| Library / Tipiṭaka / ติปิฎก • Tipiṭaka / มหาวคฺคปาฬิ • Mahāvaggapāḷi |
๑๓๓. สีโมตฺตนฺติกเปยฺยาลํ
133. Sīmottantikapeyyālaṃ
๒๒๗. อิธ ปน, ภิกฺขเว, อญฺญตรสฺมิํ อาวาเส ตทหุ ปวารณาย สมฺพหุลา อาวาสิกา ภิกฺขู สนฺนิปตนฺติ, ปญฺจ วา อติเรกา วาฯ เต น ชานนฺติ ‘‘อเญฺญ อาวาสิกา ภิกฺขู อโนฺตสีมํ โอกฺกมนฺตี’’ติ…เป.… เต น ชานนฺติ ‘‘อเญฺญ อาวาสิกา ภิกฺขู อโนฺตสีมํ โอกฺกนฺตา’’ติ…เป.… เต น ปสฺสนฺติ อเญฺญ อาวาสิเก ภิกฺขู อโนฺตสีมํ โอกฺกมเนฺต…เป.… เต น ปสฺสนฺติ อเญฺญ อาวาสิเก ภิกฺขู อโนฺตสีมํ โอกฺกเนฺต…เป.… เต น สุณนฺติ ‘‘อเญฺญ อาวาสิกา ภิกฺขู อโนฺตสีมํ โอกฺกมนฺตี’’ติ…เป.… เต น สุณนฺติ ‘‘อเญฺญ อาวาสิกา ภิกฺขู อโนฺตสีมํ โอกฺกนฺตา’’ติ…เป.…ฯ
227. Idha pana, bhikkhave, aññatarasmiṃ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā. Te na jānanti ‘‘aññe āvāsikā bhikkhū antosīmaṃ okkamantī’’ti…pe… te na jānanti ‘‘aññe āvāsikā bhikkhū antosīmaṃ okkantā’’ti…pe… te na passanti aññe āvāsike bhikkhū antosīmaṃ okkamante…pe… te na passanti aññe āvāsike bhikkhū antosīmaṃ okkante…pe… te na suṇanti ‘‘aññe āvāsikā bhikkhū antosīmaṃ okkamantī’’ti…pe… te na suṇanti ‘‘aññe āvāsikā bhikkhū antosīmaṃ okkantā’’ti…pe….
อาวาสิเกน อาวาสิกา เอกสตปญฺจสตฺตติ ติกนยโต, อาวาสิเกน อาคนฺตุกา, อาคนฺตุเกน อาวาสิกา, อาคนฺตุเกน อาคนฺตุกา, เปยฺยาลมุเขน สตฺต ติกสตานิ โหนฺติฯ
Āvāsikena āvāsikā ekasatapañcasattati tikanayato, āvāsikena āgantukā, āgantukena āvāsikā, āgantukena āgantukā, peyyālamukhena satta tikasatāni honti.
สีโมกฺกนฺติกเปยฺยาลํ นิฎฺฐิตํฯ
Sīmokkantikapeyyālaṃ niṭṭhitaṃ.
