| Library / Tipiṭaka / തിപിടക • Tipiṭaka / മഹാവഗ്ഗപാളി • Mahāvaggapāḷi |
൧൩൩. സീമോത്തന്തികപേയ്യാലം
133. Sīmottantikapeyyālaṃ
൨൨൭. ഇധ പന, ഭിക്ഖവേ, അഞ്ഞതരസ്മിം ആവാസേ തദഹു പവാരണായ സമ്ബഹുലാ ആവാസികാ ഭിക്ഖൂ സന്നിപതന്തി, പഞ്ച വാ അതിരേകാ വാ. തേ ന ജാനന്തി ‘‘അഞ്ഞേ ആവാസികാ ഭിക്ഖൂ അന്തോസീമം ഓക്കമന്തീ’’തി…പേ॰… തേ ന ജാനന്തി ‘‘അഞ്ഞേ ആവാസികാ ഭിക്ഖൂ അന്തോസീമം ഓക്കന്താ’’തി…പേ॰… തേ ന പസ്സന്തി അഞ്ഞേ ആവാസികേ ഭിക്ഖൂ അന്തോസീമം ഓക്കമന്തേ…പേ॰… തേ ന പസ്സന്തി അഞ്ഞേ ആവാസികേ ഭിക്ഖൂ അന്തോസീമം ഓക്കന്തേ…പേ॰… തേ ന സുണന്തി ‘‘അഞ്ഞേ ആവാസികാ ഭിക്ഖൂ അന്തോസീമം ഓക്കമന്തീ’’തി…പേ॰… തേ ന സുണന്തി ‘‘അഞ്ഞേ ആവാസികാ ഭിക്ഖൂ അന്തോസീമം ഓക്കന്താ’’തി…പേ॰….
227. Idha pana, bhikkhave, aññatarasmiṃ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā. Te na jānanti ‘‘aññe āvāsikā bhikkhū antosīmaṃ okkamantī’’ti…pe… te na jānanti ‘‘aññe āvāsikā bhikkhū antosīmaṃ okkantā’’ti…pe… te na passanti aññe āvāsike bhikkhū antosīmaṃ okkamante…pe… te na passanti aññe āvāsike bhikkhū antosīmaṃ okkante…pe… te na suṇanti ‘‘aññe āvāsikā bhikkhū antosīmaṃ okkamantī’’ti…pe… te na suṇanti ‘‘aññe āvāsikā bhikkhū antosīmaṃ okkantā’’ti…pe….
ആവാസികേന ആവാസികാ ഏകസതപഞ്ചസത്തതി തികനയതോ, ആവാസികേന ആഗന്തുകാ, ആഗന്തുകേന ആവാസികാ, ആഗന്തുകേന ആഗന്തുകാ, പേയ്യാലമുഖേന സത്ത തികസതാനി ഹോന്തി.
Āvāsikena āvāsikā ekasatapañcasattati tikanayato, āvāsikena āgantukā, āgantukena āvāsikā, āgantukena āgantukā, peyyālamukhena satta tikasatāni honti.
സീമോക്കന്തികപേയ്യാലം നിട്ഠിതം.
Sīmokkantikapeyyālaṃ niṭṭhitaṃ.
