Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya

    8. син̇г̇ааласуд̇д̇ам̣

    8. Siṅgālasuttaṃ

    164. саавад̇т̇ияам̣ вихарад̇и…бз… ‘‘д̣̇аарун̣о, бхигкавз, лаабхасаггаарасилого…бз… ад̇хиг̇амааяа. ассуд̇т̇а но д̇умхз, бхигкавз, рад̇д̇ияаа бажжуусасамаяам̣ ж̇арасин̇г̇ааласса 1 вассамаанассаа’’д̇и? ‘‘звам̣, бханд̇з’’. ‘‘зсо ко, бхигкавз, ж̇арасин̇г̇аало угган̣д̣агзна 2 наама рог̇аж̇аад̇зна пудто нзва б̣илаг̇ад̇о рамад̇и, на ругкамуулаг̇ад̇о рамад̇и, на аж̇жхогаасаг̇ад̇о рамад̇и; язна язна г̇ажчад̇и, яад̇т̇а яад̇т̇а д̇идтад̇и, яад̇т̇а яад̇т̇а нисийд̣̇ад̇и, яад̇т̇а яад̇т̇а нибаж̇ж̇ад̇и; д̇ад̇т̇а д̇ад̇т̇а анаяаб̣яасанам̣ аабаж̇ж̇ад̇и. звамзва ко, бхигкавз, ид̇хзгажжо бхигку лаабхасаггаарасилогзна абхибхууд̇о барияаад̣̇ин̣н̣ажид̇д̇о нзва сун̃н̃ааг̇аараг̇ад̇о рамад̇и, на ругкамуулаг̇ад̇о рамад̇и, на аж̇жхогаасаг̇ад̇о рамад̇и; язна язна г̇ажчад̇и, яад̇т̇а яад̇т̇а д̇идтад̇и, яад̇т̇а яад̇т̇а нисийд̣̇ад̇и, яад̇т̇а яад̇т̇а нибаж̇ж̇ад̇и; д̇ад̇т̇а д̇ад̇т̇а анаяаб̣яасанам̣ аабаж̇ж̇ад̇и. звам̣ д̣̇аарун̣о ко, бхигкавз, лаабхасаггаарасилого…бз… зван̃хи во, бхигкавз, сигкид̇аб̣б̣а’’нд̇и. адтамам̣.

    164. Sāvatthiyaṃ viharati…pe… ‘‘dāruṇo, bhikkhave, lābhasakkārasiloko…pe… adhigamāya. Assuttha no tumhe, bhikkhave, rattiyā paccūsasamayaṃ jarasiṅgālassa 3 vassamānassā’’ti? ‘‘Evaṃ, bhante’’. ‘‘Eso kho, bhikkhave, jarasiṅgālo ukkaṇḍakena 4 nāma rogajātena phuṭṭho neva bilagato ramati, na rukkhamūlagato ramati, na ajjhokāsagato ramati; yena yena gacchati, yattha yattha tiṭṭhati, yattha yattha nisīdati, yattha yattha nipajjati; tattha tattha anayabyasanaṃ āpajjati. Evameva kho, bhikkhave, idhekacco bhikkhu lābhasakkārasilokena abhibhūto pariyādiṇṇacitto neva suññāgāragato ramati, na rukkhamūlagato ramati, na ajjhokāsagato ramati; yena yena gacchati, yattha yattha tiṭṭhati, yattha yattha nisīdati, yattha yattha nipajjati; tattha tattha anayabyasanaṃ āpajjati. Evaṃ dāruṇo kho, bhikkhave, lābhasakkārasiloko…pe… evañhi vo, bhikkhave, sikkhitabba’’nti. Aṭṭhamaṃ.




    Next: 9. взрамбхасуд̇д̇ам̣ • 9. Verambhasuttaṃ




    Footnotes:
    1. син̇г̇ааласса (га.), ж̇арасиг̇ааласса (сий. сяаа. гам̣.)
    2. угган̣д̣агзна (сий.), угган̣н̣агзна (сяаа. гам̣. бий.)
    3. siṅgālassa (ka.), jarasigālassa (sī. syā. kaṃ.)
    4. ukkaṇḍakena (sī.), ukkaṇṇakena (syā. kaṃ. pī.)



    Related texts:



    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8. син̇г̇ааласуд̇д̇аван̣н̣анаа • 8. Siṅgālasuttavaṇṇanā

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8. син̇г̇ааласуд̇д̇аван̣н̣анаа • 8. Siṅgālasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact