Library / Tipiṭaka / д̇ибидага • Tipiṭaka / д̣̇ийгханигааяа • Dīghanikāya

    8. син̇г̇ааласуд̇д̇ам̣

    8. Siṅgālasuttaṃ

    242. звам̣ мз суд̇ам̣ – згам̣ самаяам̣ бхаг̇аваа рааж̇аг̇ахз вихарад̇и взл̣уванз галанд̣̇аганиваабз. д̇зна ко бана самаязна син̇г̇аалаго 1 г̇ахабад̇ибуд̇д̇о гаалассзва удтааяа рааж̇аг̇ахаа нигкамид̇ваа аллавад̇т̇о аллагзсо бан̃ж̇алиго бут̇уд̣̇исаа 2 намассад̇и – бурад̇т̇имам̣ д̣̇исам̣ д̣̇агкин̣ам̣ д̣̇исам̣ бажчимам̣ д̣̇исам̣ уд̇д̇арам̣ д̣̇исам̣ хздтимам̣ д̣̇исам̣ убаримам̣ д̣̇исам̣.

    242. Evaṃ me sutaṃ – ekaṃ samayaṃ bhagavā rājagahe viharati veḷuvane kalandakanivāpe. Tena kho pana samayena siṅgālako 3 gahapatiputto kālasseva uṭṭhāya rājagahā nikkhamitvā allavattho allakeso pañjaliko puthudisā 4 namassati – puratthimaṃ disaṃ dakkhiṇaṃ disaṃ pacchimaṃ disaṃ uttaraṃ disaṃ heṭṭhimaṃ disaṃ uparimaṃ disaṃ.

    243. ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа рааж̇аг̇ахам̣ бин̣д̣ааяа баависи. ад̣̇д̣̇асаа ко бхаг̇аваа син̇г̇аалагам̣ г̇ахабад̇ибуд̇д̇ам̣ гаалассзва вудтааяа рааж̇аг̇ахаа нигкамид̇ваа аллавад̇т̇ам̣ аллагзсам̣ бан̃ж̇алигам̣ бут̇уд̣̇исаа намассанд̇ам̣ – бурад̇т̇имам̣ д̣̇исам̣ д̣̇агкин̣ам̣ д̣̇исам̣ бажчимам̣ д̣̇исам̣ уд̇д̇арам̣ д̣̇исам̣ хздтимам̣ д̣̇исам̣ убаримам̣ д̣̇исам̣. д̣̇исваа син̇г̇аалагам̣ г̇ахабад̇ибуд̇д̇ам̣ зд̇ад̣̇авожа – ‘‘гим̣ ну ко д̇вам̣, г̇ахабад̇ибуд̇д̇а, гаалассзва удтааяа рааж̇аг̇ахаа нигкамид̇ваа аллавад̇т̇о аллагзсо бан̃ж̇алиго бут̇уд̣̇исаа намассаси – бурад̇т̇имам̣ д̣̇исам̣ д̣̇агкин̣ам̣ д̣̇исам̣ бажчимам̣ д̣̇исам̣ уд̇д̇арам̣ д̣̇исам̣ хздтимам̣ д̣̇исам̣ убаримам̣ д̣̇иса’’нд̇и? ‘‘бид̇аа мам̣, бханд̇з, гаалам̣ гаронд̇о звам̣ аважа – ‘д̣̇исаа, д̇аад̇а, намассзяяаасий’д̇и. со ко ахам̣, бханд̇з, бид̇уважанам̣ саггаронд̇о г̇арум̣ гаронд̇о маанзнд̇о бууж̇знд̇о гаалассзва удтааяа рааж̇аг̇ахаа нигкамид̇ваа аллавад̇т̇о аллагзсо бан̃ж̇алиго бут̇уд̣̇исаа намассаами – бурад̇т̇имам̣ д̣̇исам̣ д̣̇агкин̣ам̣ д̣̇исам̣ бажчимам̣ д̣̇исам̣ уд̇д̇арам̣ д̣̇исам̣ хздтимам̣ д̣̇исам̣ убаримам̣ д̣̇иса’’нд̇и.

    243. Atha kho bhagavā pubbaṇhasamayaṃ nivāsetvā pattacīvaramādāya rājagahaṃ piṇḍāya pāvisi. Addasā kho bhagavā siṅgālakaṃ gahapatiputtaṃ kālasseva vuṭṭhāya rājagahā nikkhamitvā allavatthaṃ allakesaṃ pañjalikaṃ puthudisā namassantaṃ – puratthimaṃ disaṃ dakkhiṇaṃ disaṃ pacchimaṃ disaṃ uttaraṃ disaṃ heṭṭhimaṃ disaṃ uparimaṃ disaṃ. Disvā siṅgālakaṃ gahapatiputtaṃ etadavoca – ‘‘kiṃ nu kho tvaṃ, gahapatiputta, kālasseva uṭṭhāya rājagahā nikkhamitvā allavattho allakeso pañjaliko puthudisā namassasi – puratthimaṃ disaṃ dakkhiṇaṃ disaṃ pacchimaṃ disaṃ uttaraṃ disaṃ heṭṭhimaṃ disaṃ uparimaṃ disa’’nti? ‘‘Pitā maṃ, bhante, kālaṃ karonto evaṃ avaca – ‘disā, tāta, namasseyyāsī’ti. So kho ahaṃ, bhante, pituvacanaṃ sakkaronto garuṃ karonto mānento pūjento kālasseva uṭṭhāya rājagahā nikkhamitvā allavattho allakeso pañjaliko puthudisā namassāmi – puratthimaṃ disaṃ dakkhiṇaṃ disaṃ pacchimaṃ disaṃ uttaraṃ disaṃ heṭṭhimaṃ disaṃ uparimaṃ disa’’nti.

    ча д̣̇исаа

    Cha disā

    244. ‘‘на ко, г̇ахабад̇ибуд̇д̇а, арияасса винаяз звам̣ ча д̣̇исаа 5 намассид̇аб̣б̣аа’’д̇и. ‘‘яат̇аа гат̇ам̣ бана, бханд̇з, арияасса винаяз ча д̣̇исаа 6 намассид̇аб̣б̣аа? саад̇ху мз, бханд̇з, бхаг̇аваа д̇ат̇аа д̇хаммам̣ д̣̇зсзд̇у, яат̇аа арияасса винаяз ча д̣̇исаа 7 намассид̇аб̣б̣аа’’д̇и.

    244. ‘‘Na kho, gahapatiputta, ariyassa vinaye evaṃ cha disā 8 namassitabbā’’ti. ‘‘Yathā kathaṃ pana, bhante, ariyassa vinaye cha disā 9 namassitabbā? Sādhu me, bhante, bhagavā tathā dhammaṃ desetu, yathā ariyassa vinaye cha disā 10 namassitabbā’’ti.

    ‘‘д̇зна хи, г̇ахабад̇ибуд̇д̇а сун̣охи саад̇хугам̣ манасигарохи бхаасиссаамий’’д̇и. ‘‘звам̣, бханд̇з’’д̇и ко син̇г̇аалаго г̇ахабад̇ибуд̇д̇о бхаг̇авад̇о бажжассоси. бхаг̇аваа зд̇ад̣̇авожа –

    ‘‘Tena hi, gahapatiputta suṇohi sādhukaṃ manasikarohi bhāsissāmī’’ti. ‘‘Evaṃ, bhante’’ti kho siṅgālako gahapatiputto bhagavato paccassosi. Bhagavā etadavoca –

    ‘‘яад̇о ко, г̇ахабад̇ибуд̇д̇а, арияасаавагасса жад̇д̇ааро гаммагилзсаа бахийнаа хонд̇и, жад̇уухи жа таанзхи баабагаммам̣ на гарод̇и, ча жа бхог̇аанам̣ абааяамукаани на сзвад̇и, со звам̣ жуд̣̇д̣̇аса баабагаабаг̇ад̇о чад̣̇д̣̇исаабадижчаад̣̇ий 11 убхологавиж̇аяааяа бадибанно ход̇и. д̇асса аяан̃жзва лого аарад̣̇д̇хо ход̇и баро жа лого. со гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ад̇и.

    ‘‘Yato kho, gahapatiputta, ariyasāvakassa cattāro kammakilesā pahīnā honti, catūhi ca ṭhānehi pāpakammaṃ na karoti, cha ca bhogānaṃ apāyamukhāni na sevati, so evaṃ cuddasa pāpakāpagato chaddisāpaṭicchādī 12 ubholokavijayāya paṭipanno hoti. Tassa ayañceva loko āraddho hoti paro ca loko. So kāyassa bhedā paraṃ maraṇā sugatiṃ saggaṃ lokaṃ upapajjati.

    жад̇д̇аарогаммагилзсаа

    Cattārokammakilesā

    245. ‘‘гад̇амасса жад̇д̇ааро гаммагилзсаа бахийнаа хонд̇и? баан̣аад̇ибаад̇о ко, г̇ахабад̇ибуд̇д̇а, гаммагилзсо, ад̣̇иннаад̣̇аанам̣ гаммагилзсо, гаамзсумижчаажааро гаммагилзсо, мусааваад̣̇о гаммагилзсо. имасса жад̇д̇ааро гаммагилзсаа бахийнаа хонд̇ий’’д̇и. ид̣̇амавожа бхаг̇аваа, ид̣̇ам̣ вад̇ваана 13 суг̇ад̇о ат̇аабарам̣ зд̇ад̣̇авожа сад̇т̇аа –

    245. ‘‘Katamassa cattāro kammakilesā pahīnā honti? Pāṇātipāto kho, gahapatiputta, kammakileso, adinnādānaṃ kammakileso, kāmesumicchācāro kammakileso, musāvādo kammakileso. Imassa cattāro kammakilesā pahīnā hontī’’ti. Idamavoca bhagavā, idaṃ vatvāna 14 sugato athāparaṃ etadavoca satthā –

    ‘‘баан̣аад̇ибаад̇о ад̣̇иннаад̣̇аанам̣, мусааваад̣̇о жа вужжад̇и;

    ‘‘Pāṇātipāto adinnādānaṃ, musāvādo ca vuccati;

    барад̣̇аараг̇аманан̃жзва, наббасам̣санд̇и бан̣д̣ид̇аа’’д̇и.

    Paradāragamanañceva, nappasaṃsanti paṇḍitā’’ti.

    жад̇удтаанам̣

    Catuṭṭhānaṃ

    246. ‘‘гад̇амзхи жад̇уухи таанзхи баабагаммам̣ на гарод̇и? чанд̣̇ааг̇ад̇им̣ г̇ажчанд̇о баабагаммам̣ гарод̇и, д̣̇осааг̇ад̇им̣ г̇ажчанд̇о баабагаммам̣ гарод̇и, мохааг̇ад̇им̣ г̇ажчанд̇о баабагаммам̣ гарод̇и, бхаяааг̇ад̇им̣ г̇ажчанд̇о баабагаммам̣ гарод̇и. яад̇о ко, г̇ахабад̇ибуд̇д̇а, арияасааваго нзва чанд̣̇ааг̇ад̇им̣ г̇ажчад̇и, на д̣̇осааг̇ад̇им̣ г̇ажчад̇и, на мохааг̇ад̇им̣ г̇ажчад̇и, на бхаяааг̇ад̇им̣ г̇ажчад̇и; имзхи жад̇уухи таанзхи баабагаммам̣ на гарод̇ий’’д̇и. ид̣̇амавожа бхаг̇аваа, ид̣̇ам̣ вад̇ваана суг̇ад̇о ат̇аабарам̣ зд̇ад̣̇авожа сад̇т̇аа –

    246. ‘‘Katamehi catūhi ṭhānehi pāpakammaṃ na karoti? Chandāgatiṃ gacchanto pāpakammaṃ karoti, dosāgatiṃ gacchanto pāpakammaṃ karoti, mohāgatiṃ gacchanto pāpakammaṃ karoti, bhayāgatiṃ gacchanto pāpakammaṃ karoti. Yato kho, gahapatiputta, ariyasāvako neva chandāgatiṃ gacchati, na dosāgatiṃ gacchati, na mohāgatiṃ gacchati, na bhayāgatiṃ gacchati; imehi catūhi ṭhānehi pāpakammaṃ na karotī’’ti. Idamavoca bhagavā, idaṃ vatvāna sugato athāparaṃ etadavoca satthā –

    ‘‘чанд̣̇аа д̣̇осаа бхаяаа мохаа, яо д̇хаммам̣ ад̇ивад̇д̇ад̇и;

    ‘‘Chandā dosā bhayā mohā, yo dhammaṃ ativattati;

    нихийяад̇и яасо д̇асса 15, гаал̣абагкзва жанд̣̇имаа.

    Nihīyati yaso tassa 16, kāḷapakkheva candimā.

    ‘‘чанд̣̇аа д̣̇осаа бхаяаа мохаа, яо д̇хаммам̣ наад̇ивад̇д̇ад̇и;

    ‘‘Chandā dosā bhayā mohā, yo dhammaṃ nātivattati;

    аабуурад̇и яасо д̇асса 17, суггабагкзва 18 жанд̣̇имаа’’д̇и.

    Āpūrati yaso tassa 19, sukkapakkheva 20 candimā’’ti.

    ча абааяамукаани

    Cha apāyamukhāni

    247. ‘‘гад̇амаани ча бхог̇аанам̣ абааяамукаани на сзвад̇и? сураамзраяамаж̇ж̇аббамаад̣̇адтаанаануяог̇о ко, г̇ахабад̇ибуд̇д̇а, бхог̇аанам̣ абааяамукам̣, вигаалависикаажарияаануяог̇о бхог̇аанам̣ абааяамукам̣, самаж̇ж̇аабхижаран̣ам̣ бхог̇аанам̣ абааяамукам̣, ж̇ууд̇аббамаад̣̇адтаанаануяог̇о бхог̇аанам̣ абааяамукам̣, баабамид̇д̇аануяог̇о бхог̇аанам̣ абааяамукам̣, ааласяаануяог̇о 21 бхог̇аанам̣ абааяамукам̣.

    247. ‘‘Katamāni cha bhogānaṃ apāyamukhāni na sevati? Surāmerayamajjappamādaṭṭhānānuyogo kho, gahapatiputta, bhogānaṃ apāyamukhaṃ, vikālavisikhācariyānuyogo bhogānaṃ apāyamukhaṃ, samajjābhicaraṇaṃ bhogānaṃ apāyamukhaṃ, jūtappamādaṭṭhānānuyogo bhogānaṃ apāyamukhaṃ, pāpamittānuyogo bhogānaṃ apāyamukhaṃ, ālasyānuyogo 22 bhogānaṃ apāyamukhaṃ.

    сураамзраяасса ча аад̣̇ийнаваа

    Surāmerayassa cha ādīnavā

    248. ‘‘ча комз, г̇ахабад̇ибуд̇д̇а, аад̣̇ийнаваа сураамзраяамаж̇ж̇аббамаад̣̇адтаанаануяог̇з. санд̣̇идтигаа д̇ханаж̇аани 23, галахаббавад̣дханий, рог̇аанам̣ ааяад̇анам̣, агид̇д̇исан̃ж̇ананий, гобийнанид̣̇ам̣саний , бан̃н̃ааяа д̣̇уб̣б̣алигаран̣ийд̇взва чадтам̣ бад̣̇ам̣ бхавад̇и. имз ко, г̇ахабад̇ибуд̇д̇а, ча аад̣̇ийнаваа сураамзраяамаж̇ж̇аббамаад̣̇адтаанаануяог̇з.

    248. ‘‘Cha khome, gahapatiputta, ādīnavā surāmerayamajjappamādaṭṭhānānuyoge. Sandiṭṭhikā dhanajāni 24, kalahappavaḍḍhanī, rogānaṃ āyatanaṃ, akittisañjananī, kopīnanidaṃsanī , paññāya dubbalikaraṇītveva chaṭṭhaṃ padaṃ bhavati. Ime kho, gahapatiputta, cha ādīnavā surāmerayamajjappamādaṭṭhānānuyoge.

    вигаалажарияааяа ча аад̣̇ийнаваа

    Vikālacariyāya cha ādīnavā

    249. ‘‘ча комз, г̇ахабад̇ибуд̇д̇а, аад̣̇ийнаваа вигаалависикаажарияаануяог̇з. ад̇д̇аабисса аг̇уд̇д̇о арагкид̇о ход̇и, буд̇д̇ад̣̇ааробисса аг̇уд̇д̇о арагкид̇о ход̇и, саабад̇зяяам̣бисса аг̇уд̇д̇ам̣ арагкид̇ам̣ ход̇и, сан̇гияо жа ход̇и баабагзсу таанзсу 25, абхууд̇аважанан̃жа д̇асмим̣ руухад̇и, б̣ахуунан̃жа д̣̇угкад̇хаммаанам̣ бурагкад̇о ход̇и. имз ко, г̇ахабад̇ибуд̇д̇а, ча аад̣̇ийнаваа вигаалависикаажарияаануяог̇з.

    249. ‘‘Cha khome, gahapatiputta, ādīnavā vikālavisikhācariyānuyoge. Attāpissa agutto arakkhito hoti, puttadāropissa agutto arakkhito hoti, sāpateyyaṃpissa aguttaṃ arakkhitaṃ hoti, saṅkiyo ca hoti pāpakesu ṭhānesu 26, abhūtavacanañca tasmiṃ rūhati, bahūnañca dukkhadhammānaṃ purakkhato hoti. Ime kho, gahapatiputta, cha ādīnavā vikālavisikhācariyānuyoge.

    самаж̇ж̇аабхижаран̣асса ча аад̣̇ийнаваа

    Samajjābhicaraṇassa cha ādīnavā

    250. ‘‘ча комз, г̇ахабад̇ибуд̇д̇а, аад̣̇ийнаваа самаж̇ж̇аабхижаран̣з. гва 27 нажжам̣, гва г̇ийд̇ам̣, гва ваад̣̇ид̇ам̣, гва агкаанам̣, гва баан̣иссарам̣, гва гумбхат̇унанд̇и. имз ко, г̇ахабад̇ибуд̇д̇а, ча аад̣̇ийнаваа самаж̇ж̇аабхижаран̣з.

    250. ‘‘Cha khome, gahapatiputta, ādīnavā samajjābhicaraṇe. Kva 28 naccaṃ, kva gītaṃ, kva vāditaṃ, kva akkhānaṃ, kva pāṇissaraṃ, kva kumbhathunanti. Ime kho, gahapatiputta, cha ādīnavā samajjābhicaraṇe.

    ж̇ууд̇аббамаад̣̇асса ча аад̣̇ийнаваа

    Jūtappamādassa cha ādīnavā

    251. ‘‘ча комз, г̇ахабад̇ибуд̇д̇а, аад̣̇ийнаваа ж̇ууд̇аббамаад̣̇адтаанаануяог̇з. ж̇аяам̣ взрам̣ басавад̇и, ж̇ино вид̇д̇аманусожад̇и, санд̣̇идтигаа д̇ханаж̇аани, сабхааг̇ад̇асса 29 важанам̣ на руухад̇и, мид̇д̇аамажжаанам̣ барибхууд̇о ход̇и, ааваахавиваахагаанам̣ абад̇т̇ид̇о ход̇и – ‘агкад̇худ̇д̇о аяам̣ бурисабуг̇г̇ало наалам̣ д̣̇аарабхаран̣ааяаа’д̇и. имз ко, г̇ахабад̇ибуд̇д̇а, ча аад̣̇ийнаваа ж̇ууд̇аббамаад̣̇адтаанаануяог̇з.

    251. ‘‘Cha khome, gahapatiputta, ādīnavā jūtappamādaṭṭhānānuyoge. Jayaṃ veraṃ pasavati, jino vittamanusocati, sandiṭṭhikā dhanajāni, sabhāgatassa 30 vacanaṃ na rūhati, mittāmaccānaṃ paribhūto hoti, āvāhavivāhakānaṃ apatthito hoti – ‘akkhadhutto ayaṃ purisapuggalo nālaṃ dārabharaṇāyā’ti. Ime kho, gahapatiputta, cha ādīnavā jūtappamādaṭṭhānānuyoge.

    баабамид̇д̇ад̇ааяа ча аад̣̇ийнаваа

    Pāpamittatāya cha ādīnavā

    252. ‘‘ча комз, г̇ахабад̇ибуд̇д̇а, аад̣̇ийнаваа баабамид̇д̇аануяог̇з. яз д̇худ̇д̇аа, яз сон̣д̣аа, яз бибаасаа, яз нзгад̇игаа, яз ван̃жанигаа, яз саахасигаа. д̇яаасса мид̇д̇аа хонд̇и д̇з сахааяаа. имз ко, г̇ахабад̇ибуд̇д̇а, ча аад̣̇ийнаваа баабамид̇д̇аануяог̇з.

    252. ‘‘Cha khome, gahapatiputta, ādīnavā pāpamittānuyoge. Ye dhuttā, ye soṇḍā, ye pipāsā, ye nekatikā, ye vañcanikā, ye sāhasikā. Tyāssa mittā honti te sahāyā. Ime kho, gahapatiputta, cha ādīnavā pāpamittānuyoge.

    ааласяасса ча аад̣̇ийнаваа

    Ālasyassa cha ādīnavā

    253. ‘‘ча комз, г̇ахабад̇ибуд̇д̇а, аад̣̇ийнаваа ааласяаануяог̇з. ад̇исийд̇анд̇и гаммам̣ на гарод̇и, ад̇иун̣ханд̇и гаммам̣ на гарод̇и, ад̇исааяанд̇и гаммам̣ на гарод̇и, ад̇ибаад̇од̇и гаммам̣ на гарод̇и, ад̇ичаад̇осмийд̇и гаммам̣ на гарод̇и, ад̇ид̇хаад̇осмийд̇и гаммам̣ на гарод̇и. д̇асса звам̣ гижжаабад̣̇зсаб̣ахуласса вихарад̇о ануббаннаа жзва бхог̇аа нуббаж̇ж̇анд̇и, уббаннаа жа бхог̇аа баригкаяам̣ г̇ажчанд̇и. имз ко, г̇ахабад̇ибуд̇д̇а, ча аад̣̇ийнаваа ааласяаануяог̇з’’д̇и. ид̣̇амавожа бхаг̇аваа, ид̣̇ам̣ вад̇ваана суг̇ад̇о ат̇аабарам̣ зд̇ад̣̇авожа сад̇т̇аа –

    253. ‘‘Cha khome, gahapatiputta, ādīnavā ālasyānuyoge. Atisītanti kammaṃ na karoti, atiuṇhanti kammaṃ na karoti, atisāyanti kammaṃ na karoti, atipātoti kammaṃ na karoti, atichātosmīti kammaṃ na karoti, atidhātosmīti kammaṃ na karoti. Tassa evaṃ kiccāpadesabahulassa viharato anuppannā ceva bhogā nuppajjanti, uppannā ca bhogā parikkhayaṃ gacchanti. Ime kho, gahapatiputta, cha ādīnavā ālasyānuyoge’’ti. Idamavoca bhagavā, idaṃ vatvāna sugato athāparaṃ etadavoca satthā –

    ‘‘ход̇и баанасакаа наама,

    ‘‘Hoti pānasakhā nāma,

    ход̇и саммияасаммияо;

    Hoti sammiyasammiyo;

    яо жа ад̇т̇зсу ж̇аад̇зсу,

    Yo ca atthesu jātesu,

    сахааяо ход̇и со сакаа.

    Sahāyo hoti so sakhā.

    ‘‘уссуурасзяяаа барад̣̇аарасзванаа,

    ‘‘Ussūraseyyā paradārasevanā,

    взраббасаво 31 жа анад̇т̇ад̇аа жа;

    Verappasavo 32 ca anatthatā ca;

    баабаа жа мид̇д̇аа сугад̣̇арияад̇аа жа,

    Pāpā ca mittā sukadariyatā ca,

    зд̇з ча таанаа бурисам̣ д̇хам̣саяанд̇и.

    Ete cha ṭhānā purisaṃ dhaṃsayanti.

    ‘‘баабамид̇д̇о баабасако,

    ‘‘Pāpamitto pāpasakho,

    баабааажаараг̇ожаро;

    Pāpaācāragocaro;

    асмаа логаа барамхаа жа,

    Asmā lokā paramhā ca,

    убхаяаа д̇хам̣сад̇з наро.

    Ubhayā dhaṃsate naro.

    ‘‘агкид̇т̇ияо ваарун̣ий нажжаг̇ийд̇ам̣,

    ‘‘Akkhitthiyo vāruṇī naccagītaṃ,

    д̣̇иваа соббам̣ баарижарияаа агаалз;

    Divā soppaṃ pāricariyā akāle;

    баабаа жа мид̇д̇аа сугад̣̇арияад̇аа жа,

    Pāpā ca mittā sukadariyatā ca,

    зд̇з ча таанаа бурисам̣ д̇хам̣саяанд̇и.

    Ete cha ṭhānā purisaṃ dhaṃsayanti.

    ‘‘агкзхи д̣̇иб̣б̣анд̇и сурам̣ биванд̇и,

    ‘‘Akkhehi dibbanti suraṃ pivanti,

    яанд̇ид̇т̇ияо баан̣асамаа барзсам̣;

    Yantitthiyo pāṇasamā paresaṃ;

    нихийнасзвий на жа вуд̣̇д̇хасзвий 33,

    Nihīnasevī na ca vuddhasevī 34,

    нихийяад̇з гаал̣абагкзва жанд̣̇о.

    Nihīyate kāḷapakkheva cando.

    ‘‘яо ваарун̣ий ад̣̇д̇хано агин̃жано,

    ‘‘Yo vāruṇī addhano akiñcano,

    бибаасо бивам̣ бабааг̇ад̇о 35;

    Pipāso pivaṃ papāgato 36;

    уд̣̇агамива ин̣ам̣ виг̇аахад̇и,

    Udakamiva iṇaṃ vigāhati,

    агулам̣ 37 гаахид̇и киббамад̇д̇ано.

    Akulaṃ 38 kāhiti khippamattano.

    ‘‘на д̣̇иваа соббасийлзна, рад̇д̇имудтаанад̣̇зссинаа 39;

    ‘‘Na divā soppasīlena, rattimuṭṭhānadessinā 40;

    нижжам̣ мад̇д̇зна сон̣д̣зна, саггаа аавасид̇ум̣ гхарам̣.

    Niccaṃ mattena soṇḍena, sakkā āvasituṃ gharaṃ.

    ‘‘ад̇исийд̇ам̣ ад̇иун̣хам̣, ад̇исааяамид̣̇ам̣ аху;

    ‘‘Atisītaṃ atiuṇhaṃ, atisāyamidaṃ ahu;

    ид̇и виссадтагамманд̇з, ад̇т̇аа ажжзнд̇и маан̣авз.

    Iti vissaṭṭhakammante, atthā accenti māṇave.

    ‘‘яод̇ха сийд̇ан̃жа ун̣хан̃жа, д̇ин̣аа бхияяо на ман̃н̃ад̇и;

    ‘‘Yodha sītañca uṇhañca, tiṇā bhiyyo na maññati;

    гарам̣ бурисагижжаани, со сукам̣ 41 на вихааяад̇ий’’д̇и.

    Karaṃ purisakiccāni, so sukhaṃ 42 na vihāyatī’’ti.

    мид̇д̇абад̇ируубагаа

    Mittapatirūpakā

    254. ‘‘жад̇д̇ааромз, г̇ахабад̇ибуд̇д̇а, амид̇д̇аа мид̇д̇абад̇ируубагаа взд̣̇ид̇аб̣б̣аа. ан̃н̃ад̣̇ад̇т̇ухаро амид̇д̇о мид̇д̇абад̇ируубаго взд̣̇ид̇аб̣б̣о, важийбарамо амид̇д̇о мид̇д̇абад̇ируубаго взд̣̇ид̇аб̣б̣о, ануббияабхаан̣ий амид̇д̇о мид̇д̇абад̇ируубаго взд̣̇ид̇аб̣б̣о, абааяасахааяо амид̇д̇о мид̇д̇абад̇ируубаго взд̣̇ид̇аб̣б̣о.

    254. ‘‘Cattārome, gahapatiputta, amittā mittapatirūpakā veditabbā. Aññadatthuharo amitto mittapatirūpako veditabbo, vacīparamo amitto mittapatirūpako veditabbo, anuppiyabhāṇī amitto mittapatirūpako veditabbo, apāyasahāyo amitto mittapatirūpako veditabbo.

    255. ‘‘жад̇уухи ко, г̇ахабад̇ибуд̇д̇а, таанзхи ан̃н̃ад̣̇ад̇т̇ухаро амид̇д̇о мид̇д̇абад̇ируубаго взд̣̇ид̇аб̣б̣о.

    255. ‘‘Catūhi kho, gahapatiputta, ṭhānehi aññadatthuharo amitto mittapatirūpako veditabbo.

    ‘‘ан̃н̃ад̣̇ад̇т̇ухаро ход̇и, аббзна б̣ахумижчад̇и ;

    ‘‘Aññadatthuharo hoti, appena bahumicchati ;

    бхаяасса гижжам̣ гарод̇и, сзвад̇и ад̇т̇агааран̣аа.

    Bhayassa kiccaṃ karoti, sevati atthakāraṇā.

    ‘‘имзхи ко, г̇ахабад̇ибуд̇д̇а, жад̇уухи таанзхи ан̃н̃ад̣̇ад̇т̇ухаро амид̇д̇о мид̇д̇абад̇ируубаго взд̣̇ид̇аб̣б̣о.

    ‘‘Imehi kho, gahapatiputta, catūhi ṭhānehi aññadatthuharo amitto mittapatirūpako veditabbo.

    256. ‘‘жад̇уухи ко, г̇ахабад̇ибуд̇д̇а, таанзхи важийбарамо амид̇д̇о мид̇д̇абад̇ируубаго взд̣̇ид̇аб̣б̣о. ад̇ийд̇зна бадисант̇арад̇и 43, анааг̇ад̇зна бадисант̇арад̇и, нирад̇т̇агзна сан̇г̇ан̣хаад̇и, бажжуббаннзсу гижжзсу б̣яасанам̣ д̣̇ассзд̇и. имзхи ко, г̇ахабад̇ибуд̇д̇а, жад̇уухи таанзхи важийбарамо амид̇д̇о мид̇д̇абад̇ируубаго взд̣̇ид̇аб̣б̣о.

    256. ‘‘Catūhi kho, gahapatiputta, ṭhānehi vacīparamo amitto mittapatirūpako veditabbo. Atītena paṭisantharati 44, anāgatena paṭisantharati, niratthakena saṅgaṇhāti, paccuppannesu kiccesu byasanaṃ dasseti. Imehi kho, gahapatiputta, catūhi ṭhānehi vacīparamo amitto mittapatirūpako veditabbo.

    257. ‘‘жад̇уухи ко, г̇ахабад̇ибуд̇д̇а, таанзхи ануббияабхаан̣ий амид̇д̇о мид̇д̇абад̇ируубаго взд̣̇ид̇аб̣б̣о. баабагам̣бисса 45 ануж̇аанаад̇и, галяаан̣ам̣бисса ануж̇аанаад̇и, саммукаасса ван̣н̣ам̣ бхаасад̇и, бараммукаасса аван̣н̣ам̣ бхаасад̇и. имзхи ко, г̇ахабад̇ибуд̇д̇а, жад̇уухи таанзхи ануббияабхаан̣ий амид̇д̇о мид̇д̇абад̇ируубаго взд̣̇ид̇аб̣б̣о.

    257. ‘‘Catūhi kho, gahapatiputta, ṭhānehi anuppiyabhāṇī amitto mittapatirūpako veditabbo. Pāpakaṃpissa 46 anujānāti, kalyāṇaṃpissa anujānāti, sammukhāssa vaṇṇaṃ bhāsati, parammukhāssa avaṇṇaṃ bhāsati. Imehi kho, gahapatiputta, catūhi ṭhānehi anuppiyabhāṇī amitto mittapatirūpako veditabbo.

    258. ‘‘жад̇уухи ко, г̇ахабад̇ибуд̇д̇а, таанзхи абааяасахааяо амид̇д̇о мид̇д̇абад̇ируубаго взд̣̇ид̇аб̣б̣о . сураамзраяа маж̇ж̇аббамаад̣̇адтаанаануяог̇з сахааяо ход̇и, вигаала висикаа жарияаануяог̇з сахааяо ход̇и, самаж̇ж̇аабхижаран̣з сахааяо ход̇и, ж̇ууд̇аббамаад̣̇адтаанаануяог̇з сахааяо ход̇и. имзхи ко, г̇ахабад̇ибуд̇д̇а, жад̇уухи таанзхи абааяасахааяо амид̇д̇о мид̇д̇абад̇ируубаго взд̣̇ид̇аб̣б̣о’’д̇и.

    258. ‘‘Catūhi kho, gahapatiputta, ṭhānehi apāyasahāyo amitto mittapatirūpako veditabbo . Surāmeraya majjappamādaṭṭhānānuyoge sahāyo hoti, vikāla visikhā cariyānuyoge sahāyo hoti, samajjābhicaraṇe sahāyo hoti, jūtappamādaṭṭhānānuyoge sahāyo hoti. Imehi kho, gahapatiputta, catūhi ṭhānehi apāyasahāyo amitto mittapatirūpako veditabbo’’ti.

    259. ид̣̇амавожа бхаг̇аваа, ид̣̇ам̣ вад̇ваана суг̇ад̇о ат̇аабарам̣ зд̇ад̣̇авожа сад̇т̇аа –

    259. Idamavoca bhagavā, idaṃ vatvāna sugato athāparaṃ etadavoca satthā –

    ‘‘ан̃н̃ад̣̇ад̇т̇ухаро мид̇д̇о, яо жа мид̇д̇о важийбаро 47;

    ‘‘Aññadatthuharo mitto, yo ca mitto vacīparo 48;

    ануббияан̃жа яо ааха, абааязсу жа яо сакаа.

    Anuppiyañca yo āha, apāyesu ca yo sakhā.

    зд̇з амид̇д̇з жад̇д̇ааро, ид̇и вин̃н̃ааяа бан̣д̣ид̇о;

    Ete amitte cattāro, iti viññāya paṇḍito;

    аарагаа бариваж̇ж̇зяяа, маг̇г̇ам̣ бадибхаяам̣ яат̇аа’’д̇и.

    Ārakā parivajjeyya, maggaṃ paṭibhayaṃ yathā’’ti.

    сухад̣̇амид̇д̇о

    Suhadamitto

    260. ‘‘жад̇д̇ааромз , г̇ахабад̇ибуд̇д̇а, мид̇д̇аа сухад̣̇аа взд̣̇ид̇аб̣б̣аа. убагааро 49 мид̇д̇о сухад̣̇о взд̣̇ид̇аб̣б̣о, самаанасукад̣̇угко мид̇д̇о сухад̣̇о взд̣̇ид̇аб̣б̣о, ад̇т̇агкааяий мид̇д̇о сухад̣̇о взд̣̇ид̇аб̣б̣о, анугамбаго мид̇д̇о сухад̣̇о взд̣̇ид̇аб̣б̣о.

    260. ‘‘Cattārome , gahapatiputta, mittā suhadā veditabbā. Upakāro 50 mitto suhado veditabbo, samānasukhadukkho mitto suhado veditabbo, atthakkhāyī mitto suhado veditabbo, anukampako mitto suhado veditabbo.

    261. ‘‘жад̇уухи ко, г̇ахабад̇ибуд̇д̇а, таанзхи убагааро мид̇д̇о сухад̣̇о взд̣̇ид̇аб̣б̣о. бамад̇д̇ам̣ рагкад̇и, бамад̇д̇асса саабад̇зяяам̣ рагкад̇и, бхийд̇асса саран̣ам̣ ход̇и, уббаннзсу гижжагаран̣ийязсу д̇ад̣̇д̣̇иг̇ун̣ам̣ бхог̇ам̣ ануббад̣̇зд̇и. имзхи ко, г̇ахабад̇ибуд̇д̇а, жад̇уухи таанзхи убагааро мид̇д̇о сухад̣̇о взд̣̇ид̇аб̣б̣о.

    261. ‘‘Catūhi kho, gahapatiputta, ṭhānehi upakāro mitto suhado veditabbo. Pamattaṃ rakkhati, pamattassa sāpateyyaṃ rakkhati, bhītassa saraṇaṃ hoti, uppannesu kiccakaraṇīyesu taddiguṇaṃ bhogaṃ anuppadeti. Imehi kho, gahapatiputta, catūhi ṭhānehi upakāro mitto suhado veditabbo.

    262. ‘‘жад̇уухи ко, г̇ахабад̇ибуд̇д̇а, таанзхи самаанасукад̣̇угко мид̇д̇о сухад̣̇о взд̣̇ид̇аб̣б̣о. г̇уяхамасса аажигкад̇и, г̇уяхамасса бариг̇уухад̇и, аабад̣̇аасу на виж̇ахад̇и, ж̇ийвид̇ам̣бисса ад̇т̇ааяа барижжад̇д̇ам̣ ход̇и. имзхи ко, г̇ахабад̇ибуд̇д̇а, жад̇уухи таанзхи самаанасукад̣̇угко мид̇д̇о сухад̣̇о взд̣̇ид̇аб̣б̣о.

    262. ‘‘Catūhi kho, gahapatiputta, ṭhānehi samānasukhadukkho mitto suhado veditabbo. Guyhamassa ācikkhati, guyhamassa parigūhati, āpadāsu na vijahati, jīvitaṃpissa atthāya pariccattaṃ hoti. Imehi kho, gahapatiputta, catūhi ṭhānehi samānasukhadukkho mitto suhado veditabbo.

    263. ‘‘жад̇уухи ко, г̇ахабад̇ибуд̇д̇а, таанзхи ад̇т̇агкааяий мид̇д̇о сухад̣̇о взд̣̇ид̇аб̣б̣о. баабаа ниваарзд̇и, галяаан̣з нивзсзд̇и, ассуд̇ам̣ саавзд̇и, саг̇г̇асса маг̇г̇ам̣ аажигкад̇и. имзхи ко, г̇ахабад̇ибуд̇д̇а, жад̇уухи таанзхи ад̇т̇агкааяий мид̇д̇о сухад̣̇о взд̣̇ид̇аб̣б̣о.

    263. ‘‘Catūhi kho, gahapatiputta, ṭhānehi atthakkhāyī mitto suhado veditabbo. Pāpā nivāreti, kalyāṇe niveseti, assutaṃ sāveti, saggassa maggaṃ ācikkhati. Imehi kho, gahapatiputta, catūhi ṭhānehi atthakkhāyī mitto suhado veditabbo.

    264. ‘‘жад̇уухи ко, г̇ахабад̇ибуд̇д̇а, таанзхи анугамбаго мид̇д̇о сухад̣̇о взд̣̇ид̇аб̣б̣о. абхавзнасса на нанд̣̇ад̇и, бхавзнасса нанд̣̇ад̇и, аван̣н̣ам̣ бхан̣амаанам̣ ниваарзд̇и, ван̣н̣ам̣ бхан̣амаанам̣ басам̣сад̇и. имзхи ко, г̇ахабад̇ибуд̇д̇а, жад̇уухи таанзхи анугамбаго мид̇д̇о сухад̣̇о взд̣̇ид̇аб̣б̣о’’д̇и.

    264. ‘‘Catūhi kho, gahapatiputta, ṭhānehi anukampako mitto suhado veditabbo. Abhavenassa na nandati, bhavenassa nandati, avaṇṇaṃ bhaṇamānaṃ nivāreti, vaṇṇaṃ bhaṇamānaṃ pasaṃsati. Imehi kho, gahapatiputta, catūhi ṭhānehi anukampako mitto suhado veditabbo’’ti.

    265. ид̣̇амавожа бхаг̇аваа, ид̣̇ам̣ вад̇ваана суг̇ад̇о ат̇аабарам̣ зд̇ад̣̇авожа сад̇т̇аа –

    265. Idamavoca bhagavā, idaṃ vatvāna sugato athāparaṃ etadavoca satthā –

    ‘‘убагааро жа яо мид̇д̇о, сукз д̣̇угкз 51 жа яо сакаа 52;

    ‘‘Upakāro ca yo mitto, sukhe dukkhe 53 ca yo sakhā 54;

    ад̇т̇агкааяий жа яо мид̇д̇о, яо жа мид̇д̇аанугамбаго.

    Atthakkhāyī ca yo mitto, yo ca mittānukampako.

    ‘‘зд̇зби мид̇д̇з жад̇д̇ааро, ид̇и вин̃н̃ааяа бан̣д̣ид̇о;

    ‘‘Etepi mitte cattāro, iti viññāya paṇḍito;

    саггажжам̣ баяирубаасзяяа, маад̇аа буд̇д̇ам̣ ва орасам̣;

    Sakkaccaṃ payirupāseyya, mātā puttaṃ va orasaṃ;

    бан̣д̣ид̇о сийласамбанно, ж̇алам̣ аг̇г̇ийва бхаасад̇и.

    Paṇḍito sīlasampanno, jalaṃ aggīva bhāsati.

    ‘‘бхог̇з сам̣харамаанасса, бхамарассзва ирийяад̇о;

    ‘‘Bhoge saṃharamānassa, bhamarasseva irīyato;

    бхог̇аа саннижаяам̣ яанд̇и, ваммиговубажийяад̇и.

    Bhogā sannicayaṃ yanti, vammikovupacīyati.

    ‘‘звам̣ бхог̇з самаахад̇ваа 55, аламад̇д̇о гулз г̇ихий;

    ‘‘Evaṃ bhoge samāhatvā 56, alamatto kule gihī;

    жад̇уд̇хаа вибхаж̇з бхог̇з, са вз мид̇д̇аани г̇ант̇ад̇и.

    Catudhā vibhaje bhoge, sa ve mittāni ganthati.

    ‘‘згзна бхог̇з бхун̃ж̇зяяа, д̣̇вийхи гаммам̣ баяож̇аяз;

    ‘‘Ekena bhoge bhuñjeyya, dvīhi kammaṃ payojaye;

    жад̇уд̇т̇ан̃жа нид̇хаабзяяа, аабад̣̇аасу бхависсад̇ий’’д̇и.

    Catutthañca nidhāpeyya, āpadāsu bhavissatī’’ti.

    чад̣̇д̣̇исаабадижчаад̣̇анаган̣д̣ам̣

    Chaddisāpaṭicchādanakaṇḍaṃ

    266. ‘‘гат̇ан̃жа, г̇ахабад̇ибуд̇д̇а, арияасааваго чад̣̇д̣̇исаабадижчаад̣̇ий ход̇и? ча имаа, г̇ахабад̇ибуд̇д̇а, д̣̇исаа взд̣̇ид̇аб̣б̣аа. бурад̇т̇имаа д̣̇исаа маад̇аабид̇аро взд̣̇ид̇аб̣б̣аа, д̣̇агкин̣аа д̣̇исаа аажарияаа взд̣̇ид̇аб̣б̣аа, бажчимаа д̣̇исаа буд̇д̇ад̣̇аараа взд̣̇ид̇аб̣б̣аа, уд̇д̇араа д̣̇исаа мид̇д̇аамажжаа взд̣̇ид̇аб̣б̣аа, хздтимаа д̣̇исаа д̣̇аасагаммагараа взд̣̇ид̇аб̣б̣аа, убаримаа д̣̇исаа саман̣аб̣раахман̣аа взд̣̇ид̇аб̣б̣аа.

    266. ‘‘Kathañca, gahapatiputta, ariyasāvako chaddisāpaṭicchādī hoti? Cha imā, gahapatiputta, disā veditabbā. Puratthimā disā mātāpitaro veditabbā, dakkhiṇā disā ācariyā veditabbā, pacchimā disā puttadārā veditabbā, uttarā disā mittāmaccā veditabbā, heṭṭhimā disā dāsakammakarā veditabbā, uparimā disā samaṇabrāhmaṇā veditabbā.

    267. ‘‘бан̃жахи ко, г̇ахабад̇ибуд̇д̇а, таанзхи буд̇д̇зна бурад̇т̇имаа д̣̇исаа маад̇аабид̇аро бажжубадтаад̇аб̣б̣аа – бхад̇о нз 57 бхариссаами, гижжам̣ нзсам̣ гариссаами, гулавам̣сам̣ табзссаами, д̣̇ааяаж̇ж̇ам̣ бадибаж̇ж̇аами, ат̇а ваа бана бзд̇аанам̣ гаалан̇гад̇аанам̣ д̣̇агкин̣ам̣ ануббад̣̇ассаамийд̇и. имзхи ко, г̇ахабад̇ибуд̇д̇а, бан̃жахи таанзхи буд̇д̇зна бурад̇т̇имаа д̣̇исаа маад̇аабид̇аро бажжубадтид̇аа бан̃жахи таанзхи буд̇д̇ам̣ анугамбанд̇и. баабаа ниваарзнд̇и, галяаан̣з нивзсзнд̇и, сиббам̣ сигкаабзнд̇и, бад̇ируубзна д̣̇аарзна сам̣яож̇знд̇и, самаяз д̣̇ааяаж̇ж̇ам̣ нияяаад̣̇знд̇и 58. имзхи ко, г̇ахабад̇ибуд̇д̇а, бан̃жахи таанзхи буд̇д̇зна бурад̇т̇имаа д̣̇исаа маад̇аабид̇аро бажжубадтид̇аа имзхи бан̃жахи таанзхи буд̇д̇ам̣ анугамбанд̇и. звамасса зсаа бурад̇т̇имаа д̣̇исаа бадижчаннаа ход̇и кзмаа аббадибхаяаа.

    267. ‘‘Pañcahi kho, gahapatiputta, ṭhānehi puttena puratthimā disā mātāpitaro paccupaṭṭhātabbā – bhato ne 59 bharissāmi, kiccaṃ nesaṃ karissāmi, kulavaṃsaṃ ṭhapessāmi, dāyajjaṃ paṭipajjāmi, atha vā pana petānaṃ kālaṅkatānaṃ dakkhiṇaṃ anuppadassāmīti. Imehi kho, gahapatiputta, pañcahi ṭhānehi puttena puratthimā disā mātāpitaro paccupaṭṭhitā pañcahi ṭhānehi puttaṃ anukampanti. Pāpā nivārenti, kalyāṇe nivesenti, sippaṃ sikkhāpenti, patirūpena dārena saṃyojenti, samaye dāyajjaṃ niyyādenti 60. Imehi kho, gahapatiputta, pañcahi ṭhānehi puttena puratthimā disā mātāpitaro paccupaṭṭhitā imehi pañcahi ṭhānehi puttaṃ anukampanti. Evamassa esā puratthimā disā paṭicchannā hoti khemā appaṭibhayā.

    268. ‘‘бан̃жахи ко, г̇ахабад̇ибуд̇д̇а, таанзхи анд̇зваасинаа д̣̇агкин̣аа д̣̇исаа аажарияаа бажжубадтаад̇аб̣б̣аа – удтаанзна убадтаанзна суссусааяа баарижарияааяа саггажжам̣ сиббабадиг̇г̇ахан̣зна 61. имзхи ко, г̇ахабад̇ибуд̇д̇а, бан̃жахи таанзхи анд̇зваасинаа д̣̇агкин̣аа д̣̇исаа аажарияаа бажжубадтид̇аа бан̃жахи таанзхи анд̇зваасим̣ анугамбанд̇и – сувинийд̇ам̣ винзнд̇и, суг̇г̇ахид̇ам̣ г̇аахаабзнд̇и, саб̣б̣асиббассуд̇ам̣ самагкааяино бхаванд̇и, мид̇д̇аамажжзсу бадияаад̣̇знд̇и 62, д̣̇исаасу барид̇д̇аан̣ам̣ гаронд̇и. имзхи ко, г̇ахабад̇ибуд̇д̇а, бан̃жахи таанзхи анд̇зваасинаа д̣̇агкин̣аа д̣̇исаа аажарияаа бажжубадтид̇аа имзхи бан̃жахи таанзхи анд̇зваасим̣ анугамбанд̇и. звамасса зсаа д̣̇агкин̣аа д̣̇исаа бадижчаннаа ход̇и кзмаа аббадибхаяаа.

    268. ‘‘Pañcahi kho, gahapatiputta, ṭhānehi antevāsinā dakkhiṇā disā ācariyā paccupaṭṭhātabbā – uṭṭhānena upaṭṭhānena sussusāya pāricariyāya sakkaccaṃ sippapaṭiggahaṇena 63. Imehi kho, gahapatiputta, pañcahi ṭhānehi antevāsinā dakkhiṇā disā ācariyā paccupaṭṭhitā pañcahi ṭhānehi antevāsiṃ anukampanti – suvinītaṃ vinenti, suggahitaṃ gāhāpenti, sabbasippassutaṃ samakkhāyino bhavanti, mittāmaccesu paṭiyādenti 64, disāsu parittāṇaṃ karonti. Imehi kho, gahapatiputta, pañcahi ṭhānehi antevāsinā dakkhiṇā disā ācariyā paccupaṭṭhitā imehi pañcahi ṭhānehi antevāsiṃ anukampanti. Evamassa esā dakkhiṇā disā paṭicchannā hoti khemā appaṭibhayā.

    269. ‘‘бан̃жахи ко, г̇ахабад̇ибуд̇д̇а, таанзхи саамигзна бажчимаа д̣̇исаа бхарияаа бажжубадтаад̇аб̣б̣аа – саммаананааяа анавамаананааяа 65 анад̇ижарияааяа иссарияавоссаг̇г̇зна алан̇гаараануббад̣̇аанзна. имзхи ко, г̇ахабад̇ибуд̇д̇а, бан̃жахи таанзхи саамигзна бажчимаа д̣̇исаа бхарияаа бажжубадтид̇аа бан̃жахи таанзхи саамигам̣ анугамбад̇и – сусам̣вихид̇агамманд̇аа жа ход̇и, сан̇г̇ахид̇абариж̇анаа 66 жа, анад̇ижаариний жа, самбхад̇ан̃жа анурагкад̇и, д̣̇агкаа жа ход̇и аналасаа саб̣б̣агижжзсу. имзхи ко, г̇ахабад̇ибуд̇д̇а, бан̃жахи таанзхи саамигзна бажчимаа д̣̇исаа бхарияаа бажжубадтид̇аа имзхи бан̃жахи таанзхи саамигам̣ анугамбад̇и. звамасса зсаа бажчимаа д̣̇исаа бадижчаннаа ход̇и кзмаа аббадибхаяаа.

    269. ‘‘Pañcahi kho, gahapatiputta, ṭhānehi sāmikena pacchimā disā bhariyā paccupaṭṭhātabbā – sammānanāya anavamānanāya 67 anaticariyāya issariyavossaggena alaṅkārānuppadānena. Imehi kho, gahapatiputta, pañcahi ṭhānehi sāmikena pacchimā disā bhariyā paccupaṭṭhitā pañcahi ṭhānehi sāmikaṃ anukampati – susaṃvihitakammantā ca hoti, saṅgahitaparijanā 68 ca, anaticārinī ca, sambhatañca anurakkhati, dakkhā ca hoti analasā sabbakiccesu. Imehi kho, gahapatiputta, pañcahi ṭhānehi sāmikena pacchimā disā bhariyā paccupaṭṭhitā imehi pañcahi ṭhānehi sāmikaṃ anukampati. Evamassa esā pacchimā disā paṭicchannā hoti khemā appaṭibhayā.

    270. ‘‘бан̃жахи ко, г̇ахабад̇ибуд̇д̇а, таанзхи гулабуд̇д̇зна уд̇д̇араа д̣̇исаа мид̇д̇аамажжаа бажжубадтаад̇аб̣б̣аа – д̣̇аанзна бзяяаваж̇ж̇зна 69 ад̇т̇ажарияааяа самаанад̇д̇ад̇ааяа ависам̣ваад̣̇анад̇ааяа. имзхи ко, г̇ахабад̇ибуд̇д̇а, бан̃жахи таанзхи гулабуд̇д̇зна уд̇д̇араа д̣̇исаа мид̇д̇аамажжаа бажжубадтид̇аа бан̃жахи таанзхи гулабуд̇д̇ам̣ анугамбанд̇и – бамад̇д̇ам̣ рагканд̇и, бамад̇д̇асса саабад̇зяяам̣ рагканд̇и, бхийд̇асса саран̣ам̣ хонд̇и, аабад̣̇аасу на виж̇аханд̇и, абарабаж̇аа жасса бадибууж̇знд̇и. имзхи ко, г̇ахабад̇ибуд̇д̇а, бан̃жахи таанзхи гулабуд̇д̇зна уд̇д̇араа д̣̇исаа мид̇д̇аамажжаа бажжубадтид̇аа имзхи бан̃жахи таанзхи гулабуд̇д̇ам̣ анугамбанд̇и. звамасса зсаа уд̇д̇араа д̣̇исаа бадижчаннаа ход̇и кзмаа аббадибхаяаа.

    270. ‘‘Pañcahi kho, gahapatiputta, ṭhānehi kulaputtena uttarā disā mittāmaccā paccupaṭṭhātabbā – dānena peyyavajjena 70 atthacariyāya samānattatāya avisaṃvādanatāya. Imehi kho, gahapatiputta, pañcahi ṭhānehi kulaputtena uttarā disā mittāmaccā paccupaṭṭhitā pañcahi ṭhānehi kulaputtaṃ anukampanti – pamattaṃ rakkhanti, pamattassa sāpateyyaṃ rakkhanti, bhītassa saraṇaṃ honti, āpadāsu na vijahanti, aparapajā cassa paṭipūjenti. Imehi kho, gahapatiputta, pañcahi ṭhānehi kulaputtena uttarā disā mittāmaccā paccupaṭṭhitā imehi pañcahi ṭhānehi kulaputtaṃ anukampanti. Evamassa esā uttarā disā paṭicchannā hoti khemā appaṭibhayā.

    271. ‘‘бан̃жахи ко, г̇ахабад̇ибуд̇д̇а, таанзхи аяяирагзна 71 хздтимаа д̣̇исаа д̣̇аасагаммагараа бажжубадтаад̇аб̣б̣аа – яат̇ааб̣алам̣ гамманд̇асам̣вид̇хаанзна бхад̇д̇авзд̇анаануббад̣̇аанзна г̇илаанубадтаанзна ажчарияаанам̣ расаанам̣ сам̣вибхааг̇зна самаяз воссаг̇г̇зна. имзхи ко, г̇ахабад̇ибуд̇д̇а, бан̃жахи таанзхи аяяирагзна хздтимаа д̣̇исаа д̣̇аасагаммагараа бажжубадтид̇аа бан̃жахи таанзхи аяяирагам̣ анугамбанд̇и – буб̣б̣удтааяино жа хонд̇и, бажчаа нибаад̇ино жа, д̣̇иннаад̣̇ааяино жа, сугад̇агаммагараа жа, гид̇д̇иван̣н̣ахараа жа. имзхи ко, г̇ахабад̇ибуд̇д̇а, бан̃жахи таанзхи аяяирагзна хздтимаа д̣̇исаа д̣̇аасагаммагараа бажжубадтид̇аа имзхи бан̃жахи таанзхи аяяирагам̣ анугамбанд̇и. звамасса зсаа хздтимаа д̣̇исаа бадижчаннаа ход̇и кзмаа аббадибхаяаа.

    271. ‘‘Pañcahi kho, gahapatiputta, ṭhānehi ayyirakena 72 heṭṭhimā disā dāsakammakarā paccupaṭṭhātabbā – yathābalaṃ kammantasaṃvidhānena bhattavetanānuppadānena gilānupaṭṭhānena acchariyānaṃ rasānaṃ saṃvibhāgena samaye vossaggena. Imehi kho, gahapatiputta, pañcahi ṭhānehi ayyirakena heṭṭhimā disā dāsakammakarā paccupaṭṭhitā pañcahi ṭhānehi ayyirakaṃ anukampanti – pubbuṭṭhāyino ca honti, pacchā nipātino ca, dinnādāyino ca, sukatakammakarā ca, kittivaṇṇaharā ca. Imehi kho, gahapatiputta, pañcahi ṭhānehi ayyirakena heṭṭhimā disā dāsakammakarā paccupaṭṭhitā imehi pañcahi ṭhānehi ayyirakaṃ anukampanti. Evamassa esā heṭṭhimā disā paṭicchannā hoti khemā appaṭibhayā.

    272. ‘‘бан̃жахи ко, г̇ахабад̇ибуд̇д̇а, таанзхи гулабуд̇д̇зна убаримаа д̣̇исаа саман̣аб̣раахман̣аа бажжубадтаад̇аб̣б̣аа – мзд̇д̇зна гааяагаммзна мзд̇д̇зна важийгаммзна мзд̇д̇зна маногаммзна анаавадад̣̇ваарад̇ааяа аамисаануббад̣̇аанзна. имзхи ко, г̇ахабад̇ибуд̇д̇а, бан̃жахи таанзхи гулабуд̇д̇зна убаримаа д̣̇исаа саман̣аб̣раахман̣аа бажжубадтид̇аа чахи таанзхи гулабуд̇д̇ам̣ анугамбанд̇и – баабаа ниваарзнд̇и, галяаан̣з нивзсзнд̇и, галяаан̣зна манасаа анугамбанд̇и, ассуд̇ам̣ саавзнд̇и, суд̇ам̣ барияод̣̇аабзнд̇и, саг̇г̇асса маг̇г̇ам̣ аажигканд̇и. имзхи ко, г̇ахабад̇ибуд̇д̇а, бан̃жахи таанзхи гулабуд̇д̇зна убаримаа д̣̇исаа саман̣аб̣раахман̣аа бажжубадтид̇аа имзхи чахи таанзхи гулабуд̇д̇ам̣ анугамбанд̇и. звамасса зсаа убаримаа д̣̇исаа бадижчаннаа ход̇и кзмаа аббадибхаяаа’’д̇и.

    272. ‘‘Pañcahi kho, gahapatiputta, ṭhānehi kulaputtena uparimā disā samaṇabrāhmaṇā paccupaṭṭhātabbā – mettena kāyakammena mettena vacīkammena mettena manokammena anāvaṭadvāratāya āmisānuppadānena. Imehi kho, gahapatiputta, pañcahi ṭhānehi kulaputtena uparimā disā samaṇabrāhmaṇā paccupaṭṭhitā chahi ṭhānehi kulaputtaṃ anukampanti – pāpā nivārenti, kalyāṇe nivesenti, kalyāṇena manasā anukampanti, assutaṃ sāventi, sutaṃ pariyodāpenti, saggassa maggaṃ ācikkhanti. Imehi kho, gahapatiputta, pañcahi ṭhānehi kulaputtena uparimā disā samaṇabrāhmaṇā paccupaṭṭhitā imehi chahi ṭhānehi kulaputtaṃ anukampanti. Evamassa esā uparimā disā paṭicchannā hoti khemā appaṭibhayā’’ti.

    273. ид̣̇амавожа бхаг̇аваа. ид̣̇ам̣ вад̇ваана суг̇ад̇о ат̇аабарам̣ зд̇ад̣̇авожа сад̇т̇аа –

    273. Idamavoca bhagavā. Idaṃ vatvāna sugato athāparaṃ etadavoca satthā –

    ‘‘маад̇аабид̇аа д̣̇исаа буб̣б̣аа, аажарияаа д̣̇агкин̣аа д̣̇исаа;

    ‘‘Mātāpitā disā pubbā, ācariyā dakkhiṇā disā;

    буд̇д̇ад̣̇аараа д̣̇исаа бажчаа, мид̇д̇аамажжаа жа уд̇д̇араа.

    Puttadārā disā pacchā, mittāmaccā ca uttarā.

    ‘‘д̣̇аасагаммагараа хздтаа, уд̣̇д̇хам̣ саман̣аб̣раахман̣аа;

    ‘‘Dāsakammakarā heṭṭhā, uddhaṃ samaṇabrāhmaṇā;

    зд̇аа д̣̇исаа намассзяяа, аламад̇д̇о гулз г̇ихий.

    Etā disā namasseyya, alamatto kule gihī.

    ‘‘бан̣д̣ид̇о сийласамбанно, сан̣хо жа бадибхаанаваа;

    ‘‘Paṇḍito sīlasampanno, saṇho ca paṭibhānavā;

    ниваад̇авуд̇д̇и ад̇т̇ад̣̇д̇хо, д̇аад̣̇исо лабхад̇з яасам̣.

    Nivātavutti atthaddho, tādiso labhate yasaṃ.

    ‘‘удтаанаго аналасо, аабад̣̇аасу на взд̇хад̇и;

    ‘‘Uṭṭhānako analaso, āpadāsu na vedhati;

    ажчиннавуд̇д̇и мзд̇хаавий, д̇аад̣̇исо лабхад̇з яасам̣.

    Acchinnavutti medhāvī, tādiso labhate yasaṃ.

    ‘‘сан̇г̇аахаго мид̇д̇агаро, вад̣̇ан̃н̃уу вийд̇амажчаро;

    ‘‘Saṅgāhako mittakaro, vadaññū vītamaccharo;

    нзд̇аа винзд̇аа анунзд̇аа, д̇аад̣̇исо лабхад̇з яасам̣.

    Netā vinetā anunetā, tādiso labhate yasaṃ.

    ‘‘д̣̇аанан̃жа бзяяаваж̇ж̇ан̃жа, ад̇т̇ажарияаа жа яаа ид̇ха;

    ‘‘Dānañca peyyavajjañca, atthacariyā ca yā idha;

    самаанад̇д̇ад̇аа жа д̇хаммзсу, д̇ад̇т̇а д̇ад̇т̇а яат̇аарахам̣;

    Samānattatā ca dhammesu, tattha tattha yathārahaṃ;

    зд̇з ко сан̇г̇ахаа логз, рат̇ассаан̣ийва яааяад̇о.

    Ete kho saṅgahā loke, rathassāṇīva yāyato.

    ‘‘зд̇з жа сан̇г̇ахаа наассу, на маад̇аа буд̇д̇агааран̣аа;

    ‘‘Ete ca saṅgahā nāssu, na mātā puttakāraṇā;

    лабхзт̇а маанам̣ бууж̇ам̣ ваа, бид̇аа ваа буд̇д̇агааран̣аа.

    Labhetha mānaṃ pūjaṃ vā, pitā vā puttakāraṇā.

    ‘‘яасмаа жа сан̇г̇ахаа 73 зд̇з, саммабзгканд̇и 74 бан̣д̣ид̇аа;

    ‘‘Yasmā ca saṅgahā 75 ete, sammapekkhanti 76 paṇḍitā;

    д̇асмаа махад̇д̇ам̣ баббонд̇и, баасам̣саа жа бхаванд̇и д̇з’’д̇и.

    Tasmā mahattaṃ papponti, pāsaṃsā ca bhavanti te’’ti.

    274. звам̣ вуд̇д̇з, син̇г̇аалаго г̇ахабад̇ибуд̇д̇о бхаг̇аванд̇ам̣ зд̇ад̣̇авожа – ‘‘абхигганд̇ам̣, бханд̇з! абхигганд̇ам̣, бханд̇з! сзяяат̇ааби, бханд̇з, ниггуж̇ж̇ид̇ам̣ ваа уггуж̇ж̇зяяа, бадижчаннам̣ ваа виварзяяа, муул̣хасса ваа маг̇г̇ам̣ аажигкзяяа, анд̇хагаарз ваа д̇злабаж̇ж̇од̇ам̣ д̇хаарзяяа ‘жагкуманд̇о руубаани д̣̇агканд̇ий’д̇и. звамзвам̣ бхаг̇авад̇аа анзгабарияааязна д̇хаммо багаасид̇о. зсаахам̣, бханд̇з, бхаг̇аванд̇ам̣ саран̣ам̣ г̇ажчаами д̇хамман̃жа бхигкусам̣гхан̃жа. убаасагам̣ мам̣ бхаг̇аваа д̇хаарзд̇у, аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и.

    274. Evaṃ vutte, siṅgālako gahapatiputto bhagavantaṃ etadavoca – ‘‘abhikkantaṃ, bhante! Abhikkantaṃ, bhante! Seyyathāpi, bhante, nikkujjitaṃ vā ukkujjeyya, paṭicchannaṃ vā vivareyya, mūḷhassa vā maggaṃ ācikkheyya, andhakāre vā telapajjotaṃ dhāreyya ‘cakkhumanto rūpāni dakkhantī’ti. Evamevaṃ bhagavatā anekapariyāyena dhammo pakāsito. Esāhaṃ, bhante, bhagavantaṃ saraṇaṃ gacchāmi dhammañca bhikkhusaṃghañca. Upāsakaṃ maṃ bhagavā dhāretu, ajjatagge pāṇupetaṃ saraṇaṃ gata’’nti.

    син̇г̇ааласуд̇д̇ам̣ 77 нидтид̇ам̣ адтамам̣.

    Siṅgālasuttaṃ 78 niṭṭhitaṃ aṭṭhamaṃ.




    Next: 9. аадаанаадияасуд̇д̇ам̣ • 9. Āṭānāṭiyasuttaṃ




    Footnotes:
    1. сиг̇аалаго (сий.)
    2. бут̇уд̣̇д̣̇исаа (сий. сяаа. бий.)
    3. sigālako (sī.)
    4. puthuddisā (sī. syā. pī.)
    5. чад̣̇д̣̇исаа (сий. бий.)
    6. чад̣̇д̣̇исаа (сий. бий.)
    7. чад̣̇д̣̇исаа (сий. бий.)
    8. chaddisā (sī. pī.)
    9. chaddisā (sī. pī.)
    10. chaddisā (sī. pī.)
    11. бадижчаад̣̇ий ход̇и (сяаа.)
    12. paṭicchādī hoti (syā.)
    13. ид̣̇ам̣ вад̇ваа (сий. бий.) звамийд̣̇исзсу таанзсу
    14. idaṃ vatvā (sī. pī.) evamīdisesu ṭhānesu
    15. д̇асса язсо (б̣ахуусу, винаязби)
    16. tassa yeso (bahūsu, vinayepi)
    17. д̇асса язсо (б̣ахуусу, винаязби)
    18. ж̇ун̣хабагкзва (га.)
    19. tassa yeso (bahūsu, vinayepi)
    20. juṇhapakkheva (ka.)
    21. ааласаануяог̇о (сий. сяаа. бий.)
    22. ālasānuyogo (sī. syā. pī.)
    23. д̇ханан̃ж̇аани (сий. бий.)
    24. dhanañjāni (sī. pī.)
    25. д̇зсу д̇зсу таанзсу (сяаа.)
    26. tesu tesu ṭhānesu (syā.)
    27. гувам̣ (га. сий. бий.)
    28. kuvaṃ (ka. sī. pī.)
    29. сабхааяз д̇асса (га.)
    30. sabhāye tassa (ka.)
    31. взраббасан̇г̇о (сий. сяаа. бий.)
    32. verappasaṅgo (sī. syā. pī.)
    33. вуд̣̇д̇хисзвий (сяаа.), б̣уд̣̇д̇хисзвий (га.)
    34. vuddhisevī (syā.), buddhisevī (ka.)
    35. бибаасоси ад̇т̇абааг̇ад̇о (сяаа.), бибаасоби самаббабааг̇ад̇о (га.)
    36. pipāsosi atthapāgato (syā.), pipāsopi samappapāgato (ka.)
    37. аагулам̣ (сяаа. га.)
    38. ākulaṃ (syā. ka.)
    39. рад̇д̇инудтаанад̣̇ассинаа (сий. бий.), рад̇д̇инудтаанасийлинаа (?)
    40. rattinuṭṭhānadassinā (sī. pī.), rattinuṭṭhānasīlinā (?)
    41. сукаа (саб̣б̣ад̇т̇а) адтагат̇аа ологзд̇аб̣б̣аа
    42. sukhā (sabbattha) aṭṭhakathā oloketabbā
    43. бадисанд̇харад̇и (га.)
    44. paṭisandharati (ka.)
    45. баабагаммам̣бисса (сяаа.)
    46. pāpakammaṃpissa (syā.)
    47. важийбарамо (сяаа.)
    48. vacīparamo (syā.)
    49. убагаараго (сяаа.)
    50. upakārako (syā.)
    51. сукад̣̇угко (сяаа. га.)
    52. яо жа мид̇д̇о сукз д̣̇угкз (сий. бий.)
    53. sukhadukkho (syā. ka.)
    54. yo ca mitto sukhe dukkhe (sī. pī.)
    55. самаахарид̇ваа (сяаа.)
    56. samāharitvā (syā.)
    57. нзсам̣ (б̣ахуусу)
    58. нияяаад̇знд̇и (га. сий.)
    59. nesaṃ (bahūsu)
    60. niyyātenti (ka. sī.)
    61. сиббам̣ бадиг̇г̇ахан̣зна (сяаа.), сиббауг̇г̇ахан̣зна (га.)
    62. бадивзд̣̇знд̇и (сяаа.)
    63. sippaṃ paṭiggahaṇena (syā.), sippauggahaṇena (ka.)
    64. paṭivedenti (syā.)
    65. авимаананааяа (сяаа. бий.)
    66. сусан̇г̇ахид̇абариж̇анаа (сий. сяаа. бий.)
    67. avimānanāya (syā. pī.)
    68. susaṅgahitaparijanā (sī. syā. pī.)
    69. вияаваж̇ж̇зна (сяаа. га.)
    70. viyavajjena (syā. ka.)
    71. аяирагзна (сий. сяаа. бий.)
    72. ayirakena (sī. syā. pī.)
    73. сан̇г̇ахз (га.) адтагат̇ааяам̣ ижчид̇абаато
    74. самавзгканд̇и (сий. бий. га.)
    75. saṅgahe (ka.) aṭṭhakathāyaṃ icchitapāṭho
    76. samavekkhanti (sī. pī. ka.)
    77. син̇г̇ааловаад̣̇асуд̇д̇анд̇ам̣ (бий.)
    78. siṅgālovādasuttantaṃ (pī.)



    Related texts:



    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / д̣̇ийгха нигааяа (адтагат̇аа) • Dīgha nikāya (aṭṭhakathā) / 8. син̇г̇ааласуд̇д̇аван̣н̣анаа • 8. Siṅgālasuttavaṇṇanā

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / д̣̇ийгханигааяа (дийгаа) • Dīghanikāya (ṭīkā) / 8. син̇г̇ааласуд̇д̇аван̣н̣анаа • 8. Siṅgālasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact