| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၈. သိင္ဂာလသုတ္တဝဏ္ဏနာ
8. Siṅgālasuttavaṇṇanā
၁၆၄. အဋ္ဌမေ သိင္ဂာလောတိ ဇရသိင္ဂာလော။ ယထာ ဟိ သုဝဏ္ဏဝဏ္ဏောပိ ကာယော ပူတိကာယော တ္ဝေဝ, တံခဏံ ဂဠိတမ္ပိ စ မုတ္တံ ပူတိမုတ္တန္တ္ဝေဝ ဝုစ္စတိ, ဧဝံ တဒဟုဇာတောပိ သိင္ဂာလော ဇရသိင္ဂာလောတ္ဝေဝ ဝုစ္စတိ။ ဥက္ကဏ္ဋကေန နာမာတိ ဧဝံနာမကေန ရောဂေန။ သော ကိရ သီတကာလေ ဥပ္ပဇ္ဇတိ။ တသ္မိံ ဥပ္ပန္နေ သကလသရီရတော လောမာနိ ပတန္တိ, သကလသရီရံ နိလ္လောမံ ဟုတ္ဝာ, သမန္တတော ဖုဋတိ, ဝာတဗ္ဘာဟတာ ဝဏာ ရုဇ္ဇန္တိ။ ယထာ ဥမ္မတ္တကသုနခေန ဒဋ္ဌော ပုရိသော အနဝဋ္ဌိတောဝ ဘမတိ, ဧဝံ တသ္မိံ ဥပ္ပန္နေ ဘမိတဗ္ဗော ဟောတိ, အသုကဋ္ဌာနေ သောတ္ထိ ဘဝိသ္သတီတိ န ပညာယတိ။ အဋ္ဌမံ။
164. Aṭṭhame siṅgāloti jarasiṅgālo. Yathā hi suvaṇṇavaṇṇopi kāyo pūtikāyo tveva, taṃkhaṇaṃ gaḷitampi ca muttaṃ pūtimuttantveva vuccati, evaṃ tadahujātopi siṅgālo jarasiṅgālotveva vuccati. Ukkaṇṭakena nāmāti evaṃnāmakena rogena. So kira sītakāle uppajjati. Tasmiṃ uppanne sakalasarīrato lomāni patanti, sakalasarīraṃ nillomaṃ hutvā, samantato phuṭati, vātabbhāhatā vaṇā rujjanti. Yathā ummattakasunakhena daṭṭho puriso anavaṭṭhitova bhamati, evaṃ tasmiṃ uppanne bhamitabbo hoti, asukaṭṭhāne sotthi bhavissatīti na paññāyati. Aṭṭhamaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၈. သိင္ဂာလသုတ္တံ • 8. Siṅgālasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၈. သိင္ဂာလသုတ္တဝဏ္ဏနာ • 8. Siṅgālasuttavaṇṇanā
