| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
100. ஸீமோக்கந்திகபெய்யாலகதா²
100. Sīmokkantikapeyyālakathā
177. ஆவாஸிகேனஆக³ந்துகபெய்யாலே ஸப்³ப³ங் வேதி³தப்³ப³ந்தி ஸம்ப³ந்தோ⁴. வேதி³தப்³பா³காரங் ஸஹ உபமாய த³ஸ்ஸெந்தோ ஆஹ ‘‘யதா²’’திஆதி³. ஆக³ந்துகேனஆவாஸிகபெய்யாலே பன ஆனேதப்³ப³ந்தி ஸம்ப³ந்தோ⁴. புரிமபெய்யாலேதி ஆவாஸிகேனஆக³ந்துகபெய்யாலே. ஆக³ந்துகேனஆக³ந்துகபெய்யாலே பன யோஜேதப்³போ³தி ஸம்ப³ந்தோ⁴. எத்த² ச பெய்யாலந்தி ஸதி³ஸனயஸ்ஸ ச தங்ஜானநஞாணஸ்ஸ ச பாதப்³ப³ங் ரக்க²னங் பெய்யங், பெய்யங், பெய்யே வா, பெய்யாய வா அலதி ஸமத்தே²தீதி பெய்யாலந்தி வசனத்தோ² காதப்³போ³.
177. Āvāsikenaāgantukapeyyāle sabbaṃ veditabbanti sambandho. Veditabbākāraṃ saha upamāya dassento āha ‘‘yathā’’tiādi. Āgantukenaāvāsikapeyyāle pana ānetabbanti sambandho. Purimapeyyāleti āvāsikenaāgantukapeyyāle. Āgantukenaāgantukapeyyāle pana yojetabboti sambandho. Ettha ca peyyālanti sadisanayassa ca taṃjānanañāṇassa ca pātabbaṃ rakkhanaṃ peyyaṃ, peyyaṃ, peyye vā, peyyāya vā alati samatthetīti peyyālanti vacanattho kātabbo.
178. ஆவாஸிகானங் சாதுத்³த³ஸோ ஹுத்வா கஸ்மா ஆக³ந்துகானங் பன்னரஸோதி ஆஹ ‘‘யேஸ’’ந்திஆதி³ . தத்த² யேஸந்தி ஆக³ந்துகானங். திரோரட்ட²தோதி ஆவாஸிகானங் ரட்ட²ஸ்ஸ அஞ்ஞரட்ட²தோ. திரோஜனபத³தோதி ஏகரட்டே²பி அஞ்ஞஜனபத³தோ. சாதுத்³த³ஸிகங் அகங்ஸூதி ஸஞ்ஞானானத்தவஸேன சாதுத்³த³ஸிகங் அகங்ஸு. அனுவத்திதப்³ப³ந்தி அனுமதிங் வத்திதப்³ப³ங். ந படிக்கோஸிதப்³ப³ந்தி ‘‘ந சாதுத்³த³ஸோ’’தி வத்வா ந வாரிதப்³ப³ங். ந அகாமாதி எத்த² கமுதா⁴து இச்ச²த்தோ², கரணத்தே² ச நிஸ்ஸக்கவசனந்தி ஆஹ ‘‘ந அனிச்சா²ய தா³தப்³பா³’’தி.
178. Āvāsikānaṃ cātuddaso hutvā kasmā āgantukānaṃ pannarasoti āha ‘‘yesa’’ntiādi . Tattha yesanti āgantukānaṃ. Tiroraṭṭhatoti āvāsikānaṃ raṭṭhassa aññaraṭṭhato. Tirojanapadatoti ekaraṭṭhepi aññajanapadato. Cātuddasikaṃ akaṃsūti saññānānattavasena cātuddasikaṃ akaṃsu. Anuvattitabbanti anumatiṃ vattitabbaṃ. Na paṭikkositabbanti ‘‘na cātuddaso’’ti vatvā na vāritabbaṃ. Na akāmāti ettha kamudhātu icchattho, karaṇatthe ca nissakkavacananti āha ‘‘na anicchāya dātabbā’’ti.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 100. ஸீமோக்கந்திகபெய்யாலங் • 100. Sīmokkantikapeyyālaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / ஸீமோக்கந்திகபெய்யாலகதா² • Sīmokkantikapeyyālakathā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / ஸீமோக்கந்திகபெய்யாலகதா²வண்ணனா • Sīmokkantikapeyyālakathāvaṇṇanā
