| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๘. สิงฺคาลสุตฺตวณฺณนา
8. Siṅgālasuttavaṇṇanā
๑๖๔. อฎฺฐเม สิงฺคาโลติ ชรสิงฺคาโลฯ ยถา หิ สุวณฺณวโณฺณปิ กาโย ปูติกาโย เตฺวว, ตํขณํ คฬิตมฺปิ จ มุตฺตํ ปูติมุตฺตเนฺตฺวว วุจฺจติ, เอวํ ตทหุชาโตปิ สิงฺคาโล ชรสิงฺคาโลเตฺวว วุจฺจติฯ อุกฺกณฺฎเกน นามาติ เอวํนามเกน โรเคนฯ โส กิร สีตกาเล อุปฺปชฺชติฯ ตสฺมิํ อุปฺปเนฺน สกลสรีรโต โลมานิ ปตนฺติ, สกลสรีรํ นิโลฺลมํ หุตฺวา, สมนฺตโต ผุฎติ, วาตพฺภาหตา วณา รุชฺชนฺติฯ ยถา อุมฺมตฺตกสุนเขน ทโฎฺฐ ปุริโส อนวฎฺฐิโตว ภมติ, เอวํ ตสฺมิํ อุปฺปเนฺน ภมิตโพฺพ โหติ, อสุกฎฺฐาเน โสตฺถิ ภวิสฺสตีติ น ปญฺญายติฯ อฎฺฐมํฯ
164. Aṭṭhame siṅgāloti jarasiṅgālo. Yathā hi suvaṇṇavaṇṇopi kāyo pūtikāyo tveva, taṃkhaṇaṃ gaḷitampi ca muttaṃ pūtimuttantveva vuccati, evaṃ tadahujātopi siṅgālo jarasiṅgālotveva vuccati. Ukkaṇṭakena nāmāti evaṃnāmakena rogena. So kira sītakāle uppajjati. Tasmiṃ uppanne sakalasarīrato lomāni patanti, sakalasarīraṃ nillomaṃ hutvā, samantato phuṭati, vātabbhāhatā vaṇā rujjanti. Yathā ummattakasunakhena daṭṭho puriso anavaṭṭhitova bhamati, evaṃ tasmiṃ uppanne bhamitabbo hoti, asukaṭṭhāne sotthi bhavissatīti na paññāyati. Aṭṭhamaṃ.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๘. สิงฺคาลสุตฺตํ • 8. Siṅgālasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๘. สิงฺคาลสุตฺตวณฺณนา • 8. Siṅgālasuttavaṇṇanā
