idāni saṅgho sīmaṃ bandhatīti ñatvā āgantukabhikkhūnaṃ taṃ gāmakkhettaṃ appavesanatthaṃ, ārāmikādīnañca tesaṃ nivāraṇatthaṃ kammavācāraddhakāleyeva saññā karīyati, evaṃ sati taṃ karaṇaṃ sappayojanaṃ hoti. Teneva ‘‘bherisaṅkhasaddaṃ katvā’’ti avatvā ‘‘bherisaṅkhasaññaṃ katvā’’ti saññāggahaṇaṃ kataṃ. ‘‘Saññaṃ katvā’’ti ca pubbakālakiriyaṃ vatvā ‘‘kammavācāya sīmā bandhitabbā’’ti aparakālakiriyaṃ vadati, pariyosānakāle pana sabbatūriyātālikasaṅghuṭṭhaṃ katvā devamanussānaṃ anumodanaṃ kāretabbaṃ hotīti veditabbaṃ.

    163. бхан̣д̣угаммаабужчанам̣ санд̇хааяа баб̣б̣аж̇ж̇ааг̇г̇ахан̣ам̣. сукагаран̣ад̇т̇анд̇и саб̣б̣зсам̣ саннибаад̇анабариссамам̣ бахааяа аббад̇арзхи сукагаран̣ад̇т̇ам̣. згавийсад̇и бхигкуу г̇ан̣хаад̇ийд̇и вийсад̇иваг̇г̇агаран̣ийяабарамад̇д̇аа сан̇гхагаммасса гаммаарахзна сад̣̇д̇хим̣ згавийсад̇и бхигкуу г̇ан̣хаад̇и. ид̣̇ан̃жа нисиннаанам̣ васзна вуд̇д̇ам̣. хздтиманд̇ад̇о хи яад̇т̇а згавийсад̇и бхигкуу нисийд̣̇ид̇ум̣ саггонд̇и, д̇ад̇д̇агз бад̣̇зсз сиймам̣ б̣анд̇хид̇ум̣ ваддад̇и. ид̣̇ан̃жа гаммаарахзна саха аб̣бхаанагаарагаанамби бахонагад̇т̇ам̣ вуд̇д̇ам̣. нимид̇д̇убаг̇аа баасаан̣аа табзд̇аб̣б̣аад̇и ид̣̇ам̣ яат̇ааружид̇адтаанз ругканимид̇д̇аад̣̇ийнам̣ д̣̇уллабхад̇ааяа вад̣дхид̇ваа убхиннам̣ б̣ад̣̇д̇хасиймаанам̣ сан̇гарагаран̣ад̇о жа баасаан̣анимид̇д̇асса жа д̇ад̣̇абхаавад̇о яад̇т̇а гад̇т̇ажи аанзд̇ваа табзд̇ум̣ сугарад̇ааяа жа вуд̇д̇ам̣. д̇ат̇аа сийманд̇аригабаасаан̣аа табзд̇аб̣б̣аад̇и зд̇т̇ааби. жад̇уран̇г̇улаббамаан̣аабийд̇и яат̇аа кан̣д̣асиймабарижчзд̣̇ад̇о б̣ахи нимид̇д̇абаасаан̣ам̣ жад̇уран̇г̇уламад̇д̇ам̣ таанам̣ саманд̇аа ниг̇ажчад̇и, авасзсам̣ таанам̣ анд̇окан̣д̣асиймааяам̣ ход̇иязва, звам̣ д̇зсу табид̇зсу жад̇уран̇г̇уламад̇д̇аа сийманд̇аригаа ход̇ийд̇и д̣̇адтаб̣б̣ам̣.

    163. Bhaṇḍukammāpucchanaṃ sandhāya pabbajjāggahaṇaṃ. Sukhakaraṇatthanti sabbesaṃ sannipātanaparissamaṃ pahāya appatarehi sukhakaraṇatthaṃ. Ekavīsati bhikkhū gaṇhātīti vīsativaggakaraṇīyaparamattā saṅghakammassa kammārahena saddhiṃ ekavīsati bhikkhū gaṇhāti. Idañca nisinnānaṃ vasena vuttaṃ. Heṭṭhimantato hi yattha ekavīsati bhikkhū nisīdituṃ sakkonti, tattake padese sīmaṃ bandhituṃ vaṭṭati. Idañca kammārahena saha abbhānakārakānampi pahonakatthaṃ vuttaṃ. Nimittupagā pāsāṇā ṭhapetabbāti idaṃ yathārucitaṭṭhāne rukkhanimittādīnaṃ dullabhatāya vaḍḍhitvā ubhinnaṃ baddhasīmānaṃ saṅkarakaraṇato ca pāsāṇanimittassa ca tadabhāvato yattha katthaci ānetvā ṭhapetuṃ sukaratāya ca vuttaṃ. Tathā sīmantarikapāsāṇā ṭhapetabbāti etthāpi. Caturaṅgulappamāṇāpīti yathā khaṇḍasīmaparicchedato bahi nimittapāsāṇaṃ caturaṅgulamattaṃ ṭhānaṃ samantā nigacchati, avasesaṃ ṭhānaṃ antokhaṇḍasīmāyaṃ hotiyeva, evaṃ tesu ṭhapitesu caturaṅgulamattā sīmantarikā hotīti daṭṭhabbaṃ.

    сийманд̇аригабаасаан̣аад̇и сийманд̇аригааяа табид̇анимид̇д̇абаасаан̣аа. д̇з бана гид̇д̇знд̇зна д̣̇агкин̣ад̇о анубарияааяанд̇знзва гид̇д̇зд̇аб̣б̣аа. гат̇ам̣? кан̣д̣асиймад̇о хи бажчимааяа д̣̇исааяа бурад̇т̇имаабхимукзна тад̇ваа ‘‘бурад̇т̇имааяа д̣̇исааяа гим̣ нимид̇д̇а’’нд̇и д̇ад̇т̇а саб̣б̣аани нимид̇д̇аани ануггамзна гид̇д̇зд̇ваа, д̇ат̇аа уд̇д̇арааяа д̣̇исааяа д̣̇агкин̣аабхимукзна тад̇ваа ‘‘д̣̇агкин̣ааяа д̣̇исааяа гим̣ нимид̇д̇а’’нд̇и ануггамзна гид̇д̇зд̇ваа, д̇ат̇аа бурад̇т̇имааяа д̣̇исааяа бажчимаабхимукзна тад̇ваа ‘‘бажчимааяа д̣̇исааяа гим̣ нимид̇д̇а’’нд̇и ануггамзна гид̇д̇зд̇ваа, д̇ат̇аа д̣̇агкин̣ааяа д̣̇исааяа уд̇д̇араабхимукзна тад̇ваа ‘‘уд̇д̇арааяа д̣̇исааяа гим̣ нимид̇д̇а’’нд̇и д̇ад̇т̇а саб̣б̣аани нимид̇д̇аани ануггамзна гид̇д̇зд̇ваа буна бажчимааяа д̣̇исааяа бурад̇т̇имаабхимукзна тад̇ваа буримагид̇д̇ид̇ам̣ вуд̇д̇анаязна буна гид̇д̇зд̇аб̣б̣ам̣. звам̣ б̣ахуунамби кан̣д̣асиймаанам̣ сийманд̇аригабаасаан̣аа бажжзгам̣ гид̇д̇зд̇аб̣б̣аа. д̇ад̇од̇и бажчаа. авасзсанимид̇д̇аанийд̇и махаасиймааяа б̣аахиранд̇арзсу авасзсанимид̇д̇аани. на сагкиссанд̇ийд̇и авиббаваасасиймааяа б̣ад̣̇д̇хабхаавам̣ асаллагкзд̇ваа ‘‘самаанасам̣ваасагасиймамзва самууханиссаамаа’’д̇и вааяаманд̇аа на сагкиссанд̇и. б̣ад̣̇д̇хааяа хи авиббаваасасиймааяа д̇ам̣ самууханид̇ваа ‘‘самаанасам̣ваасагасиймам̣ самууханиссаамаа’’д̇и гад̇ааяаби гаммаваажааяа асамуухад̇аава ход̇и сиймаа. батаман̃хи авиббаваасам̣ самууханид̇ваа бажчаа сиймаа самууханид̇аб̣б̣аа. кан̣д̣асиймад̇о бадтааяа б̣анд̇ханам̣ аажин̣н̣ам̣, аажин̣н̣агаран̣знзва жа саммохо на ход̇ийд̇и ааха ‘‘кан̣д̣асиймад̇ова бадтааяа б̣анд̇хид̇аб̣б̣аа’’д̇и. убхиннамби на гобзнд̇ийд̇и убхиннамби гаммам̣ на гобзнд̇и. звам̣ б̣ад̣̇д̇хаасу бана…бз… сийманд̇аригаа хи г̇аамагкзд̇д̇ам̣ бхаж̇ад̇ийд̇и на ааваасавасзна саамаг̇г̇ибарижчзд̣̇о, гинд̇у сиймаавасзнзваад̇и д̣̇ассанад̇т̇ам̣ вуд̇д̇ам̣.

    Sīmantarikapāsāṇāti sīmantarikāya ṭhapitanimittapāsāṇā. Te pana kittentena dakkhiṇato anupariyāyanteneva kittetabbā. Kathaṃ? Khaṇḍasīmato hi pacchimāya disāya puratthimābhimukhena ṭhatvā ‘‘puratthimāya disāya kiṃ nimitta’’nti tattha sabbāni nimittāni anukkamena kittetvā, tathā uttarāya disāya dakkhiṇābhimukhena ṭhatvā ‘‘dakkhiṇāya disāya kiṃ nimitta’’nti anukkamena kittetvā, tathā puratthimāya disāya pacchimābhimukhena ṭhatvā ‘‘pacchimāya disāya kiṃ nimitta’’nti anukkamena kittetvā, tathā dakkhiṇāya disāya uttarābhimukhena ṭhatvā ‘‘uttarāya disāya kiṃ nimitta’’nti tattha sabbāni nimittāni anukkamena kittetvā puna pacchimāya disāya puratthimābhimukhena ṭhatvā purimakittitaṃ vuttanayena puna kittetabbaṃ. Evaṃ bahūnampi khaṇḍasīmānaṃ sīmantarikapāsāṇā paccekaṃ kittetabbā. Tatoti pacchā. Avasesanimittānīti mahāsīmāya bāhirantaresu avasesanimittāni. Na sakkhissantīti avippavāsasīmāya baddhabhāvaṃ asallakkhetvā ‘‘samānasaṃvāsakasīmameva samūhanissāmā’’ti vāyamantā na sakkhissanti. Baddhāya hi avippavāsasīmāya taṃ samūhanitvā ‘‘samānasaṃvāsakasīmaṃ samūhanissāmā’’ti katāyapi kammavācāya asamūhatāva hoti sīmā. Paṭhamañhi avippavāsaṃ samūhanitvā pacchā sīmā samūhanitabbā. Khaṇḍasīmato paṭṭhāya bandhanaṃ āciṇṇaṃ, āciṇṇakaraṇeneva ca sammoho na hotīti āha ‘‘khaṇḍasīmatova paṭṭhāya bandhitabbā’’ti. Ubhinnampi na kopentīti ubhinnampi kammaṃ na kopenti. Evaṃ baddhāsu pana…pe… sīmantarikā hi gāmakkhettaṃ bhajatīti na āvāsavasena sāmaggiparicchedo, kintu sīmāvasenevāti dassanatthaṃ vuttaṃ.

    гудиг̇зхзд̇и бхуумияам̣ гад̇ад̇ин̣агудияам̣. уд̣̇угкаланд̇и уд̣̇угкалааваадасад̣̇исакуд̣̇д̣̇агааваадам̣. нимид̇д̇ам̣ на гаад̇аб̣б̣анд̇и рааж̇и ваа уд̣̇угкалам̣ ваа нимид̇д̇ам̣ на гаад̇аб̣б̣ам̣. ид̣̇ан̃жа яат̇аавуд̇д̇зсу адтасу нимид̇д̇зсу анааг̇ад̇ад̇д̇зна на ваддад̇ийд̇и сид̣̇д̇хамби ‘‘авинассагасан̃н̃аан̣амид̣̇а’’нд̇и сан̃н̃ааяа гожи мохзна нимид̇д̇ам̣ гарзяяаад̇и д̣̇уурад̇о вибад̇д̇ибарихаарад̇т̇ам̣ вуд̇д̇ам̣. нимид̇д̇убаг̇абаасаан̣з табзд̇ваад̇и сан̃жаариманимид̇д̇асса гамбанад̇ааяа вуд̇д̇ам̣. звам̣ убари ‘‘бхид̇д̇им̣ агид̇д̇зд̇ваа’’д̇иаад̣̇ийсуби сид̣̇д̇хамзвад̇т̇ам̣ бунаббунам̣ гат̇анз гааран̣ам̣ взд̣̇ид̇аб̣б̣ам̣. сиймаавибад̇д̇и хи убасамбад̣̇аад̣̇исаб̣б̣агаммавибад̇д̇имууланд̇и д̇асса д̣̇ваарам̣ саб̣б̣ат̇ааби бид̣̇аханавасзна вад̇д̇аб̣б̣ам̣. саб̣б̣ам̣ вад̇ваава ид̇ха аажарияаа винижчаяам̣ гат̇зсунд̇и д̣̇адтаб̣б̣ам̣.

    Kuṭigeheti bhūmiyaṃ katatiṇakuṭiyaṃ. Udukkhalanti udukkhalāvāṭasadisakhuddakāvāṭaṃ. Nimittaṃ na kātabbanti rāji vā udukkhalaṃ vā nimittaṃ na kātabbaṃ. Idañca yathāvuttesu aṭṭhasu nimittesu anāgatattena na vaṭṭatīti siddhampi ‘‘avinassakasaññāṇamida’’nti saññāya koci mohena nimittaṃ kareyyāti dūrato vipattiparihāratthaṃ vuttaṃ. Nimittupagapāsāṇe ṭhapetvāti sañcārimanimittassa kampanatāya vuttaṃ. Evaṃ upari ‘‘bhittiṃ akittetvā’’tiādīsupi siddhamevatthaṃ punappunaṃ kathane kāraṇaṃ veditabbaṃ. Sīmāvipatti hi upasampadādisabbakammavipattimūlanti tassa dvāraṃ sabbathāpi pidahanavasena vattabbaṃ. Sabbaṃ vatvāva idha ācariyā vinicchayaṃ kathesunti daṭṭhabbaṃ.

    бхид̇д̇инд̇и идтагад̣̇аарумад̇д̇игаамаяам̣. силаамаяааяа бана бхид̇д̇ияаа нимид̇д̇убаг̇ам̣ згам̣ баасаан̣ам̣ д̇ам̣д̇ам̣д̣̇исааяа гид̇д̇зд̇ум̣ ваддад̇и. анзгасилаахи жинид̇ам̣ сагалам̣ бхид̇д̇им̣ гид̇д̇зд̇ум̣ на ваддад̇и ‘‘зсо баасаан̣о нимид̇д̇а’’нд̇и згаважанзна вад̇д̇аб̣б̣ад̇о. анд̇огуддамзваад̇и зд̇т̇а анд̇огуддзби нимид̇д̇аанам̣ тид̇огаасад̇о анд̇о зва сиймаад̇и г̇ахзд̇аб̣б̣ам̣. бамукз нимид̇д̇абаасаан̣з табзд̇ваад̇и г̇аб̣бхаабхимукзби б̣ахибамукз г̇аб̣бхавид̇т̇аараббамаан̣з таанз баасаан̣з табзд̇ваа самманнид̇аб̣б̣аа. зван̃хи г̇аб̣бхабамукаанам̣ анд̇арз тид̇агуддамби убаад̣̇ааяа анд̇о жа б̣ахи жа жад̇урассасан̣таанаава сиймаа ход̇и. б̣ахийд̇и сагаласса гудилзн̣асса саманд̇ад̇о б̣ахи.

    Bhittinti iṭṭhakadārumattikāmayaṃ. Silāmayāya pana bhittiyā nimittupagaṃ ekaṃ pāsāṇaṃ taṃtaṃdisāya kittetuṃ vaṭṭati. Anekasilāhi cinitaṃ sakalaṃ bhittiṃ kittetuṃ na vaṭṭati ‘‘eso pāsāṇo nimitta’’nti ekavacanena vattabbato. Antokuṭṭamevāti ettha antokuṭṭepi nimittānaṃ ṭhitokāsato anto eva sīmāti gahetabbaṃ. Pamukhe nimittapāsāṇe ṭhapetvāti gabbhābhimukhepi bahipamukhe gabbhavitthārappamāṇe ṭhāne pāsāṇe ṭhapetvā sammannitabbā. Evañhi gabbhapamukhānaṃ antare ṭhitakuṭṭampi upādāya anto ca bahi ca caturassasaṇṭhānāva sīmā hoti. Bahīti sakalassa kuṭileṇassa samantato bahi.

    анд̇о жа б̣ахи жа сиймаа ход̇ийд̇и маж̇жхз тид̇абхид̇д̇ияаа саха жад̇урассасиймаа ход̇и. убарибаасаад̣̇зязва ход̇ий’’д̇и иминаа г̇аб̣бхасса жа бамукасса жа анд̇араа тид̇абхид̇д̇ияаа згад̇д̇аа д̇ад̇т̇а жа згавийсад̇ияаа бхигкуунам̣ огаасаабхаавзна хздтаа на од̇арад̇и, убарибхид̇д̇и бана сиймадтаава ход̇ийд̇и д̣̇ассзд̇и. хздтаа на од̇арад̇ийд̇и бхид̇д̇ид̇о орам̣ нимид̇д̇аани табзд̇ваа гид̇д̇ид̇ад̇д̇аа хздтаа аагаасаббад̣̇зсам̣ на од̇арад̇и, убари гад̇з баасаад̣̇зд̇и ад̇т̇о. хздтимад̇алз гуддод̇и хздтимад̇алз жад̇уусу д̣̇исаасу тид̇агуддо. сажз хи д̣̇вийсу, д̇ийсу зва ваа д̣̇исаасу гуддо д̇идтзяяа, хздтаа на од̇арад̇и. хздтааби од̇арад̇ийд̇и сажз хздтаа анд̇обхид̇д̇ияам̣ згавийсад̇ияаа бхигкуунам̣ огаасо ход̇и, од̇арад̇и. од̇арамаанаа жа на убарисиймаббамаан̣зна од̇арад̇и, саманд̇аа бхид̇д̇иббамаан̣зна од̇арад̇и. жад̇уннам̣ бана бхид̇д̇ийнам̣ б̣аахиранд̇абарижчзд̣̇зна хздтаабхуумибхааг̇з уд̣̇агабарияанд̇ам̣ гад̇ваа од̇арад̇и, на бана бхид̇д̇ийнам̣ б̣ахи гзсаг̇г̇амад̇д̇амби таанам̣. баасаад̣̇абхид̇д̇ид̇од̇и убаримад̇алз бхид̇д̇ид̇о. од̇аран̣аанод̇аран̣ам̣ вуд̇д̇анаязнзва взд̣̇ид̇аб̣б̣анд̇и сажз хздтаа згавийсад̇ияаа бхигкуунам̣ огаасо ход̇и, од̇арад̇и, но жз, на од̇арад̇ийд̇и ад̇хиббааяод̇и саарад̇т̇ад̣̇ийбанияам̣ (саарад̇т̇а. дий. махааваг̇г̇а 3.138) вуд̇д̇ам̣. вимад̇ивинод̣̇анияам̣ (ви. ви. дий. махааваг̇г̇а 2.138) бана ‘‘убарисиймаббамаан̣асса анд̇ог̇ад̇хаанам̣ хздтимад̇алз жад̇уусу д̣̇исаасу гуддаанам̣ д̇улааругкзхи згасамб̣анд̇хад̇ам̣, д̇ад̣̇анд̇о бажчимасиймаббамаан̣ад̇аад̣̇ин̃жа санд̇хааяа вуд̇д̇а’’нд̇и вуд̇д̇ам̣ . гин̃жаабзд̇т̇а нияяуухагаад̣̇аяо нимид̇д̇аанам̣ тид̇огаасад̇ааяа б̣аж̇жхамаанагкан̣з сиймаа на хонд̇и, б̣ад̣̇д̇хааяа бана сиймааяа сиймадтаава хонд̇ийд̇и д̣̇адтаб̣б̣аа.

    Anto ca bahi ca sīmā hotīti majjhe ṭhitabhittiyā saha caturassasīmā hoti. Uparipāsādeyeva hotī’’ti iminā gabbhassa ca pamukhassa ca antarā ṭhitabhittiyā ekattā tattha ca ekavīsatiyā bhikkhūnaṃ okāsābhāvena heṭṭhā na otarati, uparibhitti pana sīmaṭṭhāva hotīti dasseti. Heṭṭhā na otaratīti bhittito oraṃ nimittāni ṭhapetvā kittitattā heṭṭhā ākāsappadesaṃ na otarati, upari kate pāsādeti attho. Heṭṭhimatale kuṭṭoti heṭṭhimatale catūsu disāsu ṭhitakuṭṭo. Sace hi dvīsu, tīsu eva vā disāsu kuṭṭo tiṭṭheyya, heṭṭhā na otarati. Heṭṭhāpi otaratīti sace heṭṭhā antobhittiyaṃ ekavīsatiyā bhikkhūnaṃ okāso hoti, otarati. Otaramānā ca na uparisīmappamāṇena otarati, samantā bhittippamāṇena otarati. Catunnaṃ pana bhittīnaṃ bāhirantaparicchedena heṭṭhābhūmibhāge udakapariyantaṃ katvā otarati, na pana bhittīnaṃ bahi kesaggamattampi ṭhānaṃ. Pāsādabhittitoti uparimatale bhittito. Otaraṇānotaraṇaṃ vuttanayeneva veditabbanti sace heṭṭhā ekavīsatiyā bhikkhūnaṃ okāso hoti, otarati, no ce, na otaratīti adhippāyoti sāratthadīpaniyaṃ (sārattha. ṭī. mahāvagga 3.138) vuttaṃ. Vimativinodaniyaṃ (vi. vi. ṭī. mahāvagga 2.138) pana ‘‘uparisīmappamāṇassa antogadhānaṃ heṭṭhimatale catūsu disāsu kuṭṭānaṃ tulārukkhehi ekasambandhataṃ, tadanto pacchimasīmappamāṇatādiñca sandhāya vutta’’nti vuttaṃ . Kiñcāpettha niyyūhakādayo nimittānaṃ ṭhitokāsatāya bajjhamānakkhaṇe sīmā na honti, baddhāya pana sīmāya sīmaṭṭhāva hontīti daṭṭhabbā.

    барияанд̇ат̇амбхаананд̇и нимид̇д̇аг̇ад̇абаасаан̣ад̇т̇амбхз санд̇хааяа вуд̇д̇ам̣. убаримад̇алзна самб̣ад̣̇д̇хо ход̇ийд̇и ид̣̇ам̣ гуддаанам̣ анд̇араа сиймадтаанам̣ т̇амбхаанам̣ абхаавад̇о вуд̇д̇ам̣. яад̣̇и хи бхавзяяум̣, гуддз убаримад̇алзна асамб̣анд̇хзби сиймадтат̇амбхаанам̣ убари тид̇о баасаад̣̇о сиймадтова ход̇и. сажз бана б̣ахуунам̣ т̇амбхабанд̇ийнам̣ убари гад̇абаасаад̣̇асса хздтаабат̇авияам̣ саб̣б̣аб̣аахирааяа т̇амбхабанд̇ияаа анд̇о нимид̇д̇абаасаан̣з табзд̇ваа сиймаа б̣ад̣̇д̇хаа ход̇и, зд̇т̇а гат̇анд̇и? зд̇т̇ааби ‘‘яам̣ д̇аава сиймадтат̇амбхзхзва д̇хаарияамаанаанам̣ д̇улаанам̣ убаримад̇алам̣, саб̣б̣ам̣ д̇ам̣ сиймадтамзва, зд̇т̇а виваад̣̇о над̇т̇и, яам̣ бана сиймадтат̇амбхабанд̇ияаа, асиймадтааяа б̣аахират̇амбхабанд̇ияаа жа самад̇хурам̣ д̇хаараяамаанаанам̣ д̇улаанам̣ убаримад̇алам̣, д̇ад̇т̇а убад̣дхам̣ сиймаа’’д̇и гзжи вад̣̇анд̇и. ‘‘сагаламби г̇аамасиймаа’’д̇и абарз. ‘‘б̣ад̣̇д̇хасиймаа зваа’’д̇и ан̃н̃з. д̇асмаа гаммам̣ гаронд̇зхи г̇аруухи нираасан̇гадтаанз тад̇ваа саб̣б̣ам̣ д̇ам̣ аасан̇гадтаанам̣ сод̇хзд̇ваава гаммам̣ гаад̇аб̣б̣ам̣, саннидтаанагааран̣ам̣ ваа г̇авзсид̇ваа д̇ад̣̇ануг̇ун̣ам̣ гаад̇аб̣б̣ам̣.

    Pariyantathambhānanti nimittagatapāsāṇatthambhe sandhāya vuttaṃ. Uparimatalena sambaddho hotīti idaṃ kuṭṭānaṃ antarā sīmaṭṭhānaṃ thambhānaṃ abhāvato vuttaṃ. Yadi hi bhaveyyuṃ, kuṭṭe uparimatalena asambandhepi sīmaṭṭhathambhānaṃ upari ṭhito pāsādo sīmaṭṭhova hoti. Sace pana bahūnaṃ thambhapantīnaṃ upari katapāsādassa heṭṭhāpathaviyaṃ sabbabāhirāya thambhapantiyā anto nimittapāsāṇe ṭhapetvā sīmā baddhā hoti, ettha kathanti? Etthāpi ‘‘yaṃ tāva sīmaṭṭhathambheheva dhāriyamānānaṃ tulānaṃ uparimatalaṃ, sabbaṃ taṃ sīmaṭṭhameva, ettha vivādo natthi, yaṃ pana sīmaṭṭhathambhapantiyā, asīmaṭṭhāya bāhirathambhapantiyā ca samadhuraṃ dhārayamānānaṃ tulānaṃ uparimatalaṃ, tattha upaḍḍhaṃ sīmā’’ti keci vadanti. ‘‘Sakalampi gāmasīmā’’ti apare. ‘‘Baddhasīmā evā’’ti aññe. Tasmā kammaṃ karontehi garūhi nirāsaṅkaṭṭhāne ṭhatvā sabbaṃ taṃ āsaṅkaṭṭhānaṃ sodhetvāva kammaṃ kātabbaṃ, sanniṭṭhānakāraṇaṃ vā gavesitvā tadanuguṇaṃ kātabbaṃ.

    д̇ааламуулагабаб̣б̣ад̇зд̇и д̇аалагканд̇хамууласад̣̇исз хздтаа т̇ууло худ̇ваа гамзна гисо худ̇ваа уг̇г̇ад̇о хинд̇ааламууласад̣̇исо наама ход̇и. вид̇аанасан̣таанод̇и ахижчад̇д̇агасан̣таано. бан̣авасан̣таанод̇и маж̇жхз д̇ануго, хздтаа жа убари жа вид̇т̇ин̣н̣о. хздтаа ваа маж̇жхз ваад̇и муд̣̇ин̇г̇асан̣таанасса хздтаа, бан̣авасан̣таанасса маж̇жхз. саббапан̣асад̣̇исо баб̣б̣ад̇од̇и саббапан̣о вияа куж̇ж̇о, мууладтаанад̇о ан̃н̃ад̇т̇а аванад̇асийсо. аагаасабаб̣бхааранд̇и бхид̇д̇ияаа абаригкид̇д̇абаб̣бхаарам̣. сиймаббамаан̣од̇и анд̇о аагаасзна сад̣̇д̇хим̣ бажчимасиймаббамаан̣о. со жа баасаан̣о сиймадтод̇и иминаа ийд̣̇исзхи сусирабаасаан̣алзн̣агуддаад̣̇ийхи барижчиннз бхуумибхааг̇з зва сиймаа бад̇идтаад̇и, на абарижчиннз. д̇з бана сиймадтад̇д̇аа сиймаа хонд̇и, на саруубзна сиймадтаман̃жаад̣̇и вияаад̇и д̣̇ассзд̇и. сажз бана со сусирабаасаан̣о бхуумим̣ анаахажжа аагаасаг̇ад̇о оламб̣ад̇и, сиймаа на од̇арад̇и. сусирабаасаан̣о бана саяам̣ сиймаабадиб̣ад̣̇д̇хад̇д̇аа сиймаа ход̇и, гат̇ам̣ бана бажчимаббамаан̣арахид̇зхи зд̇зхи сусирабаасаан̣аад̣̇ийхи сиймаа на од̇арад̇ийд̇и ид̣̇ам̣ сад̣̇д̇хаад̇аб̣б̣анд̇и? адтагат̇аабамаан̣ад̇о.

    Tālamūlakapabbateti tālakkhandhamūlasadise heṭṭhā thūlo hutvā kamena kiso hutvā uggato hintālamūlasadiso nāma hoti. Vitānasaṇṭhānoti ahicchattakasaṇṭhāno. Paṇavasaṇṭhānoti majjhe tanuko, heṭṭhā ca upari ca vitthiṇṇo. Heṭṭhā vā majjhe vāti mudiṅgasaṇṭhānassa heṭṭhā, paṇavasaṇṭhānassa majjhe. Sappaphaṇasadiso pabbatoti sappaphaṇo viya khujjo, mūlaṭṭhānato aññattha avanatasīso. Ākāsapabbhāranti bhittiyā aparikkhittapabbhāraṃ. Sīmappamāṇoti anto ākāsena saddhiṃ pacchimasīmappamāṇo. So ca pāsāṇo sīmaṭṭhoti iminā īdisehi susirapāsāṇaleṇakuṭṭādīhi paricchinne bhūmibhāge eva sīmā patiṭṭhāti, na aparicchinne. Te pana sīmaṭṭhattā sīmā honti, na sarūpena sīmaṭṭhamañcādi viyāti dasseti. Sace pana so susirapāsāṇo bhūmiṃ anāhacca ākāsagato olambati, sīmā na otarati. Susirapāsāṇo pana sayaṃ sīmāpaṭibaddhattā sīmā hoti, kathaṃ pana pacchimappamāṇarahitehi etehi susirapāsāṇādīhi sīmā na otaratīti idaṃ saddhātabbanti? Aṭṭhakathāpamāṇato.

    абижзд̇т̇а сусирабаасаан̣абхид̇д̇ианусаарзна муусигаад̣̇ийнам̣ вияа сиймааяа хздтимад̇алз од̇аран̣агижжам̣ над̇т̇и, хздтаа бана бажчимасиймаббамаан̣з аагаасз д̣̇ван̇г̇уламад̇д̇аб̣ахалзхи баасаан̣абхид̇д̇иаад̣̇ийхиби убаримад̇алам̣ аахажжа тид̇зхи саб̣б̣асо, язбхуяязна ваа барижчиннз сад̇и убари б̣аж̇жхамаанаа сиймаа д̇зхи баасаан̣аад̣̇ийхи анд̇арид̇ааяа д̇аббарижчиннааяа хздтаабхуумияааби убаримад̇алзна сад̣̇д̇хим̣ згагкан̣з бад̇идтаад̇и, над̣̇ийбаарасиймаа вияа над̣̇ийанд̇арид̇зсу убхосу д̇ийрзсу лзн̣аад̣̇ийсу абанийд̇зсуби хздтаа од̇ин̣н̣асиймаа яаава саасананд̇арад̇хаанаа на виг̇ажчад̇и, батамам̣ бана убари сиймааяа б̣ад̣̇д̇хааяа бажчаа лзн̣аад̣̇игад̇зсуби хздтаабхуумияам̣ сиймаа од̇арад̇и зва, гзжи д̇ам̣ на ижчанд̇и, звам̣ убхаяад̇т̇а бад̇идтид̇аа жа саа сиймаа згаава ход̇и г̇од̇д̇аад̣̇иж̇аад̇и вияа б̣яад̇д̇ибхзд̣̇зсууд̇и г̇ахзд̇аб̣б̣ам̣. саб̣б̣аа зва хи б̣ад̣̇д̇хасиймаа аб̣ад̣̇д̇хасиймаа жа ад̇д̇ано ад̇д̇ано багад̇иниссаяагз г̇аамааран̃н̃аад̣̇игз кзд̇д̇з яат̇аабарижчзд̣̇ам̣ саб̣б̣ад̇т̇а саагалязна згасмим̣ кан̣з б̣яаабиний барамад̇т̇ад̇о авиж̇ж̇амаанамби д̇з д̇з ниссаяабхууд̇з барамад̇т̇ад̇хаммз, д̇ам̣ д̇ам̣ гирияаависзсамби ваа убаад̣̇ааяа логиязхи саасанигзхи жа яат̇аарахам̣ згад̇д̇зна бан̃н̃ад̇д̇ад̇д̇аа саниссаязгаруубаа зва. д̇ат̇аа хи зго г̇аамо аран̃н̃ам̣ над̣̇ий ж̇аад̇ассаро самуд̣̇д̣̇од̇и звам̣ логз, ‘‘саммад̇аа саа сиймаа сан̇гхзна, аг̇аамагз жз, бхигкавз, аран̃н̃з саманд̇аа сад̇д̇аб̣бханд̇араа, аяам̣ д̇ад̇т̇а самаанасам̣ваасаа згуубосат̇аа’’д̇иаад̣̇инаа саасанз жа згавохааро д̣̇иссад̇и, на барамад̇т̇ад̇о. згасса анзгад̇хаммзсу б̣яаабанамад̇т̇и гасин̣згад̣̇зсаад̣̇ивигаббаасамаанад̇ааяа згад̇д̇ахаанид̇од̇и аяам̣ но мад̇и.

    Apicettha susirapāsāṇabhittianusārena mūsikādīnaṃ viya sīmāya heṭṭhimatale otaraṇakiccaṃ natthi, heṭṭhā pana pacchimasīmappamāṇe ākāse dvaṅgulamattabahalehi pāsāṇabhittiādīhipi uparimatalaṃ āhacca ṭhitehi sabbaso, yebhuyyena vā paricchinne sati upari bajjhamānā sīmā tehi pāsāṇādīhi antaritāya tapparicchinnāya heṭṭhābhūmiyāpi uparimatalena saddhiṃ ekakkhaṇe patiṭṭhāti, nadīpārasīmā viya nadīantaritesu ubhosu tīresu leṇādīsu apanītesupi heṭṭhā otiṇṇasīmā yāva sāsanantaradhānā na vigacchati, paṭhamaṃ pana upari sīmāya baddhāya pacchā leṇādikatesupi heṭṭhābhūmiyaṃ sīmā otarati eva, keci taṃ na icchanti, evaṃ ubhayattha patiṭṭhitā ca sā sīmā ekāva hoti gottādijāti viya byattibhedesūti gahetabbaṃ. Sabbā eva hi baddhasīmā abaddhasīmā ca attano attano pakatinissayake gāmāraññādike khette yathāparicchedaṃ sabbattha sākalyena ekasmiṃ khaṇe byāpinī paramatthato avijjamānampi te te nissayabhūte paramatthadhamme, taṃ taṃ kiriyāvisesampi vā upādāya lokiyehi sāsanikehi ca yathārahaṃ ekattena paññattattā sanissayekarūpā eva. Tathā hi eko gāmo araññaṃ nadī jātassaro samuddoti evaṃ loke, ‘‘sammatā sā sīmā saṅghena, agāmake ce, bhikkhave, araññe samantā sattabbhantarā, ayaṃ tattha samānasaṃvāsā ekūposathā’’tiādinā sāsane ca ekavohāro dissati, na paramatthato. Ekassa anekadhammesu byāpanamatthi kasiṇekadesādivikappāsamānatāya ekattahānitoti ayaṃ no mati.

    асса хздтаад̇и саббапан̣абаб̣б̣ад̇асса хздтаа аагаасабаб̣бхаарз. лзн̣ассаад̇и лзн̣ам̣ жз гад̇ам̣, д̇асса лзн̣ассаад̇и ад̇т̇о. д̇амзва буна лзн̣ам̣ бан̃жахи багаарзхи вигаббзд̇ваа од̇аран̣аанод̇аран̣авинижчаяам̣ д̣̇ассзд̇ум̣ ааха ‘‘сажз бана хздтаа’’д̇иаад̣̇и. д̇ад̇т̇а ‘‘хздтаа’’д̇и имасса ‘‘лзн̣ам̣ ход̇ий’’д̇и иминаа самб̣анд̇хо. хздтаа лзн̣ан̃жа згасмим̣ бад̣̇зсзд̇и ааха ‘‘анд̇о’’д̇и, баб̣б̣ад̇асса анд̇о, баб̣б̣ад̇амуулзд̇и ад̇т̇о. д̇амзва анд̇осад̣̇д̣̇ам̣ сиймаабарижчзд̣̇зна висзсзд̇ум̣ ‘‘убаримасса сиймаабарижчзд̣̇асса баарад̇о’’д̇и вуд̇д̇ам̣. баб̣б̣ад̇абаад̣̇ам̣ бана абзгкид̇ваа ‘‘орад̇о’’д̇и вад̇д̇аб̣б̣зби сиймааниссаяам̣ баб̣б̣ад̇аг̇г̇ам̣ санд̇хааяа ‘‘баарад̇о’’д̇и вуд̇д̇анд̇и д̣̇адтаб̣б̣ам̣. д̇знзва ‘‘б̣ахи лзн̣а’’нд̇и зд̇т̇а б̣ахисад̣̇д̣̇ам̣ висзсзнд̇о ‘‘убаримасса сиймаабарижчзд̣̇асса орад̇о’’д̇и ааха. б̣ахисиймаа на од̇арад̇ийд̇и зд̇т̇а б̣ахийд̇и баб̣б̣ад̇абаад̣̇з лзн̣ам̣ санд̇хааяа вуд̇д̇ам̣. лзн̣асса жа б̣ахибхууд̇з убарисиймаабарижчзд̣̇асса хздтаабхааг̇з сиймаа на од̇арад̇ийд̇и ад̇т̇о. анд̇о сиймаад̇и лзн̣асса жа баб̣б̣ад̇абаад̣̇асса жа анд̇о ад̇д̇ано од̇аран̣аарахадтаанз на од̇арад̇ийд̇и ад̇т̇о. ‘‘б̣ахи сиймаа на од̇арад̇и, анд̇о сиймаа на од̇арад̇ий’’д̇и жзд̇т̇а ад̇д̇ано од̇аран̣аарахадтаанз лзн̣аабхаавзна сиймааяа саб̣б̣ат̇аа анод̇аран̣амзва д̣̇ассид̇анд̇и г̇ахзд̇аб̣б̣ам̣. д̇ад̇т̇а хи анод̇аранд̇ий убари зва ход̇ийд̇и аяам̣ вимад̇ивинод̣̇анияам̣ (ви. ви. дий. махааваг̇г̇а 2.138) ааг̇ад̇о винижчаяо.

    Assa heṭṭhāti sappaphaṇapabbatassa heṭṭhā ākāsapabbhāre. Leṇassāti leṇaṃ ce kataṃ, tassa leṇassāti attho. Tameva puna leṇaṃ pañcahi pakārehi vikappetvā otaraṇānotaraṇavinicchayaṃ dassetuṃ āha ‘‘sace pana heṭṭhā’’tiādi. Tattha ‘‘heṭṭhā’’ti imassa ‘‘leṇaṃ hotī’’ti iminā sambandho. Heṭṭhā leṇañca ekasmiṃ padeseti āha ‘‘anto’’ti, pabbatassa anto, pabbatamūleti attho. Tameva antosaddaṃ sīmāparicchedena visesetuṃ ‘‘uparimassa sīmāparicchedassa pārato’’ti vuttaṃ. Pabbatapādaṃ pana apekkhitvā ‘‘orato’’ti vattabbepi sīmānissayaṃ pabbataggaṃ sandhāya ‘‘pārato’’ti vuttanti daṭṭhabbaṃ. Teneva ‘‘bahi leṇa’’nti ettha bahisaddaṃ visesento ‘‘uparimassasīmāparicchedassa orato’’ti āha. Bahisīmā na otaratīti ettha bahīti pabbatapāde leṇaṃ sandhāya vuttaṃ. Leṇassa ca bahibhūte uparisīmāparicchedassa heṭṭhābhāge sīmā na otaratīti attho. Anto sīmāti leṇassa ca pabbatapādassa ca anto attano otaraṇārahaṭṭhāne na otaratīti attho. ‘‘Bahi sīmā na otarati, anto sīmā na otaratī’’ti cettha attano otaraṇārahaṭṭhāne leṇābhāvena sīmāya sabbathā anotaraṇameva dassitanti gahetabbaṃ. Tattha hi anotarantī upari eva hotīti ayaṃ vimativinodaniyaṃ (vi. vi. ṭī. mahāvagga 2.138) āgato vinicchayo.

    саарад̇т̇ад̣̇ийбанияам̣ (саарад̇т̇а. дий. махааваг̇г̇а 3.138) бана ‘‘анд̇олзн̣ам̣ ход̇ийд̇и баб̣б̣ад̇асса анд̇олзн̣ам̣ ход̇ий’’д̇и зд̇д̇агамзва ааг̇ад̇о. важ̇ираб̣уд̣̇д̇хидийгааяам̣ (важ̇ира. дий. махааваг̇г̇а 138) на ‘‘анд̇олзн̣анд̇и баб̣б̣ад̇асса анд̇олзн̣ам̣. д̣̇ваарам̣ бана санд̇хааяа ‘баарад̇о орад̇о’д̇и вуд̇д̇ам̣, саб̣б̣ат̇ааби сиймад̇о б̣ахилзн̣зна од̇арад̇ийд̇и ад̇хиббааяо’’д̇и ааг̇ад̇о. аяам̣ бана анд̇олзн̣аб̣ахилзн̣авинижчаяо г̇амбхийро д̣̇уд̣̇д̣̇асо д̣̇урануб̣од̇ход̇и аажарияаа вад̣̇анд̇и, д̇ат̇ааби вимад̇ивинод̣̇анияам̣ (ви. ви. дий. махааваг̇г̇а 2.138) ааг̇ад̇ам̣ наяам̣ ниссааяа судту винижчид̇аб̣б̣о вин̃н̃уухийд̇и. б̣ахи бад̇ид̇ам̣ асиймаад̇иаад̣̇инаа убарибаасаад̣̇аад̣̇ийсу ат̇ираниссаязсу тид̇аа сиймааби д̇зсам̣ винаасзна винассад̇ийд̇и д̣̇ассид̇анд̇и д̣̇адтаб̣б̣ам̣.

    Sāratthadīpaniyaṃ (sārattha. ṭī. mahāvagga 3.138) pana ‘‘antoleṇaṃ hotīti pabbatassa antoleṇaṃ hotī’’ti ettakameva āgato. Vajirabuddhiṭīkāyaṃ (vajira. ṭī. mahāvagga 138) na ‘‘antoleṇanti pabbatassa antoleṇaṃ. Dvāraṃ pana sandhāya ‘pārato orato’ti vuttaṃ, sabbathāpi sīmato bahileṇena otaratīti adhippāyo’’ti āgato. Ayaṃ pana antoleṇabahileṇavinicchayo gambhīro duddaso duranubodhoti ācariyā vadanti, tathāpi vimativinodaniyaṃ (vi. vi. ṭī. mahāvagga 2.138) āgataṃ nayaṃ nissāya suṭṭhu vinicchitabbo viññūhīti. Bahi patitaṃ asīmātiādinā uparipāsādādīsu athiranissayesu ṭhitā sīmāpi tesaṃ vināsena vinassatīti dassitanti daṭṭhabbaṃ.

    богкаран̣им̣ кан̣анд̇и, сиймааязваад̇и зд̇т̇а сажз хздтаа уман̇г̇анад̣̇ий сиймаббамаан̣ад̇о ануунаа батамамзва бавад̇д̇аа ход̇и, сиймаа жа бажчаа б̣ад̣̇д̇хаа над̣̇ид̇о убари зва ход̇и, над̣̇им̣ аахажжа богкаран̣ияаа жа кад̇ааяа сиймаа винассад̇ийд̇и д̣̇адтаб̣б̣ам̣. хздтаабат̇авийд̇алзд̇и ананд̇араа бхуумививарз.

    Pokkharaṇiṃ khaṇanti, sīmāyevāti ettha sace heṭṭhā umaṅganadī sīmappamāṇato anūnā paṭhamameva pavattā hoti, sīmā ca pacchā baddhā nadito upari eva hoti, nadiṃ āhacca pokkharaṇiyā ca khatāya sīmā vinassatīti daṭṭhabbaṃ. Heṭṭhāpathavītaleti anantarā bhūmivivare.

    сиймамаал̣агзд̇и кан̣д̣асийман̇г̇ан̣з. вадаругкод̇и ид̣̇ам̣ баарохобад̇т̇амбхзна ад̇ид̣̇уурамби г̇анд̇ум̣ самад̇т̇асаакаасаман̇г̇ид̇ааяа вуд̇д̇ам̣. саб̣б̣аругкалад̇аад̣̇ийнамби самб̣анд̇хо на ваддад̇и зва. д̇знзва нааваараж̇ж̇усзд̇усамб̣анд̇хоби бадигкид̇д̇о. д̇ад̇од̇и д̇ад̇о саакад̇о. махаасиймааяа бат̇авийд̇аланд̇и зд̇т̇а аасаннад̇арамби г̇аамасиймам̣ аг̇г̇ахзд̇ваа б̣ад̣̇д̇хасиймааяа зва г̇ахид̇ад̇д̇аа г̇аамасиймаб̣ад̣̇д̇хасиймаанам̣ ан̃н̃аман̃н̃ам̣ ругкаад̣̇исамб̣анд̇хзби самбхзд̣̇ад̣̇осо над̇т̇и ан̃н̃аман̃н̃ам̣ ниссаяаниссид̇абхаавзна бавад̇д̇ид̇од̇и г̇ахзд̇аб̣б̣ам̣. яад̣̇и хи д̇аасамби самб̣анд̇хад̣̇осо бхавзяяа, гат̇ам̣ г̇аамасиймааяа б̣ад̣̇д̇хасиймаа самманнид̇аб̣б̣аа бхавзяяа? яассаа хи сиймааяа яааяа сиймааяа сад̣̇д̇хим̣ самб̣анд̇хз д̣̇осо бхавзяяа, саа д̇ад̇т̇а б̣анд̇хид̇умзва на ваддад̇и б̣ад̣̇д̇хасиймауд̣̇агугкзбасиймаасу б̣ад̣̇д̇хасиймаа вияа, ад̇д̇ано аниссаяабхууд̇аг̇аамасиймаад̣̇ийсу уд̣̇агугкзбасиймаа вияа жа, д̇знзва ‘‘сажз бана ругкасса саакаа ваад̇ад̇о нигканд̇абаарохо ваа б̣ахинад̣̇ийд̇ийрз вихаарасиймааяа ваа г̇аамасиймааяа ваа бад̇идтид̇о’’д̇иаад̣̇инаа уд̣̇агугкзбасиймааяа ад̇д̇ано аниссаяабхууд̇аг̇аамасиймаад̣̇ийхи зва самб̣анд̇хад̣̇осо д̣̇ассид̇о, на над̣̇ийсиймааяа , звамид̇хаабийд̇и д̣̇адтаб̣б̣ам̣. аяан̃жад̇т̇о убари баагадо бхависсад̇и. аахажжаад̇и пусид̇ваа.

    Sīmamāḷaketi khaṇḍasīmaṅgaṇe. Vaṭarukkhoti idaṃ pārohopatthambhena atidūrampi gantuṃ samatthasākhāsamaṅgitāya vuttaṃ. Sabbarukkhalatādīnampi sambandho na vaṭṭati eva. Teneva nāvārajjusetusambandhopi paṭikkhitto. Tatoti tato sākhato. Mahāsīmāya pathavītalanti ettha āsannatarampi gāmasīmaṃ aggahetvā baddhasīmāya eva gahitattā gāmasīmabaddhasīmānaṃ aññamaññaṃ rukkhādisambandhepi sambhedadoso natthi aññamaññaṃ nissayanissitabhāvena pavattitoti gahetabbaṃ. Yadi hi tāsampi sambandhadoso bhaveyya, kathaṃ gāmasīmāya baddhasīmā sammannitabbā bhaveyya? Yassā hi sīmāya yāya sīmāya saddhiṃ sambandhe doso bhaveyya, sā tattha bandhitumeva na vaṭṭati baddhasīmaudakukkhepasīmāsu baddhasīmā viya, attano anissayabhūtagāmasīmādīsu udakukkhepasīmā viya ca, teneva ‘‘sace pana rukkhassa sākhā vātato nikkhantapāroho vā bahinadītīre vihārasīmāya vā gāmasīmāya vā patiṭṭhito’’tiādinā udakukkhepasīmāya attano anissayabhūtagāmasīmādīhi eva sambandhadoso dassito, na nadīsīmāya , evamidhāpīti daṭṭhabbaṃ. Ayañcattho upari pākaṭo bhavissati. Āhaccāti phusitvā.

    махаасиймам̣ ваа сод̇хзд̇ваад̇и махаасиймаг̇ад̇аанам̣ саб̣б̣зсам̣ бхигкуунам̣ хад̇т̇абаасаанаяаначанд̣̇аахаран̣аад̣̇ивасзна сагалам̣ махаасиймам̣ сод̇хзд̇ваа. зд̇зна саб̣б̣авибад̇д̇ияо можзд̇ваа буб̣б̣з судту б̣ад̣̇д̇хаанамби д̣̇виннам̣ б̣ад̣̇д̇хасиймаанам̣ бажчаа ругкаад̣̇исамб̣анд̇хзна уббаж̇ж̇анад̇о ийд̣̇исо баал̣имуд̇д̇аго самб̣анд̇хад̣̇осо ад̇т̇ийд̇и д̣̇ассзд̇и, со жа ‘‘на, бхигкавз, сиймааяа сиймаа самбхинд̣̇ид̇аб̣б̣аа’’д̇иаад̣̇инаа б̣ад̣̇д̇хасиймаанам̣ ан̃н̃аман̃н̃ам̣ самбхзд̣̇аж̇жход̇т̇аран̣ам̣ бадигкибид̇ваа ‘‘ануж̇аанаами бхигкавз сиймам̣ самманнанд̇зна сийманд̇аригам̣ табзд̇ваа сиймам̣ самманнид̇у’’нд̇и (махаава. 148) убхиннам̣ б̣ад̣̇д̇хасиймаанам̣ анд̇араа сийманд̇аригам̣ табзд̇ваа б̣анд̇хид̇ум̣ ануж̇аананзна самбхзд̣̇аж̇жход̇т̇аран̣з вияа д̇аасам̣ ан̃н̃аман̃н̃ам̣ пусид̇ваа д̇идтанавасзна б̣анд̇ханамби на ваддад̇ийд̇и сид̣̇д̇хад̇д̇аа б̣ад̣̇д̇хаанамби д̇аасам̣ бажчаа ан̃н̃аман̃н̃ам̣ згаругкаад̣̇ийхи пусид̇ваа таанамби на ваддад̇ийд̇и бхаг̇авад̇о ад̇хиббааяан̃н̃уухи сан̇г̇ийд̇игаарагзхи нид̣̇д̇хаарид̇о б̣анд̇ханагаалз бадигкид̇д̇асса самб̣анд̇хад̣̇осасса ануломзна агаббияаануломад̇д̇аа. аяам̣ бана самб̣анд̇хад̣̇осо буб̣б̣з судту б̣ад̣̇д̇хаанам̣ бажчаа сан̃ж̇аад̇ад̇д̇аа б̣аж̇жхамаанагкан̣з вияа асиймад̇д̇ам̣ гаад̇ум̣ на саггод̇и, д̇асмаа ругкаад̣̇исамб̣анд̇хз абанийд̇амад̇д̇з д̇аа сиймаа баагад̇игаа хонд̇и. яат̇аа жааяам̣ бажчаа на ваддад̇и, звам̣ б̣аж̇жхамаанагкан̣зби д̇аасам̣ ругкаад̣̇исамб̣анд̇хз сад̇и д̇аа б̣анд̇хид̇ум̣ на ваддад̇ийд̇и д̣̇адтаб̣б̣ам̣.

    Mahāsīmaṃ vā sodhetvāti mahāsīmagatānaṃ sabbesaṃ bhikkhūnaṃ hatthapāsānayanachandāharaṇādivasena sakalaṃ mahāsīmaṃ sodhetvā. Etena sabbavipattiyo mocetvā pubbe suṭṭhu baddhānampi dvinnaṃ baddhasīmānaṃ pacchā rukkhādisambandhena uppajjanato īdiso pāḷimuttako sambandhadoso atthīti dasseti, so ca ‘‘na, bhikkhave, sīmāya sīmā sambhinditabbā’’tiādinā baddhasīmānaṃ aññamaññaṃ sambhedajjhottharaṇaṃ paṭikkhipitvā ‘‘anujānāmi bhikkhave sīmaṃ sammannantena sīmantarikaṃ ṭhapetvā sīmaṃ sammannitu’’nti (mahāva. 148) ubhinnaṃ baddhasīmānaṃ antarā sīmantarikaṃ ṭhapetvā bandhituṃ anujānanena sambhedajjhottharaṇe viya tāsaṃ aññamaññaṃ phusitvā tiṭṭhanavasena bandhanampi na vaṭṭatīti siddhattā baddhānampi tāsaṃ pacchā aññamaññaṃ ekarukkhādīhi phusitvā ṭhānampi na vaṭṭatīti bhagavato adhippāyaññūhi saṅgītikārakehi niddhārito bandhanakāle paṭikkhittassa sambandhadosassa anulomena akappiyānulomattā. Ayaṃ pana sambandhadoso pubbe suṭṭhu baddhānaṃ pacchā sañjātattā bajjhamānakkhaṇe viya asīmattaṃ kātuṃ na sakkoti, tasmā rukkhādisambandhe apanītamatte tā sīmā pākatikā honti. Yathā cāyaṃ pacchā na vaṭṭati, evaṃ bajjhamānakkhaṇepi tāsaṃ rukkhādisambandhe sati tā bandhituṃ na vaṭṭatīti daṭṭhabbaṃ.

    гзжи бана махаасиймам̣ ваа сод̇хзд̇ваад̇и зд̇т̇а ‘‘махаасиймаг̇ад̇аа бхигкуу яат̇аа д̇ам̣ саакам̣ ваа баарохам̣ ваа гааяагааяабадиб̣ад̣̇д̇хзхи на пусанд̇и, звам̣ сод̇ханамзва ид̇хаад̇хиббзд̇ам̣, на сагаласиймаасод̇хана’’нд̇и вад̣̇анд̇и, д̇ам̣ на яуд̇д̇ам̣ адтагат̇ааяа вируж̇жханад̇о. д̇ат̇аа хи ‘‘махаасиймааяа бат̇авийд̇алам̣ ваа д̇ад̇т̇аж̇аад̇агаругкаад̣̇ийни ваа аахажжа д̇идтад̇ий’’д̇и звам̣ саакаабаарохаанам̣ махаасиймам̣ пусид̇ваа таанамзва самб̣анд̇хад̣̇осз гааран̣ад̇д̇зна вуд̇д̇ам̣, на бана д̇ад̇т̇а тид̇абхигкуухи саакаад̣̇ийнам̣ пусанам̣. яад̣̇и хи бхигкуунам̣ саакаад̣̇им̣ пусид̇ваа таанамзва гааран̣ам̣ сияаа, ‘‘д̇асса саакам̣ ваа д̇ад̇о ниг̇г̇ад̇абаарохам̣ ваа махаасиймааяа бавидтам̣ д̇ад̇радто гожи бхигку пусид̇ваа д̇идтад̇ий’’д̇и бхигкупусанамзва вад̇д̇аб̣б̣ам̣ сияаа. яан̃хи д̇ад̇т̇а махаасиймаасод̇ханз гааран̣ам̣, д̇ад̣̇зва д̇асмим̣ ваагяз бад̇хаанад̇о д̣̇ассзд̇аб̣б̣ам̣. на хи аахажжадтид̇амзва саакаад̣̇им̣ пусид̇ваа тид̇о бхигку сод̇хзд̇аб̣б̣о аагаасадтасаакаад̣̇им̣ пусид̇ваа тид̇абхигкуссаби сод̇хзд̇аб̣б̣ад̇о, гим̣ нирад̇т̇агзна аахажжадтаанаважанзна, аагаасадтасаакаасу жа бхигкупусанамзва гааран̣ад̇д̇зна вуд̇д̇ам̣ , сод̇ханан̃жа д̇ассзва бхигкусса хад̇т̇абаасаанаяанаад̣̇ивасзна сод̇ханам̣ вуд̇д̇ам̣. ид̇ха бана ‘‘махаасиймам̣ сод̇хзд̇ваа’’д̇и сагаласиймаасаад̇хааран̣аважанзна сод̇ханам̣ вуд̇д̇ам̣, аби жа саакаад̣̇им̣ пусид̇ваа тид̇абхигкумад̇д̇асод̇ханз абхимад̇з ‘‘махаасиймааяа бат̇авийд̇ала’’нд̇и висзсасиймобаад̣̇аанам̣ нирад̇т̇агам̣ сияаа яад̇т̇а гад̇т̇ажи анд̇амасо аагаасзби тад̇ваа саакаад̣̇им̣ пусид̇ваа тид̇асса сод̇хзд̇аб̣б̣ад̇о.

    Keci pana mahāsīmaṃ vā sodhetvāti ettha ‘‘mahāsīmagatā bhikkhū yathā taṃ sākhaṃ vā pārohaṃ vā kāyakāyapaṭibaddhehi na phusanti, evaṃ sodhanameva idhādhippetaṃ, na sakalasīmāsodhana’’nti vadanti, taṃ na yuttaṃ aṭṭhakathāya virujjhanato. Tathā hi ‘‘mahāsīmāya pathavītalaṃ vā tatthajātakarukkhādīni vā āhacca tiṭṭhatī’’ti evaṃ sākhāpārohānaṃ mahāsīmaṃ phusitvā ṭhānameva sambandhadose kāraṇattena vuttaṃ, na pana tattha ṭhitabhikkhūhi sākhādīnaṃ phusanaṃ. Yadi hi bhikkhūnaṃ sākhādiṃ phusitvā ṭhānameva kāraṇaṃ siyā, ‘‘tassa sākhaṃ vā tato niggatapārohaṃ vā mahāsīmāya paviṭṭhaṃ tatraṭṭho koci bhikkhu phusitvā tiṭṭhatī’’ti bhikkhuphusanameva vattabbaṃ siyā. Yañhi tattha mahāsīmāsodhane kāraṇaṃ, tadeva tasmiṃ vākye padhānato dassetabbaṃ. Na hi āhaccaṭṭhitameva sākhādiṃ phusitvā ṭhito bhikkhu sodhetabbo ākāsaṭṭhasākhādiṃ phusitvā ṭhitabhikkhussapi sodhetabbato, kiṃ niratthakena āhaccaṭṭhānavacanena, ākāsaṭṭhasākhāsu ca bhikkhuphusanameva kāraṇattena vuttaṃ , sodhanañca tasseva bhikkhussa hatthapāsānayanādivasena sodhanaṃ vuttaṃ. Idha pana ‘‘mahāsīmaṃ sodhetvā’’ti sakalasīmāsādhāraṇavacanena sodhanaṃ vuttaṃ, api ca sākhādiṃ phusitvā ṭhitabhikkhumattasodhane abhimate ‘‘mahāsīmāya pathavītala’’nti visesasīmopādānaṃ niratthakaṃ siyā yattha katthaci antamaso ākāsepi ṭhatvā sākhādiṃ phusitvā ṭhitassa sodhetabbato.

    чинд̣̇ид̇ваа б̣ахидтагаа гаад̇аб̣б̣аад̇и д̇ад̇т̇а бад̇идтид̇абхаававияож̇анаважанад̇о жа висабхааг̇асиймаанам̣ пусанзнзва сагаласиймаасод̇ханахзд̇уго адтагат̇аасид̣̇д̇хояам̣ зго самб̣анд̇хад̣̇осо ад̇т̇зваад̇и г̇ахзд̇аб̣б̣о. д̇знзва уд̣̇агугкзбасиймаагат̇ааяамби (махаава. адта. 147) ‘‘вихаарасиймааяа ваа г̇аамасиймааяа ваа бад̇идтид̇о’’д̇и жа ‘‘над̣̇ийд̇ийрз бана каан̣угам̣ годдзд̇ваа д̇ад̇т̇а б̣ад̣̇д̇ханаавааяа ваа на ваддад̇ий’’д̇и жа ‘‘сажз бана сзд̇у ваа сзд̇убаад̣̇аа ваа б̣ахид̇ийрз бад̇идтид̇аа, гаммам̣ гаад̇ум̣ на ваддад̇ий’’д̇и жа звам̣ висабхааг̇аасу г̇аамасиймаасу саакаад̣̇ийнам̣ пусанамзва сан̇гарад̣̇осагааран̣ад̇д̇зна вуд̇д̇ам̣, на бхигкупусанам̣. д̇ат̇аа хи ‘‘анд̇онад̣̇ияам̣ ж̇аад̇аругкз б̣анд̇хид̇ваа гаммам̣ гаад̇аб̣б̣а’’нд̇и над̣̇ияам̣ наавааб̣анд̇ханам̣ анун̃н̃аад̇ам̣ уд̣̇агугкзбаниссаяад̇д̇зна над̣̇ийсиймааяа сабхааг̇ад̇д̇аа. яад̣̇и хи бхигкуунам̣ пусанамзва бадижжа саб̣б̣ад̇т̇а самб̣анд̇хад̣̇осо вуд̇д̇о сияаа, над̣̇ияамби б̣анд̇ханам̣ бадигкибид̇аб̣б̣ам̣ бхавзяяа. д̇ад̇т̇ааби хи бхигкупусанам̣ гаммагобагааран̣ам̣ ход̇и, д̇асмаа сабхааг̇асиймаасу бависид̇ваа бхуумиаад̣̇им̣ пусид̇ваа, апусид̇ваа ваа саакаад̣̇имхи тид̇з д̇ам̣ саакаад̣̇им̣ пусанд̇ова бхигку сод̇хзд̇аб̣б̣о. висабхааг̇асиймаасу бана саакаад̣̇имхи пусид̇ваа тид̇з д̇ам̣ саакаад̣̇им̣ апусанд̇ааби саб̣б̣з бхигкуу сод̇хзд̇аб̣б̣аа, апусид̇ваа тид̇з бана д̇ам̣ саакаад̣̇им̣ пусанд̇аава бхигкуу сод̇хзд̇аб̣б̣аад̇и нидтамзд̇т̇а г̇анд̇аб̣б̣ам̣.

    Chinditvā bahiṭṭhakā kātabbāti tattha patiṭṭhitabhāvaviyojanavacanato ca visabhāgasīmānaṃ phusaneneva sakalasīmāsodhanahetuko aṭṭhakathāsiddhoyaṃ eko sambandhadoso atthevāti gahetabbo. Teneva udakukkhepasīmākathāyampi (mahāva. aṭṭha. 147) ‘‘vihārasīmāya vā gāmasīmāya vā patiṭṭhito’’ti ca ‘‘nadītīre pana khāṇukaṃ koṭṭetvā tattha baddhanāvāya vā na vaṭṭatī’’ti ca ‘‘sace pana setu vā setupādā vā bahitīre patiṭṭhitā, kammaṃ kātuṃ na vaṭṭatī’’ti ca evaṃ visabhāgāsu gāmasīmāsu sākhādīnaṃ phusanameva saṅkaradosakāraṇattena vuttaṃ, na bhikkhuphusanaṃ. Tathā hi ‘‘antonadiyaṃ jātarukkhe bandhitvā kammaṃ kātabba’’nti nadiyaṃ nāvābandhanaṃ anuññātaṃ udakukkhepanissayattena nadīsīmāya sabhāgattā. Yadi hi bhikkhūnaṃ phusanameva paṭicca sabbattha sambandhadoso vutto siyā, nadiyampi bandhanaṃ paṭikkhipitabbaṃ bhaveyya. Tatthāpi hi bhikkhuphusanaṃ kammakopakāraṇaṃ hoti, tasmā sabhāgasīmāsu pavisitvā bhūmiādiṃ phusitvā, aphusitvā vā sākhādimhi ṭhite taṃ sākhādiṃ phusantova bhikkhu sodhetabbo. Visabhāgasīmāsu pana sākhādimhi phusitvā ṭhite taṃ sākhādiṃ aphusantāpi sabbe bhikkhū sodhetabbā, aphusitvā ṭhite pana taṃ sākhādiṃ phusantāva bhikkhū sodhetabbāti niṭṭhamettha gantabbaṃ.

    яам̣ банзд̇т̇а гзжи ‘‘б̣ад̣̇д̇хасиймаанам̣ д̣̇виннам̣ ан̃н̃аман̃н̃ам̣ вияа б̣ад̣̇д̇хасиймаг̇аамасиймаанамби д̇ад̣̇ан̃н̃аасамби саб̣б̣аасам̣ самаанасам̣ваасагасиймаанам̣ ан̃н̃аман̃н̃ам̣ ругкаад̣̇исамб̣анд̇хз сад̇и д̇ад̣̇убхаяамби згасиймам̣ вияа сод̇хзд̇ваа згад̇т̇зва гаммам̣ гаад̇аб̣б̣ам̣, ан̃н̃ат̇аа гад̇ам̣ гаммам̣ вибаж̇ж̇ад̇и, над̇т̇зд̇т̇а сабхааг̇ависабхааг̇абхзд̣̇о’’д̇и вад̣̇анд̇и, д̇ам̣ д̇зсам̣ мад̇имад̇д̇ам̣ сабхааг̇асиймаанам̣ ан̃н̃аман̃н̃ам̣ самб̣анд̇хад̣̇осаабхаавасса висабхааг̇асиймаанамзва д̇аб̣бхаавасса суд̇д̇асуд̇д̇аануломаад̣̇ивинаяанаязхи сид̣̇д̇хад̇д̇аа. д̇ат̇аа хи ‘‘ануж̇аанаами, бхигкавз, сиймам̣ самманнид̇у’’нд̇и (махаава. 138) г̇аамасиймааяамзва б̣ад̣̇д̇хасиймам̣ самманнид̇ум̣ анун̃н̃аад̇ад̇д̇аа д̇аасам̣ ниссаяаниссид̇абхаавзна сабхааг̇ад̇аа, самбхзд̣̇аж̇жход̇т̇аран̣ад̣̇осаабхааво жа суд̇д̇ад̇ова сид̣̇д̇хо. б̣анд̇ханагаалз бана анун̃н̃аад̇асса самб̣анд̇хасса ануломад̇о бажчаа сан̃ж̇аад̇аругкаад̣̇исамб̣анд̇хоби д̇аасам̣ ваддад̇и зва. ‘‘яам̣, бхигкавз…бз… габбияам̣ ануломзд̇и, агаббияам̣ бадиб̣аахад̇и, д̇ам̣ во габбад̇ий’’д̇и (махаава. 305) вуд̇д̇ад̇д̇аа звам̣ д̇аава г̇аамаб̣ад̣̇д̇хасиймаанам̣ ан̃н̃аман̃н̃ам̣ сабхааг̇ад̇аа, самбхзд̣̇аад̣̇ид̣̇осаабхааво жа суд̇д̇асуд̇д̇аануломад̇о сид̣̇д̇хо, иминаа зва наязна аран̃н̃асиймасад̇д̇аб̣бханд̇арасиймаанам̣ над̣̇ийаад̣̇исиймауд̣̇агугкзбасиймаанан̃жа суд̇д̇асуд̇д̇аануломад̇о ан̃н̃аман̃н̃ам̣ сабхааг̇ад̇аа, самбхзд̣̇аад̣̇ид̣̇осаабхааво жа сид̣̇д̇ход̇и взд̣̇ид̇аб̣б̣о.

    Yaṃ panettha keci ‘‘baddhasīmānaṃ dvinnaṃ aññamaññaṃ viya baddhasīmagāmasīmānampi tadaññāsampi sabbāsaṃ samānasaṃvāsakasīmānaṃ aññamaññaṃ rukkhādisambandhe sati tadubhayampi ekasīmaṃ viya sodhetvā ekattheva kammaṃ kātabbaṃ, aññathā kataṃ kammaṃ vipajjati, natthettha sabhāgavisabhāgabhedo’’ti vadanti, taṃ tesaṃ matimattaṃ sabhāgasīmānaṃ aññamaññaṃ sambandhadosābhāvassa visabhāgasīmānameva tabbhāvassa suttasuttānulomādivinayanayehi siddhattā. Tathā hi ‘‘anujānāmi, bhikkhave, sīmaṃ sammannitu’’nti (mahāva. 138) gāmasīmāyameva baddhasīmaṃ sammannituṃ anuññātattā tāsaṃ nissayanissitabhāvena sabhāgatā, sambhedajjhottharaṇadosābhāvo ca suttatova siddho. Bandhanakāle pana anuññātassa sambandhassa anulomato pacchā sañjātarukkhādisambandhopi tāsaṃ vaṭṭati eva. ‘‘Yaṃ, bhikkhave…pe… kappiyaṃ anulometi, akappiyaṃ paṭibāhati, taṃ vo kappatī’’ti (mahāva. 305) vuttattā evaṃ tāva gāmabaddhasīmānaṃ aññamaññaṃ sabhāgatā, sambhedādidosābhāvo ca suttasuttānulomato siddho, iminā eva nayena araññasīmasattabbhantarasīmānaṃ nadīādisīmaudakukkhepasīmānañca suttasuttānulomato aññamaññaṃ sabhāgatā, sambhedādidosābhāvo ca siddhoti veditabbo.

    б̣ад̣̇д̇хасиймааяа бана ан̃н̃ааяа б̣ад̣̇д̇хасиймааяа над̣̇ийаад̣̇исиймаасу жа б̣анд̇хид̇ум̣ бадигкзбасид̣̇д̇хид̇о жзва уд̣̇агугкзбасад̇д̇аб̣бханд̇арасиймаанам̣ над̣̇ийаад̣̇ийсу зва гаад̇ум̣ нияаманасуд̇д̇асаамад̇т̇иязна б̣ад̣̇д̇хасиймаг̇аамасиймаасу гаран̣абадигкзбасид̣̇д̇хо жа д̇аасам̣ ан̃н̃аман̃н̃асабхааг̇ад̇аа уббад̇д̇игкан̣з бажчаа жа ругкаад̣̇ийхи самбхзд̣̇аад̣̇ид̣̇осасамбхаво жа вуд̇д̇анаязна суд̇д̇асуд̇д̇аануломад̇ова сиж̇жханд̇и. д̇знзва адтагат̇ааяам̣ висабхааг̇асиймаанамзва вадаругкаад̣̇иважанзхи самб̣анд̇хад̣̇осам̣ д̣̇ассзд̇ваа сабхааг̇аанам̣ б̣ад̣̇д̇хасиймаг̇аамасиймаад̣̇ийнам̣ самб̣анд̇хад̣̇осо на д̣̇ассид̇о. на гзвалан̃жа на д̣̇ассид̇о, ат̇а ко д̇аасам̣ сабхааг̇асиймаанам̣ ругкаад̣̇исамб̣анд̇хзби д̣̇осаабхаавоби баал̣иадтагат̇аасу н̃аабид̇о зва. д̇ат̇аа хи баал̣ияам̣ (махаава. 138) ‘‘баб̣б̣ад̇анимид̇д̇ам̣ баасаан̣анимид̇д̇ам̣ вананимид̇д̇ам̣ ругканимид̇д̇а’’нд̇иаад̣̇инаа вад̣дханаганимид̇д̇аани анун̃н̃аад̇аани, д̇зна нзсам̣ ругкаад̣̇инимид̇д̇аанам̣ вад̣дханз б̣ад̣̇д̇хасиймаг̇аамасиймаанам̣ сан̇гарад̣̇осаабхааво н̃аабид̇ова ход̇и, д̣̇виннам̣ бана б̣ад̣̇д̇хасиймаанам̣ ийд̣̇исо самб̣анд̇хо на ваддад̇и. вуд̇д̇ан̃хи ‘‘згаругкоби д̣̇виннам̣ сиймаанам̣ нимид̇д̇ам̣ ход̇и, со бана вад̣дханд̇о сиймасан̇гарам̣ гарод̇и, д̇асмаа на гаад̇аб̣б̣о’’д̇и. ‘‘ануж̇аанаами, бхигкавз, д̇ияож̇анабарамам̣ сиймам̣ б̣анд̇хид̇у’’нд̇и (махаава. 140) важанад̇оби жааяам̣ н̃аабид̇о. д̇ияож̇анабарамааяа хи сиймааяа саманд̇аа барияанд̇зсу ругкалад̇ааг̇умб̣аад̣̇ийхи б̣ад̣̇д̇хаг̇аамасиймаанам̣ нияамзна ан̃н̃аман̃н̃ам̣ самб̣анд̇хасса самбхавад̇о ‘‘ийд̣̇исам̣ самб̣анд̇хам̣ винаасзд̇ваава сиймаа самманнид̇аб̣б̣аа’’д̇и адтагат̇ааяамби на вуд̇д̇ам̣.

    Baddhasīmāya pana aññāya baddhasīmāya nadīādisīmāsu ca bandhituṃ paṭikkhepasiddhito ceva udakukkhepasattabbhantarasīmānaṃ nadīādīsu eva kātuṃ niyamanasuttasāmatthiyena baddhasīmagāmasīmāsu karaṇapaṭikkhepasiddho ca tāsaṃ aññamaññasabhāgatā uppattikkhaṇe pacchā ca rukkhādīhi sambhedādidosasambhavo ca vuttanayena suttasuttānulomatova sijjhanti. Teneva aṭṭhakathāyaṃ visabhāgasīmānameva vaṭarukkhādivacanehi sambandhadosaṃ dassetvā sabhāgānaṃ baddhasīmagāmasīmādīnaṃ sambandhadoso na dassito. Na kevalañca na dassito, atha kho tāsaṃ sabhāgasīmānaṃ rukkhādisambandhepi dosābhāvopi pāḷiaṭṭhakathāsu ñāpito eva. Tathā hi pāḷiyaṃ (mahāva. 138) ‘‘pabbatanimittaṃ pāsāṇanimittaṃ vananimittaṃ rukkhanimitta’’ntiādinā vaḍḍhanakanimittāni anuññātāni, tena nesaṃ rukkhādinimittānaṃ vaḍḍhane baddhasīmagāmasīmānaṃ saṅkaradosābhāvo ñāpitova hoti, dvinnaṃ pana baddhasīmānaṃ īdiso sambandho na vaṭṭati. Vuttañhi ‘‘ekarukkhopi dvinnaṃ sīmānaṃ nimittaṃ hoti, so pana vaḍḍhanto sīmasaṅkaraṃ karoti, tasmā na kātabbo’’ti. ‘‘Anujānāmi, bhikkhave, tiyojanaparamaṃ sīmaṃ bandhitu’’nti (mahāva. 140) vacanatopi cāyaṃ ñāpito. Tiyojanaparamāya hi sīmāya samantā pariyantesu rukkhalatāgumbādīhi baddhagāmasīmānaṃ niyamena aññamaññaṃ sambandhassa sambhavato ‘‘īdisaṃ sambandhaṃ vināsetvāva sīmā sammannitabbā’’ti aṭṭhakathāyampi na vuttaṃ.

    яад̣̇и жзд̇т̇а ругкаад̣̇исамб̣анд̇хзна гаммавибад̇д̇и бхавзяяа, авассамзва вад̇д̇аб̣б̣ам̣ сияаа. вибад̇д̇ибарихаарад̇т̇ан̃хи аажарияаа нираасан̇гадтаанзсуби ‘‘бхид̇д̇им̣ агид̇д̇зд̇ваа’’д̇иаад̣̇инаа сид̣̇д̇хамзвад̇т̇ам̣ бунаббунам̣ авожум̣, ид̇ха бана ‘‘ванамаж̇жхз вихаарам̣ гаронд̇и, ванам̣ на гид̇д̇зд̇аб̣б̣а’’нд̇иаад̣̇инаа ругкалад̇аад̣̇ийхи ниранд̇арз ванамаж̇жхзби сиймааб̣анд̇ханамавожум̣. д̇ат̇аа т̇амбхаанам̣ убари гад̇абаасаад̣̇аад̣̇ийсу хздтаа т̇амбхаад̣̇ийхи згааб̣ад̣̇д̇хзсу убаримад̇алаад̣̇ийсу сиймааб̣анд̇ханам̣ б̣ахуд̇хаа вуд̇д̇ам̣, д̇асмаа б̣ад̣̇д̇хасиймаг̇аамасиймаанам̣ ругкаад̣̇исамб̣анд̇хо д̇зхи мукад̇ова вихид̇о, абижа г̇аамасиймаанамби баадзггам̣ б̣ад̣̇д̇хасиймаасад̣̇исад̇ааяа згааяа г̇аамасиймааяа гаммам̣ гаронд̇зхи д̣̇аб̣б̣ад̇ин̣амад̇д̇знаби самб̣анд̇хаа г̇ааманд̇арабарамбараа аран̃н̃анад̣̇ийсамуд̣̇д̣̇аа жа сод̇хзд̇аб̣б̣аад̇и сагалам̣ д̣̇ийбам̣ сод̇хзд̇ваава гаад̇аб̣б̣ам̣ сияаа. звам̣ бана асод̇хзд̇ваа батамамахаасан̇г̇ийд̇игаалад̇о бабхуд̇и гад̇аанам̣ убасамбад̣̇аад̣̇игаммаанам̣ сиймаасаммуд̇ийнан̃жа вибаж̇ж̇анад̇о саб̣б̣зсамби бхигкуунам̣ анубасамбаннасан̇гаабасан̇г̇о жа д̣̇уннивааро ход̇и, на жзд̇ам̣ яуд̇д̇ам̣, д̇асмаа вуд̇д̇анаязна висабхааг̇асиймаанамзва ругкаад̣̇исамб̣анд̇хад̣̇осо, на б̣ад̣̇д̇хасиймаг̇аамасиймаад̣̇ийнам̣ сабхааг̇асиймаананд̇и г̇ахзд̇аб̣б̣ам̣.

    Yadi cettha rukkhādisambandhena kammavipatti bhaveyya, avassameva vattabbaṃ siyā. Vipattiparihāratthañhi ācariyā nirāsaṅkaṭṭhānesupi ‘‘bhittiṃ akittetvā’’tiādinā siddhamevatthaṃ punappunaṃ avocuṃ, idha pana ‘‘vanamajjhe vihāraṃ karonti, vanaṃ na kittetabba’’ntiādinā rukkhalatādīhi nirantare vanamajjhepi sīmābandhanamavocuṃ. Tathā thambhānaṃ upari katapāsādādīsu heṭṭhā thambhādīhi ekābaddhesu uparimatalādīsu sīmābandhanaṃ bahudhā vuttaṃ, tasmā baddhasīmagāmasīmānaṃ rukkhādisambandho tehi mukhatova vihito, apica gāmasīmānampi pāṭekkaṃ baddhasīmāsadisatāya ekāya gāmasīmāya kammaṃ karontehi dabbatiṇamattenapi sambandhā gāmantaraparamparā araññanadīsamuddā ca sodhetabbāti sakalaṃ dīpaṃ sodhetvāva kātabbaṃ siyā. Evaṃ pana asodhetvā paṭhamamahāsaṅgītikālato pabhuti katānaṃ upasampadādikammānaṃ sīmāsammutīnañca vipajjanato sabbesampi bhikkhūnaṃ anupasampannasaṅkāpasaṅgo ca dunnivāro hoti, na cetaṃ yuttaṃ, tasmā vuttanayena visabhāgasīmānameva rukkhādisambandhadoso, na baddhasīmagāmasīmādīnaṃ sabhāgasīmānanti gahetabbaṃ.

    махаасиймаасод̇ханасса д̣̇уггарад̇ааяа кан̣д̣асиймааяамзва язбхуяязна сан̇гхагаммагаран̣анд̇и ааха ‘‘сиймамаал̣агз’’д̇иаад̣̇и. махаасан̇гхасаннибаад̇зсу бана кан̣д̣асиймааяа аббахонагад̇ааяа махаасиймааяа гаммз гарияамаанзби аяам̣ наяо г̇ахзд̇аб̣б̣ова. угкибаабзд̇ваад̇и иминаа гааяабадиб̣ад̣̇д̇хзна сиймам̣ пусанд̇оби сиймадтова ход̇ийд̇и д̣̇ассзд̇и. буриманаязбийд̇и кан̣д̣асиймад̇о махаасиймам̣ бавидтасаакаанаязби. сиймадтаругкасаакааяа нисинно сиймадтова ход̇ийд̇и ааха ‘хад̇т̇абаасамзва аанзд̇аб̣б̣о’’д̇и. зд̇т̇а жа ‘‘ругкасаакаад̣̇ийхи ан̃н̃аман̃н̃асамб̣анд̇хаасу зд̇аасу кан̣д̣асиймааяа д̇аяо бхигкуу, махаасиймааяа д̣̇взд̇и звам̣ д̣̇вийсу сиймаасу сийманд̇аригам̣ апусид̇ваа, хад̇т̇абаасан̃жа авиж̇ахид̇ваа тид̇зхи бан̃жахи бхигкуухи убасамбад̣̇аад̣̇и гаммам̣ гаад̇ум̣ ваддад̇ий’’д̇и гзжи вад̣̇анд̇и, д̇ам̣ на яуд̇д̇ам̣ ‘‘наанаасиймааяам̣ тид̇ажад̇уд̇т̇о гаммам̣ гарзяяа, агаммам̣ на жа гаран̣ийяа’’нд̇иаад̣̇иважанад̇о (махаава. 389). д̇знзвзд̇т̇ааби махаасиймам̣ сод̇хзд̇ваа маал̣агасиймааяамзва гаммагаран̣ам̣ вихид̇ам̣. ан̃н̃ат̇аа бхиннасиймадтад̇ааяа д̇ад̇радтасса г̇ан̣абуурагад̇д̇аабхааваа гаммагобова ход̇ийд̇и.

    Mahāsīmāsodhanassa dukkaratāya khaṇḍasīmāyameva yebhuyyena saṅghakammakaraṇanti āha ‘‘sīmamāḷake’’tiādi. Mahāsaṅghasannipātesu pana khaṇḍasīmāya appahonakatāya mahāsīmāya kamme kariyamānepi ayaṃ nayo gahetabbova. Ukkhipāpetvāti iminā kāyapaṭibaddhena sīmaṃ phusantopi sīmaṭṭhova hotīti dasseti. Purimanayepīti khaṇḍasīmato mahāsīmaṃ paviṭṭhasākhānayepi. Sīmaṭṭharukkhasākhāya nisinno sīmaṭṭhova hotīti āha ‘hatthapāsameva ānetabbo’’ti. Ettha ca ‘‘rukkhasākhādīhi aññamaññasambandhāsu etāsu khaṇḍasīmāya tayo bhikkhū, mahāsīmāya dveti evaṃ dvīsu sīmāsu sīmantarikaṃ aphusitvā, hatthapāsañca avijahitvā ṭhitehi pañcahi bhikkhūhi upasampadādi kammaṃ kātuṃ vaṭṭatī’’ti keci vadanti, taṃ na yuttaṃ ‘‘nānāsīmāyaṃ ṭhitacatuttho kammaṃ kareyya, akammaṃ na ca karaṇīya’’ntiādivacanato (mahāva. 389). Tenevetthāpi mahāsīmaṃ sodhetvā māḷakasīmāyameva kammakaraṇaṃ vihitaṃ. Aññathā bhinnasīmaṭṭhatāya tatraṭṭhassa gaṇapūrakattābhāvā kammakopova hotīti.

    яад̣̇и звам̣ гат̇ам̣ чанд̣̇абаарисуд̣̇д̇хиаахаран̣авасзна махаасиймаасод̇хананд̇и? д̇амби винаяан̃н̃уу на ижчанд̇и, хад̇т̇абаасаанаяанаб̣ахисиймагаран̣авасзна банзд̇т̇а сод̇ханам̣ ижчанд̇и, д̣̇иннассаби чанд̣̇асса анааг̇аманзна махаасиймадто гаммам̣ гобзд̇ийд̇и. яад̣̇и жасса чанд̣̇аад̣̇и нааг̇ажчад̇и, гат̇ам̣ со гаммам̣ гобзссад̇ийд̇и? д̣̇виннам̣ висабхааг̇асиймаанам̣ самб̣анд̇хад̣̇осад̇о, со жа самб̣анд̇хад̣̇осо адтагат̇ааважанаббамаан̣ад̇о. на хи винаяз саб̣б̣ад̇т̇а яуд̇д̇и саггаа н̃аад̇ум̣ б̣уд̣̇д̇хаг̇ожарад̇д̇аад̇и взд̣̇ид̇аб̣б̣ам̣. гзжи бана ‘‘сажз д̣̇взби сиймааяо буурзд̇ваа ниранд̇арам̣ тид̇зсу бхигкуусу гаммам̣ гаронд̇зсу згааяа зва сиймааяа г̇ан̣о жа убасамбад̣̇аабзгко жа ануссааваго жа згад̇о д̇идтад̇и , гаммам̣ сугад̇амзва ход̇и. сажз бана гаммаарахо ваа ануссааваго ваа сийманд̇арадто ход̇и, гаммам̣ вибаж̇ж̇ад̇ий’’д̇и вад̣̇анд̇и, д̇ан̃жа б̣ад̣̇д̇хасиймаг̇аамасиймаад̣̇исабхааг̇асиймаасу зва яуж̇ж̇ад̇и. яаасу ан̃н̃аман̃н̃ам̣ ругкаад̣̇исамб̣анд̇хзсуби д̣̇осо над̇т̇и, яаасу бана ад̇т̇и, на д̇аасу, висабхааг̇асиймаасу ругкаад̣̇исамб̣анд̇хз сад̇и згад̇т̇а тид̇о ид̇арадтаанам̣ гаммам̣ гобзд̇и зва адтагат̇ааяа сааман̃н̃ад̇о сод̇ханасса вуд̇д̇ад̇д̇аад̇и амхаагам̣ канд̇и, виймам̣сид̇ваа г̇ахзд̇аб̣б̣ам̣.

    Yadi evaṃ kathaṃ chandapārisuddhiāharaṇavasena mahāsīmāsodhananti? Tampi vinayaññū na icchanti, hatthapāsānayanabahisīmakaraṇavasena panettha sodhanaṃ icchanti, dinnassapi chandassa anāgamanena mahāsīmaṭṭho kammaṃ kopetīti. Yadi cassa chandādi nāgacchati, kathaṃ so kammaṃ kopessatīti? Dvinnaṃ visabhāgasīmānaṃ sambandhadosato, so ca sambandhadoso aṭṭhakathāvacanappamāṇato. Na hi vinaye sabbattha yutti sakkā ñātuṃ buddhagocarattāti veditabbaṃ. Keci pana ‘‘sace dvepi sīmāyo pūretvā nirantaraṃ ṭhitesu bhikkhūsu kammaṃ karontesu ekāya eva sīmāya gaṇo ca upasampadāpekkho ca anussāvako ca ekato tiṭṭhati , kammaṃ sukatameva hoti. Sace pana kammāraho vā anussāvako vā sīmantaraṭṭho hoti, kammaṃ vipajjatī’’ti vadanti, tañca baddhasīmagāmasīmādisabhāgasīmāsu eva yujjati. Yāsu aññamaññaṃ rukkhādisambandhesupi doso natthi, yāsu pana atthi, na tāsu, visabhāgasīmāsu rukkhādisambandhe sati ekattha ṭhito itaraṭṭhānaṃ kammaṃ kopeti eva aṭṭhakathāya sāmaññato sodhanassa vuttattāti amhākaṃ khanti, vīmaṃsitvā gahetabbaṃ.

    саарад̇т̇ад̣̇ийбанияам̣ (саарад̇т̇а. дий. махааваг̇г̇а 3.138) ‘‘угкибаабзд̇ваа гаад̇ум̣ на ваддад̇ийд̇и кан̣д̣асиймааяа анд̇о тид̇ад̇д̇аа ругкасса д̇ад̇т̇а тид̇о хад̇т̇абаасамзва аанзд̇аб̣б̣од̇и угкибаабзд̇ваа гаад̇ум̣ на ваддад̇ий’’д̇и вуд̇д̇ам̣. важ̇ираб̣уд̣̇д̇хидийгааяам̣ (важ̇ира. дий. махааваг̇г̇а 138) бана ‘‘угкибаабзд̇ваа гаад̇ум̣ на ваддад̇и, гасмаа? анд̇о тид̇ад̇д̇аа. ругкасса хи хздтаа бат̇авийг̇ад̇ам̣ муулам̣ кан̣д̣асиймааязва ход̇и. аб̣б̣охааригам̣ ваад̇и абарз. ‘маж̇жхз бана чиннз махаасиймааяа тид̇ам̣ муулам̣ махаасиймамзва бхаж̇ад̇и, кан̣д̣асиймааяа тид̇ам̣ кан̣д̣асиймамзва бхаж̇ад̇и д̇ад̣̇ааяад̇д̇абат̇авийаад̣̇ийхи ануг̇г̇ахид̇ад̇д̇аа’д̇и жа вуд̇д̇ам̣. ‘сиймааяа бажчаа удтид̇аругкз нисийд̣̇ид̇ваа гаммам̣ гаад̇ум̣ ваддад̇и бажчаа сиймааяам̣ гад̇аг̇зхз вияаа’д̇и вад̇ваа ‘б̣анд̇ханагаалз тид̇з ругкз нисийд̣̇ид̇ваа гаад̇ум̣ на ваддад̇и убарисиймааяа аг̇аманад̇о’д̇и гааран̣ам̣ вад̣̇анд̇и. звам̣ сад̇и б̣анд̇ханагаалз буна аарохан̣ам̣ наама над̇т̇и, б̣анд̇хид̇агаалз зва аарохад̇ийд̇и аабаж̇ж̇ад̇и бажчаа удтид̇аругко бана д̇аббадиб̣ад̣̇д̇хад̇д̇аа сиймаасан̇камзва г̇ад̇о. звам̣ буб̣б̣з удтид̇аругкобийд̇и г̇ахзд̇аб̣б̣ам̣. ‘‘яам̣ гин̃жий’’д̇и важанад̇о д̇ин̣аад̣̇иби сан̇г̇ахид̇ам̣, махаат̇зрааби д̇ин̣ам̣ сод̇хзд̇ваава гаронд̇ий’’д̇и вуд̇д̇ам̣.

    Sāratthadīpaniyaṃ (sārattha. ṭī. mahāvagga 3.138) ‘‘ukkhipāpetvā kātuṃ na vaṭṭatīti khaṇḍasīmāya anto ṭhitattā rukkhassa tattha ṭhito hatthapāsameva ānetabboti ukkhipāpetvā kātuṃ na vaṭṭatī’’ti vuttaṃ. Vajirabuddhiṭīkāyaṃ (vajira. ṭī. mahāvagga 138) pana ‘‘ukkhipāpetvā kātuṃ na vaṭṭati, kasmā? Anto ṭhitattā. Rukkhassa hi heṭṭhā pathavīgataṃ mūlaṃ khaṇḍasīmāyeva hoti. Abbohārikaṃ vāti apare. ‘Majjhe pana chinne mahāsīmāya ṭhitaṃ mūlaṃ mahāsīmameva bhajati, khaṇḍasīmāya ṭhitaṃ khaṇḍasīmameva bhajati tadāyattapathavīādīhi anuggahitattā’ti ca vuttaṃ. ‘Sīmāya pacchā uṭṭhitarukkhe nisīditvā kammaṃ kātuṃ vaṭṭati pacchā sīmāyaṃ katagehe viyā’ti vatvā ‘bandhanakāle ṭhite rukkhe nisīditvā kātuṃ na vaṭṭati uparisīmāya agamanato’ti kāraṇaṃ vadanti. Evaṃ sati bandhanakāle puna ārohaṇaṃ nāma natthi, bandhitakāle eva ārohatīti āpajjati pacchā uṭṭhitarukkho pana tappaṭibaddhattā sīmāsaṅkhameva gato. Evaṃ pubbe uṭṭhitarukkhopīti gahetabbaṃ. ‘‘Yaṃ kiñcī’’ti vacanato tiṇādipi saṅgahitaṃ, mahātherāpi tiṇaṃ sodhetvāva karontī’’ti vuttaṃ.

    на од̇арад̇ийд̇и бан̣авасан̣таанабаб̣б̣ад̇аад̣̇ийсу хздтаа бамаан̣арахид̇ам̣ таанам̣ на од̇арад̇и. гин̃жааби банзд̇т̇а б̣аж̇жхамаанагкан̣з уд̣̇д̇хамби бамаан̣арахид̇абаб̣б̣ад̇аад̣̇и наарохад̇и, д̇ат̇ааби д̇ам̣ бажчаа сиймадтад̇ааяа сиймаа ход̇и. хздтаа бан̣авасан̣таанаад̣̇и бана убари б̣ад̣̇д̇хааяаби сиймааяа сиймасан̇кам̣ на г̇ажчад̇и, д̇ассзва васзна ‘‘на од̇арад̇ий’’д̇и вуд̇д̇ам̣, ид̇арат̇аа орохан̣аарохан̣аанам̣ саад̇хааран̣авасзна ‘‘на од̇арад̇ий’’д̇иаад̣̇инаа вад̇д̇аб̣б̣ад̇о. ж̇аад̇ам̣ яам̣ гин̃жийд̇и нидтид̇асиймааяа убари ж̇аад̇ам̣ виж̇ж̇амаанам̣ буб̣б̣з тид̇ам̣ бажчаа сан̃ж̇аад̇ам̣ бавидтан̃жа яам̣ гин̃жи савин̃н̃аан̣агаавин̃н̃аан̣агам̣ саб̣б̣амбийд̇и ад̇т̇о. анд̇осиймааяа хи хад̇т̇игканд̇хаад̣̇исавин̃н̃аан̣агзсу нисинноби бхигку сиймадтова ход̇и. б̣ад̣̇д̇хааяа сиймааяаад̇и ид̣̇ан̃жа багаран̣авасзна убалагкан̣ад̇о вуд̇д̇ам̣. аб̣ад̣̇д̇хасиймаасуби саб̣б̣аасу тид̇ам̣ д̇ам̣ сиймаасан̇камзва г̇ажчад̇и. згасамб̣анд̇хзна г̇ад̇анд̇и ругкалад̇аад̣̇ид̇ад̇раж̇аад̇амзвасанд̇хааяа вуд̇д̇ам̣. д̇аад̣̇исан̃хи ‘‘ид̇о г̇ад̇а’’нд̇и вад̇д̇аб̣б̣ад̇ам̣ арахад̇и.

    Na otaratīti paṇavasaṇṭhānapabbatādīsu heṭṭhā pamāṇarahitaṃ ṭhānaṃ na otarati. Kiñcāpi panettha bajjhamānakkhaṇe uddhampi pamāṇarahitapabbatādi nārohati, tathāpi taṃ pacchā sīmaṭṭhatāya sīmā hoti. Heṭṭhā paṇavasaṇṭhānādi pana upari baddhāyapi sīmāya sīmasaṅkhaṃ na gacchati, tasseva vasena ‘‘na otaratī’’ti vuttaṃ, itarathā orohaṇārohaṇānaṃ sādhāraṇavasena ‘‘na otaratī’’tiādinā vattabbato. Jātaṃ yaṃ kiñcīti niṭṭhitasīmāya upari jātaṃ vijjamānaṃ pubbe ṭhitaṃ pacchā sañjātaṃ paviṭṭhañca yaṃ kiñci saviññāṇakāviññāṇakaṃ sabbampīti attho. Antosīmāya hi hatthikkhandhādisaviññāṇakesu nisinnopi bhikkhu sīmaṭṭhova hoti. Baddhāya sīmāyāti idañca pakaraṇavasena upalakkhaṇato vuttaṃ. Abaddhasīmāsupi sabbāsu ṭhitaṃ taṃ sīmāsaṅkhameva gacchati. Ekasambandhena gatanti rukkhalatāditatrajātamevasandhāya vuttaṃ. Tādisañhi ‘‘ito gata’’nti vattabbataṃ arahati.

    яам̣ бана ‘‘ид̇о г̇ад̇а’’нд̇и ваа ‘‘д̇ад̇о ааг̇ад̇а’’нд̇и ваа вад̇д̇ум̣ асаггун̣зяяам̣ убхосу б̣ад̣̇д̇хасиймаг̇аамасиймаасу уд̣̇агугкзбанад̣̇ийаад̣̇ийсу жа д̇ирияам̣ бад̇ид̇араж̇ж̇уд̣̇ан̣д̣аад̣̇и, д̇ад̇т̇а гим̣ гаад̇аб̣б̣анд̇и? зд̇т̇а бана ‘‘б̣ад̣̇д̇хасиймааяа бад̇идтид̇абхааг̇о б̣ад̣̇д̇хасиймаа, г̇аамасиймааяа бад̇идтид̇абхааг̇о г̇аамасиймаа д̇ад̣̇убхаяасиймадтабаб̣б̣ад̇аад̣̇и вияа, б̣ад̣̇д̇хасиймад̇о удтид̇авадаругкасса баарохз, г̇аамасиймааяа г̇аамасиймад̇о удтид̇авадаругкасса баарохз жа б̣ад̣̇д̇хасиймааяа бад̇идтид̇зби зсзва наяо. муулз бад̇идтид̇агаалад̇о бадтааяа хи ‘ид̇о г̇ад̇ам̣, д̇ад̇о ааг̇ад̇а’нд̇и вад̇д̇ум̣ асаггун̣зяяад̇о со бхааг̇о яат̇аабавидтасиймадтасан̇камзва г̇ажчад̇и. д̇зсам̣ ругкабаарохаанам̣ анд̇араа бана аагаасадтасаакаа бхуумияам̣ сиймаабарижчзд̣̇аббамаан̣зна д̇ад̣̇убхаяасиймаа ход̇ий’’д̇и гзжи вад̣̇анд̇и. яасмаа банассаа саакааяа баарохо бавидтасиймааяа бат̇авияам̣ муулзхи бад̇идтахид̇вааби яаава саакам̣ винаа таад̇ум̣ на саггод̇и, д̇аава мууласиймадтад̇ам̣ на виж̇ахад̇и. яад̣̇аа бана сан̣таад̇ум̣ саггод̇и, д̇ад̣̇ааби баарохамад̇д̇амзва бавидтасиймад̇ам̣ самубзд̇и, д̇асмаа саб̣б̣оби аагаасадтасаакаабхааг̇о буримасиймадтад̇ам̣ на виж̇ахад̇и д̇ад̇о ааг̇ад̇абхааг̇асса авиж̇ахид̇ад̇д̇аад̇и амхаагам̣ канд̇и. уд̣̇агугкзбанад̣̇ийаад̣̇ийсуби зсзва наяо. д̇ад̇т̇а жа висабхааг̇асиймааяа зва бавидтз сагаласиймаасод̇ханам̣, сабхааг̇ааяа бавидтз пусид̇ваа тид̇амад̇д̇абхигкусод̇ханан̃жа саб̣б̣ам̣ буб̣б̣з вуд̇д̇анаяамзва.

    Yaṃ pana ‘‘ito gata’’nti vā ‘‘tato āgata’’nti vā vattuṃ asakkuṇeyyaṃ ubhosu baddhasīmagāmasīmāsu udakukkhepanadīādīsu ca tiriyaṃ patitarajjudaṇḍādi, tattha kiṃ kātabbanti? Ettha pana ‘‘baddhasīmāya patiṭṭhitabhāgo baddhasīmā, gāmasīmāya patiṭṭhitabhāgo gāmasīmā tadubhayasīmaṭṭhapabbatādi viya, baddhasīmato uṭṭhitavaṭarukkhassa pārohe, gāmasīmāya gāmasīmato uṭṭhitavaṭarukkhassa pārohe ca baddhasīmāya patiṭṭhitepi eseva nayo. Mūle patiṭṭhitakālato paṭṭhāya hi ‘ito gataṃ, tato āgata’nti vattuṃ asakkuṇeyyato so bhāgo yathāpaviṭṭhasīmaṭṭhasaṅkhameva gacchati. Tesaṃ rukkhapārohānaṃ antarā pana ākāsaṭṭhasākhā bhūmiyaṃ sīmāparicchedappamāṇena tadubhayasīmā hotī’’ti keci vadanti. Yasmā panassā sākhāya pāroho paviṭṭhasīmāya pathaviyaṃ mūlehi patiṭṭhahitvāpi yāva sākhaṃ vinā ṭhātuṃ na sakkoti, tāva mūlasīmaṭṭhataṃ na vijahati. Yadā pana saṇṭhātuṃ sakkoti, tadāpi pārohamattameva paviṭṭhasīmataṃ samupeti, tasmā sabbopi ākāsaṭṭhasākhābhāgo purimasīmaṭṭhataṃ na vijahati tato āgatabhāgassa avijahitattāti amhākaṃ khanti. Udakukkhepanadīādīsupi eseva nayo. Tattha ca visabhāgasīmāya eva paviṭṭhe sakalasīmāsodhanaṃ, sabhāgāya paviṭṭhe phusitvā ṭhitamattabhikkhusodhanañca sabbaṃ pubbe vuttanayameva.

    164. зд̇т̇а жа над̣̇ийбаарасиймаагат̇ааяа баараяад̇ийд̇и аж̇жход̇т̇арад̇и. над̣̇ияаа убхосу д̇ийрзсу бад̇идтахамаанаа сиймаа над̣̇ийаж̇жход̇т̇араа наама ход̇ийд̇и ааха ‘‘над̣̇им̣ аж̇жход̇т̇арамаана’’нд̇и. анд̇онад̣̇ияан̃хи сиймаа на од̇арад̇и. над̣̇ийлагкан̣з бана асад̇и од̇арад̇и. саа жа д̇ад̣̇аа над̣̇ийбаарасиймаа на ход̇ийд̇и ааха ‘‘над̣̇ияаа лагкан̣ам̣ над̣̇ийнимид̇д̇з вуд̇д̇анаяамзваа’’д̇и. ассаад̇и бхавзяяа. авассам̣ лаб̣бханзяяаа бана д̇хуванааваава ход̇ийд̇и самб̣анд̇хо. на наавааяаад̇и иминаа наавам̣ винааби сиймаа б̣ад̣̇д̇хаа суб̣ад̣̇д̇хаа зва ход̇и, аабад̇д̇ибарихаарад̇т̇аа нааваад̇и д̣̇ассзд̇и.

    164. Ettha ca nadīpārasīmākathāya pārayatīti ajjhottharati. Nadiyā ubhosu tīresu patiṭṭhahamānā sīmā nadīajjhottharā nāma hotīti āha ‘‘nadiṃ ajjhottharamāna’’nti. Antonadiyañhi sīmā na otarati. Nadīlakkhaṇe pana asati otarati. Sā ca tadā nadīpārasīmā na hotīti āha ‘‘nadiyā lakkhaṇaṃ nadīnimitte vuttanayamevā’’ti. Assāti bhaveyya. Avassaṃ labbhaneyyā pana dhuvanāvāva hotīti sambandho. Na nāvāyāti iminā nāvaṃ vināpi sīmā baddhā subaddhā eva hoti, āpattiparihāratthā nāvāti dasseti.

    ругкасан̇гхаадамаяод̇и анзгаругкз згад̇о гхадзд̇ваа гад̇асзд̇у. ругкам̣ чинд̣̇ид̇ваа гад̇од̇и баатасзсо. ‘‘саб̣б̣анимид̇д̇аанам̣ анд̇о тид̇абхигкуу хад̇т̇абаасз гад̇ваад̇и ид̣̇ам̣ убхиннам̣ д̇ийраанам̣ згаг̇аамакзд̇д̇абхаавам̣ санд̇хааяа вуд̇д̇ам̣. баб̣б̣ад̇асан̣таанаад̇и згад̇о уг̇г̇ад̇ад̣̇ийбасикарад̇д̇аа саманд̇абаасаад̣̇игааяам̣ вуд̇д̇ам̣.

    Rukkhasaṅghāṭamayoti anekarukkhe ekato ghaṭetvā katasetu. Rukkhaṃ chinditvā katoti pāṭhaseso. ‘‘Sabbanimittānaṃ anto ṭhitabhikkhū hatthapāse katvāti idaṃ ubhinnaṃ tīrānaṃ ekagāmakhettabhāvaṃ sandhāya vuttaṃ. Pabbatasaṇṭhānāti ekato uggatadīpasikharattā samantapāsādikāyaṃ vuttaṃ.

    165. сиймаасамууханагат̇ааяам̣ сод̇и бхигкунисан̇гхо. д̣̇взбийд̇и д̣̇вз самаанасам̣ваасаавиббаваасасиймааяо. авиббаваасасиймаад̇и махаасиймам̣ санд̇хааяа вад̣̇ад̇и. д̇ад̇т̇зва язбхуяязна авиббаваасаад̇и. авиббаваасам̣ аж̇аананд̇аабийд̇и ид̣̇ам̣ махаасиймааяа виж̇ж̇амаанаавиж̇ж̇амаанад̇д̇ам̣, д̇ассаа б̣аахирабарижчзд̣̇ан̃жа аж̇аананд̇аанам̣ васзна вуд̇д̇ам̣. звам̣ аж̇аананд̇зхиби анд̇осиймааяа тад̇ваа гаммаваажааяа гад̇ааяа саа сиймаа самуухад̇аава ход̇ийд̇и ааха ‘‘самууханид̇ун̃жзва б̣анд̇хид̇ун̃жа сагкиссанд̇ий’’д̇и. нираасан̇гадтаанзд̇и кан̣д̣асиймаарахид̇адтаанз. ид̣̇ан̃жа махаасиймааяа виж̇ж̇амаанааяаби гаммагаран̣асукад̇т̇ам̣ кан̣д̣асиймаа ижчид̇аад̇и д̇ам̣ жзд̇ияан̇г̇ан̣аад̣̇иб̣ахусаннибаад̇адтаанз на б̣анд̇хад̇ийд̇и вуд̇д̇ам̣. д̇ад̇т̇ааби саа б̣ад̣̇д̇хаа суб̣ад̣̇д̇хаа зва махаасиймаа вияа. бадиб̣анд̇хид̇ум̣ бана на сагкиссанд̇зваад̇и ид̣̇ам̣ кан̣д̣асиймааяа асамуухад̇ад̇д̇аа, д̇ассаа авиж̇ж̇амаанад̇д̇асса аж̇аананад̇о жа махаасиймааб̣анд̇ханам̣ санд̇хааяа вуд̇д̇ам̣. кан̣д̣асиймаа бана нираасан̇гадтаанз б̣анд̇хид̇ум̣ сагкиссанд̇зва. сиймаасамбхзд̣̇ам̣ гад̇ваад̇и кан̣д̣асиймааяа виж̇ж̇амаанабагкз сиймааяа сиймам̣ аж̇жход̇т̇аран̣асамбхзд̣̇ам̣ гад̇ваа авиж̇ж̇амаанабагкзби самбхзд̣̇асан̇гааяа анивад̇д̇анзна самбхзд̣̇асан̇гам̣ гад̇ваа. авихаарам̣ гарзяяунд̇и сан̇гхагаммаанаарахам̣ гарзяяум̣. буб̣б̣з хи жзд̇ияан̇г̇ан̣аад̣̇инираасан̇гадтаанз гаммам̣ гаад̇ум̣ саггаа, ид̣̇аани д̇амби винаасид̇анд̇и ад̇хиббааяо. на самууханид̇аб̣б̣аад̇и кан̣д̣асиймам̣ аж̇аананд̇зхи на самууханид̇аб̣б̣аа. убхоби на ж̇аананд̇ийд̇и убхиннам̣ бад̣̇зсанияамам̣ ваа д̇аасам̣ д̣̇виннамби ваа ан̃н̃ад̇арааяа ваа виж̇ж̇амаанад̇ам̣ ваа авиж̇ж̇амаанад̇ам̣ ваа на ж̇аананд̇и, саб̣б̣ад̇т̇а сан̇гаа зва ход̇и. нзва самууханид̇ум̣, на б̣анд̇хид̇ум̣ сагкиссанд̇ийд̇и ид̣̇ам̣ нираасан̇гадтаанз тад̇ваа самууханид̇ум̣ саггонд̇ааби махаасиймам̣ бадиб̣анд̇хид̇ум̣ на сагкиссанд̇ийд̇и имамад̇т̇ам̣ санд̇хааяа вуд̇д̇ам̣. на жа саггаа…бз… гаммаваажаа гаад̇унд̇и ид̣̇ам̣ сиймааб̣анд̇ханагаммаваажам̣ санд̇хааяа вуд̇д̇ам̣. д̇асмаад̇и яасмаа б̣анд̇хид̇ум̣ на саггаа, д̇асмаа на самууханид̇аб̣б̣аад̇и ад̇т̇о.

    165. Sīmāsamūhanakathāyaṃ soti bhikkhunisaṅgho. Dvepīti dve samānasaṃvāsaavippavāsasīmāyo. Avippavāsasīmāti mahāsīmaṃ sandhāya vadati. Tattheva yebhuyyena avippavāsāti. Avippavāsaṃ ajānantāpīti idaṃ mahāsīmāya vijjamānāvijjamānattaṃ, tassā bāhiraparicchedañca ajānantānaṃ vasena vuttaṃ. Evaṃ ajānantehipi antosīmāya ṭhatvā kammavācāya katāya sā sīmā samūhatāva hotīti āha ‘‘samūhanituñceva bandhituñca sakkhissantī’’ti. Nirāsaṅkaṭṭhāneti khaṇḍasīmārahitaṭṭhāne. Idañca mahāsīmāya vijjamānāyapi kammakaraṇasukhatthaṃ khaṇḍasīmā icchitāti taṃ cetiyaṅgaṇādibahusannipātaṭṭhāne na bandhatīti vuttaṃ. Tatthāpi sā baddhā subaddhā eva mahāsīmā viya. Paṭibandhituṃ pana na sakkhissantevāti idaṃ khaṇḍasīmāya asamūhatattā, tassā avijjamānattassa ajānanato ca mahāsīmābandhanaṃ sandhāya vuttaṃ. Khaṇḍasīmā pana nirāsaṅkaṭṭhāne bandhituṃ sakkhissanteva. Sīmāsambhedaṃ katvāti khaṇḍasīmāya vijjamānapakkhe sīmāya sīmaṃ ajjhottharaṇasambhedaṃ katvā avijjamānapakkhepi sambhedasaṅkāya anivattanena sambhedasaṅkaṃ katvā. Avihāraṃ kareyyunti saṅghakammānārahaṃ kareyyuṃ. Pubbe hi cetiyaṅgaṇādinirāsaṅkaṭṭhāne kammaṃ kātuṃ sakkā, idāni tampi vināsitanti adhippāyo. Na samūhanitabbāti khaṇḍasīmaṃ ajānantehi na samūhanitabbā. Ubhopi na jānantīti ubhinnaṃ padesaniyamaṃ vā tāsaṃ dvinnampi vā aññatarāya vā vijjamānataṃ vā avijjamānataṃ vā na jānanti, sabbattha saṅkā eva hoti. Neva samūhanituṃ, na bandhituṃ sakkhissantīti idaṃ nirāsaṅkaṭṭhāne ṭhatvā samūhanituṃ sakkontāpi mahāsīmaṃ paṭibandhituṃ na sakkhissantīti imamatthaṃ sandhāya vuttaṃ. Na ca sakkā…pe… kammavācā kātunti idaṃ sīmābandhanakammavācaṃ sandhāya vuttaṃ. Tasmāti yasmā bandhituṃ na sakkā, tasmā na samūhanitabbāti attho.

    гзжи бана ‘‘ийд̣̇исзсуби вихаарзсу чабан̃жамад̇д̇з бхигкуу г̇ахзд̇ваа вихаарагодид̇о бадтааяа вихаарабаригкзбасса анд̇о жа б̣ахи жа саманд̇аа лзд̣д̣убаад̇з саб̣б̣ад̇т̇а ман̃жаббамаан̣з огаасз ниранд̇арам̣ тад̇ваа батамам̣ авиббаваасасиймам̣, д̇ад̇о самаанасам̣ваасагасийман̃жа самуухананавасзна сиймааяа самуг̇гхаад̇з гад̇з д̇асмим̣ вихаарз кан̣д̣асиймааяа, махаасиймааяа ваа тид̇авиж̇ж̇амаанад̇д̇з сад̇и авассам̣ згасмим̣ ман̃жадтаанз д̇аасам̣ маж̇жхаг̇ад̇аа д̇з бхигкуу д̇аа самууханзяяум̣, д̇ад̇о г̇аамасиймаа зва авасиссзяяа. на хзд̇т̇а сиймааяа, д̇аббарижчзд̣̇асса ваа ж̇аананам̣ ан̇г̇ам̣. сиймааяа бана анд̇отаанам̣ ‘самууханиссаамаа’д̇и гаммаваажаагаран̣ан̃жзд̇т̇а ан̇г̇ам̣. адтагат̇ааяам̣ ‘кан̣д̣асиймам̣ бана ж̇аананд̇аа авиббаваасам̣ аж̇аананд̇ааби самууханид̇ун̃жзва б̣анд̇хид̇ун̃жа сагкиссанд̇ий’д̇и звам̣ махаасиймааяа барижчзд̣̇асса аж̇аананзби самуухананасса вуд̇д̇ад̇д̇аа г̇аамасиймааяа зва жа авасидтааяа д̇ад̇т̇а яат̇ааружи д̣̇увид̇хамби сиймам̣ б̣анд̇хид̇ун̃жзва убасамбад̣̇аад̣̇игаммам̣ гаад̇ун̃жа ваддад̇ий’’д̇и вад̣̇анд̇и, д̇ам̣ яуд̇д̇ам̣ вияа д̣̇иссад̇и, виймам̣сид̇ваа г̇ахзд̇аб̣б̣анд̇и вимад̇ивинод̣̇анияам̣ (ви. ви. дий. махааваг̇г̇а 2.144) ааг̇ад̇о винижчаяо. саарад̇т̇ад̣̇ийбанияам̣ (саарад̇т̇а. дий. махааваг̇г̇а 3.144) бана ‘‘авиббаваасасиймаа на самууханд̇аб̣б̣аад̇и махаасиймам̣ санд̇хааяа вад̣̇ад̇и. нираасан̇гадтаанзсу тад̇ваад̇и жзд̇ияан̇г̇ан̣аад̣̇ийнам̣ кан̣д̣асиймааяа аногаасад̇д̇аа вуд̇д̇ам̣. кан̣д̣асийман̃хи б̣анд̇ханд̇аа д̇аад̣̇исам̣ таанам̣ бахааяа ан̃н̃асмим̣ вивид̇д̇з огаасз б̣анд̇ханд̇и. аббзва наама самууханид̇ум̣ сагкиссанд̇ийд̇и авиббаваасасиймам̣язва самууханид̇ум̣ сагкиссанд̇и, на кан̣д̣асиймам̣. бадиб̣анд̇хид̇ум̣ бана на сагкиссанд̇зваад̇и кан̣д̣асиймааяам̣ ан̃н̃аад̇ад̇д̇аа на сагкиссанд̇и. на самууханид̇аб̣б̣аад̇и кан̣д̣асиймам̣ аж̇аананд̇зхи на самууханид̇аб̣б̣аа’’д̇и вуд̇д̇ам̣.

    Keci pana ‘‘īdisesupi vihāresu chapañcamatte bhikkhū gahetvā vihārakoṭito paṭṭhāya vihāraparikkhepassa anto ca bahi ca samantā leḍḍupāte sabbattha mañcappamāṇe okāse nirantaraṃ ṭhatvā paṭhamaṃ avippavāsasīmaṃ, tato samānasaṃvāsakasīmañca samūhananavasena sīmāya samugghāte kate tasmiṃ vihāre khaṇḍasīmāya, mahāsīmāya vā ṭhitavijjamānatte sati avassaṃ ekasmiṃ mañcaṭṭhāne tāsaṃ majjhagatā te bhikkhū tā samūhaneyyuṃ, tato gāmasīmā eva avasisseyya. Na hettha sīmāya, tapparicchedassa vā jānanaṃ aṅgaṃ. Sīmāya pana antoṭhānaṃ ‘samūhanissāmā’ti kammavācākaraṇañcettha aṅgaṃ. Aṭṭhakathāyaṃ ‘khaṇḍasīmaṃ pana jānantā avippavāsaṃ ajānantāpi samūhanituñceva bandhituñca sakkhissantī’ti evaṃ mahāsīmāya paricchedassa ajānanepi samūhananassa vuttattā gāmasīmāya eva ca avasiṭṭhāya tattha yathāruci duvidhampi sīmaṃ bandhituñceva upasampadādikammaṃ kātuñca vaṭṭatī’’ti vadanti, taṃ yuttaṃ viya dissati, vīmaṃsitvā gahetabbanti vimativinodaniyaṃ (vi. vi. ṭī. mahāvagga 2.144) āgato vinicchayo. Sāratthadīpaniyaṃ (sārattha. ṭī. mahāvagga 3.144) pana ‘‘avippavāsasīmā na samūhantabbāti mahāsīmaṃ sandhāya vadati. Nirāsaṅkaṭṭhānesu ṭhatvāti cetiyaṅgaṇādīnaṃ khaṇḍasīmāya anokāsattā vuttaṃ. Khaṇḍasīmañhi bandhantā tādisaṃ ṭhānaṃ pahāya aññasmiṃ vivitte okāse bandhanti. Appeva nāma samūhanituṃ sakkhissantīti avippavāsasīmaṃyeva samūhanituṃ sakkhissanti, na khaṇḍasīmaṃ. Paṭibandhituṃ pana na sakkhissantevāti khaṇḍasīmāyaṃ aññātattā na sakkhissanti. Na samūhanitabbāti khaṇḍasīmaṃ ajānantehi na samūhanitabbā’’ti vuttaṃ.

    166. звам̣ б̣ад̣̇д̇хасиймаавинижчаяам̣ гат̇зд̇ваа ид̣̇аани аб̣ад̣̇д̇хасиймаавинижчаяам̣ д̣̇ассзд̇ум̣ ‘‘аб̣ад̣̇д̇хасиймаа банаа’’д̇и ааха. саа гад̇ивид̇хаад̇и ааха ‘‘г̇аамасиймаа сад̇д̇аб̣бханд̇арасиймаа уд̣̇агугкзбасиймаад̇и д̇ивид̇хаа’’д̇и. баал̣ияам̣ (махаава. 147) ‘‘асаммад̇ааяа, бхигкавз, сиймааяаа’’д̇иаад̣̇инаа г̇аамасиймаа зва б̣ад̣̇д̇хасиймааяа кзд̇д̇ам̣ аран̃н̃анад̣̇ийаад̣̇аяо вияа сад̇д̇аб̣бханд̇арауд̣̇агугкзбаад̣̇ийнам̣, саа жа г̇аамасиймаа б̣ад̣̇д̇хасиймааяа рахид̇адтаанз саяамзва самаанасам̣ваасаа ход̇ийд̇и д̣̇ассзд̇и. ‘‘яаа д̇асса г̇аамасса г̇аамасиймаа’’д̇и зд̇т̇а г̇аамабаригкзбасса анд̇о жа б̣ахи жа кзд̇д̇авад̇т̇уаран̃н̃абаб̣б̣ад̇аад̣̇игам̣ саб̣б̣ам̣ г̇аамагкзд̇д̇ам̣ санд̇хааяа ‘‘г̇аамассаа’’д̇и вуд̇д̇ам̣, на анд̇арагхарамзва, д̇асмаа д̇асса сагаласса г̇аамагкзд̇д̇асса самб̣анд̇ханийяаа г̇аамасиймаад̇и звамад̇т̇о г̇ахзд̇аб̣б̣о. яо хи со анд̇арагхаракзд̇д̇аад̣̇ийсу анзгзсу бхуумибхааг̇зсу ‘‘г̇аамо’’д̇и згад̇д̇зна логаж̇анзхи бан̃н̃ад̇д̇о г̇аамавохааро, сова ид̇ха ‘‘г̇аамасиймаа’’д̇иби вужжад̇ийд̇и ад̇хиббааяо. г̇аамо зва хи г̇аамасиймаа. иминаава наязна убари аран̃н̃ам̣ над̣̇ий самуд̣̇д̣̇о ж̇аад̇ассарод̇и, звам̣ д̇зсу д̇зсу бхуумиббад̣̇зсзсу згад̇д̇зна логаж̇анабан̃н̃ад̇д̇аанамзва аран̃н̃аад̣̇ийнам̣ аран̃н̃асиймаад̣̇ибхааво взд̣̇ид̇аб̣б̣о, логз бана г̇аамасиймаад̣̇ивохааро г̇аамаад̣̇ийнам̣ марияаад̣̇ааяамзва вад̇д̇ум̣ ваддад̇и, на г̇аамагкзд̇д̇аад̣̇ийсу саб̣б̣ад̇т̇а. саасанз бана д̇з г̇аамаад̣̇аяо ид̇аранивад̇д̇иад̇т̇зна саяамзва ад̇д̇ано марияаад̣̇аад̇и гад̇ваа г̇аамо зва г̇аамасиймаа, аран̃н̃амзва аран̃н̃асиймаа, самуд̣̇д̣̇о зва самуд̣̇д̣̇асиймаад̇и сиймаавохаарзна вуд̇д̇аад̇и взд̣̇ид̇аб̣б̣о. баал̣ияам̣ ниг̇амасса ваад̇и ид̣̇ам̣ г̇аамасиймаббабхзд̣̇ам̣ убалагкан̣авасзна д̣̇ассзд̇ум̣ вуд̇д̇ам̣. д̇знааха ‘‘наг̇арамби г̇ахид̇амзваа’’д̇и.

    166. Evaṃ baddhasīmāvinicchayaṃ kathetvā idāni abaddhasīmāvinicchayaṃ dassetuṃ ‘‘abaddhasīmā panā’’ti āha. Sā katividhāti āha ‘‘gāmasīmā sattabbhantarasīmā udakukkhepasīmāti tividhā’’ti. Pāḷiyaṃ (mahāva. 147) ‘‘asammatāya, bhikkhave, sīmāyā’’tiādinā gāmasīmā eva baddhasīmāya khettaṃ araññanadīādayo viya sattabbhantaraudakukkhepādīnaṃ, sā ca gāmasīmā baddhasīmāya rahitaṭṭhāne sayameva samānasaṃvāsā hotīti dasseti. ‘‘Yā tassa gāmassa gāmasīmā’’ti ettha gāmaparikkhepassa anto ca bahi ca khettavatthuaraññapabbatādikaṃ sabbaṃ gāmakkhettaṃ sandhāya ‘‘gāmassā’’ti vuttaṃ, na antaragharameva, tasmā tassa sakalassa gāmakkhettassa sambandhanīyā gāmasīmāti evamattho gahetabbo. Yo hi so antaragharakhettādīsu anekesu bhūmibhāgesu ‘‘gāmo’’ti ekattena lokajanehi paññatto gāmavohāro, sova idha ‘‘gāmasīmā’’tipi vuccatīti adhippāyo. Gāmo eva hi gāmasīmā. Imināva nayena upari araññaṃ nadī samuddo jātassaroti, evaṃ tesu tesu bhūmippadesesu ekattena lokajanapaññattānameva araññādīnaṃ araññasīmādibhāvo veditabbo, loke pana gāmasīmādivohāro gāmādīnaṃ mariyādāyameva vattuṃ vaṭṭati, na gāmakkhettādīsu sabbattha. Sāsane pana te gāmādayo itaranivattiatthena sayameva attano mariyādāti katvā gāmo eva gāmasīmā, araññameva araññasīmā, samuddo eva samuddasīmāti sīmāvohārena vuttāti veditabbo. Pāḷiyaṃ nigamassa vāti idaṃ gāmasīmappabhedaṃ upalakkhaṇavasena dassetuṃ vuttaṃ. Tenāha ‘‘nagarampi gahitamevā’’ti.

    б̣алим̣ лабханд̇ийд̇и ид̣̇ам̣ язбхуяяавасзна вуд̇д̇ам̣. ‘‘аяам̣ г̇аамо зд̇д̇аго гарийсабхааг̇о’’д̇иаад̣̇инаа бана рааж̇абан̣н̣зсу ааробид̇зсу бхуумибхааг̇зсу яасмим̣ яасмим̣ д̇ал̣аагамаад̇игаасусаанабаб̣б̣ад̇аад̣̇игз бад̣̇зсз б̣алим̣ на г̇ан̣ханд̇и, соби г̇аамасиймаа зва. рааж̇аад̣̇ийхи барижчиннабхуумибхааг̇о хи саб̣б̣ова табзд̇ваа над̣̇ийлон̣иж̇аад̇ассарз г̇аамасиймаад̇и взд̣̇ид̇аб̣б̣аа. д̇знааха ‘‘барижчинд̣̇ид̇ваа рааж̇аа гассажи д̣̇зд̇ий’’д̇и. сажз бана д̇ад̇т̇а рааж̇аа ган̃жи бад̣̇зсам̣ г̇ааманд̇арзна яож̇зд̇и, со бавидтаг̇аамасиймад̇ам̣ зва бхаж̇ад̇и. над̣̇ийж̇аад̇ассарз винаасзд̇ваа д̇ал̣аагаад̣̇ибхаавам̣ ваа буурзд̇ваа кзд̇д̇аад̣̇ибхаавам̣ ваа баабид̇зсуби зсзва наяо.

    Baliṃ labhantīti idaṃ yebhuyyavasena vuttaṃ. ‘‘Ayaṃ gāmo ettako karīsabhāgo’’tiādinā pana rājapaṇṇesu āropitesu bhūmibhāgesu yasmiṃ yasmiṃ taḷākamātikāsusānapabbatādike padese baliṃ na gaṇhanti, sopi gāmasīmā eva. Rājādīhi paricchinnabhūmibhāgo hi sabbova ṭhapetvā nadīloṇijātassare gāmasīmāti veditabbā. Tenāha ‘‘paricchinditvā rājā kassaci detī’’ti. Sace pana tattha rājā kañci padesaṃ gāmantarena yojeti, so paviṭṭhagāmasīmataṃ eva bhajati. Nadījātassare vināsetvā taḷākādibhāvaṃ vā pūretvā khettādibhāvaṃ vā pāpitesupi eseva nayo.

    яз бана г̇аамаа рааж̇ажораад̣̇ибхаяабийл̣ид̇зхи мануссзхи чад̣д̣ид̇аа жирамби ниммануссаа д̇идтанд̇и, саманд̇аа бана г̇аамаа санд̇и, д̇зби баадзггам̣ г̇аамасиймаава. д̇зсу хи рааж̇аано саманд̇аг̇аамаваасийхи гасаабзд̇ваа ваа язхи гзхижи гасид̇адтаанам̣ ликид̇ваа ваа б̣алим̣ г̇ан̣ханд̇и, ан̃н̃зна ваа г̇аамзна згийбхаавам̣ убанзнд̇и, яз бана г̇аамаа рааж̇уухиби барижжад̇д̇аа г̇аамакзд̇д̇аананд̇аригаа махаааран̃н̃зна згийбхууд̇аа, д̇з аг̇аамагааран̃н̃асиймад̇ам̣ баабун̣анд̇и, буримаа г̇аамасиймаа винассад̇и, рааж̇аано бана згасмим̣ аран̃н̃аад̣̇ибад̣̇зсз маханд̇ам̣ г̇аамам̣ гад̇ваа анзгасахассаани гулаани ваасаабзд̇ваа д̇ад̇т̇а ваасийнам̣ бхог̇аг̇аамаад̇и саманд̇аа бхууд̇аг̇аамз барижчинд̣̇ид̇ваа д̣̇знд̇и, бураан̣анаамам̣ бана барижчзд̣̇ан̃жа на винаасзнд̇и, д̇зби бажжзгам̣ г̇аамасиймаа зва, зд̇д̇аавад̇аа буримаг̇аамасиймад̇ам̣ на виж̇аханд̇и. саа жа ид̇араа жаад̇иаад̣̇и ‘‘самаанасам̣ваасаа згуубосат̇аа’’д̇и баал̣ибад̣̇асса (махаава. 143) ад̇хиббааяавиваран̣ам̣. д̇ад̇т̇а хи саа жа рааж̇ижчаавасзна баривад̇д̇зд̇ваа самуббаннаа абхинаваа, ид̇араа жа абаривад̇д̇аа багад̇иг̇аамасиймаа яат̇аа б̣ад̣̇д̇хасиймааяа саб̣б̣ам̣ сан̇гхагаммам̣ гаад̇ум̣ ваддад̇и, звамзд̇ааби саб̣б̣агаммаарахад̇аасад̣̇исзна б̣ад̣̇д̇хасиймаасад̣̇исаа самаанасам̣ваасаа згуубосат̇аад̇и ад̇хиббааяо . сааман̃н̃ад̇о ‘‘б̣ад̣̇д̇хасиймаасад̣̇исаа’’д̇и вуд̇д̇з д̇ижийвараавиббаваасасиймам̣ б̣ад̣̇д̇хасиймам̣ зва ман̃н̃анд̇ийд̇и д̇ам̣сад̣̇исад̇аанивад̇д̇анамукзна убарисад̇д̇аб̣бханд̇арасиймааяа д̇ам̣сад̣̇исад̇ааби ад̇т̇ийд̇и д̣̇ассананаяасса ид̇хзва басан̇г̇ам̣ д̣̇ассзд̇ум̣ ‘‘гзвала’’нд̇иаад̣̇и вуд̇д̇ам̣.

    Ye pana gāmā rājacorādibhayapīḷitehi manussehi chaḍḍitā cirampi nimmanussā tiṭṭhanti, samantā pana gāmā santi, tepi pāṭekkaṃ gāmasīmāva. Tesu hi rājāno samantagāmavāsīhi kasāpetvā vā yehi kehici kasitaṭṭhānaṃ likhitvā vā baliṃ gaṇhanti, aññena vā gāmena ekībhāvaṃ upanenti, ye pana gāmā rājūhipi pariccattā gāmakhettānantarikā mahāaraññena ekībhūtā, te agāmakāraññasīmataṃ pāpuṇanti, purimā gāmasīmā vinassati, rājāno pana ekasmiṃ araññādipadese mahantaṃ gāmaṃ katvā anekasahassāni kulāni vāsāpetvā tattha vāsīnaṃ bhogagāmāti samantā bhūtagāme paricchinditvā denti, purāṇanāmaṃ pana paricchedañca na vināsenti, tepi paccekaṃ gāmasīmā eva, ettāvatā purimagāmasīmataṃ na vijahanti. Sā ca itarā cātiādi ‘‘samānasaṃvāsā ekūposathā’’ti pāḷipadassa (mahāva. 143) adhippāyavivaraṇaṃ. Tattha hi sā ca rājicchāvasena parivattetvā samuppannā abhinavā, itarā ca aparivattā pakatigāmasīmā yathā baddhasīmāya sabbaṃ saṅghakammaṃ kātuṃ vaṭṭati, evametāpi sabbakammārahatāsadisena baddhasīmāsadisā samānasaṃvāsā ekūposathāti adhippāyo . Sāmaññato ‘‘baddhasīmāsadisā’’ti vutte ticīvarāvippavāsasīmaṃ baddhasīmaṃ eva maññantīti taṃsadisatānivattanamukhena uparisattabbhantarasīmāya taṃsadisatāpi atthīti dassananayassa idheva pasaṅgaṃ dassetuṃ ‘‘kevala’’ntiādi vuttaṃ.

    вин̃жхаадависад̣̇исз аран̃н̃зд̇и яад̇т̇а ‘‘асугаг̇аамасса ид̣̇ам̣ кзд̇д̇а’’нд̇и г̇аамавохааро над̇т̇и, яад̇т̇а жа нзва гасанд̇и на вабанд̇и, д̇аад̣̇исз аран̃н̃з. мажчаб̣анд̇хаанам̣ аг̇аманабат̇аа ниммануссааваасаа самуд̣̇д̣̇анд̇арад̣̇ийбагааби зд̇т̇зва сан̇г̇аяханд̇и. яам̣ яан̃хи аг̇аамагкзд̇д̇абхууд̇ам̣ над̣̇ийсамуд̣̇д̣̇аж̇аад̇ассаравирахид̇абад̣̇зсам̣, д̇ам̣ саб̣б̣ам̣ аран̃н̃асиймаад̇и взд̣̇ид̇аб̣б̣ам̣. саа жа сад̇д̇аб̣бханд̇арасиймам̣ винаа саяамзва самаанасам̣ваасаа б̣ад̣̇д̇хасиймаасад̣̇исаа, над̣̇ийаад̣̇исиймаасу вияа саб̣б̣амзд̇т̇а сан̇гхагаммам̣ гаад̇ум̣ ваддад̇и. над̣̇ийсамуд̣̇д̣̇аж̇аад̇ассараанам̣ д̇аава адтагат̇ааяам̣ ‘‘ад̇д̇ано сабхаавзнзва б̣ад̣̇д̇хасиймаасад̣̇исаа’’д̇иаад̣̇инаа вуд̇д̇ад̇д̇аа сиймад̇аа сид̣̇д̇хаа. аран̃н̃асса бана сиймад̇аа гат̇анд̇и? сад̇д̇аб̣бханд̇арасиймаануж̇аананасуд̇д̇аад̣̇исаамад̇т̇ияад̇о. яат̇аа хи г̇аамасиймааяа ваг̇г̇агаммабарихаарад̇т̇ам̣ б̣ахуу б̣ад̣̇д̇хасиймааяо анун̃н̃аад̇аа, д̇аасан̃жа д̣̇виннам̣ анд̇араа ан̃н̃аман̃н̃ам̣ асамбхзд̣̇ад̇т̇ам̣ сийманд̇аригаа анун̃н̃аад̇аа, звамид̇ха аран̃н̃зби сад̇д̇аб̣бханд̇арасиймаа. д̇аасан̃жа д̣̇виннам̣ анд̇арааби сийманд̇аригааяа баал̣иадтагат̇аасу вид̇хаанасаамад̇т̇ияад̇о аран̃н̃ассаби сабхаавзнзва над̣̇ийаад̣̇ийнам̣ вияа сиймабхааво д̇ад̇т̇а ваг̇г̇агаммабарихаарад̇т̇амзва сад̇д̇аб̣бханд̇арасиймааяа анун̃н̃аад̇ад̇д̇аава сид̣̇д̇ход̇и взд̣̇ид̇аб̣б̣ам̣. д̇ад̇т̇а сиймааяамзва хи тид̇аа сиймадтаанам̣ ваг̇г̇агаммам̣ гаронд̇и, на асиймааяам̣ аагаасз тид̇аа вияа аагаасадтаанам̣. звамзва хи саамад̇т̇ияам̣ г̇ахзд̇ваа ‘‘саб̣б̣аа, бхигкавз, над̣̇ий асиймаа’’д̇иаад̣̇инаа (махаава. 147) бадигкид̇д̇аб̣ад̣̇д̇хасиймаанамби над̣̇ийсамуд̣̇д̣̇аж̇аад̇ассараанам̣ ад̇д̇ано сабхаавзнзва сиймабхааво адтагат̇ааяам̣ (махаава. адта. 147) вуд̇д̇од̇и г̇ахзд̇аб̣б̣о.

    Viñjhāṭavisadise araññeti yattha ‘‘asukagāmassa idaṃ khetta’’nti gāmavohāro natthi, yattha ca neva kasanti na vapanti, tādise araññe. Macchabandhānaṃ agamanapathā nimmanussāvāsā samuddantaradīpakāpi ettheva saṅgayhanti. Yaṃ yañhi agāmakkhettabhūtaṃ nadīsamuddajātassaravirahitapadesaṃ, taṃ sabbaṃ araññasīmāti veditabbaṃ. Sā ca sattabbhantarasīmaṃ vinā sayameva samānasaṃvāsā baddhasīmāsadisā, nadīādisīmāsu viya sabbamettha saṅghakammaṃ kātuṃ vaṭṭati. Nadīsamuddajātassarānaṃ tāva aṭṭhakathāyaṃ ‘‘attano sabhāveneva baddhasīmāsadisā’’tiādinā vuttattā sīmatā siddhā. Araññassa pana sīmatā kathanti? Sattabbhantarasīmānujānanasuttādisāmatthiyato. Yathā hi gāmasīmāya vaggakammaparihāratthaṃ bahū baddhasīmāyo anuññātā, tāsañca dvinnaṃ antarā aññamaññaṃ asambhedatthaṃ sīmantarikā anuññātā, evamidha araññepi sattabbhantarasīmā. Tāsañca dvinnaṃ antarāpi sīmantarikāya pāḷiaṭṭhakathāsu vidhānasāmatthiyato araññassapi sabhāveneva nadīādīnaṃ viya sīmabhāvo tattha vaggakammaparihāratthameva sattabbhantarasīmāya anuññātattāva siddhoti veditabbaṃ. Tattha sīmāyameva hi ṭhitā sīmaṭṭhānaṃ vaggakammaṃ karonti, na asīmāyaṃ ākāse ṭhitā viya ākāsaṭṭhānaṃ. Evameva hi sāmatthiyaṃ gahetvā ‘‘sabbā, bhikkhave, nadī asīmā’’tiādinā (mahāva. 147) paṭikkhittabaddhasīmānampi nadīsamuddajātassarānaṃ attano sabhāveneva sīmabhāvo aṭṭhakathāyaṃ (mahāva. aṭṭha. 147) vuttoti gahetabbo.

    ат̇асса тид̇огаасад̇од̇и д̇асса бхигкусса тид̇огаасад̇о. сажзби хи бхигкусахассам̣ д̇идтад̇и, д̇асса тид̇огаасасса б̣аахиранд̇ад̇о бадтааяа бхигкуунам̣ ваг̇г̇агаммабарихаарад̇т̇ам̣ сиймаабзгкааяа уббаннааяа д̇ааяа саха саяамзва уббаннаа сад̇д̇аб̣бханд̇арасиймаа самаанасам̣ваасагаад̇и ад̇хиббааяо. яад̇т̇а бана куд̣̇д̣̇агз аран̃н̃з маханд̇зхи бхигкуухи барибун̣н̣ад̇ааяа ваг̇г̇агаммасан̇гаабхаавзна сад̇д̇аб̣бханд̇арасиймаабзгкаа над̇т̇и, д̇ад̇т̇а сад̇д̇аб̣бханд̇арасиймаа на уббаж̇ж̇ад̇и. гзвалааран̃н̃асиймааяамзва, д̇ад̇т̇а сан̇гхзна гаммам̣ гаад̇аб̣б̣ам̣. над̣̇ийаад̣̇ийсуби зсзва наяо. вагкад̇и хи ‘‘сажз над̣̇ий наад̇ид̣̇ийгхаа ход̇и, бабхавад̇о бадтааяа яаава мукад̣̇ваараа саб̣б̣ад̇т̇а сан̇гхо нисийд̣̇ад̇и, уд̣̇агугкзбасиймааяа гаммам̣ над̇т̇ий’’д̇иаад̣̇и (ви. сан̇г̇а. адта. 167), иминаа зва жа важанзна ваг̇г̇агаммабарихаарад̇т̇ам̣ сиймаабзгкааяа сад̇и зва уд̣̇агугкзбасад̇д̇аб̣бханд̇арасиймаа уббаж̇ж̇анд̇и, наасад̇ийд̇и д̣̇адтаб̣б̣ам̣.

    Athassaṭhitokāsatoti tassa bhikkhussa ṭhitokāsato. Sacepi hi bhikkhusahassaṃ tiṭṭhati, tassa ṭhitokāsassa bāhirantato paṭṭhāya bhikkhūnaṃ vaggakammaparihāratthaṃ sīmāpekkhāya uppannāya tāya saha sayameva uppannā sattabbhantarasīmā samānasaṃvāsakāti adhippāyo. Yattha pana khuddake araññe mahantehi bhikkhūhi paripuṇṇatāya vaggakammasaṅkābhāvena sattabbhantarasīmāpekkhā natthi, tattha sattabbhantarasīmā na uppajjati. Kevalāraññasīmāyameva, tattha saṅghena kammaṃ kātabbaṃ. Nadīādīsupi eseva nayo. Vakkhati hi ‘‘sace nadī nātidīghā hoti, pabhavato paṭṭhāya yāva mukhadvārā sabbattha saṅgho nisīdati, udakukkhepasīmāya kammaṃ natthī’’tiādi (vi. saṅga. aṭṭha. 167), iminā eva ca vacanena vaggakammaparihāratthaṃ sīmāpekkhāya sati eva udakukkhepasattabbhantarasīmā uppajjanti, nāsatīti daṭṭhabbaṃ.

    гзжи бана ‘‘саманд̇аа аб̣бханд̇арам̣ минид̇ваа барижчзд̣̇агаран̣знзва сиймаа сан̃ж̇ааяад̇и, на саяамзваа’’д̇и вад̣̇анд̇и, д̇ам̣ на г̇ахзд̇аб̣б̣ам̣. яад̣̇и хи аб̣бханд̇арабарижчзд̣̇агаран̣аббагаарзна сиймаа уббаж̇ж̇зяяа, аб̣ад̣̇д̇хасиймаава на сияаа бхигкуунам̣ гирияаабагаарасид̣̇д̇хид̇о. абижа вад̣дхагихад̇т̇аанам̣ багад̇ихад̇т̇аанан̃жа логз анзгавид̇хад̇д̇аа, винаяз ‘‘ийд̣̇исам̣ хад̇т̇абамаан̣а’’нд̇и авуд̇д̇ад̇д̇аа жа ‘‘язна гзнажи минид̇з бхаг̇авад̇аа анун̃н̃аад̇зна ну ко хад̇т̇зна минид̇ам̣, на ну ко’’д̇и сиймааяа вибад̇д̇исан̇гаа бхавзяяа, минанд̇зхи жа анумад̇д̇амби уунамад̇хигамагад̇ваа минид̇ум̣ асаггун̣зяяад̇ааяа вибад̇д̇и зва сияаа, барисавасзна жааяам̣ вад̣дхамаанаа д̇зсам̣ минанзна вад̣дхад̇и, хааяад̇и ваа. сан̇гхз жа гаммам̣ гад̇ваа г̇ад̇з аяам̣ бхигкуунам̣ баяог̇зна самуббаннаа сиймаа д̇зсам̣ баяог̇зна виг̇ажчад̇и на виг̇ажчад̇и жа, гат̇ам̣ б̣ад̣̇д̇хасиймаа вияа яаава саасананд̇арад̇хаанаа на д̇идтзяяа, тид̇ияаа жа бураан̣авихаарзсу вияа сагалзби висум̣ аран̃н̃з гад̇асиймаа самбхзд̣̇асан̇гаа на бхавзяяа, д̇асмаа сиймаабзгкааяа зва самуббаж̇ж̇ад̇и, д̇аб̣б̣иг̇амзна виг̇ажчад̇ийд̇и г̇ахзд̇аб̣б̣ам̣. яат̇аа жзд̇т̇а, звам̣ уд̣̇агугкзбасиймааяамби над̣̇ийаад̣̇ийсуби.

    Keci pana ‘‘samantā abbhantaraṃ minitvā paricchedakaraṇeneva sīmā sañjāyati, na sayamevā’’ti vadanti, taṃ na gahetabbaṃ. Yadi hi abbhantaraparicchedakaraṇappakārena sīmā uppajjeyya, abaddhasīmāva na siyā bhikkhūnaṃ kiriyāpakārasiddhito. Apica vaḍḍhakihatthānaṃ pakatihatthānañca loke anekavidhattā, vinaye ‘‘īdisaṃ hatthapamāṇa’’nti avuttattā ca ‘‘yena kenaci minite bhagavatā anuññātena nu kho hatthena minitaṃ, na nu kho’’ti sīmāya vipattisaṅkā bhaveyya, minantehi ca anumattampi ūnamadhikamakatvā minituṃ asakkuṇeyyatāya vipatti eva siyā, parisavasena cāyaṃ vaḍḍhamānā tesaṃ minanena vaḍḍhati, hāyati vā. Saṅghe ca kammaṃ katvā gate ayaṃ bhikkhūnaṃ payogena samuppannā sīmā tesaṃ payogena vigacchati na vigacchati ca, kathaṃ baddhasīmā viya yāva sāsanantaradhānā na tiṭṭheyya, ṭhitiyā ca purāṇavihāresu viya sakalepi visuṃ araññe katasīmā sambhedasaṅkā na bhaveyya, tasmā sīmāpekkhāya eva samuppajjati, tabbigamena vigacchatīti gahetabbaṃ. Yathā cettha, evaṃ udakukkhepasīmāyampi nadīādīsupi.

    д̇ад̇т̇ааби хи маж̇жхимабурисо на бан̃н̃ааяад̇и, д̇ат̇аа саб̣б̣ат̇аамзна кибанам̣, убхаяад̇т̇аби жа яассам̣ д̣̇исааяам̣ сад̇д̇аб̣бханд̇арасса, уд̣̇агугкзбасса ваа огаасо наббаход̇и, д̇ад̇т̇а гат̇ам̣ минанам̣, кибанам̣ ваа бхавзяяа, г̇аамагкзд̇д̇аад̣̇ийсу бависанад̇о акзд̇д̇з сиймаа бавидтаа гиннаама сиймаа на вибаж̇ж̇зяяа. абзгкааяа сиймуббад̇д̇ияам̣ бана яад̇о баход̇и, д̇ад̇т̇а сад̇д̇аб̣бханд̇арауд̣̇агугкзбасиймаа саяамзва барибун̣н̣аа ж̇ааяанд̇и. яад̇о бана наббаход̇и, д̇ад̇т̇а ад̇д̇ано кзд̇д̇аббамаан̣знзва ж̇ааяанд̇и, на б̣ахи. яам̣ банзд̇т̇а аб̣бханд̇араминанаббамаан̣асса ваалугаад̣̇икибанагаммасса жа д̣̇ассанам̣, д̇ам̣ саяам̣ж̇аад̇асиймаанам̣ тид̇адтаанасса барижчзд̣̇анад̇т̇ам̣ гад̇ам̣ г̇аамуубажаарагхаруубажаараж̇аананад̇т̇ам̣ лзд̣д̣усуббаад̣̇икибанавид̇хаанад̣̇ассанам̣ вияа. д̇знзва маад̇игаадтагат̇ааяам̣ (ган̇каа. адта. уунавийсад̇ивассасигкаабад̣̇аван̣н̣анаа) ‘‘сиймам̣ ваа самманнад̇и, уд̣̇агугкзбам̣ ваа барижчинд̣̇ад̇ий’’д̇и вуд̇д̇ам̣. звам̣ гад̇зби д̇асса барижчзд̣̇асса яаат̇аавад̇о н̃аад̇ум̣ асаггун̣зяяад̇д̇зна бут̇улад̇о н̃ад̇ваа анд̇о д̇идтанд̇зхи нираасан̇гадтаанз таад̇аб̣б̣ам̣, ан̃н̃ам̣ б̣ахи гаронд̇зхи ад̇ид̣̇уурз нираасан̇гадтаанз бзсзд̇аб̣б̣ам̣.

    Tatthāpi hi majjhimapuriso na paññāyati, tathā sabbathāmena khipanaṃ, ubhayatthapi ca yassaṃ disāyaṃ sattabbhantarassa, udakukkhepassa vā okāso nappahoti, tattha kathaṃ minanaṃ, khipanaṃ vā bhaveyya, gāmakkhettādīsu pavisanato akhette sīmā paviṭṭhā kinnāma sīmā na vipajjeyya. Apekkhāya sīmuppattiyaṃ pana yato pahoti, tattha sattabbhantaraudakukkhepasīmā sayameva paripuṇṇā jāyanti. Yato pana nappahoti, tattha attano khettappamāṇeneva jāyanti, na bahi. Yaṃ panettha abbhantaraminanappamāṇassa vālukādikhipanakammassa ca dassanaṃ, taṃ sayaṃjātasīmānaṃ ṭhitaṭṭhānassa paricchedanatthaṃ kataṃ gāmūpacāragharūpacārajānanatthaṃ leḍḍusuppādikhipanavidhānadassanaṃ viya. Teneva mātikāṭṭhakathāyaṃ (kaṅkhā. aṭṭha. ūnavīsativassasikkhāpadavaṇṇanā) ‘‘sīmaṃ vā sammannati, udakukkhepaṃ vā paricchindatī’’ti vuttaṃ. Evaṃ katepi tassa paricchedassa yāthāvato ñātuṃ asakkuṇeyyattena puthulato ñatvā anto tiṭṭhantehi nirāsaṅkaṭṭhāne ṭhātabbaṃ, aññaṃ bahi karontehi atidūre nirāsaṅkaṭṭhāne pesetabbaṃ.

    абарз бана ‘‘сиймаабзгкааяа гижжам̣ над̇т̇и, маг̇г̇аг̇амананахаанаад̣̇иад̇т̇зхи згабхигкусмимби аран̃н̃з ваа над̣̇ийаад̣̇ийсу ваа бавидтз д̇ам̣ баригкибид̇ваа сад̇д̇аб̣бханд̇арауд̣̇агугкзбасиймаа саяамзва бабхаа вияа бад̣̇ийбасса самуббаж̇ж̇ад̇и. г̇аамагкзд̇д̇аад̣̇ийсу д̇асмим̣ од̇ин̣н̣амад̇д̇з виг̇ажчад̇и. д̇знзвзд̇т̇а д̣̇виннам̣ сан̇гхаанам̣ висум̣ гаммам̣ гаронд̇аанам̣ сиймаад̣̇ваяасса анд̇араа сийманд̇аригам̣ ан̃н̃ам̣ сад̇д̇аб̣бханд̇арам̣ уд̣̇агугкзбан̃жа табзд̇ум̣ анун̃н̃аад̇ам̣. сиймаабарияанд̇з хи гзнажи гаммзна бзсид̇асса бхигкуно саманд̇аа сан̃ж̇аад̇аа сиймаа ид̇арзсам̣ сиймааяа пусид̇ваа сиймаасамбхзд̣̇ам̣ гарзяяа, со маа ход̇ууд̇и ваа, ид̇арат̇аа хад̇т̇ажад̇уран̇г̇уламад̇д̇ааяабзд̇т̇а сийманд̇аригааяа ануж̇аанид̇аб̣б̣ад̇о. абижа сийманд̇аригааяа тид̇асса убхаяад̇т̇а гаммагобаважанад̇оби жзд̇ам̣ сиж̇жхад̇и д̇амби баригкибид̇ваа саяамзва сан̃ж̇аад̇ааяа сиймааяа убхиннамби сиймаанам̣, згааяа зва ваа сан̇гарад̇о. ид̇арат̇аа д̇асса гаммагобаважанам̣ на яуж̇ж̇зяяа. вуд̇д̇ан̃хи маад̇игаадтагат̇ааяам̣ (ган̇каа. адта. нид̣̇аанаван̣н̣анаа) ‘барижчзд̣̇аб̣бханд̇арз хад̇т̇абаасам̣ виж̇ахид̇ваа тид̇оби барижчзд̣̇ад̇о б̣ахи ан̃н̃ам̣ д̇ад̇д̇агам̣язва барижчзд̣̇ам̣ анад̇иггамид̇ваа тид̇оби гаммам̣ гобзд̇ий’д̇и. гин̃жа аг̇аамагааран̃н̃з тид̇асса гаммагаран̣ижчаавирахид̇ассаби бхигкуно сад̇д̇аб̣бханд̇арабарижчиннз аб̣бхогаасз жийваравиббаваасо бхаг̇авад̇аа анун̃н̃аад̇о, со жа барижчзд̣̇о сиймаа, звам̣ абзгкам̣ винаа самуббаннаа. д̇знзвзд̇т̇а ‘аяам̣ сиймаа жийваравиббаваасабарихаарамби лабхад̇ий’д̇и (махаава. адта. 147) вуд̇д̇ам̣, д̇асмаа гаммагаран̣ижчам̣ винааби вуд̇д̇анаязна самуббад̇д̇и г̇ахзд̇аб̣б̣аа’’д̇и вад̣̇анд̇и. д̇ам̣ на яуд̇д̇ам̣ бад̣̇ийбабабхаа вияа саб̣б̣абуг̇г̇алаанамби бажжзгам̣ сиймаасамбхавзна сан̇гхз, г̇ан̣з ваа гаммам̣ гаронд̇з д̇ад̇т̇а тид̇аанам̣ бхигкуунам̣ саманд̇аа бажжзгам̣ самуббаннаанам̣ анзгасиймаанам̣ ан̃н̃аман̃н̃ам̣ сан̇гарад̣̇осаббасан̇г̇ад̇о. барисавасзна жассаа вад̣дхи хаани жа самбхавад̇и, бажчаа ааг̇ад̇аанам̣ абхинавасийманд̇аруббад̇д̇и зва, г̇ад̇аанам̣ саманд̇аа тид̇асиймаавинаасо жа бхавзяяа.

    Apare pana ‘‘sīmāpekkhāya kiccaṃ natthi, maggagamananahānādiatthehi ekabhikkhusmimpi araññe vā nadīādīsu vā paviṭṭhe taṃ parikkhipitvā sattabbhantaraudakukkhepasīmā sayameva pabhā viya padīpassa samuppajjati. Gāmakkhettādīsu tasmiṃ otiṇṇamatte vigacchati. Tenevettha dvinnaṃ saṅghānaṃ visuṃ kammaṃ karontānaṃ sīmādvayassa antarā sīmantarikaṃ aññaṃ sattabbhantaraṃ udakukkhepañca ṭhapetuṃ anuññātaṃ. Sīmāpariyante hi kenaci kammena pesitassa bhikkhuno samantā sañjātā sīmā itaresaṃ sīmāya phusitvā sīmāsambhedaṃ kareyya, so mā hotūti vā, itarathā hatthacaturaṅgulamattāyapettha sīmantarikāya anujānitabbato. Apica sīmantarikāya ṭhitassa ubhayattha kammakopavacanatopi cetaṃ sijjhati tampi parikkhipitvā sayameva sañjātāya sīmāya ubhinnampi sīmānaṃ, ekāya eva vā saṅkarato. Itarathā tassa kammakopavacanaṃ na yujjeyya. Vuttañhi mātikāṭṭhakathāyaṃ (kaṅkhā. aṭṭha. nidānavaṇṇanā) ‘paricchedabbhantare hatthapāsaṃ vijahitvā ṭhitopi paricchedato bahi aññaṃ tattakaṃyeva paricchedaṃ anatikkamitvā ṭhitopi kammaṃ kopetī’ti. Kiñca agāmakāraññe ṭhitassa kammakaraṇicchāvirahitassapi bhikkhuno sattabbhantaraparicchinne abbhokāse cīvaravippavāso bhagavatā anuññāto, so ca paricchedo sīmā, evaṃ apekkhaṃ vinā samuppannā. Tenevettha ‘ayaṃ sīmā cīvaravippavāsaparihārampi labhatī’ti (mahāva. aṭṭha. 147) vuttaṃ, tasmā kammakaraṇicchaṃ vināpi vuttanayena samuppatti gahetabbā’’ti vadanti. Taṃ na yuttaṃ padīpapabhā viya sabbapuggalānampi paccekaṃ sīmāsambhavena saṅghe, gaṇe vā kammaṃ karonte tattha ṭhitānaṃ bhikkhūnaṃ samantā paccekaṃ samuppannānaṃ anekasīmānaṃ aññamaññaṃ saṅkaradosappasaṅgato. Parisavasena cassā vaḍḍhi hāni ca sambhavati, pacchā āgatānaṃ abhinavasīmantaruppatti eva, gatānaṃ samantā ṭhitasīmāvināso ca bhaveyya.

    баал̣ияам̣ (махаава. 147) бана ‘‘саманд̇аа сад̇д̇аб̣бханд̇араа, аяам̣ д̇ад̇т̇а самаанасам̣ваасаа’’д̇иаад̣̇инаа згаа зва сад̇д̇аб̣бханд̇араа уд̣̇агугкзбаа жа анун̃н̃аад̇аа, на жзсаа сиймаа сабхаавзна, гааран̣асаамад̇т̇иязна ваа бабхаа вияа бад̣̇ийбасса уббаж̇ж̇ад̇и, гинд̇у бхаг̇авад̇о ануж̇аананзнзва. бхаг̇аваа жа имаа ануж̇аананд̇о бхигкуунам̣ ваг̇г̇агаммабарихаарзна гаммагаран̣асукад̇т̇амзва анун̃н̃аасийд̇и гат̇ам̣ нахаанаад̣̇игижжзна бавидтаанамби саманд̇аа д̇аасам̣ сиймаанам̣ самуббад̇д̇и баяож̇анаабхааваа, баяож̇анз жа згам̣ зва баяож̇ананд̇и гат̇ам̣ бажжзгам̣ бхигкуг̇ан̣анааяа анзгасиймаасамуббад̇д̇и. ‘‘згасиймааяа хад̇т̇абаасам̣ авиж̇ахид̇ваа тид̇аа’’д̇и (ган̇каа. адта. нид̣̇аанаван̣н̣анаа) хи вуд̇д̇ам̣. яам̣ бана д̣̇виннам̣ сиймаанам̣ анд̇араа д̇ад̇д̇агабарижчзд̣̇знзва сийманд̇аригаатабанаважанам̣, д̇ад̇т̇а тид̇аанам̣ гаммагобаважанан̃жа, д̇амби имаасам̣ сиймаанам̣ барижчзд̣̇асса д̣̇уб̣б̣од̇хад̇ааяа сиймааяа самбхзд̣̇асан̇гам̣ гаммагобасан̇ган̃жа д̣̇уурад̇о барихарид̇ум̣ вуд̇д̇ам̣.

    Pāḷiyaṃ (mahāva. 147) pana ‘‘samantā sattabbhantarā, ayaṃ tattha samānasaṃvāsā’’tiādinā ekā eva sattabbhantarā udakukkhepā ca anuññātā, na cesā sīmā sabhāvena, kāraṇasāmatthiyena vā pabhā viya padīpassa uppajjati, kintu bhagavato anujānaneneva. Bhagavā ca imā anujānanto bhikkhūnaṃ vaggakammaparihārena kammakaraṇasukhatthameva anuññāsīti kathaṃ nahānādikiccena paviṭṭhānampi samantā tāsaṃ sīmānaṃ samuppatti payojanābhāvā, payojane ca ekaṃ eva payojananti kathaṃ paccekaṃ bhikkhugaṇanāya anekasīmāsamuppatti. ‘‘Ekasīmāya hatthapāsaṃ avijahitvā ṭhitā’’ti (kaṅkhā. aṭṭha. nidānavaṇṇanā) hi vuttaṃ. Yaṃ pana dvinnaṃ sīmānaṃ antarā tattakaparicchedeneva sīmantarikāṭhapanavacanaṃ, tattha ṭhitānaṃ kammakopavacanañca, tampi imāsaṃ sīmānaṃ paricchedassa dubbodhatāya sīmāya sambhedasaṅkaṃ kammakopasaṅkañca dūrato pariharituṃ vuttaṃ.

    яо жа жийваравиббаваасад̇т̇ам̣ бхаг̇авад̇аа аб̣бхогаасз д̣̇ассид̇о сад̇д̇аб̣бханд̇арабарижчзд̣̇о, со сиймаа зва на ход̇и, кзд̇д̇ад̇ал̣аагаад̣̇ибарижчзд̣̇о вияа аяамзд̇т̇а зго барижчзд̣̇ова. д̇ад̇т̇а жа б̣ахуусу бхигкуусу згад̇о тид̇зсу д̇зсам̣ висум̣ висум̣ ад̇д̇ано тид̇адтаанад̇о бадтааяа саманд̇аа сад̇д̇аб̣бханд̇арабарижчзд̣̇аб̣бханд̇арз зва жийварам̣ табзд̇аб̣б̣ам̣, на барисабарияанд̇ад̇о. барисабарияанд̇ад̇о бадтааяа хи аб̣бханд̇арз г̇аяхамаанз сад̇д̇аб̣бханд̇арабарияосаанз табид̇ажийварам̣ маж̇жхз тид̇асса сад̇д̇аб̣бханд̇арад̇о б̣ахи ход̇ийд̇и д̇ам̣ арун̣уг̇г̇аманз ниссаг̇г̇ияам̣ сияаа. сиймаа бана барисабарияанд̇ад̇ова г̇ахзд̇аб̣б̣аа. жийваравиббаваасабарихааробзд̇т̇а аж̇жхогаасабарижчзд̣̇асса виж̇ж̇амаанад̇д̇аа вуд̇д̇о, на бана яаава сиймаабарижчзд̣̇ам̣ лаб̣бхамаанад̇д̇аа махаасиймааяа авиббаваасасиймаавохааро вияа. махаасиймааяамби хи г̇аамаг̇аамуубажаарзсу жийварам̣ ниссаг̇г̇ияам̣ ход̇и, ид̇хааби маж̇жхз тид̇асса сиймаабарияанд̇з ниссаг̇г̇ияам̣ ход̇и, д̇асмаа яат̇аавуд̇д̇асиймаабзгкаавасзнзва д̇аасам̣ сад̇д̇аб̣бханд̇арауд̣̇агугкзбасиймаанам̣ уббад̇д̇и, д̇аб̣б̣иг̇амзна винаасо жа г̇ахзд̇аб̣б̣од̇и амхаагам̣ канд̇и, виймам̣сид̇ваа г̇ахзд̇аб̣б̣ам̣. ан̃н̃о ваа багааро ид̇о яуд̇д̇ад̇аро г̇авзсид̇аб̣б̣о.

    Yo ca cīvaravippavāsatthaṃ bhagavatā abbhokāse dassito sattabbhantaraparicchedo, so sīmā eva na hoti, khettataḷākādiparicchedo viya ayamettha eko paricchedova. Tattha ca bahūsu bhikkhūsu ekato ṭhitesu tesaṃ visuṃ visuṃ attano ṭhitaṭṭhānato paṭṭhāya samantā sattabbhantaraparicchedabbhantare eva cīvaraṃ ṭhapetabbaṃ, na parisapariyantato. Parisapariyantato paṭṭhāya hi abbhantare gayhamāne sattabbhantarapariyosāne ṭhapitacīvaraṃ majjhe ṭhitassa sattabbhantarato bahi hotīti taṃ aruṇuggamane nissaggiyaṃ siyā. Sīmā pana parisapariyantatova gahetabbā. Cīvaravippavāsaparihāropettha ajjhokāsaparicchedassa vijjamānattā vutto, na pana yāva sīmāparicchedaṃ labbhamānattā mahāsīmāya avippavāsasīmāvohāro viya. Mahāsīmāyampi hi gāmagāmūpacāresu cīvaraṃ nissaggiyaṃ hoti, idhāpi majjhe ṭhitassa sīmāpariyante nissaggiyaṃ hoti, tasmā yathāvuttasīmāpekkhāvaseneva tāsaṃ sattabbhantaraudakukkhepasīmānaṃ uppatti, tabbigamena vināso ca gahetabboti amhākaṃ khanti, vīmaṃsitvā gahetabbaṃ. Añño vā pakāro ito yuttataro gavesitabbo.

    ид̇ха бана ‘‘аран̃н̃з саманд̇аа сад̇д̇аб̣бханд̇араа’’д̇и звам̣ баал̣ияам̣ (махаава. 147), ‘‘вин̃жхаадависад̣̇исз аран̃н̃з саманд̇аа сад̇д̇аб̣бханд̇араа’’д̇и адтагат̇ааяан̃жа (махаава. адта. 147) ругкаад̣̇иниранд̇арзби аран̃н̃з сад̇д̇аб̣бханд̇арасиймааяа вихид̇ад̇д̇аа ад̇д̇ано ниссаяабхууд̇ааяа аран̃н̃асиймааяа саха зд̇иссаа ругкаад̣̇исамб̣анд̇хз д̣̇осаабхааво, баг̇зва аг̇аамагз ругкзд̇и ниссид̇зби бад̣̇зсз жийваравиббаваасасса ругкабарихаарам̣ винаава аж̇жхогаасабарихааро жа анумад̇од̇и сид̣̇д̇ход̇и взд̣̇ид̇аб̣б̣ам̣.

    Idha pana ‘‘araññe samantā sattabbhantarā’’ti evaṃ pāḷiyaṃ (mahāva. 147), ‘‘viñjhāṭavisadise araññe samantā sattabbhantarā’’ti aṭṭhakathāyañca (mahāva. aṭṭha. 147) rukkhādinirantarepi araññe sattabbhantarasīmāya vihitattā attano nissayabhūtāya araññasīmāya saha etissā rukkhādisambandhe dosābhāvo, pageva agāmake rukkheti nissitepi padese cīvaravippavāsassa rukkhaparihāraṃ vināva ajjhokāsaparihāro ca anumatoti siddhoti veditabbaṃ.

    убажаарад̇т̇ааяаад̇и сийманд̇аригад̇т̇ааяа. сад̇д̇аб̣бханд̇арад̇о ад̇хигам̣ ваддад̇и, уунагам̣ бана на ваддад̇и зва сад̇д̇аб̣бханд̇арабарижчзд̣̇асса д̣̇уб̣б̣иж̇аанад̇д̇аа. д̇асмаа сан̇гхам̣ винаа згзнаби бхигкунаа б̣ахи д̇идтанд̇зна ан̃н̃ам̣ сад̇д̇аб̣бханд̇арам̣ ад̇иггамид̇ваа д̣̇уурз зва таад̇аб̣б̣ам̣. ид̇арат̇аа гаммагобасан̇гарад̇о. уд̣̇агугкзбзби зсзва наяо. д̇знзва вагкад̇и ‘‘уунагам̣ бана на ваддад̇ий’’д̇и (ви. сан̇г̇а.адта. 167). ид̣̇ан̃жзд̇т̇а сийманд̇аригаавид̇хаанам̣ д̣̇виннам̣ б̣ад̣̇д̇хасиймаанам̣ сийманд̇аригаануж̇аананасуд̇д̇аануломад̇о сид̣̇д̇ханд̇и д̣̇адтаб̣б̣ам̣. гин̃жааби хи бхаг̇авад̇аа нид̣̇аанавасзна згаг̇ааманиссид̇аанам̣ згасабхааг̇аанан̃жа д̣̇виннам̣ б̣ад̣̇д̇хасиймаанамзва ан̃н̃аман̃н̃ам̣ самбхзд̣̇ааж̇жход̇т̇аран̣ад̣̇осабарихаарааяа сийманд̇аригаа анун̃н̃аад̇аа, д̇ат̇ааби д̇ад̣̇ануломад̇о згам̣ аран̃н̃асиймам̣ над̣̇ийаад̣̇исийман̃жа ниссид̇аанам̣ згасабхааг̇аанам̣ д̣̇виннам̣ сад̇д̇аб̣бханд̇арасиймаанамби уд̣̇агугкзбасиймаанамби ан̃н̃аман̃н̃ам̣ самбхзд̣̇аж̇жход̇т̇аран̣ам̣, сийманд̇аригам̣ винаа аб̣яавад̇хаанзна таанан̃жа бхаг̇авад̇аа анабхимад̇амзваад̇и н̃ад̇ваа адтагат̇аажарияаа ид̇хааби сийманд̇аригаавид̇хаанамагам̣су. висабхааг̇асиймаанамби хи згасиймааниссид̇ад̇д̇ам̣ згасабхааг̇ад̇д̇ан̃жаад̇и д̣̇вийхан̇г̇зхи саманнааг̇амз сад̇и зва сийманд̇аригам̣ винаа таанам̣ самбхзд̣̇ааяа ход̇и, наасад̇ийд̇и д̣̇адтаб̣б̣ам̣. сийманд̇аригавид̇хаанасаамад̇т̇иязнзва жзд̇аасам̣ ругкаад̣̇исамб̣анд̇хоби б̣ад̣̇д̇хасиймаа вияа ан̃н̃аман̃н̃ам̣ на ваддад̇ийд̇и аяамби наяад̇о д̣̇ассид̇оваад̇и г̇ахзд̇аб̣б̣ам̣.

    Upacāratthāyāti sīmantarikatthāya. Sattabbhantarato adhikaṃ vaṭṭati, ūnakaṃ pana na vaṭṭati eva sattabbhantaraparicchedassa dubbijānattā. Tasmā saṅghaṃ vinā ekenapi bhikkhunā bahi tiṭṭhantena aññaṃ sattabbhantaraṃ atikkamitvā dūre eva ṭhātabbaṃ. Itarathā kammakopasaṅkarato. Udakukkhepepi eseva nayo. Teneva vakkhati ‘‘ūnakaṃ pana na vaṭṭatī’’ti (vi. saṅga.aṭṭha. 167). Idañcettha sīmantarikāvidhānaṃ dvinnaṃ baddhasīmānaṃ sīmantarikānujānanasuttānulomato siddhanti daṭṭhabbaṃ. Kiñcāpi hi bhagavatā nidānavasena ekagāmanissitānaṃ ekasabhāgānañca dvinnaṃ baddhasīmānameva aññamaññaṃ sambhedaajjhottharaṇadosaparihārāya sīmantarikā anuññātā, tathāpi tadanulomato ekaṃ araññasīmaṃ nadīādisīmañca nissitānaṃ ekasabhāgānaṃ dvinnaṃ sattabbhantarasīmānampi udakukkhepasīmānampi aññamaññaṃ sambhedajjhottharaṇaṃ, sīmantarikaṃ vinā abyavadhānena ṭhānañca bhagavatā anabhimatamevāti ñatvā aṭṭhakathācariyā idhāpi sīmantarikāvidhānamakaṃsu. Visabhāgasīmānampi hi ekasīmānissitattaṃ ekasabhāgattañcāti dvīhaṅgehi samannāgame sati eva sīmantarikaṃ vinā ṭhānaṃ sambhedāya hoti, nāsatīti daṭṭhabbaṃ. Sīmantarikavidhānasāmatthiyeneva cetāsaṃ rukkhādisambandhopi baddhasīmā viya aññamaññaṃ na vaṭṭatīti ayampi nayato dassitovāti gahetabbaṃ.

    167. сабхаавзнзваад̇и иминаа г̇аамасиймаа вияа аб̣ад̣̇д̇хасиймаад̇и д̣̇ассзд̇и. саб̣б̣амзд̇т̇а сан̇гхагаммам̣ гаад̇ум̣ ваддад̇ийд̇и самаанасам̣ваасаа згуубосат̇аад̇и д̣̇ассзд̇и. язна гзнажийд̇и анд̇амасо суугараад̣̇инаа сад̇д̇зна. махогхзна бана ун̣н̣ад̇адтаанад̇о ниннадтаанз бад̇анд̇зна кад̇о куд̣̇д̣̇аго ваа маханд̇о ваа лагкан̣аяуд̇д̇о ‘‘ж̇аад̇ассаро’’д̇взва вужжад̇и. зд̇т̇аби куд̣̇д̣̇агз уд̣̇агугкзбагижжам̣ над̇т̇и. самуд̣̇д̣̇з бана саб̣б̣ад̇т̇а уд̣̇агугкзбасиймааяамзва гаммам̣ гаад̇аб̣б̣ам̣ сод̇хзд̇ум̣ д̣̇уггарад̇д̇аа. буна д̇ад̇т̇аад̇и логавохаарасид̣̇д̇хийсу зва д̇аасу над̣̇ийаад̣̇ийсу д̇ийсу аб̣ад̣̇д̇хасиймаасу буна ваг̇г̇агаммабарихаарад̇т̇ам̣ саасанавохаарасид̣̇д̇хааяа аб̣ад̣̇д̇хасиймааяа барижчзд̣̇ам̣ д̣̇ассзнд̇од̇и ад̇хиббааяо. баал̣ияам̣ (махаава. 147) ‘‘яам̣ маж̇жхимасса бурисассаа’’д̇иаад̣̇ийсу уд̣̇агам̣ угкибид̇ваа кибийяад̇и зд̇т̇аад̇и уд̣̇агугкзбо, уд̣̇агасса бад̇аногаасо, д̇асмаа уд̣̇агугкзбаа, аяан̃хзд̇т̇а бад̣̇асамб̣анд̇хавасзна ад̇т̇о – барисабарияанд̇ад̇о бадтааяа саманд̇аа яаава маж̇жхимасса бурисасса уд̣̇агугкзбо уд̣̇агасса бад̇анадтаанам̣, д̇аава яам̣ д̇ам̣ барижчиннадтаанам̣, аяам̣ д̇ад̇т̇а над̣̇ийаад̣̇ийсу абараа самаанасам̣ваасаа уд̣̇агугкзбасиймаад̇и.

    167.Sabhāvenevāti iminā gāmasīmā viya abaddhasīmāti dasseti. Sabbamettha saṅghakammaṃ kātuṃ vaṭṭatīti samānasaṃvāsā ekūposathāti dasseti. Yena kenacīti antamaso sūkarādinā sattena. Mahoghena pana uṇṇataṭṭhānato ninnaṭṭhāne patantena khato khuddako vā mahanto vā lakkhaṇayutto ‘‘jātassaro’’tveva vuccati. Etthapi khuddake udakukkhepakiccaṃ natthi. Samudde pana sabbattha udakukkhepasīmāyameva kammaṃ kātabbaṃ sodhetuṃ dukkarattā. Puna tatthāti lokavohārasiddhīsu eva tāsu nadīādīsu tīsu abaddhasīmāsu puna vaggakammaparihāratthaṃ sāsanavohārasiddhāya abaddhasīmāya paricchedaṃ dassentoti adhippāyo. Pāḷiyaṃ (mahāva. 147) ‘‘yaṃ majjhimassa purisassā’’tiādīsu udakaṃ ukkhipitvā khipīyati etthāti udakukkhepo, udakassa patanokāso, tasmā udakukkhepā, ayañhettha padasambandhavasena attho – parisapariyantato paṭṭhāya samantā yāva majjhimassa purisassa udakukkhepo udakassa patanaṭṭhānaṃ, tāva yaṃ taṃ paricchinnaṭṭhānaṃ, ayaṃ tattha nadīādīsu aparā samānasaṃvāsā udakukkhepasīmāti.

    д̇асса анд̇од̇и д̇асса уд̣̇агугкзбабарижчиннасса таанасса анд̇о. на гзвалан̃жа д̇ассзва анд̇о, д̇ад̇о б̣ахиби, ‘‘згасса уд̣̇агугкзбасса анд̇о таад̇ум̣ на ваддад̇ий’’д̇и важанам̣ уд̣̇агугкзбабарижчзд̣̇асса д̣̇уб̣б̣иж̇аанад̇о гаммагобасан̇гаа ход̇ийд̇и . д̇знзва маад̇игаадтагат̇ааяам̣ (ган̇каа. адта. нид̣̇аанаван̣н̣анаа) ‘‘барижчзд̣̇аб̣бханд̇арз хад̇т̇абаасам̣ виж̇ахид̇ваа тид̇оби барижчзд̣̇ад̇о б̣ахи ан̃н̃ам̣ д̇ад̇д̇агам̣язва барижчзд̣̇ам̣ анад̇иггамид̇ваа тид̇оби гаммам̣ гобзд̇и, ид̣̇ам̣ саб̣б̣аадтагат̇аасу саннидтаана’’нд̇и вуд̇д̇ам̣. яам̣ банзд̇т̇а саарад̇т̇ад̣̇ийбанияам̣ (саарад̇т̇а. дий. махааваг̇г̇а 3.147) ‘‘д̇асса анд̇охад̇т̇абаасам̣ виж̇ахид̇ваа тид̇о гаммам̣ гобзд̇ийд̇и иминаа барижчзд̣̇ад̇о б̣ахи яад̇т̇а гад̇т̇ажи тид̇о гаммам̣ на гобзд̇ий’’д̇и вад̇ваа маад̇игаадтагат̇ааважанамби бадигкибид̇ваа ‘‘нзва баал̣ияам̣ на адтагат̇ааяам̣ убалаб̣бхад̇ий’’д̇иаад̣̇и б̣аху бабан̃жид̇ам̣, д̇ам̣ на сунд̣̇арам̣ ид̇ха адтагат̇ааважанзна маад̇игаадтагат̇ааважанасса наяад̇о сам̣санд̣̇анад̇о сан̇гхаданад̇о. д̇ат̇аа хи д̣̇виннам̣ уд̣̇агугкзбабаажчзд̣̇аанаманд̇араа вид̣̇ад̇т̇ижад̇уран̇г̇уламад̇д̇амби сийманд̇аригам̣ атабзд̇ваа ‘‘ан̃н̃о уд̣̇агугкзбо сийманд̇аригааяа табзд̇аб̣б̣о, ‘‘д̇ад̇о ад̇хигам̣ ваддад̇и зва, уунагам̣ бана на ваддад̇ий’’д̇и звам̣ ид̇хзва вуд̇д̇зна иминаа адтагат̇ааважанзна сийманд̇аригобажаарз уд̣̇агугкзбад̇о уунагз табид̇з сиймааяа сиймаасамбхзд̣̇ад̇о гаммагобоби вуд̇д̇о зва. яад̣̇аг̇г̇зна жа звам̣ вуд̇д̇о, д̇ад̣̇аг̇г̇зна жа д̇ад̇т̇а згабхигкуно бавзсзби сад̇и д̇асса сиймадтабхаавад̇о гаммагобо вуд̇д̇о зва ход̇и. адтагат̇ааяам̣ ‘‘уунагам̣ бана на ваддад̇ий’’д̇и гат̇анан̃жзд̇ам̣ уд̣̇агугкзбабарижчзд̣̇асса д̣̇уб̣б̣иж̇аананд̇знаби сиймаасамбхзд̣̇асан̇гаабарихаарад̇т̇ам̣ вуд̇д̇ам̣. сад̇д̇аб̣бханд̇арасиймаанаманд̇араа д̇ад̇д̇агабарижчзд̣̇знзва сийманд̇аригавид̇хаанаважанад̇оби зд̇аасам̣ д̣̇уб̣б̣иж̇аанабарижчзд̣̇ад̇аа, д̇ад̇т̇а жа тид̇аанам̣ гаммагобасан̇гаа сиж̇жхад̇и. гаммагобасан̇гадтаанамби аажарияаа д̣̇уурад̇о барихаарад̇т̇ам̣ ‘‘гаммагобадтаана’’нд̇и вад̇ваава табзсунд̇и г̇ахзд̇аб̣б̣ам̣.

    Tassa antoti tassa udakukkhepaparicchinnassa ṭhānassa anto. Na kevalañca tasseva anto, tato bahipi, ‘‘ekassa udakukkhepassa anto ṭhātuṃ na vaṭṭatī’’ti vacanaṃ udakukkhepaparicchedassa dubbijānato kammakopasaṅkā hotīti . Teneva mātikāṭṭhakathāyaṃ (kaṅkhā. aṭṭha. nidānavaṇṇanā) ‘‘paricchedabbhantare hatthapāsaṃ vijahitvā ṭhitopi paricchedato bahi aññaṃ tattakaṃyeva paricchedaṃ anatikkamitvā ṭhitopi kammaṃ kopeti, idaṃ sabbaaṭṭhakathāsu sanniṭṭhāna’’nti vuttaṃ. Yaṃ panettha sāratthadīpaniyaṃ (sārattha. ṭī. mahāvagga 3.147) ‘‘tassa antohatthapāsaṃ vijahitvā ṭhito kammaṃ kopetīti iminā paricchedato bahi yattha katthaci ṭhito kammaṃ na kopetī’’ti vatvā mātikāṭṭhakathāvacanampi paṭikkhipitvā ‘‘neva pāḷiyaṃ na aṭṭhakathāyaṃ upalabbhatī’’tiādi bahu papañcitaṃ, taṃ na sundaraṃ idha aṭṭhakathāvacanena mātikāṭṭhakathāvacanassa nayato saṃsandanato saṅghaṭanato. Tathā hi dvinnaṃ udakukkhepapaacchedānamantarā vidatthicaturaṅgulamattampi sīmantarikaṃ aṭhapetvā ‘‘añño udakukkhepo sīmantarikāya ṭhapetabbo, ‘‘tato adhikaṃ vaṭṭati eva, ūnakaṃ pana na vaṭṭatī’’ti evaṃ idheva vuttena iminā aṭṭhakathāvacanena sīmantarikopacāre udakukkhepato ūnake ṭhapite sīmāya sīmāsambhedato kammakopopi vutto eva. Yadaggena ca evaṃ vutto, tadaggena ca tattha ekabhikkhuno pavesepi sati tassa sīmaṭṭhabhāvato kammakopo vutto eva hoti. Aṭṭhakathāyaṃ ‘‘ūnakaṃ pana na vaṭṭatī’’ti kathanañcetaṃ udakukkhepaparicchedassa dubbijānantenapi sīmāsambhedasaṅkāparihāratthaṃ vuttaṃ. Sattabbhantarasīmānamantarā tattakaparicchedeneva sīmantarikavidhānavacanatopi etāsaṃ dubbijānaparicchedatā, tattha ca ṭhitānaṃ kammakopasaṅkā sijjhati. Kammakopasaṅkaṭṭhānampi ācariyā dūrato parihāratthaṃ ‘‘kammakopaṭṭhāna’’nti vatvāva ṭhapesunti gahetabbaṃ.

    саарад̇т̇ад̣̇ийбанияам̣ (саарад̇т̇а. дий. махааваг̇г̇а 3.147) бана – абарижчиннааяаад̇и б̣ад̣̇д̇хасиймаавасзна агад̇абарижчзд̣̇ааяа. язна гзнажи кан̣ид̇ваа агад̇од̇и анд̇амасо д̇иражчаанзнаби кан̣ид̇ваа агад̇о. д̇асса анд̇охад̇т̇абаасам̣ виж̇ахид̇ваа тид̇о гаммам̣ гобзд̇ийд̇и иминаа барижчзд̣̇ад̇о б̣ахи яад̇т̇а гад̇т̇ажи тид̇о гаммам̣ на гобзд̇ийд̇и д̣̇ийбзд̇и. яам̣ бана вуд̇д̇ам̣ маад̇игаадтагат̇ааяам̣ (ган̇каа. адта. нид̣̇аанаван̣н̣анаа) ‘‘барижчзд̣̇аб̣бханд̇арз хад̇т̇абаасам̣ виж̇ахид̇ваа тид̇оби барижчзд̣̇ад̇о б̣ахи ан̃н̃ам̣ д̇ад̇д̇агам̣язва барижчзд̣̇ам̣ анад̇иггамид̇ваа тид̇оби гаммам̣ гобзд̇и, ид̣̇ам̣ саб̣б̣аадтагат̇аасу саннидтаана’’нд̇и. д̇ад̇т̇а ан̃н̃ам̣ д̇ад̇д̇агам̣язва барижчзд̣̇ам̣ анад̇иггамид̇ваа тид̇оби гаммам̣ гобзд̇ийд̇и ид̣̇ам̣ нзва баал̣ияам̣, на адтагат̇ааяам̣ убалаб̣бхад̇и, яад̣̇и жзд̇ам̣ д̣̇виннам̣ сан̇гхаанам̣ висум̣ убосат̇аад̣̇игаммагаран̣аад̇хигаарз вуд̇д̇ад̇д̇аа уд̣̇агугкзбад̇о б̣ахи ан̃н̃ам̣ уд̣̇агугкзбам̣ анад̇иггамид̇ваа убосат̇аад̣̇игаран̣ад̇т̇ам̣ тид̇о сан̇гхо сиймаасамбхзд̣̇асамбхавад̇о гаммам̣ гобзд̇ийд̇и иминаа ад̇хиббааязна вуд̇д̇ам̣ сияаа, звамби яуж̇ж̇зяяа. д̇знзва маад̇игаадтагат̇ааяа лийнад̇т̇аббагаасанияам̣ (ган̇каа. дий. нид̣̇аанаван̣н̣анаа) вуд̇д̇ам̣ ‘‘ан̃н̃ам̣ д̇ад̇д̇агам̣язва барижчзд̣̇анд̇и д̣̇уд̇ияам̣ уд̣̇агугкзбам̣ анад̇игганд̇оби гобзд̇и. гасмаа? ад̇д̇ано уд̣̇агугкзбасиймааяа барзсам̣ уд̣̇агугкзбасиймааяа аж̇жход̇т̇адад̇д̇аа сиймаасамбхзд̣̇о ход̇и, д̇асмаа гобзд̇ий’’д̇и. ‘‘ид̣̇ам̣ саб̣б̣аадтагат̇аасу саннидтаана’’нд̇и жа иминаава ад̇хиббааязна вуд̇д̇анд̇и г̇ахзд̇аб̣б̣ам̣ саб̣б̣аасуби адтагат̇аасу сиймаасамбхзд̣̇асса анижчид̇ад̇д̇аа. д̇знзва хи ‘‘ад̇д̇ано жа ан̃н̃зсан̃жа уд̣̇агугкзбабарижчзд̣̇асса анд̇араа ан̃н̃о уд̣̇агугкзбо сийманд̇аригад̇т̇ааяа табзд̇аб̣б̣о’’д̇и вуд̇д̇ам̣. ан̃н̃з банзд̇т̇а ан̃н̃ат̇ааби бабан̃жзнд̇и, д̇ам̣ на г̇ахзд̇аб̣б̣ам̣.

    Sāratthadīpaniyaṃ (sārattha. ṭī. mahāvagga 3.147) pana – aparicchinnāyāti baddhasīmāvasena akataparicchedāya. Yena kenaci khaṇitvā akatoti antamaso tiracchānenapi khaṇitvā akato. Tassa antohatthapāsaṃ vijahitvā ṭhito kammaṃ kopetīti iminā paricchedato bahi yattha katthaci ṭhito kammaṃ na kopetīti dīpeti. Yaṃ pana vuttaṃ mātikāṭṭhakathāyaṃ (kaṅkhā. aṭṭha. nidānavaṇṇanā) ‘‘paricchedabbhantare hatthapāsaṃ vijahitvā ṭhitopi paricchedato bahi aññaṃ tattakaṃyeva paricchedaṃ anatikkamitvā ṭhitopi kammaṃ kopeti, idaṃ sabbaaṭṭhakathāsu sanniṭṭhāna’’nti. Tattha aññaṃ tattakaṃyeva paricchedaṃ anatikkamitvā ṭhitopi kammaṃ kopetīti idaṃ neva pāḷiyaṃ, na aṭṭhakathāyaṃ upalabbhati, yadi cetaṃ dvinnaṃ saṅghānaṃ visuṃ uposathādikammakaraṇādhikāre vuttattā udakukkhepato bahi aññaṃ udakukkhepaṃ anatikkamitvā uposathādikaraṇatthaṃ ṭhito saṅgho sīmāsambhedasambhavato kammaṃ kopetīti iminā adhippāyena vuttaṃ siyā, evampi yujjeyya. Teneva mātikāṭṭhakathāya līnatthappakāsaniyaṃ (kaṅkhā. ṭī. nidānavaṇṇanā) vuttaṃ ‘‘aññaṃ tattakaṃyeva paricchedanti dutiyaṃ udakukkhepaṃ anatikkantopi kopeti. Kasmā? Attano udakukkhepasīmāya paresaṃ udakukkhepasīmāya ajjhotthaṭattā sīmāsambhedo hoti, tasmā kopetī’’ti. ‘‘Idaṃ sabbaaṭṭhakathāsu sanniṭṭhāna’’nti ca imināva adhippāyena vuttanti gahetabbaṃ sabbāsupi aṭṭhakathāsu sīmāsambhedassa anicchitattā. Teneva hi ‘‘attano ca aññesañca udakukkhepaparicchedassa antarā añño udakukkhepo sīmantarikatthāya ṭhapetabbo’’ti vuttaṃ. Aññe panettha aññathāpi papañcenti, taṃ na gahetabbaṃ.

    саб̣б̣ад̇т̇а сан̇гхо нисийд̣̇ад̇ийд̇и хад̇т̇абаасам̣ авиж̇ахид̇ваа нисийд̣̇ад̇и. уд̣̇агугкзбасиймааяа гаммам̣ над̇т̇ийд̇и яасмаа саб̣б̣оби над̣̇ийбад̣̇зсо бхигкуухи аж̇жход̇т̇адо, д̇асмаа саманд̇ад̇о над̣̇ияаа абхааваа уд̣̇агугкзбаббаяож̇анам̣ над̇т̇и. уд̣̇агугкзбаббамаан̣аа сийманд̇аригаа сувин̃н̃зяяад̇араа ход̇и, сиймаасамбхзд̣̇асан̇гаа жа на сияаад̇и саамийжид̣̇ассанад̇т̇ам̣ ‘‘ан̃н̃о уд̣̇агугкзбо сийманд̇аригад̇т̇ааяа табзд̇аб̣б̣о’’д̇и вуд̇д̇ам̣. яад̇д̇агзна бана сиймаасамбхзд̣̇о на ход̇и, д̇ад̇д̇агам̣ табзд̇ум̣ ваддад̇иязва. д̇знзвааху бораан̣аа ‘‘яад̇д̇агзна сиймаасамбхзд̣̇о на ход̇и, д̇ад̇д̇агамби табзд̇ум̣ ваддад̇ий’’д̇и. уунагам̣ бана на ваддад̇ийд̇и ид̣̇амби уд̣̇агугкзбасиймааяа барисавасзна вад̣дханад̇о сиймаасамбхзд̣̇асан̇гаа сияаад̇и д̇аннивааран̣ад̇т̇амзва вуд̇д̇анд̇и вуд̇д̇ам̣.

    Sabbattha saṅgho nisīdatīti hatthapāsaṃ avijahitvā nisīdati. Udakukkhepasīmāya kammaṃ natthīti yasmā sabbopi nadīpadeso bhikkhūhi ajjhotthaṭo, tasmā samantato nadiyā abhāvā udakukkhepappayojanaṃ natthi. Udakukkhepappamāṇā sīmantarikā suviññeyyatarā hoti, sīmāsambhedasaṅkā ca na siyāti sāmīcidassanatthaṃ ‘‘añño udakukkhepo sīmantarikatthāya ṭhapetabbo’’ti vuttaṃ. Yattakena pana sīmāsambhedo na hoti, tattakaṃ ṭhapetuṃ vaṭṭatiyeva. Tenevāhu porāṇā ‘‘yattakena sīmāsambhedo na hoti, tattakampi ṭhapetuṃ vaṭṭatī’’ti. Ūnakaṃ pana na vaṭṭatīti idampi udakukkhepasīmāya parisavasena vaḍḍhanato sīmāsambhedasaṅkā siyāti tannivāraṇatthameva vuttanti vuttaṃ.

    важ̇ираб̣уд̣̇д̇хидийгааяамби (важ̇ира. дий. махааваг̇г̇а 147) – яам̣ маж̇жхимасса бурисасса саманд̇аа уд̣̇агугкзбаад̇и бана зд̇иссаа над̣̇ияаа жад̇уваг̇г̇аад̣̇ийнам̣ сан̇гхаанам̣ висум̣ жад̇уваг̇г̇агаран̣ийяаад̣̇игаммагаран̣агаалз сиймаабарижчзд̣̇ад̣̇ассанад̇т̇ам̣ вуд̇д̇ам̣ д̇ижийварзна виббаваасаавиббаваасабарижчзд̣̇ад̣̇ассанад̇т̇амби сад̇д̇аб̣бханд̇арасиймааяа барижчзд̣̇ад̣̇ассанам̣ вияаад̇и аажарияаа, д̇асмаа уд̣̇агугкзбабарижчзд̣̇аабхаавзби анд̇онад̣̇ияам̣ гаммам̣ гаад̇ум̣ ваддад̇ийд̇и сид̣̇д̇хам̣. аяам̣ бана висзсо – д̇ад̇т̇а наавааг̇ад̇о жз, наавааяам̣ вуд̇д̇анаязна, сад̇т̇аг̇ад̇о жз, сад̇т̇з вуд̇д̇анаязна. со жз ад̇ирзгажаад̇умаасанивуд̇т̇о жз, г̇аамз вуд̇д̇анаязна д̇ижийвараавиббаваасо взд̣̇ид̇аб̣б̣о. д̇ад̇т̇ааби аяам̣ висзсо – сажз сад̇т̇о уд̣̇агугкзбасса анд̇о ход̇и, уд̣̇агугкзбасиймаа бамаан̣анд̇и згз. сад̇т̇ова бамаан̣анд̇и аажарияаа. сажз банзд̇т̇а б̣ахуу бхигкууд̇иаад̣̇имхи гзжи ад̇хидтаанубосат̇ам̣, гзжи г̇ан̣убосат̇ам̣, гзжи сан̇гхубосат̇анд̇и вад̇д̇угаамад̇ааяа ‘‘б̣ахуу сан̇гхаа’’д̇и авад̇ваа ‘‘бхигкуу’’д̇и вуд̇д̇ам̣. уунагам̣ бана на ваддад̇ийд̇и зд̇т̇а сиймаасамбхзд̣̇асамбхавад̇од̇и убад̇иссад̇т̇зро. табзнд̇з хи уунагам̣ на табзд̇аб̣б̣ам̣, ‘‘адтабзд̇умби ваддад̇и зваа’’д̇и вуд̇д̇анд̇и вуд̇д̇ам̣.

    Vajirabuddhiṭīkāyampi (vajira. ṭī. mahāvagga 147) – yaṃ majjhimassa purisassa samantā udakukkhepāti pana etissā nadiyā catuvaggādīnaṃ saṅghānaṃ visuṃ catuvaggakaraṇīyādikammakaraṇakāle sīmāparicchedadassanatthaṃ vuttaṃ ticīvarena vippavāsāvippavāsaparicchedadassanatthampi sattabbhantarasīmāya paricchedadassanaṃ viyāti ācariyā, tasmā udakukkhepaparicchedābhāvepi antonadiyaṃ kammaṃ kātuṃ vaṭṭatīti siddhaṃ. Ayaṃ pana viseso – tattha nāvāgato ce, nāvāyaṃ vuttanayena, satthagato ce, satthe vuttanayena. So ce atirekacātumāsanivuttho ce, gāme vuttanayena ticīvarāvippavāso veditabbo. Tatthāpi ayaṃ viseso – sace sattho udakukkhepassa anto hoti, udakukkhepasīmā pamāṇanti eke. Satthova pamāṇanti ācariyā. Sace panettha bahū bhikkhūtiādimhi keci adhiṭṭhānuposathaṃ, keci gaṇuposathaṃ, keci saṅghuposathanti vattukāmatāya ‘‘bahū saṅghā’’ti avatvā ‘‘bhikkhū’’ti vuttaṃ. Ūnakaṃ pana na vaṭṭatīti ettha sīmāsambhedasambhavatoti upatissatthero. Ṭhapente hi ūnakaṃ na ṭhapetabbaṃ, ‘‘aṭṭhapetumpi vaṭṭati evā’’ti vuttanti vuttaṃ.

    д̇анд̇и сиймам̣. сийгхамзва ад̇иггамад̇ийд̇и иминаа д̇ам̣ анад̇иггамид̇ваа анд̇о зва баривад̇д̇амаанааяа гаад̇ум̣ ваддад̇ийд̇и д̣̇ассзд̇и. зд̇ад̣̇ад̇т̇амзва хи ваалигаад̣̇ийхи сиймаабарижчинд̣̇анам̣, ид̇арат̇аа б̣ахи баривад̇д̇аа ну ко, но ваад̇и гаммагобасан̇гаа бхавзяяаад̇и. ан̃н̃иссаа ануссааванаад̇и гзвалааяа над̣̇ийсиймааяа ануссааванаа. анд̇онад̣̇ияам̣ ж̇аад̇аругкз ваад̇и уд̣̇агугкзбабарижчзд̣̇асса б̣ахи тид̇з ругкз ваа. б̣ахинад̣̇ийд̇ийрамзва хи висабхааг̇асиймад̇д̇аа аб̣анд̇хид̇аб̣б̣адтаанам̣, на анд̇онад̣̇ий ниссаяад̇д̇зна сабхааг̇ад̇д̇аа. д̇знзва ‘‘б̣ахинад̣̇ийд̇ийрз вихаарасиймааяа ваа’’д̇иаад̣̇инаа д̇ийрамзва аб̣анд̇хид̇аб̣б̣адтаанад̇д̇зна д̣̇ассид̇ам̣, на бана над̣̇ий. ж̇аад̇аругкзби тид̇зхийд̇и ид̣̇ам̣ анд̇оуд̣̇агугкзбадтам̣ санд̇хааяа вуд̇д̇ам̣. на хи б̣ахиуд̣̇агугкзбз бхигкуунам̣ таад̇ум̣ ваддад̇и.

    Tanti sīmaṃ. Sīghameva atikkamatīti iminā taṃ anatikkamitvā anto eva parivattamānāya kātuṃ vaṭṭatīti dasseti. Etadatthameva hi vālikādīhi sīmāparicchindanaṃ, itarathā bahi parivattā nu kho, no vāti kammakopasaṅkā bhaveyyāti. Aññissā anussāvanāti kevalāya nadīsīmāya anussāvanā. Antonadiyaṃ jātarukkhe vāti udakukkhepaparicchedassa bahi ṭhite rukkhe vā. Bahinadītīrameva hi visabhāgasīmattā abandhitabbaṭṭhānaṃ, na antonadī nissayattena sabhāgattā. Teneva ‘‘bahinadītīre vihārasīmāya vā’’tiādinā tīrameva abandhitabbaṭṭhānattena dassitaṃ, na pana nadī. Jātarukkhepi ṭhitehīti idaṃ antoudakukkhepaṭṭhaṃ sandhāya vuttaṃ. Na hi bahiudakukkhepe bhikkhūnaṃ ṭhātuṃ vaṭṭati.

    ругкассаад̇и д̇ассзва анд̇оуд̣̇агугкзбадтасса ругкасса. сиймам̣ ваа сод̇хзд̇ваад̇и яат̇аавуд̇д̇ам̣ вихаарз б̣ад̣̇д̇хасиймам̣ г̇аамасийман̃жа д̇ад̇т̇а тид̇абхигкуунам̣ хад̇т̇абаасаанаяанаб̣ахисиймагаран̣авасзнзва сод̇хзд̇ваа. яат̇аа жа уд̣̇агугкзбасиймааяам̣ гаммам̣ гаронд̇зхи, звам̣ б̣ад̣̇д̇хасиймааяам̣ ваа г̇аамасиймааяам̣ ваа гаммам̣ гаронд̇зхиби уд̣̇агугкзбасиймадтз сод̇хзд̇ваава гаад̇аб̣б̣ам̣. зд̇знзва сад̇д̇аб̣бханд̇арааран̃н̃асиймаахиби сад̣̇д̇хим̣ уд̣̇агугкзбасиймааяа, имааяа жа сад̣̇д̇хим̣ д̇аасам̣ ругкаад̣̇исамб̣анд̇хад̣̇особи наяад̇о д̣̇ассид̇ова ход̇и. иминаава наязна сад̇д̇аб̣бханд̇арасиймааяа б̣ад̣̇д̇хасиймаг̇аамасиймаахиби сад̣̇д̇хим̣, зд̇аасан̃жа сад̇д̇аб̣бханд̇арасиймааяа сад̣̇д̇хим̣ самб̣анд̇хад̣̇осо н̃аад̇аб̣б̣о. адтагат̇ааяам̣ банзд̇ам̣ саб̣б̣ам̣ вуд̇д̇анаяад̇ова саггаа вин̃н̃аад̇унд̇и ан̃н̃аман̃н̃аасаннаанамзвзд̇т̇а д̣̇ассид̇ам̣.

    Rukkhassāti tasseva antoudakukkhepaṭṭhassa rukkhassa. Sīmaṃ vā sodhetvāti yathāvuttaṃ vihāre baddhasīmaṃ gāmasīmañca tattha ṭhitabhikkhūnaṃ hatthapāsānayanabahisīmakaraṇavaseneva sodhetvā. Yathā ca udakukkhepasīmāyaṃ kammaṃ karontehi, evaṃ baddhasīmāyaṃ vā gāmasīmāyaṃ vā kammaṃ karontehipi udakukkhepasīmaṭṭhe sodhetvāva kātabbaṃ. Eteneva sattabbhantaraaraññasīmāhipi saddhiṃ udakukkhepasīmāya, imāya ca saddhiṃ tāsaṃ rukkhādisambandhadosopi nayato dassitova hoti. Imināva nayena sattabbhantarasīmāya baddhasīmagāmasīmāhipi saddhiṃ, etāsañca sattabbhantarasīmāya saddhiṃ sambandhadoso ñātabbo. Aṭṭhakathāyaṃ panetaṃ sabbaṃ vuttanayatova sakkā viññātunti aññamaññāsannānamevettha dassitaṃ.

    д̇ад̇рид̣̇ам̣ суд̇д̇аануломад̇о наяаг̇г̇ахан̣амукам̣ – яат̇аа хи б̣ад̣̇д̇хасиймааяам̣ саммад̇аа б̣ад̣̇д̇хасиймаа вибад̇д̇исиймаа ход̇ийд̇и д̇аасам̣ ан̃н̃аман̃н̃ам̣ ругкаад̣̇исамб̣анд̇хо на ваддад̇и, звам̣ над̣̇ийаад̣̇ийсу саммад̇ааби б̣ад̣̇д̇хасиймаа вибад̇д̇исиймаава ход̇ийд̇и д̇аахиби сад̣̇д̇хим̣ д̇ассаа ругкаад̣̇исамб̣анд̇хо на ваддад̇ийд̇и сиж̇жхад̇и. иминаа наязна сад̇д̇аб̣бханд̇арасиймааяа г̇ааманад̣̇ийаад̣̇ийхи сад̣̇д̇хим̣, уд̣̇агугкзбасиймааяа жа аран̃н̃аад̣̇ийхи сад̣̇д̇хим̣ ругкаад̣̇исамб̣анд̇хассанавадданагабхааво н̃аад̇аб̣б̣о, звамзд̇аа бхаг̇авад̇аа анун̃н̃аад̇аа б̣ад̣̇д̇хасиймасад̇д̇аб̣бханд̇арауд̣̇агугкзбасиймаа ан̃н̃аман̃н̃ан̃жзва ад̇д̇ано ниссаяавирахид̇аахи ид̇арийд̇араасам̣ ниссаяасиймаахи жа ругкаад̣̇исамб̣анд̇хз сад̇и самбхзд̣̇ад̣̇осамаабаж̇ж̇ад̇ийд̇и суд̇д̇аануломанаяо н̃аад̇аб̣б̣ова.

    Tatridaṃ suttānulomato nayaggahaṇamukhaṃ – yathā hi baddhasīmāyaṃ sammatā baddhasīmā vipattisīmā hotīti tāsaṃ aññamaññaṃ rukkhādisambandho na vaṭṭati, evaṃ nadīādīsu sammatāpi baddhasīmā vipattisīmāva hotīti tāhipi saddhiṃ tassā rukkhādisambandho na vaṭṭatīti sijjhati. Iminā nayena sattabbhantarasīmāya gāmanadīādīhi saddhiṃ, udakukkhepasīmāya ca araññādīhi saddhiṃ rukkhādisambandhassanavaṭṭanakabhāvo ñātabbo, evametā bhagavatā anuññātā baddhasīmasattabbhantaraudakukkhepasīmā aññamaññañceva attano nissayavirahitāhi itarītarāsaṃ nissayasīmāhi ca rukkhādisambandhe sati sambhedadosamāpajjatīti suttānulomanayo ñātabbova.

    ад̇д̇ано ад̇д̇ано бана ниссаяабхууд̇аг̇аамаад̣̇ийхи сад̣̇д̇хим̣ б̣ад̣̇д̇хасиймаад̣̇ийнам̣ д̇иссаннам̣ уббад̇д̇игаалз бхаг̇авад̇аа анун̃н̃аад̇асса самбхзд̣̇аж̇жход̇т̇аран̣асса ануломанад̇о ругкаад̣̇исамб̣анд̇хоби анун̃н̃аад̇ова ход̇ийд̇и д̣̇адтаб̣б̣ам̣. яад̣̇и звам̣ уд̣̇агугкзбаб̣ад̣̇д̇хасиймаад̣̇ийнам̣ анд̇араа гасмаа сийманд̇аригаа на вихид̇аад̇и? ниссаяабхзд̣̇асабхаавабхзд̣̇зхи саяамзва бхиннад̇д̇аа. зганиссаяазгасабхааваанамзва хи сийманд̇аригааяа винаасам̣ гарод̇ийд̇и вуд̇д̇овааяамад̇т̇о. зд̇знзва над̣̇ийнимид̇д̇ам̣ гад̇ваа б̣ад̣̇д̇хааяа сиймааяа сан̇гхз гаммам̣ гаронд̇з над̣̇ияамби яаава г̇аамагкзд̇д̇ам̣ аахажжа тид̇ааяа уд̣̇агугкзбасиймааяа ан̃н̃зсам̣ гаммам̣ гаад̇ум̣ ваддад̇ийд̇и сид̣̇д̇хам̣ ход̇и. яаа банзд̇аа логавохаарасид̣̇д̇хаа г̇аамааран̃н̃анад̣̇ийсамуд̣̇д̣̇аж̇аад̇ассарасиймаа бан̃жа, д̇аа ан̃н̃аман̃н̃ам̣ ругкаад̣̇исамб̣анд̇хзби самбхзд̣̇ад̣̇осам̣ наабаж̇ж̇ад̇и д̇ат̇аа логавохаараабхаавад̇о. на хи г̇аамаад̣̇аяо г̇ааманд̇араад̣̇ийхи над̣̇ийаад̣̇ийхи жа ругкаад̣̇исамб̣анд̇хамад̇д̇зна самбхиннаад̇и логз вохаранд̇и. логавохаарасид̣̇д̇хаанан̃жа логавохаарад̇ова самбхзд̣̇о ваа асамбхзд̣̇о ваа г̇ахзд̇аб̣б̣о, на ан̃н̃ат̇аа. д̇знзва адтагат̇ааяам̣ д̇аасам̣ ан̃н̃аман̃н̃ам̣ гад̇т̇ажиби самбхзд̣̇анаяо на д̣̇ассид̇о, саасанавохаарасид̣̇д̇хо зва д̣̇ассид̇од̇и.

    Attano attano pana nissayabhūtagāmādīhi saddhiṃ baddhasīmādīnaṃ tissannaṃ uppattikāle bhagavatā anuññātassa sambhedajjhottharaṇassa anulomanato rukkhādisambandhopi anuññātova hotīti daṭṭhabbaṃ. Yadi evaṃ udakukkhepabaddhasīmādīnaṃ antarā kasmā sīmantarikā na vihitāti? Nissayabhedasabhāvabhedehi sayameva bhinnattā. Ekanissayaekasabhāvānameva hi sīmantarikāya vināsaṃ karotīti vuttovāyamattho. Eteneva nadīnimittaṃ katvā baddhāya sīmāya saṅghe kammaṃ karonte nadiyampi yāva gāmakkhettaṃ āhacca ṭhitāya udakukkhepasīmāya aññesaṃ kammaṃ kātuṃ vaṭṭatīti siddhaṃ hoti. Yā panetā lokavohārasiddhā gāmāraññanadīsamuddajātassarasīmā pañca, tā aññamaññaṃ rukkhādisambandhepi sambhedadosaṃ nāpajjati tathā lokavohārābhāvato. Na hi gāmādayo gāmantarādīhi nadīādīhi ca rukkhādisambandhamattena sambhinnāti loke voharanti. Lokavohārasiddhānañca lokavohāratova sambhedo vā asambhedo vā gahetabbo, na aññathā. Teneva aṭṭhakathāyaṃ tāsaṃ aññamaññaṃ katthacipi sambhedanayo na dassito, sāsanavohārasiddho eva dassitoti.

    зд̇т̇а бана б̣ад̣̇д̇хасиймааяа д̇аава ‘‘хздтаа бат̇авийсанд̇хаарагам̣ уд̣̇агам̣ барияанд̇ам̣ гад̇ваа сиймаа г̇ад̇аа ход̇ий’’д̇иаад̣̇инаа ад̇хобхааг̇абарижчзд̣̇о адтагат̇ааяам̣ саб̣б̣ат̇аа д̣̇ассид̇о, г̇аамасиймаад̣̇ийнам̣ бана на д̣̇ассид̇о. гат̇амаяам̣ ж̇аанид̇аб̣б̣од̇и? гзжи д̇аавзд̇т̇а ‘‘г̇аамасиймаад̣̇аяоби б̣ад̣̇д̇хасиймаа вияа бат̇авийсанд̇хаарагам̣ уд̣̇агам̣ аахажжа д̇идтад̇ий’’д̇и вад̣̇анд̇и.

    Ettha pana baddhasīmāya tāva ‘‘heṭṭhā pathavīsandhārakaṃ udakaṃ pariyantaṃ katvā sīmā gatā hotī’’tiādinā adhobhāgaparicchedo aṭṭhakathāyaṃ sabbathā dassito, gāmasīmādīnaṃ pana na dassito. Kathamayaṃ jānitabboti? Keci tāvettha ‘‘gāmasīmādayopi baddhasīmā viya pathavīsandhārakaṃ udakaṃ āhacca tiṭṭhatī’’ti vadanti.

    гзжи бана д̇ам̣ бадигкибид̇ваа ‘‘над̣̇ийсамуд̣̇д̣̇аж̇аад̇ассарасиймаа, д̇аава д̇анниссид̇ауд̣̇агугкзбасиймаа жа бат̇авияаа убарид̇алз хздтаа жа уд̣̇агзна аж̇жход̇т̇аран̣аббад̣̇зсз зва д̇идтанд̇и, на д̇ад̇о хздтаа уд̣̇агасса аж̇жход̇т̇аран̣аабхааваа. сажз бана уд̣̇агогхаад̣̇инаа яож̇анаббамаан̣амби ниннадтаанам̣ ход̇и, над̣̇ийсиймаад̣̇аяова хонд̇и, на д̇ад̇о хздтаа. д̇асмаа над̣̇ийаад̣̇ийнам̣ хздтаа б̣ахид̇ийрамукзна уман̇г̇зна, ид̣̇д̇хияаа ваа бавидто бхигку над̣̇ияам̣ тид̇аанам̣ гаммам̣ на гобзд̇и, со бана аасаннаг̇аамз бхигкуунам̣ гаммам̣ гобзд̇и. сажз бана со убхиннам̣ д̇ийраг̇аамаанам̣ маж̇жхз нисинно ход̇и, убхаяаг̇аамадтаанам̣ гаммам̣ гобзд̇и. сажз бана д̇ийрам̣ г̇аамагкзд̇д̇ам̣ на ход̇и, аг̇аамагааран̃н̃амзва. д̇ад̇т̇а бана д̇ийрад̣̇ваязби сад̇д̇аб̣бханд̇арасиймам̣ винаа гзвалааяа куд̣̇д̣̇агааран̃н̃асиймааяамзва гаммам̣ гобзд̇и. сажз сад̇д̇аб̣бханд̇арасиймааяа гаронд̇и, д̇ад̣̇аа яад̣̇и д̇зсам̣ сад̇д̇аб̣бханд̇арасиймааяа барижчзд̣̇о зд̇асса нисинногаасасса барад̇о згам̣ сад̇д̇аб̣бханд̇арам̣ ад̇иггамид̇ваа тид̇о на гаммагобо. но жз, гаммагобо. г̇аамасиймааяам̣ бана анд̇оуман̇г̇з ваа б̣илз ваа кан̣ид̇ваа ваа яад̇т̇а бависид̇ум̣ саггаа, яад̇т̇а ваа суван̣н̣аман̣иаад̣̇им̣ кан̣ид̇ваа г̇ан̣ханд̇и, г̇ахзд̇ум̣ саггаад̇и ваа самбхааванаа ход̇и, д̇ад̇д̇агам̣ хздтааби г̇аамасиймаа, д̇ад̇т̇а ид̣̇д̇хияаа анд̇о нисинноби гаммам̣ гобзд̇и. яад̇т̇а бана багад̇имануссаанам̣ бавзсасамбхааванааби над̇т̇и, д̇ам̣ саб̣б̣ам̣ яаава бат̇авийсанд̇хаарагауд̣̇агаа аран̃н̃асиймаава, на г̇аамасиймаа. аран̃н̃асиймааяамби зсзва наяо. д̇ад̇т̇аби хи яад̇д̇агз бад̣̇зсз бавзсасамбхааванаа, д̇ад̇д̇агамзва убарид̇алз аран̃н̃асиймаа бавад̇д̇ад̇и. д̇ад̇о бана хздтаа на аран̃н̃асиймаа д̇ад̇т̇а убарид̇алзна саха згааран̃н̃авохаараабхаавад̇о. на хи д̇ад̇т̇а бавидтам̣ аран̃н̃ам̣ бавидтод̇и вохаранд̇и, д̇асмаа д̇ад̇радто убари аран̃н̃адтаанам̣ гаммам̣ на гобзд̇и уман̇г̇анад̣̇ияам̣ тид̇о вияа убаринад̣̇ияам̣ тид̇аанам̣. згасмин̃хи жаггаваал̣з г̇ааманад̣̇ийсамуд̣̇д̣̇аж̇аад̇ассарз мун̃жид̇ваа д̇ад̣̇авасзсам̣ амануссааваасам̣ д̣̇зваб̣рахмалогам̣ убаад̣̇ааяа саб̣б̣ам̣ аран̃н̃амзва. ‘г̇аамаа ваа аран̃н̃аа ваа’д̇и вуд̇д̇ад̇д̇аа хи над̣̇ийсамуд̣̇д̣̇аж̇аад̇ассараад̣̇иби аран̃н̃амзва. ид̇ха бана над̣̇ийаад̣̇ийнам̣ висум̣ сиймаабхаавзна г̇ахид̇ад̇д̇аа д̇ад̣̇авасзсамзва аран̃н̃ам̣ г̇ахзд̇аб̣б̣ам̣. д̇ад̇т̇а жа яад̇д̇агз бад̣̇зсз згам̣ аран̃н̃анд̇и вохаранд̇и, аяамзгаа аран̃н̃асиймаа. инд̣̇абуран̃хи саб̣б̣ам̣ згааран̃н̃асиймаа, д̇ат̇аа асураяагкабураад̣̇и. аагаасадтад̣̇зваб̣рахмавимаанаани бана саманд̇аа аагаасабарижчиннаани бажжзгам̣ аран̃н̃асиймаа самуд̣̇д̣̇амаж̇жхз баб̣б̣ад̇ад̣̇ийбагаа вияа. д̇ад̇т̇а саб̣б̣ад̇т̇а сад̇д̇аб̣бханд̇арасиймааяам̣, аран̃н̃асиймааяамзва ваа гаммам̣ гаад̇аб̣б̣ам̣, д̇асмаа ид̇хааби убариаран̃н̃ад̇алзна сад̣̇д̇хим̣ хздтаабат̇авияаа згааран̃н̃авохаараабхааваа висум̣ аран̃н̃асиймаад̇и г̇ахзд̇аб̣б̣ам̣. д̇знзвзд̇т̇а г̇ааманад̣̇ийаад̣̇исиймаагат̇ааяа адтагат̇ааяам̣ (махаава. адта. 138) ‘ид̣̇д̇химаа бхигку хздтаабат̇авид̇алз тид̇о гаммам̣ гобзд̇ий’д̇и б̣ад̣̇д̇хасиймааяам̣ д̣̇ассид̇анаяо на д̣̇ассид̇о’’д̇и вад̣̇анд̇и.

    Keci pana taṃ paṭikkhipitvā ‘‘nadīsamuddajātassarasīmā, tāva tannissitaudakukkhepasīmā ca pathaviyā uparitale heṭṭhā ca udakena ajjhottharaṇappadese eva tiṭṭhanti, na tato heṭṭhā udakassa ajjhottharaṇābhāvā. Sace pana udakoghādinā yojanappamāṇampi ninnaṭṭhānaṃ hoti, nadīsīmādayova honti, na tato heṭṭhā. Tasmā nadīādīnaṃ heṭṭhā bahitīramukhena umaṅgena, iddhiyā vā paviṭṭho bhikkhu nadiyaṃ ṭhitānaṃ kammaṃ na kopeti, so pana āsannagāme bhikkhūnaṃ kammaṃ kopeti. Sace pana so ubhinnaṃ tīragāmānaṃ majjhe nisinno hoti, ubhayagāmaṭṭhānaṃ kammaṃ kopeti. Sace pana tīraṃ gāmakkhettaṃ na hoti, agāmakāraññameva. Tattha pana tīradvayepi sattabbhantarasīmaṃ vinā kevalāya khuddakāraññasīmāyameva kammaṃ kopeti. Sace sattabbhantarasīmāya karonti, tadā yadi tesaṃ sattabbhantarasīmāya paricchedo etassa nisinnokāsassa parato ekaṃ sattabbhantaraṃ atikkamitvā ṭhito na kammakopo. No ce, kammakopo. Gāmasīmāyaṃ pana antoumaṅge vā bile vā khaṇitvā vā yattha pavisituṃ sakkā, yattha vā suvaṇṇamaṇiādiṃ khaṇitvā gaṇhanti, gahetuṃ sakkāti vā sambhāvanā hoti, tattakaṃ heṭṭhāpi gāmasīmā, tattha iddhiyā anto nisinnopi kammaṃ kopeti. Yattha pana pakatimanussānaṃ pavesasambhāvanāpi natthi, taṃ sabbaṃ yāva pathavīsandhārakaudakā araññasīmāva, na gāmasīmā. Araññasīmāyampi eseva nayo. Tatthapi hi yattake padese pavesasambhāvanā, tattakameva uparitale araññasīmā pavattati. Tato pana heṭṭhā na araññasīmā tattha uparitalena saha ekāraññavohārābhāvato. Na hi tattha paviṭṭhaṃ araññaṃ paviṭṭhoti voharanti, tasmā tatraṭṭho upari araññaṭṭhānaṃ kammaṃ na kopeti umaṅganadiyaṃ ṭhito viya uparinadiyaṃ ṭhitānaṃ. Ekasmiñhi cakkavāḷe gāmanadīsamuddajātassare muñcitvā tadavasesaṃ amanussāvāsaṃ devabrahmalokaṃ upādāya sabbaṃ araññameva. ‘Gāmā vā araññā vā’ti vuttattā hi nadīsamuddajātassarādipi araññameva. Idha pana nadīādīnaṃ visuṃ sīmābhāvena gahitattā tadavasesameva araññaṃ gahetabbaṃ. Tattha ca yattake padese ekaṃ araññanti voharanti, ayamekā araññasīmā. Indapurañhi sabbaṃ ekāraññasīmā, tathā asurayakkhapurādi. Ākāsaṭṭhadevabrahmavimānāni pana samantā ākāsaparicchinnāni paccekaṃ araññasīmā samuddamajjhe pabbatadīpakā viya. Tattha sabbattha sattabbhantarasīmāyaṃ, araññasīmāyameva vā kammaṃ kātabbaṃ, tasmā idhāpi upariaraññatalena saddhiṃ heṭṭhāpathaviyā ekāraññavohārābhāvā visuṃ araññasīmāti gahetabbaṃ. Tenevettha gāmanadīādisīmākathāya aṭṭhakathāyaṃ (mahāva. aṭṭha. 138) ‘iddhimā bhikkhu heṭṭhāpathavitale ṭhito kammaṃ kopetī’ti baddhasīmāyaṃ dassitanayo na dassito’’ti vadanti.

    ид̣̇ан̃жзд̇аасам̣ г̇аамасиймаад̣̇ийнам̣ хздтаабамаан̣ад̣̇ассанам̣ суд̇д̇аад̣̇ивирод̇хаабхааваа яуд̇д̇ам̣ вияа д̣̇иссад̇и, виймам̣сид̇ваа г̇ахзд̇аб̣б̣ам̣. звам̣ г̇ахан̣з жа г̇аамасиймааяам̣ саммад̇аа б̣ад̣̇д̇хасиймаа убариг̇аамасиймам̣, хздтаа уд̣̇агабарияанд̇ам̣ аран̃н̃асийман̃жа авад̇т̇арад̇ийд̇и д̇ассаа аран̃н̃асиймааби кзд̇д̇анд̇и сиж̇жхад̇и. бхаг̇авад̇аа жа ‘‘саб̣б̣аа, бхигкавз, над̣̇ий асиймаа’’д̇иаад̣̇инаа (махаава. 147) над̣̇ийсамуд̣̇д̣̇аж̇аад̇ассараа б̣ад̣̇д̇хасиймааяа акзд̇д̇абхаавзна вуд̇д̇аа, на бана аран̃н̃ам̣, д̇асмаа аран̃н̃амби б̣ад̣̇д̇хасиймааяа кзд̇д̇амзваад̇и г̇ахзд̇аб̣б̣ам̣. яад̣̇и звам̣ гасмаа д̇ад̇т̇а саа на б̣аж̇жхад̇ийд̇и? баяож̇анаабхааваа. сиймаабзгкаананд̇арамзва хи сад̇д̇аб̣бханд̇арасиймааяа самбхавад̇о, д̇ассаа жа убари саммад̇ааяа б̣ад̣̇д̇хасиймааяа самбхзд̣̇аж̇жход̇т̇аран̣аануломад̇о вибад̇д̇исиймаа зва сияаа. г̇аамагкзд̇д̇з бана тад̇ваа аг̇аамагааран̃н̃згад̣̇зсамби анд̇огарид̇ваа саммад̇аа гин̃жааби сусаммад̇аа аг̇аамагааран̃н̃з бхаг̇авад̇аа вихид̇ааяа сад̇д̇аб̣бханд̇арасиймааяаби анивад̇д̇анад̇о, д̇ад̇т̇а бана гаммам̣ гаад̇ум̣ бавидтаанамби д̇ад̇о б̣ахи гзвалааран̃н̃з гаронд̇аанамби анд̇араа д̇ийн̣и сад̇д̇аб̣бханд̇араани табзд̇аб̣б̣аани. ан̃н̃ат̇аа вибад̇д̇и зва сияаад̇и саб̣б̣ат̇аа нирад̇т̇агамзва аг̇аамагз аран̃н̃з б̣ад̣̇д̇хасиймаагаран̣анд̇и взд̣̇ид̇аб̣б̣ам̣.

    Idañcetāsaṃ gāmasīmādīnaṃ heṭṭhāpamāṇadassanaṃ suttādivirodhābhāvā yuttaṃ viya dissati, vīmaṃsitvā gahetabbaṃ. Evaṃ gahaṇe ca gāmasīmāyaṃ sammatā baddhasīmā uparigāmasīmaṃ, heṭṭhā udakapariyantaṃ araññasīmañca avattharatīti tassā araññasīmāpi khettanti sijjhati. Bhagavatā ca ‘‘sabbā, bhikkhave, nadī asīmā’’tiādinā (mahāva. 147) nadīsamuddajātassarā baddhasīmāya akhettabhāvena vuttā, na pana araññaṃ, tasmā araññampi baddhasīmāya khettamevāti gahetabbaṃ. Yadi evaṃ kasmā tattha sā na bajjhatīti? Payojanābhāvā. Sīmāpekkhānantarameva hi sattabbhantarasīmāya sambhavato, tassā ca upari sammatāya baddhasīmāya sambhedajjhottharaṇānulomato vipattisīmā eva siyā. Gāmakkhette pana ṭhatvā agāmakāraññekadesampi antokaritvā sammatā kiñcāpi susammatā agāmakāraññe bhagavatā vihitāya sattabbhantarasīmāyapi anivattanato, tattha pana kammaṃ kātuṃ paviṭṭhānampi tato bahi kevalāraññe karontānampi antarā tīṇi sattabbhantarāni ṭhapetabbāni. Aññathā vipatti eva siyāti sabbathā niratthakameva agāmake araññe baddhasīmākaraṇanti veditabbaṃ.

    анд̇онад̣̇ияам̣ бавидтасаакааяаад̇и над̣̇ияаа бат̇авийд̇алам̣ аахажжа тид̇ааяа саакааяаби, баг̇зва анаахажжа тид̇ааяа. баарохзби зсзва наяо. зд̇зна сабхааг̇анад̣̇ийсиймам̣ пусид̇ваа тид̇зна висабхааг̇асиймаасамб̣анд̇хасаакаад̣̇инаа уд̣̇агугкзбасиймааяа самб̣анд̇хо на ваддад̇ийд̇и д̣̇ассзд̇и. зд̇знзва махаасиймам̣ г̇аамасийман̃жа пусид̇ваа тид̇зна саакаад̣̇инаа маал̣агасиймааяа самб̣анд̇хо на ваддад̇ийд̇и н̃аабид̇од̇и д̣̇адтаб̣б̣о. анд̇онад̣̇ияам̣язваад̇и сзд̇убаад̣̇аанам̣ д̇ийрадтид̇ад̇д̇ам̣ нивад̇д̇зд̇и. д̇зна уд̣̇агугкзбабарижчзд̣̇ад̇о б̣ахинад̣̇ияам̣ бад̇идтид̇ад̇д̇зби самбхзд̣̇аабхаавам̣ д̣̇ассзд̇и. д̇знааха ‘‘б̣ахид̇ийрз бад̇идтид̇аа’’д̇иаад̣̇и. яад̣̇и хи уд̣̇агугкзбад̇о б̣ахи анд̇онад̣̇ияамби бад̇идтид̇ад̇д̇з самбхзд̣̇о бхавзяяа, д̇амби бадигкибид̇аб̣б̣ам̣ бхавзяяа гаммагобасса самаанад̇д̇аа, на жа бадигкид̇д̇ам̣, д̇асмаа саб̣б̣ад̇т̇а ад̇д̇ано ниссаяасиймааяа самбхзд̣̇ад̣̇осо над̇т̇зваад̇и г̇ахзд̇аб̣б̣ам̣.

