| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗਪਾਲ਼ਿ • Mahāvaggapāḷi |
੧੦੦. ਸੀਮੋਕ੍ਕਨ੍ਤਿਕਪੇਯ੍ਯਾਲਂ
100. Sīmokkantikapeyyālaṃ
੧੭੭. ਇਧ ਪਨ, ਭਿਕ੍ਖવੇ, ਅਞ੍ਞਤਰਸ੍ਮਿਂ ਆવਾਸੇ ਤਦਹੁਪੋਸਥੇ ਸਮ੍ਬਹੁਲਾ ਆવਾਸਿਕਾ ਭਿਕ੍ਖੂ ਸਨ੍ਨਿਪਤਨ੍ਤਿ ਚਤ੍ਤਾਰੋ વਾ ਅਤਿਰੇਕਾ વਾ। ਤੇ ਨ ਜਾਨਨ੍ਤਿ ‘‘ਅਞ੍ਞੇ ਆવਾਸਿਕਾ ਭਿਕ੍ਖੂ ਅਨ੍ਤੋਸੀਮਂ ਓਕ੍ਕਮਨ੍ਤੀ’’ਤਿ …ਪੇ॰… ਤੇ ਨ ਜਾਨਨ੍ਤਿ ‘‘ਅਞ੍ਞੇ ਆવਾਸਿਕਾ ਭਿਕ੍ਖੂ ਅਨ੍ਤੋਸੀਮਂ ਓਕ੍ਕਨ੍ਤਾ’’ਤਿ…ਪੇ॰… ਤੇ ਨ ਪਸ੍ਸਨ੍ਤਿ ਅਞ੍ਞੇ ਆવਾਸਿਕੇ ਭਿਕ੍ਖੂ ਅਨ੍ਤੋਸੀਮਂ ਓਕ੍ਕਮਨ੍ਤੇ …ਪੇ॰… ਤੇ ਨ ਪਸ੍ਸਨ੍ਤਿ ਅਞ੍ਞੇ ਆવਾਸਿਕੇ ਭਿਕ੍ਖੂ ਅਨ੍ਤੋਸੀਮਂ ਓਕ੍ਕਨ੍ਤੇ…ਪੇ॰… ਤੇ ਨ ਸੁਣਨ੍ਤਿ ‘‘ਅਞ੍ਞੇ ਆવਾਸਿਕਾ ਭਿਕ੍ਖੂ ਅਨ੍ਤੋਸੀਮਂ ਓਕ੍ਕਮਨ੍ਤੀ’’ਤਿ…ਪੇ॰… ਤੇ ਨ ਸੁਣਨ੍ਤਿ ‘‘ਅਞ੍ਞੇ ਆવਾਸਿਕਾ ਭਿਕ੍ਖੂ ਅਨ੍ਤੋਸੀਮਂ ਓਕ੍ਕਨ੍ਤਾ’’ਤਿ…ਪੇ॰…।
177. Idha pana, bhikkhave, aññatarasmiṃ āvāse tadahuposathe sambahulā āvāsikā bhikkhū sannipatanti cattāro vā atirekā vā. Te na jānanti ‘‘aññe āvāsikā bhikkhū antosīmaṃ okkamantī’’ti …pe… te na jānanti ‘‘aññe āvāsikā bhikkhū antosīmaṃ okkantā’’ti…pe… te na passanti aññe āvāsike bhikkhū antosīmaṃ okkamante …pe… te na passanti aññe āvāsike bhikkhū antosīmaṃ okkante…pe… te na suṇanti ‘‘aññe āvāsikā bhikkhū antosīmaṃ okkamantī’’ti…pe… te na suṇanti ‘‘aññe āvāsikā bhikkhū antosīmaṃ okkantā’’ti…pe….
ਆવਾਸਿਕੇਨ ਆવਾਸਿਕਾ ਏਕਸਤਪਞ੍ਚਸਤ੍ਤਤਿ ਤਿਕਨਯਤੋ, ਆવਾਸਿਕੇਨ ਆਗਨ੍ਤੁਕਾ, ਆਗਨ੍ਤੁਕੇਨ ਆવਾਸਿਕਾ, ਆਗਨ੍ਤੁਕੇਨ ਆਗਨ੍ਤੁਕਾ ਪੇਯ੍ਯਾਲਮੁਖੇਨ ਸਤ੍ਤ ਤਿਕਸਤਾਨਿ ਹੋਨ੍ਤਿ।
Āvāsikena āvāsikā ekasatapañcasattati tikanayato, āvāsikena āgantukā, āgantukena āvāsikā, āgantukena āgantukā peyyālamukhena satta tikasatāni honti.
੧੭੮. ਇਧ ਪਨ, ਭਿਕ੍ਖવੇ, ਆવਾਸਿਕਾਨਂ ਭਿਕ੍ਖੂਨਂ ਚਾਤੁਦ੍ਦਸੋ ਹੋਤਿ, ਆਗਨ੍ਤੁਕਾਨਂ ਪਨ੍ਨਰਸੋ। ਸਚੇ ਆવਾਸਿਕਾ ਬਹੁਤਰਾ ਹੋਨ੍ਤਿ, ਆਗਨ੍ਤੁਕੇਹਿ ਆવਾਸਿਕਾਨਂ ਅਨੁવਤ੍ਤਿਤਬ੍ਬਂ। ਸਚੇ ਸਮਸਮਾ ਹੋਨ੍ਤਿ, ਆਗਨ੍ਤੁਕੇਹਿ ਆવਾਸਿਕਾਨਂ ਅਨੁવਤ੍ਤਿਤਬ੍ਬਂ। ਸਚੇ ਆਗਨ੍ਤੁਕਾ ਬਹੁਤਰਾ ਹੋਨ੍ਤਿ, ਆવਾਸਿਕੇਹਿ ਆਗਨ੍ਤੁਕਾਨਂ ਅਨੁવਤ੍ਤਿਤਬ੍ਬਂ।
178. Idha pana, bhikkhave, āvāsikānaṃ bhikkhūnaṃ cātuddaso hoti, āgantukānaṃ pannaraso. Sace āvāsikā bahutarā honti, āgantukehi āvāsikānaṃ anuvattitabbaṃ. Sace samasamā honti, āgantukehi āvāsikānaṃ anuvattitabbaṃ. Sace āgantukā bahutarā honti, āvāsikehi āgantukānaṃ anuvattitabbaṃ.
ਇਧ ਪਨ, ਭਿਕ੍ਖવੇ, ਆવਾਸਿਕਾਨਂ ਭਿਕ੍ਖੂਨਂ ਪਨ੍ਨਰਸੋ ਹੋਤਿ, ਆਗਨ੍ਤੁਕਾਨਂ ਚਾਤੁਦ੍ਦਸੋ। ਸਚੇ ਆવਾਸਿਕਾ ਬਹੁਤਰਾ ਹੋਨ੍ਤਿ, ਆਗਨ੍ਤੁਕੇਹਿ ਆવਾਸਿਕਾਨਂ ਅਨੁવਤ੍ਤਿਤਬ੍ਬਂ। ਸਚੇ ਸਮਸਮਾ ਹੋਨ੍ਤਿ, ਆਗਨ੍ਤੁਕੇਹਿ ਆવਾਸਿਕਾਨਂ ਅਨੁવਤ੍ਤਿਤਬ੍ਬਂ। ਸਚੇ ਆਗਨ੍ਤੁਕਾ ਬਹੁਤਰਾ ਹੋਨ੍ਤਿ, ਆવਾਸਿਕੇਹਿ ਆਗਨ੍ਤੁਕਾਨਂ ਅਨੁવਤ੍ਤਿਤਬ੍ਬਂ।
Idha pana, bhikkhave, āvāsikānaṃ bhikkhūnaṃ pannaraso hoti, āgantukānaṃ cātuddaso. Sace āvāsikā bahutarā honti, āgantukehi āvāsikānaṃ anuvattitabbaṃ. Sace samasamā honti, āgantukehi āvāsikānaṃ anuvattitabbaṃ. Sace āgantukā bahutarā honti, āvāsikehi āgantukānaṃ anuvattitabbaṃ.
ਇਧ ਪਨ, ਭਿਕ੍ਖવੇ, ਆવਾਸਿਕਾਨਂ ਭਿਕ੍ਖੂਨਂ ਪਾਟਿਪਦੋ ਹੋਤਿ, ਆਗਨ੍ਤੁਕਾਨਂ ਪਨ੍ਨਰਸੋ। ਸਚੇ ਆવਾਸਿਕਾ ਬਹੁਤਰਾ ਹੋਨ੍ਤਿ, ਆવਾਸਿਕੇਹਿ ਆਗਨ੍ਤੁਕਾਨਂ ਨਾਕਾਮਾ ਦਾਤਬ੍ਬਾ ਸਾਮਗ੍ਗੀ। ਆਗਨ੍ਤੁਕੇਹਿ ਨਿਸ੍ਸੀਮਂ ਗਨ੍ਤ੍વਾ ਉਪੋਸਥੋ ਕਾਤਬ੍ਬੋ। ਸਚੇ ਸਮਸਮਾ ਹੋਨ੍ਤਿ, ਆવਾਸਿਕੇਹਿ ਆਗਨ੍ਤੁਕਾਨਂ ਨਾਕਾਮਾ ਦਾਤਬ੍ਬਾ ਸਾਮਗ੍ਗੀ। ਆਗਨ੍ਤੁਕੇਹਿ ਨਿਸ੍ਸੀਮਂ ਗਨ੍ਤ੍વਾ ਉਪੋਸਥੋ ਕਾਤਬ੍ਬੋ। ਸਚੇ ਆਗਨ੍ਤੁਕਾ ਬਹੁਤਰਾ ਹੋਨ੍ਤਿ, ਆવਾਸਿਕੇਹਿ ਆਗਨ੍ਤੁਕਾਨਂ ਸਾਮਗ੍ਗੀ વਾ ਦਾਤਬ੍ਬਾ ਨਿਸ੍ਸੀਮਂ વਾ ਗਨ੍ਤਬ੍ਬਂ।
Idha pana, bhikkhave, āvāsikānaṃ bhikkhūnaṃ pāṭipado hoti, āgantukānaṃ pannaraso. Sace āvāsikā bahutarā honti, āvāsikehi āgantukānaṃ nākāmā dātabbā sāmaggī. Āgantukehi nissīmaṃ gantvā uposatho kātabbo. Sace samasamā honti, āvāsikehi āgantukānaṃ nākāmā dātabbā sāmaggī. Āgantukehi nissīmaṃ gantvā uposatho kātabbo. Sace āgantukā bahutarā honti, āvāsikehi āgantukānaṃ sāmaggī vā dātabbā nissīmaṃ vā gantabbaṃ.
ਇਧ ਪਨ, ਭਿਕ੍ਖવੇ, ਆવਾਸਿਕਾਨਂ ਭਿਕ੍ਖੂਨਂ ਪਨ੍ਨਰਸੋ ਹੋਤਿ, ਆਗਨ੍ਤੁਕਾਨਂ
Idha pana, bhikkhave, āvāsikānaṃ bhikkhūnaṃ pannaraso hoti, āgantukānaṃ
ਪਾਟਿਪਦੋ। ਸਚੇ ਆવਾਸਿਕਾ ਬਹੁਤਰਾ ਹੋਨ੍ਤਿ, ਆਗਨ੍ਤੁਕੇਹਿ ਆવਾਸਿਕਾਨਂ ਸਾਮਗ੍ਗੀ વਾ ਦਾਤਬ੍ਬਾ ਨਿਸ੍ਸੀਮਂ વਾ ਗਨ੍ਤਬ੍ਬਂ। ਸਚੇ ਸਮਸਮਾ ਹੋਨ੍ਤਿ, ਆਗਨ੍ਤੁਕੇਹਿ ਆવਾਸਿਕਾਨਂ ਸਾਮਗ੍ਗੀ વਾ ਦਾਤਬ੍ਬਾ ਨਿਸ੍ਸੀਮਂ વਾ ਗਨ੍ਤਬ੍ਬਂ। ਸਚੇ ਆਗਨ੍ਤੁਕਾ ਬਹੁਤਰਾ ਹੋਨ੍ਤਿ, ਆਗਨ੍ਤੁਕੇਹਿ ਆવਾਸਿਕਾਨਂ ਨਾਕਾਮਾ ਦਾਤਬ੍ਬਾ ਸਾਮਗ੍ਗੀ। ਆવਾਸਿਕੇਹਿ ਨਿਸ੍ਸੀਮਂ ਗਨ੍ਤ੍વਾ ਉਪੋਸਥੋ ਕਾਤਬ੍ਬੋ।
Pāṭipado. Sace āvāsikā bahutarā honti, āgantukehi āvāsikānaṃ sāmaggī vā dātabbā nissīmaṃ vā gantabbaṃ. Sace samasamā honti, āgantukehi āvāsikānaṃ sāmaggī vā dātabbā nissīmaṃ vā gantabbaṃ. Sace āgantukā bahutarā honti, āgantukehi āvāsikānaṃ nākāmā dātabbā sāmaggī. Āvāsikehi nissīmaṃ gantvā uposatho kātabbo.
ਸੀਮੋਕ੍ਕਨ੍ਤਿਕਪੇਯ੍ਯਾਲਂ ਨਿਟ੍ਠਿਤਂ।
Sīmokkantikapeyyālaṃ niṭṭhitaṃ.
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਸੀਮੋਕ੍ਕਨ੍ਤਿਕਪੇਯ੍ਯਾਲਕਥਾ • Sīmokkantikapeyyālakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਸੀਮੋਕ੍ਕਨ੍ਤਿਕਪੇਯ੍ਯਾਲਕਥਾવਣ੍ਣਨਾ • Sīmokkantikapeyyālakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧੦੦. ਸੀਮੋਕ੍ਕਨ੍ਤਿਕਪੇਯ੍ਯਾਲਕਥਾ • 100. Sīmokkantikapeyyālakathā
