| Library / Tipiṭaka / ติปิฎก • Tipiṭaka / ปาจิตฺยาทิโยชนาปาฬิ • Pācityādiyojanāpāḷi |
๑๐๐. สีโมกฺกนฺติกเปยฺยาลกถา
100. Sīmokkantikapeyyālakathā
๑๗๗. อาวาสิเกนอาคนฺตุกเปยฺยาเล สพฺพํ เวทิตพฺพนฺติ สมฺพโนฺธฯ เวทิตพฺพาการํ สห อุปมาย ทเสฺสโนฺต อาห ‘‘ยถา’’ติอาทิฯ อาคนฺตุเกนอาวาสิกเปยฺยาเล ปน อาเนตพฺพนฺติ สมฺพโนฺธฯ ปุริมเปยฺยาเลติ อาวาสิเกนอาคนฺตุกเปยฺยาเลฯ อาคนฺตุเกนอาคนฺตุกเปยฺยาเล ปน โยเชตโพฺพติ สมฺพโนฺธฯ เอตฺถ จ เปยฺยาลนฺติ สทิสนยสฺส จ ตํชานนญาณสฺส จ ปาตพฺพํ รกฺขนํ เปยฺยํ, เปยฺยํ, เปเยฺย วา, เปยฺยาย วา อลติ สมเตฺถตีติ เปยฺยาลนฺติ วจนโตฺถ กาตโพฺพฯ
177. Āvāsikenaāgantukapeyyāle sabbaṃ veditabbanti sambandho. Veditabbākāraṃ saha upamāya dassento āha ‘‘yathā’’tiādi. Āgantukenaāvāsikapeyyāle pana ānetabbanti sambandho. Purimapeyyāleti āvāsikenaāgantukapeyyāle. Āgantukenaāgantukapeyyāle pana yojetabboti sambandho. Ettha ca peyyālanti sadisanayassa ca taṃjānanañāṇassa ca pātabbaṃ rakkhanaṃ peyyaṃ, peyyaṃ, peyye vā, peyyāya vā alati samatthetīti peyyālanti vacanattho kātabbo.
๑๗๘. อาวาสิกานํ จาตุทฺทโส หุตฺวา กสฺมา อาคนฺตุกานํ ปนฺนรโสติ อาห ‘‘เยส’’นฺติอาทิ ฯ ตตฺถ เยสนฺติ อาคนฺตุกานํฯ ติโรรฎฺฐโตติ อาวาสิกานํ รฎฺฐสฺส อญฺญรฎฺฐโตฯ ติโรชนปทโตติ เอกรเฎฺฐปิ อญฺญชนปทโตฯ จาตุทฺทสิกํ อกํสูติ สญฺญานานตฺตวเสน จาตุทฺทสิกํ อกํสุฯ อนุวตฺติตพฺพนฺติ อนุมติํ วตฺติตพฺพํฯ น ปฎิโกฺกสิตพฺพนฺติ ‘‘น จาตุทฺทโส’’ติ วตฺวา น วาริตพฺพํฯ น อกามาติ เอตฺถ กมุธาตุ อิจฺฉโตฺถ, กรณเตฺถ จ นิสฺสกฺกวจนนฺติ อาห ‘‘น อนิจฺฉาย ทาตพฺพา’’ติฯ
178. Āvāsikānaṃ cātuddaso hutvā kasmā āgantukānaṃ pannarasoti āha ‘‘yesa’’ntiādi . Tattha yesanti āgantukānaṃ. Tiroraṭṭhatoti āvāsikānaṃ raṭṭhassa aññaraṭṭhato. Tirojanapadatoti ekaraṭṭhepi aññajanapadato. Cātuddasikaṃ akaṃsūti saññānānattavasena cātuddasikaṃ akaṃsu. Anuvattitabbanti anumatiṃ vattitabbaṃ. Na paṭikkositabbanti ‘‘na cātuddaso’’ti vatvā na vāritabbaṃ. Na akāmāti ettha kamudhātu icchattho, karaṇatthe ca nissakkavacananti āha ‘‘na anicchāya dātabbā’’ti.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวคฺคปาฬิ • Mahāvaggapāḷi / ๑๐๐. สีโมกฺกนฺติกเปยฺยาลํ • 100. Sīmokkantikapeyyālaṃ
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวคฺค-อฎฺฐกถา • Mahāvagga-aṭṭhakathā / สีโมกฺกนฺติกเปยฺยาลกถา • Sīmokkantikapeyyālakathā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / สีโมกฺกนฺติกเปยฺยาลกถาวณฺณนา • Sīmokkantikapeyyālakathāvaṇṇanā
