| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
8. ஸிங்கா³லஸுத்தங்
8. Siṅgālasuttaṃ
164. ஸாவத்தி²யங் விஹரதி…பே॰… ‘‘தா³ருணோ, பி⁴க்க²வே, லாப⁴ஸக்காரஸிலோகோ…பே॰… அதி⁴க³மாய. அஸ்ஸுத்த² நோ தும்ஹே, பி⁴க்க²வே, ரத்தியா பச்சூஸஸமயங் ஜரஸிங்கா³லஸ்ஸ 1 வஸ்ஸமானஸ்ஸா’’தி? ‘‘ஏவங், ப⁴ந்தே’’. ‘‘ஏஸோ கோ², பி⁴க்க²வே, ஜரஸிங்கா³லோ உக்கண்ட³கேன 2 நாம ரோக³ஜாதேன பு²ட்டோ² நேவ பி³லக³தோ ரமதி, ந ருக்க²மூலக³தோ ரமதி, ந அஜ்ஜோ²காஸக³தோ ரமதி; யேன யேன க³ச்ச²தி, யத்த² யத்த² திட்ட²தி, யத்த² யத்த² நிஸீத³தி, யத்த² யத்த² நிபஜ்ஜதி; தத்த² தத்த² அனயப்³யஸனங் ஆபஜ்ஜதி. ஏவமேவ கோ², பி⁴க்க²வே, இதே⁴கச்சோ பி⁴க்கு² லாப⁴ஸக்காரஸிலோகேன அபி⁴பூ⁴தோ பரியாதி³ண்ணசித்தோ நேவ ஸுஞ்ஞாகா³ரக³தோ ரமதி, ந ருக்க²மூலக³தோ ரமதி, ந அஜ்ஜோ²காஸக³தோ ரமதி; யேன யேன க³ச்ச²தி, யத்த² யத்த² திட்ட²தி, யத்த² யத்த² நிஸீத³தி, யத்த² யத்த² நிபஜ்ஜதி; தத்த² தத்த² அனயப்³யஸனங் ஆபஜ்ஜதி. ஏவங் தா³ருணோ கோ², பி⁴க்க²வே, லாப⁴ஸக்காரஸிலோகோ…பே॰… ஏவஞ்ஹி வோ, பி⁴க்க²வே, ஸிக்கி²தப்³ப³’’ந்தி. அட்ட²மங்.
164. Sāvatthiyaṃ viharati…pe… ‘‘dāruṇo, bhikkhave, lābhasakkārasiloko…pe… adhigamāya. Assuttha no tumhe, bhikkhave, rattiyā paccūsasamayaṃ jarasiṅgālassa 3 vassamānassā’’ti? ‘‘Evaṃ, bhante’’. ‘‘Eso kho, bhikkhave, jarasiṅgālo ukkaṇḍakena 4 nāma rogajātena phuṭṭho neva bilagato ramati, na rukkhamūlagato ramati, na ajjhokāsagato ramati; yena yena gacchati, yattha yattha tiṭṭhati, yattha yattha nisīdati, yattha yattha nipajjati; tattha tattha anayabyasanaṃ āpajjati. Evameva kho, bhikkhave, idhekacco bhikkhu lābhasakkārasilokena abhibhūto pariyādiṇṇacitto neva suññāgāragato ramati, na rukkhamūlagato ramati, na ajjhokāsagato ramati; yena yena gacchati, yattha yattha tiṭṭhati, yattha yattha nisīdati, yattha yattha nipajjati; tattha tattha anayabyasanaṃ āpajjati. Evaṃ dāruṇo kho, bhikkhave, lābhasakkārasiloko…pe… evañhi vo, bhikkhave, sikkhitabba’’nti. Aṭṭhamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 8. ஸிங்கா³லஸுத்தவண்ணனா • 8. Siṅgālasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 8. ஸிங்கா³லஸுத்தவண்ணனா • 8. Siṅgālasuttavaṇṇanā