    Antonadiyaṃ paviṭṭhasākhāyāti nadiyā pathavītalaṃ āhacca ṭhitāya sākhāyapi, pageva anāhacca ṭhitāya. Pārohepi eseva nayo. Etena sabhāganadīsīmaṃ phusitvā ṭhitena visabhāgasīmāsambandhasākhādinā udakukkhepasīmāya sambandho na vaṭṭatīti dasseti. Eteneva mahāsīmaṃ gāmasīmañca phusitvā ṭhitena sākhādinā māḷakasīmāya sambandho na vaṭṭatīti ñāpitoti daṭṭhabbo. Antonadiyaṃyevāti setupādānaṃ tīraṭṭhitattaṃ nivatteti. Tena udakukkhepaparicchedato bahinadiyaṃ patiṭṭhitattepi sambhedābhāvaṃ dasseti. Tenāha ‘‘bahitīre patiṭṭhitā’’tiādi. Yadi hi udakukkhepato bahi antonadiyampi patiṭṭhitatte sambhedo bhaveyya, tampi paṭikkhipitabbaṃ bhaveyya kammakopassa samānattā, na ca paṭikkhittaṃ, tasmā sabbattha attano nissayasīmāya sambhedadoso natthevāti gahetabbaṃ.

    ааваран̣зна ваад̇и д̣̇ааруаад̣̇ийни кан̣ид̇ваа уд̣̇аганивааран̣зна. годдагаб̣анд̇ханзна ваад̇и мад̇д̇игаад̣̇ийхи буурзд̇ваа гад̇асзд̇уб̣анд̇ханзна ваа, убхаязнааби ааваран̣амзва д̣̇ассзд̇и. ‘‘над̣̇им̣ винаасзд̇ваа’’д̇и вуд̇д̇амзвад̇т̇ам̣ вибхаавзд̇и ‘‘хздтаа баал̣и б̣ад̣̇д̇хаа’’д̇и, хздтаа над̣̇им̣ ааварид̇ваа баал̣и б̣ад̣̇д̇хаад̇и ад̇т̇о. чад̣д̣ид̇од̣̇аганд̇и ад̇ирид̇д̇од̣̇агам̣. над̣̇им̣ од̇арид̇ваа санд̣̇анадтаанад̇од̇и иминаа д̇ал̣ааганад̣̇ийнам̣ анд̇араа бавад̇д̇анадтаанз на ваддад̇ийд̇и д̣̇ассзд̇и. уббад̇ид̇ваад̇и д̇ийраад̣̇ибхинд̣̇анавасзна вибулаа худ̇ваа. вихаарасийманд̇и б̣ад̣̇д̇хасиймам̣.

    Āvaraṇena vāti dāruādīni khaṇitvā udakanivāraṇena. Koṭṭakabandhanena vāti mattikādīhi pūretvā katasetubandhanena vā, ubhayenāpi āvaraṇameva dasseti. ‘‘Nadiṃ vināsetvā’’ti vuttamevatthaṃ vibhāveti ‘‘heṭṭhā pāḷibaddhā’’ti, heṭṭhā nadiṃ āvaritvā pāḷi baddhāti attho. Chaḍḍitodakanti atirittodakaṃ. Nadiṃ otaritvā sandanaṭṭhānatoti iminā taḷākanadīnaṃ antarā pavattanaṭṭhāne na vaṭṭatīti dasseti. Uppatitvāti tīrādibhindanavasena vipulā hutvā. Vihārasīmanti baddhasīmaṃ.

    аг̇аманабат̇зд̇и д̇ад̣̇ахзва г̇анд̇ваа нивад̇д̇ид̇ум̣ асаггун̣зяяз. аран̃н̃асиймаасан̇кяамзва г̇ажчад̇ийд̇и логавохаарасид̣̇д̇хам̣ аг̇аамагааран̃н̃асиймам̣ санд̇хааяа вад̣̇ад̇и. д̇ад̇т̇аад̇и багад̇ияаа мажчаб̣анд̇хаанам̣ г̇аманабат̇зсу д̣̇ийбагзсу.

    Agamanapatheti tadaheva gantvā nivattituṃ asakkuṇeyye. Araññasīmāsaṅkhyameva gacchatīti lokavohārasiddhaṃ agāmakāraññasīmaṃ sandhāya vadati. Tatthāti pakatiyā macchabandhānaṃ gamanapathesu dīpakesu.

    д̇ам̣ таананд̇и д̇зсам̣ ааваадаад̣̇ийнам̣ гад̇адтаанамзва, на агад̇анд̇и ад̇т̇о. лон̣ийд̇и самуд̣̇д̣̇од̣̇агасса уббад̇д̇ивзг̇анинно маад̇игаагаарзна бавад̇д̇анаго.

    Taṃ ṭhānanti tesaṃ āvāṭādīnaṃ kataṭṭhānameva, na akatanti attho. Loṇīti samuddodakassa uppattiveganinno mātikākārena pavattanako.

    саарад̇т̇ад̣̇ийбанияам̣ (саарад̇т̇а. дий. махааваг̇г̇а 3.147) бана – г̇ажчанд̇ияаа бана наавааяа гаад̇ум̣ на ваддад̇ийд̇и зд̇т̇а уд̣̇агугкзбаманад̇иггамид̇ваа баривад̇д̇амаанааяа гаад̇ум̣ ваддад̇ийд̇и взд̣̇ид̇аб̣б̣ам̣. сиймам̣ ваа сод̇хзд̇ваад̇и зд̇т̇а сиймаасод̇ханам̣ наама г̇аамасиймаад̣̇ийсу тид̇аанам̣ хад̇т̇абаасаанаяанаад̣̇и. ‘‘над̣̇им̣ винаасзд̇ваа д̇ал̣аагам̣ гаронд̇ий’’д̇и вуд̇д̇амзвад̇т̇ам̣ вибхаавзд̇и ‘‘хздтаа баал̣и б̣ад̣̇д̇хаа’’д̇и, хздтаа над̣̇им̣ ааварид̇ваа баал̣и б̣ад̣̇д̇хаад̇и ад̇т̇о. чад̣д̣ид̇од̣̇аганд̇и д̇ал̣аагарагкан̣ад̇т̇ам̣ згаманд̇зна чад̣д̣ид̇амуд̣̇агам̣. д̣̇звз авассанд̇зд̇и д̣̇уб̣б̣удтигаалз вассаанзби д̣̇звз авассанд̇з. уббад̇ид̇ваад̇и уд̇д̇арид̇ваа. г̇ааманиг̇амасиймам̣ од̇т̇арид̇ваа бавад̇д̇ад̇ийд̇и вуд̇д̇аббагаарз вассагаалз жад̇д̇ааро маасз аб̣б̣ожчиннаа бавад̇д̇ад̇и. вихаарасийманд̇и б̣ад̣̇д̇хасиймам̣ санд̇хааяа вад̣̇ад̇и.

    Sāratthadīpaniyaṃ (sārattha. ṭī. mahāvagga 3.147) pana – gacchantiyā pana nāvāya kātuṃ na vaṭṭatīti ettha udakukkhepamanatikkamitvā parivattamānāya kātuṃ vaṭṭatīti veditabbaṃ. Sīmaṃ vā sodhetvāti ettha sīmāsodhanaṃ nāma gāmasīmādīsu ṭhitānaṃ hatthapāsānayanādi. ‘‘Nadiṃ vināsetvā taḷākaṃ karontī’’ti vuttamevatthaṃ vibhāveti ‘‘heṭṭhā pāḷi baddhā’’ti, heṭṭhā nadiṃ āvaritvā pāḷi baddhāti attho. Chaḍḍitodakanti taḷākarakkhaṇatthaṃ ekamantena chaḍḍitamudakaṃ. Deve avassanteti dubbuṭṭhikāle vassānepi deve avassante. Uppatitvāti uttaritvā. Gāmanigamasīmaṃ ottharitvā pavattatīti vuttappakāre vassakāle cattāro māse abbocchinnā pavattati. Vihārasīmanti baddhasīmaṃ sandhāya vadati.

    аг̇аманабат̇зд̇и яад̇т̇а д̇ад̣̇ахзва г̇анд̇ваа бажжааг̇анд̇ум̣ на саггод̇и, д̇аад̣̇исз бад̣̇зсз. аран̃н̃асиймаасан̇кяамзва г̇ажчад̇ийд̇и сад̇д̇аб̣бханд̇арасиймам̣ санд̇хааяа вад̣̇ад̇и. д̇зсанд̇и мажчаб̣анд̇хаанам̣. г̇аманабарияанд̇асса орад̇од̇и г̇аманабарияанд̇асса оримабхааг̇з д̣̇ийбагам̣ баб̣б̣ад̇ан̃жа санд̇хааяа вуд̇д̇ам̣, на самуд̣̇д̣̇аббад̣̇зсанд̇и вуд̇д̇ам̣.

    Agamanapatheti yattha tadaheva gantvā paccāgantuṃ na sakkoti, tādise padese. Araññasīmāsaṅkhyameva gacchatīti sattabbhantarasīmaṃ sandhāya vadati. Tesanti macchabandhānaṃ. Gamanapariyantassaoratoti gamanapariyantassa orimabhāge dīpakaṃ pabbatañca sandhāya vuttaṃ, na samuddappadesanti vuttaṃ.

    самбхинд̣̇анд̇ийд̇и яад̇т̇а жад̇уухи бхигкуухи нисийд̣̇ид̇ум̣ на саггаа, д̇ад̇т̇а д̇ад̇о бадтааяа яаава гзсаг̇г̇амад̇д̇амби ад̇д̇ано сиймааяа гаронд̇аа самбхинд̣̇анд̇и, жад̇уннамби бхигкуунам̣ бахонагад̇о бадтааяа яаава сагаламби анд̇огаронд̇аа аж̇жход̇т̇аранд̇ийд̇и взд̣̇ид̇аб̣б̣ам̣. сам̣садтавидабаад̇и ан̃н̃аман̃н̃ам̣ сиб̣б̣ид̇ваа тид̇амахаасаакамуулаа, зд̇зна ан̃н̃аман̃н̃асса ад̇иаасаннад̇ам̣ д̣̇ийбзд̇и. саакааяа саакам̣ пусанд̇ааби хи д̣̇уурадтааби сияум̣, д̇ад̇о згам̣сад̇о самбхзд̣̇алагкан̣ам̣ на д̣̇ассид̇ам̣ сияаад̇и д̇ам̣ д̣̇ассзд̇ум̣ видабаг̇г̇ахан̣ам̣ гад̇ам̣. зван̃хи бхигкуунам̣ нисийд̣̇ид̇ум̣ аббахонагадтаанам̣ ад̇д̇ано сиймааяа анд̇осиймадтам̣ гарид̇ваа бураан̣авихаарам̣ гаронд̇аа сиймааяа сиймам̣ самбхинд̣̇анд̇и наама, на д̇ад̇о баранд̇и д̣̇ассид̇амзва ход̇и. б̣ад̣̇д̇хаа ход̇ийд̇и бораан̣агавихаарасиймам̣ санд̇хааяа вуд̇д̇ам̣. д̇ам̣ амб̣анд̇и абарзна самаязна бураан̣авихаарабаригкзбаад̣̇ийнам̣ винадтад̇д̇аа аж̇аананд̇аанам̣ д̇ам̣ бураан̣авихаарасиймааяа нимид̇д̇абхууд̇ам̣ амб̣ам̣. ад̇д̇ано сиймааяа анд̇осиймадтам̣ гарид̇ваа бураан̣авихаарасиймадтам̣ ж̇амб̣ум̣ гид̇д̇зд̇ваа амб̣аж̇амб̣уунам̣ анд̇арз яам̣ таанам̣, д̇ам̣ ад̇д̇ано сиймааяа бавзсзд̇ваа б̣ад̣̇д̇хаад̇и ад̇т̇о. зд̇т̇а жа бураан̣асиймааяа нимид̇д̇абхууд̇асса г̇аамадтасса амб̣аругкасса анд̇осиймадтааяа ж̇амб̣уяаа саха сам̣садтавидабад̇д̇зби сиймааяа б̣анд̇ханагаалз вибад̇д̇и ваа бажчаа г̇аамасиймааяа саха самбхзд̣̇о ваа гаммавибад̇д̇и ваа наахосийд̇и мукад̇ова вуд̇д̇анд̇и взд̣̇ид̇аб̣б̣ам̣.

    Sambhindantīti yattha catūhi bhikkhūhi nisīdituṃ na sakkā, tattha tato paṭṭhāya yāva kesaggamattampi attano sīmāya karontā sambhindanti, catunnampi bhikkhūnaṃ pahonakato paṭṭhāya yāva sakalampi antokarontā ajjhottharantīti veditabbaṃ. Saṃsaṭṭhaviṭapāti aññamaññaṃ sibbitvā ṭhitamahāsākhamūlā, etena aññamaññassa atiāsannataṃ dīpeti. Sākhāya sākhaṃ phusantāpi hi dūraṭṭhāpi siyuṃ, tato ekaṃsato sambhedalakkhaṇaṃ na dassitaṃ siyāti taṃ dassetuṃ viṭapaggahaṇaṃ kataṃ. Evañhi bhikkhūnaṃ nisīdituṃ appahonakaṭṭhānaṃ attano sīmāya antosīmaṭṭhaṃ karitvā purāṇavihāraṃ karontā sīmāya sīmaṃ sambhindanti nāma, na tato paranti dassitameva hoti. Baddhā hotīti porāṇakavihārasīmaṃ sandhāya vuttaṃ. Taṃ ambanti aparena samayena purāṇavihāraparikkhepādīnaṃ vinaṭṭhattā ajānantānaṃ taṃ purāṇavihārasīmāya nimittabhūtaṃ ambaṃ. Attano sīmāya antosīmaṭṭhaṃ karitvā purāṇavihārasīmaṭṭhaṃ jambuṃ kittetvā ambajambūnaṃ antare yaṃ ṭhānaṃ, taṃ attano sīmāya pavesetvā baddhāti attho. Ettha ca purāṇasīmāya nimittabhūtassa gāmaṭṭhassa ambarukkhassa antosīmaṭṭhāya jambuyā saha saṃsaṭṭhaviṭapattepi sīmāya bandhanakāle vipatti vā pacchā gāmasīmāya saha sambhedo vā kammavipatti vā nāhosīti mukhatova vuttanti veditabbaṃ.

    бад̣̇зсанд̇и сан̇гхасса нисийд̣̇анаббахонагам̣ бад̣̇зсам̣. сийманд̇аригам̣ табзд̇ваад̇иаад̣̇инаа самбхзд̣̇аж̇жход̇т̇аран̣ам̣ гад̇ваа б̣ад̣̇д̇хасиймааби ан̃н̃аман̃н̃ам̣ пусаабзд̇ваа аб̣яавад̇хаанзна б̣ад̣̇д̇хасиймааби асиймаа зваад̇и д̣̇ассзд̇и, д̇асмаа згад̣̇ван̇г̇уламад̇д̇ааби сийманд̇аригаа ваддад̇и зва. саа бана д̣̇уб̣б̣од̇хаад̇и адтагат̇аасу жад̇уран̇г̇улаад̣̇игаа вуд̇д̇аад̇и д̣̇адтаб̣б̣ам̣. д̣̇виннам̣ сиймаананд̇и д̣̇виннам̣ б̣ад̣̇д̇хасиймаанам̣. нимид̇д̇ам̣ ход̇ийд̇и нимид̇д̇асса сиймад̇о б̣аахирад̇д̇аа б̣анд̇ханагаалз д̇аава самбхзд̣̇ад̣̇осо над̇т̇ийд̇и ад̇хиббааяо. на гзвалан̃жа нимид̇д̇агад̇о зва сан̇гарам̣ гарод̇и, ат̇а ко сийманд̇аригааяа тид̇о ан̃н̃оби ругко гарод̇и зва, д̇асмаа аббамад̇д̇игааяа сийманд̇аригааяа вад̣дханагаругкаад̣̇аяо на вадданд̇и зва. зд̇т̇а жа убари д̣̇иссамаанаканд̇хасаакаад̣̇ибавзсзсу зва сан̇гарад̣̇осасса саб̣б̣ад̇т̇а д̣̇ассид̇ад̇д̇аа ад̣̇иссамаанаанам̣ муулаанам̣ бавзсзби бхуумиг̇ад̇игад̇д̇аа д̣̇осо над̇т̇ийд̇и сиж̇жхад̇и. сажз бана муулааниби д̣̇иссамаанаани нзва бависанд̇и, сан̇гарова, баб̣б̣ад̇абаасаан̣аа бана д̣̇иссамаанааби бхуумиг̇ад̇игааязва. яад̣̇и бана б̣анд̇ханагаалз зва зго т̇ууларугко убхаяамби сиймам̣ аахажжа д̇идтад̇и, бажчаа б̣ад̣̇д̇хаа асиймаа ход̇ийд̇и д̣̇адтаб̣б̣ам̣.

    Padesanti saṅghassa nisīdanappahonakaṃ padesaṃ. Sīmantarikaṃ ṭhapetvātiādinā sambhedajjhottharaṇaṃ katvā baddhasīmāpi aññamaññaṃ phusāpetvā abyavadhānena baddhasīmāpi asīmā evāti dasseti, tasmā ekadvaṅgulamattāpi sīmantarikā vaṭṭati eva. Sā pana dubbodhāti aṭṭhakathāsu caturaṅgulādikā vuttāti daṭṭhabbaṃ. Dvinnaṃ sīmānanti dvinnaṃ baddhasīmānaṃ. Nimittaṃ hotīti nimittassa sīmato bāhirattā bandhanakāle tāva sambhedadoso natthīti adhippāyo. Na kevalañca nimittakato eva saṅkaraṃ karoti, atha kho sīmantarikāya ṭhito aññopi rukkho karoti eva, tasmā appamattikāya sīmantarikāya vaḍḍhanakarukkhādayo na vaṭṭanti eva. Ettha ca upari dissamānakhandhasākhādipavesesu eva saṅkaradosassa sabbattha dassitattā adissamānānaṃ mūlānaṃ pavesepi bhūmigatikattā doso natthīti sijjhati. Sace pana mūlānipi dissamānāni neva pavisanti, saṅkarova, pabbatapāsāṇā pana dissamānāpi bhūmigatikāyeva. Yadi pana bandhanakāle eva eko thūlarukkho ubhayampi sīmaṃ āhacca tiṭṭhati, pacchā baddhā asīmā hotīti daṭṭhabbaṃ.

    сиймасан̇гаранд̇и сиймасамбхзд̣̇ам̣. яам̣ банзд̇т̇а саарад̇т̇ад̣̇ийбанияам̣ (саарад̇т̇а. дий. махааваг̇г̇а 3.148) вуд̇д̇ам̣ ‘‘сиймасан̇гарам̣ гарод̇ийд̇и вад̣дхид̇ваа сиймаббад̣̇зсам̣ бавидтз д̣̇виннам̣ сиймаанам̣ г̇ад̇адтаанасса д̣̇уб̣б̣ин̃н̃зяяад̇д̇аа вуд̇д̇а’’нд̇и, д̇ам̣ на яуд̇д̇ам̣ г̇аамасиймааяаби саха сан̇гарам̣ гарод̇ийд̇и вад̇д̇аб̣б̣ад̇о. д̇ад̇т̇ааби хи нимид̇д̇з вад̣дхид̇з г̇аамасиймаб̣ад̣̇д̇хасиймаанам̣ г̇ад̇адтаанам̣ д̣̇уб̣б̣ин̃н̃зяяамзва ход̇и. д̇ад̇т̇а бана авад̇ваа д̣̇виннам̣ б̣ад̣̇д̇хасиймаанамзва сан̇гарасса вуд̇д̇ад̇д̇аа яат̇аавуд̇д̇асамб̣анд̇хад̣̇осова сан̇гарасад̣̇д̣̇зна вуд̇д̇од̇и г̇ахзд̇аб̣б̣ам̣. баал̣ияам̣ (махаава. 148) бана нид̣̇аанавасзна ‘‘язсам̣, бхигкавз, сиймаа бажчаа саммад̇аа, д̇зсам̣ д̇ам̣ гаммам̣ ад̇хаммига’’нд̇иаад̣̇инаа бажчаа саммад̇ааяа асиймад̇д̇з вуд̇д̇зби д̣̇вийсу г̇аамасиймаасу тад̇ваа д̣̇вийхи сан̇гхзхи самбхзд̣̇ам̣ ваа аж̇жход̇т̇аран̣ам̣ ваа гад̇ваа сийманд̇аригам̣ адтабзд̇ваа ваа ругкабаарохаад̣̇исамб̣анд̇хам̣ авияож̇зд̇ваа ваа згасмим̣ кан̣з гаммаваажаанидтаабанавасзна згад̇о саммад̇аанам̣ д̣̇виннамби сиймаанам̣ асиймад̇аа багаасид̇аад̇и взд̣̇ид̇аб̣б̣ам̣.

    Sīmasaṅkaranti sīmasambhedaṃ. Yaṃ panettha sāratthadīpaniyaṃ (sārattha. ṭī. mahāvagga 3.148) vuttaṃ ‘‘sīmasaṅkaraṃ karotīti vaḍḍhitvā sīmappadesaṃ paviṭṭhe dvinnaṃ sīmānaṃ gataṭṭhānassa dubbiññeyyattā vutta’’nti, taṃ na yuttaṃ gāmasīmāyapi saha saṅkaraṃ karotīti vattabbato. Tatthāpi hi nimitte vaḍḍhite gāmasīmabaddhasīmānaṃ gataṭṭhānaṃ dubbiññeyyameva hoti. Tattha pana avatvā dvinnaṃ baddhasīmānameva saṅkarassa vuttattā yathāvuttasambandhadosova saṅkarasaddena vuttoti gahetabbaṃ. Pāḷiyaṃ (mahāva. 148) pana nidānavasena ‘‘yesaṃ, bhikkhave, sīmā pacchā sammatā, tesaṃ taṃ kammaṃ adhammika’’ntiādinā pacchā sammatāya asīmatte vuttepi dvīsu gāmasīmāsu ṭhatvā dvīhi saṅghehi sambhedaṃ vā ajjhottharaṇaṃ vā katvā sīmantarikaṃ aṭṭhapetvā vā rukkhapārohādisambandhaṃ aviyojetvā vā ekasmiṃ khaṇe kammavācāniṭṭhāpanavasena ekato sammatānaṃ dvinnampi sīmānaṃ asīmatā pakāsitāti veditabbaṃ.

    саарад̇т̇ад̣̇ийбанияам̣ (саарад̇т̇а. дий. махааваг̇г̇а 3.148) ‘‘сам̣садтавидабаад̇и иминаа ан̃н̃аман̃н̃асса аасаннад̇ам̣ д̣̇ийбзд̇и. б̣ад̣̇д̇хаа ход̇ийд̇и бажчимад̣̇исаабхааг̇з сиймам̣ санд̇хааяа вуд̇д̇ам̣. д̇ассаа бад̣̇зсанд̇и яад̇т̇а тад̇ваа бхигкуухи гаммам̣ гаад̇ум̣ саггаа ход̇и, д̇аад̣̇исам̣ бад̣̇зсам̣. яад̇т̇а бана тид̇зхи гаммам̣ гаад̇ум̣ на саггаа ход̇и, д̇аад̣̇исам̣ бад̣̇зсам̣ анд̇о гарид̇ваа б̣анд̇ханд̇аа сиймааяа сиймам̣ самбхинд̣̇анд̇и наама. д̣̇виннам̣ сиймаанам̣ нимид̇д̇ам̣ ход̇ийд̇и нимид̇д̇асса сиймад̇о б̣аахирад̇д̇аа сиймасамбхзд̣̇о на ход̇ийд̇и вуд̇д̇ам̣. сиймасан̇гарам̣ гарод̇ийд̇и вад̣дхид̇ваа сиймаббад̣̇зсам̣ бавидтз д̣̇виннам̣ сиймаанам̣ г̇ад̇адтаанасса д̣̇увин̃н̃зяяад̇д̇аа вуд̇д̇ам̣, на жа бана д̇ад̇т̇а гаммам̣ гаад̇ум̣ на ваддад̇ийд̇и д̣̇ассанад̇т̇ам̣. на хи сиймаа д̇ад̇д̇агзна асиймаа ход̇и, д̣̇вз бана сиймаа бажчаа вад̣дхид̇зна ругкзна аж̇жход̇т̇адаа згааб̣ад̣̇д̇хаа хонд̇и, д̇асмаа згад̇т̇а тад̇ваа гаммам̣ гаронд̇зхи ид̇арам̣ сод̇хзд̇ваа гаад̇аб̣б̣а’’нд̇и вуд̇д̇ам̣.

    Sāratthadīpaniyaṃ (sārattha. ṭī. mahāvagga 3.148) ‘‘saṃsaṭṭhaviṭapāti iminā aññamaññassa āsannataṃ dīpeti. Baddhā hotīti pacchimadisābhāge sīmaṃ sandhāya vuttaṃ. Tassā padesanti yattha ṭhatvā bhikkhūhi kammaṃ kātuṃ sakkā hoti, tādisaṃ padesaṃ. Yattha pana ṭhitehi kammaṃ kātuṃ na sakkā hoti, tādisaṃ padesaṃ anto karitvā bandhantā sīmāya sīmaṃ sambhindanti nāma. Dvinnaṃ sīmānaṃ nimittaṃ hotīti nimittassa sīmato bāhirattā sīmasambhedo na hotīti vuttaṃ. Sīmasaṅkaraṃ karotīti vaḍḍhitvā sīmappadesaṃ paviṭṭhe dvinnaṃ sīmānaṃ gataṭṭhānassa duviññeyyattā vuttaṃ, na ca pana tattha kammaṃ kātuṃ na vaṭṭatīti dassanatthaṃ. Na hi sīmā tattakena asīmā hoti, dve pana sīmā pacchā vaḍḍhitena rukkhena ajjhotthaṭā ekābaddhā honti, tasmā ekattha ṭhatvā kammaṃ karontehi itaraṃ sodhetvā kātabba’’nti vuttaṃ.

    ид̇и винаяасан̇г̇ахасам̣ван̣н̣анаабхууд̇з винаяаалан̇гаарз

    Iti vinayasaṅgahasaṃvaṇṇanābhūte vinayālaṅkāre

    сиймаавинижчаяагат̇аалан̇гааро наама

    Sīmāvinicchayakathālaṅkāro nāma

    жад̇увийсад̇имо барижчзд̣̇о.

    Catuvīsatimo paricchedo.

    сиймааб̣анд̇ханавинижчаяагат̇аа

    Sīmābandhanavinicchayakathā

    звам̣ сиймаавинижчаяам̣ гат̇зд̇ваа баал̣ияам̣ сиймагат̇ааяа убосат̇агканд̇хагабарияаабаннад̇д̇аа убосат̇агканд̇хагаананд̇аран̃жа бавааран̣агканд̇хагасса ааг̇ад̇ад̇д̇аа д̇ад̣̇ануггамзна сиймаавинижчаяад̇о убосат̇абавааран̣авинижчаяам̣ гат̇зд̇умаарад̣̇д̇хзби саасанавуд̣̇д̇хигаран̣ад̇т̇ам̣ убасамбад̣̇аад̣̇ивинаяагаммагаран̣адтаанабхууд̇ам̣ сиймам̣ б̣анд̇хид̇угаамаанам̣ лаж̇ж̇ибзсалаб̣ахуссуд̇асигкаагаамабхигкуунам̣ бан̃н̃аасад̇ивийрияаж̇ананад̇т̇ам̣ сиймааб̣анд̇ханагат̇аа амхзхи аарабхийяад̇з . д̇ад̇т̇а абалоганаад̣̇ижад̇уб̣б̣ид̇хагаммагаран̣адтаанабхууд̇аа сиймаа наама б̣ад̣̇д̇хааб̣ад̣̇д̇хавасзна д̣̇увид̇хаа ход̇и. д̇ад̇т̇ааби б̣ад̣̇д̇хасиймаа кан̣д̣асиймаа, самаанасам̣ваасагасиймаа, авиббаваасасиймаад̇и д̇иб̣б̣ид̇хаа ход̇и, д̇ат̇аа аб̣ад̣̇д̇хасиймааби г̇аамасиймаа, уд̣̇агугкзбасиймаа, сад̇д̇аб̣бханд̇арасиймаад̇и. вуд̇д̇ан̃хзд̇ам̣ аажарияаб̣уд̣̇д̇хад̣̇ад̇д̇ад̇т̇зрзна винаяавинижчаяз –

    Evaṃ sīmāvinicchayaṃ kathetvā pāḷiyaṃ sīmakathāya uposathakkhandhakapariyāpannattā uposathakkhandhakānantarañca pavāraṇakkhandhakassa āgatattā tadanukkamena sīmāvinicchayato uposathapavāraṇavinicchayaṃ kathetumāraddhepi sāsanavuddhikaraṇatthaṃ upasampadādivinayakammakaraṇaṭṭhānabhūtaṃ sīmaṃ bandhitukāmānaṃ lajjipesalabahussutasikkhākāmabhikkhūnaṃ paññāsativīriyajananatthaṃ sīmābandhanakathā amhehi ārabhīyate . Tattha apalokanādicatubbidhakammakaraṇaṭṭhānabhūtā sīmā nāma baddhaabaddhavasena duvidhā hoti. Tatthāpi baddhasīmā khaṇḍasīmā, samānasaṃvāsakasīmā, avippavāsasīmāti tibbidhā hoti, tathā abaddhasīmāpi gāmasīmā, udakukkhepasīmā, sattabbhantarasīmāti. Vuttañhetaṃ ācariyabuddhadattattherena vinayavinicchaye –

    ‘‘кан̣д̣асамаанасам̣ваасаа-виббаваасаад̇и бхзд̣̇ад̇о;

    ‘‘Khaṇḍasamānasaṃvāsā-vippavāsāti bhedato;

    ид̇и б̣ад̣̇д̇хаа д̇ид̇хаа вуд̇д̇аа, аб̣ад̣̇д̇хааби д̇ид̇хаа мад̇аа.

    Iti baddhā tidhā vuttā, abaddhāpi tidhā matā.

    ‘‘г̇аамад̇о уд̣̇агугкзбаа, сад̇д̇аб̣бханд̇арад̇оби жа;

    ‘‘Gāmato udakukkhepā, sattabbhantaratopi ca;

    д̇ад̇т̇а г̇аамабарижчзд̣̇о, г̇аамасиймаад̇и вужжад̇ий’’д̇и.

    Tattha gāmaparicchedo, gāmasīmāti vuccatī’’ti.

    д̇ад̇т̇а б̣ад̣̇д̇хасиймам̣ б̣анд̇хид̇угаамзна ад̇икуд̣̇д̣̇игаа, ад̇имахад̇ий, кан̣д̣анимид̇д̇аа, чааяаанимид̇д̇аа, анимид̇д̇аа, б̣ахисиймз тид̇асаммад̇аа, над̣̇ияаа саммад̇аа, самуд̣̇д̣̇з саммад̇аа, ж̇аад̇ассарз саммад̇аа, сиймааяа сиймам̣ самбхинд̣̇анд̇зна саммад̇аа, сиймааяа сиймам̣ аж̇жход̇т̇аранд̇зна саммад̇аад̇и вуд̇д̇аа имаа згаад̣̇аса вибад̇д̇исиймааяо ад̇иггамид̇ваа нимид̇д̇асамбад̇д̇и, барисасамбад̇д̇и, гаммаваажаасамбад̇д̇ийд̇и вуд̇д̇ааяа д̇ивид̇хасамбад̇д̇ияаа яуд̇д̇ам̣ гад̇ваа батамам̣ гид̇д̇ид̇анимид̇д̇зна саб̣б̣абажчимагид̇д̇ид̇анимид̇д̇ам̣ самб̣анд̇хам̣ гад̇ваа б̣анд̇хид̇аб̣б̣аа. вуд̇д̇ан̃хзд̇ам̣ адтагат̇аажариязна ган̇каавид̇аран̣ияам̣ (ган̇каа. адта. нид̣̇аанаван̣н̣анаа) ‘‘д̇ад̇т̇а згаад̣̇аса вибад̇д̇исиймааяо ад̇иггамид̇ваа д̇ивид̇хасамбад̇д̇ияуд̇д̇аа нимид̇д̇зна нимид̇д̇ам̣ самб̣анд̇хид̇ваа саммад̇аа сиймаа б̣ад̣̇д̇хасиймаа наамаа’’д̇и. зд̇зна зд̇зсу згаад̣̇асасу вибад̇д̇ийсу згааяаби яуд̇д̇ааяа, д̇ивид̇хасамбад̇д̇ийсу згааяаби аяуд̇д̇ааяа, нимид̇д̇зна нимид̇д̇ам̣ асамб̣анд̇хам̣ гад̇ваа саммад̇ааяа жа сад̇и сиймаа на ход̇ийд̇и д̣̇ассзд̇и.

    Tattha baddhasīmaṃ bandhitukāmena atikhuddikā, atimahatī, khaṇḍanimittā, chāyānimittā, animittā, bahisīme ṭhitasammatā, nadiyā sammatā, samudde sammatā, jātassare sammatā, sīmāya sīmaṃ sambhindantena sammatā, sīmāya sīmaṃ ajjhottharantena sammatāti vuttā imā ekādasa vipattisīmāyo atikkamitvā nimittasampatti, parisasampatti, kammavācāsampattīti vuttāya tividhasampattiyā yuttaṃ katvā paṭhamaṃ kittitanimittena sabbapacchimakittitanimittaṃ sambandhaṃ katvā bandhitabbā. Vuttañhetaṃ aṭṭhakathācariyena kaṅkhāvitaraṇiyaṃ (kaṅkhā. aṭṭha. nidānavaṇṇanā) ‘‘tattha ekādasa vipattisīmāyo atikkamitvā tividhasampattiyuttā nimittena nimittaṃ sambandhitvā sammatā sīmā baddhasīmā nāmā’’ti. Etena etesu ekādasasu vipattīsu ekāyapi yuttāya, tividhasampattīsu ekāyapi ayuttāya, nimittena nimittaṃ asambandhaṃ katvā sammatāya ca sati sīmā na hotīti dasseti.

    звам̣ сиймам̣ б̣анд̇хид̇угаамзна бхигкунаа саб̣б̣алагкан̣абарибуурад̇т̇ам̣ маханд̇о уссаахо гаран̣ийяо ход̇и, д̇асмаа сиймааб̣анд̇ханагаалз д̇ийсу самбад̇д̇ийсу барисасамбад̇д̇исид̣̇д̇хияаа батамам̣ д̇аава г̇аамасиймаа убабаригкид̇аб̣б̣аа. зд̇т̇ааха ‘‘нану б̣ад̣̇д̇хасиймаа ваа б̣анд̇хид̇аб̣б̣аа, ат̇а гасмаа г̇аамасиймаа убабаригкид̇аб̣б̣аа’’д̇и? г̇аамасиймааяам̣ тад̇ваа б̣ад̣̇д̇хасиймааяа б̣анд̇хид̇аб̣б̣ад̇о. вуд̇д̇ан̃хзд̇ам̣ бхаг̇авад̇аа ‘‘асаммад̇ааяа, бхигкавз, сиймааяа адтабид̇ааяа яам̣ г̇аамам̣ ваа ниг̇амам̣ ваа убаниссааяа вихарад̇и, яаа д̇асса ваа г̇аамасса г̇аамасиймаа, ниг̇амасса ваа ниг̇амасиймаа, аяам̣ д̇ад̇т̇а самаанасам̣ваасаа згуубосат̇аа’’д̇и (махаава. 147). ид̇ха баал̣ияам̣ саруубзна анааг̇ад̇амби адтагат̇ааяам̣ (махаава. адта. 147) ‘‘г̇аамаг̇г̇ахан̣зна жзд̇т̇а наг̇арамби г̇ахид̇амзва ход̇ий’’д̇и вуд̇д̇ад̇д̇аа наг̇арасиймааби г̇ахид̇аа ход̇и, д̇асмаа яасмим̣ аб̣ад̣̇д̇хасиймавихаарз бхигкуу яам̣ г̇аамам̣ убаниссааяа вихаранд̇и, д̇асса г̇аамасса барижчзд̣̇о г̇аамасиймаа наама. яам̣ ниг̇амам̣ убаниссааяа вихаранд̇и, д̇асса ниг̇амасса барижчзд̣̇о ниг̇амасиймаа наама. яам̣ наг̇арам̣ убаниссааяа вихаранд̇и, д̇асса наг̇арасса барижчзд̣̇о наг̇арасиймаа наама. д̇аа саб̣б̣ааби г̇аамасиймаад̇и вужжанд̇и. д̇зсам̣ бхигкуунам̣ самаанасам̣ваасаа згуубосат̇аб̣ад̣̇д̇хасиймаа вияа згад̇о убосат̇аад̣̇исан̇гхагаммагаран̣аарахаа хонд̇и, ийд̣̇исзязва жа бад̣̇зсз сиймам̣ б̣анд̇хид̇умарахад̇и, на убосат̇аад̣̇исан̇гхагаммаанарахз бад̣̇зсзд̇и вуд̇д̇ам̣ ход̇и.

    Evaṃ sīmaṃ bandhitukāmena bhikkhunā sabbalakkhaṇaparipūratthaṃ mahanto ussāho karaṇīyo hoti, tasmā sīmābandhanakāle tīsu sampattīsu parisasampattisiddhiyā paṭhamaṃ tāva gāmasīmā upaparikkhitabbā. Etthāha ‘‘nanu baddhasīmā vā bandhitabbā, atha kasmā gāmasīmā upaparikkhitabbā’’ti? Gāmasīmāyaṃ ṭhatvā baddhasīmāya bandhitabbato. Vuttañhetaṃ bhagavatā ‘‘asammatāya, bhikkhave, sīmāya aṭṭhapitāya yaṃ gāmaṃ vā nigamaṃ vā upanissāya viharati, yā tassa vā gāmassa gāmasīmā, nigamassa vā nigamasīmā, ayaṃ tattha samānasaṃvāsā ekūposathā’’ti (mahāva. 147). Idha pāḷiyaṃ sarūpena anāgatampi aṭṭhakathāyaṃ (mahāva. aṭṭha. 147) ‘‘gāmaggahaṇena cettha nagarampi gahitameva hotī’’ti vuttattā nagarasīmāpi gahitā hoti, tasmā yasmiṃ abaddhasīmavihāre bhikkhū yaṃ gāmaṃ upanissāya viharanti, tassa gāmassa paricchedo gāmasīmā nāma. Yaṃ nigamaṃ upanissāya viharanti, tassa nigamassa paricchedo nigamasīmā nāma. Yaṃ nagaraṃ upanissāya viharanti, tassa nagarassa paricchedo nagarasīmā nāma. Tā sabbāpi gāmasīmāti vuccanti. Tesaṃ bhikkhūnaṃ samānasaṃvāsā ekūposathabaddhasīmā viya ekato uposathādisaṅghakammakaraṇārahā honti, īdiseyeva ca padese sīmaṃ bandhitumarahati, na uposathādisaṅghakammānarahe padeseti vuttaṃ hoti.

    д̇ад̇т̇а ‘‘яад̇д̇агз бад̣̇зсз д̇асса д̇асса г̇аамасса г̇аамабхож̇агаа б̣алим̣ лабханд̇и, со бад̣̇зсо аббо ваа ход̇у маханд̇о ваа, г̇аамасиймаад̇взва сан̇кяам̣ г̇ажчад̇ий’’д̇и адтагат̇ааяам̣ важанад̇о г̇аамаад̣̇ибхож̇агаанам̣ б̣алилабханадтаанам̣ г̇аамасиймаа ход̇и, ид̣̇ан̃жа язбхуяяавасзна вуд̇д̇ам̣. б̣алим̣ алабханд̇оби рааж̇абан̣н̣з ааробид̇абад̣̇зсз д̇асса г̇аамасса г̇аамасиймааязва. вуд̇д̇ан̃хи вимад̇ивинод̣̇анияам̣ (ви. ви. дий. махааваг̇г̇а 2.147) ‘‘б̣алим̣ лабханд̇ийд̇и ид̣̇ам̣ язбхуяяавасзна вуд̇д̇ам̣. ‘аяам̣ г̇аамо зд̇д̇аго гарийсабхааг̇о’д̇иаад̣̇инаа бана рааж̇абан̣н̣зсу ааробид̇зсу бхуумибхааг̇зсу яасмим̣ яасмим̣ д̇ал̣аагамаад̇игаасусаанабаб̣б̣ад̇аад̣̇игз бад̣̇зсз б̣алим̣ на г̇ан̣ханд̇и, соби г̇аамасиймаа зва. рааж̇аад̣̇ийхи барижчиннабхуумибхааг̇о хи саб̣б̣ова табзд̇ваа над̣̇ийлон̣иж̇аад̇ассарз г̇аамасиймаад̇и взд̣̇ид̇аб̣б̣о’’д̇и. аяам̣ багад̇иг̇аамасиймаа наама. ‘‘яамби згасмим̣язва г̇аамагкзд̇д̇з згам̣ бад̣̇зсам̣, ‘аяам̣ висум̣г̇аамо ход̇уу’д̇и барижчинд̣̇ид̇ваа рааж̇аа гассажи д̣̇зд̇и, соби висум̣г̇аамасиймаа ход̇иязваа’’д̇и адтагат̇ааяам̣ (махаава. адта. 147) важанад̇о рааж̇аа ‘‘багад̇иг̇аамагкзд̇д̇зязва багад̇иг̇аамад̇о висум̣ багад̇иг̇аамзна асаммиссо г̇аамо ход̇уу’’д̇и яам̣ бад̣̇зсам̣ д̣̇зд̇и, со бад̣̇зсо висум̣г̇аамасиймаа наама. ид̇и багад̇иг̇аамасиймаа жа рааж̇уунам̣ ижчаавасзна бавад̇д̇аа висум̣г̇аамасиймаа жа б̣ад̣̇д̇хасиймаа вияа саб̣б̣агаммаарахаа, д̇асмаа абхинаваб̣ад̣̇д̇хасиймам̣ б̣анд̇хид̇угаамзхи багад̇иг̇аамасиймам̣ ваа висум̣г̇аамасиймам̣ ваа сод̇хзд̇ваа гад̇д̇аб̣б̣ам̣ ход̇и. д̇ат̇аа хи вуд̇д̇ам̣ адтагат̇ааяам̣ ‘‘д̇асмаа саа жа ид̇араа жа багад̇иг̇ааманаг̇араниг̇амасиймаа б̣ад̣̇д̇хасиймаасад̣̇исааязва хонд̇ий’’д̇и. вимад̇ивинод̣̇анияан̃жа (ви. ви. дий. махааваг̇г̇а 2.147) ‘‘д̇ад̇т̇а хи саа жа рааж̇ижчаавасзна баривад̇д̇ид̇ваа самуббаннаа абхинаваа жа ид̇араа жа абаривад̇д̇аа багад̇иг̇аамасиймаа, яат̇аа б̣ад̣̇д̇хасиймааяам̣ саб̣б̣ам̣ сан̇гхагаммам̣ гаад̇ум̣ ваддад̇и, звамзд̇ааби саб̣б̣агаммаарахад̇аасад̣̇исзна б̣ад̣̇д̇хасиймаасад̣̇исаа, саа самаанасам̣ваасаа згуубосат̇аад̇и ад̇хиббааяо’’д̇и вуд̇д̇ам̣.

    Tattha ‘‘yattake padese tassa tassa gāmassa gāmabhojakā baliṃ labhanti, so padeso appo vā hotu mahanto vā, gāmasīmātveva saṅkhyaṃ gacchatī’’ti aṭṭhakathāyaṃ vacanato gāmādibhojakānaṃ balilabhanaṭṭhānaṃ gāmasīmā hoti, idañca yebhuyyavasena vuttaṃ. Baliṃ alabhantopi rājapaṇṇe āropitapadese tassa gāmassa gāmasīmāyeva. Vuttañhi vimativinodaniyaṃ (vi. vi. ṭī. mahāvagga 2.147) ‘‘baliṃ labhantīti idaṃ yebhuyyavasena vuttaṃ. ‘Ayaṃ gāmo ettako karīsabhāgo’tiādinā pana rājapaṇṇesu āropitesu bhūmibhāgesu yasmiṃ yasmiṃ taḷākamātikāsusānapabbatādike padese baliṃ na gaṇhanti, sopi gāmasīmā eva. Rājādīhi paricchinnabhūmibhāgo hi sabbova ṭhapetvā nadīloṇijātassare gāmasīmāti veditabbo’’ti. Ayaṃ pakatigāmasīmā nāma. ‘‘Yampi ekasmiṃyeva gāmakkhette ekaṃ padesaṃ, ‘ayaṃ visuṃgāmo hotū’ti paricchinditvā rājā kassaci deti, sopi visuṃgāmasīmā hotiyevā’’ti aṭṭhakathāyaṃ (mahāva. aṭṭha. 147) vacanato rājā ‘‘pakatigāmakkhetteyeva pakatigāmato visuṃ pakatigāmena asammisso gāmo hotū’’ti yaṃ padesaṃ deti, so padeso visuṃgāmasīmā nāma. Iti pakatigāmasīmā ca rājūnaṃ icchāvasena pavattā visuṃgāmasīmā ca baddhasīmā viya sabbakammārahā, tasmā abhinavabaddhasīmaṃ bandhitukāmehi pakatigāmasīmaṃ vā visuṃgāmasīmaṃ vā sodhetvā kattabbaṃ hoti. Tathā hi vuttaṃ aṭṭhakathāyaṃ ‘‘tasmā sā ca itarā ca pakatigāmanagaranigamasīmā baddhasīmāsadisāyeva hontī’’ti. Vimativinodaniyañca (vi. vi. ṭī. mahāvagga 2.147) ‘‘tattha hi sā ca rājicchāvasena parivattitvā samuppannā abhinavā ca itarā ca aparivattā pakatigāmasīmā, yathā baddhasīmāyaṃ sabbaṃ saṅghakammaṃ kātuṃ vaṭṭati, evametāpi sabbakammārahatāsadisena baddhasīmāsadisā, sā samānasaṃvāsā ekūposathāti adhippāyo’’ti vuttaṃ.

    гзжи бана аажарияаа ‘‘маяам̣ сиймам̣ б̣анд̇хид̇угаамаа, д̇асмаа зд̇д̇аго бхуумибарижчзд̣̇о висум̣ кзд̇д̇ам̣ ход̇уу’’д̇и рааж̇аанам̣ аабужчид̇ваа д̇зна огаасз гад̇з ‘‘ид̣̇ам̣ таанам̣ висум̣г̇аамагкзд̇д̇ам̣ ход̇ий’’д̇и манаси гад̇ваа д̇ад̇радтзязва бхигкуу жа хад̇т̇абаасаанаяанаад̣̇инаа сод̇хзд̇ваа сиймаасамууханасиймааб̣анд̇ханаад̣̇ийни гаронд̇и, д̇ам̣ гаран̣ам̣ ‘‘аяам̣ висум̣г̇аамо ход̇ууд̇и барижчинд̣̇ид̇ваа рааж̇аа гассажи д̣̇зд̇ий’’д̇и адтагат̇ааважанзна, ‘‘саа жа рааж̇ижчаавасзна баривад̇д̇ид̇ваа самуббаннаа абхинаваа жаа’’д̇и ааг̇ад̇зна вимад̇ивинод̣̇анийдийгааважанзна жа самзнд̇ам̣ вияа на д̣̇иссад̇и. гат̇ам̣? адтагат̇ааважанз д̇аава ‘‘аяам̣ висум̣г̇аамо ход̇уу’’д̇и иминаа на гзвалам̣ буримаг̇аамоязва г̇аамо ход̇у, ат̇а ко ид̣̇аани барижчиннабад̣̇зсоби висум̣язва г̇аамо ход̇ууд̇и згам̣язва г̇аамагкзд̇д̇ам̣ д̣̇вз г̇аамз гарод̇ийд̇и д̣̇ассзд̇и. ‘‘рааж̇аа гассажи д̣̇зд̇ий’’д̇и иминаа г̇аамабхож̇агасса д̣̇иннабхаавам̣ багаасзд̇и, ид̇ха бана нзва д̣̇вз г̇аамз гарод̇и, на жа г̇аамабхож̇агасса д̣̇зд̇и, гзвалам̣ бхигкуунам̣ анумад̇ияаа яаавагаалигавасзнзва огаасам̣ гарод̇и, звам̣ адтагат̇ааважанзнаби самзнд̇ам̣ вияа на д̣̇иссад̇и. вимад̇ивинод̣̇анийдийгааважанзнаби ‘‘рааж̇ижчаавасзна баривад̇д̇ид̇ваа’’д̇и иминаа аг̇аамабхууд̇ам̣ кзд̇д̇ам̣ рааж̇ижчаавасзна баривад̇д̇ид̇ваа г̇аамо ход̇ийд̇и д̣̇ассзд̇и. ‘‘абхинаваа жаа’’д̇и иминаа бураан̣аг̇аамасиймаа жа абхинаваг̇аамасиймаа жаад̇и буримаг̇аамзна амиссам̣ висум̣г̇аамалагкан̣ам̣ д̣̇ассзд̇и. ид̇ха бана рааж̇ижчаавасзна баривад̇д̇ид̇ваа кзд̇д̇асса висум̣г̇аамабхууд̇абхааво жа абхинавабхаавзна висум̣г̇аамалагкан̣ан̃жа на д̣̇иссад̇и, звам̣ дийгааважанзнаби самзнд̇ам̣ вияа на д̣̇иссад̇и.

    Keci pana ācariyā ‘‘mayaṃ sīmaṃ bandhitukāmā, tasmā ettako bhūmiparicchedo visuṃ khettaṃ hotū’’ti rājānaṃ āpucchitvā tena okāse kate ‘‘idaṃ ṭhānaṃ visuṃgāmakkhettaṃ hotī’’ti manasi katvā tatraṭṭheyeva bhikkhū ca hatthapāsānayanādinā sodhetvā sīmāsamūhanasīmābandhanādīni karonti, taṃ karaṇaṃ ‘‘ayaṃ visuṃgāmo hotūti paricchinditvā rājā kassaci detī’’ti aṭṭhakathāvacanena, ‘‘sā ca rājicchāvasena parivattitvā samuppannā abhinavā cā’’ti āgatena vimativinodanīṭīkāvacanena ca samentaṃ viya na dissati. Kathaṃ? Aṭṭhakathāvacane tāva ‘‘ayaṃ visuṃgāmo hotū’’ti iminā na kevalaṃ purimagāmoyeva gāmo hotu, atha kho idāni paricchinnapadesopi visuṃyeva gāmo hotūti ekaṃyeva gāmakkhettaṃ dve gāme karotīti dasseti. ‘‘Rājā kassaci detī’’ti iminā gāmabhojakassa dinnabhāvaṃ pakāseti, idha pana neva dve gāme karoti, na ca gāmabhojakassa deti, kevalaṃ bhikkhūnaṃ anumatiyā yāvakālikavaseneva okāsaṃ karoti, evaṃ aṭṭhakathāvacanenapi samentaṃ viya na dissati. Vimativinodanīṭīkāvacanenapi ‘‘rājicchāvasena parivattitvā’’ti iminā agāmabhūtaṃ khettaṃ rājicchāvasena parivattitvā gāmo hotīti dasseti. ‘‘Abhinavā cā’’ti iminā purāṇagāmasīmā ca abhinavagāmasīmā cāti purimagāmena amissaṃ visuṃgāmalakkhaṇaṃ dasseti. Idha pana rājicchāvasena parivattitvā khettassa visuṃgāmabhūtabhāvo ca abhinavabhāvena visuṃgāmalakkhaṇañca na dissati, evaṃ ṭīkāvacanenapi samentaṃ viya na dissati.

    винаяавинижчаяадийгааяан̃жа ‘‘г̇аамабарижчзд̣̇од̇и саб̣б̣ад̣̇исаасу саммаа барижчинд̣̇ид̇ваа ‘имасса бад̣̇зсасса зд̇д̇аго гаро’д̇и звам̣ гарзна нияамид̇о г̇аамаббад̣̇зсо’’д̇и звам̣ ааяавасзнзва барижчинд̣̇анам̣ вуд̇д̇ам̣, на анумад̇игаран̣амад̇д̇зна, д̇асмаа висум̣г̇аамалагкан̣ам̣ аббад̇д̇ад̇ааяа багад̇иг̇аамзна сан̇гаро ход̇и, на д̇ад̇т̇а убосат̇аад̣̇исан̇гхагаммам̣ гаад̇умарахад̇и, убосат̇аад̣̇исан̇гхагаммагаран̣аарахабад̣̇зсзязва сиймаасамуухананасиймааб̣анд̇ханагаммамби гаран̣аарахам̣ ход̇и н̃ад̇д̇ид̣̇уд̇ияагаммад̇д̇аа д̇зсам̣ гаммаанам̣, д̇асмаа д̇зсам̣ аажарияаанам̣ д̇ам̣ гаран̣ам̣ ан̃н̃з аажарияаа на ижчанд̇и. ан̃н̃з бана аажарияаа ‘‘д̇ам̣ барижчиннаббад̣̇зсам̣ ‘висум̣г̇аамо ход̇уу’д̇и рааж̇аа гассажи д̣̇зд̇и, г̇аамабхож̇аго жа д̇ад̇о б̣алим̣ бадиг̇г̇ан̣хаад̇и, д̇ад̣̇аа висум̣г̇аамо ход̇и, на д̇ад̇о буб̣б̣з’’д̇и вад̣̇анд̇и. д̇зсам̣ д̇ам̣ важанам̣ ‘‘звам̣ гарзна нияамид̇о бад̣̇зсо’’д̇и винижчаяадийгааважанан̃жа ‘‘г̇аамаад̣̇ийнам̣ гараг̇г̇аахабарижчинно саманд̇ад̇о бад̣̇зсо г̇аамасиймаа’’д̇и сиймаалан̇гаараг̇ан̣тиважанан̃жа санд̇хааяа вуд̇д̇ам̣ сияаа, д̇зсу бана ‘‘имасса бад̣̇зсасса зд̇д̇аго гаро’’д̇и звам̣ гарабарижчинд̣̇анам̣ вуд̇д̇ам̣, на г̇аамабхож̇агасса б̣алиг̇г̇ахан̣ам̣. адтагат̇ааяан̃жа ‘‘рааж̇аа гассажи д̣̇зд̇ий’’д̇и д̣̇аанамзва вад̣̇ад̇и, на ‘‘г̇аамабхож̇аго жа б̣алим̣ г̇ан̣хаад̇ий’’д̇и бадиг̇г̇ахан̣ам̣, д̇асмаа д̇амби важанам̣ ан̃н̃з бан̣д̣ид̇аа на самбадижчанд̇и, д̇асмаа бат̇ависсаро рааж̇аа ‘‘имасмим̣ г̇аамагкзд̇д̇з зд̇д̇агагарийсамад̇д̇о бад̣̇зсо буримаг̇аамад̇о висум̣г̇аамо ход̇уу’’д̇и барижчинд̣̇ид̇ваа д̣̇зд̇и, зд̇д̇аавад̇аа со бад̣̇зсо б̣алим̣ бадиг̇г̇ахид̇о ваа ход̇у аббадиг̇г̇ахид̇о ваа, висум̣г̇аамо наама ход̇ийд̇и д̣̇адтаб̣б̣о.

    Vinayavinicchayaṭīkāyañca ‘‘gāmaparicchedoti sabbadisāsu sammā paricchinditvā ‘imassa padesassa ettako karo’ti evaṃ karena niyamito gāmappadeso’’ti evaṃ āyavaseneva paricchindanaṃ vuttaṃ, na anumatikaraṇamattena, tasmā visuṃgāmalakkhaṇaṃ appattatāya pakatigāmena saṅkaro hoti, na tattha uposathādisaṅghakammaṃ kātumarahati, uposathādisaṅghakammakaraṇārahapadeseyeva sīmāsamūhananasīmābandhanakammampi karaṇārahaṃ hoti ñattidutiyakammattā tesaṃ kammānaṃ, tasmā tesaṃ ācariyānaṃ taṃ karaṇaṃ aññe ācariyā na icchanti. Aññe pana ācariyā ‘‘taṃ paricchinnappadesaṃ ‘visuṃgāmo hotū’ti rājā kassaci deti, gāmabhojako ca tato baliṃ paṭiggaṇhāti, tadā visuṃgāmo hoti, na tato pubbe’’ti vadanti. Tesaṃ taṃ vacanaṃ ‘‘evaṃ karena niyamito padeso’’ti vinicchayaṭīkāvacanañca ‘‘gāmādīnaṃ karaggāhaparicchinno samantato padeso gāmasīmā’’ti sīmālaṅkāragaṇṭhivacanañca sandhāya vuttaṃ siyā, tesu pana ‘‘imassa padesassa ettako karo’’ti evaṃ karaparicchindanaṃ vuttaṃ, na gāmabhojakassa baliggahaṇaṃ. Aṭṭhakathāyañca ‘‘rājā kassaci detī’’ti dānameva vadati, na ‘‘gāmabhojako ca baliṃ gaṇhātī’’ti paṭiggahaṇaṃ, tasmā tampi vacanaṃ aññe paṇḍitā na sampaṭicchanti, tasmā pathavissaro rājā ‘‘imasmiṃ gāmakkhette ettakakarīsamatto padeso purimagāmato visuṃgāmo hotū’’ti paricchinditvā deti, ettāvatā so padeso baliṃ paṭiggahito vā hotu appaṭiggahito vā, visuṃgāmo nāma hotīti daṭṭhabbo.

    звам̣ багад̇иг̇аамалагкан̣ан̃жа висум̣г̇аамалагкан̣ан̃жа д̇ат̇ад̇о н̃ад̇ваа б̣ад̣̇д̇хасиймам̣ б̣анд̇хид̇угаамо яад̣̇и багад̇иг̇аамасиймаа наад̇ивид̇т̇аараа ход̇и сукарагкид̇аа, д̇амзва багад̇иг̇аамасиймам̣ судту рагкаабзд̇ваа судту сод̇хзд̇ваа сиймаасамуухананасиймаасаммуд̇игаммаани гаад̇аб̣б̣аани. яад̣̇и бана багад̇иг̇аамасиймаа ад̇ивид̇т̇аараа ход̇и, ниг̇амасиймаа, наг̇арасиймаа ваа хонд̇и, б̣ахуунам̣ бхигкуунам̣ нисиннадтаанасан̃жаран̣адтаанад̇д̇аа сод̇хзд̇ум̣ ваа рагкид̇ум̣ ваа на саггонд̇и, зван̃жа сад̇и бат̇ависсарарааж̇уухи барижчиннааяа висум̣г̇аамасиймааяа судту сод̇хзд̇ваа сурагкид̇ам̣ гад̇ваа сиймаасамуухананасиймаасаммуд̇игаммам̣ гаад̇аб̣б̣ам̣. гат̇ам̣ бана судту сод̇ханан̃жа судту рагкан̣ан̃жа гаад̇аб̣б̣ам̣? сиймам̣ б̣анд̇хид̇угаамзна хи сааманд̇авихаарзсу бхигкуу д̇асса д̇асса вихаарасса сиймаабарижчзд̣̇ам̣ бужчид̇ваа б̣ад̣̇д̇хасиймавихаараанам̣ сиймааяа сийманд̇аригам̣, аб̣ад̣̇д̇хасиймавихаараанам̣ сиймааяа убажаарам̣ табзд̇ваа д̣̇исаажааригабхигкуунам̣ ниссан̃жаарасамаяз сажз згасмим̣ г̇аамагкзд̇д̇з сиймам̣ б̣анд̇хид̇угаамаа, яз д̇ад̇т̇а б̣ад̣̇д̇хасиймавихаараа, д̇зсу бхигкуунам̣ ‘‘маяам̣ аж̇ж̇а сиймам̣ б̣анд̇хиссаама, д̇умхз сагасагасиймааяа барижчзд̣̇ад̇о маа нигкамат̇аа’’д̇и бзсзд̇аб̣б̣ам̣. яз аб̣ад̣̇д̇хасиймавихаараа, д̇зсу бхигкуу згаж̇жхам̣ саннибаад̇зд̇аб̣б̣аа, чанд̣̇аарахаанам̣ чанд̣̇о аахараабзд̇аб̣б̣о. звам̣ саннибад̇ид̇зсу бана бхигкуусу чанд̣̇аарахаанам̣ чанд̣̇з аахадз д̇зсу д̇зсу маг̇г̇зсу жа над̣̇ийд̇ид̇т̇аг̇аамад̣̇ваараад̣̇ийсу жа ааг̇анд̇угабхигкуунам̣ сийгхам̣ сийгхам̣ хад̇т̇абаасаанаяанад̇т̇ан̃жа б̣ахисиймагаран̣ад̇т̇ан̃жа аараамигз жзва саман̣уд̣̇д̣̇зсз жа табзд̇ваа бхзрисан̃н̃ам̣ ваа сан̇касан̃н̃ам̣ ваа гад̇ваа сиймаа самууханид̇аб̣б̣аад̇и.

    Evaṃ pakatigāmalakkhaṇañca visuṃgāmalakkhaṇañca tathato ñatvā baddhasīmaṃ bandhitukāmo yadi pakatigāmasīmā nātivitthārā hoti sukharakkhitā, tameva pakatigāmasīmaṃ suṭṭhu rakkhāpetvā suṭṭhu sodhetvā sīmāsamūhananasīmāsammutikammāni kātabbāni. Yadi pana pakatigāmasīmā ativitthārā hoti, nigamasīmā, nagarasīmā vā honti, bahūnaṃ bhikkhūnaṃ nisinnaṭṭhānasañcaraṇaṭṭhānattā sodhetuṃ vā rakkhituṃ vā na sakkonti, evañca sati pathavissararājūhi paricchinnāya visuṃgāmasīmāya suṭṭhu sodhetvā surakkhitaṃ katvā sīmāsamūhananasīmāsammutikammaṃ kātabbaṃ. Kathaṃ pana suṭṭhu sodhanañca suṭṭhu rakkhaṇañca kātabbaṃ? Sīmaṃ bandhitukāmena hi sāmantavihāresu bhikkhū tassa tassa vihārassa sīmāparicchedaṃ pucchitvā baddhasīmavihārānaṃ sīmāya sīmantarikaṃ, abaddhasīmavihārānaṃ sīmāya upacāraṃ ṭhapetvā disācārikabhikkhūnaṃ nissañcārasamaye sace ekasmiṃ gāmakkhette sīmaṃ bandhitukāmā, ye tattha baddhasīmavihārā, tesu bhikkhūnaṃ ‘‘mayaṃ ajja sīmaṃ bandhissāma, tumhe sakasakasīmāya paricchedato mā nikkhamathā’’ti pesetabbaṃ. Ye abaddhasīmavihārā, tesu bhikkhū ekajjhaṃ sannipātetabbā, chandārahānaṃ chando āharāpetabbo. Evaṃ sannipatitesu pana bhikkhūsu chandārahānaṃ chande āhaṭe tesu tesu maggesu ca nadītitthagāmadvārādīsu ca āgantukabhikkhūnaṃ sīghaṃ sīghaṃ hatthapāsānayanatthañca bahisīmakaraṇatthañca ārāmike ceva samaṇuddese ca ṭhapetvā bherisaññaṃ vā saṅkhasaññaṃ vā katvā sīmā samūhanitabbāti.

    нану жа ид̣̇ам̣ сод̇ханам̣ рагкан̣ан̃жа сиймаасаммуд̇игаалзязва адтагат̇ааяам̣ вуд̇д̇ам̣, ат̇а гасмаа ид̇ха сиймаасамуухананз вуд̇д̇анд̇и? имассаби сиймаасамуухананагаммасса н̃ад̇д̇ид̣̇уд̇ияагаммад̇д̇аа барисасамбад̇д̇иж̇ананад̇т̇ам̣ вуд̇д̇анд̇и д̣̇адтаб̣б̣ам̣. звам̣ санд̇зби ид̣̇ам̣ сиймаасамуухананагаммам̣ наама яад̣̇и бораан̣аа б̣ад̣̇д̇хасиймаа ад̇т̇и, д̇ад̣̇адтагасан̇гхз хад̇т̇абаасаг̇ад̇з ан̃н̃зсу бхигкуусу г̇аамасиймам̣ бавидтзсуби гаммабхзд̣̇о над̇т̇и. яад̣̇и бораан̣аа б̣ад̣̇д̇хасиймаа над̇т̇и, звамби сад̇и гзвалам̣ г̇аамасиймаабхууд̇ад̇д̇аа сиймаасамуухананагаммз асамбаж̇ж̇анд̇зби д̣̇осо над̇т̇и, ат̇а гасмаа сод̇ханаа вуд̇д̇аад̇и? сажжам̣, д̇ат̇ааби самууханид̇аб̣б̣аа бораан̣асиймаабарижчзд̣̇асса д̣̇увин̃н̃зяяад̇д̇аа. сажз хи махад̇ияаа бораан̣аб̣ад̣̇д̇хасиймааяа згасмим̣ бад̣̇зсз сиймам̣ самууханиссаамаад̇и сан̇гхз саннибад̇ид̇з д̇ассааязва сиймааяа ан̃н̃асмим̣ бад̣̇зсз бхигкумхи бавидтз аж̇аананд̇ассаби гаммам̣ вибаж̇ж̇ад̇и, д̇асмаа махуссаахзна сод̇хзд̇аб̣б̣ааваад̇и д̣̇адтаб̣б̣ам̣. звам̣ г̇аамасиймасод̇ханам̣ ‘‘барисасамбад̇д̇ияаа яуд̇д̇аа наама саб̣б̣анд̇имзна барижчзд̣̇зна жад̇уухи бхигкуухи саннибад̇ид̇ваа яаавад̇игаа д̇асмим̣ г̇аамагкзд̇д̇з б̣ад̣̇д̇хасиймам̣ ваа над̣̇ийсамуд̣̇д̣̇аж̇аад̇ассарз ваа аноггамид̇ваа тид̇аа бхигкуу, д̇з саб̣б̣з хад̇т̇абаасз ваа гад̇ваа чанд̣̇ам̣ ваа аахарид̇ваа саммад̇аа’’д̇и ган̇каавид̇аран̣ияам̣ (ган̇каа. адта. нид̣̇аанаван̣н̣анаа) ааг̇ад̇ад̇д̇аа барисасамбад̇д̇игааран̣ам̣ ход̇ийд̇и вин̃н̃ааяад̇и. д̇ад̇о ‘‘сиймааяа сиймам̣ самбхинд̣̇анд̇зна саммад̇аа, сиймааяа сиймам̣ аж̇жход̇т̇аранд̇зна саммад̇аа’’д̇и вуд̇д̇зхи д̣̇вийхи вибад̇д̇ид̣̇осзхи мужжанад̇т̇ам̣ сиймасамуухананагаммам̣ гаад̇аб̣б̣ам̣.

    Nanu ca idaṃ sodhanaṃ rakkhaṇañca sīmāsammutikāleyeva aṭṭhakathāyaṃ vuttaṃ, atha kasmā idha sīmāsamūhanane vuttanti? Imassapi sīmāsamūhananakammassa ñattidutiyakammattā parisasampattijananatthaṃ vuttanti daṭṭhabbaṃ. Evaṃ santepi idaṃ sīmāsamūhananakammaṃ nāma yadi porāṇā baddhasīmā atthi, tadaṭṭhakasaṅghe hatthapāsagate aññesu bhikkhūsu gāmasīmaṃ paviṭṭhesupi kammabhedo natthi. Yadi porāṇā baddhasīmā natthi, evampi sati kevalaṃ gāmasīmābhūtattā sīmāsamūhananakamme asampajjantepi doso natthi, atha kasmā sodhanā vuttāti? Saccaṃ, tathāpi samūhanitabbā porāṇasīmāparicchedassa duviññeyyattā. Sace hi mahatiyā porāṇabaddhasīmāya ekasmiṃ padese sīmaṃ samūhanissāmāti saṅghe sannipatite tassāyeva sīmāya aññasmiṃ padese bhikkhumhi paviṭṭhe ajānantassapi kammaṃ vipajjati, tasmā mahussāhena sodhetabbāvāti daṭṭhabbaṃ. Evaṃ gāmasīmasodhanaṃ ‘‘parisasampattiyā yuttā nāma sabbantimena paricchedena catūhi bhikkhūhi sannipatitvā yāvatikā tasmiṃ gāmakkhette baddhasīmaṃ vā nadīsamuddajātassare vā anokkamitvā ṭhitā bhikkhū, te sabbe hatthapāse vā katvā chandaṃ vā āharitvā sammatā’’ti kaṅkhāvitaraṇiyaṃ (kaṅkhā. aṭṭha. nidānavaṇṇanā) āgatattā parisasampattikāraṇaṃ hotīti viññāyati. Tato ‘‘sīmāya sīmaṃ sambhindantena sammatā, sīmāya sīmaṃ ajjhottharantena sammatā’’ti vuttehi dvīhi vipattidosehi muccanatthaṃ sīmasamūhananakammaṃ kātabbaṃ.

    сиймааяа асамуухад̇ааяа сад̇и гат̇ам̣ вибад̇д̇ид̣̇ваяам̣ аабаж̇ж̇зяяаад̇и, д̇ат̇аа сод̇хид̇ааяаби г̇аамасиймааяа. яад̣̇и бораан̣аб̣ад̣̇д̇хасиймаа виж̇ж̇амаанаа бхавзяяа, д̇ассаа виж̇ж̇амаанабхаавам̣ аж̇аананд̇аа навам̣ б̣ад̣̇д̇хасиймам̣ б̣анд̇хзяяум̣. бораан̣асиймааяа хи нимид̇д̇ам̣ анд̇о гад̇ваа д̇асса самийбз бораан̣асиймааяа анд̇о тид̇ам̣ ан̃н̃ам̣ нимид̇д̇ам̣ гад̇ваа навам̣ б̣ад̣̇д̇хасиймам̣ б̣анд̇хзяяум̣, сиймааяа сиймам̣ самбхинд̣̇анд̇зна саммад̇аа наама ход̇и. д̇зна вуд̇д̇ам̣ ган̇каавид̇аран̣ияам̣ (ган̇каа. адта. нид̣̇аанаван̣н̣анаа) ‘‘сиймааяа сиймам̣ самбхинд̣̇анд̇зна саммад̇аа наама ад̇д̇ано сиймааяа барзсам̣ сиймам̣ самбхинд̣̇анд̇зна саммад̇аа. сажз хи бораан̣агасса вихаарасса бурад̇т̇имааяа д̣̇исааяа амб̣о жзва ж̇амб̣уу жаад̇и д̣̇вз ругкаа ан̃н̃аман̃н̃ам̣ сам̣садтавидабаа хонд̇и, д̇зсу амб̣асса бажчимад̣̇исаабхааг̇з ж̇амб̣уу. вихаарасиймаа жа ж̇амб̣ум̣ анд̇о гад̇ваа амб̣ам̣ гид̇д̇зд̇ваа б̣ад̣̇д̇хаа ход̇и, ат̇а бажчаа д̇асса вихаарасса бурад̇т̇имад̣̇исааяам̣ вихаарз гад̇з сиймам̣ б̣анд̇ханд̇аа бхигкуу амб̣ам̣ анд̇о гад̇ваа ж̇амб̣ум̣ гид̇д̇зд̇ваа б̣анд̇ханд̇и, сиймааяа сиймаа самбхиннаа наама ход̇ий’’д̇и. бораан̣асиймааяа жа згад̣̇зсам̣ ваа сагалабораан̣асиймам̣ ваа анд̇о гарид̇ваа навам̣ сиймам̣ б̣анд̇хзяяум̣, сиймааяа сиймам̣ аж̇жход̇т̇аранд̇зна саммад̇аа наама . вуд̇д̇ан̃хзд̇ам̣ ган̇каавид̇аран̣ияам̣ (ган̇каа. адта. нид̣̇аанаван̣н̣анаа) ‘‘сиймааяа сиймам̣ аж̇жход̇т̇аранд̇зна саммад̇аа наама ад̇д̇ано сиймааяа барзсам̣ сиймам̣ аж̇жход̇т̇аранд̇зна саммад̇аа. сажз хи барзсам̣ б̣ад̣̇д̇хасиймам̣ сагалам̣ ваа д̇ассаа бад̣̇зсам̣ ваа анд̇о гад̇ваа ад̇д̇ано сиймам̣ самманнанд̇и, сиймааяа сиймам̣ аж̇жход̇т̇арид̇аа наама ход̇ий’’д̇и.

    Sīmāya asamūhatāya sati kathaṃ vipattidvayaṃ āpajjeyyāti, tathā sodhitāyapi gāmasīmāya. Yadi porāṇabaddhasīmā vijjamānā bhaveyya, tassā vijjamānabhāvaṃ ajānantā navaṃ baddhasīmaṃ bandheyyuṃ. Porāṇasīmāya hi nimittaṃ anto katvā tassa samīpe porāṇasīmāya anto ṭhitaṃ aññaṃ nimittaṃ katvā navaṃ baddhasīmaṃ bandheyyuṃ, sīmāya sīmaṃ sambhindantena sammatā nāma hoti. Tena vuttaṃ kaṅkhāvitaraṇiyaṃ (kaṅkhā. aṭṭha. nidānavaṇṇanā) ‘‘sīmāya sīmaṃ sambhindantena sammatā nāma attano sīmāya paresaṃ sīmaṃ sambhindantena sammatā. Sace hi porāṇakassa vihārassa puratthimāya disāya ambo ceva jambū cāti dve rukkhā aññamaññaṃ saṃsaṭṭhaviṭapā honti, tesu ambassa pacchimadisābhāge jambū. Vihārasīmā ca jambuṃ anto katvā ambaṃ kittetvā baddhā hoti, atha pacchā tassa vihārassa puratthimadisāyaṃ vihāre kate sīmaṃ bandhantā bhikkhū ambaṃ anto katvā jambuṃ kittetvā bandhanti, sīmāya sīmā sambhinnā nāma hotī’’ti. Porāṇasīmāya ca ekadesaṃ vā sakalaporāṇasīmaṃ vā anto karitvā navaṃ sīmaṃ bandheyyuṃ, sīmāya sīmaṃ ajjhottharantena sammatā nāma . Vuttañhetaṃ kaṅkhāvitaraṇiyaṃ (kaṅkhā. aṭṭha. nidānavaṇṇanā) ‘‘sīmāya sīmaṃ ajjhottharantena sammatā nāma attano sīmāya paresaṃ sīmaṃ ajjhottharantena sammatā. Sace hi paresaṃ baddhasīmaṃ sakalaṃ vā tassā padesaṃ vā anto katvā attano sīmaṃ sammannanti, sīmāya sīmaṃ ajjhottharitā nāma hotī’’ti.

    яасмим̣ бад̣̇зсз жад̇д̇ааро бхигкуу нисийд̣̇ид̇ваа гаммам̣ гаад̇ум̣ на саггонд̇и, д̇ад̇т̇а д̇ад̇о бадтааяа яаава гзсаг̇г̇амад̇д̇амби ан̃н̃зсам̣ бораан̣аб̣ад̣̇д̇хасиймаббад̣̇зсам̣ ад̇д̇ано сиймааяа анд̇о гаронд̇о сиймааяа сиймам̣ самбхинд̣̇ад̇и наама. жад̇уннам̣ бхигкуунам̣ нисийд̣̇ид̇ум̣ бахонагадтаанад̇о бадтааяа яаава сагаламби ан̃н̃зсам̣ бораан̣аб̣ад̣̇д̇хасиймаабад̣̇зсам̣ ад̇д̇ано сиймааяа анд̇о гаронд̇о сиймааяа сиймам̣ аж̇жход̇т̇арад̇и наама. вуд̇д̇ан̃хзд̇ам̣ ган̇каавид̇аран̣ияаа лийнад̇т̇абагаасанияам̣ (ган̇каа. абхи. дий. нид̣̇аанаван̣н̣анаа) ‘‘д̇ассаа бад̣̇зсанд̇и д̇ассаа згад̣̇зсам̣, яад̇т̇а тад̇ваа жад̇уухи бхигкуухи гаммам̣ гаад̇ум̣ саггаа ход̇и, д̇аад̣̇исам̣ згад̣̇зсанд̇и вуд̇д̇ам̣ ход̇и. яад̇т̇а бана тид̇зхи гаммам̣ гаад̇ум̣ на саггаа, д̇аад̣̇исам̣ бад̣̇зсам̣ анд̇о гарид̇ваа сиймааяа сиймам̣ самбхинд̣̇анд̇и наама, на д̇у аж̇жход̇т̇аранд̇и наамаад̇и г̇ахзд̇аб̣б̣а’’нд̇и. вимад̇ивинод̣̇анияамби (ви. ви. дий. махааваг̇г̇а 2.148) ‘‘яад̇т̇а жад̇уухи бхигкуухи нисийд̣̇ид̇ум̣ на саггаа, д̇ад̇д̇агад̇о бадтааяа яаава гзсаг̇г̇амад̇д̇амби ад̇д̇ано сиймааяа гаронд̇аа самбхинд̣̇анд̇и, жад̇уннамби бхигкуунам̣ бахонагад̇о бадтааяа яаава сагаламби анд̇о гаронд̇аа аж̇жход̇т̇аранд̇ийд̇и взд̣̇ид̇аб̣б̣а’’нд̇и вуд̇д̇ам̣.

    Yasmiṃ padese cattāro bhikkhū nisīditvā kammaṃ kātuṃ na sakkonti, tattha tato paṭṭhāya yāva kesaggamattampi aññesaṃ porāṇabaddhasīmappadesaṃ attano sīmāya anto karonto sīmāya sīmaṃ sambhindati nāma. Catunnaṃ bhikkhūnaṃ nisīdituṃ pahonakaṭṭhānato paṭṭhāya yāva sakalampi aññesaṃ porāṇabaddhasīmāpadesaṃ attano sīmāya anto karonto sīmāya sīmaṃ ajjhottharati nāma. Vuttañhetaṃ kaṅkhāvitaraṇiyā līnatthapakāsaniyaṃ (kaṅkhā. abhi. ṭī. nidānavaṇṇanā) ‘‘tassā padesanti tassā ekadesaṃ, yattha ṭhatvā catūhi bhikkhūhi kammaṃ kātuṃ sakkā hoti, tādisaṃ ekadesanti vuttaṃ hoti. Yattha pana ṭhitehi kammaṃ kātuṃ na sakkā, tādisaṃ padesaṃ anto karitvā sīmāya sīmaṃ sambhindanti nāma, na tu ajjhottharanti nāmāti gahetabba’’nti. Vimativinodaniyampi (vi. vi. ṭī. mahāvagga 2.148) ‘‘yattha catūhi bhikkhūhi nisīdituṃ na sakkā, tattakato paṭṭhāya yāva kesaggamattampi attano sīmāya karontā sambhindanti, catunnampi bhikkhūnaṃ pahonakato paṭṭhāya yāva sakalampi anto karontā ajjhottharantīti veditabba’’nti vuttaṃ.

    звам̣ ход̇у, д̇асмим̣ г̇аамасиймабарижчзд̣̇з бораан̣агасиймааяа виж̇ж̇амаанааяа вибад̇д̇ид̣̇ваяаможанад̇т̇ам̣ сиймаасамуухананагаммам̣ саад̇т̇агам̣, авиж̇ж̇амаанааяа гат̇ам̣ саад̇т̇агам̣ бхавзяяаад̇и сан̇гаанивад̇д̇анад̇т̇ам̣ сиймаасамуухананагаммам̣ агад̇ваа абхинавасиймааяа б̣аж̇жхамаанааяа сан̇гаа уббаж̇ж̇зяяа, бхаг̇авад̇о д̇харамаанагаалад̇о бадтааяа яааваж̇ж̇ад̇анаа г̇ан̣анабат̇ам̣ вийд̇игганд̇аа бхигкуу убасамбад̣̇аад̣̇игаммагаран̣ад̇т̇ам̣ д̇асмим̣ д̇асмим̣ бад̣̇зсз сиймам̣ б̣анд̇ханд̇и. саа сиймаа зд̇т̇а ад̇т̇и, зд̇т̇а над̇т̇ийд̇и на саггаа ж̇аанид̇ум̣, д̇асмаа ‘‘амхаагам̣ сиймааб̣анд̇ханадтаанз бораан̣агасиймаа бхавзяяа ну ко’’д̇и сан̇гаа бхавзяяа, звам̣ сад̇и саа абхинавасиймаа жа аасан̇ганийяаа ход̇ийд̇и сиймааяам̣ гад̇ам̣ убасамбад̣̇аад̣̇игаммамби аасан̇ганийяам̣ ход̇и, д̇асмаа сан̇гаанивад̇д̇анад̇т̇ам̣ абхинавасиймам̣ б̣анд̇хид̇угаамзхи яад̇ибун̇г̇авзхи авассам̣ сиймаасамуухананагаммам̣ гаад̇аб̣б̣ам̣ ход̇и. самуухананд̇зхи бана ‘‘сиймам̣, бхигкавз, самуухананд̇зна батамам̣ д̇ижийварзна авиббаваасо самууханд̇аб̣б̣о, бажчаа сиймаа самууханд̇аб̣б̣аа’’д̇и (махаава. 144) важанад̇о батамам̣ авиббаваасасиймаа самууханид̇аб̣б̣аа, д̇ад̇о самаанасам̣ваасагасиймаа самууханид̇аб̣б̣аа. д̇асмим̣ самуухананагаалз жа ‘‘кан̣д̣асиймааяам̣ тад̇ваа авиббаваасасиймаа на самууханд̇аб̣б̣аа, д̇ат̇аа авиббаваасасиймааяа тад̇ваа кан̣д̣асиймааби. кан̣д̣асиймааяа бана тид̇зна кан̣д̣асиймаава самууханид̇аб̣б̣аа, д̇ат̇аа ид̇арааяа тид̇зна ид̇араа’’д̇и адтагат̇ааяам̣ (махаава. адта. 144) важанад̇о кан̣д̣асиймааяам̣ тад̇ваава кан̣д̣асиймаа самууханид̇аб̣б̣аа, махаасиймааяамзва тад̇ваа махаасиймаа самууханид̇аб̣б̣аа, ан̃н̃иссаа сиймааяа тад̇ваа ан̃н̃аа сиймаа на самууханид̇аб̣б̣аа. адтагат̇ааяам̣ авиббаваасасиймаад̇и махаасиймам̣ вад̣̇ад̇и д̇ад̇т̇зва язбхуяязна жийварзна виббавасанад̇о.

    Evaṃ hotu, tasmiṃ gāmasīmaparicchede porāṇakasīmāya vijjamānāya vipattidvayamocanatthaṃ sīmāsamūhananakammaṃ sātthakaṃ, avijjamānāya kathaṃ sātthakaṃ bhaveyyāti saṅkānivattanatthaṃ sīmāsamūhananakammaṃ akatvā abhinavasīmāya bajjhamānāya saṅkā uppajjeyya, bhagavato dharamānakālato paṭṭhāya yāvajjatanā gaṇanapathaṃ vītikkantā bhikkhū upasampadādikammakaraṇatthaṃ tasmiṃ tasmiṃ padese sīmaṃ bandhanti. Sā sīmā ettha atthi, ettha natthīti na sakkā jānituṃ, tasmā ‘‘amhākaṃ sīmābandhanaṭṭhāne porāṇakasīmā bhaveyya nu kho’’ti saṅkā bhaveyya, evaṃ sati sā abhinavasīmā ca āsaṅkanīyā hotīti sīmāyaṃ kataṃ upasampadādikammampi āsaṅkanīyaṃ hoti, tasmā saṅkānivattanatthaṃ abhinavasīmaṃ bandhitukāmehi yatipuṅgavehi avassaṃ sīmāsamūhananakammaṃ kātabbaṃ hoti. Samūhanantehi pana ‘‘sīmaṃ, bhikkhave, samūhanantena paṭhamaṃ ticīvarena avippavāso samūhantabbo, pacchā sīmā samūhantabbā’’ti (mahāva. 144) vacanato paṭhamaṃ avippavāsasīmā samūhanitabbā, tato samānasaṃvāsakasīmā samūhanitabbā. Tasmiṃ samūhananakāle ca ‘‘khaṇḍasīmāyaṃ ṭhatvā avippavāsasīmā na samūhantabbā, tathā avippavāsasīmāya ṭhatvā khaṇḍasīmāpi. Khaṇḍasīmāya pana ṭhitena khaṇḍasīmāva samūhanitabbā, tathā itarāya ṭhitena itarā’’ti aṭṭhakathāyaṃ (mahāva. aṭṭha. 144) vacanato khaṇḍasīmāyaṃ ṭhatvāva khaṇḍasīmā samūhanitabbā, mahāsīmāyameva ṭhatvā mahāsīmā samūhanitabbā, aññissā sīmāya ṭhatvā aññā sīmā na samūhanitabbā. Aṭṭhakathāyaṃ avippavāsasīmāti mahāsīmaṃ vadati tattheva yebhuyyena cīvarena vippavasanato.

    ‘‘д̇ад̇т̇а сажз кан̣д̣асийман̃жа авиббаваасасийман̃жа ж̇аананд̇и, самууханид̇ун̃жзва б̣анд̇хид̇ун̃жа сагкиссанд̇и. кан̣д̣асиймам̣ бана ж̇аананд̇аа авиббаваасам̣ аж̇аананд̇ааби самууханид̇ун̃жзва б̣анд̇хид̇ун̃жа сагкиссанд̇и. кан̣д̣асиймам̣ бана аж̇аананд̇аа авиббаваасам̣язва ж̇аананд̇аа жзд̇ияан̇г̇ан̣аб̣од̇хияан̇г̇ан̣аубосат̇ааг̇аараад̣̇ийсу нираасан̇гадтаанзсу тад̇ваа аббзва наама самууханид̇ум̣ сагкиссанд̇и, бадиб̣анд̇хид̇ум̣ бана на сагкиссанд̇зва. сажз б̣анд̇хзяяум̣, сиймаасамбхзд̣̇ам̣ гад̇ваа вихаарам̣ авихаарам̣ гарзяяум̣, д̇асмаа на самууханид̇аб̣б̣аа. яз бана убхоби на ж̇аананд̇и, д̇знзва самууханид̇ум̣ на б̣анд̇хид̇ум̣ сагкиссанд̇и. аяан̃хи сиймаа наама гаммаваажааяа ваа асиймаа ход̇и саасананд̇арад̇хаанзна ваа, на жа саггаа сиймам̣ аж̇аананд̇зхи гаммаваажаа гаад̇ум̣, д̇асмаа на самууханид̇аб̣б̣аа, саад̇хугам̣ бана н̃ад̇вааязва самууханид̇аб̣б̣аа жа б̣анд̇хид̇аб̣б̣аа жаа’’д̇и адтагат̇ааяам̣ (махаава. адта. 144) важанад̇о ‘‘ид̣̇аани сиймам̣ самууханиссаамаа’’д̇и барижчиннааяа г̇аамасиймааяа анд̇о кан̣д̣асиймамахаасиймаанам̣ ад̇т̇ибхаавам̣ ваа над̇т̇ибхаавам̣ ваа д̇аасам̣ сиймаанам̣ барижчзд̣̇ан̃жа на ж̇аананд̇и, звам̣ аж̇аананд̇аа бхигкуу д̇аа бораан̣асиймааяо самууханид̇ум̣ на саггун̣зяяум̣, бораан̣асиймам̣ самууханид̇ум̣ асаггонд̇аа жа гат̇ам̣ абхинавасиймам̣ б̣анд̇хид̇ум̣ саггун̣иссанд̇ийд̇и барамбарзхи аажариязхи саммаа винижчид̇ам̣ ануломанаяам̣ ниссааяа маханд̇ам̣ уссаахам̣ гарид̇ваа ан̇г̇ам̣ абарихаабзд̇ваа саммаа вихид̇анаязна бораан̣асиймам̣ самууханид̇ум̣ сагкиссанд̇и.

    ‘‘Tattha sace khaṇḍasīmañca avippavāsasīmañca jānanti, samūhanituñceva bandhituñca sakkhissanti. Khaṇḍasīmaṃ pana jānantā avippavāsaṃ ajānantāpi samūhanituñceva bandhituñca sakkhissanti. Khaṇḍasīmaṃ pana ajānantā avippavāsaṃyeva jānantā cetiyaṅgaṇabodhiyaṅgaṇauposathāgārādīsu nirāsaṅkaṭṭhānesu ṭhatvā appeva nāma samūhanituṃ sakkhissanti, paṭibandhituṃ pana na sakkhissanteva. Sace bandheyyuṃ, sīmāsambhedaṃ katvā vihāraṃ avihāraṃ kareyyuṃ, tasmā na samūhanitabbā. Ye pana ubhopi na jānanti, teneva samūhanituṃ na bandhituṃ sakkhissanti. Ayañhi sīmā nāma kammavācāya vā asīmā hoti sāsanantaradhānena vā, na ca sakkā sīmaṃ ajānantehi kammavācā kātuṃ, tasmā na samūhanitabbā, sādhukaṃ pana ñatvāyeva samūhanitabbā ca bandhitabbā cā’’ti aṭṭhakathāyaṃ (mahāva. aṭṭha. 144) vacanato ‘‘idāni sīmaṃ samūhanissāmā’’ti paricchinnāya gāmasīmāya anto khaṇḍasīmamahāsīmānaṃ atthibhāvaṃ vā natthibhāvaṃ vā tāsaṃ sīmānaṃ paricchedañca na jānanti, evaṃ ajānantā bhikkhū tā porāṇasīmāyo samūhanituṃ na sakkuṇeyyuṃ, porāṇasīmaṃ samūhanituṃ asakkontā ca kathaṃ abhinavasīmaṃ bandhituṃ sakkuṇissantīti paramparehi ācariyehi sammā vinicchitaṃ anulomanayaṃ nissāya mahantaṃ ussāhaṃ karitvā aṅgaṃ aparihāpetvā sammā vihitanayena porāṇasīmaṃ samūhanituṃ sakkhissanti.

    гат̇ам̣? д̇асмим̣ сиймаасамуухананагаалз яад̣̇и багад̇иг̇аамасиймааяам̣ аарад̣̇д̇хам̣, д̇ам̣ багад̇иг̇аамабарижчзд̣̇ам̣, яад̣̇и висум̣г̇аамасиймааяам̣ аарад̣̇д̇хам̣, д̇ам̣ висум̣г̇аамабарижчзд̣̇ам̣ ан̃н̃зсам̣ бхигкуунам̣ аббависанад̇т̇ааяа саманд̇ад̇о сусам̣вихид̇аарагкам̣ гаараабзд̇ваа гаммаваажам̣ саавзд̇ум̣ самад̇т̇зна б̣яад̇д̇иб̣аласамбаннзна винаяад̇харзна саха самаанасам̣ваасагз лаж̇ж̇ибзсалз имасса гаммасса жад̇уваг̇г̇агаран̣ийяад̇д̇аа жад̇д̇ааро бхигкуу гаммаббад̇д̇з бхигкуунам̣ багад̇ад̇д̇абхаавасса д̣̇уб̣б̣ин̃н̃зяяад̇д̇аа ваа д̇ад̇о ад̇хигаббамаан̣з бхигкуу г̇ахзд̇ваа ид̣̇аани б̣анд̇хид̇аб̣б̣ааяа сиймааяа нимид̇д̇аанам̣ вихаарабаригкзбасса жа анд̇о жа саб̣б̣ад̇т̇а б̣ахи жа саманд̇аа лзд̣д̣убаад̇амад̇д̇з бад̣̇зсз саб̣б̣ад̇т̇а ман̃жаббамаан̣з ман̃жаббамаан̣з таанз хад̇т̇абаасам̣ авиж̇ахид̇ваа д̇идтанд̇аа, нисийд̣̇анд̇аа ваа худ̇ваа батамам̣ авиббаваасасиймаасамуухананагаммаваажам̣, д̇ад̇о самаанасам̣ваасагасиймаасамуухананагаммаваажам̣ саавзд̇ваа сиймааяа самуг̇гхаад̇з гад̇з бораан̣асиймаасу виж̇ж̇амаанаасуби бажчиманд̇зна згавийсад̇ияаа бхигкуунам̣ нисийд̣̇анаарахад̇д̇аа сиймааяа ман̃жаббамаан̣з ман̃жаббамаан̣з таанз д̇идтанд̇аа бхигкуу авассам̣ д̇аасу сиймаасу д̇идтанд̇аа бхавзяяум̣, д̇асмаа сиймадтаа худ̇ваа сиймаасамуухананагаммаваажам̣ вад̇ваа д̇аа сиймаа самууханзяяум̣. д̇ад̇о бораан̣аб̣ад̣̇д̇хасиймаанам̣ самуухад̇ад̇д̇аа г̇аамасиймааязва авасидтаа бхавзяяаад̇и. вуд̇д̇ан̃хзд̇ам̣ вимад̇ивинод̣̇анияам̣ (ви. ви. дий. махааваг̇г̇а 2.144) ‘‘гзжи бана ийд̣̇исзсу вихаарзсу чабан̃жамад̇д̇з бхигкуу г̇ахзд̇ваа вихаарагодид̇о бадтааяа вихаарабаригкзбасса анд̇о жа б̣ахи жа саманд̇аа лзд̣д̣убаад̇з саб̣б̣ад̇т̇а ман̃жаббамаан̣з ман̃жаббамаан̣з огаасз ниранд̇арам̣ тад̇ваа батамам̣ авиббаваасасиймам̣ , д̇ад̇о самаанасам̣ваасагасийман̃жа самуухананавасзна сиймааяа самуг̇гхаад̇з гад̇з д̇асмим̣ вихаарз кан̣д̣асиймааяа махаасиймааяа жа виж̇ж̇амаанад̇д̇з сад̇иби авассам̣ згасмим̣ ман̃жадтаанз д̇аасам̣ маж̇жхаг̇ад̇аа д̇з бхигкуу д̇аа самууханзяяум̣, д̇ад̇о г̇аамасиймаа зва авасиссзяяаа’’д̇и.

    Kathaṃ? Tasmiṃ sīmāsamūhananakāle yadi pakatigāmasīmāyaṃ āraddhaṃ, taṃ pakatigāmaparicchedaṃ, yadi visuṃgāmasīmāyaṃ āraddhaṃ, taṃ visuṃgāmaparicchedaṃ aññesaṃ bhikkhūnaṃ appavisanatthāya samantato susaṃvihitārakkhaṃ kārāpetvā kammavācaṃ sāvetuṃ samatthena byattibalasampannena vinayadharena saha samānasaṃvāsake lajjipesale imassa kammassa catuvaggakaraṇīyattā cattāro bhikkhū kammappatte bhikkhūnaṃ pakatattabhāvassa dubbiññeyyattā vā tato adhikappamāṇe bhikkhū gahetvā idāni bandhitabbāya sīmāya nimittānaṃ vihāraparikkhepassa ca anto ca sabbattha bahi ca samantā leḍḍupātamatte padese sabbattha mañcappamāṇe mañcappamāṇe ṭhāne hatthapāsaṃ avijahitvā tiṭṭhantā, nisīdantā vā hutvā paṭhamaṃ avippavāsasīmāsamūhananakammavācaṃ, tato samānasaṃvāsakasīmāsamūhananakammavācaṃ sāvetvā sīmāya samugghāte kate porāṇasīmāsu vijjamānāsupi pacchimantena ekavīsatiyā bhikkhūnaṃ nisīdanārahattā sīmāya mañcappamāṇe mañcappamāṇe ṭhāne tiṭṭhantā bhikkhū avassaṃ tāsu sīmāsu tiṭṭhantā bhaveyyuṃ, tasmā sīmaṭṭhā hutvā sīmāsamūhananakammavācaṃ vatvā tā sīmā samūhaneyyuṃ. Tato porāṇabaddhasīmānaṃ samūhatattā gāmasīmāyeva avasiṭṭhā bhaveyyāti. Vuttañhetaṃ vimativinodaniyaṃ (vi. vi. ṭī. mahāvagga 2.144) ‘‘keci pana īdisesu vihāresu chapañcamatte bhikkhū gahetvā vihārakoṭito paṭṭhāya vihāraparikkhepassa anto ca bahi ca samantā leḍḍupāte sabbattha mañcappamāṇe mañcappamāṇe okāse nirantaraṃ ṭhatvā paṭhamaṃ avippavāsasīmaṃ , tato samānasaṃvāsakasīmañca samūhananavasena sīmāya samugghāte kate tasmiṃ vihāre khaṇḍasīmāya mahāsīmāya ca vijjamānatte satipi avassaṃ ekasmiṃ mañcaṭṭhāne tāsaṃ majjhagatā te bhikkhū tā samūhaneyyuṃ, tato gāmasīmā eva avasisseyyā’’ti.

    ‘‘саад̇хугам̣ бана н̃ад̇вааязва самууханид̇аб̣б̣аа жзва б̣анд̇хид̇аб̣б̣аа жаа’’д̇и адтагат̇ааяам̣ (махаава. адта. 144) важанад̇о сиймам̣ ж̇аананд̇ааязва самууханид̇ум̣ сагкиссанд̇и, гат̇ам̣ аж̇аананд̇аад̇и. имасмим̣ сиймаасамуухананаад̇хигаарз сиймам̣ ваа сиймаабарижчзд̣̇ам̣ ваа ж̇аананабхааво ан̇г̇ам̣ на ход̇и, анд̇осиймааяам̣ тид̇абхааво, ‘‘сиймам̣ самууханиссаамаа’’д̇и гаммаваажаагаран̣анд̇и ид̣̇амзва д̣̇ваяам̣ ан̇г̇ам̣ ход̇и, д̇асмаа иминаа ан̇г̇ад̣̇ваязна самбаннз сад̇и имам̣ аж̇аананд̇ааби самууханид̇ум̣ саггонд̇ийд̇и. иминаа ан̇г̇ад̣̇ваязна самбаннз сад̇и сиймам̣ аж̇аананд̇аанам̣ самууханид̇ум̣ самад̇т̇абхааво гат̇ам̣ вин̃н̃аад̇аб̣б̣од̇и? адтагат̇ааяам̣ ‘‘кан̣д̣асиймам̣ бана ж̇аананд̇аа авиббаваасам̣ аж̇аананд̇ааби самууханид̇ун̃жзва б̣анд̇хид̇ун̃жа сагкиссанд̇ий’’д̇и звам̣ махаасиймааяа барижчзд̣̇ам̣ аж̇аананадтаанзби самуухананасса вуд̇д̇ад̇д̇аа вимад̇ивинод̣̇анияамби (ви. ви. дий. махааваг̇г̇а 2.144) ‘‘на хзд̇т̇а сиймааяа, д̇аббарижчзд̣̇асса ваа ж̇аананам̣ ан̇г̇ам̣, сиймааяа бана анд̇отаанам̣, ‘самууханиссаамаа’д̇и гаммаваажаагаран̣ан̃жа ан̇г̇ам̣. адтагат̇ааяам̣ (махаава. адта. 144) ‘кан̣д̣асиймам̣ бана ж̇аананд̇аа авиббаваасам̣ аж̇аананд̇ааби самууханид̇ун̃жзва б̣анд̇хид̇ун̃жа сагкиссанд̇ий’д̇и звам̣ махаасиймааяа барижчзд̣̇асса аж̇аананзби самуухананасса вуд̇д̇ад̇д̇аа’’д̇и вуд̇д̇ам̣. д̇ад̇о бораан̣аб̣ад̣̇д̇хасиймаанам̣ самуухад̇ад̇д̇аа г̇аамасиймааязва авасидтаа бхавзяяаад̇и д̇асмим̣ авасидтааяа д̇ад̇о барам̣ гим̣ гаад̇аб̣б̣анд̇и. г̇аамасиймааяа авасидтааяа сад̇и д̇ам̣ г̇аамасиймам̣ буб̣б̣з вуд̇д̇анаязна сод̇ханам̣ рагкан̣ан̃жа гад̇ваа д̇иссам̣ г̇аамасиймааяам̣ кан̣д̣асиймам̣ махаасийман̃жа яат̇ааружи б̣анд̇хид̇ум̣ лабхад̇и, сиймам̣ аб̣анд̇хид̇ваава гзвалааяа г̇аамасиймааяа убасамбад̣̇аад̣̇исан̇гхагамман̃жа гаад̇умби лабхад̇и.

    ‘‘Sādhukaṃ pana ñatvāyeva samūhanitabbā ceva bandhitabbā cā’’ti aṭṭhakathāyaṃ (mahāva. aṭṭha. 144) vacanato sīmaṃ jānantāyeva samūhanituṃ sakkhissanti, kathaṃ ajānantāti. Imasmiṃ sīmāsamūhananādhikāre sīmaṃ vā sīmāparicchedaṃ vā jānanabhāvo aṅgaṃ na hoti, antosīmāyaṃ ṭhitabhāvo, ‘‘sīmaṃ samūhanissāmā’’ti kammavācākaraṇanti idameva dvayaṃ aṅgaṃ hoti, tasmā iminā aṅgadvayena sampanne sati imaṃ ajānantāpi samūhanituṃ sakkontīti. Iminā aṅgadvayena sampanne sati sīmaṃ ajānantānaṃ samūhanituṃ samatthabhāvo kathaṃ viññātabboti? Aṭṭhakathāyaṃ ‘‘khaṇḍasīmaṃ pana jānantā avippavāsaṃ ajānantāpi samūhanituñceva bandhituñca sakkhissantī’’ti evaṃ mahāsīmāya paricchedaṃ ajānanaṭṭhānepi samūhananassa vuttattā vimativinodaniyampi (vi. vi. ṭī. mahāvagga 2.144) ‘‘na hettha sīmāya, tapparicchedassa vā jānanaṃ aṅgaṃ, sīmāya pana antoṭhānaṃ, ‘samūhanissāmā’ti kammavācākaraṇañca aṅgaṃ. Aṭṭhakathāyaṃ (mahāva. aṭṭha. 144) ‘khaṇḍasīmaṃ pana jānantā avippavāsaṃ ajānantāpi samūhanituñceva bandhituñca sakkhissantī’ti evaṃ mahāsīmāya paricchedassa ajānanepi samūhananassa vuttattā’’ti vuttaṃ. Tato porāṇabaddhasīmānaṃ samūhatattā gāmasīmāyeva avasiṭṭhā bhaveyyāti tasmiṃ avasiṭṭhāya tato paraṃ kiṃ kātabbanti. Gāmasīmāya avasiṭṭhāya sati taṃ gāmasīmaṃ pubbe vuttanayena sodhanaṃ rakkhaṇañca katvā tissaṃ gāmasīmāyaṃ khaṇḍasīmaṃ mahāsīmañca yathāruci bandhituṃ labhati, sīmaṃ abandhitvāva kevalāya gāmasīmāya upasampadādisaṅghakammañca kātumpi labhati.

    вуд̇д̇ан̃хи вимад̇ивинод̣̇анияам̣ (ви. ви. дий. махааваг̇г̇а 2.144) – ‘‘г̇аамасиймааяа зва жа авасидтааяа д̇ад̇т̇а яат̇ааружи д̣̇увид̇хамби сиймам̣ б̣анд̇хид̇ун̃жзва убасамбад̣̇аад̣̇игаммам̣ гаад̇ун̃жа ваддад̇ийд̇и вад̣̇анд̇и, д̇ам̣ яуд̇д̇ам̣ вияа д̣̇иссад̇и, виймам̣сид̇ваа г̇ахзд̇аб̣б̣а’’нд̇и. д̇асмаа яад̣̇и садтихад̇т̇ааяаамам̣ жад̇д̇аалийсахад̇т̇авид̇т̇аарам̣ кан̣д̣асиймамзва гад̇д̇угаамаа хонд̇и, зд̇д̇агз бад̣̇зсз ман̃жадтаанам̣ г̇ан̣ханд̇о бамаан̣аяуд̇д̇аго ман̃жод̇и саб̣б̣абажчимаббамаан̣аяуд̇д̇о ман̃жо. со хи багад̇ивид̣̇ад̇т̇ияаа нававид̣̇ад̇т̇иго, адтавид̣̇ад̇т̇иго ваа ход̇и. д̇ад̇о куд̣̇д̣̇аго ман̃жо сийсубад̇хаанам̣ табзд̇ваа баад̣̇ам̣ басаарзд̇ваа нибаж̇ж̇ид̇ум̣ наббаход̇ийд̇и саб̣б̣абажчимаман̃жасса ааяаамаббамаан̣асса саманд̇абаасаад̣̇игааяам̣ вуд̇д̇ад̇д̇аа д̇ад̇о ад̇хигааяаамоби ход̇иязва. ман̃жасса вид̇т̇ааро бана ааяаамасса убад̣дхо ход̇и, д̇асмаа ман̃жаббамаан̣адтаанам̣ ааяаамад̇о бан̃жахад̇т̇ам̣, вид̇т̇аарад̇о бан̃жавид̣̇ад̇т̇иганд̇и г̇ахзд̇ваа д̇зна бамаан̣зна г̇ан̣ханд̇о садтихад̇т̇ааяаамам̣ сиймадтаанам̣ жад̇увийсад̇иман̃жагам̣ ход̇и, жад̇д̇аалийсахад̇т̇авид̇т̇аарам̣ адтаман̃жагам̣ ход̇и. звам̣ г̇ан̣ханд̇о д̣̇агкин̣уд̇д̇арааяаамо ман̃жо ход̇и, садтихад̇т̇ааяаамам̣ сиймадтаанам̣ д̣̇ваад̣̇асаман̃жагам̣ ход̇и, жад̇д̇аалийсахад̇т̇авид̇т̇аарам̣ сол̣асаман̃жагам̣ ход̇и. звам̣ г̇ан̣ханд̇о баажийнабажчимааяаамо ман̃жо ход̇и. д̣̇увид̇хзби ааяаамам̣ вид̇т̇аарзна г̇ун̣ид̇ам̣ гаронд̇о сагалам̣ анд̇осиймадтаанам̣ д̣̇ваанахуд̇д̇арасад̇аман̃жагам̣ ход̇и, б̣ахисиймадтаанамби саманд̇ад̇о згаман̃жагам̣ ваа д̣̇вид̇иман̃жагам̣ ваа г̇ахзд̇аб̣б̣ам̣. д̇зна саха г̇ан̣анам̣ вад̣дхзд̇аб̣б̣ам̣. вимад̇ивинод̣̇анияам̣ (ви. ви. дий. махааваг̇г̇а 2.144) бана ‘‘саманд̇аа лзд̣д̣убаад̇о’’д̇и вуд̇д̇ам̣, д̇ам̣ бана махаасиймааб̣анд̇ханагаалз вихаарабаригкзбасса б̣ахиубажаарам̣ санд̇хааяа вуд̇д̇ам̣ сияаа. кан̣д̣асиймааяаби д̣̇уурад̇о самуухананз д̣̇осо над̇т̇и, д̣̇уггарад̇д̇аа бана гаарагаанам̣ бамаан̣ам̣ ж̇аанид̇аб̣б̣ам̣. галяаан̣ияам̣ наама сиймааяам̣ бана ааяаамад̇о жа вид̇т̇аарад̇о жа бан̃жахад̇т̇аббамаан̣ам̣ таанам̣ згагодтаасам̣ гад̇ваа самууханад̇и. д̇амби бажчимаман̃жаббамаан̣ад̇о ад̇хигамзваад̇и гад̇ваа гад̇ам̣. ид̣̇аани амхзд̇и вуд̇д̇адтаанам̣ бана багаран̣анаязна сам̣санд̣̇анад̇д̇аа яуд̇д̇ад̇аранд̇и д̣̇адтаб̣б̣ам̣.

    Vuttañhi vimativinodaniyaṃ (vi. vi. ṭī. mahāvagga 2.144) – ‘‘gāmasīmāya eva ca avasiṭṭhāya tattha yathāruci duvidhampi sīmaṃ bandhituñceva upasampadādikammaṃ kātuñca vaṭṭatīti vadanti, taṃ yuttaṃ viya dissati, vīmaṃsitvā gahetabba’’nti. Tasmā yadi saṭṭhihatthāyāmaṃ cattālīsahatthavitthāraṃ khaṇḍasīmameva kattukāmā honti, ettake padese mañcaṭṭhānaṃ gaṇhanto pamāṇayuttako mañcoti sabbapacchimappamāṇayutto mañco. So hi pakatividatthiyā navavidatthiko, aṭṭhavidatthiko vā hoti. Tato khuddako mañco sīsupadhānaṃ ṭhapetvā pādaṃ pasāretvā nipajjituṃ nappahotīti sabbapacchimamañcassa āyāmappamāṇassa samantapāsādikāyaṃ vuttattā tato adhikāyāmopi hotiyeva. Mañcassa vitthāro pana āyāmassa upaḍḍho hoti, tasmā mañcappamāṇaṭṭhānaṃ āyāmato pañcahatthaṃ, vitthārato pañcavidatthikanti gahetvā tena pamāṇena gaṇhanto saṭṭhihatthāyāmaṃ sīmaṭṭhānaṃ catuvīsatimañcakaṃ hoti, cattālīsahatthavitthāraṃ aṭṭhamañcakaṃ hoti. Evaṃ gaṇhanto dakkhiṇuttarāyāmo mañco hoti, saṭṭhihatthāyāmaṃ sīmaṭṭhānaṃ dvādasamañcakaṃ hoti, cattālīsahatthavitthāraṃ soḷasamañcakaṃ hoti. Evaṃ gaṇhanto pācīnapacchimāyāmo mañco hoti. Duvidhepi āyāmaṃ vitthārena guṇitaṃ karonto sakalaṃ antosīmaṭṭhānaṃ dvānahuttarasatamañcakaṃ hoti, bahisīmaṭṭhānampi samantato ekamañcakaṃ vā dvitimañcakaṃ vā gahetabbaṃ. Tena saha gaṇanaṃ vaḍḍhetabbaṃ. Vimativinodaniyaṃ (vi. vi. ṭī. mahāvagga 2.144) pana ‘‘samantā leḍḍupāto’’ti vuttaṃ, taṃ pana mahāsīmābandhanakāle vihāraparikkhepassa bahiupacāraṃ sandhāya vuttaṃ siyā. Khaṇḍasīmāyapi dūrato samūhanane doso natthi, dukkarattā pana kārakānaṃ pamāṇaṃ jānitabbaṃ. Kalyāṇiyaṃ nāma sīmāyaṃ pana āyāmato ca vitthārato ca pañcahatthappamāṇaṃ ṭhānaṃ ekakoṭṭhāsaṃ katvā samūhanati. Tampi pacchimamañcappamāṇato adhikamevāti katvā kataṃ. Idāni amheti vuttaṭṭhānaṃ pana pakaraṇanayena saṃsandanattā yuttataranti daṭṭhabbaṃ.

    самуухананаагааро бана звам̣ взд̣̇ид̇аб̣б̣о – ид̣̇аани б̣анд̇хид̇аб̣б̣ааяа сиймааяа нимид̇д̇аанам̣ анд̇о жа б̣ахи жа яат̇аавуд̇д̇анаязна самууханид̇аб̣б̣асиймадтаанам̣ аад̣̇аасад̇алам̣ вияа самам̣ суд̣̇д̇хам̣ вималам̣ гад̇ваа яат̇аавуд̇д̇аман̃жаббамаан̣ам̣ ман̃жаббамаан̣ам̣ таанам̣ адтабад̣̇агалзкам̣ вияа раж̇ж̇унаа ваа д̣̇ан̣д̣зна ваа лзкам̣ гаараабзд̇ваа лзкаанусаарзна д̇амб̣амад̇д̇игажун̣н̣зна ваа сзд̇амад̇д̇игажун̣н̣зна ваа ван̣н̣ависзсам̣ гаараабзд̇ваа банд̇и банд̇и годтаасам̣ годтаасам̣ гаараабзд̇ваа буб̣б̣з вуд̇д̇анаязна аарагкам̣ сод̇ханан̃жа гаараабзд̇ваа ‘‘ид̣̇аани сиймам̣ самууханиссаамаа’’д̇и жад̇д̇ааро ваа д̇ад̣̇уд̇д̇ари ваа самаанасам̣ваасагабхигкуу г̇ахзд̇ваа батамабанд̇ияам̣ батамагодтаасз ман̃жадтаанз тад̇ваа батамам̣ авиббаваасасиймаасамуухананагаммаваажам̣, д̇ад̇о самаанасам̣ваасагасиймаасамуухананагаммаваажам̣ саавзд̇ваа д̇асмим̣ годтаасзязва ан̃н̃аман̃н̃асса тид̇адтаанам̣ баривад̇д̇зд̇ваа баривад̇д̇зд̇ваа д̇игкад̇д̇ум̣ ваа сад̇д̇агкад̇д̇ум̣ ваа самууханид̇ваа д̇ад̇о нигкамид̇ваа батамабанд̇ияам̣язва д̣̇уд̇ияагодтаасз тад̇ваа д̇ат̇зва гад̇ваа д̇ад̇о батамабанд̇ияам̣язва ануломанаязна яаава анд̇имагодтаасаа згзгасмим̣ годтаасз д̇ат̇зва гад̇ваа батамабанд̇ияаа баригкийн̣ааяа д̣̇уд̇ияабанд̇ияаа анд̇имагодтаасз тад̇ваа д̇ат̇зва гад̇ваа д̇ад̇о бадтааяа д̣̇уд̇ияабанд̇ияам̣язва бадиломанаязна яаава аад̣̇игодтаасаа д̇ат̇зва гад̇ваа звам̣ д̇ад̇ияабанд̇иаад̣̇ийсуби згад̣̇аа ануломад̇о згад̣̇аа бадиломад̇о г̇анд̇ваа саб̣б̣аасу банд̇ийсу саб̣б̣асмим̣ годтаасз баригкийн̣з ид̣̇ам̣ сиймаасамуухананагаммам̣ нидтид̇ам̣ наама ход̇и. ‘‘жад̇д̇ааро д̇ад̣̇уд̇д̇ари ваа’’д̇и ид̣̇ам̣ бана имасса гаммасса жад̇уваг̇г̇агаран̣ийяад̇д̇аа вуд̇д̇ам̣. вимад̇ивинод̣̇анияам̣ (ви. ви. дий. махааваг̇г̇а 2.144) бана бхигкуунам̣ багад̇ад̇д̇абхаавасса д̣̇увин̃н̃зяяад̇д̇аа лаж̇ж̇ийбзсалабхигкуунан̃жа д̣̇уллабхад̇д̇аа ‘‘чабан̃жамад̇д̇з’’д̇и вуд̇д̇ам̣.

    Samūhananākāro pana evaṃ veditabbo – idāni bandhitabbāya sīmāya nimittānaṃ anto ca bahi ca yathāvuttanayena samūhanitabbasīmaṭṭhānaṃ ādāsatalaṃ viya samaṃ suddhaṃ vimalaṃ katvā yathāvuttamañcappamāṇaṃ mañcappamāṇaṃ ṭhānaṃ aṭṭhapadakalekhaṃ viya rajjunā vā daṇḍena vā lekhaṃ kārāpetvā lekhānusārena tambamattikacuṇṇena vā setamattikacuṇṇena vā vaṇṇavisesaṃ kārāpetvā panti panti koṭṭhāsaṃ koṭṭhāsaṃ kārāpetvā pubbe vuttanayena ārakkhaṃ sodhanañca kārāpetvā ‘‘idāni sīmaṃ samūhanissāmā’’ti cattāro vā taduttari vā samānasaṃvāsakabhikkhū gahetvā paṭhamapantiyaṃ paṭhamakoṭṭhāse mañcaṭṭhāne ṭhatvā paṭhamaṃ avippavāsasīmāsamūhananakammavācaṃ, tato samānasaṃvāsakasīmāsamūhananakammavācaṃ sāvetvā tasmiṃ koṭṭhāseyeva aññamaññassa ṭhitaṭṭhānaṃ parivattetvā parivattetvā tikkhattuṃ vā sattakkhattuṃ vā samūhanitvā tato nikkhamitvā paṭhamapantiyaṃyeva dutiyakoṭṭhāse ṭhatvā tatheva katvā tato paṭhamapantiyaṃyeva anulomanayena yāva antimakoṭṭhāsā ekekasmiṃ koṭṭhāse tatheva katvā paṭhamapantiyā parikkhīṇāya dutiyapantiyā antimakoṭṭhāse ṭhatvā tatheva katvā tato paṭṭhāya dutiyapantiyaṃyeva paṭilomanayena yāva ādikoṭṭhāsā tatheva katvā evaṃ tatiyapantiādīsupi ekadā anulomato ekadā paṭilomato gantvā sabbāsu pantīsu sabbasmiṃ koṭṭhāse parikkhīṇe idaṃ sīmāsamūhananakammaṃ niṭṭhitaṃ nāma hoti. ‘‘Cattāro taduttari vā’’ti idaṃ pana imassa kammassa catuvaggakaraṇīyattā vuttaṃ. Vimativinodaniyaṃ (vi. vi. ṭī. mahāvagga 2.144) pana bhikkhūnaṃ pakatattabhāvassa duviññeyyattā lajjīpesalabhikkhūnañca dullabhattā ‘‘chapañcamatte’’ti vuttaṃ.

    галяаан̣ийсиймааяам̣ бана сийхал̣ад̣̇ийбад̇о абхинавасигкам̣ г̇ахзд̇ваа нивад̇д̇анд̇зхи г̇арахавиваад̣̇амад̇д̇амби алабханд̇зхи д̇хаммажзд̇ияаран̃н̃аа вижинид̇ваа г̇ахид̇зхи жуд̣̇д̣̇асахи бхигкуухи гад̇анд̇и баасаан̣алзкааяам̣ ааг̇ад̇ам̣. рад̇анабууранаг̇арз бана сирийсуд̇хаммарааж̇аад̇хибад̇инаамагасса жуул̣ааг̇г̇арааж̇ино гаалз махаасийхал̣аббад̇д̇од̇и виссуд̇о сирийсад̣̇д̇хаммагид̇д̇инаамаго махаат̇зраваро ад̇д̇ано васанадтаанасса авид̣̇уурз баб̣б̣ад̇амад̇т̇агз сиймам̣ б̣анд̇ханд̇о ад̇д̇ано ниссид̇агз аг̇г̇ахзд̇ваа ад̇д̇анаа абхиружид̇з лаж̇ж̇ибзсалаб̣ахуссуд̇асигкаагаамабхууд̇з ан̃н̃з махаат̇зрз г̇ахзд̇ваа ад̇д̇ажад̇уд̇т̇ова худ̇ваа гаммам̣ гарод̇ийд̇и вад̣̇анд̇и. д̇ам̣ имасса гаммасса жад̇уваг̇г̇агаран̣ийяад̇д̇аа д̇зсан̃жа т̇зраанам̣ багад̇ад̇д̇абхаавз нираасан̇гад̇д̇аа гад̇ам̣ бхавзяяа, звам̣ санд̇зби бхигкуунам̣ багад̇ад̇д̇абхаавасса д̣̇уб̣б̣ин̃н̃зяяад̇д̇аа жад̇уваг̇г̇агаран̣ийяагаммасса ад̇ирзгажад̇уваг̇г̇зна гаран̣з д̣̇осаабхаавад̇о ад̇ирзгабхигкуухи гад̇абхааво басад̇т̇ад̇аро ход̇и. д̇знзва жа гааран̣зна вимад̇ивинод̣̇анийнаамигааяам̣ винаяадийгааяам̣ (ви. ви. дий. махааваг̇г̇а 2.144) ‘‘чабан̃жамад̇д̇з бхигкуу г̇ахзд̇ваа’’д̇и вуд̇д̇ам̣, галяаан̣ийсиймааяан̃жа жуд̣̇д̣̇асахи бхигкуухи гад̇анд̇и д̣̇адтаб̣б̣ам̣. звам̣ нидтид̇зби бана сиймаасамуухананагаммз наанааваад̣̇аанам̣ наанаажарияаанам̣ наанаанигааяаанам̣ наанаад̣̇зсаваасигаанам̣ бхигкуунам̣ жид̇д̇аараад̇ханад̇т̇ам̣ г̇арахавиваад̣̇аможанад̇т̇ан̃жа бунаббунам̣ д̇зхиби бхигкуухи д̇ат̇зва гаараабзд̇аб̣б̣ам̣. вуд̇д̇ан̃хи адтагат̇ааяам̣ (бари. адта. 482-483; ви. сан̇г̇а. адта. 251) ‘‘бунаббунам̣ бана гаад̇аб̣б̣ам̣. д̇ан̃хи губбасса гаммасса гаммам̣ худ̇ваа д̇идтад̇и, агуббасса т̇ирагаммабхаавааяа ход̇ий’’д̇и. д̇знзва жа гааран̣зна хам̣саавад̇ийнаг̇арз анзгабан̣д̣арахад̇т̇исаамимахаад̇хаммарааж̇аа сахабун̃н̃агаммабхууд̇ад̇о махаажзд̇ияад̇о жад̇уусу д̣̇исаасу сиймаасамуухананагаалз рааман̃н̃ад̣̇зсаваасийхи махаат̇зрзхи жа мараммад̣̇зсаваасийхи махаат̇зрзхи жа висум̣ висум̣ гаараабзсийд̇и д̣̇адтаб̣б̣ам̣.

    Kalyāṇīsīmāyaṃ pana sīhaḷadīpato abhinavasikkhaṃ gahetvā nivattantehi garahavivādamattampi alabhantehi dhammacetiyaraññā vicinitvā gahitehi cuddasahi bhikkhūhi katanti pāsāṇalekhāyaṃ āgataṃ. Ratanapūranagare pana sirīsudhammarājādhipatināmakassa cūḷaaggarājino kāle mahāsīhaḷappattoti vissuto sirīsaddhammakittināmako mahātheravaro attano vasanaṭṭhānassa avidūre pabbatamatthake sīmaṃ bandhanto attano nissitake aggahetvā attanā abhirucite lajjipesalabahussutasikkhākāmabhūte aññe mahāthere gahetvā attacatutthova hutvā kammaṃ karotīti vadanti. Taṃ imassa kammassa catuvaggakaraṇīyattā tesañca therānaṃ pakatattabhāve nirāsaṅkattā kataṃ bhaveyya, evaṃ santepi bhikkhūnaṃ pakatattabhāvassa dubbiññeyyattā catuvaggakaraṇīyakammassa atirekacatuvaggena karaṇe dosābhāvato atirekabhikkhūhi katabhāvo pasatthataro hoti. Teneva ca kāraṇena vimativinodanīnāmikāyaṃ vinayaṭīkāyaṃ (vi. vi. ṭī. mahāvagga 2.144) ‘‘chapañcamatte bhikkhū gahetvā’’ti vuttaṃ, kalyāṇīsīmāyañca cuddasahi bhikkhūhi katanti daṭṭhabbaṃ. Evaṃ niṭṭhitepi pana sīmāsamūhananakamme nānāvādānaṃ nānācariyānaṃ nānānikāyānaṃ nānādesavāsikānaṃ bhikkhūnaṃ cittārādhanatthaṃ garahavivādamocanatthañca punappunaṃ tehipi bhikkhūhi tatheva kārāpetabbaṃ. Vuttañhi aṭṭhakathāyaṃ (pari. aṭṭha. 482-483; vi. saṅga. aṭṭha. 251) ‘‘punappunaṃ pana kātabbaṃ. Tañhi kuppassa kammassa kammaṃ hutvā tiṭṭhati, akuppassa thirakammabhāvāya hotī’’ti. Teneva ca kāraṇena haṃsāvatīnagare anekapaṇḍarahatthisāmimahādhammarājā sahapuññakammabhūtato mahācetiyato catūsu disāsu sīmāsamūhananakāle rāmaññadesavāsīhi mahātherehi ca marammadesavāsīhi mahātherehi ca visuṃ visuṃ kārāpesīti daṭṭhabbaṃ.

    яад̣̇и бана махаасиймам̣ б̣анд̇хид̇угаамо ход̇и, д̇ад̣̇аа усабхамад̇д̇ам̣ ваа д̣̇виусабхамад̇д̇ам̣ ваа д̇ад̣̇уд̇д̇ари ваа бад̣̇зсам̣ саллагкзд̇ваа ‘‘зд̇д̇агз таанз вихаарам̣ гариссаамаа’’д̇и баригкзбам̣ гаараабзд̇ваа д̇асса вихаарабаригкзбасса анд̇о жа саб̣б̣ад̇т̇а б̣ахи жа саманд̇аа лзд̣д̣убаад̇адтаанз ман̃жаббамаан̣з ман̃жаббамаан̣з огаасз хздтаа вуд̇д̇анаязна банд̇игодтаасз гад̇ваа гаммаббад̇д̇зхи бхигкуухи сад̣̇д̇хим̣ ниранд̇арам̣ тад̇ваа батамам̣ авиббаваасасиймаа д̇ад̇о самаанасам̣ваасагасиймаа жа самууханид̇аб̣б̣аа. звам̣ сиймааяа самуг̇гхаад̇з гад̇з д̇асмим̣ вихаарз кан̣д̣асиймааяа махаасиймааяа жа виж̇ж̇амаанад̇д̇з сад̇и авассам̣ згасмим̣ ман̃жадтаанз д̇аасам̣ маж̇жхаг̇ад̇аа д̇з бхигкуу д̇аа самууханзяяум̣, д̇ад̇о г̇аамасиймаа зва авасиссзяяа, д̇ассам̣ г̇аамасиймааяам̣ кан̣д̣асиймаамахаасиймаавасзна д̣̇увид̇хаа сиймаа яат̇ааружи б̣анд̇хид̇аб̣б̣аа. б̣анд̇ханаагаарам̣ бана убари вагкаама.

    Yadi pana mahāsīmaṃ bandhitukāmo hoti, tadā usabhamattaṃ vā dviusabhamattaṃ vā taduttari vā padesaṃ sallakkhetvā ‘‘ettake ṭhāne vihāraṃ karissāmā’’ti parikkhepaṃ kārāpetvā tassa vihāraparikkhepassa anto ca sabbattha bahi ca samantā leḍḍupātaṭṭhāne mañcappamāṇe mañcappamāṇe okāse heṭṭhā vuttanayena pantikoṭṭhāse katvā kammappattehi bhikkhūhi saddhiṃ nirantaraṃ ṭhatvā paṭhamaṃ avippavāsasīmā tato samānasaṃvāsakasīmā ca samūhanitabbā. Evaṃ sīmāya samugghāte kate tasmiṃ vihāre khaṇḍasīmāya mahāsīmāya ca vijjamānatte sati avassaṃ ekasmiṃ mañcaṭṭhāne tāsaṃ majjhagatā te bhikkhū tā samūhaneyyuṃ, tato gāmasīmā eva avasisseyya, tassaṃ gāmasīmāyaṃ khaṇḍasīmāmahāsīmāvasena duvidhā sīmā yathāruci bandhitabbā. Bandhanākāraṃ pana upari vakkhāma.

    гасмаа бана нимид̇д̇аанам̣ б̣ахиби сиймаасамуухананам̣ гад̇ам̣, нану нимид̇д̇аанам̣ анд̇оязва абхинавасиймаа ижчид̇аб̣б̣аад̇и д̇ад̇т̇зва самбхзд̣̇аж̇жход̇т̇аран̣авиможанад̇т̇ам̣ бораан̣агасиймааяа самуухананам̣ гаад̇аб̣б̣анд̇и? сажжам̣, д̣̇увин̃н̃зяяад̇д̇аа бана звам̣ гад̇анд̇и д̣̇адтаб̣б̣ам̣. д̣̇увин̃н̃зяяо хи бораан̣агасиймааяа виж̇ж̇амаанаавиж̇ж̇амаанабхааво, д̇асмаа яад̣̇и нимид̇д̇аанам̣ анд̇оязва сиймаасамуухананам̣ гарзяяа, д̇ад̇о б̣ахи бораан̣агасиймаа д̇идтзяяа, д̇ад̇о аббамад̇д̇агам̣ таанам̣ анд̇о бависзяяа, д̇ам̣ таанам̣ гаммаваажаабаатагзна саха сиймаасамуухананагаарагасан̇гхасса бад̇идтаханаббахонагам̣ на бхавзяяа, звам̣ санд̇з саа бораан̣агасиймаа асамуухад̇аава бхавзяяа. д̇ам̣ самуухад̇асан̃н̃ааяа сиймаасамманнанагаалз анд̇онимид̇д̇адтаанам̣ самманнзяяум̣, д̇ам̣ асамуухад̇абораан̣асиймаагодибавидтад̇д̇аа сиймааяа сиймам̣ самбхзд̣̇ад̣̇осо, яад̣̇и бана д̇ам̣ таанам̣ жад̇уннам̣ нисиннаббахонагам̣ бхавзяяа, сиймааяа сиймам̣ аж̇жход̇т̇аран̣ад̣̇осо, яад̣̇иби анд̇о на бависад̇и, ниранд̇арам̣ пудтамад̇д̇ам̣ ход̇и, звамби сиймаасан̇гарад̣̇осод̇и имасмаа д̣̇осад̇д̇аяаа виможанад̇т̇ам̣ нимид̇д̇аанам̣ б̣ахиби сиймаасамуухананам̣ гад̇ам̣. д̇знзва вимад̇ивинод̣̇анияам̣ (ви. ви. дий. махааваг̇г̇а 2.144) ‘‘б̣ахи жа саманд̇аа лзд̣д̣убаад̇з’’д̇иаад̣̇и вуд̇д̇анд̇и д̣̇адтаб̣б̣ам̣.

    Kasmā pana nimittānaṃ bahipi sīmāsamūhananaṃ kataṃ, nanu nimittānaṃ antoyeva abhinavasīmā icchitabbāti tattheva sambhedajjhottharaṇavimocanatthaṃ porāṇakasīmāya samūhananaṃ kātabbanti? Saccaṃ, duviññeyyattā pana evaṃ katanti daṭṭhabbaṃ. Duviññeyyo hi porāṇakasīmāya vijjamānāvijjamānabhāvo, tasmā yadi nimittānaṃ antoyeva sīmāsamūhananaṃ kareyya, tato bahi porāṇakasīmā tiṭṭheyya, tato appamattakaṃ ṭhānaṃ anto paviseyya, taṃ ṭhānaṃ kammavācāpāṭhakena saha sīmāsamūhananakārakasaṅghassa patiṭṭhahanappahonakaṃ na bhaveyya, evaṃ sante sā porāṇakasīmā asamūhatāva bhaveyya. Taṃ samūhatasaññāya sīmāsammannanakāle antonimittaṭṭhānaṃ sammanneyyuṃ, taṃ asamūhataporāṇasīmākoṭipaviṭṭhattā sīmāya sīmaṃ sambhedadoso, yadi pana taṃ ṭhānaṃ catunnaṃ nisinnappahonakaṃ bhaveyya, sīmāya sīmaṃ ajjhottharaṇadoso, yadipi anto na pavisati, nirantaraṃ phuṭṭhamattaṃ hoti, evampi sīmāsaṅkaradosoti imasmā dosattayā vimocanatthaṃ nimittānaṃ bahipi sīmāsamūhananaṃ kataṃ. Teneva vimativinodaniyaṃ (vi. vi. ṭī. mahāvagga 2.144) ‘‘bahi ca samantā leḍḍupāte’’tiādi vuttanti daṭṭhabbaṃ.

    гзжи бана аажарияаа саманд̇аа нимид̇д̇аанам̣ анд̇о раж̇ж̇убасааран̣ам̣ гад̇ваа анд̇о тад̇ваа раж̇ж̇уяаа хздтаа баад̣̇з бавзсзд̇ваа раж̇ж̇уд̇о б̣ахи гин̃жимад̇д̇ам̣ таанам̣ ад̇иггамид̇ваа сиймаасамуухананам̣ гаронд̇и, д̇ад̣̇зд̇ам̣ вижаарзд̇аб̣б̣ам̣. баад̣̇аг̇г̇адтабанамад̇д̇зна бораан̣асиймаасамуг̇гхаад̇о на ход̇и, ат̇а ко гаммаваажаабаатагзна саха гаммабад̇д̇асан̇гхасса бад̇идтаанзна гаммаваажааяа баатанзна жа самуг̇гхаад̇о ход̇и. вуд̇д̇ан̃хи вимад̇ивинод̣̇аниббагаран̣з (ви. ви. дий. махааваг̇г̇а 2.144) ‘‘сиймааяа бана анд̇отаанам̣, ‘самууханиссаамаа’д̇и гаммаваажааяа гаран̣ан̃жзд̇т̇а ан̇г̇а’’нд̇и, д̇асмаа згад̣̇зсзна анд̇обавидтааяа жа згасамб̣анд̇хзна тид̇ааяа бораан̣агаб̣ад̣̇д̇хасиймааяа самуг̇гхаад̇з агад̇з вуд̇д̇анаязна д̣̇осад̇д̇аяад̇о на мужжзяяа, д̇асмаа нимид̇д̇ад̇о б̣ахиби тад̇ваа самуухананагаран̣абхаавова баасам̣сад̇аро ход̇и. ан̃н̃з бана аажарияаа гаммагаарагабхигкуунам̣ бад̣̇авалан̃ж̇асамб̣анд̇хам̣ гад̇ваа самуухананд̇и, д̇ам̣ г̇аругаран̣авасзна гад̇анд̇и г̇аяхамаанз д̣̇осо над̇т̇и. згажжз бана т̇зраа ‘‘гаарагасан̇гхасса агганд̇адтаанзязва сиймаа самуухад̇аа, на анагганд̇адтаанзд̇и сан̃н̃ааяа батамад̇арам̣ саалам̣ гарид̇ваа бажчаа сиймааяа самуухад̇ааяа т̇амбхадтаанз аггамид̇ум̣ на лабхад̇и, д̇асмаа асамуухад̇аа сиймаа’’д̇и вад̣̇анд̇и.

    Keci pana ācariyā samantā nimittānaṃ anto rajjupasāraṇaṃ katvā anto ṭhatvā rajjuyā heṭṭhā pāde pavesetvā rajjuto bahi kiñcimattaṃ ṭhānaṃ atikkamitvā sīmāsamūhananaṃ karonti, tadetaṃ vicāretabbaṃ. Pādaggaṭṭhapanamattena porāṇasīmāsamugghāto na hoti, atha kho kammavācāpāṭhakena saha kammapattasaṅghassa patiṭṭhānena kammavācāya pāṭhanena ca samugghāto hoti. Vuttañhi vimativinodanippakaraṇe (vi. vi. ṭī. mahāvagga 2.144) ‘‘sīmāya pana antoṭhānaṃ, ‘samūhanissāmā’ti kammavācāya karaṇañcettha aṅga’’nti, tasmā ekadesena antopaviṭṭhāya ca ekasambandhena ṭhitāya porāṇakabaddhasīmāya samugghāte akate vuttanayena dosattayato na mucceyya, tasmā nimittato bahipi ṭhatvā samūhananakaraṇabhāvova pāsaṃsataro hoti. Aññe pana ācariyā kammakārakabhikkhūnaṃ padavalañjasambandhaṃ katvā samūhananti, taṃ garukaraṇavasena katanti gayhamāne doso natthi. Ekacce pana therā ‘‘kārakasaṅghassa akkantaṭṭhāneyeva sīmā samūhatā, na anakkantaṭṭhāneti saññāya paṭhamataraṃ sālaṃ karitvā pacchā sīmāya samūhatāya thambhaṭṭhāne akkamituṃ na labhati, tasmā asamūhatā sīmā’’ti vadanti.

    буб̣б̣зби сирийкзд̇д̇анаг̇арз махаасад̇д̇ад̇хаммарааж̇асса гаалз д̇зна ран̃н̃аа гад̇асса нанд̣̇анавихаарасса бурад̇о д̇асса ран̃н̃о аг̇г̇амахзсияаа сиймааяа бад̇идтаабид̇ааяа батамам̣ ж̇зд̇аванасаалам̣ гад̇ваа бажчаа сиймам̣ самууханим̣су, д̇ад̣̇аа д̇асмим̣ наг̇арз махааругкамуулиго наама зго г̇ан̣абаамогкад̇т̇зро ‘‘сажз т̇амбхам̣ виж̇жхид̇ваа баад̣̇з табзд̇ум̣ сагкиссаами, звам̣ санд̇з ахам̣ ааг̇ажчиссаамий’’д̇и вад̇ваа нааг̇ажчад̇и. саб̣б̣з т̇зраа ‘‘на т̇амбхамад̇д̇зна бораан̣асиймаа д̇идтад̇и, т̇амбхасса саманд̇ад̇о тад̇ваа гаммаваажааяа гад̇ааяа сиймаа самуухад̇аа ход̇ий’’д̇и вад̇ваа д̇асса важанам̣ аг̇г̇ахзд̇ваа самууханим̣су жзва б̣анд̇хим̣су жа. хам̣саавад̇ийнаг̇арз д̇хаммажзд̇ияаран̃н̃о галяаан̣ияасиймааб̣анд̇ханагаалзби батамам̣ саалам̣ гарид̇ваава бажчаа самууханим̣су, на жа баал̣иадтагат̇аадийгаад̣̇ийсу ‘‘бад̣̇авалан̃ж̇асамб̣анд̇хам̣ гад̇ваа сиймаа самууханид̇аб̣б̣аа’’д̇и баато ад̇т̇и, ‘‘ман̃жаббамаан̣з ман̃жаббамаан̣з таанз’’д̇и (ви. ви. дий. махааваг̇г̇а 2.144) бана ад̇т̇и. бораан̣асиймааяа анд̇о тад̇ваа згасмим̣ таанз сиймаасамуухананагаммаваажааяа гад̇ааяа сагалааби сиймаа самуухад̇аава ход̇и, д̇асмаа ‘‘бад̣̇авалан̃ж̇асамб̣анд̇хам̣ гад̇ваа самууханид̇аб̣б̣а’’нд̇и важанам̣ бан̣д̣ид̇аа на самбадижчанд̇и. ийд̣̇исам̣ бана важанам̣ г̇аругаран̣авасзна вуд̇д̇анд̇и г̇аяхамаанз гин̃жааби д̣̇осо над̇т̇и, д̇ат̇ааби сиссаанусиссаанам̣ д̣̇идтаануг̇ад̇иаабаж̇ж̇анагааран̣ам̣ ход̇и. д̇з хи ‘‘амхаагам̣ аажарияаа звам̣ гат̇знд̇и, звам̣ гаронд̇ий’’д̇и д̣̇ал̣хийгаммавасзна г̇ахзд̇ваа д̇ат̇аа агад̇з сиймаа самуухад̇аа на ход̇ийд̇и ман̃н̃анд̇и, д̇асмаа багаран̣ааг̇ад̇анаяавасзнзва гаран̣ам̣ варам̣ басад̇т̇ам̣ ход̇ийд̇и д̣̇адтаб̣б̣ам̣.

    Pubbepi sirīkhettanagare mahāsattadhammarājassa kāle tena raññā katassa nandanavihārassa purato tassa rañño aggamahesiyā sīmāya patiṭṭhāpitāya paṭhamaṃ jetavanasālaṃ katvā pacchā sīmaṃ samūhaniṃsu, tadā tasmiṃ nagare mahārukkhamūliko nāma eko gaṇapāmokkhatthero ‘‘sace thambhaṃ vijjhitvā pāde ṭhapetuṃ sakkhissāmi, evaṃ sante ahaṃ āgacchissāmī’’ti vatvā nāgacchati. Sabbe therā ‘‘na thambhamattena porāṇasīmā tiṭṭhati, thambhassa samantato ṭhatvā kammavācāya katāya sīmā samūhatā hotī’’ti vatvā tassa vacanaṃ aggahetvā samūhaniṃsu ceva bandhiṃsu ca. Haṃsāvatīnagare dhammacetiyarañño kalyāṇiyasīmābandhanakālepi paṭhamaṃ sālaṃ karitvāva pacchā samūhaniṃsu, na ca pāḷiaṭṭhakathāṭīkādīsu ‘‘padavalañjasambandhaṃ katvā sīmā samūhanitabbā’’ti pāṭho atthi, ‘‘mañcappamāṇe mañcappamāṇe ṭhāne’’ti (vi. vi. ṭī. mahāvagga 2.144) pana atthi. Porāṇasīmāya anto ṭhatvā ekasmiṃ ṭhāne sīmāsamūhananakammavācāya katāya sakalāpi sīmā samūhatāva hoti, tasmā ‘‘padavalañjasambandhaṃ katvā samūhanitabba’’nti vacanaṃ paṇḍitā na sampaṭicchanti. Īdisaṃ pana vacanaṃ garukaraṇavasena vuttanti gayhamāne kiñcāpi doso natthi, tathāpi sissānusissānaṃ diṭṭhānugatiāpajjanakāraṇaṃ hoti. Te hi ‘‘amhākaṃ ācariyā evaṃ kathenti, evaṃ karontī’’ti daḷhīkammavasena gahetvā tathā akate sīmā samūhatā na hotīti maññanti, tasmā pakaraṇāgatanayavaseneva karaṇaṃ varaṃ pasatthaṃ hotīti daṭṭhabbaṃ.

    абарамби имасмим̣ сиймаасамуухананаад̇хигаарз д̇хаммаг̇ааравзхи винаяад̇харзхи жинд̇зд̇аб̣б̣ам̣ г̇амбхийрам̣ д̣̇уд̣̇д̣̇асам̣ таанам̣ ад̇т̇и, д̇ам̣ гад̇аманд̇и жз? ‘‘ануж̇аанаами, бхигкавз, д̇ияож̇анабарамам̣ сиймам̣ самманнид̇у’’нд̇и (махаава. 140) важанад̇о наанааг̇аамагкзд̇д̇аани авад̇т̇арид̇ваа саммад̇аа д̇ияож̇анигаад̣̇игааяо махаасиймааяо бхаг̇авад̇аа анун̃н̃аад̇аа ад̇т̇и, ат̇а згам̣ г̇аамагкзд̇д̇ам̣ сод̇хзд̇ваа аарагкам̣ д̣̇ад̇ваа сиймааяа самуухад̇ааяа яад̣̇и д̇ад̇о ан̃н̃зсу г̇аамагкзд̇д̇зсу бхигкуу санд̇и, на г̇аамасиймаа б̣ад̣̇д̇хасиймам̣ барижчинд̣̇ид̇ум̣ саггод̇и, д̇асмаа д̇з бхигкуу д̇асмим̣ гаммз ваг̇г̇ам̣ гарзяяум̣, звам̣ сад̇и сиймаа самуухад̇аа на бхавзяяа, д̇ааяа асамуухад̇ааяа сад̇и абхинавасиймаа самманнид̇аб̣б̣аа на бхавзяяа, ид̇и ид̣̇ам̣ таанам̣ д̣̇уж̇ж̇аанам̣ д̣̇уд̣̇д̣̇асам̣, д̇асмаа баасаан̣ажчад̇д̇ам̣ вияа бхаг̇авад̇о аан̣ам̣ г̇арум̣ гаронд̇зхи лаж̇ж̇ибзсалаб̣ахуссуд̇асигкаагаамабхууд̇зхи винаяавид̣̇уухи судту жинд̇зд̇аб̣б̣анд̇и.

    Aparampi imasmiṃ sīmāsamūhananādhikāre dhammagāravehi vinayadharehi cintetabbaṃ gambhīraṃ duddasaṃ ṭhānaṃ atthi, taṃ katamanti ce? ‘‘Anujānāmi, bhikkhave, tiyojanaparamaṃ sīmaṃ sammannitu’’nti (mahāva. 140) vacanato nānāgāmakkhettāni avattharitvā sammatā tiyojanikādikāyo mahāsīmāyo bhagavatā anuññātā atthi, atha ekaṃ gāmakkhettaṃ sodhetvā ārakkhaṃ datvā sīmāya samūhatāya yadi tato aññesu gāmakkhettesu bhikkhū santi, na gāmasīmā baddhasīmaṃ paricchindituṃ sakkoti, tasmā te bhikkhū tasmiṃ kamme vaggaṃ kareyyuṃ, evaṃ sati sīmā samūhatā na bhaveyya, tāya asamūhatāya sati abhinavasīmā sammannitabbā na bhaveyya, iti idaṃ ṭhānaṃ dujjānaṃ duddasaṃ, tasmā pāsāṇacchattaṃ viya bhagavato āṇaṃ garuṃ karontehi lajjipesalabahussutasikkhākāmabhūtehi vinayavidūhi suṭṭhu cintetabbanti.

    имасмим̣ ад̇хигаарз жинд̇знд̇о г̇авзсанд̇о вижинанд̇о ид̣̇ам̣ гааран̣ам̣ д̣̇иссад̇и – д̇ияож̇анигаад̣̇имахаасиймааяо ид̣̇д̇химанд̇аанам̣ бхигкуунам̣ д̇харамаанагаалз саннибад̇ид̇ум̣ ваа висод̇хзд̇ум̣ ваа саггун̣зяяабхаавад̇о д̇амаараб̣бха бхаг̇авад̇аа ануж̇аанид̇аа бхавзяяум̣. саб̣б̣асмим̣ гаалз саб̣б̣асмим̣ бад̣̇зсз саб̣б̣з бхигкуу д̇аад̣̇исам̣ махаасиймам̣ сод̇хзд̇ум̣ ваа саннибад̇ид̇ум̣ ваа на саггаа, на жа бхаг̇аваа асаггун̣зяяам̣ алаб̣бханзяяам̣ гааран̣ам̣ вад̣̇зяяа. бхаг̇авад̇о д̇харамаанагаалз рааж̇аг̇аханаг̇арз адтаараса махаавихаараа згасиймаава д̇хаммасзнаабад̇исаарибуд̇д̇ад̇т̇зрзна саммад̇аад̇и. сийхал̣ад̣̇ийбз махаавихаарасиймаа анураад̇хабурам̣ анд̇огад̇ваа бавад̇д̇аа махаамахинд̣̇ад̇т̇зрзна саммад̇аад̇и жа багаран̣зсу д̣̇иссад̇и, на д̇ат̇аа имасмим̣ наама д̣̇зсз д̣̇вияож̇анигаа ваа д̇ияож̇анигаа ваа сиймаа асугзна бхигкунаа саммад̇аад̇и д̣̇иссад̇и. имасмин̃жа мараммад̣̇зсз д̇аад̣̇исаанам̣ сиймаанам̣ над̇т̇ибхааво убабаригкид̇ваа ж̇аанид̇аб̣б̣о. д̇ат̇аа хи анзгасад̇аанзгасахассавассагаалад̇о уббаннаа б̣ад̣̇д̇хасиймаа баасаан̣ат̇амбханимид̇д̇зна саха д̇асмим̣ д̇асмим̣ бад̣̇зсз д̣̇иссанд̇и. аримад̣̇д̣̇анабурз жа ануруд̣̇д̇хамахаарааж̇зна самманнаабид̇аа д̣̇ваасадтаяаад̇хигасад̇ахад̇т̇ааяаамаа сад̇д̇ажад̇д̇аалийсаад̇хигасад̇ахад̇т̇авид̇т̇аараа махаасиймаа нимид̇д̇зна саха д̣̇иссад̇и. рад̇анабууранаг̇арз жа нарабад̇иж̇зяяасуурамахаарааж̇агаалз адтасад̇д̇ад̇аад̇хигажад̇усад̇агалияуг̇з самманнид̇аа сиймаа баасаан̣алзкааяа сад̣̇д̇хим̣ д̣̇иссад̇и. яад̣̇и д̇ияож̇анабарамаад̣̇имахаасиймааяо ад̇т̇и, бораан̣аажарияаа навам̣ навам̣ б̣ад̣̇д̇хасиймам̣ на б̣анд̇хзяяум̣, ат̇а жа бана б̣анд̇ханд̇и, д̇аасу жа навасиймаасу убасамбад̣̇аад̣̇исан̇гхагаммам̣ гаронд̇и, д̇ад̇о зва жа г̇ан̣анабат̇амад̇игганд̇аа бхигкуу барамбарад̇о вад̣дхзнд̇аа яааваж̇ж̇ад̇анаа саасанам̣ бад̇идтабзнд̇и. иминаа жа гааран̣зна имасмим̣ бад̣̇зсз д̇ияож̇анаа сиймааяо над̇т̇ийд̇и вин̃н̃ааяад̇и.

    Imasmiṃ adhikāre cintento gavesanto vicinanto idaṃ kāraṇaṃ dissati – tiyojanikādimahāsīmāyo iddhimantānaṃ bhikkhūnaṃ dharamānakāle sannipatituṃ vā visodhetuṃ vā sakkuṇeyyabhāvato tamārabbha bhagavatā anujānitā bhaveyyuṃ. Sabbasmiṃ kāle sabbasmiṃ padese sabbe bhikkhū tādisaṃ mahāsīmaṃ sodhetuṃ vā sannipatituṃ vā na sakkā, na ca bhagavā asakkuṇeyyaṃ alabbhaneyyaṃ kāraṇaṃ vadeyya. Bhagavato dharamānakāle rājagahanagare aṭṭhārasa mahāvihārā ekasīmāva dhammasenāpatisāriputtattherena sammatāti. Sīhaḷadīpe mahāvihārasīmā anurādhapuraṃ antokatvā pavattā mahāmahindattherena sammatāti ca pakaraṇesu dissati, na tathā imasmiṃ nāma dese dviyojanikā vā tiyojanikā vā sīmā asukena bhikkhunā sammatāti dissati. Imasmiñca marammadese tādisānaṃ sīmānaṃ natthibhāvo upaparikkhitvā jānitabbo. Tathā hi anekasataanekasahassavassakālato uppannā baddhasīmā pāsāṇathambhanimittena saha tasmiṃ tasmiṃ padese dissanti. Arimaddanapure ca anuruddhamahārājena sammannāpitā dvāsaṭṭhayādhikasatahatthāyāmā sattacattālīsādhikasatahatthavitthārā mahāsīmā nimittena saha dissati. Ratanapūranagare ca narapatijeyyasūramahārājakāle aṭṭhasattatādhikacatusatakaliyuge sammannitā sīmā pāsāṇalekhāya saddhiṃ dissati. Yadi tiyojanaparamādimahāsīmāyo atthi, porāṇācariyā navaṃ navaṃ baddhasīmaṃ na bandheyyuṃ, atha ca pana bandhanti, tāsu ca navasīmāsu upasampadādisaṅghakammaṃ karonti, tato eva ca gaṇanapathamatikkantā bhikkhū paramparato vaḍḍhentā yāvajjatanā sāsanaṃ patiṭṭhapenti. Iminā ca kāraṇena imasmiṃ padese tiyojanā sīmāyo natthīti viññāyati.

    ат̇а ваа ‘‘вихаарабаригкзбасса анд̇о жа б̣ахи жа саманд̇аа лзд̣д̣убаад̇з’’д̇и вихаарабаригкзбасса анд̇о жа вихааруубажаарабхууд̇з б̣ахи лзд̣д̣убаад̇з жа таанзязва сиймаасамуухананасса вимад̇ивинод̣̇анияам̣ (ви. ви. дий. махааваг̇г̇а 2.144) вуд̇д̇ад̇д̇ааби д̇аад̣̇исаа махаасиймааяо над̇т̇ийд̇и вин̃н̃ааяад̇и. яад̣̇и ад̇т̇и, сиймаасамуухананам̣ багаран̣аажарияаа на гат̇зяяум̣. гат̇знд̇ааби саманд̇аа д̇ияож̇анам̣ таанам̣ сод̇хзд̇ваа сиймаасамуухананам̣ гарзяяум̣, д̇ат̇аа бана агат̇зд̇ваа вихааравихааруубажаарзсуязва сиймаасамуухананасса гат̇ид̇ад̇д̇аа д̇ияож̇анигаад̣̇аяо махаасиймааяо над̇т̇ийд̇и вин̃н̃ааяад̇и.

    Atha vā ‘‘vihāraparikkhepassa anto ca bahi ca samantā leḍḍupāte’’ti vihāraparikkhepassa anto ca vihārūpacārabhūte bahi leḍḍupāte ca ṭhāneyeva sīmāsamūhananassa vimativinodaniyaṃ (vi. vi. ṭī. mahāvagga 2.144) vuttattāpi tādisā mahāsīmāyo natthīti viññāyati. Yadi atthi, sīmāsamūhananaṃ pakaraṇācariyā na katheyyuṃ. Kathentāpi samantā tiyojanaṃ ṭhānaṃ sodhetvā sīmāsamūhananaṃ kareyyuṃ, tathā pana akathetvā vihāravihārūpacāresuyeva sīmāsamūhananassa kathitattā tiyojanikādayo mahāsīmāyo natthīti viññāyati.

    ат̇а ваа ‘‘кан̣д̣асиймам̣ бана ж̇аананд̇аа авиббаваасам̣ аж̇аананд̇ааби самууханид̇ун̃жзва б̣анд̇хид̇ун̃жа сагкиссанд̇ий’’д̇и адтагат̇ааяам̣ (махаава. адта. 144) важанад̇оби д̇зсу д̇зсу ж̇анабад̣̇зсу д̇ияож̇анигаад̣̇игааяо махаасиймааяо над̇т̇ийд̇и вин̃н̃ааяад̇и. гат̇ам̣? яад̣̇и д̇аад̣̇исаа сиймааяо ад̇т̇и, сагаламби д̇ам̣ сиймам̣ асод̇хзд̇ваа сиймаасамуухананам̣ адтагат̇аажарияаа на гат̇зяяум̣, ат̇а жа бана кан̣д̣асиймам̣ ж̇аананд̇аа авиббаваасам̣ аж̇аананд̇ааби сиймам̣ самууханид̇ум̣ б̣анд̇хид̇ун̃жа самад̇т̇абхаавам̣ гат̇знд̇и, саа гат̇аа канд̇хасиймааяа сийманд̇ариганд̇арид̇амад̇д̇аа худ̇ваа д̇асмим̣ г̇аамагкзд̇д̇з авиббаваасасиймаа бхавзяяа, д̇асмаа д̇асмим̣ таанз тад̇ваа самууханид̇ум̣ самад̇т̇абхаавзна адтагат̇аажариязхи гат̇ийяад̇и, на наанааг̇аамагкзд̇д̇аани авад̇т̇арид̇ваа саммад̇ааяа д̇ияож̇анигаад̣̇ибхзд̣̇ааяа сиймааяа ан̃н̃зсу г̇аамагкзд̇д̇зсу ан̃н̃зсу бхигкуусу санд̇зсуби самууханид̇ум̣ самад̇т̇абхаавзна, д̇зна н̃ааяад̇и ‘‘на саб̣б̣зсу таанзсу д̇ияож̇анигаад̣̇ибхзд̣̇ааяо махаасиймааяо на санд̇ий’’д̇и. ийд̣̇исаани гааран̣аани бхаг̇авад̇о аан̣ам̣ г̇арум̣ гаронд̇зхи винаяад̇т̇авид̣̇уухи винаяад̇харзхи бунаббунам̣ жинд̇зд̇аб̣б̣аани убабаригкид̇аб̣б̣аани, ид̇о ан̃н̃ааниби гааран̣аани г̇авзсид̇аб̣б̣аанийд̇и.

    Atha vā ‘‘khaṇḍasīmaṃ pana jānantā avippavāsaṃ ajānantāpi samūhanituñceva bandhituñca sakkhissantī’’ti aṭṭhakathāyaṃ (mahāva. aṭṭha. 144) vacanatopi tesu tesu janapadesu tiyojanikādikāyo mahāsīmāyo natthīti viññāyati. Kathaṃ? Yadi tādisā sīmāyo atthi, sakalampi taṃ sīmaṃ asodhetvā sīmāsamūhananaṃ aṭṭhakathācariyā na katheyyuṃ, atha ca pana khaṇḍasīmaṃ jānantā avippavāsaṃ ajānantāpi sīmaṃ samūhanituṃ bandhituñca samatthabhāvaṃ kathenti, sā kathā khandhasīmāya sīmantarikantaritamattā hutvā tasmiṃ gāmakkhette avippavāsasīmā bhaveyya, tasmā tasmiṃ ṭhāne ṭhatvā samūhanituṃ samatthabhāvena aṭṭhakathācariyehi kathīyati, na nānāgāmakkhettāni avattharitvā sammatāya tiyojanikādibhedāya sīmāya aññesu gāmakkhettesu aññesu bhikkhūsu santesupi samūhanituṃ samatthabhāvena, tena ñāyati ‘‘na sabbesu ṭhānesu tiyojanikādibhedāyo mahāsīmāyo na santī’’ti. Īdisāni kāraṇāni bhagavato āṇaṃ garuṃ karontehi vinayatthavidūhi vinayadharehi punappunaṃ cintetabbāni upaparikkhitabbāni, ito aññānipi kāraṇāni gavesitabbānīti.

    ид̇о барамби ‘‘сажз ан̃н̃ааниби г̇аамагкзд̇д̇аани анд̇огаад̇угаамаа, д̇зсу г̇аамзсу яз бхигкуу васанд̇и, д̇зхиби ааг̇анд̇аб̣б̣а’’нд̇иаад̣̇иважанад̇о (махаава. адта. 138) згасмим̣язва г̇аамагкзд̇д̇з сиймам̣ на б̣анд̇ханд̇и, ат̇а ко ан̃н̃ааниби г̇аамагкзд̇д̇аани анд̇огарид̇вааби б̣анд̇ханд̇и, д̇асмаа ид̣̇аани самманнид̇аб̣б̣ааяа сиймааяа ниссаяабхууд̇ам̣ багад̇иг̇аамагкзд̇д̇ам̣ ваа висум̣г̇аамагкзд̇д̇ам̣ ваа сод̇хид̇анд̇и манаси на гаад̇аб̣б̣ам̣. ган̇кажчзд̣̇анад̇т̇ам̣ сиймаасамуухананагаммаваажаабхан̣анасамаяз д̇зна г̇аамагкзд̇д̇зна самб̣анд̇хзсу ан̃н̃зсу г̇аамагкзд̇д̇зсу васанд̇з бхигкууби яаажид̇ваа д̇ад̇о г̇аамагкзд̇д̇ад̇о б̣ахи д̣̇уурз ваасаабзд̇аб̣б̣аа. зван̃хи гаронд̇з ан̃н̃аани г̇аамагкзд̇д̇аани анд̇огарид̇ваа бораан̣асиймааяа виж̇ж̇амаанааяаби д̇з ваг̇г̇ам̣ гаад̇ум̣ на саггонд̇и. д̇ад̇о сиймаасамуухананагаммаваажаа самбаж̇ж̇ад̇и, д̇асмаа зваруубо сукумо нибун̣о ад̇т̇о винаяад̇харзхи жинд̇зд̇аб̣б̣о. звам̣ сиймаасамуухананавид̇хаанзна сиймааяа сиймам̣ самбхинд̣̇анд̇зна саммад̇аа, сиймааяа сиймам̣ аж̇жход̇т̇аранд̇зна саммад̇аад̇и вуд̇д̇зхи д̣̇вийхи вибад̇д̇ид̣̇осзхи муд̇д̇аа ход̇и.

    Ito parampi ‘‘sace aññānipi gāmakkhettāni antokātukāmā, tesu gāmesu ye bhikkhū vasanti, tehipi āgantabba’’ntiādivacanato (mahāva. aṭṭha. 138) ekasmiṃyeva gāmakkhette sīmaṃ na bandhanti, atha kho aññānipi gāmakkhettāni antokaritvāpi bandhanti, tasmā idāni sammannitabbāya sīmāya nissayabhūtaṃ pakatigāmakkhettaṃ vā visuṃgāmakkhettaṃ vā sodhitanti manasi na kātabbaṃ. Kaṅkhacchedanatthaṃ sīmāsamūhananakammavācābhaṇanasamaye tena gāmakkhettena sambandhesu aññesu gāmakkhettesu vasante bhikkhūpi yācitvā tato gāmakkhettato bahi dūre vāsāpetabbā. Evañhi karonte aññāni gāmakkhettāni antokaritvā porāṇasīmāya vijjamānāyapi te vaggaṃ kātuṃ na sakkonti. Tato sīmāsamūhananakammavācā sampajjati, tasmā evarūpo sukhumo nipuṇo attho vinayadharehi cintetabbo. Evaṃ sīmāsamūhananavidhānena sīmāya sīmaṃ sambhindantena sammatā, sīmāya sīmaṃ ajjhottharantena sammatāti vuttehi dvīhi vipattidosehi muttā hoti.

    д̇ад̇о ‘‘ад̇икуд̣̇д̣̇игаа ад̇имаханд̇ий’’д̇и (бари. 486) вуд̇д̇зхи вибад̇д̇ид̣̇осзхи вимужжанад̇т̇ам̣ сиймааяа бамаан̣ам̣ ж̇аанид̇аб̣б̣ам̣. гат̇ам̣? сиймаа наама згавийсад̇ияаа бхигкуунам̣ нисийд̣̇ид̇ум̣ аббахонд̇з сад̇и ад̇икуд̣̇д̣̇игаа наама ход̇и, саммад̇ааби сиймаа на ход̇и. д̇ияож̇анад̇о барам̣ гзсаг̇г̇амад̇д̇амби таанам̣ анд̇о гаронд̇з сад̇и ад̇имахад̇ий наама ход̇и, саммад̇ааби сиймаа на ход̇и , д̇асмаа згавийсад̇ияаа бхигкуунам̣ нисийд̣̇анаббахонагад̇о бадтааяа д̇ияож̇анам̣ анад̇иггамид̇ваа яад̇т̇а яам̣ бамаан̣ам̣ сан̇гхо ижчад̇и, д̇ад̇т̇а д̇ам̣ бамаан̣ам̣ гад̇ваа сиймаа самманнид̇аб̣б̣аа. гат̇ам̣ вин̃н̃ааяад̇ийд̇и жз? ‘‘д̇ад̇т̇а ад̇икуд̣̇д̣̇игаа наама яад̇т̇а згавийсад̇и бхигкуу нисийд̣̇ид̇ум̣ на саггонд̇и. ад̇имаханд̇ий наама анд̇амасо гзсаг̇г̇амад̇д̇знаби д̇ияож̇анам̣ ад̇иггамид̇ваа саммад̇аа’’д̇и ган̇каавид̇аран̣ияам̣ (ган̇каа. адта. нид̣̇аанаван̣н̣анаа) важанад̇о вин̃н̃ааяад̇и. звам̣ сиймааяа бамаан̣аг̇г̇ахан̣зна ‘‘ад̇икуд̣̇д̣̇игаа ад̇имаханд̇ий’’д̇и вуд̇д̇зхи д̣̇вийхи д̣̇осзхи муд̇д̇аа ход̇и.

    Tato ‘‘atikhuddikā atimahantī’’ti (pari. 486) vuttehi vipattidosehi vimuccanatthaṃ sīmāya pamāṇaṃ jānitabbaṃ. Kathaṃ? Sīmā nāma ekavīsatiyā bhikkhūnaṃ nisīdituṃ appahonte sati atikhuddikā nāma hoti, sammatāpi sīmā na hoti. Tiyojanato paraṃ kesaggamattampi ṭhānaṃ anto karonte sati atimahatī nāma hoti, sammatāpi sīmā na hoti , tasmā ekavīsatiyā bhikkhūnaṃ nisīdanappahonakato paṭṭhāya tiyojanaṃ anatikkamitvā yattha yaṃ pamāṇaṃ saṅgho icchati, tattha taṃ pamāṇaṃ katvā sīmā sammannitabbā. Kathaṃ viññāyatīti ce? ‘‘Tattha atikhuddikā nāma yattha ekavīsati bhikkhū nisīdituṃ na sakkonti. Atimahantī nāma antamaso kesaggamattenapi tiyojanaṃ atikkamitvā sammatā’’ti kaṅkhāvitaraṇiyaṃ (kaṅkhā. aṭṭha. nidānavaṇṇanā) vacanato viññāyati. Evaṃ sīmāya pamāṇaggahaṇena ‘‘atikhuddikā atimahantī’’ti vuttehi dvīhi dosehi muttā hoti.

    д̇ад̇о ‘‘кан̣д̣анимид̇д̇аа чааяаанимид̇д̇аа анимид̇д̇аа’’д̇и (бари. 486) вуд̇д̇зхи д̇ийхи вибад̇д̇ид̣̇осзхи вимужжанад̇т̇ам̣ нимид̇д̇агид̇д̇анам̣ гаад̇аб̣б̣ам̣, д̇ад̇т̇а асамб̣анд̇хагид̇д̇анзна нимид̇д̇аа сиймаа кан̣д̣анимид̇д̇аа наама. гат̇ам̣? сиймааяа жад̇уусу д̣̇исаасу табид̇анимид̇д̇зсу бурад̇т̇имад̣̇исааяа нимид̇д̇ам̣ гид̇д̇зд̇ваа ануггамзна д̣̇агкин̣абажчимауд̇д̇арад̣̇исаасу нимид̇д̇аани гид̇д̇зд̇ваа буна бурад̇т̇имад̣̇исааяа нимид̇д̇ам̣ гид̇д̇зд̇аб̣б̣ам̣, звам̣ гад̇з акан̣д̣анимид̇д̇аа наама ход̇и. яад̣̇и бана бурад̇т̇имад̣̇исааяа нимид̇д̇ам̣ гид̇д̇зд̇ваа ануггамзна д̣̇агкин̣абажчимауд̇д̇арад̣̇исаасу нимид̇д̇аани гид̇д̇зд̇ваа табзд̇и, буна бурад̇т̇имад̣̇исааяа нимид̇д̇ам̣ на гид̇д̇зд̇и, звам̣ кан̣д̣анимид̇д̇аа наама ход̇и. абарааби кан̣д̣анимид̇д̇аа наама яаа анимид̇д̇убаг̇абаасаан̣ам̣ ваа б̣ахисаараругкам̣ ваа каан̣угам̣ ваа бам̣субун̃ж̇ам̣ ваа анд̇араа згам̣ нимид̇д̇ам̣ гад̇ваа саммад̇аа. баб̣б̣ад̇ажчааяаад̣̇ийсу яам̣ гин̃жи чааяам̣ нимид̇д̇ам̣ гад̇ваа саммад̇аа чааяаанимид̇д̇аа наама. саб̣б̣асо нимид̇д̇ам̣ агид̇д̇зд̇ваа саммад̇аа анимид̇д̇аа наама. имзхи д̇ийхи д̣̇осзхи вимужжанад̇т̇ааяа нимид̇д̇агид̇д̇анам̣ гаад̇аб̣б̣ам̣.

    Tato ‘‘khaṇḍanimittā chāyānimittā animittā’’ti (pari. 486) vuttehi tīhi vipattidosehi vimuccanatthaṃ nimittakittanaṃ kātabbaṃ, tattha asambandhakittanena nimittā sīmā khaṇḍanimittā nāma. Kathaṃ? Sīmāya catūsu disāsu ṭhapitanimittesu puratthimadisāya nimittaṃ kittetvā anukkamena dakkhiṇapacchimauttaradisāsu nimittāni kittetvā puna puratthimadisāya nimittaṃ kittetabbaṃ, evaṃ kate akhaṇḍanimittā nāma hoti. Yadi pana puratthimadisāya nimittaṃ kittetvā anukkamena dakkhiṇapacchimauttaradisāsu nimittāni kittetvā ṭhapeti, puna puratthimadisāya nimittaṃ na kitteti, evaṃ khaṇḍanimittā nāma hoti. Aparāpi khaṇḍanimittā nāma yā animittupagapāsāṇaṃ vā bahisārarukkhaṃ vā khāṇukaṃ vā paṃsupuñjaṃ vā antarā ekaṃ nimittaṃ katvā sammatā. Pabbatacchāyādīsu yaṃ kiñci chāyaṃ nimittaṃ katvā sammatā chāyānimittā nāma. Sabbaso nimittaṃ akittetvā sammatā animittā nāma. Imehi tīhi dosehi vimuccanatthāya nimittakittanaṃ kātabbaṃ.

    гат̇ам̣? гаммаваажааяа бораан̣асиймаасамуухананам̣ гад̇ваа барисуд̣̇д̇хааяа гзвалааяа г̇аамасиймааяа сан̇гхзна яат̇ааж̇жхаасаяам̣ г̇ахид̇аббамаан̣асса сиймаман̣д̣аласса жад̇уусу ваа д̣̇исаасу адтасу ваа д̣̇исаасу нимид̇д̇убаг̇з хздтимабарижчзд̣̇зна д̣̇вад̇д̇им̣сабалаг̇ул̣абин̣д̣аббамаан̣з, уггадтабарижчзд̣̇зна хад̇т̇иббамаан̣ад̇о уунаббамаан̣з баасаан̣з табзд̇ваа нимид̇д̇аанам̣ анд̇о тид̇зна гаммаваажаабаатагзна винаяад̇харзна ‘‘бурад̇т̇имааяа д̣̇исааяа гим̣ нимид̇д̇а’’нд̇и бужчид̇аб̣б̣ам̣. ан̃н̃зна ‘‘баасаан̣о, бханд̇з’’д̇и вад̇д̇аб̣б̣ам̣. буна винаяад̇харзна ‘‘зсо баасаан̣о нимид̇д̇а’’нд̇и вад̇ваа гид̇д̇зд̇аб̣б̣ам̣. иминаа наязна сиймаман̣д̣алам̣ бад̣̇агкин̣ам̣ гаронд̇зна ‘‘бурад̇т̇имааяа ануд̣̇исааяа, д̣̇агкин̣ааяа д̣̇исааяа, д̣̇агкин̣ааяа ануд̣̇исааяа, бажчимааяа д̣̇исааяа, бажчимааяа ануд̣̇исааяа, уд̇д̇арааяа д̣̇исааяа, уд̇д̇арааяа ануд̣̇исааяа гим̣ нимид̇д̇ам̣? баасаан̣о, бханд̇з. зсо баасаан̣о нимид̇д̇а’’нд̇и гид̇д̇зд̇ваа буна ‘‘бурад̇т̇имааяа д̣̇исааяа гим̣ нимид̇д̇ам̣? баасаан̣о, бханд̇з. зсо баасаан̣о нимид̇д̇а’’нд̇и гид̇д̇зд̇ваа нидтабзд̇аб̣б̣ам̣. вуд̇д̇ан̃хи ган̇каавид̇аран̣ияам̣ (ган̇каа. адта. нид̣̇аанаван̣н̣анаа) ‘‘кан̣д̣анимид̇д̇аа наама агхадид̇анимид̇д̇аа вужжад̇ий’’д̇иаад̣̇и. звам̣ нимид̇д̇агид̇д̇анзна ‘‘кан̣д̣анимид̇д̇аа чааяаанимид̇д̇аа анимид̇д̇аа’’д̇и вуд̇д̇зхи д̇ийхи вибад̇д̇ид̣̇осзхи вимуд̇д̇аа ход̇и.

