| Library / Tipiṭaka / তিপিটক • Tipiṭaka / মহাৰগ্গপাল়ি • Mahāvaggapāḷi |
১৩৩. সীমোত্তন্তিকপেয্যালং
133. Sīmottantikapeyyālaṃ
২২৭. ইধ পন, ভিক্খৰে, অঞ্ঞতরস্মিং আৰাসে তদহু পৰারণায সম্বহুলা আৰাসিকা ভিক্খূ সন্নিপতন্তি, পঞ্চ ৰা অতিরেকা ৰা। তে ন জানন্তি ‘‘অঞ্ঞে আৰাসিকা ভিক্খূ অন্তোসীমং ওক্কমন্তী’’তি…পে॰… তে ন জানন্তি ‘‘অঞ্ঞে আৰাসিকা ভিক্খূ অন্তোসীমং ওক্কন্তা’’তি…পে॰… তে ন পস্সন্তি অঞ্ঞে আৰাসিকে ভিক্খূ অন্তোসীমং ওক্কমন্তে…পে॰… তে ন পস্সন্তি অঞ্ঞে আৰাসিকে ভিক্খূ অন্তোসীমং ওক্কন্তে…পে॰… তে ন সুণন্তি ‘‘অঞ্ঞে আৰাসিকা ভিক্খূ অন্তোসীমং ওক্কমন্তী’’তি…পে॰… তে ন সুণন্তি ‘‘অঞ্ঞে আৰাসিকা ভিক্খূ অন্তোসীমং ওক্কন্তা’’তি…পে॰…।
227. Idha pana, bhikkhave, aññatarasmiṃ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā. Te na jānanti ‘‘aññe āvāsikā bhikkhū antosīmaṃ okkamantī’’ti…pe… te na jānanti ‘‘aññe āvāsikā bhikkhū antosīmaṃ okkantā’’ti…pe… te na passanti aññe āvāsike bhikkhū antosīmaṃ okkamante…pe… te na passanti aññe āvāsike bhikkhū antosīmaṃ okkante…pe… te na suṇanti ‘‘aññe āvāsikā bhikkhū antosīmaṃ okkamantī’’ti…pe… te na suṇanti ‘‘aññe āvāsikā bhikkhū antosīmaṃ okkantā’’ti…pe….
আৰাসিকেন আৰাসিকা একসতপঞ্চসত্ততি তিকনযতো, আৰাসিকেন আগন্তুকা, আগন্তুকেন আৰাসিকা, আগন্তুকেন আগন্তুকা, পেয্যালমুখেন সত্ত তিকসতানি হোন্তি।
Āvāsikena āvāsikā ekasatapañcasattati tikanayato, āvāsikena āgantukā, āgantukena āvāsikā, āgantukena āgantukā, peyyālamukhena satta tikasatāni honti.
সীমোক্কন্তিকপেয্যালং নিট্ঠিতং।
Sīmokkantikapeyyālaṃ niṭṭhitaṃ.
