Library / Tipiṭaka / д̇ибидага • Tipiṭaka / винаяасан̇г̇аха-адтагат̇аа • Vinayasaṅgaha-aṭṭhakathā

    24. сиймаавинижчаяагат̇аа

    24. Sīmāvinicchayakathā

    156. сиймаад̇и зд̇т̇а (ган̇каа. адта. нид̣̇аанаван̣н̣анаа) сиймаа наамзсаа б̣ад̣̇д̇хасиймаа аб̣ад̣̇д̇хасиймаад̇и д̣̇увид̇хаа ход̇и. д̇ад̇т̇а згаад̣̇аса вибад̇д̇исиймааяо ад̇иггамид̇ваа д̇ивид̇хасамбад̇д̇ияуд̇д̇аа нимид̇д̇зна нимид̇д̇ам̣ б̣анд̇хид̇ваа саммад̇аа сиймаа б̣ад̣̇д̇хасиймаа наама. ад̇икуд̣̇д̣̇агаа, ад̇имахад̇ий, кан̣д̣анимид̇д̇аа, чааяаанимид̇д̇аа, анимид̇д̇аа, б̣ахисиймз тид̇асаммад̇аа, над̣̇ияаа саммад̇аа, самуд̣̇д̣̇з саммад̇аа, ж̇аад̇ассарз саммад̇аа, сиймааяа сиймам̣ самбхинд̣̇анд̇зна саммад̇аа, сиймааяа сиймам̣ аж̇жход̇т̇аранд̇зна саммад̇аад̇и имзхи згаад̣̇асахи аагаарзхи сиймад̇о гаммаани вибаж̇ж̇анд̇ийд̇и важанад̇о зд̇аа вибад̇д̇исиймааяо наама.

    156.Sīmāti ettha (kaṅkhā. aṭṭha. nidānavaṇṇanā) sīmā nāmesā baddhasīmā abaddhasīmāti duvidhā hoti. Tattha ekādasa vipattisīmāyo atikkamitvā tividhasampattiyuttā nimittena nimittaṃ bandhitvā sammatā sīmā baddhasīmā nāma. Atikhuddakā, atimahatī, khaṇḍanimittā, chāyānimittā, animittā, bahisīme ṭhitasammatā, nadiyā sammatā, samudde sammatā, jātassare sammatā, sīmāya sīmaṃ sambhindantena sammatā, sīmāya sīmaṃ ajjhottharantena sammatāti imehi ekādasahi ākārehi sīmato kammāni vipajjantīti vacanato etā vipattisīmāyo nāma.

    д̇ад̇т̇а ад̇икуд̣̇д̣̇агаа наама яад̇т̇а згавийсад̇и бхигкуу нисийд̣̇ид̇ум̣ на саггонд̇и. ад̇имахад̇ий наама яаа гзсаг̇г̇амад̇д̇знаби д̇ияож̇анам̣ ад̇иггамид̇ваа саммад̇аа. кан̣д̣анимид̇д̇аа наама агхадид̇анимид̇д̇аа вужжад̇и. бурад̇т̇имааяа д̣̇исааяа нимид̇д̇ам̣ гид̇д̇зд̇ваа ануггамзна д̣̇агкин̣ааяа д̣̇исааяа бажчимааяа уд̇д̇арааяа д̣̇исааяа гид̇д̇зд̇ваа буна бурад̇т̇имааяа д̣̇исааяа буб̣б̣агид̇д̇ид̇ам̣ бадигид̇д̇зд̇ваа табзд̇ум̣ ваддад̇и, звам̣ акан̣д̣анимид̇д̇аа ход̇и. сажз бана ануггамзна аахарид̇ваа уд̇д̇арааяа д̣̇исааяа нимид̇д̇ам̣ гид̇д̇зд̇ваа д̇ад̇т̇зва табзд̇и, кан̣д̣анимид̇д̇аа ход̇и. абарааби кан̣д̣анимид̇д̇аа наама яаа анимид̇д̇убаг̇ам̣ д̇ажасаараругкам̣ ваа каан̣угам̣ ваа бам̣субун̃ж̇ам̣ ваа ваалугабун̃ж̇ам̣ ваа ан̃н̃ад̇арам̣ анд̇араа зганимид̇д̇ам̣ гад̇ваа саммад̇аа. чааяаанимид̇д̇аа наама баб̣б̣ад̇ачааяаад̣̇ийнам̣ яам̣ гин̃жи чааяам̣ нимид̇д̇ам̣ гад̇ваа саммад̇аа. анимид̇д̇аа наама саб̣б̣зна саб̣б̣ам̣ нимид̇д̇аани агид̇д̇зд̇ваа саммад̇аа. б̣ахисиймз тид̇асаммад̇аа наама нимид̇д̇аани гид̇д̇зд̇ваа нимид̇д̇аанам̣ б̣ахи тид̇зна саммад̇аа. над̣̇ияаа, самуд̣̇д̣̇з, ж̇аад̇ассарз саммад̇аа наама зд̇зсу над̣̇иаад̣̇ийсу саммад̇аа. саа хи звам̣ саммад̇ааби ‘‘саб̣б̣аа, бхигкавз, над̣̇ий асиймаа, саб̣б̣о самуд̣̇д̣̇о асиймо, саб̣б̣о ж̇аад̇ассаро асиймо’’д̇и (махаава. 147) важанад̇о асаммад̇аава ход̇и. сиймааяа сиймам̣ самбхинд̣̇анд̇зна саммад̇аа (махаава. адта. 148) наама ад̇д̇ано сиймааяа барзсам̣ сиймам̣ самбхинд̣̇анд̇зна саммад̇аа. сажз хи бораан̣агасса вихаарасса бурад̇т̇имааяа д̣̇исааяа амб̣о жзва ж̇амб̣у жаад̇и д̣̇вз ругкаа ан̃н̃аман̃н̃ам̣ сам̣садтавидабаа хонд̇и, д̇зсу амб̣асса бажчимад̣̇исаабхааг̇з ж̇амб̣у, вихаарасиймаа жа ж̇амб̣ум̣ анд̇огад̇ваа амб̣ам̣ гид̇д̇зд̇ваа б̣ад̣̇д̇хаа ход̇и. ат̇а бажчаа д̇асса вихаарасса бурад̇т̇имааяа д̣̇исааяа вихаарз гад̇з сиймам̣ б̣анд̇ханд̇аа бхигкуу д̇ам̣ амб̣ам̣ анд̇огад̇ваа ж̇амб̣ум̣ гид̇д̇зд̇ваа б̣анд̇ханд̇и , сиймааяа сиймам̣ самбхиннаа ход̇и. д̇асмаа сажз батамад̇арам̣ гад̇асса вихаарасса сиймаа асаммад̇аа ход̇и, сиймааяа убажааро табзд̇аб̣б̣о. сажз саммад̇аа ход̇и, бажчимагодияаа хад̇т̇амад̇д̇аа сийманд̇аригаа табзд̇аб̣б̣аа. гурунд̣̇ияам̣ ‘‘вид̣̇ад̇т̇имад̇д̇амби’’, махаабажжарияам̣ ‘‘жад̇уран̇г̇уламад̇д̇амби ваддад̇ий’’д̇и вуд̇д̇ам̣. згаругкоби жа д̣̇виннам̣ сиймаанам̣ нимид̇д̇ам̣ ход̇и. со бана вад̣дханд̇о сиймасан̇гарам̣ гарод̇и, д̇асмаа на гаад̇аб̣б̣о. сиймааяа сиймам̣ аж̇жход̇т̇аранд̇зна саммад̇аа наама ад̇д̇ано сиймааяа барзсам̣ сиймам̣ аж̇жход̇т̇аранд̇зна саммад̇аа. сажз хи барзсам̣ б̣ад̣̇д̇хасиймам̣ сагалам̣ ваа д̇ассаа бад̣̇зсам̣ ваа анд̇огад̇ваа ад̇д̇ано сиймам̣ самманнанд̇и, сиймааяа сиймам̣ аж̇жход̇т̇арид̇аа наама ход̇и. бхигкунийнам̣ бана сиймам̣ аж̇жход̇т̇арид̇ваа анд̇оби бхигкуунам̣ сиймам̣ самманнид̇ум̣ ваддад̇и. бхигкунийнамби бхигкуунам̣ сиймааяа зсзва наяо. на хи д̇з ан̃н̃аман̃н̃асса гаммз г̇ан̣абуурагаа хонд̇и, на гаммаваажам̣ ваг̇г̇ам̣ гаронд̇и. ид̇и имаа згаад̣̇аса вибад̇д̇исиймааяо ад̇иггамид̇ваа сиймаа самманнид̇аб̣б̣аа.

    Tattha atikhuddakā nāma yattha ekavīsati bhikkhū nisīdituṃ na sakkonti. Atimahatī nāma yā kesaggamattenapi tiyojanaṃ atikkamitvā sammatā. Khaṇḍanimittā nāma aghaṭitanimittā vuccati. Puratthimāya disāya nimittaṃ kittetvā anukkamena dakkhiṇāya disāya pacchimāya uttarāya disāya kittetvā puna puratthimāya disāya pubbakittitaṃ paṭikittetvā ṭhapetuṃ vaṭṭati, evaṃ akhaṇḍanimittā hoti. Sace pana anukkamena āharitvā uttarāya disāya nimittaṃ kittetvā tattheva ṭhapeti, khaṇḍanimittā hoti. Aparāpi khaṇḍanimittā nāma yā animittupagaṃ tacasārarukkhaṃ vā khāṇukaṃ vā paṃsupuñjaṃ vā vālukapuñjaṃ vā aññataraṃ antarā ekanimittaṃ katvā sammatā. Chāyānimittā nāma pabbatachāyādīnaṃ yaṃ kiñci chāyaṃ nimittaṃ katvā sammatā. Animittā nāma sabbena sabbaṃ nimittāni akittetvā sammatā. Bahisīme ṭhitasammatā nāma nimittāni kittetvā nimittānaṃ bahi ṭhitena sammatā. Nadiyā, samudde, jātassare sammatā nāma etesu nadiādīsu sammatā. Sā hi evaṃ sammatāpi ‘‘sabbā, bhikkhave, nadī asīmā, sabbo samuddo asīmo, sabbo jātassaro asīmo’’ti (mahāva. 147) vacanato asammatāva hoti. Sīmāya sīmaṃ sambhindantena sammatā (mahāva. aṭṭha. 148) nāma attano sīmāya paresaṃ sīmaṃ sambhindantena sammatā. Sace hi porāṇakassa vihārassa puratthimāya disāya ambo ceva jambu cāti dve rukkhā aññamaññaṃ saṃsaṭṭhaviṭapā honti, tesu ambassa pacchimadisābhāge jambu, vihārasīmā ca jambuṃ antokatvā ambaṃ kittetvā baddhā hoti. Atha pacchā tassa vihārassa puratthimāya disāya vihāre kate sīmaṃ bandhantā bhikkhū taṃ ambaṃ antokatvā jambuṃ kittetvā bandhanti , sīmāya sīmaṃ sambhinnā hoti. Tasmā sace paṭhamataraṃ katassa vihārassa sīmā asammatā hoti, sīmāya upacāro ṭhapetabbo. Sace sammatā hoti, pacchimakoṭiyā hatthamattā sīmantarikā ṭhapetabbā. Kurundiyaṃ ‘‘vidatthimattampi’’, mahāpaccariyaṃ ‘‘caturaṅgulamattampi vaṭṭatī’’ti vuttaṃ. Ekarukkhopi ca dvinnaṃ sīmānaṃ nimittaṃ hoti. So pana vaḍḍhanto sīmasaṅkaraṃ karoti, tasmā na kātabbo. Sīmāya sīmaṃ ajjhottharantena sammatā nāma attano sīmāya paresaṃ sīmaṃ ajjhottharantena sammatā. Sace hi paresaṃ baddhasīmaṃ sakalaṃ vā tassā padesaṃ vā antokatvā attano sīmaṃ sammannanti, sīmāya sīmaṃ ajjhottharitā nāma hoti. Bhikkhunīnaṃ pana sīmaṃ ajjhottharitvā antopi bhikkhūnaṃ sīmaṃ sammannituṃ vaṭṭati. Bhikkhunīnampi bhikkhūnaṃ sīmāya eseva nayo. Na hi te aññamaññassa kamme gaṇapūrakā honti, na kammavācaṃ vaggaṃ karonti. Iti imā ekādasa vipattisīmāyo atikkamitvā sīmā sammannitabbā.

    157. д̇ивид̇хасамбад̇д̇ияуд̇д̇аа наама нимид̇д̇асамбад̇д̇ияаа барисасамбад̇д̇ияаа гаммаваажаасамбад̇д̇ияаа жа яуд̇д̇аа. д̇ад̇т̇а нимид̇д̇асамбад̇д̇ияаа яуд̇д̇аа наама баб̣б̣ад̇анимид̇д̇ам̣ баасаан̣анимид̇д̇ам̣ вананимид̇д̇ам̣ ругканимид̇д̇ам̣ маг̇г̇анимид̇д̇ам̣ ваммиганимид̇д̇ам̣ над̣̇ийнимид̇д̇ам̣ уд̣̇аганимид̇д̇анд̇и звам̣ вуд̇д̇зсу адтасу нимид̇д̇зсу д̇асмим̣ д̇асмим̣ д̣̇исаабхааг̇з яат̇аалад̣̇д̇хаани нимид̇д̇убаг̇аани нимид̇д̇аани ‘‘бурад̇т̇имааяа д̣̇исааяа гим̣ нимид̇д̇ам̣. баб̣б̣ад̇о, бханд̇з. зсо баб̣б̣ад̇о нимид̇д̇а’’нд̇иаад̣̇инаа наязна саммаа гид̇д̇зд̇ваа саммад̇аа.

    157.Tividhasampattiyuttā nāma nimittasampattiyā parisasampattiyā kammavācāsampattiyā ca yuttā. Tattha nimittasampattiyā yuttā nāma pabbatanimittaṃ pāsāṇanimittaṃ vananimittaṃ rukkhanimittaṃ magganimittaṃ vammikanimittaṃ nadīnimittaṃ udakanimittanti evaṃ vuttesu aṭṭhasu nimittesu tasmiṃ tasmiṃ disābhāge yathāladdhāni nimittupagāni nimittāni ‘‘puratthimāya disāya kiṃ nimittaṃ. Pabbato, bhante. Eso pabbato nimitta’’ntiādinā nayena sammā kittetvā sammatā.

    д̇ад̇рааяам̣ винижчаяо (махаава. адта. 138) – винаяад̇харзна бужчид̇аб̣б̣ам̣ ‘‘бурад̇т̇имааяа д̣̇исааяа гим̣ нимид̇д̇а’’нд̇и? ‘‘баб̣б̣ад̇о, бханд̇з’’д̇и. ид̣̇ам̣ бана убасамбанно ваа аажигкад̇у анубасамбанно ваа, ваддад̇иязва. буна винаяад̇харзна ‘‘зсо баб̣б̣ад̇о нимид̇д̇а’’нд̇и звам̣ нимид̇д̇ам̣ гид̇д̇зд̇аб̣б̣ам̣, ‘‘зд̇ам̣ баб̣б̣ад̇ам̣ нимид̇д̇ам̣ гарома, гариссаама, нимид̇д̇ам̣ гад̇о, нимид̇д̇ам̣ ход̇у, ход̇и, бхависсад̇ий’’д̇и звам̣ бана гид̇д̇зд̇ум̣ на ваддад̇и. баасаан̣аад̣̇ийсуби зсзва наяо. бурад̇т̇имааяа д̣̇исааяа, бурад̇т̇имааяа ануд̣̇исааяа, д̣̇агкин̣ааяа д̣̇исааяа, д̣̇агкин̣ааяа ануд̣̇исааяа, бажчимааяа д̣̇исааяа, бажчимааяа ануд̣̇исааяа, уд̇д̇арааяа д̣̇исааяа, уд̇д̇арааяа ануд̣̇исааяа гим̣ нимид̇д̇ам̣? уд̣̇агам̣, бханд̇з. зд̇ам̣ уд̣̇агам̣ нимид̇д̇анд̇и гид̇д̇зд̇аб̣б̣ам̣. зд̇т̇а бана адтабзд̇ваа буна ‘‘бурад̇т̇имааяа д̣̇исааяа гим̣ нимид̇д̇ам̣? баб̣б̣ад̇о, бханд̇з. зсо баб̣б̣ад̇о нимид̇д̇а’’нд̇и звам̣ батамам̣ гид̇д̇ид̇анимид̇д̇ам̣ гид̇д̇зд̇ваава табзд̇аб̣б̣ам̣. зван̃хи нимид̇д̇зна нимид̇д̇ам̣ гхадид̇ам̣ ход̇и, нимид̇д̇аани сагим̣ гид̇д̇ид̇ааниби гид̇д̇ид̇аанзва хонд̇и. анд̇хагадтагат̇ааяам̣ бана ‘‘д̇игкад̇д̇ум̣ сиймаман̣д̣алам̣ б̣анд̇ханд̇зна нимид̇д̇ам̣ гид̇д̇зд̇аб̣б̣а’’нд̇и вуд̇д̇ам̣.

    Tatrāyaṃ vinicchayo (mahāva. aṭṭha. 138) – vinayadharena pucchitabbaṃ ‘‘puratthimāya disāya kiṃ nimitta’’nti? ‘‘Pabbato, bhante’’ti. Idaṃ pana upasampanno vā ācikkhatu anupasampanno vā, vaṭṭatiyeva. Puna vinayadharena ‘‘eso pabbato nimitta’’nti evaṃ nimittaṃ kittetabbaṃ, ‘‘etaṃ pabbataṃ nimittaṃ karoma, karissāma, nimittaṃ kato, nimittaṃ hotu, hoti, bhavissatī’’ti evaṃ pana kittetuṃ na vaṭṭati. Pāsāṇādīsupi eseva nayo. Puratthimāya disāya, puratthimāya anudisāya, dakkhiṇāya disāya, dakkhiṇāya anudisāya, pacchimāya disāya, pacchimāya anudisāya, uttarāya disāya, uttarāya anudisāya kiṃ nimittaṃ? Udakaṃ, bhante. Etaṃ udakaṃ nimittanti kittetabbaṃ. Ettha pana aṭṭhapetvā puna ‘‘puratthimāya disāya kiṃ nimittaṃ? Pabbato, bhante. Eso pabbato nimitta’’nti evaṃ paṭhamaṃ kittitanimittaṃ kittetvāva ṭhapetabbaṃ. Evañhi nimittena nimittaṃ ghaṭitaṃ hoti, nimittāni sakiṃ kittitānipi kittitāneva honti. Andhakaṭṭhakathāyaṃ pana ‘‘tikkhattuṃ sīmamaṇḍalaṃ bandhantena nimittaṃ kittetabba’’nti vuttaṃ.

    158. ид̣̇аани нимид̇д̇убаг̇аани баб̣б̣ад̇аад̣̇ийни взд̣̇ид̇аб̣б̣аани – д̇ивид̇хо баб̣б̣ад̇о суд̣̇д̇хабам̣субаб̣б̣ад̇о суд̣̇д̇хабаасаан̣абаб̣б̣ад̇о убхаяамиссагод̇и. со д̇ивид̇хоби ваддад̇и, ваалигарааси бана на ваддад̇и. ид̇ароби хад̇т̇иббамаан̣ад̇о омагад̇аро на ваддад̇и, хад̇т̇иббамаан̣ад̇о бадтааяа синзруббамаан̣оби ваддад̇и. сажз жад̇уусу д̣̇исаасу жад̇д̇ааро д̇ийсу ваа д̇аяо баб̣б̣ад̇аа хонд̇и , жад̇уухи ваа д̇ийхи ваа баб̣б̣ад̇анимид̇д̇зхи самманнид̇умби ваддад̇и, д̣̇вийхи бана нимид̇д̇зхи згзна ваа самманнид̇ум̣ на ваддад̇и. ид̇о барзсу баасаан̣анимид̇д̇аад̣̇ийсуби зсзва наяо. д̇асмаа баб̣б̣ад̇анимид̇д̇ам̣ гаронд̇зна бужчид̇аб̣б̣ам̣ ‘‘згааб̣ад̣̇д̇хо, на згааб̣ад̣̇д̇хо’’д̇и. сажз згааб̣ад̣̇д̇хо ход̇и, на гаад̇аб̣б̣о. д̇ан̃хи жад̇уусу ваа адтасу ваа д̣̇исаасу гид̇д̇знд̇знаби згамзва нимид̇д̇ам̣ гид̇д̇ид̇ам̣ ход̇и, д̇асмаа яо звам̣ жаггасан̣таанзна вихаарамби баригкибид̇ваа тид̇о баб̣б̣ад̇о, д̇ам̣ згад̣̇исааяа гид̇д̇зд̇ваа ан̃н̃аасу д̣̇исаасу д̇ам̣ б̣ахид̣̇д̇хаа гад̇ваа анд̇о ан̃н̃аани нимид̇д̇аани гид̇д̇зд̇аб̣б̣аани. сажз баб̣б̣ад̇асса д̇ад̇ияабхааг̇ам̣ ваа убад̣дхам̣ ваа анд̇осиймааяа гад̇д̇угаамаа хонд̇и, баб̣б̣ад̇ам̣ агид̇д̇зд̇ваа яад̇д̇агам̣ бад̣̇зсам̣ анд̇о гад̇д̇угаамаа, д̇асса барад̇о д̇асмим̣язва баб̣б̣ад̇з ж̇аад̇аругкаваммигаад̣̇ийсу ан̃н̃ад̇арам̣ нимид̇д̇ам̣ гид̇д̇зд̇аб̣б̣ам̣. сажз згаяож̇анад̣̇вияож̇анаббамаан̣ам̣ саб̣б̣ам̣ баб̣б̣ад̇ам̣ анд̇о гад̇д̇угаамаа хонд̇и, баб̣б̣ад̇асса барад̇о бхуумияам̣ ж̇аад̇аругкаваммигаад̣̇ийни нимид̇д̇аани гид̇д̇зд̇аб̣б̣аани.

    158. Idāni nimittupagāni pabbatādīni veditabbāni – tividho pabbato suddhapaṃsupabbato suddhapāsāṇapabbato ubhayamissakoti. So tividhopi vaṭṭati, vālikarāsi pana na vaṭṭati. Itaropi hatthippamāṇato omakataro na vaṭṭati, hatthippamāṇato paṭṭhāya sineruppamāṇopi vaṭṭati. Sace catūsu disāsu cattāro tīsu vā tayo pabbatā honti , catūhi vā tīhi vā pabbatanimittehi sammannitumpi vaṭṭati, dvīhi pana nimittehi ekena vā sammannituṃ na vaṭṭati. Ito paresu pāsāṇanimittādīsupi eseva nayo. Tasmā pabbatanimittaṃ karontena pucchitabbaṃ ‘‘ekābaddho, na ekābaddho’’ti. Sace ekābaddho hoti, na kātabbo. Tañhi catūsu vā aṭṭhasu vā disāsu kittentenapi ekameva nimittaṃ kittitaṃ hoti, tasmā yo evaṃ cakkasaṇṭhānena vihārampi parikkhipitvā ṭhito pabbato, taṃ ekadisāya kittetvā aññāsu disāsu taṃ bahiddhā katvā anto aññāni nimittāni kittetabbāni. Sace pabbatassa tatiyabhāgaṃ vā upaḍḍhaṃ vā antosīmāya kattukāmā honti, pabbataṃ akittetvā yattakaṃ padesaṃ anto kattukāmā, tassa parato tasmiṃyeva pabbate jātarukkhavammikādīsu aññataraṃ nimittaṃ kittetabbaṃ. Sace ekayojanadviyojanappamāṇaṃ sabbaṃ pabbataṃ anto kattukāmā honti, pabbatassa parato bhūmiyaṃ jātarukkhavammikādīni nimittāni kittetabbāni.

    баасаан̣анимид̇д̇з аяаг̇ул̣оби баасаан̣асан̇кяамзва г̇ажчад̇и, д̇асмаа яо гожи баасаан̣о ваддад̇и. бамаан̣ад̇о бана хад̇т̇иббамаан̣о баб̣б̣ад̇асан̇кяам̣ г̇ад̇о, д̇асмаа со на ваддад̇и, махааг̇он̣амахаамахим̣саббамаан̣о бана ваддад̇и. хздтимабарижчзд̣̇зна д̣̇вад̇д̇им̣сабалаг̇ул̣абин̣д̣аббамаан̣о ваддад̇и, д̇ад̇о куд̣̇д̣̇агад̇аро идтагаа ваа маханд̇ийби на ваддад̇и, анимид̇д̇убаг̇абаасаан̣аанам̣ раасиби на ваддад̇и, баг̇зва бам̣суваалугарааси. бхуумисамо каламан̣д̣аласад̣̇исо бидтибаасаан̣о ваа бхуумид̇о каан̣уго вияа удтид̇абаасаан̣о ваа ход̇и, соби бамаан̣убаг̇о жз, ваддад̇и. бидтибаасаан̣о ад̇имаханд̇оби баасаан̣асан̇кяамзва г̇ажчад̇и, д̇асмаа сажз махад̇о бидтибаасаан̣асса згаббад̣̇зсам̣ анд̇осиймааяа гад̇д̇угаамаа хонд̇и, д̇ам̣ агид̇д̇зд̇ваа д̇ассубари ан̃н̃о баасаан̣о гид̇д̇зд̇аб̣б̣о. сажз бидтибаасаан̣убари вихаарам̣ гаронд̇и, вихаарамаж̇жхзна ваа бидтибаасаан̣о винивиж̇жхид̇ваа г̇ажчад̇и, зваруубо бидтибаасаан̣о на ваддад̇и. сажз хи д̇ам̣ гид̇д̇знд̇и, нимид̇д̇асса убари вихааро ход̇и, нимид̇д̇ан̃жа наама б̣ахисиймааяа ход̇и, вихаароби б̣ахисиймааяам̣ аабаж̇ж̇ад̇и. вихаарам̣ баригкибид̇ваа тид̇абидтибаасаан̣о згад̇т̇а гид̇д̇зд̇ваа ан̃н̃ад̇т̇а на гид̇д̇зд̇аб̣б̣о.

    Pāsāṇanimitte ayaguḷopi pāsāṇasaṅkhyameva gacchati, tasmā yo koci pāsāṇo vaṭṭati. Pamāṇato pana hatthippamāṇo pabbatasaṅkhyaṃ gato, tasmā so na vaṭṭati, mahāgoṇamahāmahiṃsappamāṇo pana vaṭṭati. Heṭṭhimaparicchedena dvattiṃsapalaguḷapiṇḍappamāṇo vaṭṭati, tato khuddakataro iṭṭhakā vā mahantīpi na vaṭṭati, animittupagapāsāṇānaṃ rāsipi na vaṭṭati, pageva paṃsuvālukarāsi. Bhūmisamo khalamaṇḍalasadiso piṭṭhipāsāṇo vā bhūmito khāṇuko viya uṭṭhitapāsāṇo vā hoti, sopi pamāṇupago ce, vaṭṭati. Piṭṭhipāsāṇo atimahantopi pāsāṇasaṅkhyameva gacchati, tasmā sace mahato piṭṭhipāsāṇassa ekappadesaṃ antosīmāya kattukāmā honti, taṃ akittetvā tassupari añño pāsāṇo kittetabbo. Sace piṭṭhipāsāṇupari vihāraṃ karonti, vihāramajjhena vā piṭṭhipāsāṇo vinivijjhitvā gacchati, evarūpo piṭṭhipāsāṇo na vaṭṭati. Sace hi taṃ kittenti, nimittassa upari vihāro hoti, nimittañca nāma bahisīmāya hoti, vihāropi bahisīmāyaṃ āpajjati. Vihāraṃ parikkhipitvā ṭhitapiṭṭhipāsāṇo ekattha kittetvā aññattha na kittetabbo.

    вананимид̇д̇з д̇ин̣аванам̣ ваа д̇ажасаарад̇ааланаал̣игзраад̣̇иругкаванам̣ ваа на ваддад̇и, анд̇осаараанам̣ бана саагасаалаад̣̇ийнам̣ анд̇осаарамиссагаанам̣ ваа ругкаанам̣ ванам̣ ваддад̇и, д̇ан̃жа ко хздтимабарижчзд̣̇зна жад̇убан̃жаругкамад̇д̇амби, д̇ад̇о орам̣ на ваддад̇и, барам̣ яож̇анасад̇игамби ваддад̇и. сажз бана ванамаж̇жхз вихаарам̣ гаронд̇и, ванам̣ на гид̇д̇зд̇аб̣б̣ам̣. згад̣̇зсам̣ анд̇осиймааяа гаад̇угаамзхиби ванам̣ агид̇д̇зд̇ваа д̇ад̇т̇а ругкабаасаан̣аад̣̇аяо гид̇д̇зд̇аб̣б̣аа. вихаарам̣ баригкибид̇ваа тид̇аванам̣ згад̇т̇а гид̇д̇зд̇ваа ан̃н̃ад̇т̇а на гид̇д̇зд̇аб̣б̣ам̣.

    Vananimitte tiṇavanaṃ vā tacasāratālanāḷikerādirukkhavanaṃ vā na vaṭṭati, antosārānaṃ pana sākasālādīnaṃ antosāramissakānaṃ vā rukkhānaṃ vanaṃ vaṭṭati, tañca kho heṭṭhimaparicchedena catupañcarukkhamattampi, tato oraṃ na vaṭṭati, paraṃ yojanasatikampi vaṭṭati. Sace pana vanamajjhe vihāraṃ karonti, vanaṃ na kittetabbaṃ. Ekadesaṃ antosīmāya kātukāmehipi vanaṃ akittetvā tattha rukkhapāsāṇādayo kittetabbā. Vihāraṃ parikkhipitvā ṭhitavanaṃ ekattha kittetvā aññattha na kittetabbaṃ.

    ругканимид̇д̇з д̇ажасааро д̇ааланаал̣игзраад̣̇иругко на ваддад̇и, анд̇осааро ж̇ийвамаанаго анд̇амасо уб̣б̣зд̇хад̇о адтан̇г̇уло барин̣аахад̇о суужид̣̇ан̣д̣агаббамаан̣оби ваддад̇и. д̇ад̇о орам̣ на ваддад̇и, барам̣ д̣̇ваад̣̇асаяож̇ано суббад̇идтид̇аниг̇род̇хоби ваддад̇и. вам̣санал̣агасарааваад̣̇ийсу б̣ийж̇ам̣ робзд̇ваа вад̣дхаабид̇о бамаан̣убаг̇оби на ваддад̇и, д̇ад̇о абанзд̇ваа бана д̇ам̣ кан̣амби бхуумияам̣ робзд̇ваа годтагам̣ гад̇ваа уд̣̇агам̣ аасин̃жид̇ваа гид̇д̇зд̇ум̣ ваддад̇и. навамууласаакааниг̇г̇аманам̣ агааран̣ам̣, канд̇хам̣ чинд̣̇ид̇ваа робид̇з бана зд̇ам̣ яуж̇ж̇ад̇и. гид̇д̇знд̇зна жа ‘‘ругко’’д̇иби вад̇д̇ум̣ ваддад̇и ‘‘саагаругко’’д̇иби ‘‘сааларугко’’д̇иби. згааб̣ад̣̇д̇хам̣ бана суббад̇идтид̇аниг̇род̇хасад̣̇исам̣ згад̇т̇а гид̇д̇зд̇ваа ан̃н̃ад̇т̇а гид̇д̇зд̇ум̣ на ваддад̇и.

    Rukkhanimitte tacasāro tālanāḷikerādirukkho na vaṭṭati, antosāro jīvamānako antamaso ubbedhato aṭṭhaṅgulo pariṇāhato sūcidaṇḍakappamāṇopi vaṭṭati. Tato oraṃ na vaṭṭati, paraṃ dvādasayojano suppatiṭṭhitanigrodhopi vaṭṭati. Vaṃsanaḷakasarāvādīsu bījaṃ ropetvā vaḍḍhāpito pamāṇupagopi na vaṭṭati, tato apanetvā pana taṃ khaṇampi bhūmiyaṃ ropetvā koṭṭhakaṃ katvā udakaṃ āsiñcitvā kittetuṃ vaṭṭati. Navamūlasākhāniggamanaṃ akāraṇaṃ, khandhaṃ chinditvā ropite pana etaṃ yujjati. Kittentena ca ‘‘rukkho’’tipi vattuṃ vaṭṭati ‘‘sākarukkho’’tipi ‘‘sālarukkho’’tipi. Ekābaddhaṃ pana suppatiṭṭhitanigrodhasadisaṃ ekattha kittetvā aññattha kittetuṃ na vaṭṭati.

    маг̇г̇анимид̇д̇з аран̃н̃акзд̇д̇анад̣̇ийд̇ал̣аагамаг̇г̇аад̣̇аяо на вадданд̇и, ж̇ан̇гхамаг̇г̇о ваа сагадамаг̇г̇о ваа ваддад̇и. яо ниб̣б̣иж̇жхид̇ваа д̣̇вз д̇ийн̣и г̇ааманд̇араани г̇ажчад̇и, яо бана ж̇ан̇гхамаг̇г̇асагадамаг̇г̇ад̇о оггамид̇ваа буна сагадамаг̇г̇амзва од̇арад̇и, яз ваа ж̇ан̇гхамаг̇г̇асагадамаг̇г̇аа авал̣ан̃ж̇аа, д̇з на вадданд̇и, ж̇ан̇гхасад̇т̇асагадасад̇т̇зхи вал̣ан̃ж̇ияамаанааязва вадданд̇и. сажз д̣̇вз маг̇г̇аа нигкамид̇ваа бажчаа сагадад̇хурамива згийбхаванд̇и, д̣̇взд̇хаа бхиннадтаанз ваа самб̣анд̇хадтаанз ваа сагим̣ гид̇д̇зд̇ваа буна на гид̇д̇зд̇аб̣б̣аа. згааб̣ад̣̇д̇ханимид̇д̇ан̃хзд̇ам̣ ход̇и. сажз вихаарам̣ баригкибид̇ваа жад̇д̇ааро маг̇г̇аа жад̇уусу д̣̇исаасу г̇ажчанд̇и, маж̇жхз згам̣ гид̇д̇зд̇ваа абарам̣ гид̇д̇зд̇ум̣ на ваддад̇и. згааб̣ад̣̇д̇ханимид̇д̇ан̃хзд̇ам̣. гон̣ам̣ ниб̣б̣иж̇жхид̇ваа г̇ад̇ам̣ бана барабхааг̇з гид̇д̇зд̇ум̣ ваддад̇и. вихаарамаж̇жхзна ниб̣б̣иж̇жхид̇ваа г̇ад̇амаг̇г̇о бана на гид̇д̇зд̇аб̣б̣о, гид̇д̇ид̇з нимид̇д̇асса убари вихааро ход̇и. сажз сагадамаг̇г̇асса анд̇имажаггамаг̇г̇ам̣ нимид̇д̇ам̣ гаронд̇и, маг̇г̇о б̣ахисиймааяа ход̇и, сажз б̣аахиражаггамаг̇г̇ам̣ нимид̇д̇ам̣ гаронд̇и, б̣аахиражаггамаг̇г̇о б̣ахисиймааяа ход̇и , сзсам̣ анд̇осиймам̣ бхаж̇ад̇и. маг̇г̇ам̣ гид̇д̇знд̇зна ‘‘маг̇г̇о бант̇о бат̇о баж̇ж̇о’’д̇иаад̣̇ийсу д̣̇асасу язна гзнажи наамзна жа гид̇д̇зд̇ум̣ ваддад̇и, барикаасан̣таанзна вихаарам̣ баригкибид̇ваа г̇ад̇амаг̇г̇о згад̇т̇а гид̇д̇зд̇ваа ан̃н̃ад̇т̇а гид̇д̇зд̇ум̣ на ваддад̇и.

    Magganimitte araññakhettanadītaḷākamaggādayo na vaṭṭanti, jaṅghamaggo vā sakaṭamaggo vā vaṭṭati. Yo nibbijjhitvā dve tīṇi gāmantarāni gacchati, yo pana jaṅghamaggasakaṭamaggato okkamitvā puna sakaṭamaggameva otarati, ye vā jaṅghamaggasakaṭamaggā avaḷañjā, te na vaṭṭanti, jaṅghasatthasakaṭasatthehi vaḷañjiyamānāyeva vaṭṭanti. Sace dve maggā nikkhamitvā pacchā sakaṭadhuramiva ekībhavanti, dvedhā bhinnaṭṭhāne vā sambandhaṭṭhāne vā sakiṃ kittetvā puna na kittetabbā. Ekābaddhanimittañhetaṃ hoti. Sace vihāraṃ parikkhipitvā cattāro maggā catūsu disāsu gacchanti, majjhe ekaṃ kittetvā aparaṃ kittetuṃ na vaṭṭati. Ekābaddhanimittañhetaṃ. Koṇaṃ nibbijjhitvā gataṃ pana parabhāge kittetuṃ vaṭṭati. Vihāramajjhena nibbijjhitvā gatamaggo pana na kittetabbo, kittite nimittassa upari vihāro hoti. Sace sakaṭamaggassa antimacakkamaggaṃ nimittaṃ karonti, maggo bahisīmāya hoti, sace bāhiracakkamaggaṃ nimittaṃ karonti, bāhiracakkamaggo bahisīmāya hoti , sesaṃ antosīmaṃ bhajati. Maggaṃ kittentena ‘‘maggo pantho patho pajjo’’tiādīsu dasasu yena kenaci nāmena ca kittetuṃ vaṭṭati, parikhāsaṇṭhānena vihāraṃ parikkhipitvā gatamaggo ekattha kittetvā aññattha kittetuṃ na vaṭṭati.

    ваммиганимид̇д̇з хздтимабарижчзд̣̇зна д̇ам̣ д̣̇ивасам̣ ж̇аад̇о адтан̇г̇улуб̣б̣зд̇хо г̇овисаан̣аббамаан̣оби ваммиго ваддад̇и, д̇ад̇о орам̣ на ваддад̇и. барам̣ химаванд̇абаб̣б̣ад̇асад̣̇исоби ваддад̇и, вихаарам̣ баригкибид̇ваа тид̇ам̣ бана згааб̣ад̣̇д̇хам̣ згад̇т̇а гид̇д̇зд̇ваа ан̃н̃ад̇т̇а гид̇д̇зд̇ум̣ на ваддад̇и.

    Vammikanimitte heṭṭhimaparicchedena taṃ divasaṃ jāto aṭṭhaṅgulubbedho govisāṇappamāṇopi vammiko vaṭṭati, tato oraṃ na vaṭṭati. Paraṃ himavantapabbatasadisopi vaṭṭati, vihāraṃ parikkhipitvā ṭhitaṃ pana ekābaddhaṃ ekattha kittetvā aññattha kittetuṃ na vaṭṭati.

    над̣̇ийнимид̇д̇з яассаа д̇хаммигаанам̣ рааж̇уунам̣ гаалз анвад̣дхамаасам̣ ануд̣̇асаахам̣ анубан̃жааханд̇и звам̣ д̣̇звз вассанд̇з валаахагзсу виг̇ад̇амад̇д̇зсу сод̇ам̣ бажчиж̇ж̇ад̇и, аяам̣ над̣̇ийсан̇кяам̣ на г̇ажчад̇и. яассаа бана ийд̣̇исз сувудтигаалз вассаанасса жаад̇умаасз сод̇ам̣ на бажчиж̇ж̇ад̇и, яад̇т̇а д̇ид̇т̇зна ваа ад̇ид̇т̇зна ваа сигкаагаран̣ийяз ааг̇ад̇алагкан̣зна д̇иман̣д̣алам̣ бадижчаад̣̇зд̇ваа анд̇араваасагам̣ анугкибид̇ваа уд̇д̇аранд̇ияаа бхигкунияаа зган̇г̇улад̣̇ван̇г̇уламад̇д̇амби анд̇араваасаго д̇змияад̇и, аяам̣ над̣̇ий сиймам̣ б̣анд̇ханд̇аанам̣ нимид̇д̇ам̣ ход̇и. бхигкунияаа над̣̇ийбаараг̇аманзби убосат̇аад̣̇исан̇гхагаммагаран̣зби над̣̇ийбаарасиймаасамманнанзби аяамзва над̣̇ий. яаа бана маг̇г̇о вияа сагадад̇хурасан̣таанзна ваа барикаасан̣таанзна ваа вихаарам̣ баригкибид̇ваа г̇ад̇аа, д̇ам̣ згад̇т̇а гид̇д̇зд̇ваа ан̃н̃ад̇т̇а гид̇д̇зд̇ум̣ на ваддад̇и. вихаарасса жад̇уусу д̣̇исаасу ан̃н̃аман̃н̃ам̣ виниб̣б̣иж̇жхид̇ваа г̇ад̇з над̣̇ийжад̇уггзби зсзва наяо. асаммиссаа над̣̇ияо бана жад̇ассоби гид̇д̇зд̇ум̣ ваддад̇и. сажз вад̇им̣ гаронд̇о вияа ругкабаад̣̇з никан̣ид̇ваа валлибалаалаад̣̇ийхи над̣̇ийсод̇ам̣ рунд̇ханд̇и, уд̣̇агам̣ аж̇жход̇т̇арид̇ваа ааваран̣ам̣ бавад̇д̇ад̇иязва, нимид̇д̇ам̣ гаад̇ум̣ ваддад̇и. яат̇аа бана уд̣̇агам̣ на бавад̇д̇ад̇и, звам̣ сзд̇умхи гад̇з абавад̇д̇амаанаа над̣̇ийнимид̇д̇ам̣ гаад̇ум̣ на ваддад̇и, бавад̇д̇анадтаанз над̣̇ийнимид̇д̇ам̣, аббавад̇д̇анадтаанз уд̣̇аганимид̇д̇ам̣ гаад̇ум̣ ваддад̇и. яаа бана д̣̇уб̣б̣удтигаалз ваа г̇имхз ваа нируд̣̇агабхаавзна на бавад̇д̇ад̇и, саа ваддад̇и. махаанад̣̇ид̇о уд̣̇агамаад̇игам̣ нийхаранд̇и, саа гуннад̣̇ийсад̣̇исаа худ̇ваа д̇ийн̣и сассаани самбаад̣̇знд̇ий нижжам̣ бавад̇д̇ад̇и, гин̃жааби бавад̇д̇ад̇и, нимид̇д̇ам̣ гаад̇ум̣ на ваддад̇и. яаа бана муулз махаанад̣̇ид̇о нийхад̇ааби гааланд̇арзна д̇знзва нийхад̇амаг̇г̇зна над̣̇им̣ бхинд̣̇ид̇ваа саяам̣ г̇ажчад̇и, г̇ажчанд̇ий барад̇о сусумаараад̣̇исамаагин̣н̣аа нааваад̣̇ийхи сан̃жарид̇аб̣б̣аа над̣̇ий ход̇и, д̇ам̣ нимид̇д̇ам̣ гаад̇ум̣ ваддад̇и.

    Nadīnimitte yassā dhammikānaṃ rājūnaṃ kāle anvaḍḍhamāsaṃ anudasāhaṃ anupañcāhanti evaṃ deve vassante valāhakesu vigatamattesu sotaṃ pacchijjati, ayaṃ nadīsaṅkhyaṃ na gacchati. Yassā pana īdise suvuṭṭhikāle vassānassa cātumāse sotaṃ na pacchijjati, yattha titthena vā atitthena vā sikkhākaraṇīye āgatalakkhaṇena timaṇḍalaṃ paṭicchādetvā antaravāsakaṃ anukkhipitvā uttarantiyā bhikkhuniyā ekaṅguladvaṅgulamattampi antaravāsako temiyati, ayaṃ nadī sīmaṃ bandhantānaṃ nimittaṃ hoti. Bhikkhuniyā nadīpāragamanepi uposathādisaṅghakammakaraṇepi nadīpārasīmāsammannanepi ayameva nadī. Yā pana maggo viya sakaṭadhurasaṇṭhānena vā parikhāsaṇṭhānena vā vihāraṃ parikkhipitvā gatā, taṃ ekattha kittetvā aññattha kittetuṃ na vaṭṭati. Vihārassa catūsu disāsu aññamaññaṃ vinibbijjhitvā gate nadīcatukkepi eseva nayo. Asammissā nadiyo pana catassopi kittetuṃ vaṭṭati. Sace vatiṃ karonto viya rukkhapāde nikhaṇitvā vallipalālādīhi nadīsotaṃ rundhanti, udakaṃ ajjhottharitvā āvaraṇaṃ pavattatiyeva, nimittaṃ kātuṃ vaṭṭati. Yathā pana udakaṃ na pavattati, evaṃ setumhi kate apavattamānā nadīnimittaṃ kātuṃ na vaṭṭati, pavattanaṭṭhāne nadīnimittaṃ, appavattanaṭṭhāne udakanimittaṃ kātuṃ vaṭṭati. Yā pana dubbuṭṭhikāle vā gimhe vā nirudakabhāvena na pavattati, sā vaṭṭati. Mahānadito udakamātikaṃ nīharanti, sā kunnadīsadisā hutvā tīṇi sassāni sampādentī niccaṃ pavattati, kiñcāpi pavattati, nimittaṃ kātuṃ na vaṭṭati. Yā pana mūle mahānadito nīhatāpi kālantarena teneva nīhatamaggena nadiṃ bhinditvā sayaṃ gacchati, gacchantī parato susumārādisamākiṇṇā nāvādīhi sañcaritabbā nadī hoti, taṃ nimittaṃ kātuṃ vaṭṭati.

    уд̣̇аганимид̇д̇з нируд̣̇агадтаанз наавааяа ваа жаадиаад̣̇ийсу ваа уд̣̇агам̣ буурзд̇ваа уд̣̇аганимид̇д̇ам̣ гид̇д̇зд̇ум̣ на ваддад̇и, бхуумиг̇ад̇амзва ваддад̇и. д̇ан̃жа ко аббавад̇д̇анауд̣̇агам̣ ааваадабогкаран̣ийд̇ал̣ааагаж̇аад̇ассаралон̣исамуд̣̇д̣̇аад̣̇ийсу тид̇ам̣, адтид̇ам̣ бана огханад̣̇ийуд̣̇агаваахагамаад̇игаад̣̇ийсу уд̣̇агам̣ на ваддад̇и . анд̇хагадтагат̇ааяам̣ бана ‘‘г̇амбхийрзсу ааваадаад̣̇ийсу угкзбимам̣ уд̣̇агам̣ нимид̇д̇ам̣ на гаад̇аб̣б̣а’’нд̇и вуд̇д̇ам̣, д̇ам̣ д̣̇увуд̇д̇ам̣, ад̇д̇аномад̇имад̇д̇амзва. тид̇ам̣ бана анд̇амасо суугаракад̇ааяаби г̇аамад̣̇аарагаанам̣ гийл̣анаваабияамби д̇ам̣ кан̣ан̃н̃зва бат̇авияам̣ ааваадам̣ гад̇ваа гудзхи аахарид̇ваа буурид̇ауд̣̇агамби сажз яаава гаммаваажаабарияосаанаа д̇идтад̇и, аббам̣ ваа ход̇у б̣ахум̣ ваа, ваддад̇и. д̇асмим̣ бана таанз нимид̇д̇асан̃н̃аагаран̣ад̇т̇ам̣ баасаан̣аваалигаабам̣суаад̣̇ирааси ваа баасаан̣ад̇т̇амбхо ваа д̣̇ааруд̇т̇амбхо ваа гаад̇аб̣б̣о. д̇ам̣ гаад̇ум̣ гаарзд̇ун̃жа бхигкусса ваддад̇и, лаабхасиймааяам̣ бана на ваддад̇и. самаанасам̣ваасагасиймаа гассажи бийл̣анам̣ на гарод̇и, гзвалам̣ бхигкуунам̣ винаяагаммамзва саад̇хзд̇и, д̇асмаа зд̇т̇а ваддад̇и.

    Udakanimitte nirudakaṭṭhāne nāvāya vā cāṭiādīsu vā udakaṃ pūretvā udakanimittaṃ kittetuṃ na vaṭṭati, bhūmigatameva vaṭṭati. Tañca kho appavattanaudakaṃ āvāṭapokkharaṇītaḷaākajātassaraloṇisamuddādīsu ṭhitaṃ, aṭṭhitaṃ pana oghanadīudakavāhakamātikādīsu udakaṃ na vaṭṭati . Andhakaṭṭhakathāyaṃ pana ‘‘gambhīresu āvāṭādīsu ukkhepimaṃ udakaṃ nimittaṃ na kātabba’’nti vuttaṃ, taṃ duvuttaṃ, attanomatimattameva. Ṭhitaṃ pana antamaso sūkarakhatāyapi gāmadārakānaṃ kīḷanavāpiyampi taṃ khaṇaññeva pathaviyaṃ āvāṭaṃ katvā kuṭehi āharitvā pūritaudakampi sace yāva kammavācāpariyosānā tiṭṭhati, appaṃ vā hotu bahuṃ vā, vaṭṭati. Tasmiṃ pana ṭhāne nimittasaññākaraṇatthaṃ pāsāṇavālikāpaṃsuādirāsi vā pāsāṇatthambho vā dārutthambho vā kātabbo. Taṃ kātuṃ kāretuñca bhikkhussa vaṭṭati, lābhasīmāyaṃ pana na vaṭṭati. Samānasaṃvāsakasīmā kassaci pīḷanaṃ na karoti, kevalaṃ bhikkhūnaṃ vinayakammameva sādheti, tasmā ettha vaṭṭati.

    имзхи жа адтахи нимид̇д̇зхи асаммиссзхиби ан̃н̃аман̃н̃ам̣ саммиссзхиби сиймаа самманнид̇ум̣ ваддад̇иязва. саа звам̣ самманнид̇ваа б̣аж̇жхамаанаа згзна д̣̇вийхи ваа нимид̇д̇зхи аб̣ад̣̇д̇хаа ход̇и, д̇ийн̣и бана аад̣̇им̣ гад̇ваа вуд̇д̇аббагаараанам̣ нимид̇д̇аанам̣ сад̇знаби б̣ад̣̇д̇хаа ход̇и. саа д̇ийхи син̇гхаадагасан̣таанаа ход̇и, жад̇уухи жад̇урассаа ваа син̇гхаадагаад̣дхажанд̣̇амуд̣̇ин̇г̇аад̣̇исан̣таанаа ваа, д̇ад̇о ад̇хигзхи наанаасан̣таанаа. звам̣ вуд̇д̇анаязна нимид̇д̇аани гид̇д̇зд̇ваа саммад̇аа ‘‘нимид̇д̇асамбад̇д̇ияуд̇д̇аа’’д̇и взд̣̇ид̇аб̣б̣аа.

    Imehi ca aṭṭhahi nimittehi asammissehipi aññamaññaṃ sammissehipi sīmā sammannituṃ vaṭṭatiyeva. Sā evaṃ sammannitvā bajjhamānā ekena dvīhi vā nimittehi abaddhā hoti, tīṇi pana ādiṃ katvā vuttappakārānaṃ nimittānaṃ satenapi baddhā hoti. Sā tīhi siṅghāṭakasaṇṭhānā hoti, catūhi caturassā vā siṅghāṭakaaḍḍhacandamudiṅgādisaṇṭhānā vā, tato adhikehi nānāsaṇṭhānā. Evaṃ vuttanayena nimittāni kittetvā sammatā ‘‘nimittasampattiyuttā’’ti veditabbā.

    159. барисасамбад̇д̇ияуд̇д̇аа наама саб̣б̣анд̇имзна барижчзд̣̇зна жад̇уухи бхигкуухи саннибад̇ид̇ваа яаавад̇игаа д̇асмим̣ г̇аамакзд̇д̇з б̣ад̣̇д̇хасиймам̣ ваа над̣̇ийсамуд̣̇д̣̇аж̇аад̇ассарз ваа аноггамид̇ваа тид̇аа бхигкуу, д̇з саб̣б̣з хад̇т̇абаасз ваа гад̇ваа чанд̣̇ам̣ ваа аахарид̇ваа саммад̇аа.

    159.Parisasampattiyuttā nāma sabbantimena paricchedena catūhi bhikkhūhi sannipatitvā yāvatikā tasmiṃ gāmakhette baddhasīmaṃ vā nadīsamuddajātassare vā anokkamitvā ṭhitā bhikkhū, te sabbe hatthapāse vā katvā chandaṃ vā āharitvā sammatā.

    160. гаммаваажаасамбад̇д̇ияуд̇д̇аа наама –

    160.Kammavācāsampattiyuttā nāma –

    ‘‘сун̣аад̇у мз, бханд̇з, сан̇гхо, яаавад̇аа саманд̇аа нимид̇д̇аа гид̇д̇ид̇аа, яад̣̇и сан̇гхасса бад̇д̇агаллам̣, сан̇гхо зд̇зхи нимид̇д̇зхи сиймам̣ самманнзяяа самаанасам̣ваасам̣ згуубосат̇ам̣, зсаа н̃ад̇д̇и.

    ‘‘Suṇātu me, bhante, saṅgho, yāvatā samantā nimittā kittitā, yadi saṅghassa pattakallaṃ, saṅgho etehi nimittehi sīmaṃ sammanneyya samānasaṃvāsaṃ ekūposathaṃ, esā ñatti.

    ‘‘сун̣аад̇у мз, бханд̇з, сан̇гхо, яаавад̇аа саманд̇аа нимид̇д̇аа гид̇д̇ид̇аа, сан̇гхо зд̇зхи нимид̇д̇зхи сиймам̣ самманнад̇и самаанасам̣ваасам̣ згуубосат̇ам̣, яассааяасмад̇о камад̇и зд̇зхи нимид̇д̇зхи сиймааяа саммуд̇и самаанасам̣ваасааяа згуубосат̇ааяа, со д̇ун̣хасса. яасса нагкамад̇и, со бхаасзяяа.

    ‘‘Suṇātu me, bhante, saṅgho, yāvatā samantā nimittā kittitā, saṅgho etehi nimittehi sīmaṃ sammannati samānasaṃvāsaṃ ekūposathaṃ, yassāyasmato khamati etehi nimittehi sīmāya sammuti samānasaṃvāsāya ekūposathāya, so tuṇhassa. Yassa nakkhamati, so bhāseyya.

    ‘‘саммад̇аа сиймаа сан̇гхзна зд̇зхи нимид̇д̇зхи самаанасам̣ваасаа згуубосат̇аа, камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и (махаава. 139) –

    ‘‘Sammatā sīmā saṅghena etehi nimittehi samānasaṃvāsā ekūposathā, khamati saṅghassa, tasmā tuṇhī, evametaṃ dhārayāmī’’ti (mahāva. 139) –

    звам̣ вуд̇д̇ааяа барисуд̣̇д̇хааяа н̃ад̇д̇ид̣̇уд̇ияагаммаваажааяа саммад̇аа. гаммаваажаабарияосаанз нимид̇д̇аанам̣ анд̇о сиймаа ход̇и, нимид̇д̇аани сиймад̇о б̣ахи хонд̇и.

    Evaṃ vuttāya parisuddhāya ñattidutiyakammavācāya sammatā. Kammavācāpariyosāne nimittānaṃ anto sīmā hoti, nimittāni sīmato bahi honti.

    161. звам̣ б̣ад̣̇д̇хааяа жа сиймааяа д̇ижийварзна виббаваасасукад̇т̇ам̣ д̣̇ал̣хийгаммад̇т̇ан̃жа авиббаваасасаммуд̇и гаад̇аб̣б̣аа. саа бана звам̣ гад̇д̇аб̣б̣аа –

    161. Evaṃ baddhāya ca sīmāya ticīvarena vippavāsasukhatthaṃ daḷhīkammatthañca avippavāsasammuti kātabbā. Sā pana evaṃ kattabbā –

    ‘‘сун̣аад̇у мз, бханд̇з, сан̇гхо, яаа саа сан̇гхзна сиймаа саммад̇аа самаанасам̣ваасаа згуубосат̇аа, яад̣̇и сан̇гхасса бад̇д̇агаллам̣, сан̇гхо д̇ам̣ сиймам̣ д̇ижийварзна авиббаваасам̣ самманнзяяа табзд̇ваа г̇ааман̃жа г̇аамуубажааран̃жа, зсаа н̃ад̇д̇и.

    ‘‘Suṇātu me, bhante, saṅgho, yā sā saṅghena sīmā sammatā samānasaṃvāsā ekūposathā, yadi saṅghassa pattakallaṃ, saṅgho taṃ sīmaṃ ticīvarena avippavāsaṃ sammanneyya ṭhapetvā gāmañca gāmūpacārañca, esā ñatti.

    ‘‘сун̣аад̇у мз, бханд̇з, сан̇гхо, яаа саа сан̇гхзна сиймаа саммад̇аа самаанасам̣ваасаа згуубосат̇аа, сан̇гхо д̇ам̣ сиймам̣ д̇ижийварзна авиббаваасам̣ самманнад̇и табзд̇ваа г̇ааман̃жа г̇аамуубажааран̃жа, яассааяасмад̇о камад̇и зд̇иссаа сиймааяа д̇ижийварзна авиббаваасааяа саммуд̇и табзд̇ваа г̇ааман̃жа г̇аамуубажааран̃жа, со д̇ун̣хасса. яасса нагкамад̇и, со бхаасзяяа.

    ‘‘Suṇātu me, bhante, saṅgho, yā sā saṅghena sīmā sammatā samānasaṃvāsā ekūposathā, saṅgho taṃ sīmaṃ ticīvarena avippavāsaṃ sammannati ṭhapetvā gāmañca gāmūpacārañca, yassāyasmato khamati etissā sīmāya ticīvarena avippavāsāya sammuti ṭhapetvā gāmañca gāmūpacārañca, so tuṇhassa. Yassa nakkhamati, so bhāseyya.

    ‘‘саммад̇аа саа сиймаа сан̇гхзна д̇ижийварзна авиббаваасаа табзд̇ваа г̇ааман̃жа г̇аамуубажааран̃жа, камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и (махаава. 143).

    ‘‘Sammatā sā sīmā saṅghena ticīvarena avippavāsā ṭhapetvā gāmañca gāmūpacārañca, khamati saṅghassa, tasmā tuṇhī, evametaṃ dhārayāmī’’ti (mahāva. 143).

    зд̇т̇а (махаава. адта. 144) жа ниг̇аманаг̇араанамби г̇аамзнзва сан̇г̇ахо взд̣̇ид̇аб̣б̣о. г̇аамуубажаарод̇и баригкид̇д̇асса баригкзбо, абаригкид̇д̇асса баригкзбогаасо. имзсу бана г̇аамаг̇аамуубажаарзсу ад̇хидтид̇ад̇зжийвариго бхигку барихаарам̣ на лабхад̇и. аяан̃хи авиббаваасасиймаа ‘‘табзд̇ваа г̇ааман̃жа г̇аамуубажааран̃жаа’’д̇и вуд̇д̇ад̇д̇аа г̇ааман̃жа г̇аамуубажааран̃жа на од̇т̇арад̇и, самаанасам̣ваасагасиймаава од̇т̇арад̇и. самаанасам̣ваасагасиймаа жзд̇т̇а ад̇д̇ано д̇хаммад̇ааяа г̇ажчад̇и, авиббаваасасиймаа бана яад̇т̇а самаанасам̣ваасагасиймаа, д̇ад̇т̇зва г̇ажчад̇и. на хи д̇ассаа висум̣ нимид̇д̇агид̇д̇анам̣ ад̇т̇и, д̇ад̇т̇а сажз авиббаваасааяа саммуд̇игаалз г̇аамо ад̇т̇и, д̇ам̣ саа на од̇т̇арад̇и . сажз бана саммад̇ааяа сиймааяа бажчаа г̇аамо нивисад̇и, соби сиймасан̇кяам̣язва г̇ажчад̇и. яат̇аа жа бажчаа нивидто, звам̣ батамам̣ нивидтасса бажчаа вад̣дхид̇аббад̣̇зсоби сиймасан̇кяамзва г̇ажчад̇и. сажз сиймаасаммуд̇игаалз г̇зхаани гад̇аани, ‘‘бависиссаамаа’’д̇и аалаяоби ад̇т̇и, мануссаа бана аббавидтаа, бораан̣агаг̇аамам̣ ваа сажз г̇зхамзва чад̣д̣зд̇ваа ан̃н̃ад̇т̇а г̇ад̇аа, аг̇аамоязва зса, сиймаа од̇т̇арад̇и. сажз бана згамби гулам̣ бавидтам̣ ваа аг̇ад̇ам̣ ваа ад̇т̇и, г̇аамоязва, сиймаа на од̇т̇арад̇и. аяамзд̇т̇а сан̇кзбо.

    Ettha (mahāva. aṭṭha. 144) ca nigamanagarānampi gāmeneva saṅgaho veditabbo. Gāmūpacāroti parikkhittassa parikkhepo, aparikkhittassa parikkhepokāso. Imesu pana gāmagāmūpacāresu adhiṭṭhitatecīvariko bhikkhu parihāraṃ na labhati. Ayañhi avippavāsasīmā ‘‘ṭhapetvā gāmañca gāmūpacārañcā’’ti vuttattā gāmañca gāmūpacārañca na ottharati, samānasaṃvāsakasīmāva ottharati. Samānasaṃvāsakasīmā cettha attano dhammatāya gacchati, avippavāsasīmā pana yattha samānasaṃvāsakasīmā, tattheva gacchati. Na hi tassā visuṃ nimittakittanaṃ atthi, tattha sace avippavāsāya sammutikāle gāmo atthi, taṃ sā na ottharati . Sace pana sammatāya sīmāya pacchā gāmo nivisati, sopi sīmasaṅkhyaṃyeva gacchati. Yathā ca pacchā niviṭṭho, evaṃ paṭhamaṃ niviṭṭhassa pacchā vaḍḍhitappadesopi sīmasaṅkhyameva gacchati. Sace sīmāsammutikāle gehāni katāni, ‘‘pavisissāmā’’ti ālayopi atthi, manussā pana appaviṭṭhā, porāṇakagāmaṃ vā sace gehameva chaḍḍetvā aññattha gatā, agāmoyeva esa, sīmā ottharati. Sace pana ekampi kulaṃ paviṭṭhaṃ vā agataṃ vā atthi, gāmoyeva, sīmā na ottharati. Ayamettha saṅkhepo.

    162. аяам̣ бана вид̇т̇ааро (махаава. адта. 138) сиймам̣ б̣анд̇хид̇угаамзна хи сааманд̇авихаарзсу бхигкуу д̇асса д̇асса вихаарасса сиймаабарижчзд̣̇ам̣ бужчид̇ваа б̣ад̣̇д̇хасиймавихаараанам̣ сиймааяа сийманд̇аригам̣, аб̣ад̣̇д̇хасиймавихаараанам̣ сиймааяа убажаарам̣ табзд̇ваа д̣̇исаажааригабхигкуунам̣ ниссан̃жаарасамаяз сажз згасмим̣ г̇аамакзд̇д̇з сиймам̣ б̣анд̇хид̇угаамаа, яз д̇ад̇т̇а б̣ад̣̇д̇хасиймавихаараа, д̇зсу бхигкуунам̣ ‘‘маяам̣ аж̇ж̇а сиймам̣ б̣анд̇хиссаама, д̇умхз сагасиймааяа барижчзд̣̇ад̇о маа нигкамид̇т̇аа’’д̇и бзсзд̇аб̣б̣ам̣. яз аб̣ад̣̇д̇хасиймавихаараа, д̇зсу бхигкуу згаж̇жхам̣ саннибаад̇зд̇аб̣б̣аа, чанд̣̇аарахаанам̣ чанд̣̇о аахараабзд̇аб̣б̣о. ‘‘сажз ан̃н̃ааниби г̇аамакзд̇д̇аани анд̇огаад̇угаамаа, д̇зсу г̇аамзсу яз бхигкуу васанд̇и, д̇зхиби ааг̇анд̇аб̣б̣ам̣, анааг̇ажчанд̇аанам̣ чанд̣̇о аахарид̇аб̣б̣о’’д̇и махаасумад̇т̇зро ааха. махаабад̣̇умад̇т̇зро бана ‘‘наанааг̇аамакзд̇д̇аани наама баадиязггам̣ б̣ад̣̇д̇хасиймасад̣̇исаани, на д̇ад̇о чанд̣̇абаарисуд̣̇д̇хи ааг̇ажчад̇и, анд̇онимид̇д̇аг̇ад̇зхи бана бхигкуухи ааг̇анд̇аб̣б̣а’’нд̇и вад̇ваа буна ааха ‘‘самаанасам̣ваасагасиймаасамманнанагаалз ааг̇аманамби анааг̇аманамби ваддад̇и, авиббаваасасиймаасамманнанагаалз бана анд̇онимид̇д̇аг̇ад̇зхи ааг̇анд̇аб̣б̣ам̣, анааг̇ажчанд̇аанам̣ чанд̣̇о аахарид̇аб̣б̣о’’д̇и.

    162. Ayaṃ pana vitthāro (mahāva. aṭṭha. 138) sīmaṃ bandhitukāmena hi sāmantavihāresu bhikkhū tassa tassa vihārassa sīmāparicchedaṃ pucchitvā baddhasīmavihārānaṃ sīmāya sīmantarikaṃ, abaddhasīmavihārānaṃ sīmāya upacāraṃ ṭhapetvā disācārikabhikkhūnaṃ nissañcārasamaye sace ekasmiṃ gāmakhette sīmaṃ bandhitukāmā, ye tattha baddhasīmavihārā, tesu bhikkhūnaṃ ‘‘mayaṃ ajja sīmaṃ bandhissāma, tumhe sakasīmāya paricchedato mā nikkhamitthā’’ti pesetabbaṃ. Ye abaddhasīmavihārā, tesu bhikkhū ekajjhaṃ sannipātetabbā, chandārahānaṃ chando āharāpetabbo. ‘‘Sace aññānipi gāmakhettāni antokātukāmā, tesu gāmesu ye bhikkhū vasanti, tehipi āgantabbaṃ, anāgacchantānaṃ chando āharitabbo’’ti mahāsumatthero āha. Mahāpadumatthero pana ‘‘nānāgāmakhettāni nāma pāṭiyekkaṃ baddhasīmasadisāni, na tato chandapārisuddhi āgacchati, antonimittagatehi pana bhikkhūhi āgantabba’’nti vatvā puna āha ‘‘samānasaṃvāsakasīmāsammannanakāle āgamanampi anāgamanampi vaṭṭati, avippavāsasīmāsammannanakāle pana antonimittagatehi āgantabbaṃ, anāgacchantānaṃ chando āharitabbo’’ti.

    звам̣ саннибад̇ид̇зсу бхигкуусу чанд̣̇аарахаанам̣ чанд̣̇з аахадз д̇зсу д̇зсу маг̇г̇зсу над̣̇ийд̇ид̇т̇аг̇аамад̣̇ваараад̣̇ийсу жа ааг̇анд̇угабхигкуунам̣ сийгхам̣ сийгхам̣ хад̇т̇абаасанаяанад̇т̇ан̃жзва б̣ахисиймагаран̣ад̇т̇ан̃жа аараамигз жзва саман̣уд̣̇д̣̇зсз жа табзд̇ваа бхзрисан̃н̃ам̣ ваа сан̇касан̃н̃ам̣ ваа гад̇ваа нимид̇д̇агид̇д̇анаананд̇арам̣ вуд̇д̇ааяа ‘‘сун̣аад̇у мз бханд̇з сан̇гхо’’д̇иаад̣̇игааяа гаммаваажааяа сиймаа б̣анд̇хид̇аб̣б̣аа. гаммаваажаабарияосаанзязва нимид̇д̇аани б̣ахигад̇ваа хздтаа бат̇авийсанд̇хаарагам̣ уд̣̇агабарияанд̇ам̣ гад̇ваа сиймаа г̇ад̇аа ход̇и.

    Evaṃ sannipatitesu bhikkhūsu chandārahānaṃ chande āhaṭe tesu tesu maggesu nadītitthagāmadvārādīsu ca āgantukabhikkhūnaṃ sīghaṃ sīghaṃ hatthapāsanayanatthañceva bahisīmakaraṇatthañca ārāmike ceva samaṇuddese ca ṭhapetvā bherisaññaṃ vā saṅkhasaññaṃ vā katvā nimittakittanānantaraṃ vuttāya ‘‘suṇātu me bhante saṅgho’’tiādikāya kammavācāya sīmā bandhitabbā. Kammavācāpariyosāneyeva nimittāni bahikatvā heṭṭhā pathavīsandhārakaṃ udakapariyantaṃ katvā sīmā gatā hoti.

    163. имам̣ бана самаанасам̣ваасагасиймам̣ самманнанд̇зхи баб̣б̣аж̇ж̇уубасамбад̣̇аад̣̇ийнам̣ сан̇гхагаммаанам̣ сукагаран̣ад̇т̇ам̣ батамам̣ кан̣д̣асиймаа б̣анд̇хид̇аб̣б̣аа. д̇ам̣ бана б̣анд̇ханд̇зхи вад̇д̇ам̣ ж̇аанид̇аб̣б̣ам̣. сажз хи б̣од̇хижзд̇ияабхад̇д̇асаалаад̣̇ийни саб̣б̣авад̇т̇ууни бад̇идтаабзд̇ваа гад̇авихаарз б̣анд̇ханд̇и, вихаарамаж̇жхз б̣ахуунам̣ самосаран̣адтаанз аб̣анд̇хид̇ваа вихаарабажжанд̇з вивид̇д̇огаасз б̣анд̇хид̇аб̣б̣аа. агад̇авихаарз б̣анд̇ханд̇зхи б̣од̇хижзд̇ияаад̣̇ийнам̣ саб̣б̣авад̇т̇уунам̣ таанам̣ саллагкзд̇ваа яат̇аа бад̇идтид̇зсу вад̇т̇уусу вихаарабажжанд̇з вивид̇д̇огаасз ход̇и, звам̣ б̣анд̇хид̇аб̣б̣аа. саа хздтимабарижчзд̣̇зна сажз згавийсад̇и бхигкуу г̇ан̣хаад̇и, ваддад̇и, д̇ад̇о орам̣ на ваддад̇и, барам̣ бхигкусахассам̣ г̇ан̣ханд̇ийби ваддад̇и. д̇ам̣ б̣анд̇ханд̇зхи сиймамаал̣агасса саманд̇аа нимид̇д̇убаг̇аа баасаан̣аа табзд̇аб̣б̣аа, на кан̣д̣асиймааяа тид̇зхи махаасиймаа б̣анд̇хид̇аб̣б̣аа, на махаасиймааяа тид̇зхи кан̣д̣асиймаа, кан̣д̣асиймааяамзва бана тад̇ваа кан̣д̣асиймаа б̣анд̇хид̇аб̣б̣аа.

    163. Imaṃ pana samānasaṃvāsakasīmaṃ sammannantehi pabbajjūpasampadādīnaṃ saṅghakammānaṃ sukhakaraṇatthaṃ paṭhamaṃ khaṇḍasīmā bandhitabbā. Taṃ pana bandhantehi vattaṃ jānitabbaṃ. Sace hi bodhicetiyabhattasālādīni sabbavatthūni patiṭṭhāpetvā katavihāre bandhanti, vihāramajjhe bahūnaṃ samosaraṇaṭṭhāne abandhitvā vihārapaccante vivittokāse bandhitabbā. Akatavihāre bandhantehi bodhicetiyādīnaṃ sabbavatthūnaṃ ṭhānaṃ sallakkhetvā yathā patiṭṭhitesu vatthūsu vihārapaccante vivittokāse hoti, evaṃ bandhitabbā. Sā heṭṭhimaparicchedena sace ekavīsati bhikkhū gaṇhāti, vaṭṭati, tato oraṃ na vaṭṭati, paraṃ bhikkhusahassaṃ gaṇhantīpi vaṭṭati. Taṃ bandhantehi sīmamāḷakassa samantā nimittupagā pāsāṇā ṭhapetabbā, na khaṇḍasīmāya ṭhitehi mahāsīmā bandhitabbā, na mahāsīmāya ṭhitehi khaṇḍasīmā, khaṇḍasīmāyameva pana ṭhatvā khaṇḍasīmā bandhitabbā.

    д̇ад̇рааяам̣ б̣анд̇ханавид̇хи – саманд̇аа ‘‘зсо баасаан̣о нимид̇д̇а’’нд̇и звам̣ нимид̇д̇аани гид̇д̇зд̇ваа гаммаваажааяа сиймаа самманнид̇аб̣б̣аа. ат̇а д̇ассаа зва д̣̇ал̣хийгаммад̇т̇ам̣ авиббаваасагаммаваажаа гаад̇аб̣б̣аа. зван̃хи ‘‘сиймам̣ самууханиссаамаа’’д̇и ааг̇ад̇аа самууханид̇ум̣ на сагкиссанд̇и. сиймам̣ самманнид̇ваа б̣ахи сийманд̇аригабаасаан̣аа табзд̇аб̣б̣аа. сийманд̇аригаа бажчимагодияаа згарад̇анаббамаан̣аа ваддад̇и. ‘‘вид̣̇ад̇т̇иббамаан̣ааби ваддад̇ий’’д̇и гурунд̣̇ияам̣, ‘‘жад̇уран̇г̇улаббамаан̣ааби ваддад̇ий’’д̇и махаабажжарияам̣ вуд̇д̇ам̣. сажз бана вихааро махаа ход̇и, д̣̇взби д̇иссоби д̇ад̇уд̇д̇аримби кан̣д̣асиймааяо б̣анд̇хид̇аб̣б̣аа.

    Tatrāyaṃ bandhanavidhi – samantā ‘‘eso pāsāṇo nimitta’’nti evaṃ nimittāni kittetvā kammavācāya sīmā sammannitabbā. Atha tassā eva daḷhīkammatthaṃ avippavāsakammavācā kātabbā. Evañhi ‘‘sīmaṃ samūhanissāmā’’ti āgatā samūhanituṃ na sakkhissanti. Sīmaṃ sammannitvā bahi sīmantarikapāsāṇā ṭhapetabbā. Sīmantarikā pacchimakoṭiyā ekaratanappamāṇā vaṭṭati. ‘‘Vidatthippamāṇāpi vaṭṭatī’’ti kurundiyaṃ, ‘‘caturaṅgulappamāṇāpi vaṭṭatī’’ti mahāpaccariyaṃ vuttaṃ. Sace pana vihāro mahā hoti, dvepi tissopi tatuttarimpi khaṇḍasīmāyo bandhitabbā.

    звам̣ кан̣д̣асиймам̣ самманнид̇ваа махаасиймасаммуд̇игаалз кан̣д̣асиймад̇о нигкамид̇ваа махаасиймааяам̣ тад̇ваа саманд̇аа анубарияааяанд̇зхи сийманд̇аригабаасаан̣аа гид̇д̇зд̇аб̣б̣аа, д̇ад̇о авасзсанимид̇д̇аани гид̇д̇зд̇ваа хад̇т̇абаасам̣ авиж̇аханд̇зхи гаммаваажааяа самаанасам̣ваасагасиймам̣ самманнид̇ваа д̇ассаа д̣̇ал̣хийгаммад̇т̇ам̣ авиббаваасагаммаваажааби гаад̇аб̣б̣аа. зван̃хи ‘‘сиймам̣ самууханиссаамаа’’д̇и ааг̇ад̇аа самууханид̇ум̣ на сагкиссанд̇и. сажз бана кан̣д̣асиймааяа нимид̇д̇аани гид̇д̇зд̇ваа д̇ад̇о сийманд̇аригааяа нимид̇д̇аани гид̇д̇зд̇ваа махаасиймааяа нимид̇д̇аани гид̇д̇знд̇и, звам̣ д̇ийсу таанзсу нимид̇д̇аани гид̇д̇зд̇ваа яам̣ сиймам̣ ижчанд̇и, д̇ам̣ батамам̣ б̣анд̇хид̇ум̣ ваддад̇и. звам̣ санд̇зби яат̇аавуд̇д̇анаязна кан̣д̣асиймад̇ова бадтааяа б̣анд̇хид̇аб̣б̣аа. звам̣ б̣ад̣̇д̇хаасу бана сиймаасу кан̣д̣асиймааяа тид̇аа бхигкуу махаасиймааяа гаммам̣ гаронд̇аанам̣ на гобзнд̇и, махаасиймааяа ваа тид̇аа кан̣д̣асиймааяа гаронд̇аанам̣, сийманд̇аригааяа бана тид̇аа убхиннамби на гобзнд̇и. г̇аамакзд̇д̇з тад̇ваа гаммам̣ гаронд̇аанам̣ бана сийманд̇аригааяа тид̇аа гобзнд̇и. сийманд̇аригаа хи г̇аамакзд̇д̇ам̣ бхаж̇ад̇и.

    Evaṃ khaṇḍasīmaṃ sammannitvā mahāsīmasammutikāle khaṇḍasīmato nikkhamitvā mahāsīmāyaṃ ṭhatvā samantā anupariyāyantehi sīmantarikapāsāṇā kittetabbā, tato avasesanimittāni kittetvā hatthapāsaṃ avijahantehi kammavācāya samānasaṃvāsakasīmaṃ sammannitvā tassā daḷhīkammatthaṃ avippavāsakammavācāpi kātabbā. Evañhi ‘‘sīmaṃ samūhanissāmā’’ti āgatā samūhanituṃ na sakkhissanti. Sace pana khaṇḍasīmāya nimittāni kittetvā tato sīmantarikāya nimittāni kittetvā mahāsīmāya nimittāni kittenti, evaṃ tīsu ṭhānesu nimittāni kittetvā yaṃ sīmaṃ icchanti, taṃ paṭhamaṃ bandhituṃ vaṭṭati. Evaṃ santepi yathāvuttanayena khaṇḍasīmatova paṭṭhāya bandhitabbā. Evaṃ baddhāsu pana sīmāsu khaṇḍasīmāya ṭhitā bhikkhū mahāsīmāya kammaṃ karontānaṃ na kopenti, mahāsīmāya vā ṭhitā khaṇḍasīmāya karontānaṃ, sīmantarikāya pana ṭhitā ubhinnampi na kopenti. Gāmakhette ṭhatvā kammaṃ karontānaṃ pana sīmantarikāya ṭhitā kopenti. Sīmantarikā hi gāmakhettaṃ bhajati.

    сиймаа жа наамзсаа на гзвалаа бат̇авийд̇алзязва б̣ад̣̇д̇хаа б̣ад̣̇д̇хаа наама ход̇и, ат̇а ко бидтибаасаан̣зби гудиг̇зхзби лзн̣зби баасаад̣̇зби баб̣б̣ад̇амад̇т̇агзби б̣ад̣̇д̇хаа б̣ад̣̇д̇хааязва ход̇и. д̇ад̇т̇а бидтибаасаан̣з б̣анд̇ханд̇зхи баасаан̣абидтияам̣ рааж̇им̣ ваа годдзд̇ваа уд̣̇угкалам̣ ваа кан̣ид̇ваа нимид̇д̇ам̣ на гаад̇аб̣б̣ам̣, нимид̇д̇убаг̇абаасаан̣з табзд̇ваа нимид̇д̇аани гид̇д̇зд̇аб̣б̣аани. гаммаваажаабарияосаанз сиймаа бат̇авийсанд̇хаарагам̣ уд̣̇агабарияанд̇ам̣ гад̇ваа од̇арад̇и. нимид̇д̇абаасаан̣аа яат̇аатаанз на д̇идтанд̇и, д̇асмаа саманд̇ад̇о рааж̇и ваа убадтаабзд̇аб̣б̣аа, жад̇уусу ваа гон̣зсу баасаан̣аа виж̇жхид̇аб̣б̣аа, ‘‘аяам̣ сиймаабарижчзд̣̇о’’д̇и вад̇ваа агкараани ваа чинд̣̇ид̇аб̣б̣аани. гзжи усууяагаа ‘‘сиймам̣ жхаабзссаамаа’’д̇и аг̇г̇им̣ д̣̇знд̇и, баасаан̣аава жхааяанд̇и, на сиймаа.

    Sīmā ca nāmesā na kevalā pathavītaleyeva baddhā baddhā nāma hoti, atha kho piṭṭhipāsāṇepi kuṭigehepi leṇepi pāsādepi pabbatamatthakepi baddhā baddhāyeva hoti. Tattha piṭṭhipāsāṇe bandhantehi pāsāṇapiṭṭhiyaṃ rājiṃ vā koṭṭetvā udukkhalaṃ vā khaṇitvā nimittaṃ na kātabbaṃ, nimittupagapāsāṇe ṭhapetvā nimittāni kittetabbāni. Kammavācāpariyosāne sīmā pathavīsandhārakaṃ udakapariyantaṃ katvā otarati. Nimittapāsāṇā yathāṭhāne na tiṭṭhanti, tasmā samantato rāji vā upaṭṭhāpetabbā, catūsu vā koṇesu pāsāṇā vijjhitabbā, ‘‘ayaṃ sīmāparicchedo’’ti vatvā akkharāni vā chinditabbāni. Keci usūyakā ‘‘sīmaṃ jhāpessāmā’’ti aggiṃ denti, pāsāṇāva jhāyanti, na sīmā.

    гудиг̇зхзби бхид̇д̇им̣ агид̇д̇зд̇ваа згавийсад̇ияаа бхигкуунам̣ огаасадтаанам̣ анд̇огарид̇ваа баасаан̣анимид̇д̇аани табзд̇ваа сиймаа самманнид̇аб̣б̣аа, анд̇огуддамзва сиймаа ход̇и. сажз анд̇огуддз згавийсад̇ияаа бхигкуунам̣ огаасо над̇т̇и, бамукз нимид̇д̇абаасаан̣з табзд̇ваа самманнид̇аб̣б̣аа. сажз звамби наббаход̇и, б̣ахи ниб̣б̣од̣̇агабад̇анадтаанзби нимид̇д̇аани табзд̇ваа самманнид̇аб̣б̣аа. звам̣ саммад̇ааяа бана саб̣б̣ам̣ гудиг̇зхам̣ сиймадтамзва ход̇и.

    Kuṭigehepi bhittiṃ akittetvā ekavīsatiyā bhikkhūnaṃ okāsaṭṭhānaṃ antokaritvā pāsāṇanimittāni ṭhapetvā sīmā sammannitabbā, antokuṭṭameva sīmā hoti. Sace antokuṭṭe ekavīsatiyā bhikkhūnaṃ okāso natthi, pamukhe nimittapāsāṇe ṭhapetvā sammannitabbā. Sace evampi nappahoti, bahi nibbodakapatanaṭṭhānepi nimittāni ṭhapetvā sammannitabbā. Evaṃ sammatāya pana sabbaṃ kuṭigehaṃ sīmaṭṭhameva hoti.

    жад̇убхид̇д̇ияалзн̣зби б̣анд̇ханд̇зхи гуддам̣ агид̇д̇зд̇ваа баасаан̣аава гид̇д̇зд̇аб̣б̣аа, анд̇о огаасз асад̇и бамукзби нимид̇д̇аани табзд̇аб̣б̣аани, звам̣ лзн̣асса анд̇о жа б̣ахи жа сиймаа ход̇и.

    Catubhittiyaleṇepi bandhantehi kuṭṭaṃ akittetvā pāsāṇāva kittetabbā, anto okāse asati pamukhepi nimittāni ṭhapetabbāni, evaṃ leṇassa anto ca bahi ca sīmā hoti.

    убарибаасаад̣̇зби бхид̇д̇им̣ агид̇д̇зд̇ваа анд̇обаасаан̣з табзд̇ваа сиймаа самманнид̇аб̣б̣аа. сажз наббаход̇и, бамукзби баасаан̣з табзд̇ваа самманнид̇аб̣б̣аа. звам̣ саммад̇аа убарибаасаад̣̇зязва ход̇и, хздтаа на од̇арад̇и. сажз бана б̣ахуусу т̇амбхзсу д̇улаанам̣ убари гад̇абаасаад̣̇асса хздтимад̇алз гуддо яат̇аа нимид̇д̇аанам̣ анд̇о ход̇и, звам̣ удтахид̇ваа д̇улааругкзхи згасамб̣анд̇хо тид̇о, хздтааби од̇арад̇и, згат̇амбхабаасаад̣̇асса бана убарид̇алз б̣ад̣̇д̇хаа сиймаа. сажз т̇амбхамад̇т̇агз згавийсад̇ияаа бхигкуунам̣ огаасо ход̇и, хздтаа од̇арад̇и. сажз баасаад̣̇абхид̇д̇ид̇о ниг̇г̇ад̇зсу нияяуухагаад̣̇ийсу баасаан̣з табзд̇ваа сиймам̣ б̣анд̇ханд̇и, баасаад̣̇абхид̇д̇и анд̇осиймааяа ход̇и. хздтаа банассаа од̇аран̣аанод̇аран̣ам̣ вуд̇д̇анаязнзва взд̣̇ид̇аб̣б̣ам̣.

    Uparipāsādepi bhittiṃ akittetvā antopāsāṇe ṭhapetvā sīmā sammannitabbā. Sace nappahoti, pamukhepi pāsāṇe ṭhapetvā sammannitabbā. Evaṃ sammatā uparipāsādeyeva hoti, heṭṭhā na otarati. Sace pana bahūsu thambhesu tulānaṃ upari katapāsādassa heṭṭhimatale kuṭṭo yathā nimittānaṃ anto hoti, evaṃ uṭṭhahitvā tulārukkhehi ekasambandho ṭhito, heṭṭhāpi otarati, ekathambhapāsādassa pana uparitale baddhā sīmā. Sace thambhamatthake ekavīsatiyā bhikkhūnaṃ okāso hoti, heṭṭhā otarati. Sace pāsādabhittito niggatesu niyyūhakādīsu pāsāṇe ṭhapetvā sīmaṃ bandhanti, pāsādabhitti antosīmāya hoti. Heṭṭhā panassā otaraṇānotaraṇaṃ vuttanayeneva veditabbaṃ.

    хздтаабаасаад̣̇з гид̇д̇знд̇зхиби бхид̇д̇и жа ругкад̇т̇амбхаа жа на гид̇д̇зд̇аб̣б̣аа, бхид̇д̇илаг̇г̇з бана баасаан̣ад̇т̇амбхз гид̇д̇зд̇ум̣ ваддад̇и. звам̣ гид̇д̇ид̇аа сиймаа хздтаабаасаад̣̇асса барияанд̇ат̇амбхаанам̣ анд̇оязва ход̇и. сажз бана хздтаабаасаад̣̇асса гуддо убаримад̇алзна самб̣ад̣̇д̇хо ход̇и, убарибаасаад̣̇амби абхирухад̇и. сажз баасаад̣̇асса б̣ахи ниб̣б̣од̣̇агабад̇анадтаанз нимид̇д̇аани гаронд̇и, саб̣б̣о баасаад̣̇о сиймадто ход̇и.

    Heṭṭhāpāsāde kittentehipi bhitti ca rukkhatthambhā ca na kittetabbā, bhittilagge pana pāsāṇatthambhe kittetuṃ vaṭṭati. Evaṃ kittitā sīmā heṭṭhāpāsādassa pariyantathambhānaṃ antoyeva hoti. Sace pana heṭṭhāpāsādassa kuṭṭo uparimatalena sambaddho hoti, uparipāsādampi abhiruhati. Sace pāsādassa bahi nibbodakapatanaṭṭhāne nimittāni karonti, sabbo pāsādo sīmaṭṭho hoti.

    баб̣б̣ад̇амад̇т̇агз д̇алам̣ ход̇и згавийсад̇ияаа бхигкуунам̣ огаасаарахам̣, д̇ад̇т̇а бидтибаасаан̣з вияа сиймам̣ б̣анд̇ханд̇и, хздтаабаб̣б̣ад̇зби д̇знзва барижчзд̣̇зна сиймаа од̇арад̇и. д̇ааламуулагабаб̣б̣ад̇зби убари сиймаа б̣ад̣̇д̇хаа хздтаа од̇арад̇зва. яо бана вид̇аанасан̣таано ход̇и, убари згавийсад̇ияаа бхигкуунам̣ огаасо ад̇т̇и, хздтаа над̇т̇и, д̇ассубари б̣ад̣̇д̇хаа сиймаа хздтаа на од̇арад̇и. звам̣ муд̣̇ин̇г̇асан̣таано ваа ход̇у бан̣авасан̣таано ваа, яасса хздтаа ваа маж̇жхз ваа сиймаббамаан̣ам̣ над̇т̇и, д̇асса убари б̣ад̣̇д̇хаа сиймаа хздтаа на од̇арад̇и. яасса бана д̣̇вз гуудаани аасаннз тид̇аани, згассаби убари сиймаббамаан̣ам̣ наббаход̇и, д̇асса гууданд̇арам̣ жинид̇ваа ваа буурзд̇ваа ваа згааб̣ад̣̇д̇хам̣ гад̇ваа убари сиймаа самманнид̇аб̣б̣аа. зго саббапан̣асад̣̇исо баб̣б̣ад̇о, д̇асса убари сиймаббамаан̣асса ад̇т̇ид̇ааяа сиймам̣ б̣анд̇ханд̇и, д̇асса жз хздтаа аагаасабаб̣бхаарам̣ ход̇и, сиймаа на од̇арад̇и. сажз банасса взмаж̇жхз сиймаббамаан̣о сусирабаасаан̣о ход̇и, од̇арад̇и, со жа баасаан̣о сиймадтоязва ход̇и. ат̇аабисса хздтаалзн̣асса гуддо аг̇г̇агодим̣ аахажжа д̇идтад̇и , од̇арад̇и, хздтаа жа убари жа сиймааязва ход̇и. сажз бана хздтаа убаримасса сиймаабарижчзд̣̇асса баарад̇о анд̇олзн̣ам̣ ход̇и, б̣ахи сиймаа на од̇арад̇и. ат̇ааби убаримасса сиймаабарижчзд̣̇асса орад̇о б̣ахи лзн̣ам̣ ход̇и, анд̇о сиймаа на од̇арад̇и. ат̇ааби убари сиймаабарижчзд̣̇о куд̣̇д̣̇аго, хздтаа лзн̣ам̣ маханд̇ам̣ сиймаабарижчзд̣̇амад̇иггамид̇ваа тид̇ам̣, сиймаа убариязва ход̇и, хздтаа на од̇арад̇и. яад̣̇и бана лзн̣ам̣ куд̣̇д̣̇агам̣ саб̣б̣абажчимасиймаабаримаан̣ам̣, убари сиймаа махад̇ий нам̣ аж̇жход̇т̇арид̇ваа тид̇аа, сиймаа од̇арад̇и. ат̇а лзн̣ам̣ ад̇икуд̣̇д̣̇агам̣ сиймаббамаан̣ам̣ на ход̇и, сиймаа убариязва ход̇и, хздтаа на од̇арад̇и. сажз д̇ад̇о убад̣дхам̣ бхиж̇ж̇ид̇ваа бад̇ад̇и, сиймаббамаан̣ам̣ жзби ход̇и, б̣ахи бад̇ид̇ам̣ асиймаа. абад̇ид̇ам̣ бана яад̣̇и сиймаббамаан̣ам̣, сиймаа ход̇иязва.

    Pabbatamatthake talaṃ hoti ekavīsatiyā bhikkhūnaṃ okāsārahaṃ, tattha piṭṭhipāsāṇe viya sīmaṃ bandhanti, heṭṭhāpabbatepi teneva paricchedena sīmā otarati. Tālamūlakapabbatepi upari sīmā baddhā heṭṭhā otarateva. Yo pana vitānasaṇṭhāno hoti, upari ekavīsatiyā bhikkhūnaṃ okāso atthi, heṭṭhā natthi, tassupari baddhā sīmā heṭṭhā na otarati. Evaṃ mudiṅgasaṇṭhāno vā hotu paṇavasaṇṭhāno vā, yassa heṭṭhā vā majjhe vā sīmappamāṇaṃ natthi, tassa upari baddhā sīmā heṭṭhā na otarati. Yassa pana dve kūṭāni āsanne ṭhitāni, ekassapi upari sīmappamāṇaṃ nappahoti, tassa kūṭantaraṃ cinitvā vā pūretvā vā ekābaddhaṃ katvā upari sīmā sammannitabbā. Eko sappaphaṇasadiso pabbato, tassa upari sīmappamāṇassa atthitāya sīmaṃ bandhanti, tassa ce heṭṭhā ākāsapabbhāraṃ hoti, sīmā na otarati. Sace panassa vemajjhe sīmappamāṇo susirapāsāṇo hoti, otarati, so ca pāsāṇo sīmaṭṭhoyeva hoti. Athāpissa heṭṭhāleṇassa kuṭṭo aggakoṭiṃ āhacca tiṭṭhati , otarati, heṭṭhā ca upari ca sīmāyeva hoti. Sace pana heṭṭhā uparimassa sīmāparicchedassa pārato antoleṇaṃ hoti, bahi sīmā na otarati. Athāpi uparimassa sīmāparicchedassa orato bahi leṇaṃ hoti, anto sīmā na otarati. Athāpi upari sīmāparicchedo khuddako, heṭṭhā leṇaṃ mahantaṃ sīmāparicchedamatikkamitvā ṭhitaṃ, sīmā upariyeva hoti, heṭṭhā na otarati. Yadi pana leṇaṃ khuddakaṃ sabbapacchimasīmāparimāṇaṃ, upari sīmā mahatī naṃ ajjhottharitvā ṭhitā, sīmā otarati. Atha leṇaṃ atikhuddakaṃ sīmappamāṇaṃ na hoti, sīmā upariyeva hoti, heṭṭhā na otarati. Sace tato upaḍḍhaṃ bhijjitvā patati, sīmappamāṇaṃ cepi hoti, bahi patitaṃ asīmā. Apatitaṃ pana yadi sīmappamāṇaṃ, sīmā hotiyeva.

    кан̣д̣асиймаа жа нийжавад̇т̇угаа ход̇и, д̇ам̣ буурзд̇ваа ужжавад̇т̇угам̣ гаронд̇и, сиймааязва. сиймааяа г̇зхам̣ гаронд̇и, сиймадтагамзва ход̇и. сиймааяа богкаран̣им̣ кан̣анд̇и, сиймааязва. огхо сиймааман̣д̣алам̣ од̇т̇арид̇ваа г̇ажчад̇и, сиймаамаал̣агз аддам̣ б̣анд̇хид̇ваа гаммам̣ гаад̇ум̣ ваддад̇и. сиймааяа хздтаа уман̇г̇анад̣̇ий ход̇и, ид̣̇д̇химаа бхигку д̇ад̇т̇а нисийд̣̇ад̇и. сажз саа над̣̇ий батамам̣ г̇ад̇аа, сиймаа бажчаа б̣ад̣̇д̇хаа, гаммам̣ на гобзд̇и. ат̇а батамам̣ сиймаа б̣ад̣̇д̇хаа, бажчаа над̣̇ий г̇ад̇аа, гаммам̣ гобзд̇и, хздтаабат̇авийд̇алз тид̇о бана гобзд̇иязва.

    Khaṇḍasīmā ca nīcavatthukā hoti, taṃ pūretvā uccavatthukaṃ karonti, sīmāyeva. Sīmāya gehaṃ karonti, sīmaṭṭhakameva hoti. Sīmāya pokkharaṇiṃ khaṇanti, sīmāyeva. Ogho sīmāmaṇḍalaṃ ottharitvā gacchati, sīmāmāḷake aṭṭaṃ bandhitvā kammaṃ kātuṃ vaṭṭati. Sīmāya heṭṭhā umaṅganadī hoti, iddhimā bhikkhu tattha nisīdati. Sace sā nadī paṭhamaṃ gatā, sīmā pacchā baddhā, kammaṃ na kopeti. Atha paṭhamaṃ sīmā baddhā, pacchā nadī gatā, kammaṃ kopeti, heṭṭhāpathavītale ṭhito pana kopetiyeva.

    сиймаамаал̣агз вадаругко ход̇и, д̇асса саакаа ваа д̇ад̇о ниг̇г̇ад̇абаарохо ваа махаасиймааяа бат̇авийд̇алам̣ ваа д̇ад̇т̇аж̇аад̇аругкаад̣̇ийни ваа аахажжа д̇идтад̇и, махаасиймам̣ ваа сод̇хзд̇ваа гаммам̣ гаад̇аб̣б̣ам̣, д̇з ваа саакаабаарохаа чинд̣̇ид̇ваа б̣ахидтагаа гаад̇аб̣б̣аа. анаахажжа тид̇асаакаад̣̇ийсу аарул̣хабхигкуу хад̇т̇абаасам̣ аанзд̇аб̣б̣аа. звам̣ махаасиймааяа ж̇аад̇аругкасса саакаа ваа баарохо ваа вуд̇д̇анаязнзва сиймаамаал̣агз бад̇идтаад̇и, вуд̇д̇анаязнзва сиймам̣ сод̇хзд̇ваа ваа гаммам̣ гаад̇аб̣б̣ам̣, д̇з ваа саакаабаарохаа чинд̣̇ид̇ваа б̣ахидтагаа гаад̇аб̣б̣аа. сажз маал̣агз гаммз гарияамаанз гожи бхигку маал̣агасса анд̇о бависид̇ваа взхаасам̣ тид̇асаакааяа нисийд̣̇ад̇и, баад̣̇аа ваасса бхуумиг̇ад̇аа хонд̇и, ниваасанабаарубанам̣ ваа бхуумим̣ пусад̇и, гаммам̣ гаад̇ум̣ на ваддад̇и. баад̣̇з бана ниваасанабаарубанан̃жа угкибаабзд̇ваа гаад̇ум̣ гаммам̣ ваддад̇и, ид̣̇ан̃жа лагкан̣ам̣ буриманаязби взд̣̇ид̇аб̣б̣ам̣. аяам̣ бана висзсо – д̇ад̇ра угкибаабзд̇ваа гаад̇ум̣ на ваддад̇и, хад̇т̇абаасамзва аанзд̇аб̣б̣о. сажз анд̇осиймад̇о баб̣б̣ад̇о аб̣бхуг̇г̇ажчад̇и, д̇ад̇радто бхигку хад̇т̇абаасам̣ аанзд̇аб̣б̣о. ид̣̇д̇хияаа анд̇обаб̣б̣ад̇ам̣ бавидтзби зсзва наяо. б̣аж̇жхамаанаа зва хи сиймаа бамаан̣арахид̇ам̣ бад̣̇зсам̣ на од̇арад̇и, б̣ад̣̇д̇хааяа сиймааяа ж̇аад̇ам̣ яам̣ гин̃жи яад̇т̇а гад̇т̇ажи згасамб̣анд̇хзна г̇ад̇ам̣ сиймаасан̇кяамзва г̇ажчад̇ийд̇и.

    Sīmāmāḷake vaṭarukkho hoti, tassa sākhā vā tato niggatapāroho vā mahāsīmāya pathavītalaṃ vā tatthajātarukkhādīni vā āhacca tiṭṭhati, mahāsīmaṃ vā sodhetvā kammaṃ kātabbaṃ, te vā sākhāpārohā chinditvā bahiṭṭhakā kātabbā. Anāhacca ṭhitasākhādīsu āruḷhabhikkhū hatthapāsaṃ ānetabbā. Evaṃ mahāsīmāya jātarukkhassa sākhā vā pāroho vā vuttanayeneva sīmāmāḷake patiṭṭhāti, vuttanayeneva sīmaṃ sodhetvā vā kammaṃ kātabbaṃ, te vā sākhāpārohā chinditvā bahiṭṭhakā kātabbā. Sace māḷake kamme kariyamāne koci bhikkhu māḷakassa anto pavisitvā vehāsaṃ ṭhitasākhāya nisīdati, pādā vāssa bhūmigatā honti, nivāsanapārupanaṃ vā bhūmiṃ phusati, kammaṃ kātuṃ na vaṭṭati. Pāde pana nivāsanapārupanañca ukkhipāpetvā kātuṃ kammaṃ vaṭṭati, idañca lakkhaṇaṃ purimanayepi veditabbaṃ. Ayaṃ pana viseso – tatra ukkhipāpetvā kātuṃ na vaṭṭati, hatthapāsameva ānetabbo. Sace antosīmato pabbato abbhuggacchati, tatraṭṭho bhikkhu hatthapāsaṃ ānetabbo. Iddhiyā antopabbataṃ paviṭṭhepi eseva nayo. Bajjhamānā eva hi sīmā pamāṇarahitaṃ padesaṃ na otarati, baddhāya sīmāya jātaṃ yaṃ kiñci yattha katthaci ekasambandhena gataṃ sīmāsaṅkhyameva gacchatīti.

    д̇ияож̇анабарамам̣ бана сиймам̣ самманнанд̇зна маж̇жхз тад̇ваа яат̇аа жад̇уусуби д̣̇исаасу д̣̇ияад̣дхад̣̇ияад̣дхаяож̇анам̣ ход̇и, звам̣ самманнид̇аб̣б̣аа. сажз бана маж̇жхз тад̇ваа згзгад̣̇исад̇о д̇ияож̇анам̣ гаронд̇и, чаяож̇анам̣ ход̇ийд̇и на ваддад̇и. жад̇урассам̣ ваа д̇игон̣ам̣ ваа самманнанд̇зна яат̇аа гон̣ад̇о гон̣ам̣ д̇ияож̇анам̣ ход̇и, звам̣ самманнид̇аб̣б̣аа. сажз хи язна гзнажи барияанд̇зна гзсаг̇г̇амад̇д̇амби д̇ияож̇анам̣ ад̇иггаамзд̇и, аабад̇д̇ин̃жа аабаж̇ж̇ад̇и, сиймаа жа асиймаа ход̇и.

    Tiyojanaparamaṃ pana sīmaṃ sammannantena majjhe ṭhatvā yathā catūsupi disāsu diyaḍḍhadiyaḍḍhayojanaṃ hoti, evaṃ sammannitabbā. Sace pana majjhe ṭhatvā ekekadisato tiyojanaṃ karonti, chayojanaṃ hotīti na vaṭṭati. Caturassaṃ vā tikoṇaṃ vā sammannantena yathā koṇato koṇaṃ tiyojanaṃ hoti, evaṃ sammannitabbā. Sace hi yena kenaci pariyantena kesaggamattampi tiyojanaṃ atikkāmeti, āpattiñca āpajjati, sīmā ca asīmā hoti.

    164. ‘‘на, бхигкавз, над̣̇ийбаарасиймаа самманнид̇аб̣б̣аа, яо самманнзяяа, аабад̇д̇и д̣̇уггадассаа’’д̇и (махаава. 140) важанад̇о над̣̇ийбаарасиймаа на самманнид̇аб̣б̣аа. яад̇ра бана д̇хуванааваа ваа д̇хувасзд̇у ваа абхимукад̇ид̇т̇зязва ад̇т̇и, зваруубам̣ над̣̇ийбаарасиймам̣ самманнид̇ум̣ ваддад̇и. ‘‘ануж̇аанаами, бхигкавз, яад̇т̇асса д̇хуванааваа ваа д̇хувасзд̇у ваа, зваруубам̣ над̣̇ийбаарасиймам̣ самманнид̇у’’нд̇и хи вуд̇д̇ам̣. сажз д̇хуванааваа ваа д̇хувасзд̇у ваа абхимукад̇ид̇т̇з над̇т̇и, ийсагам̣ уд̣̇д̇хам̣ абхирухид̇ваа ад̇хо ваа орохид̇ваа ад̇т̇и, звамби ваддад̇и. гаравигад̇иссад̇т̇зро бана ‘‘г̇аавуд̇амад̇д̇аб̣бханд̇арзби ваддад̇ий’’д̇и ааха.

    164. ‘‘Na, bhikkhave, nadīpārasīmā sammannitabbā, yo sammanneyya, āpatti dukkaṭassā’’ti (mahāva. 140) vacanato nadīpārasīmā na sammannitabbā. Yatra pana dhuvanāvā vā dhuvasetu vā abhimukhatittheyeva atthi, evarūpaṃ nadīpārasīmaṃ sammannituṃ vaṭṭati. ‘‘Anujānāmi, bhikkhave, yatthassa dhuvanāvā vā dhuvasetu vā, evarūpaṃ nadīpārasīmaṃ sammannitu’’nti hi vuttaṃ. Sace dhuvanāvā vā dhuvasetu vā abhimukhatitthe natthi, īsakaṃ uddhaṃ abhiruhitvā adho vā orohitvā atthi, evampi vaṭṭati. Karavikatissatthero pana ‘‘gāvutamattabbhantarepi vaṭṭatī’’ti āha.

    иман̃жа бана над̣̇ийбаарасиймам̣ самманнанд̇зна згасмин̃жа д̇ийрз тад̇ваа убарисод̇з над̣̇ийд̇ийрз нимид̇д̇ам̣ гид̇д̇зд̇ваа д̇ад̇о бадтааяа ад̇д̇аанам̣ баригкибанд̇зна яад̇д̇агам̣ барижчзд̣̇ам̣ ижчад̇и, д̇асса барияосаанз ад̇хосод̇зби над̣̇ийд̇ийрз нимид̇д̇ам̣ гид̇д̇зд̇ваа барад̇ийрз саммукадтаанз над̣̇ийд̇ийрз нимид̇д̇ам̣ гид̇д̇зд̇аб̣б̣ам̣. д̇ад̇о бадтааяа яад̇д̇агам̣ барижчзд̣̇ам̣ ижчад̇и, д̇асса васзна яаава убарисод̇з батамам̣ гид̇д̇ид̇анимид̇д̇асса саммукаа над̣̇ийд̇ийрз нимид̇д̇ам̣, д̇аава гид̇д̇зд̇ваа бажжаахарид̇ваа батамагид̇д̇ид̇анимид̇д̇зна сад̣̇д̇хим̣ гхадзд̇аб̣б̣ам̣. ат̇а саб̣б̣анимид̇д̇аанам̣ анд̇о тид̇з бхигкуу хад̇т̇абаасаг̇ад̇з гад̇ваа гаммаваажааяа сиймаа самманнид̇аб̣б̣аа. над̣̇ияаа тид̇аа анааг̇ад̇ааби гаммам̣ на гобзнд̇и, саммуд̇ибарияосаанз табзд̇ваа над̣̇им̣ нимид̇д̇аанам̣ анд̇о барад̇ийрз жа оримад̇ийрз жа згасиймаа ход̇и, над̣̇ий бана б̣ад̣̇д̇хасиймаасан̇кяам̣ на г̇ажчад̇и. висум̣ над̣̇ийсиймаа зва хи саа.

    Imañca pana nadīpārasīmaṃ sammannantena ekasmiñca tīre ṭhatvā uparisote nadītīre nimittaṃ kittetvā tato paṭṭhāya attānaṃ parikkhipantena yattakaṃ paricchedaṃ icchati, tassa pariyosāne adhosotepi nadītīre nimittaṃ kittetvā paratīre sammukhaṭṭhāne nadītīre nimittaṃ kittetabbaṃ. Tato paṭṭhāya yattakaṃ paricchedaṃ icchati, tassa vasena yāva uparisote paṭhamaṃ kittitanimittassa sammukhā nadītīre nimittaṃ, tāva kittetvā paccāharitvā paṭhamakittitanimittena saddhiṃ ghaṭetabbaṃ. Atha sabbanimittānaṃ anto ṭhite bhikkhū hatthapāsagate katvā kammavācāya sīmā sammannitabbā. Nadiyā ṭhitā anāgatāpi kammaṃ na kopenti, sammutipariyosāne ṭhapetvā nadiṃ nimittānaṃ anto paratīre ca orimatīre ca ekasīmā hoti, nadī pana baddhasīmāsaṅkhyaṃ na gacchati. Visuṃ nadīsīmā eva hi sā.

    сажз анд̇онад̣̇ияам̣ д̣̇ийбаго ход̇и, д̇ам̣ анд̇осиймааяа гаад̇угаамзна буриманаязнзва ад̇д̇анаа тид̇ад̇ийрз нимид̇д̇аани гид̇д̇зд̇ваа д̣̇ийбагасса ориманд̇з жа баариманд̇з жа нимид̇д̇ам̣ гид̇д̇зд̇аб̣б̣ам̣. ат̇а барад̇ийрз над̣̇ияаа оримад̇ийрз нимид̇д̇асса саммукадтаанз нимид̇д̇ам̣ гид̇д̇зд̇ваа д̇ад̇о бадтааяа буриманаязнзва яаава убарисод̇з батамам̣ гид̇д̇ид̇анимид̇д̇асса саммукаа нимид̇д̇ам̣, д̇аава гид̇д̇зд̇аб̣б̣ам̣. ат̇а д̣̇ийбагасса баариманд̇з жа ориманд̇з жа нимид̇д̇ам̣ гид̇д̇зд̇ваа бажжаахарид̇ваа батамам̣ гид̇д̇ид̇анимид̇д̇зна сад̣̇д̇хим̣ гхадзд̇аб̣б̣ам̣. ат̇а д̣̇вийсу д̇ийрзсу д̣̇ийбагзсу жа бхигкуу саб̣б̣з хад̇т̇абаасаг̇ад̇з гад̇ваа гаммаваажааяа сиймаа самманнид̇аб̣б̣аа, над̣̇ияам̣ тид̇аа анааг̇ажчанд̇ааби гаммам̣ на гобзнд̇и, саммуд̇ибарияосаанз табзд̇ваа над̣̇им̣ нимид̇д̇аанам̣ анд̇о д̇ийрад̣̇ваяан̃жа д̣̇ийбаго жа згасиймаа ход̇и, над̣̇ий бана над̣̇ийсиймааязва.

    Sace antonadiyaṃ dīpako hoti, taṃ antosīmāya kātukāmena purimanayeneva attanā ṭhitatīre nimittāni kittetvā dīpakassa orimante ca pārimante ca nimittaṃ kittetabbaṃ. Atha paratīre nadiyā orimatīre nimittassa sammukhaṭṭhāne nimittaṃ kittetvā tato paṭṭhāya purimanayeneva yāva uparisote paṭhamaṃ kittitanimittassa sammukhā nimittaṃ, tāva kittetabbaṃ. Atha dīpakassa pārimante ca orimante ca nimittaṃ kittetvā paccāharitvā paṭhamaṃ kittitanimittena saddhiṃ ghaṭetabbaṃ. Atha dvīsu tīresu dīpakesu ca bhikkhū sabbe hatthapāsagate katvā kammavācāya sīmā sammannitabbā, nadiyaṃ ṭhitā anāgacchantāpi kammaṃ na kopenti, sammutipariyosāne ṭhapetvā nadiṃ nimittānaṃ anto tīradvayañca dīpako ca ekasīmā hoti, nadī pana nadīsīmāyeva.

    сажз бана д̣̇ийбаго вихаарасиймаабарижчзд̣̇ад̇о уд̣̇д̇хам̣ ваа ад̇хо ваа ад̇хигад̇аро ход̇и, ат̇а вихаарасиймаабарижчзд̣̇анимид̇д̇асса уж̇угамзва саммукийбхууд̇з д̣̇ийбагасса ориманд̇з нимид̇д̇ам̣ гид̇д̇зд̇ваа д̇ад̇о бадтааяа д̣̇ийбагасикарам̣ баригкибанд̇зна буна д̣̇ийбагасса ориманд̇з нимид̇д̇асаммукз баариманд̇з нимид̇д̇ам̣ гид̇д̇зд̇аб̣б̣ам̣. д̇ад̇о барам̣ буриманаязнзва барад̇ийрз саммуканимид̇д̇амаад̣̇им̣ гад̇ваа барад̇ийрз нимид̇д̇аани жа д̣̇ийбагасса баариманд̇аориманд̇з нимид̇д̇аани жа гид̇д̇зд̇ваа батамагид̇д̇ид̇анимид̇д̇зна сад̣̇д̇хим̣ гхаданаа гаад̇аб̣б̣аа. звам̣ гид̇д̇зд̇ваа саммад̇аа сиймаа баб̣б̣ад̇асан̣таанаа ход̇и. сажз бана д̣̇ийбаго вихаарасиймаабарижчзд̣̇ад̇о уд̣̇д̇хамби ад̇хоби ад̇хигад̇аро ход̇и, буриманаязнзва д̣̇ийбагасса убхоби сикараани баригкибид̇ваа нимид̇д̇аани гид̇д̇знд̇зна нимид̇д̇агхаданаа гаад̇аб̣б̣аа. звам̣ гид̇д̇зд̇ваа саммад̇аа сиймаа муд̣̇ин̇г̇асан̣таанаа ход̇и. сажз д̣̇ийбаго вихаарасиймаабарижчзд̣̇асса анд̇о куд̣̇д̣̇аго ход̇и, саб̣б̣абатамзна наязна д̣̇ийбагз нимид̇д̇аани гид̇д̇зд̇аб̣б̣аани. звам̣ гид̇д̇зд̇ваа саммад̇аа сиймаа бан̣авасан̣таанаа ход̇и. звам̣ д̇аава сиймааб̣анд̇ханам̣ взд̣̇ид̇аб̣б̣ам̣.

    Sace pana dīpako vihārasīmāparicchedato uddhaṃ vā adho vā adhikataro hoti, atha vihārasīmāparicchedanimittassa ujukameva sammukhībhūte dīpakassa orimante nimittaṃ kittetvā tato paṭṭhāya dīpakasikharaṃ parikkhipantena puna dīpakassa orimante nimittasammukhe pārimante nimittaṃ kittetabbaṃ. Tato paraṃ purimanayeneva paratīre sammukhanimittamādiṃ katvā paratīre nimittāni ca dīpakassa pārimantaorimante nimittāni ca kittetvā paṭhamakittitanimittena saddhiṃ ghaṭanā kātabbā. Evaṃ kittetvā sammatā sīmā pabbatasaṇṭhānā hoti. Sace pana dīpako vihārasīmāparicchedato uddhampi adhopi adhikataro hoti, purimanayeneva dīpakassa ubhopi sikharāni parikkhipitvā nimittāni kittentena nimittaghaṭanā kātabbā. Evaṃ kittetvā sammatā sīmā mudiṅgasaṇṭhānā hoti. Sace dīpako vihārasīmāparicchedassa anto khuddako hoti, sabbapaṭhamena nayena dīpake nimittāni kittetabbāni. Evaṃ kittetvā sammatā sīmā paṇavasaṇṭhānā hoti. Evaṃ tāva sīmābandhanaṃ veditabbaṃ.

    165. звам̣ б̣ад̣̇д̇хаа бана сиймаа гад̣̇аа асиймаа ход̇ийд̇и? яад̣̇аа сан̇гхо сиймам̣ самууханад̇и, д̇ад̣̇аа асиймаа ход̇и. гат̇ам̣ банзсаа самууханид̇аб̣б̣аад̇и? ‘‘сиймам̣ , бхигкавз, самманнанд̇зна батамам̣ самаанасам̣ваасасиймаа самманнид̇аб̣б̣аа, бажчаа д̇ижийварзна авиббаваасо самманнид̇аб̣б̣о. сиймам̣, бхигкавз, самуухананд̇зна батамам̣ д̇ижийварзна авиббаваасо самууханд̇аб̣б̣о, бажчаа самаанасам̣ваасасиймаа самууханд̇аб̣б̣аа’’д̇и важанад̇о батамам̣ авиббаваасо самууханид̇аб̣б̣о, бажчаа сиймаа самууханид̇аб̣б̣аад̇и. гат̇ам̣? б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –

    165. Evaṃ baddhā pana sīmā kadā asīmā hotīti? Yadā saṅgho sīmaṃ samūhanati, tadā asīmā hoti. Kathaṃ panesā samūhanitabbāti? ‘‘Sīmaṃ , bhikkhave, sammannantena paṭhamaṃ samānasaṃvāsasīmā sammannitabbā, pacchā ticīvarena avippavāso sammannitabbo. Sīmaṃ, bhikkhave, samūhanantena paṭhamaṃ ticīvarena avippavāso samūhantabbo, pacchā samānasaṃvāsasīmā samūhantabbā’’ti vacanato paṭhamaṃ avippavāso samūhanitabbo, pacchā sīmā samūhanitabbāti. Kathaṃ? Byattena bhikkhunā paṭibalena saṅgho ñāpetabbo –

    ‘‘сун̣аад̇у мз, бханд̇з, сан̇гхо, яо со сан̇гхзна д̇ижийварзна авиббаваасо саммад̇о, яад̣̇и сан̇гхасса бад̇д̇агаллам̣, сан̇гхо д̇ам̣ д̇ижийварзна авиббаваасам̣ самууханзяяа, зсаа н̃ад̇д̇и.

    ‘‘Suṇātu me, bhante, saṅgho, yo so saṅghena ticīvarena avippavāso sammato, yadi saṅghassa pattakallaṃ, saṅgho taṃ ticīvarena avippavāsaṃ samūhaneyya, esā ñatti.

    ‘‘сун̣аад̇у мз, бханд̇з, сан̇гхо, яо со сан̇гхзна д̇ижийварзна авиббаваасо саммад̇о, сан̇гхо д̇ам̣ д̇ижийрзна авиббаваасам̣ самууханад̇и. яассааяасмад̇о камад̇и зд̇асса д̇ижийварзна авиббаваасасса самуг̇гхаад̇о, со д̇ун̣хасса. яасса нагкамад̇и, со бхаасзяяа.

    ‘‘Suṇātu me, bhante, saṅgho, yo so saṅghena ticīvarena avippavāso sammato, saṅgho taṃ ticīrena avippavāsaṃ samūhanati. Yassāyasmato khamati etassa ticīvarena avippavāsassa samugghāto, so tuṇhassa. Yassa nakkhamati, so bhāseyya.

    ‘‘самуухад̇о со сан̇гхзна д̇ижийварзна авиббаваасо, камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и (махаава. 145) –

    ‘‘Samūhato so saṅghena ticīvarena avippavāso, khamati saṅghassa, tasmā tuṇhī, evametaṃ dhārayāmī’’ti (mahāva. 145) –

    звам̣ д̇аава авиббаваасо самууханид̇аб̣б̣о.

    Evaṃ tāva avippavāso samūhanitabbo.

    ‘‘сун̣аад̇у мз, бханд̇з, сан̇гхо, яаа саа сан̇гхзна сиймаа саммад̇аа самаанасам̣ваасаа згуубосат̇аа, яад̣̇и сан̇гхасса бад̇д̇агаллам̣, сан̇гхо д̇ам̣ сиймам̣ самууханзяяа самаанасам̣ваасам̣ згуубосат̇ам̣, зсаа н̃ад̇д̇и.

    ‘‘Suṇātu me, bhante, saṅgho, yā sā saṅghena sīmā sammatā samānasaṃvāsā ekūposathā, yadi saṅghassa pattakallaṃ, saṅgho taṃ sīmaṃ samūhaneyya samānasaṃvāsaṃ ekūposathaṃ, esā ñatti.

    ‘‘сун̣аад̇у мз, бханд̇з, сан̇гхо, яаа саа сан̇гхзна сиймаа саммад̇аа самаанасам̣ваасаа згуубосат̇аа, сан̇гхо д̇ам̣ сиймам̣ самууханад̇и самаанасам̣ваасам̣ згуубосат̇ам̣. яассааяасмад̇о камад̇и зд̇иссаа сиймааяа самаанасам̣ваасааяа згуубосат̇ааяа самуг̇гхаад̇о, со д̇ун̣хасса. яасса нагкамад̇и, со бхаасзяяа.

    ‘‘Suṇātu me, bhante, saṅgho, yā sā saṅghena sīmā sammatā samānasaṃvāsā ekūposathā, saṅgho taṃ sīmaṃ samūhanati samānasaṃvāsaṃ ekūposathaṃ. Yassāyasmato khamati etissā sīmāya samānasaṃvāsāya ekūposathāya samugghāto, so tuṇhassa. Yassa nakkhamati, so bhāseyya.

    ‘‘самуухад̇аа саа сиймаа сан̇гхзна самаанасам̣ваасаа згуубосат̇аа, камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и (махаава. 146) –

    ‘‘Samūhatā sā sīmā saṅghena samānasaṃvāsā ekūposathā, khamati saṅghassa, tasmā tuṇhī, evametaṃ dhārayāmī’’ti (mahāva. 146) –

    звам̣ сиймаа самууханид̇аб̣б̣аа.

    Evaṃ sīmā samūhanitabbā.

    самуухананд̇зна бана бхигкунаа вад̇д̇ам̣ ж̇аанид̇аб̣б̣ам̣. д̇ад̇рид̣̇ам̣ вад̇д̇ам̣ (махаава. адта. 144) – кан̣д̣асиймааяа тад̇ваа авиббаваасасиймаа на самууханд̇аб̣б̣аа, д̇ат̇аа авиббаваасасиймааяа тад̇ваа кан̣д̣асиймааби. кан̣д̣асиймааяа бана тид̇зна кан̣д̣асиймаава самууханид̇аб̣б̣аа, д̇ат̇аа ид̇арааяа тид̇зна ид̇араа. сиймам̣ наама д̣̇вийхи гааран̣зхи самуухананд̇и багад̇ияаа куд̣̇д̣̇агам̣ буна ааваасавад̣дханад̇т̇ааяа махад̇им̣ ваа гаад̇ум̣, багад̇ияаа махад̇им̣ буна ан̃н̃зсам̣ вихаарогаасад̣̇аанад̇т̇ааяа куд̣̇д̣̇агам̣ ваа гаад̇ум̣. д̇ад̇т̇а сажз кан̣д̣асийман̃жа авиббаваасасийман̃жа ж̇аананд̇и, самууханид̇ун̃жзва б̣анд̇хид̇ун̃жа сагкиссанд̇и. кан̣д̣асиймам̣ бана ж̇аананд̇аа авиббаваасам̣ аж̇аананд̇ааби самууханид̇ун̃жзва б̣анд̇хид̇ун̃жа сагкиссанд̇и. кан̣д̣асиймам̣ аж̇аананд̇аа авиббаваасам̣язва ж̇аананд̇аа жзд̇ияан̇г̇ан̣аб̣од̇хияан̇г̇ан̣аубаосат̇ааг̇аараад̣̇ийсу нираасан̇гадтаанзсу тад̇ваа аббзва наама самууханид̇ум̣ сагкиссанд̇и, бадиб̣анд̇хид̇ум̣ бана на сагкиссанд̇зва. сажз б̣анд̇хзяяум̣, сиймаасамбхзд̣̇ам̣ гад̇ваа вихаарам̣ авихаарам̣ гарзяяум̣, д̇асмаа на самууханид̇аб̣б̣аа. яз бана убхоби на ж̇аананд̇и, д̇з нзва самууханид̇ум̣, на б̣анд̇хид̇ум̣ сагкиссанд̇и. аяан̃хи сиймаа наама гаммаваажааяа ваа асиймаа ход̇и саасананд̇арад̇хаанзна ваа, на жа саггаа сиймам̣ аж̇аананд̇зхи гаммаваажаа гаад̇ум̣, д̇асмаа на самууханид̇аб̣б̣аа, саад̇хугам̣ бана н̃ад̇вааязва самууханид̇аб̣б̣аа жзва б̣анд̇хид̇аб̣б̣аа жаад̇и. аяам̣ д̇аава б̣ад̣̇д̇хасиймааяа винижчаяо.

    Samūhanantena pana bhikkhunā vattaṃ jānitabbaṃ. Tatridaṃ vattaṃ (mahāva. aṭṭha. 144) – khaṇḍasīmāya ṭhatvā avippavāsasīmā na samūhantabbā, tathā avippavāsasīmāya ṭhatvā khaṇḍasīmāpi. Khaṇḍasīmāya pana ṭhitena khaṇḍasīmāva samūhanitabbā, tathā itarāya ṭhitena itarā. Sīmaṃ nāma dvīhi kāraṇehi samūhananti pakatiyā khuddakaṃ puna āvāsavaḍḍhanatthāya mahatiṃ vā kātuṃ, pakatiyā mahatiṃ puna aññesaṃ vihārokāsadānatthāya khuddakaṃ vā kātuṃ. Tattha sace khaṇḍasīmañca avippavāsasīmañca jānanti, samūhanituñceva bandhituñca sakkhissanti. Khaṇḍasīmaṃ pana jānantā avippavāsaṃ ajānantāpi samūhanituñceva bandhituñca sakkhissanti. Khaṇḍasīmaṃ ajānantā avippavāsaṃyeva jānantā cetiyaṅgaṇabodhiyaṅgaṇaupaosathāgārādīsu nirāsaṅkaṭṭhānesu ṭhatvā appeva nāma samūhanituṃ sakkhissanti, paṭibandhituṃ pana na sakkhissanteva. Sace bandheyyuṃ, sīmāsambhedaṃ katvā vihāraṃ avihāraṃ kareyyuṃ, tasmā na samūhanitabbā. Ye pana ubhopi na jānanti, te neva samūhanituṃ, na bandhituṃ sakkhissanti. Ayañhi sīmā nāma kammavācāya vā asīmā hoti sāsanantaradhānena vā, na ca sakkā sīmaṃ ajānantehi kammavācā kātuṃ, tasmā na samūhanitabbā, sādhukaṃ pana ñatvāyeva samūhanitabbā ceva bandhitabbā cāti. Ayaṃ tāva baddhasīmāya vinicchayo.

    166. аб̣ад̣̇д̇хасиймаа бана г̇аамасиймаа сад̇д̇аб̣бханд̇арасиймаа уд̣̇агугкзбасиймаад̇и д̇ивид̇хаа. д̇ад̇т̇а яаавад̇аа згам̣ г̇аамакзд̇д̇ам̣, аяам̣ г̇аамасиймаа наама, г̇аамаг̇г̇ахан̣зна жзд̇т̇а (махаава. адта. 147) наг̇арамби ниг̇амамби г̇ахид̇амзва ход̇и. д̇ад̇т̇а яад̇д̇агз бад̣̇зсз д̇асса д̇асса г̇аамасса г̇аамабхож̇агаа б̣алим̣ лабханд̇и, со бад̣̇зсо аббо ваа ход̇у маханд̇о ваа, г̇аамасиймаад̇взва сан̇кяам̣ г̇ажчад̇и. наг̇араниг̇амасиймаасуби зсзва наяо. яамби згасмим̣язва г̇аамакзд̇д̇з згам̣ бад̣̇зсам̣ ‘‘аяам̣ висум̣г̇аамо ход̇уу’’д̇и барижчинд̣̇ид̇ваа рааж̇аа гассажи д̣̇зд̇и, соби висум̣г̇аамасиймаа ход̇иязва, д̇асмаа саа жа ид̇араа жа багад̇иг̇ааманаг̇араниг̇амасиймаа б̣ад̣̇д̇хасиймаасад̣̇исааязва хонд̇и, гзвалам̣ бана д̇ижийваравиббаваасабарихаарам̣ на лабханд̇и.

    166.Abaddhasīmā pana gāmasīmā sattabbhantarasīmā udakukkhepasīmāti tividhā. Tattha yāvatā ekaṃ gāmakhettaṃ, ayaṃ gāmasīmā nāma, gāmaggahaṇena cettha (mahāva. aṭṭha. 147) nagarampi nigamampi gahitameva hoti. Tattha yattake padese tassa tassa gāmassa gāmabhojakā baliṃ labhanti, so padeso appo vā hotu mahanto vā, gāmasīmātveva saṅkhyaṃ gacchati. Nagaranigamasīmāsupi eseva nayo. Yampi ekasmiṃyeva gāmakhette ekaṃ padesaṃ ‘‘ayaṃ visuṃgāmo hotū’’ti paricchinditvā rājā kassaci deti, sopi visuṃgāmasīmā hotiyeva, tasmā sā ca itarā ca pakatigāmanagaranigamasīmā baddhasīmāsadisāyeva honti, kevalaṃ pana ticīvaravippavāsaparihāraṃ na labhanti.

    аг̇аамагз бана аран̃н̃з саманд̇аа сад̇д̇аб̣бханд̇араа сад̇д̇аб̣бханд̇арасиймаа наама. д̇ад̇т̇а аг̇аамагам̣ наама аран̃н̃ам̣ вин̃жхаадавийаад̣̇ийсу ваа самуд̣̇д̣̇амаж̇жхз ваа мажчаб̣анд̇хаанам̣ аг̇аманабат̇з д̣̇ийбагзсу лаб̣бхад̇и. саманд̇аа сад̇д̇аб̣бханд̇араад̇и маж̇жхз тид̇аанам̣ саб̣б̣ад̣̇исаасу сад̇д̇аб̣бханд̇араа виниб̣б̣зд̇хзна жуд̣̇д̣̇аса хонд̇и. д̇ад̇т̇а згам̣ аб̣бханд̇арам̣ адтавийсад̇ихад̇т̇аббамаан̣ам̣ ход̇и. аяан̃жа сиймаа барисавасзна вад̣дхад̇и , д̇асмаа саманд̇аа барисабарияанд̇ад̇о бадтааяа аб̣бханд̇арабарижчзд̣̇о гаад̇аб̣б̣о. сажз бана д̣̇вз сан̇гхаа висум̣ убосат̇ам̣ гаронд̇и, д̣̇виннам̣ сад̇д̇аб̣бханд̇араанам̣ анд̇арз ан̃н̃амзгам̣ аб̣бханд̇арам̣ убажаарад̇т̇ааяа табзд̇аб̣б̣ам̣.

    Agāmake pana araññe samantā sattabbhantarā sattabbhantarasīmā nāma. Tattha agāmakaṃ nāma araññaṃ viñjhāṭavīādīsu vā samuddamajjhe vā macchabandhānaṃ agamanapathe dīpakesu labbhati. Samantā sattabbhantarāti majjhe ṭhitānaṃ sabbadisāsu sattabbhantarā vinibbedhena cuddasa honti. Tattha ekaṃ abbhantaraṃ aṭṭhavīsatihatthappamāṇaṃ hoti. Ayañca sīmā parisavasena vaḍḍhati , tasmā samantā parisapariyantato paṭṭhāya abbhantaraparicchedo kātabbo. Sace pana dve saṅghā visuṃ uposathaṃ karonti, dvinnaṃ sattabbhantarānaṃ antare aññamekaṃ abbhantaraṃ upacāratthāya ṭhapetabbaṃ.

    167. яаа банзсаа ‘‘саб̣б̣аа, бхигкавз, над̣̇ий асиймаа, саб̣б̣о самуд̣̇д̣̇о асиймо, саб̣б̣о ж̇аад̇ассаро асиймо’’д̇и (махаава. 147) звам̣ над̣̇ийаад̣̇ийнам̣ б̣ад̣̇д̇хасиймабхаавам̣ бадигкибид̇ваа буна ‘‘над̣̇ияаа ваа, бхигкавз, самуд̣̇д̣̇з ваа ж̇аад̇ассарз ваа яам̣ маж̇жхимасса бурисасса саманд̇аа уд̣̇агугкзбаа, аяам̣ д̇ад̇т̇а самаанасам̣ваасаа згуубосат̇аа’’д̇и (махаава. 147) вуд̇д̇аа, аяам̣ уд̣̇агугкзбасиймаа наама. д̇ад̇т̇а над̣̇ий над̣̇ийнимид̇д̇з вуд̇д̇алагкан̣аава, самуд̣̇д̣̇оби баагадоязва. яо бана язна гзнажи кан̣ид̇ваа агад̇о саяам̣ж̇аад̇о соб̣бхо саманд̇ад̇о ааг̇ад̇зна уд̣̇агзна буурид̇о д̇идтад̇и, яад̇т̇а над̣̇ияам̣ вуд̇д̇аббагаарз вассагаалз уд̣̇агам̣ санд̇идтад̇и, аяам̣ ж̇аад̇ассаро наама. яоби над̣̇им̣ ваа самуд̣̇д̣̇ам̣ ваа бхинд̣̇ид̇ваа нигканд̇ауд̣̇агзна кад̇о соб̣бхо зд̇ам̣ лагкан̣ам̣ баабун̣аад̇и, аяамби ж̇аад̇ассароязва. зд̇зсу над̣̇ийаад̣̇ийсу яам̣ таанам̣ т̇аамамаж̇жхимасса бурисасса саманд̇ад̇о уд̣̇агугкзбзна барижчиннам̣, аяам̣ уд̣̇агугкзбасиймаа наама.

    167. Yā panesā ‘‘sabbā, bhikkhave, nadī asīmā, sabbo samuddo asīmo, sabbo jātassaro asīmo’’ti (mahāva. 147) evaṃ nadīādīnaṃ baddhasīmabhāvaṃ paṭikkhipitvā puna ‘‘nadiyā vā, bhikkhave, samudde vā jātassare vā yaṃ majjhimassa purisassa samantā udakukkhepā, ayaṃ tattha samānasaṃvāsā ekūposathā’’ti (mahāva. 147) vuttā, ayaṃ udakukkhepasīmā nāma. Tattha nadī nadīnimitte vuttalakkhaṇāva, samuddopi pākaṭoyeva. Yo pana yena kenaci khaṇitvā akato sayaṃjāto sobbho samantato āgatena udakena pūrito tiṭṭhati, yattha nadiyaṃ vuttappakāre vassakāle udakaṃ santiṭṭhati, ayaṃ jātassaro nāma. Yopi nadiṃ vā samuddaṃ vā bhinditvā nikkhantaudakena khato sobbho etaṃ lakkhaṇaṃ pāpuṇāti, ayampi jātassaroyeva. Etesu nadīādīsu yaṃ ṭhānaṃ thāmamajjhimassa purisassa samantato udakukkhepena paricchinnaṃ, ayaṃ udakukkhepasīmā nāma.

    гат̇ам̣ бана уд̣̇агугкзбо гаад̇аб̣б̣од̇и? яат̇аа агкад̇худ̇д̇аа д̣̇ааруг̇ул̣ам̣ кибанд̇и, звам̣ уд̣̇агам̣ ваа ваалугам̣ ваа хад̇т̇зна г̇ахзд̇ваа т̇аамамаж̇жхимзна бурисзна саб̣б̣ат̇аамзна кибид̇аб̣б̣ам̣. яад̇т̇а звам̣ кид̇д̇ам̣ уд̣̇агам̣ ваа ваалугаа ваа бад̇ад̇и, аяамзго уд̣̇агугкзбо, д̇асса анд̇охад̇т̇абаасам̣ виж̇ахид̇ваа тид̇о гаммам̣ гобзд̇и. яаава барисаа вад̣дхад̇и, д̇аава сиймааби вад̣дхад̇и, барисабарияанд̇ад̇о уд̣̇агугкзбоязва бамаан̣ам̣, аяам̣ бана зд̇зсам̣ над̣̇ийаад̣̇ийнам̣ анд̇оязва лаб̣бхад̇и, на б̣ахи. д̇асмаа над̣̇ияаа ваа ж̇аад̇ассарз ваа яад̇д̇агам̣ бад̣̇зсам̣ багад̇ивассагаалз жад̇уусу маасзсу уд̣̇агам̣ од̇т̇арад̇и, самуд̣̇д̣̇з яасмим̣ бад̣̇зсз багад̇ивийжияо осарид̇ваа сан̣таханд̇и, д̇ад̇о бадтааяа габбияабхууми, д̇ад̇т̇а тад̇ваа убосат̇аад̣̇игаммам̣ гаад̇ум̣ ваддад̇и, д̣̇уб̣б̣удтигаалз ваа г̇имхз ваа над̣̇ийж̇аад̇ассарзсу сугкзсуби саа зва габбияабхууми. сажз бана сугкз ж̇аад̇ассарз ваабим̣ ваа кан̣анд̇и, ваббам̣ ваа гаронд̇и, д̇ам̣ таанам̣ г̇аамакзд̇д̇ам̣ ход̇и. яаа банзсаа ‘‘габбияабхуумий’’д̇и вуд̇д̇аа, д̇ад̇о б̣ахи уд̣̇агугкзбасиймаа на г̇ажчад̇и, анд̇о г̇ажчад̇и, д̇асмаа д̇зсам̣ анд̇о барисабарияанд̇ад̇о бадтааяа саманд̇аа уд̣̇агугкзбабарижчзд̣̇о гаад̇аб̣б̣о, аяамзд̇т̇а сан̇кзбо.

    Kathaṃ pana udakukkhepo kātabboti? Yathā akkhadhuttā dāruguḷaṃ khipanti, evaṃ udakaṃ vā vālukaṃ vā hatthena gahetvā thāmamajjhimena purisena sabbathāmena khipitabbaṃ. Yattha evaṃ khittaṃ udakaṃ vā vālukā vā patati, ayameko udakukkhepo, tassa antohatthapāsaṃ vijahitvā ṭhito kammaṃ kopeti. Yāva parisā vaḍḍhati, tāva sīmāpi vaḍḍhati, parisapariyantato udakukkhepoyeva pamāṇaṃ, ayaṃ pana etesaṃ nadīādīnaṃ antoyeva labbhati, na bahi. Tasmā nadiyā vā jātassare vā yattakaṃ padesaṃ pakativassakāle catūsu māsesu udakaṃ ottharati, samudde yasmiṃ padese pakativīciyo osaritvā saṇṭhahanti, tato paṭṭhāya kappiyabhūmi, tattha ṭhatvā uposathādikammaṃ kātuṃ vaṭṭati, dubbuṭṭhikāle vā gimhe vā nadījātassaresu sukkhesupi sā eva kappiyabhūmi. Sace pana sukkhe jātassare vāpiṃ vā khaṇanti, vappaṃ vā karonti, taṃ ṭhānaṃ gāmakhettaṃ hoti. Yā panesā ‘‘kappiyabhūmī’’ti vuttā, tato bahi udakukkhepasīmā na gacchati, anto gacchati, tasmā tesaṃ anto parisapariyantato paṭṭhāya samantā udakukkhepaparicchedo kātabbo, ayamettha saṅkhepo.

    аяам̣ бана вид̇т̇ааро – сажз над̣̇ий наад̇ид̣̇ийгхаа ход̇и, бабхавад̇о бадтааяа яаава мукад̣̇ваараа саб̣б̣ад̇т̇а сан̇гхо нисийд̣̇ад̇и, уд̣̇агугкзбасиймааяа гаммам̣ над̇т̇и, сагалааби над̣̇ий зд̇зсам̣язва бхигкуунам̣ баход̇и . яам̣ бана махаасумад̇т̇зрзна вуд̇д̇ам̣ ‘‘яож̇анам̣ бавад̇д̇амаанааязва над̣̇ий, д̇ад̇рааби убари ад̣дхаяож̇анам̣ бахааяа хздтаа ад̣дхаяож̇анз гаммам̣ гаад̇ум̣ ваддад̇ий’’д̇и, д̇ам̣ махаабад̣̇умад̇т̇зрзнзва бадигкид̇д̇ам̣. бхаг̇авад̇аа хи ‘‘д̇иман̣д̣алам̣ бадижчаад̣̇зд̇ваа яад̇т̇а гад̇т̇ажи уд̇д̇аранд̇ияаа бхигкунияаа анд̇араваасаго д̇змияад̇ий’’д̇и (баажи. 692) ид̣̇ам̣ над̣̇ияаа бамаан̣ам̣ вуд̇д̇ам̣, на яож̇анам̣ ваа ад̣дхаяож̇анам̣ ваа, д̇асмаа яаа имасса суд̇д̇асса васзна буб̣б̣з вуд̇д̇алагкан̣аа над̣̇ий, д̇ассаа бабхавад̇о бадтааяа сан̇гхагаммам̣ гаад̇ум̣ ваддад̇и. сажз банзд̇т̇а б̣ахуу бхигкуу висум̣ висум̣ гаммам̣ гаронд̇и, саб̣б̣зхи ад̇д̇ано жа ан̃н̃зсан̃жа уд̣̇агугкзбабарижчзд̣̇асса анд̇араа ан̃н̃о уд̣̇агугкзбо сийманд̇аригад̇т̇ааяа табзд̇аб̣б̣о, д̇ад̇о ад̇хигам̣ ваддад̇иязва, уунам̣ бана на ваддад̇ийд̇и вуд̇д̇ам̣. ж̇аад̇ассарасамуд̣̇д̣̇зби зсзва наяо.

    Ayaṃ pana vitthāro – sace nadī nātidīghā hoti, pabhavato paṭṭhāya yāva mukhadvārā sabbattha saṅgho nisīdati, udakukkhepasīmāya kammaṃ natthi, sakalāpi nadī etesaṃyeva bhikkhūnaṃ pahoti . Yaṃ pana mahāsumattherena vuttaṃ ‘‘yojanaṃ pavattamānāyeva nadī, tatrāpi upari aḍḍhayojanaṃ pahāya heṭṭhā aḍḍhayojane kammaṃ kātuṃ vaṭṭatī’’ti, taṃ mahāpadumatthereneva paṭikkhittaṃ. Bhagavatā hi ‘‘timaṇḍalaṃ paṭicchādetvā yattha katthaci uttarantiyā bhikkhuniyā antaravāsako temiyatī’’ti (pāci. 692) idaṃ nadiyā pamāṇaṃ vuttaṃ, na yojanaṃ vā aḍḍhayojanaṃ vā, tasmā yā imassa suttassa vasena pubbe vuttalakkhaṇā nadī, tassā pabhavato paṭṭhāya saṅghakammaṃ kātuṃ vaṭṭati. Sace panettha bahū bhikkhū visuṃ visuṃ kammaṃ karonti, sabbehi attano ca aññesañca udakukkhepaparicchedassa antarā añño udakukkhepo sīmantarikatthāya ṭhapetabbo, tato adhikaṃ vaṭṭatiyeva, ūnaṃ pana na vaṭṭatīti vuttaṃ. Jātassarasamuddepi eseva nayo.

    над̣̇ияаа бана ‘‘гаммам̣ гариссаамаа’’д̇и г̇ад̇зхи сажз над̣̇ий барибун̣н̣аа ход̇и самад̇ид̇д̇игаа, уд̣̇агасаадигам̣ ниваасзд̇ваа анд̇онад̣̇ияам̣язва гаммам̣ гаад̇аб̣б̣ам̣. сажз на саггонд̇и, наавааяаби тад̇ваа гаад̇аб̣б̣ам̣. г̇ажчанд̇ияаа бана наавааяа гаад̇ум̣ на ваддад̇и. гасмаа? уд̣̇агугкзбамад̇д̇амзва хи сиймаа. д̇ам̣ нааваа сийгхамзва ад̇иггамад̇и, звам̣ сад̇и ан̃н̃иссаа сиймааяа н̃ад̇д̇и, ан̃н̃иссаа анусааванаа ход̇и, д̇асмаа наавам̣ арид̇д̇зна ваа табзд̇ваа баасаан̣з ваа ламб̣зд̇ваа анд̇онад̣̇ияам̣ ж̇аад̇аругкз ваа б̣анд̇хид̇ваа гаммам̣ гаад̇аб̣б̣ам̣. анд̇онад̣̇ияам̣ б̣ад̣̇д̇хааддагзби анд̇онад̣̇ияам̣ ж̇аад̇аругкзби тид̇зхи гаад̇ум̣ ваддад̇и. сажз бана ругкасса саакаа ваа д̇ад̇о нигканд̇абаарохо ваа б̣ахинад̣̇ийд̇ийрз вихаарасиймааяа ваа г̇аамасиймааяа ваа бад̇идтид̇о, сиймам̣ ваа сод̇хзд̇ваа саакам̣ ваа чинд̣̇ид̇ваа гаммам̣ гаад̇аб̣б̣ам̣. б̣ахинад̣̇ийд̇ийрз ж̇аад̇аругкасса анд̇онад̣̇ияам̣ бавидтасаакааяа ваа баарохз ваа наавам̣ б̣анд̇хид̇ваа гаммам̣ гаад̇ум̣ на ваддад̇и, гаронд̇зхи сиймаа ваа сод̇хзд̇аб̣б̣аа, чинд̣̇ид̇ваа ваасса б̣ахибад̇идтид̇абхааво наасзд̇аб̣б̣о. над̣̇ийд̇ийрз бана каан̣угам̣ годдзд̇ваа д̇ад̇т̇а б̣ад̣̇д̇ханаавааяа на ваддад̇иязва. над̣̇ияам̣ сзд̇ум̣ гаронд̇и, сажз анд̇онад̣̇ияам̣язва сзд̇у жа сзд̇убаад̣̇аа жа хонд̇и, сзд̇умхи тид̇зхи гаммам̣ гаад̇ум̣ ваддад̇и. сажз бана сзд̇у ваа сзд̇убаад̣̇аа ваа б̣ахид̇ийрз бад̇идтид̇аа, гаммам̣ гаад̇ум̣ на ваддад̇и, сиймам̣ сод̇хзд̇ваа гаад̇аб̣б̣ам̣. ат̇а сзд̇убаад̣̇аа анд̇о, сзд̇у бана убхиннамби д̇ийраанам̣ убариаагаасз тид̇о, ваддад̇и.

    Nadiyā pana ‘‘kammaṃ karissāmā’’ti gatehi sace nadī paripuṇṇā hoti samatittikā, udakasāṭikaṃ nivāsetvā antonadiyaṃyeva kammaṃ kātabbaṃ. Sace na sakkonti, nāvāyapi ṭhatvā kātabbaṃ. Gacchantiyā pana nāvāya kātuṃ na vaṭṭati. Kasmā? Udakukkhepamattameva hi sīmā. Taṃ nāvā sīghameva atikkamati, evaṃ sati aññissā sīmāya ñatti, aññissā anusāvanā hoti, tasmā nāvaṃ arittena vā ṭhapetvā pāsāṇe vā lambetvā antonadiyaṃ jātarukkhe vā bandhitvā kammaṃ kātabbaṃ. Antonadiyaṃ baddhaaṭṭakepi antonadiyaṃ jātarukkhepi ṭhitehi kātuṃ vaṭṭati. Sace pana rukkhassa sākhā vā tato nikkhantapāroho vā bahinadītīre vihārasīmāya vā gāmasīmāya vā patiṭṭhito, sīmaṃ vā sodhetvā sākhaṃ vā chinditvā kammaṃ kātabbaṃ. Bahinadītīre jātarukkhassa antonadiyaṃ paviṭṭhasākhāya vā pārohe vā nāvaṃ bandhitvā kammaṃ kātuṃ na vaṭṭati, karontehi sīmā vā sodhetabbā, chinditvā vāssa bahipatiṭṭhitabhāvo nāsetabbo. Nadītīre pana khāṇukaṃ koṭṭetvā tattha baddhanāvāya na vaṭṭatiyeva. Nadiyaṃ setuṃ karonti, sace antonadiyaṃyeva setu ca setupādā ca honti, setumhi ṭhitehi kammaṃ kātuṃ vaṭṭati. Sace pana setu vā setupādā vā bahitīre patiṭṭhitā, kammaṃ kātuṃ na vaṭṭati, sīmaṃ sodhetvā kātabbaṃ. Atha setupādā anto, setu pana ubhinnampi tīrānaṃ upariākāse ṭhito, vaṭṭati.

    анд̇онад̣̇ияам̣ баасаан̣о ваа д̣̇ийбаго ваа ход̇и, д̇ад̇т̇а яад̇д̇агам̣ бад̣̇зсам̣ буб̣б̣з вуд̇д̇аббагаарз багад̇ивассагаалз вассаанасса жад̇уусу маасзсу уд̣̇агам̣ од̇т̇арад̇и, со над̣̇ийсан̇кяамзва г̇ажчад̇и. ад̇ивудтигаалз огхзна од̇т̇ад̇огаасо на г̇ахзд̇аб̣б̣о. со хи г̇аамасиймаасан̇кяамзва г̇ажчад̇и. над̣̇ид̇о маад̇игам̣ нийхаранд̇аа над̣̇ияам̣ ааваран̣ам̣ гаронд̇и, д̇ам̣ жз од̇т̇арид̇ваа ваа виниб̣б̣иж̇жхид̇ваа ваа уд̣̇агам̣ г̇ажчад̇и, саб̣б̣ад̇т̇а бавад̇д̇анадтаанз гаммам̣ гаад̇ум̣ ваддад̇и. сажз бана ааваран̣зна ваа годдагаб̣анд̇ханзна ваа сод̇ам̣ бажчинд̣̇ад̇и, уд̣̇агам̣ наббавад̇д̇ад̇и, аббавад̇д̇анадтаанз гаад̇ум̣ на ваддад̇и, ааваран̣амад̇д̇агзби гаад̇ум̣ на ваддад̇и. сажз гожи ааваран̣аббад̣̇зсо буб̣б̣з вуд̇д̇абаасаан̣ад̣̇ийбагаббад̣̇зсо вияа уд̣̇агзна аж̇жход̇т̇арийяад̇и, д̇ад̇т̇а ваддад̇и. со хи над̣̇ийсан̇кяамзва г̇ажчад̇и. над̣̇им̣ винаасзд̇ваа д̇ал̣аагам̣ гаронд̇и, хздтаа баал̣иб̣ад̣̇д̇хаа уд̣̇агам̣ ааг̇анд̇ваа д̇ал̣аагам̣ буурзд̇ваа д̇идтад̇и, зд̇т̇а гаммам̣ гаад̇ум̣ на ваддад̇и, убари бавад̇д̇анадтаанз хздтаа жа чад̣д̣ид̇од̣̇агам̣ над̣̇им̣ од̇арид̇ваа санд̣̇анадтаанад̇о бадтааяа ваддад̇и. д̣̇звз авассанд̇з хзманд̇аг̇имхзсу ваа сугканад̣̇ияааби ваддад̇и, над̣̇ид̇о нийхадамаад̇игааяа на ваддад̇и. сажз саа гааланд̇арзна бхиж̇ж̇ид̇ваа над̣̇ий ход̇и, ваддад̇и. гаажи над̣̇ий уббад̇ид̇ваа г̇ааманиг̇амасиймам̣ од̇т̇арид̇ваа бавад̇д̇ад̇и, над̣̇ийязва ход̇и, гаммам̣ гаад̇ум̣ ваддад̇и. сажз бана вихаарасиймам̣ од̇т̇арад̇и, вихаарасиймаад̇взва сан̇кяам̣ г̇ажчад̇и.

    Antonadiyaṃ pāsāṇo vā dīpako vā hoti, tattha yattakaṃ padesaṃ pubbe vuttappakāre pakativassakāle vassānassa catūsu māsesu udakaṃ ottharati, so nadīsaṅkhyameva gacchati. Ativuṭṭhikāle oghena otthatokāso na gahetabbo. So hi gāmasīmāsaṅkhyameva gacchati. Nadito mātikaṃ nīharantā nadiyaṃ āvaraṇaṃ karonti, taṃ ce ottharitvā vā vinibbijjhitvā vā udakaṃ gacchati, sabbattha pavattanaṭṭhāne kammaṃ kātuṃ vaṭṭati. Sace pana āvaraṇena vā koṭṭakabandhanena vā sotaṃ pacchindati, udakaṃ nappavattati, appavattanaṭṭhāne kātuṃ na vaṭṭati, āvaraṇamattakepi kātuṃ na vaṭṭati. Sace koci āvaraṇappadeso pubbe vuttapāsāṇadīpakappadeso viya udakena ajjhottharīyati, tattha vaṭṭati. So hi nadīsaṅkhyameva gacchati. Nadiṃ vināsetvā taḷākaṃ karonti, heṭṭhā pāḷibaddhā udakaṃ āgantvā taḷākaṃ pūretvā tiṭṭhati, ettha kammaṃ kātuṃ na vaṭṭati, upari pavattanaṭṭhāne heṭṭhā ca chaḍḍitodakaṃ nadiṃ otaritvā sandanaṭṭhānato paṭṭhāya vaṭṭati. Deve avassante hemantagimhesu vā sukkhanadiyāpi vaṭṭati, nadito nīhaṭamātikāya na vaṭṭati. Sace sā kālantarena bhijjitvā nadī hoti, vaṭṭati. Kāci nadī uppatitvā gāmanigamasīmaṃ ottharitvā pavattati, nadīyeva hoti, kammaṃ kātuṃ vaṭṭati. Sace pana vihārasīmaṃ ottharati, vihārasīmātveva saṅkhyaṃ gacchati.

    самуд̣̇д̣̇зби гаммам̣ гаронд̇зхи яам̣ бад̣̇зсам̣ уд̣̇д̇хам̣ вад̣дханауд̣̇агам̣ ваа багад̇ивийжи ваа взг̇зна ааг̇анд̇ваа од̇т̇арад̇и, д̇ад̇т̇а гаад̇ум̣ на ваддад̇и. яасмим̣ бана бад̣̇зсз багад̇ивийжияо осарид̇ваа сан̣таханд̇и, со уд̣̇аганд̇ад̇о бадтааяа анд̇о самуд̣̇д̣̇о наама, д̇ад̇т̇а тид̇зхи гаммам̣ гаад̇аб̣б̣ам̣. сажз уумивзг̇о б̣аад̇хад̇и, наавааяа ваа аддагз ваа тад̇ваа гаад̇аб̣б̣ам̣. д̇зсу винижчаяо над̣̇ияам̣ вуд̇д̇анаязнзва взд̣̇ид̇аб̣б̣о. самуд̣̇д̣̇з бидтибаасаан̣о ход̇и, д̇ам̣ гад̣̇аажи уумияо ааг̇анд̇ваа од̇т̇аранд̇и, гад̣̇аажи на од̇т̇аранд̇и, д̇ад̇т̇а гаммам̣ гаад̇ум̣ на ваддад̇и. со хи г̇аамасиймаасан̇кяамзва г̇ажчад̇и. сажз бана вийжийсу ааг̇ад̇аасуби анааг̇ад̇аасуби багад̇иуд̣̇агзнзва од̇т̇арийяад̇и, ваддад̇и. д̣̇ийбаго ваа баб̣б̣ад̇о ваа ход̇и, со жз д̣̇уурз ход̇и мажчаб̣анд̇хаанам̣ аг̇аманабат̇з, аран̃н̃асиймаасан̇кяамзва г̇ажчад̇и. д̇зсам̣ г̇аманабарияанд̇асса орад̇о бана г̇аамасиймаасан̇кяам̣ г̇ажчад̇и, д̇ад̇т̇а г̇аамасиймам̣ асод̇хзд̇ваа гаммам̣ гаад̇ум̣ на ваддад̇и. самуд̣̇д̣̇о г̇аамасиймам̣ ваа ниг̇амасиймам̣ ваа од̇т̇арид̇ваа д̇идтад̇и, самуд̣̇д̣̇ова ход̇и, д̇ад̇т̇а гаммам̣ гаад̇ум̣ ваддад̇и. сажз бана вихаарасиймам̣ од̇т̇арад̇и, вихаарасиймаад̇взва сан̇кяам̣ г̇ажчад̇и.

    Samuddepi kammaṃ karontehi yaṃ padesaṃ uddhaṃ vaḍḍhanaudakaṃ vā pakativīci vā vegena āgantvā ottharati, tattha kātuṃ na vaṭṭati. Yasmiṃ pana padese pakativīciyo osaritvā saṇṭhahanti, so udakantato paṭṭhāya anto samuddo nāma, tattha ṭhitehi kammaṃ kātabbaṃ. Sace ūmivego bādhati, nāvāya vā aṭṭake vā ṭhatvā kātabbaṃ. Tesu vinicchayo nadiyaṃ vuttanayeneva veditabbo. Samudde piṭṭhipāsāṇo hoti, taṃ kadāci ūmiyo āgantvā ottharanti, kadāci na ottharanti, tattha kammaṃ kātuṃ na vaṭṭati. So hi gāmasīmāsaṅkhyameva gacchati. Sace pana vīcīsu āgatāsupi anāgatāsupi pakatiudakeneva ottharīyati, vaṭṭati. Dīpako vā pabbato vā hoti, so ce dūre hoti macchabandhānaṃ agamanapathe, araññasīmāsaṅkhyameva gacchati. Tesaṃ gamanapariyantassa orato pana gāmasīmāsaṅkhyaṃ gacchati, tattha gāmasīmaṃ asodhetvā kammaṃ kātuṃ na vaṭṭati. Samuddo gāmasīmaṃ vā nigamasīmaṃ vā ottharitvā tiṭṭhati, samuddova hoti, tattha kammaṃ kātuṃ vaṭṭati. Sace pana vihārasīmaṃ ottharati, vihārasīmātveva saṅkhyaṃ gacchati.

    ж̇аад̇ассарз гаммам̣ гаронд̇зхи яад̇т̇а буб̣б̣з вуд̇д̇аббагаарз вассагаалз вассз бажчиннамад̇д̇з бивид̇ум̣ ваа хад̇т̇абаад̣̇з ваа д̇ховид̇ум̣ уд̣̇агам̣ на ход̇и, сугкад̇и, аяам̣ на ж̇аад̇ассаро, г̇аамакзд̇д̇асан̇кяамзва г̇ажчад̇и, д̇ад̇т̇а гаммам̣ на гаад̇аб̣б̣ам̣. яад̇т̇а бана вуд̇д̇аббагаарз вассагаалз уд̣̇агам̣ санд̇идтад̇и, аяамзва ж̇аад̇ассаро. д̇асса яад̇д̇агз бад̣̇зсз вассаанам̣ жаад̇умаасз уд̣̇агам̣ д̇идтад̇и, д̇ад̇т̇а гаммам̣ гаад̇ум̣ ваддад̇и. сажз г̇амбхийрам̣ уд̣̇агам̣, аддагам̣ б̣анд̇хид̇ваа д̇ад̇т̇а тид̇зхиби ж̇аад̇ассарасса анд̇ож̇аад̇аругкамхи б̣ад̣̇д̇хааддагзби гаад̇ум̣ ваддад̇и. бидтибаасаан̣ад̣̇ийбагзсу банзд̇т̇а над̣̇ияам̣ вуд̇д̇асад̣̇исова винижчаяо. самавассад̣̇звагаалз бахонагаж̇аад̇ассаро бана жзби д̣̇уб̣б̣удтигагаалз ваа г̇имхахзманд̇зсу ваа сугкад̇и, нируд̣̇аго ход̇и, д̇ад̇т̇а сан̇гхагаммам̣ гаад̇ум̣ ваддад̇и. яам̣ анд̇хагадтагат̇ааяам̣ вуд̇д̇ам̣ ‘‘саб̣б̣о ж̇аад̇ассаро сугко анод̣̇аго г̇аамакзд̇д̇ам̣язва бхаж̇ад̇ий’’д̇и, д̇ам̣ на г̇ахзд̇аб̣б̣ам̣. сажз банзд̇т̇а уд̣̇агад̇т̇ааяа ааваадам̣ ваа богкаран̣ийаад̣̇ийни ваа кан̣анд̇и, д̇ам̣ таанам̣ аж̇аад̇ассаро ход̇и, г̇аамасиймаасан̇кяам̣ г̇ажчад̇и. лааб̣уд̇ибусагаад̣̇иваббз гад̇зби зсзва наяо. сажз бана нам̣ буурзд̇ваа т̇алам̣ ваа гаронд̇и, згасмим̣ д̣̇исаабхааг̇з баал̣им̣ б̣анд̇хид̇ваа саб̣б̣амзва нам̣ махаад̇ал̣аагам̣ ваа гаронд̇и, саб̣б̣оби аж̇аад̇ассаро ход̇и, г̇аамасиймаасан̇кяам̣ г̇ажчад̇и. лон̣ийби ж̇аад̇ассарасан̇кяамзва г̇ажчад̇и. вассигз жад̇д̇ааро маасз уд̣̇агадтааногаасз гаммам̣ гаад̇ум̣ ваддад̇ийд̇и. аяам̣ аб̣ад̣̇д̇хасиймааяа винижчаяо.

    Jātassare kammaṃ karontehi yattha pubbe vuttappakāre vassakāle vasse pacchinnamatte pivituṃ vā hatthapāde vā dhovituṃ udakaṃ na hoti, sukkhati, ayaṃ na jātassaro, gāmakhettasaṅkhyameva gacchati, tattha kammaṃ na kātabbaṃ. Yattha pana vuttappakāre vassakāle udakaṃ santiṭṭhati, ayameva jātassaro. Tassa yattake padese vassānaṃ cātumāse udakaṃ tiṭṭhati, tattha kammaṃ kātuṃ vaṭṭati. Sace gambhīraṃ udakaṃ, aṭṭakaṃ bandhitvā tattha ṭhitehipi jātassarassa antojātarukkhamhi baddhaaṭṭakepi kātuṃ vaṭṭati. Piṭṭhipāsāṇadīpakesu panettha nadiyaṃ vuttasadisova vinicchayo. Samavassadevakāle pahonakajātassaro pana cepi dubbuṭṭhikakāle vā gimhahemantesu vā sukkhati, nirudako hoti, tattha saṅghakammaṃ kātuṃ vaṭṭati. Yaṃ andhakaṭṭhakathāyaṃ vuttaṃ ‘‘sabbo jātassaro sukkho anodako gāmakhettaṃyeva bhajatī’’ti, taṃ na gahetabbaṃ. Sace panettha udakatthāya āvāṭaṃ vā pokkharaṇīādīni vā khaṇanti, taṃ ṭhānaṃ ajātassaro hoti, gāmasīmāsaṅkhyaṃ gacchati. Lābutipusakādivappe katepi eseva nayo. Sace pana naṃ pūretvā thalaṃ vā karonti, ekasmiṃ disābhāge pāḷiṃ bandhitvā sabbameva naṃ mahātaḷākaṃ vā karonti, sabbopi ajātassaro hoti, gāmasīmāsaṅkhyaṃ gacchati. Loṇīpi jātassarasaṅkhyameva gacchati. Vassike cattāro māse udakaṭṭhānokāse kammaṃ kātuṃ vaṭṭatīti. Ayaṃ abaddhasīmāya vinicchayo.

    ид̇и баал̣имуд̇д̇агавинаяавинижчаяасан̇г̇ахз

    Iti pāḷimuttakavinayavinicchayasaṅgahe

    сиймаавинижчаяагат̇аа самад̇д̇аа.

    Sīmāvinicchayakathā samattā.




    Next: 25. убосат̇абавааран̣аавинижчаяагат̇аа • 25. Uposathapavāraṇāvinicchayakathā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact