| Library / Tipiṭaka / တိပိဋက • Tipiṭaka / မဟာဝဂ္ဂပာဠိ • Mahāvaggapāḷi |
၁၀၀. သီမောက္ကန္တိကပေယ္ယာလံ
100. Sīmokkantikapeyyālaṃ
၁၇၇. ဣဓ ပန, ဘိက္ခဝေ, အညတရသ္မိံ အာဝာသေ တဒဟုပောသထေ သမ္ဗဟုလာ အာဝာသိကာ ဘိက္ခူ သန္နိပတန္တိ စတ္တာရော ဝာ အတိရေကာ ဝာ။ တေ န ဇာနန္တိ ‘‘အညေ အာဝာသိကာ ဘိက္ခူ အန္တောသီမံ ဩက္ကမန္တီ’’တိ ။ပေ.။ တေ န ဇာနန္တိ ‘‘အညေ အာဝာသိကာ ဘိက္ခူ အန္တောသီမံ ဩက္ကန္တာ’’တိ။ပေ.။ တေ န ပသ္သန္တိ အညေ အာဝာသိကေ ဘိက္ခူ အန္တောသီမံ ဩက္ကမန္တေ ။ပေ.။ တေ န ပသ္သန္တိ အညေ အာဝာသိကေ ဘိက္ခူ အန္တောသီမံ ဩက္ကန္တေ။ပေ.။ တေ န သုဏန္တိ ‘‘အညေ အာဝာသိကာ ဘိက္ခူ အန္တောသီမံ ဩက္ကမန္တီ’’တိ။ပေ.။ တေ န သုဏန္တိ ‘‘အညေ အာဝာသိကာ ဘိက္ခူ အန္တောသီမံ ဩက္ကန္တာ’’တိ။ပေ.။။
177. Idha pana, bhikkhave, aññatarasmiṃ āvāse tadahuposathe sambahulā āvāsikā bhikkhū sannipatanti cattāro vā atirekā vā. Te na jānanti ‘‘aññe āvāsikā bhikkhū antosīmaṃ okkamantī’’ti …pe… te na jānanti ‘‘aññe āvāsikā bhikkhū antosīmaṃ okkantā’’ti…pe… te na passanti aññe āvāsike bhikkhū antosīmaṃ okkamante …pe… te na passanti aññe āvāsike bhikkhū antosīmaṃ okkante…pe… te na suṇanti ‘‘aññe āvāsikā bhikkhū antosīmaṃ okkamantī’’ti…pe… te na suṇanti ‘‘aññe āvāsikā bhikkhū antosīmaṃ okkantā’’ti…pe….
အာဝာသိကေန အာဝာသိကာ ဧကသတပဉ္စသတ္တတိ တိကနယတော, အာဝာသိကေန အာဂန္တုကာ, အာဂန္တုကေန အာဝာသိကာ, အာဂန္တုကေန အာဂန္တုကာ ပေယ္ယာလမုခေန သတ္တ တိကသတာနိ ဟောန္တိ။
Āvāsikena āvāsikā ekasatapañcasattati tikanayato, āvāsikena āgantukā, āgantukena āvāsikā, āgantukena āgantukā peyyālamukhena satta tikasatāni honti.
၁၇၈. ဣဓ ပန, ဘိက္ခဝေ, အာဝာသိကာနံ ဘိက္ခူနံ စာတုဒ္ဒသော ဟောတိ, အာဂန္တုကာနံ ပန္နရသော။ သစေ အာဝာသိကာ ဗဟုတရာ ဟောန္တိ, အာဂန္တုကေဟိ အာဝာသိကာနံ အနုဝတ္တိတဗ္ဗံ။ သစေ သမသမာ ဟောန္တိ, အာဂန္တုကေဟိ အာဝာသိကာနံ အနုဝတ္တိတဗ္ဗံ။ သစေ အာဂန္တုကာ ဗဟုတရာ ဟောန္တိ, အာဝာသိကေဟိ အာဂန္တုကာနံ အနုဝတ္တိတဗ္ဗံ။
178. Idha pana, bhikkhave, āvāsikānaṃ bhikkhūnaṃ cātuddaso hoti, āgantukānaṃ pannaraso. Sace āvāsikā bahutarā honti, āgantukehi āvāsikānaṃ anuvattitabbaṃ. Sace samasamā honti, āgantukehi āvāsikānaṃ anuvattitabbaṃ. Sace āgantukā bahutarā honti, āvāsikehi āgantukānaṃ anuvattitabbaṃ.
ဣဓ ပန, ဘိက္ခဝေ, အာဝာသိကာနံ ဘိက္ခူနံ ပန္နရသော ဟောတိ, အာဂန္တုကာနံ စာတုဒ္ဒသော။ သစေ အာဝာသိကာ ဗဟုတရာ ဟောန္တိ, အာဂန္တုကေဟိ အာဝာသိကာနံ အနုဝတ္တိတဗ္ဗံ။ သစေ သမသမာ ဟောန္တိ, အာဂန္တုကေဟိ အာဝာသိကာနံ အနုဝတ္တိတဗ္ဗံ။ သစေ အာဂန္တုကာ ဗဟုတရာ ဟောန္တိ, အာဝာသိကေဟိ အာဂန္တုကာနံ အနုဝတ္တိတဗ္ဗံ။
Idha pana, bhikkhave, āvāsikānaṃ bhikkhūnaṃ pannaraso hoti, āgantukānaṃ cātuddaso. Sace āvāsikā bahutarā honti, āgantukehi āvāsikānaṃ anuvattitabbaṃ. Sace samasamā honti, āgantukehi āvāsikānaṃ anuvattitabbaṃ. Sace āgantukā bahutarā honti, āvāsikehi āgantukānaṃ anuvattitabbaṃ.
ဣဓ ပန, ဘိက္ခဝေ, အာဝာသိကာနံ ဘိက္ခူနံ ပာဋိပဒော ဟောတိ, အာဂန္တုကာနံ ပန္နရသော။ သစေ အာဝာသိကာ ဗဟုတရာ ဟောန္တိ, အာဝာသိကေဟိ အာဂန္တုကာနံ နာကာမာ ဒာတဗ္ဗာ သာမဂ္ဂီ။ အာဂန္တုကေဟိ နိသ္သီမံ ဂန္တ္ဝာ ဥပောသထော ကာတဗ္ဗော။ သစေ သမသမာ ဟောန္တိ, အာဝာသိကေဟိ အာဂန္တုကာနံ နာကာမာ ဒာတဗ္ဗာ သာမဂ္ဂီ။ အာဂန္တုကေဟိ နိသ္သီမံ ဂန္တ္ဝာ ဥပောသထော ကာတဗ္ဗော။ သစေ အာဂန္တုကာ ဗဟုတရာ ဟောန္တိ, အာဝာသိကေဟိ အာဂန္တုကာနံ သာမဂ္ဂီ ဝာ ဒာတဗ္ဗာ နိသ္သီမံ ဝာ ဂန္တဗ္ဗံ။
Idha pana, bhikkhave, āvāsikānaṃ bhikkhūnaṃ pāṭipado hoti, āgantukānaṃ pannaraso. Sace āvāsikā bahutarā honti, āvāsikehi āgantukānaṃ nākāmā dātabbā sāmaggī. Āgantukehi nissīmaṃ gantvā uposatho kātabbo. Sace samasamā honti, āvāsikehi āgantukānaṃ nākāmā dātabbā sāmaggī. Āgantukehi nissīmaṃ gantvā uposatho kātabbo. Sace āgantukā bahutarā honti, āvāsikehi āgantukānaṃ sāmaggī vā dātabbā nissīmaṃ vā gantabbaṃ.
ဣဓ ပန, ဘိက္ခဝေ, အာဝာသိကာနံ ဘိက္ခူနံ ပန္နရသော ဟောတိ, အာဂန္တုကာနံ
Idha pana, bhikkhave, āvāsikānaṃ bhikkhūnaṃ pannaraso hoti, āgantukānaṃ
ပာဋိပဒော။ သစေ အာဝာသိကာ ဗဟုတရာ ဟောန္တိ, အာဂန္တုကေဟိ အာဝာသိကာနံ သာမဂ္ဂီ ဝာ ဒာတဗ္ဗာ နိသ္သီမံ ဝာ ဂန္တဗ္ဗံ။ သစေ သမသမာ ဟောန္တိ, အာဂန္တုကေဟိ အာဝာသိကာနံ သာမဂ္ဂီ ဝာ ဒာတဗ္ဗာ နိသ္သီမံ ဝာ ဂန္တဗ္ဗံ။ သစေ အာဂန္တုကာ ဗဟုတရာ ဟောန္တိ, အာဂန္တုကေဟိ အာဝာသိကာနံ နာကာမာ ဒာတဗ္ဗာ သာမဂ္ဂီ။ အာဝာသိကေဟိ နိသ္သီမံ ဂန္တ္ဝာ ဥပောသထော ကာတဗ္ဗော။
Pāṭipado. Sace āvāsikā bahutarā honti, āgantukehi āvāsikānaṃ sāmaggī vā dātabbā nissīmaṃ vā gantabbaṃ. Sace samasamā honti, āgantukehi āvāsikānaṃ sāmaggī vā dātabbā nissīmaṃ vā gantabbaṃ. Sace āgantukā bahutarā honti, āgantukehi āvāsikānaṃ nākāmā dātabbā sāmaggī. Āvāsikehi nissīmaṃ gantvā uposatho kātabbo.
သီမောက္ကန္တိကပေယ္ယာလံ နိဋ္ဌိတံ။
Sīmokkantikapeyyālaṃ niṭṭhitaṃ.
Related texts:
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝဂ္ဂ-အဋ္ဌကထာ • Mahāvagga-aṭṭhakathā / သီမောက္ကန္တိကပေယ္ယာလကထာ • Sīmokkantikapeyyālakathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / သီမောက္ကန္တိကပေယ္ယာလကထာဝဏ္ဏနာ • Sīmokkantikapeyyālakathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၁၀၀. သီမောက္ကန္တိကပေယ္ယာလကထာ • 100. Sīmokkantikapeyyālakathā
