| Library / Tipiṭaka / ཏིཔིཊཀ • Tipiṭaka / མཧཱཝགྒཔཱལི༹ • Mahāvaggapāḷi |
༡༠༠. སཱིམོཀྐནྟིཀཔེཡྻཱལཾ
100. Sīmokkantikapeyyālaṃ
༡༧༧. ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུཔོསཐེ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི ཙཏྟཱརོ ཝཱ ཨཏིརེཀཱ ཝཱ། ཏེ ན ཛཱནནྟི ‘‘ཨཉྙེ ཨཱཝཱསིཀཱ བྷིཀྑཱུ ཨནྟོསཱིམཾ ཨོཀྐམནྟཱི’’ཏི …པེ॰… ཏེ ན ཛཱནནྟི ‘‘ཨཉྙེ ཨཱཝཱསིཀཱ བྷིཀྑཱུ ཨནྟོསཱིམཾ ཨོཀྐནྟཱ’’ཏི…པེ॰… ཏེ ན པསྶནྟི ཨཉྙེ ཨཱཝཱསིཀེ བྷིཀྑཱུ ཨནྟོསཱིམཾ ཨོཀྐམནྟེ …པེ॰… ཏེ ན པསྶནྟི ཨཉྙེ ཨཱཝཱསིཀེ བྷིཀྑཱུ ཨནྟོསཱིམཾ ཨོཀྐནྟེ…པེ॰… ཏེ ན སུཎནྟི ‘‘ཨཉྙེ ཨཱཝཱསིཀཱ བྷིཀྑཱུ ཨནྟོསཱིམཾ ཨོཀྐམནྟཱི’’ཏི…པེ॰… ཏེ ན སུཎནྟི ‘‘ཨཉྙེ ཨཱཝཱསིཀཱ བྷིཀྑཱུ ཨནྟོསཱིམཾ ཨོཀྐནྟཱ’’ཏི…པེ॰…།
177. Idha pana, bhikkhave, aññatarasmiṃ āvāse tadahuposathe sambahulā āvāsikā bhikkhū sannipatanti cattāro vā atirekā vā. Te na jānanti ‘‘aññe āvāsikā bhikkhū antosīmaṃ okkamantī’’ti …pe… te na jānanti ‘‘aññe āvāsikā bhikkhū antosīmaṃ okkantā’’ti…pe… te na passanti aññe āvāsike bhikkhū antosīmaṃ okkamante …pe… te na passanti aññe āvāsike bhikkhū antosīmaṃ okkante…pe… te na suṇanti ‘‘aññe āvāsikā bhikkhū antosīmaṃ okkamantī’’ti…pe… te na suṇanti ‘‘aññe āvāsikā bhikkhū antosīmaṃ okkantā’’ti…pe….
ཨཱཝཱསིཀེན ཨཱཝཱསིཀཱ ཨེཀསཏཔཉྩསཏྟཏི ཏིཀནཡཏོ, ཨཱཝཱསིཀེན ཨཱགནྟུཀཱ, ཨཱགནྟུཀེན ཨཱཝཱསིཀཱ, ཨཱགནྟུཀེན ཨཱགནྟུཀཱ པེཡྻཱལམུཁེན སཏྟ ཏིཀསཏཱནི ཧོནྟི།
Āvāsikena āvāsikā ekasatapañcasattati tikanayato, āvāsikena āgantukā, āgantukena āvāsikā, āgantukena āgantukā peyyālamukhena satta tikasatāni honti.
༡༧༨. ཨིདྷ པན, བྷིཀྑཝེ, ཨཱཝཱསིཀཱནཾ བྷིཀྑཱུནཾ ཙཱཏུདྡསོ ཧོཏི, ཨཱགནྟུཀཱནཾ པནྣརསོ། སཙེ ཨཱཝཱསིཀཱ བཧུཏརཱ ཧོནྟི, ཨཱགནྟུཀེཧི ཨཱཝཱསིཀཱནཾ ཨནུཝཏྟིཏབྦཾ། སཙེ སམསམཱ ཧོནྟི, ཨཱགནྟུཀེཧི ཨཱཝཱསིཀཱནཾ ཨནུཝཏྟིཏབྦཾ། སཙེ ཨཱགནྟུཀཱ བཧུཏརཱ ཧོནྟི, ཨཱཝཱསིཀེཧི ཨཱགནྟུཀཱནཾ ཨནུཝཏྟིཏབྦཾ།
178. Idha pana, bhikkhave, āvāsikānaṃ bhikkhūnaṃ cātuddaso hoti, āgantukānaṃ pannaraso. Sace āvāsikā bahutarā honti, āgantukehi āvāsikānaṃ anuvattitabbaṃ. Sace samasamā honti, āgantukehi āvāsikānaṃ anuvattitabbaṃ. Sace āgantukā bahutarā honti, āvāsikehi āgantukānaṃ anuvattitabbaṃ.
ཨིདྷ པན, བྷིཀྑཝེ, ཨཱཝཱསིཀཱནཾ བྷིཀྑཱུནཾ པནྣརསོ ཧོཏི, ཨཱགནྟུཀཱནཾ ཙཱཏུདྡསོ། སཙེ ཨཱཝཱསིཀཱ བཧུཏརཱ ཧོནྟི, ཨཱགནྟུཀེཧི ཨཱཝཱསིཀཱནཾ ཨནུཝཏྟིཏབྦཾ། སཙེ སམསམཱ ཧོནྟི, ཨཱགནྟུཀེཧི ཨཱཝཱསིཀཱནཾ ཨནུཝཏྟིཏབྦཾ། སཙེ ཨཱགནྟུཀཱ བཧུཏརཱ ཧོནྟི, ཨཱཝཱསིཀེཧི ཨཱགནྟུཀཱནཾ ཨནུཝཏྟིཏབྦཾ།
Idha pana, bhikkhave, āvāsikānaṃ bhikkhūnaṃ pannaraso hoti, āgantukānaṃ cātuddaso. Sace āvāsikā bahutarā honti, āgantukehi āvāsikānaṃ anuvattitabbaṃ. Sace samasamā honti, āgantukehi āvāsikānaṃ anuvattitabbaṃ. Sace āgantukā bahutarā honti, āvāsikehi āgantukānaṃ anuvattitabbaṃ.
ཨིདྷ པན, བྷིཀྑཝེ, ཨཱཝཱསིཀཱནཾ བྷིཀྑཱུནཾ པཱཊིཔདོ ཧོཏི, ཨཱགནྟུཀཱནཾ པནྣརསོ། སཙེ ཨཱཝཱསིཀཱ བཧུཏརཱ ཧོནྟི, ཨཱཝཱསིཀེཧི ཨཱགནྟུཀཱནཾ ནཱཀཱམཱ དཱཏབྦཱ སཱམགྒཱི། ཨཱགནྟུཀེཧི ནིསྶཱིམཾ གནྟྭཱ ཨུཔོསཐོ ཀཱཏབྦོ། སཙེ སམསམཱ ཧོནྟི, ཨཱཝཱསིཀེཧི ཨཱགནྟུཀཱནཾ ནཱཀཱམཱ དཱཏབྦཱ སཱམགྒཱི། ཨཱགནྟུཀེཧི ནིསྶཱིམཾ གནྟྭཱ ཨུཔོསཐོ ཀཱཏབྦོ། སཙེ ཨཱགནྟུཀཱ བཧུཏརཱ ཧོནྟི, ཨཱཝཱསིཀེཧི ཨཱགནྟུཀཱནཾ སཱམགྒཱི ཝཱ དཱཏབྦཱ ནིསྶཱིམཾ ཝཱ གནྟབྦཾ།
Idha pana, bhikkhave, āvāsikānaṃ bhikkhūnaṃ pāṭipado hoti, āgantukānaṃ pannaraso. Sace āvāsikā bahutarā honti, āvāsikehi āgantukānaṃ nākāmā dātabbā sāmaggī. Āgantukehi nissīmaṃ gantvā uposatho kātabbo. Sace samasamā honti, āvāsikehi āgantukānaṃ nākāmā dātabbā sāmaggī. Āgantukehi nissīmaṃ gantvā uposatho kātabbo. Sace āgantukā bahutarā honti, āvāsikehi āgantukānaṃ sāmaggī vā dātabbā nissīmaṃ vā gantabbaṃ.
ཨིདྷ པན, བྷིཀྑཝེ, ཨཱཝཱསིཀཱནཾ བྷིཀྑཱུནཾ པནྣརསོ ཧོཏི, ཨཱགནྟུཀཱནཾ
Idha pana, bhikkhave, āvāsikānaṃ bhikkhūnaṃ pannaraso hoti, āgantukānaṃ
པཱཊིཔདོ། སཙེ ཨཱཝཱསིཀཱ བཧུཏརཱ ཧོནྟི, ཨཱགནྟུཀེཧི ཨཱཝཱསིཀཱནཾ སཱམགྒཱི ཝཱ དཱཏབྦཱ ནིསྶཱིམཾ ཝཱ གནྟབྦཾ། སཙེ སམསམཱ ཧོནྟི, ཨཱགནྟུཀེཧི ཨཱཝཱསིཀཱནཾ སཱམགྒཱི ཝཱ དཱཏབྦཱ ནིསྶཱིམཾ ཝཱ གནྟབྦཾ། སཙེ ཨཱགནྟུཀཱ བཧུཏརཱ ཧོནྟི, ཨཱགནྟུཀེཧི ཨཱཝཱསིཀཱནཾ ནཱཀཱམཱ དཱཏབྦཱ སཱམགྒཱི། ཨཱཝཱསིཀེཧི ནིསྶཱིམཾ གནྟྭཱ ཨུཔོསཐོ ཀཱཏབྦོ།
Pāṭipado. Sace āvāsikā bahutarā honti, āgantukehi āvāsikānaṃ sāmaggī vā dātabbā nissīmaṃ vā gantabbaṃ. Sace samasamā honti, āgantukehi āvāsikānaṃ sāmaggī vā dātabbā nissīmaṃ vā gantabbaṃ. Sace āgantukā bahutarā honti, āgantukehi āvāsikānaṃ nākāmā dātabbā sāmaggī. Āvāsikehi nissīmaṃ gantvā uposatho kātabbo.
སཱིམོཀྐནྟིཀཔེཡྻཱལཾ ནིཊྛིཏཾ།
Sīmokkantikapeyyālaṃ niṭṭhitaṃ.
Related texts:
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝགྒ-ཨཊྛཀཐཱ • Mahāvagga-aṭṭhakathā / སཱིམོཀྐནྟིཀཔེཡྻཱལཀཐཱ • Sīmokkantikapeyyālakathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / སཱིམོཀྐནྟིཀཔེཡྻཱལཀཐཱཝཎྞནཱ • Sīmokkantikapeyyālakathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༡༠༠. སཱིམོཀྐནྟིཀཔེཡྻཱལཀཐཱ • 100. Sīmokkantikapeyyālakathā