    Kathaṃ? Kammavācāya porāṇasīmāsamūhananaṃ katvā parisuddhāya kevalāya gāmasīmāya saṅghena yathājjhāsayaṃ gahitappamāṇassa sīmamaṇḍalassa catūsu vā disāsu aṭṭhasu vā disāsu nimittupage heṭṭhimaparicchedena dvattiṃsapalaguḷapiṇḍappamāṇe, ukkaṭṭhaparicchedena hatthippamāṇato ūnappamāṇe pāsāṇe ṭhapetvā nimittānaṃ anto ṭhitena kammavācāpāṭhakena vinayadharena ‘‘puratthimāya disāya kiṃ nimitta’’nti pucchitabbaṃ. Aññena ‘‘pāsāṇo, bhante’’ti vattabbaṃ. Puna vinayadharena ‘‘eso pāsāṇo nimitta’’nti vatvā kittetabbaṃ. Iminā nayena sīmamaṇḍalaṃ padakkhiṇaṃ karontena ‘‘puratthimāya anudisāya, dakkhiṇāya disāya, dakkhiṇāya anudisāya, pacchimāya disāya, pacchimāya anudisāya, uttarāya disāya, uttarāya anudisāya kiṃ nimittaṃ? Pāsāṇo, bhante. Eso pāsāṇo nimitta’’nti kittetvā puna ‘‘puratthimāya disāya kiṃ nimittaṃ? Pāsāṇo, bhante. Eso pāsāṇo nimitta’’nti kittetvā niṭṭhapetabbaṃ. Vuttañhi kaṅkhāvitaraṇiyaṃ (kaṅkhā. aṭṭha. nidānavaṇṇanā) ‘‘khaṇḍanimittā nāma aghaṭitanimittā vuccatī’’tiādi. Evaṃ nimittakittanena ‘‘khaṇḍanimittā chāyānimittā animittā’’ti vuttehi tīhi vipattidosehi vimuttā hoti.

    д̇ад̇о барам̣ ‘‘б̣ахисиймз тид̇асаммад̇аа’’д̇и (бари. 486) вуд̇д̇авибад̇д̇ид̣̇осад̇о вимужжанад̇т̇ам̣ сиймаасаммуд̇игаммаваажаабаатагаалз сан̇гхасса тид̇адтаанам̣ ж̇аанид̇аб̣б̣ам̣. гат̇ам̣? яад̣̇и нимид̇д̇аани гид̇д̇зд̇ваа сан̇гхо нимид̇д̇аанам̣ б̣ахи тад̇ваа гаммаваажааяа сиймам̣ самманнад̇и, б̣ахисиймз тид̇асаммад̇аа наама ход̇и, сиймаа на ход̇и, д̇асмаа нимид̇д̇аани гид̇д̇зд̇ваа сан̇гхзна нимид̇д̇аанам̣ анд̇о тад̇ваа гаммаваажааяа сиймаа самманнид̇аб̣б̣аа. вуд̇д̇ан̃хзд̇ам̣ ган̇каавид̇аран̣ияам̣ ‘‘б̣ахисиймз тид̇асаммад̇аа наама нимид̇д̇аани гид̇д̇зд̇ваа нимид̇д̇аанам̣ б̣ахи тид̇зна саммад̇аа’’д̇и. звам̣ сиймаасамманнанадтаананияамзна ‘‘б̣ахисиймз тид̇асаммад̇аа’’д̇и (бари. 486) вуд̇д̇авибад̇д̇ид̣̇осад̇о муд̇д̇аа ход̇и.

    Tato paraṃ ‘‘bahisīme ṭhitasammatā’’ti (pari. 486) vuttavipattidosato vimuccanatthaṃ sīmāsammutikammavācāpāṭhakāle saṅghassa ṭhitaṭṭhānaṃ jānitabbaṃ. Kathaṃ? Yadi nimittāni kittetvā saṅgho nimittānaṃ bahi ṭhatvā kammavācāya sīmaṃ sammannati, bahisīme ṭhitasammatā nāma hoti, sīmā na hoti, tasmā nimittāni kittetvā saṅghena nimittānaṃ anto ṭhatvā kammavācāya sīmā sammannitabbā. Vuttañhetaṃ kaṅkhāvitaraṇiyaṃ ‘‘bahisīme ṭhitasammatā nāma nimittāni kittetvā nimittānaṃ bahi ṭhitena sammatā’’ti. Evaṃ sīmāsammannanaṭṭhānaniyamena ‘‘bahisīme ṭhitasammatā’’ti (pari. 486) vuttavipattidosato muttā hoti.

    д̇ад̇о барам̣ ‘‘над̣̇ияам̣ саммад̇аа, самуд̣̇д̣̇з саммад̇аа, ж̇аад̇ассарз саммад̇аа’’д̇и (бари. 486) вуд̇д̇зхи д̇ийхи вибад̇д̇ид̣̇осзхи жа вимужжанад̇т̇ам̣ звам̣ манаси гаад̇аб̣б̣ам̣ – ‘‘саб̣б̣аа, бхигкавз, над̣̇ий асиймаа, саб̣б̣о самуд̣̇д̣̇о асиймо, саб̣б̣о ж̇аад̇ассаро асиймо’’д̇и (махаава. 147) бхаг̇авад̇аа важанад̇о над̣̇ийсамуд̣̇д̣̇аж̇аад̇ассарзсу саммад̇аа сиймаа на ход̇и, бораан̣асиймавиг̇ад̇ааяа суд̣̇д̇хааяа г̇аамасиймааяа саммад̇аа зва сиймаа ход̇и, д̇асмаа г̇аамасиймааяамзва б̣ад̣̇д̇хасиймаа самманнид̇аб̣б̣аа, на над̣̇ийаад̣̇ийсууд̇и. вуд̇д̇ан̃хи ган̇каавид̇аран̣ияам̣ (ган̇каа. адта. нид̣̇аанаван̣н̣анаа) ‘‘над̣̇ияаа самуд̣̇д̣̇з ж̇аад̇ассарз саммад̇аа наама зд̇зсу над̣̇ийаад̣̇ийсу саммад̇аа’’д̇иаад̣̇и. зд̇д̇аавад̇аа ‘‘аяам̣ сиймаа ад̇икуд̣̇д̣̇игаа , ад̇имаханд̇ий, кан̣д̣анимид̇д̇аа, чааяаанимид̇д̇аа, анимид̇д̇аа, б̣ахисиймз тид̇асаммад̇аа, над̣̇ияам̣ саммад̇аа, самуд̣̇д̣̇з саммад̇аа, ж̇аад̇ассарз саммад̇аа, сиймааяа сиймам̣ самбхинд̣̇анд̇зна саммад̇аа, сиймааяа сиймам̣ аж̇жход̇т̇аранд̇зна саммад̇аа’’д̇и (бари. 486) вуд̇д̇зхи згаад̣̇асахи д̣̇осзхи вимуд̇д̇аа худ̇ваа ‘‘аб̣бхаа махигаа д̇хуумо раж̇о раахуу’’д̇и вуд̇д̇зхи бан̃жахи убаггилзсзхи муд̇д̇ам̣ жанд̣̇аман̣д̣алам̣ вияа, суурияаман̣д̣алам̣ вияа жа субарисуд̣̇д̇хаа ход̇и.

    Tato paraṃ ‘‘nadiyaṃ sammatā, samudde sammatā, jātassare sammatā’’ti (pari. 486) vuttehi tīhi vipattidosehi ca vimuccanatthaṃ evaṃ manasi kātabbaṃ – ‘‘sabbā, bhikkhave, nadī asīmā, sabbo samuddo asīmo, sabbo jātassaro asīmo’’ti (mahāva. 147) bhagavatā vacanato nadīsamuddajātassaresu sammatā sīmā na hoti, porāṇasīmavigatāya suddhāya gāmasīmāya sammatā eva sīmā hoti, tasmā gāmasīmāyameva baddhasīmā sammannitabbā, na nadīādīsūti. Vuttañhi kaṅkhāvitaraṇiyaṃ (kaṅkhā. aṭṭha. nidānavaṇṇanā) ‘‘nadiyā samudde jātassare sammatā nāma etesu nadīādīsu sammatā’’tiādi. Ettāvatā ‘‘ayaṃ sīmā atikhuddikā , atimahantī, khaṇḍanimittā, chāyānimittā, animittā, bahisīme ṭhitasammatā, nadiyaṃ sammatā, samudde sammatā, jātassare sammatā, sīmāya sīmaṃ sambhindantena sammatā, sīmāya sīmaṃ ajjhottharantena sammatā’’ti (pari. 486) vuttehi ekādasahi dosehi vimuttā hutvā ‘‘abbhā mahikā dhūmo rajo rāhū’’ti vuttehi pañcahi upakkilesehi muttaṃ candamaṇḍalaṃ viya, sūriyamaṇḍalaṃ viya ca suparisuddhā hoti.

    д̇ивид̇хасамбад̇д̇и наама нимид̇д̇асамбад̇д̇ибарисасамбад̇д̇игаммаваажаасамбад̇д̇ияо. д̇аасу ‘‘баб̣б̣ад̇анимид̇д̇ам̣ баасаан̣анимид̇д̇ам̣ вананимид̇д̇ам̣ ругканимид̇д̇ам̣ маг̇г̇анимид̇д̇ам̣ ваммиганимид̇д̇ам̣ над̣̇ийнимид̇д̇ам̣ уд̣̇аганимид̇д̇а’’нд̇и (махаава. 138) вуд̇д̇зсу адтасу нимид̇д̇зсу д̇ассам̣ д̇ассам̣ д̣̇исааяам̣ яат̇аалад̣̇д̇хаани нимид̇д̇аани гид̇д̇зд̇ваа самманнид̇аб̣б̣аа. вуд̇д̇ан̃хи ган̇каавид̇аран̣ияам̣ (ган̇каа. адта. нид̣̇аанаван̣н̣анаа) ‘‘бурад̇т̇имааяа д̣̇исааяа гим̣нимид̇д̇ам̣? баасаан̣о, бханд̇з. зсо баасаан̣о нимид̇д̇анд̇иаад̣̇инаа наязна гид̇д̇зд̇ваа саммад̇аа’’д̇и. д̇зсу жа адтасу нимид̇д̇зсу ругканимид̇д̇аад̣̇ийнам̣ яат̇ааж̇жхаасаяадтаанзсу д̣̇уллабхабхаавад̇о вад̣дхид̇ваа д̣̇виннам̣ б̣ад̣̇д̇хасиймаанам̣ сан̇гарагаран̣ад̇о жа баасаан̣анимид̇д̇асса бана д̇ат̇аа сан̇гарагаран̣аабхаавад̇о яат̇ижчид̇адтаанам̣ аахарид̇ваа табзд̇ум̣ сугарабхаавад̇о жа сиймам̣ б̣анд̇ханд̇зхи бхигкуухи сиймаман̣д̣аласса саманд̇аа нимид̇д̇уубаг̇аа баасаан̣аа табзд̇аб̣б̣аа. д̇зна вуд̇д̇ам̣ махааваг̇г̇адтагат̇ааяам̣ (махаава. адта. 138) ‘‘д̇ам̣ б̣анд̇ханд̇зхи саманд̇аа нимид̇д̇уубаг̇аа баасаан̣аа табзд̇аб̣б̣аа’’д̇и. вимад̇ивинод̣̇анияан̃жа (ви. ви. дий. махааваг̇г̇а 2.138) ‘‘нимид̇д̇уубаг̇аа баасаан̣аа табзд̇аб̣б̣аад̇и ид̣̇ам̣ яат̇ааружид̇адтаанз ругканимид̇д̇аад̣̇ийнам̣ д̣̇уллабхад̇ааяаа’’д̇иаад̣̇и. зд̇д̇аавад̇аа нимид̇д̇асамбад̇д̇исан̇каад̇ам̣ батаман̇г̇ам̣ суубабаннам̣ ход̇и.

    Tividhasampatti nāma nimittasampattiparisasampattikammavācāsampattiyo. Tāsu ‘‘pabbatanimittaṃ pāsāṇanimittaṃ vananimittaṃ rukkhanimittaṃ magganimittaṃ vammikanimittaṃ nadīnimittaṃ udakanimitta’’nti (mahāva. 138) vuttesu aṭṭhasu nimittesu tassaṃ tassaṃ disāyaṃ yathāladdhāni nimittāni kittetvā sammannitabbā. Vuttañhi kaṅkhāvitaraṇiyaṃ (kaṅkhā. aṭṭha. nidānavaṇṇanā) ‘‘puratthimāya disāya kiṃnimittaṃ? Pāsāṇo, bhante. Eso pāsāṇo nimittantiādinā nayena kittetvā sammatā’’ti. Tesu ca aṭṭhasu nimittesu rukkhanimittādīnaṃ yathājjhāsayaṭṭhānesu dullabhabhāvato vaḍḍhitvā dvinnaṃ baddhasīmānaṃ saṅkarakaraṇato ca pāsāṇanimittassa pana tathā saṅkarakaraṇābhāvato yathicchitaṭṭhānaṃ āharitvā ṭhapetuṃ sukarabhāvato ca sīmaṃ bandhantehi bhikkhūhi sīmamaṇḍalassa samantā nimittūpagā pāsāṇā ṭhapetabbā. Tena vuttaṃ mahāvaggaṭṭhakathāyaṃ (mahāva. aṭṭha. 138) ‘‘taṃ bandhantehi samantā nimittūpagā pāsāṇā ṭhapetabbā’’ti. Vimativinodaniyañca (vi. vi. ṭī. mahāvagga 2.138) ‘‘nimittūpagā pāsāṇā ṭhapetabbāti idaṃ yathārucitaṭṭhāne rukkhanimittādīnaṃ dullabhatāyā’’tiādi. Ettāvatā nimittasampattisaṅkhātaṃ paṭhamaṅgaṃ sūpapannaṃ hoti.

    д̇ад̇о сиймаасаммуд̇игаран̣ад̇т̇ам̣ саб̣б̣анд̇имзна барижчзд̣̇зна жад̇д̇ааро бхигкуу саннибад̇ид̇ваа яаавад̇аа д̇асмим̣ г̇аамз б̣ад̣̇д̇хасиймам̣ ваа над̣̇ийсамуд̣̇д̣̇аж̇аад̇ассарз ваа аноггамид̇ваа тид̇аа бхигкуу санд̇и, саб̣б̣з д̇з хад̇т̇абаасз ваа гад̇ваа чанд̣̇ам̣ ваа аахарид̇ваа яаа сиймаа саммад̇аа, саа барисасамбад̇д̇ияуд̇д̇аа наама ход̇и. д̇зна вуд̇д̇ам̣ ган̇каавид̇аран̣ияам̣ (ган̇каа. адта. нид̣̇аанаван̣н̣анаа) ‘‘барисасамбад̇д̇ияуд̇д̇аа наама саб̣б̣анд̇имзна барижчзд̣̇зна жад̇уухи бхигкуухи саннибад̇ид̇ваа’’д̇иаад̣̇и. ат̇а д̇ам̣ сиймам̣ б̣анд̇ханд̇аа бхигкуу сааманд̇авихаарзсу васанд̇з бхигкуу д̇асса д̇асса вихаарасса сиймаабарижчзд̣̇ам̣ бужчид̇ваа яз б̣ад̣̇д̇хасиймавихаараа, д̇зсам̣ сиймааяа сийманд̇аригам̣ табзд̇ваа, яз аб̣ад̣̇д̇хасиймавихаараа, д̇зсам̣ сиймааяа убажаарам̣ табзд̇ваа д̣̇исаажааригабхигкуунам̣ ниссан̃жаарасамаяз яад̣̇и згасмим̣язва г̇аамагкзд̇д̇з сиймам̣ б̣анд̇хид̇угаамаа , д̇асмим̣ яз бхигкуу б̣ад̣̇д̇хасиймавихаараа, д̇зсам̣ бзсзд̇аб̣б̣ам̣ ‘‘аж̇ж̇а маяам̣ сиймам̣ б̣анд̇хиссаама, д̇умхз сагасагасиймаабарижчзд̣̇ад̇о маа нигкамат̇аа’’д̇и. яз аб̣ад̣̇д̇хасиймавихаараа, д̇з саб̣б̣з згаж̇жхам̣ саннибаад̇аабзд̇аб̣б̣аа, чанд̣̇аарахаанам̣ чанд̣̇о аахарид̇аб̣б̣о.

    Tato sīmāsammutikaraṇatthaṃ sabbantimena paricchedena cattāro bhikkhū sannipatitvā yāvatā tasmiṃ gāme baddhasīmaṃ vā nadīsamuddajātassare vā anokkamitvā ṭhitā bhikkhū santi, sabbe te hatthapāse vā katvā chandaṃ vā āharitvā yā sīmā sammatā, sā parisasampattiyuttā nāma hoti. Tena vuttaṃ kaṅkhāvitaraṇiyaṃ (kaṅkhā. aṭṭha. nidānavaṇṇanā) ‘‘parisasampattiyuttā nāma sabbantimena paricchedena catūhi bhikkhūhi sannipatitvā’’tiādi. Atha taṃ sīmaṃ bandhantā bhikkhū sāmantavihāresu vasante bhikkhū tassa tassa vihārassa sīmāparicchedaṃ pucchitvā ye baddhasīmavihārā, tesaṃ sīmāya sīmantarikaṃ ṭhapetvā, ye abaddhasīmavihārā, tesaṃ sīmāya upacāraṃ ṭhapetvā disācārikabhikkhūnaṃ nissañcārasamaye yadi ekasmiṃyeva gāmakkhette sīmaṃ bandhitukāmā , tasmiṃ ye bhikkhū baddhasīmavihārā, tesaṃ pesetabbaṃ ‘‘ajja mayaṃ sīmaṃ bandhissāma, tumhe sakasakasīmāparicchedato mā nikkhamathā’’ti. Ye abaddhasīmavihārā, te sabbe ekajjhaṃ sannipātāpetabbā, chandārahānaṃ chando āharitabbo.

    яад̣̇и ан̃н̃ам̣ г̇аамагкзд̇д̇амби анд̇огад̇д̇угаамаа, д̇ад̇т̇а ниваасино бхигкуу самаанасам̣ваасагасиймаасамманнанагаалз ааг̇анд̇умби анааг̇анд̇умби вадданд̇и. авиббаваасасиймаасамманнанагаалз бана анд̇онимид̇д̇аг̇ад̇зхи бхигкуухи ааг̇анд̇аб̣б̣ам̣, анааг̇ажчанд̇аанам̣ чанд̣̇о аахарид̇аб̣б̣о. вуд̇д̇ан̃хзд̇ам̣ саманд̇абаасаад̣̇игааяам̣ (махаава. адта. 138) ‘‘д̇ам̣ б̣анд̇хид̇угаамзхи сааманд̇авихаарзсу бхигкуу’’д̇иаад̣̇и. звам̣ бхигкуусу саннибад̇ид̇зсу чанд̣̇аарахаанам̣ чанд̣̇з аахадз д̇зсу д̇зсу маг̇г̇зсу над̣̇ийд̇ид̇т̇аг̇аамад̣̇ваараад̣̇ийсу жа ааг̇анд̇угабхигкуунам̣ сийгхам̣ сийгхам̣ хад̇т̇абаасаанаяанад̇т̇ан̃жа б̣ахисиймагаран̣ад̇т̇ан̃жа аараамигасааман̣зрз табзд̇ваа бхзрисан̃н̃ам̣ ваа сан̇касан̃н̃ам̣ ваа гаараабзд̇ваа нимид̇д̇агид̇д̇анаананд̇арам̣ вуд̇д̇ааяа ‘‘сун̣аад̇у мз, бханд̇з сан̇гхо’’д̇иаад̣̇игааяа (махаава. 139) гаммаваажааяа сиймаа б̣анд̇хид̇аб̣б̣аа. вуд̇д̇ан̃хи адтагат̇ааяам̣ (махаава. адта. 138) ‘‘звам̣ саннибад̇ид̇зсу бана бхигкуусуу’’д̇иаад̣̇и. зд̇д̇аавад̇аа барисасамбад̇д̇исан̇каад̇ам̣ д̣̇уд̇ияан̇г̇ам̣ суубабаннам̣ ход̇и.

    Yadi aññaṃ gāmakkhettampi antokattukāmā, tattha nivāsino bhikkhū samānasaṃvāsakasīmāsammannanakāle āgantumpi anāgantumpi vaṭṭanti. Avippavāsasīmāsammannanakāle pana antonimittagatehi bhikkhūhi āgantabbaṃ, anāgacchantānaṃ chando āharitabbo. Vuttañhetaṃ samantapāsādikāyaṃ (mahāva. aṭṭha. 138) ‘‘taṃ bandhitukāmehi sāmantavihāresu bhikkhū’’tiādi. Evaṃ bhikkhūsu sannipatitesu chandārahānaṃ chande āhaṭe tesu tesu maggesu nadītitthagāmadvārādīsu ca āgantukabhikkhūnaṃ sīghaṃ sīghaṃ hatthapāsānayanatthañca bahisīmakaraṇatthañca ārāmikasāmaṇere ṭhapetvā bherisaññaṃ vā saṅkhasaññaṃ vā kārāpetvā nimittakittanānantaraṃ vuttāya ‘‘suṇātu me, bhante saṅgho’’tiādikāya (mahāva. 139) kammavācāya sīmā bandhitabbā. Vuttañhi aṭṭhakathāyaṃ (mahāva. aṭṭha. 138) ‘‘evaṃ sannipatitesu pana bhikkhūsū’’tiādi. Ettāvatā parisasampattisaṅkhātaṃ dutiyaṅgaṃ sūpapannaṃ hoti.

    д̇ад̇о барам̣ гаммаваажаабаатасамаяз ‘‘сиймам̣, бхигкавз, самманнанд̇зна батамам̣ самаанасам̣ваасагасиймаа самманнид̇аб̣б̣аа, бажчаа д̇ижийварзна авиббаваасо самманнид̇аб̣б̣о’’д̇и (махаава. 144) важанад̇о батамам̣ самаанасам̣ваасагасиймаа самманнид̇аб̣б̣аа, бажчаа авиббаваасасиймаа самманнид̇аб̣б̣аа, самаанасам̣ваасагагаммаваажаабарияосаанзязва нимид̇д̇аани б̣ахи гад̇ваа нимид̇д̇аанам̣ анд̇обамаан̣знзва самаанасам̣ваасагасиймаа жад̇унахуд̇аад̇хигад̣̇вилагкаяож̇анабут̇улам̣ махаабат̇авим̣ винивиж̇жхид̇ваа бат̇авийсанд̇хаарагауд̣̇агам̣ барияанд̇ам̣ гад̇ваа г̇ад̇аа. д̇зна вуд̇д̇ам̣ саманд̇абаасаад̣̇игааяам̣ ‘‘гаммаваажаабарияосаанзязва…бз… г̇ад̇аа ход̇ий’’д̇и. авиббаваасагаммаваажаабарияосаанз авиббаваасасиймаа яад̣̇и анд̇осиймааяа г̇аамо ад̇т̇и, г̇ааман̃жа г̇аамуубажааран̃жа мун̃жид̇ваа самаанасам̣ваасагасиймааяа г̇ад̇абарижчзд̣̇знзва г̇ад̇аа. ид̇и д̇ижийварзна авиббаваасасиймаа г̇ааман̃жа г̇аамуубажааран̃жа на авад̇т̇арад̇и, самаанасам̣ваасагасиймаава авад̇т̇арад̇и, самаанасам̣ваасагасиймаа ад̇д̇ано д̇хаммад̇ааяа г̇ажчад̇и. авиббаваасасиймаа бана яад̇т̇а самаанасам̣ваасагасиймаа, д̇ад̇т̇зва г̇ажчад̇и. д̇зна вуд̇д̇ам̣ саманд̇абаасаад̣̇игааяам̣ ‘‘ид̇и бхигкуунам̣ авиббаваасасиймаа…бз… г̇ажчад̇ий’’д̇и. д̇асмаа –

    Tato paraṃ kammavācāpāṭhasamaye ‘‘sīmaṃ, bhikkhave, sammannantena paṭhamaṃ samānasaṃvāsakasīmā sammannitabbā, pacchā ticīvarena avippavāso sammannitabbo’’ti (mahāva. 144) vacanato paṭhamaṃ samānasaṃvāsakasīmā sammannitabbā, pacchā avippavāsasīmā sammannitabbā, samānasaṃvāsakakammavācāpariyosāneyeva nimittāni bahi katvā nimittānaṃ antopamāṇeneva samānasaṃvāsakasīmā catunahutādhikadvilakkhayojanaputhulaṃ mahāpathaviṃ vinivijjhitvā pathavīsandhārakaudakaṃ pariyantaṃ katvā gatā. Tena vuttaṃ samantapāsādikāyaṃ ‘‘kammavācāpariyosāneyeva…pe… gatā hotī’’ti. Avippavāsakammavācāpariyosāne avippavāsasīmā yadi antosīmāya gāmo atthi, gāmañca gāmūpacārañca muñcitvā samānasaṃvāsakasīmāya gataparicchedeneva gatā. Iti ticīvarena avippavāsasīmā gāmañca gāmūpacārañca na avattharati, samānasaṃvāsakasīmāva avattharati, samānasaṃvāsakasīmā attano dhammatāya gacchati. Avippavāsasīmā pana yattha samānasaṃvāsakasīmā, tattheva gacchati. Tena vuttaṃ samantapāsādikāyaṃ ‘‘iti bhikkhūnaṃ avippavāsasīmā…pe… gacchatī’’ti. Tasmā –

    ‘‘сун̣аад̇у мз, бханд̇з сан̇гхо, яаавад̇аа саманд̇аа нимид̇д̇аа гид̇д̇ид̇аа. яад̣̇и сан̇гхасса бад̇д̇агаллам̣, сан̇гхо зд̇зхи нимид̇д̇зхи сиймам̣ самманнзяяа самаанасам̣ваасам̣ згуубосат̇ам̣, зсаа н̃ад̇д̇и.

    ‘‘Suṇātu me, bhante saṅgho, yāvatā samantā nimittā kittitā. Yadi saṅghassa pattakallaṃ, saṅgho etehi nimittehi sīmaṃ sammanneyya samānasaṃvāsaṃ ekūposathaṃ, esā ñatti.

    ‘‘сун̣аад̇у мз, бханд̇з сан̇гхо, яаавад̇аа саманд̇аа нимид̇д̇аа гид̇д̇ид̇аа, сан̇гхо зд̇зхи нимид̇д̇зхи сиймам̣ самманнад̇и самаанасам̣ваасам̣ згуубосат̇ам̣. яассааяасмад̇о камад̇и зд̇зхи нимид̇д̇зхи сиймааяа саммуд̇и самаанасам̣ваасааяа згуубосат̇ааяа, со д̇ун̣хасса. яасса нагкамад̇и, со бхаасзяяа. саммад̇аа саа сиймаа сан̇гхзна зд̇зхи нимид̇д̇зхи самаанасам̣ваасаа згуубосат̇аа, камад̇и сан̇гхасса, д̇асмаа д̇ун̣хий. звамзд̇ам̣ д̇хаараяаамий’’д̇и (махаава. 139).

    ‘‘Suṇātu me, bhante saṅgho, yāvatā samantā nimittā kittitā, saṅgho etehi nimittehi sīmaṃ sammannati samānasaṃvāsaṃ ekūposathaṃ. Yassāyasmato khamati etehi nimittehi sīmāya sammuti samānasaṃvāsāya ekūposathāya, so tuṇhassa. Yassa nakkhamati, so bhāseyya. Sammatā sā sīmā saṅghena etehi nimittehi samānasaṃvāsā ekūposathā, khamati saṅghassa, tasmā tuṇhī. Evametaṃ dhārayāmī’’ti (mahāva. 139).

    зсаа самаанасам̣ваасагагаммаваажаа,

    Esā samānasaṃvāsakakammavācā,

    ‘‘сун̣аад̇у мз, бханд̇з сан̇гхо, яаа саа сан̇гхзна сиймаа саммад̇аа самаанасам̣ваасаа згуубосат̇аа. яад̣̇и сан̇гхасса бад̇д̇агаллам̣, сан̇гхо д̇ам̣ сиймам̣ д̇ижийварзна авиббаваасам̣ самманнзяяа табзд̇ваа г̇ааман̃жа г̇аамуубажааран̃жа, зсаа н̃ад̇д̇и.

    ‘‘Suṇātu me, bhante saṅgho, yā sā saṅghena sīmā sammatā samānasaṃvāsā ekūposathā. Yadi saṅghassa pattakallaṃ, saṅgho taṃ sīmaṃ ticīvarena avippavāsaṃ sammanneyya ṭhapetvā gāmañca gāmūpacārañca, esā ñatti.

    ‘‘сун̣аад̇у мз, бханд̇з сан̇гхо, яаа саа сан̇гхзна сиймаа саммад̇аа самаанасам̣ваасаа згуубосат̇аа. сан̇гхо д̇ам̣ сиймам̣ д̇ижийварзна авиббаваасам̣ самманнад̇и табзд̇ваа г̇ааман̃жа г̇аамуубажааран̃жа. яассааяасмад̇о камад̇и зд̇иссаа сиймааяа д̇ижийварзна авиббаваасасаммуд̇и табзд̇ваа г̇ааман̃жа г̇аамуубажааран̃жа, со д̇ун̣хасса. яасса нагкамад̇и, со бхаасзяяа. саммад̇аа саа сиймаа сан̇гхзна д̇ижийварзна авиббаваасаа табзд̇ваа г̇ааман̃жа г̇аамуубажааран̃жа, камад̇и сан̇гхасса, д̇асмаа д̇ун̣хий. звамзд̇ам̣ д̇хаараяаамий’’д̇и (махаава. 144).

    ‘‘Suṇātu me, bhante saṅgho, yā sā saṅghena sīmā sammatā samānasaṃvāsā ekūposathā. Saṅgho taṃ sīmaṃ ticīvarena avippavāsaṃ sammannati ṭhapetvā gāmañca gāmūpacārañca. Yassāyasmato khamati etissā sīmāya ticīvarena avippavāsasammuti ṭhapetvā gāmañca gāmūpacārañca, so tuṇhassa. Yassa nakkhamati, so bhāseyya. Sammatā sā sīmā saṅghena ticīvarena avippavāsā ṭhapetvā gāmañca gāmūpacārañca, khamati saṅghassa, tasmā tuṇhī. Evametaṃ dhārayāmī’’ti (mahāva. 144).

    зсаа авиббаваасагаммаваажаа н̃ад̇д̇ид̣̇осаануссааванаад̣̇осз анудтабзд̇ваа судту бхан̣ид̇аб̣б̣аа. зд̇д̇аавад̇аа гаммаваажаасамбад̇д̇исан̇каад̇ам̣ д̇ад̇ияан̇г̇ам̣ суубабаннам̣ ход̇и.

    Esā avippavāsakammavācā ñattidosaanussāvanādose anuṭṭhapetvā suṭṭhu bhaṇitabbā. Ettāvatā kammavācāsampattisaṅkhātaṃ tatiyaṅgaṃ sūpapannaṃ hoti.

    звамаяам̣ сиймаа анд̇о ман̣ивимаанам̣ б̣ахи раж̇ад̇абаригкид̇д̇ам̣ вимаанасаамигад̣̇звабуд̇д̇од̇и имзхи д̇ийхи ан̇г̇зхи самбаннам̣ жанд̣̇аман̣д̣алам̣ вияа, анд̇о ганагавимаанам̣ б̣ахи палигабаригкид̇д̇ам̣ вимаанасаамигад̣̇звабуд̇д̇од̇и имзхи д̇ийхи ан̇г̇зхи самбаннам̣ суурияаман̣д̣алам̣ вияа жа нимид̇д̇асамбад̇д̇ибарисасамбад̇д̇игаммаваажаасамбад̇д̇исан̇каад̇зхи д̇ийхи ан̇г̇зхи самбаннаа худ̇ваа ад̇ивияа собхад̇и вирожад̇и, ж̇инасаасанасса жирадтид̇игааран̣абхууд̇аа худ̇ваа д̇идтад̇ийд̇и д̣̇адтаб̣б̣ам̣. вуд̇д̇ан̃хзд̇ам̣ убосат̇агканд̇хагабаал̣ияам̣ ‘‘сиймам̣, бхигкавз, самманнанд̇зна батамам̣ самаанасам̣ваасагасиймаа самманнид̇аб̣б̣аа’’д̇иаад̣̇и.

    Evamayaṃ sīmā anto maṇivimānaṃ bahi rajataparikkhittaṃ vimānasāmikadevaputtoti imehi tīhi aṅgehi sampannaṃ candamaṇḍalaṃ viya, anto kanakavimānaṃ bahi phalikaparikkhittaṃ vimānasāmikadevaputtoti imehi tīhi aṅgehi sampannaṃ sūriyamaṇḍalaṃ viya ca nimittasampattiparisasampattikammavācāsampattisaṅkhātehi tīhi aṅgehi sampannā hutvā ativiya sobhati virocati, jinasāsanassa ciraṭṭhitikāraṇabhūtā hutvā tiṭṭhatīti daṭṭhabbaṃ. Vuttañhetaṃ uposathakkhandhakapāḷiyaṃ ‘‘sīmaṃ, bhikkhave, sammannantena paṭhamaṃ samānasaṃvāsakasīmā sammannitabbā’’tiādi.

    ‘‘нимид̇д̇зна нимид̇д̇ам̣ самб̣анд̇хид̇ваа’’д̇и зд̇т̇а бана буб̣б̣з вуд̇д̇анаязнзва бурад̇т̇имад̣̇исад̇о бадтааяа бад̣̇агкин̣ам̣ гад̇ваа саб̣б̣анимид̇д̇аани гид̇д̇зд̇ваа уд̇д̇араануд̣̇исам̣ бад̇ваа д̇ад̇т̇зва адтабзд̇ваа буб̣б̣з гид̇д̇ид̇ам̣ бурад̇т̇имад̣̇исааяа нимид̇д̇ам̣ буна гид̇д̇зд̇ваа саммад̇аад̇и ад̇т̇о. звам̣ саммад̇аа аяам̣ сиймаа згаад̣̇асахи вибад̇д̇ийхи муд̇д̇аа, д̇ийхи самбад̇д̇ийхи саманнааг̇ад̇аа худ̇ваа саб̣б̣аагаарасамбаннаа бан̃жавассасахассабаримаан̣агаалам̣ абаримаан̣ам̣ бхигкуунам̣ абалоганаад̣̇ижад̇уб̣б̣ид̇хагаммагаран̣адтаанабхууд̇аа б̣ад̣̇д̇хасиймаа ход̇ийд̇и д̣̇адтаб̣б̣аа.

    ‘‘Nimittena nimittaṃ sambandhitvā’’ti ettha pana pubbe vuttanayeneva puratthimadisato paṭṭhāya padakkhiṇaṃ katvā sabbanimittāni kittetvā uttarānudisaṃ patvā tattheva aṭṭhapetvā pubbe kittitaṃ puratthimadisāya nimittaṃ puna kittetvā sammatāti attho. Evaṃ sammatā ayaṃ sīmā ekādasahi vipattīhi muttā, tīhi sampattīhi samannāgatā hutvā sabbākārasampannā pañcavassasahassaparimāṇakālaṃ aparimāṇaṃ bhikkhūnaṃ apalokanādicatubbidhakammakaraṇaṭṭhānabhūtā baddhasīmā hotīti daṭṭhabbā.

    яад̣̇и бана сакан̣д̣асиймам̣ махаасиймам̣ б̣анд̇хид̇угаамаа, буб̣б̣з вуд̇д̇анаязна судту сод̇хзд̇ваа самууханид̇абораан̣асиймааяа гзвалааяа багад̇иг̇аамасиймааяа ваа висум̣г̇аамасиймааяа ваа б̣анд̇хид̇аб̣б̣аа, д̇аасу жа д̣̇вийсу сиймаасубаб̣б̣аж̇ж̇убасамбад̣̇аад̣̇ийнам̣ сан̇гхагаммаанам̣ сукагаран̣ад̇т̇ам̣ сиймаа батамам̣ б̣анд̇хид̇аб̣б̣аа, д̇ам̣ бана б̣анд̇ханд̇зхи вад̇д̇ам̣ ж̇аанид̇аб̣б̣ам̣. сажз хи б̣од̇хижзд̇ияабхад̇д̇асаалаад̣̇ийни саб̣б̣авад̇т̇ууни бад̇идтаабзд̇ваа гад̇авихаарз б̣анд̇ханд̇и, вихаарамаж̇жхз б̣ахуунам̣ самосаран̣адтаанз аб̣анд̇хид̇ваа вихаарабажжанд̇з вивид̇д̇огаасз б̣анд̇хид̇аб̣б̣аа. агад̇авихаарз б̣анд̇ханд̇зхи б̣од̇хижзд̇ияаад̣̇ийнам̣ саб̣б̣авад̇т̇уунам̣ бад̇идтаанам̣ саллагкзд̇ваа яат̇аа бад̇идтид̇зсу вад̇т̇уусу вихаарабажжанд̇з вивид̇д̇огаасз ход̇и, звам̣ б̣анд̇хид̇аб̣б̣аа. д̇ат̇аа хи вуд̇д̇ам̣ саманд̇абаасаад̣̇игааяам̣ (махаава. адта. 138) ‘‘имам̣ бана самаанасам̣ваасагасиймам̣ самманнанд̇зхий’’д̇иаад̣̇и.

    Yadi pana sakhaṇḍasīmaṃ mahāsīmaṃ bandhitukāmā, pubbe vuttanayena suṭṭhu sodhetvā samūhanitaporāṇasīmāya kevalāya pakatigāmasīmāya vā visuṃgāmasīmāya vā bandhitabbā, tāsu ca dvīsu sīmāsupabbajjupasampadādīnaṃ saṅghakammānaṃ sukhakaraṇatthaṃ sīmā paṭhamaṃ bandhitabbā, taṃ pana bandhantehi vattaṃ jānitabbaṃ. Sace hi bodhicetiyabhattasālādīni sabbavatthūni patiṭṭhāpetvā katavihāre bandhanti, vihāramajjhe bahūnaṃ samosaraṇaṭṭhāne abandhitvā vihārapaccante vivittokāse bandhitabbā. Akatavihāre bandhantehi bodhicetiyādīnaṃ sabbavatthūnaṃ patiṭṭhānaṃ sallakkhetvā yathā patiṭṭhitesu vatthūsu vihārapaccante vivittokāse hoti, evaṃ bandhitabbā. Tathā hi vuttaṃ samantapāsādikāyaṃ (mahāva. aṭṭha. 138) ‘‘imaṃ pana samānasaṃvāsakasīmaṃ sammannantehī’’tiādi.

    гид̇д̇агаббамаан̣аа бана кан̣д̣асиймаа б̣анд̇хид̇аб̣б̣аад̇и? хздтимабарижчзд̣̇зна сажз згавийсад̇и бхигкуу г̇ан̣хаад̇и, ваддад̇и, д̇ад̇о орам̣ на ваддад̇и. барам̣ бхигкусахассам̣ г̇ан̣ханд̇ийби ваддад̇и. вуд̇д̇ан̃хи адтагат̇ааяам̣ (махаава. 138) ‘‘саа хздтимабарижчзд̣̇знаа’’д̇иаад̣̇и. згавийсад̇и бхигкууд̇и жа нисиннз санд̇хааяа вуд̇д̇ам̣, ид̣̇ан̃жа аб̣бхаанагаран̣агаалз гаммаарахабхигкунаа сад̣̇д̇хим̣ вийсад̇иг̇ан̣асса сан̇гхасса нисийд̣̇анаббахонагад̇т̇ам̣ вуд̇д̇ам̣. вуд̇д̇ан̃хи вимад̇ивинод̣̇анияам̣ (ви. ви. дий. махааваг̇г̇а 2.138) ‘‘згавийсад̇и бхигкуу’’д̇иаад̣̇и. д̇ам̣ кан̣д̣асиймам̣ б̣анд̇ханд̇зхи бхигкуухи сиймамаал̣агасса саманд̇аа нимид̇д̇уубаг̇аа баасаан̣аа табзд̇аб̣б̣аа. анд̇окан̣д̣асиймааяамзва тад̇ваа кан̣д̣асиймаа б̣анд̇хид̇аб̣б̣аа. ‘‘зсо баасаан̣о нимид̇д̇а’’нд̇и звам̣ нимид̇д̇аани гид̇д̇зд̇ваа гаммаваажааяа сиймаа б̣анд̇хид̇аб̣б̣аа, д̇ассааязва сиймааяа д̣̇ал̣хийгаммад̇т̇ам̣ авиббаваасагаммаваажаа гаад̇аб̣б̣аа. вуд̇д̇ан̃хи адтагат̇ааяам̣ (махаава. адта. 138) ‘‘д̇ам̣ б̣анд̇ханд̇зхий’’д̇иаад̣̇и. звам̣ кан̣д̣асиймам̣ самманнид̇ваа б̣ахи сийманд̇аригабаасаан̣аа табзд̇аб̣б̣аа. сийманд̇аригаа бажчимагодияаа згарад̇анаббамаан̣аа ваддад̇и, вид̣̇ад̇т̇иббамаан̣ааби жад̇уран̇г̇улаббамаан̣ааби ваддад̇и. сажз бана вихааро махаа ход̇и, д̣̇взби д̇иссоби д̇ад̇уд̇д̇ариби кан̣д̣асиймааяо б̣анд̇хид̇аб̣б̣аа. вуд̇д̇ан̃хи адтагат̇ааяам̣ ‘‘сиймам̣ самманнид̇ваа’’д̇иаад̣̇и.

    Kittakappamāṇā pana khaṇḍasīmā bandhitabbāti? Heṭṭhimaparicchedena sace ekavīsati bhikkhū gaṇhāti, vaṭṭati, tato oraṃ na vaṭṭati. Paraṃ bhikkhusahassaṃ gaṇhantīpi vaṭṭati. Vuttañhi aṭṭhakathāyaṃ (mahāva. 138) ‘‘sā heṭṭhimaparicchedenā’’tiādi. Ekavīsati bhikkhūti ca nisinne sandhāya vuttaṃ, idañca abbhānakaraṇakāle kammārahabhikkhunā saddhiṃ vīsatigaṇassa saṅghassa nisīdanappahonakatthaṃ vuttaṃ. Vuttañhi vimativinodaniyaṃ (vi. vi. ṭī. mahāvagga 2.138) ‘‘ekavīsati bhikkhū’’tiādi. Taṃ khaṇḍasīmaṃ bandhantehi bhikkhūhi sīmamāḷakassa samantā nimittūpagā pāsāṇā ṭhapetabbā. Antokhaṇḍasīmāyameva ṭhatvā khaṇḍasīmā bandhitabbā. ‘‘Eso pāsāṇo nimitta’’nti evaṃ nimittāni kittetvā kammavācāya sīmā bandhitabbā, tassāyeva sīmāya daḷhīkammatthaṃ avippavāsakammavācā kātabbā. Vuttañhi aṭṭhakathāyaṃ (mahāva. aṭṭha. 138) ‘‘taṃ bandhantehī’’tiādi. Evaṃ khaṇḍasīmaṃ sammannitvā bahi sīmantarikapāsāṇā ṭhapetabbā. Sīmantarikā pacchimakoṭiyā ekaratanappamāṇā vaṭṭati, vidatthippamāṇāpi caturaṅgulappamāṇāpi vaṭṭati. Sace pana vihāro mahā hoti, dvepi tissopi tatuttaripi khaṇḍasīmāyo bandhitabbā. Vuttañhi aṭṭhakathāyaṃ ‘‘sīmaṃ sammannitvā’’tiādi.

    звам̣ кан̣д̣асиймам̣ самманнид̇ваа махаасиймаасаммуд̇игаалз кан̣д̣асиймад̇о нигкамид̇ваа махаасиймааяа тад̇ваа саманд̇аа анубарияааяанд̇зхи сийманд̇аригабаасаан̣аа гид̇д̇зд̇аб̣б̣аа, д̇ад̇о авасзсанимид̇д̇аани гид̇д̇зд̇ваа хад̇т̇абаасам̣ авиж̇аханд̇зхи гаммаваажааяа самаанасам̣ваасагасиймам̣ самманнид̇ваа д̇асса д̣̇ал̣хийгаммад̇т̇ам̣ авиббаваасагаммаваажааби гаад̇аб̣б̣аа. д̇ат̇аа хи вуд̇д̇ам̣ адтагат̇ааяам̣ (махаава. адта. 138) ‘‘звам̣ кан̣д̣асиймам̣ самманнид̇ваа’’д̇иаад̣̇и.

    Evaṃ khaṇḍasīmaṃ sammannitvā mahāsīmāsammutikāle khaṇḍasīmato nikkhamitvā mahāsīmāya ṭhatvā samantā anupariyāyantehi sīmantarikapāsāṇā kittetabbā, tato avasesanimittāni kittetvā hatthapāsaṃ avijahantehi kammavācāya samānasaṃvāsakasīmaṃ sammannitvā tassa daḷhīkammatthaṃ avippavāsakammavācāpi kātabbā. Tathā hi vuttaṃ aṭṭhakathāyaṃ (mahāva. aṭṭha. 138) ‘‘evaṃ khaṇḍasīmaṃ sammannitvā’’tiādi.

    ‘‘саманд̇аа анубарияааяанд̇зхи сийманд̇аригабаасаан̣аа гид̇д̇зд̇аб̣б̣аа’’д̇и вуд̇д̇ам̣. гат̇ам̣ гид̇д̇зд̇аб̣б̣аад̇и? д̣̇агкин̣ад̇о анубарияааяанд̇знзва гид̇д̇зд̇аб̣б̣аа. д̇ат̇аа хи кан̣д̣асиймад̇о бажчимааяа д̣̇исааяа бурад̇т̇аабхимукзна тад̇ваа ‘‘бурад̇т̇имааяа д̣̇исааяа гим̣ нимид̇д̇а’’нд̇и д̇ад̇т̇а саб̣б̣аани нимид̇д̇аани ануггамзна гид̇д̇зд̇ваа д̇ат̇аа уд̇д̇арааяа д̣̇исааяа д̣̇агкин̣аабхимукзна тад̇ваа ‘‘д̣̇агкин̣ааяа д̣̇исааяа гим̣ нимид̇д̇а’’нд̇и ануггамзна гид̇д̇зд̇ваа д̇ат̇аа бурад̇т̇имааяа д̣̇исааяа бажчимаабхимукзна тад̇ваа ‘‘бажчимааяа д̣̇исааяа гим̣ нимид̇д̇а’’нд̇и ануггамзна гид̇д̇зд̇ваа д̇ат̇аа д̣̇агкин̣ааяа д̣̇исааяа уд̇д̇араабхимукзна тад̇ваа ‘‘уд̇д̇арааяа д̣̇исааяа гим̣ нимид̇д̇а’’нд̇и д̇ад̇т̇а саб̣б̣аани нимид̇д̇аани ануггамзна гид̇д̇зд̇ваа буна бажчимааяа д̣̇исааяа бурад̇т̇аабхимукзна тад̇ваа буримам̣ гид̇д̇ид̇ам̣ вуд̇д̇анаязнзва буна гид̇д̇зд̇аб̣б̣ам̣. звам̣ б̣ахуунамби кан̣д̣асиймаанам̣ сийманд̇аригабаасаан̣аа бажжзгам̣ гид̇д̇зд̇аб̣б̣аа, д̇ад̇о бажчаа авасзсанимид̇д̇аанийд̇и махаасиймааяа б̣аахираб̣анд̇ханзсу нимид̇д̇аани. звам̣ сийманд̇аригабаасаан̣аа махаасиймааяа анд̇о нимид̇д̇аани хонд̇и д̣̇виннам̣ сиймаанам̣ сан̇гарад̣̇осаабаг̇аманад̇т̇ам̣ сийманд̇аригабаасаан̣аанам̣ табзд̇аб̣б̣ад̇д̇аа. звам̣ саманд̇аа анубарияааяанд̇зна сийманд̇аригабаасаан̣аа гид̇д̇зд̇аб̣б̣аа. д̇ат̇аахи вуд̇д̇ам̣ вимад̇ивинод̣̇анияам̣ (ви. ви. дий. махааваг̇г̇а 2.138) ‘‘сийманд̇аригабаасаан̣аад̇и сийманд̇аригааяа табид̇анимид̇д̇абаасаан̣аа, д̇з бана гид̇д̇знд̇зна бад̣̇агкин̣ад̇о анубарияааяанд̇знзва гид̇д̇зд̇аб̣б̣аа’’д̇иаад̣̇и.

    ‘‘Samantā anupariyāyantehi sīmantarikapāsāṇā kittetabbā’’ti vuttaṃ. Kathaṃ kittetabbāti? Dakkhiṇato anupariyāyanteneva kittetabbā. Tathā hi khaṇḍasīmato pacchimāya disāya puratthābhimukhena ṭhatvā ‘‘puratthimāya disāya kiṃ nimitta’’nti tattha sabbāni nimittāni anukkamena kittetvā tathā uttarāya disāya dakkhiṇābhimukhena ṭhatvā ‘‘dakkhiṇāya disāya kiṃ nimitta’’nti anukkamena kittetvā tathā puratthimāya disāya pacchimābhimukhena ṭhatvā ‘‘pacchimāya disāya kiṃ nimitta’’nti anukkamena kittetvā tathā dakkhiṇāya disāya uttarābhimukhena ṭhatvā ‘‘uttarāya disāya kiṃ nimitta’’nti tattha sabbāni nimittāni anukkamena kittetvā puna pacchimāya disāya puratthābhimukhena ṭhatvā purimaṃ kittitaṃ vuttanayeneva puna kittetabbaṃ. Evaṃ bahūnampi khaṇḍasīmānaṃ sīmantarikapāsāṇā paccekaṃ kittetabbā, tato pacchā avasesanimittānīti mahāsīmāya bāhirabandhanesu nimittāni. Evaṃ sīmantarikapāsāṇā mahāsīmāya anto nimittāni honti dvinnaṃ sīmānaṃ saṅkaradosāpagamanatthaṃ sīmantarikapāsāṇānaṃ ṭhapetabbattā. Evaṃ samantā anupariyāyantena sīmantarikapāsāṇā kittetabbā. Tathāhi vuttaṃ vimativinodaniyaṃ (vi. vi. ṭī. mahāvagga 2.138) ‘‘sīmantarikapāsāṇāti sīmantarikāya ṭhapitanimittapāsāṇā, te pana kittentena padakkhiṇato anupariyāyanteneva kittetabbā’’tiādi.

    гим̣ иминаа ануггамзнзва сиймаа самманнид̇аб̣б̣аа, уд̣̇ааху ан̃н̃знаби ануггамзна самманнид̇аб̣б̣аад̇и? сажз бана кан̣д̣асиймааяа нимид̇д̇аани гид̇д̇зд̇ваа д̇ад̇о сийманд̇аригааяа нимид̇д̇аани гид̇д̇зд̇ваа махаасиймааяа нимид̇д̇аани гид̇д̇знд̇и, звам̣ д̇ийсу таанзсу нимид̇д̇аани гид̇д̇зд̇ваа яам̣ сиймам̣ ижчанд̇и, д̇ам̣ батамам̣ б̣анд̇хид̇ум̣ ваддад̇и. звам̣ санд̇зби яат̇аавуд̇д̇анаязна кан̣д̣асиймад̇ова бадтааяа б̣анд̇хид̇аб̣б̣аа. д̇ат̇аа хи вуд̇д̇ам̣ адтагат̇ааяам̣ (махаава. адта. 138) ‘‘сажз бана кан̣д̣асиймааяа нимид̇д̇ааний’’д̇иаад̣̇и. звам̣ кан̣д̣асиймамахаасиймаб̣анд̇ханзна бхигкуунам̣ го г̇ун̣од̇и жз? звам̣ б̣ад̣̇д̇хаасу бана сиймаасу кан̣д̣асиймааяа тид̇аа бхигкуу махаасиймааяам̣ гаммам̣ гаронд̇аанам̣ бхигкуунам̣ гаммам̣ на гобзнд̇и, махаасиймааяа ваа тид̇аа кан̣д̣асиймааяа гаммам̣ гаронд̇аанам̣, сийманд̇аригааяа бана тид̇аа убхиннамби на гобзнд̇и. г̇аамагкзд̇д̇з тад̇ваа гаммам̣ гаронд̇аанам̣ бана сийманд̇аригааяа тид̇аа гобзнд̇и. сийманд̇аригаа хи г̇аамагкзд̇д̇ам̣ бхаж̇ад̇и. д̇ат̇аа хи вуд̇д̇ам̣ адтагат̇ааяам̣ ‘‘звам̣ б̣ад̣̇д̇хаасу бана сиймаасуу’’д̇иаад̣̇и, звам̣ б̣ад̣̇д̇хасиймавихаарзсу васанд̇аа бхигкуу д̇ижийвараад̇хидтаанзна ад̇хидтид̇зхи д̇ижийварзхи винаа яат̇ааружи васид̇ум̣ лабханд̇и. сажз бана г̇аамо ад̇т̇и, г̇аамаг̇аамуубажаарзсу на лабхад̇ийд̇и д̣̇адтаб̣б̣ам̣.

    Kiṃ iminā anukkameneva sīmā sammannitabbā, udāhu aññenapi anukkamena sammannitabbāti? Sace pana khaṇḍasīmāya nimittāni kittetvā tato sīmantarikāya nimittāni kittetvā mahāsīmāya nimittāni kittenti, evaṃ tīsu ṭhānesu nimittāni kittetvā yaṃ sīmaṃ icchanti, taṃ paṭhamaṃ bandhituṃ vaṭṭati. Evaṃ santepi yathāvuttanayena khaṇḍasīmatova paṭṭhāya bandhitabbā. Tathā hi vuttaṃ aṭṭhakathāyaṃ (mahāva. aṭṭha. 138) ‘‘sace pana khaṇḍasīmāya nimittānī’’tiādi. Evaṃ khaṇḍasīmamahāsīmabandhanena bhikkhūnaṃ ko guṇoti ce? Evaṃ baddhāsu pana sīmāsu khaṇḍasīmāya ṭhitā bhikkhū mahāsīmāyaṃ kammaṃ karontānaṃ bhikkhūnaṃ kammaṃ na kopenti, mahāsīmāya vā ṭhitā khaṇḍasīmāya kammaṃ karontānaṃ, sīmantarikāya pana ṭhitā ubhinnampi na kopenti. Gāmakkhette ṭhatvā kammaṃ karontānaṃ pana sīmantarikāya ṭhitā kopenti. Sīmantarikā hi gāmakkhettaṃ bhajati. Tathā hi vuttaṃ aṭṭhakathāyaṃ ‘‘evaṃ baddhāsu pana sīmāsū’’tiādi, evaṃ baddhasīmavihāresu vasantā bhikkhū ticīvarādhiṭṭhānena adhiṭṭhitehi ticīvarehi vinā yathāruci vasituṃ labhanti. Sace pana gāmo atthi, gāmagāmūpacāresu na labhatīti daṭṭhabbaṃ.

    ид̇и винаяасан̇г̇ахасам̣ван̣н̣анаабхууд̇з винаяаалан̇гаарз

    Iti vinayasaṅgahasaṃvaṇṇanābhūte vinayālaṅkāre

    сиймааб̣анд̇ханавинижчаяагат̇аалан̇гааро.

    Sīmābandhanavinicchayakathālaṅkāro.




    Next: 25. убосат̇абавааран̣аавинижчаяагат̇аа • 25. Uposathapavāraṇāvinicchayakathā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact