| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
11. ஸிங்கா³லஸுத்தங்
11. Siṅgālasuttaṃ
233. ஸாவத்தி²யங் விஹரதி…பே॰… ‘‘அஸ்ஸுத்த² நோ தும்ஹே, பி⁴க்க²வே, ரத்தியா பச்சூஸஸமயங் ஜரஸிங்கா³லஸ்ஸ வஸ்ஸமானஸ்ஸா’’தி? ‘‘ஏவங், ப⁴ந்தே’’. ‘‘ஏஸோ கோ², பி⁴க்க²வே, ஜரஸிங்கா³லோ உக்கண்ட³கேன நாம ரோக³ஜாதேன பு²ட்டோ². ஸோ யேன யேன இச்ச²தி தேன தேன க³ச்ச²தி; யத்த² யத்த² இச்ச²தி தத்த² தத்த² திட்ட²தி; யத்த² யத்த² இச்ச²தி தத்த² தத்த² நிஸீத³தி; யத்த² யத்த² இச்ச²தி தத்த² தத்த² நிபஜ்ஜதி; ஸீதகோபி நங் வாதோ உபவாயதி. ஸாது⁴ க்²வஸ்ஸ, பி⁴க்க²வே, யங் இதே⁴கச்சோ ஸக்யபுத்தியபடிஞ்ஞோ ஏவரூபம்பி அத்தபா⁴வபடிலாப⁴ங் படிஸங்வேதி³யேத². தஸ்மாதிஹ, பி⁴க்க²வே , ஏவங் ஸிக்கி²தப்³ப³ங் – ‘அப்பமத்தா விஹரிஸ்ஸாமா’தி. ஏவஞ்ஹி வோ, பி⁴க்க²வே, ஸிக்கி²தப்³ப³’’ந்தி. ஏகாத³ஸமங்.
233. Sāvatthiyaṃ viharati…pe… ‘‘assuttha no tumhe, bhikkhave, rattiyā paccūsasamayaṃ jarasiṅgālassa vassamānassā’’ti? ‘‘Evaṃ, bhante’’. ‘‘Eso kho, bhikkhave, jarasiṅgālo ukkaṇḍakena nāma rogajātena phuṭṭho. So yena yena icchati tena tena gacchati; yattha yattha icchati tattha tattha tiṭṭhati; yattha yattha icchati tattha tattha nisīdati; yattha yattha icchati tattha tattha nipajjati; sītakopi naṃ vāto upavāyati. Sādhu khvassa, bhikkhave, yaṃ idhekacco sakyaputtiyapaṭiñño evarūpampi attabhāvapaṭilābhaṃ paṭisaṃvediyetha. Tasmātiha, bhikkhave , evaṃ sikkhitabbaṃ – ‘appamattā viharissāmā’ti. Evañhi vo, bhikkhave, sikkhitabba’’nti. Ekādasamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 11. ஸிங்கா³லஸுத்தவண்ணனா • 11. Siṅgālasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 11. ஸிங்கா³லஸுத்தவண்ணனா • 11. Siṅgālasuttavaṇṇanā
